Bylykbashi

INTERVISTE-BYLYKBASHI-E-PLOTE.mpg_snapshot_04.12-1280x720.jpg
ent ela17:42 | 18/12/2018

Partia Socialiste sipas Partisë Demokratike ka paraqitur një draft të njëanshëm amendamentesh për Kodin Zgjedhor. Me këtë veprim socialistet thotë bashkëkryetari i komisionit paralamentar ad-hoc për reformën zgjedhore Oerd Bylykbashi po minojnë reformën zgjedhore.

“Parlamenti mund të votoje vetëm amendamente që miratohen nga Komisioni i Reformës Zgjedhore. Veprimi i sotëm i Partisë Socialiste ka si qëllim vetëm prishjen e urave të konsensusit për rregulla loje që pamundësojnë ripërtëritjen e shkeljeve dhe manipulimeve të zgjedhjeve që konstatoi  raporti i OSBE-ODIHR në vitin 2017”  thotë Bylykbashi përmes një deklarate për shtyp.

Qeveria sipas Bylykbashkit nuk ka bërë asnjë përpjekje për të zgjidhur problemin e 1.4 milionë letërnjoftimeve që skadojnë deri ditën e zgjedhjeve, as për të vënë në jetë projektin pilot të votimit elektronik, si mjet kundër mashtrimeve zgjedhore apo presionit mbi administratën.

“Nga njëra anë edhe vetë përfaqësuesit e qeverisë kanë pranuar se këto probleme thelbësore nuk zgjidhen me Kodin Zgjedhor, por janë detyrë e qeverisë dhe çështje e vullnetit politik. Minat që PS po i vë sot reformës zgjedhore, synojnë të fshehin mosveprimin e qëllimshëm të saj për këto probleme“– thotë bashkëkryetari demokrat i komisionit paralamentar ad-hoc për reformën zgjedhore. /abcnews.al

 

SHORTI-PER-KED.mpg_snapshot_00.01-1280x702.jpg
ent ela14:55 | 07/12/2018

Pas refuzimit të Presidentit Ilir Meta në Kryesinë e Kuvendit është hedhur shorti për plotësimin e stafit të Këshillit të Emërimeve në Drejtësi.Kërkesa e deputetit të Partisë Demokratike Oerd Bylykbashi për t’u tërhequr pasi është antikushtetues sipas tij nuk u mor parasysh nga kryetari i kuvendit Gramoz Ruçi.

Ndërsa goglat bëheshin gati për të zgjedhur 9 anëtarët e Këshillit të emërimeve në drejtësi, deputeti I Partisë Demokratie Oerd Bylykbashi I kërkoi kryeparlamentarit Gramoz Ruci të tërhiqej nga ky vendim.

Presidenti thotë se ka vakum ligjor dhe dispozitat tranzitore kane mbyllur efektin e tyre. Kandidatët filtrohen nga 3 organe Kushtetuese, Gjykata Kushtetuese, KLGJ e KLP, të cilat nuk janë ngritur ende. Qëllimi është kapja e sistemit të drejtësisë nga mazhoranca. Tërhiquni nga ky short sot dhe plotësoni vakumin ligjor për funksionimin e KLGJ e KLP.

I qetë shprehet Kryetari i kuvendit Gramoz Ruci për këtë vendim të cilin tha se mori pas konsultimeve me dy organizma të rëndësishëm.

Letrën e presidentit për shortin e kam konsultuar me ekspertet ligjore te kuvendit, EURALIUS, OPDAT. Sot është rendi qe hidhet shorti. Për shortin e KED Gjykata Kushtetuese ka sjelle dy kandidatura. Për këtë nuk mund te hidhen shorti pasi janë vetëm dy kandidate për dy poste dhe dy kandidaturat vlerësohen automatikisht te zgjedhur. Bëhet fjalë për Bashkim Dedja dhe Vitore Tusha.

Dhe kështu u bë.

Bashkim Dedja e Vitore Tusha u zgjodhën nga Gjykata Kushtetuese.Ardian Dvorani nga Gjykata e Lartë, ndërsa anëtar zëvendësues Medi Bici; Arta Marku nga Prokuroria e Përgjithshme, pa anëtar zëvendësues;  Fationa Memçaj nga prokuroritë e Apelit, pa anëtar zëvendësues; Fatri Islamaj dhe Margarita Buhali nga gjykatat e Apelit dhe anëtar zëvendësues është Gurali Braimllari; Eriol Roshi nga gjykatat administrative, me anëtar zëvendësues Klodiana Veizi Memën.

Ky është Këshilli i Emërimeve në Drejtësi. Rradhën e ka plotësimi i vendeve vakante në Gjykatën Kushtetuese që sot është jashtë funksionit. /abcnews.al

 

VETTINGU-I-POLITIKES-NE-KESHILLIN-E-LEGJISLACIONIT-1280x720.jpg
ent ela15:52 | 03/10/2018

Pas nismës së Partisë Demokratike për vettingun në politikë, është mbledhur përsëri Këshilli i Legjislacionit. Përfaqësuesi i vetëm i opozitës ishte Oerd Bylykbashi i cili kërkoi t’i vihej në dispozicion materiali i përgatitur për Komisionin e Venecias. Në emër të opozitës deputeti demokrat deklaroi se në këtë vend nuk do të ketë as zgjedhje, as demokraci, as parlament, pa ndarë politikën nga krimi.

Ndryshe nga mbledhja e fundit e këshillit të legjislacionit, qetësisht dhe i vetëm përballë anëtarëve të mazhorancës,  deputeti i Partisë Demokratike Oerd Bylykbashi  deklaroi se “lidhja krim-politikë, interesa kriminale-interesa politike, janë rreziku kryesor për demokracinë dhe stabilitetin e Shqipërisë.

“Një pjesë e madhe e kësaj mbështetje zhvillohet në kufijtë e ligjit: politikanët janë bërë të zgjuar dhe dinë si të japin mbështetje pa shkelur ligjin dhe pa lënë gjurmë. Ky është qëllimi kryesor i vetingut në politikë: të krijojë një filtër shtesë për pengimin e depërtimit të ndikimit dhe interesave kriminale në politikë”.

Deputeti demokrat, sqaroi edhe njëherë se “Vetingu është një proces krejtësisht i shkëputur dhe i pavarur nga vetingu në drejtësi. Ai nuk ka asnjë lidhje dhe apo ndikim negativ apo pengesë për vetingun në drejtësi.

“Vetingu i politikanëve nuk përjashton dhe nuk ka ansjë ndikim për hetimet penale të politikanëve dhe njerëzve të lidhur me ta, nga çdo lloj institucioni hetimi qoftë nga prokuroritë e rretheve qoftë nga prokuroria e sotme e krimeve të rënda apo SPAK dhe BKH kur ato të krijohen. Përkundrazi, ky proces u jep burime dhe raste hetimi këtyre institucioneve”.

Në emër të opozitës Oerd Bylykbashi deklaroi se nuk do të tolerojnë asnjë vonesë në miratimin e vettingut të politikanëve.

“Ne jemi të vendosur dhe do të bëjmë gjithçka për ta zbatuar. Në këtë vend nuk do të ketë as zgjedhje, as demokraci, as parlament, as drejtësi, as ekonomi, pa ndarë politikën nga krimi.

Në emër të mazhorancës deputeti Ulsi Manja u shpreh se janë pro mbështetjes së cdo lloj vetting të politikës.

“Bëhet fjalë për të ndërhyrë në Kushtetutë, e kemi marrë në konsideratë nismën e opozitës por kërkuam një diskutim të gjerë nga ekspertë të fushës, por pse jo edhe marrja e opinionin nga Komisioni i Venecias. “Venecia” është tabani i demokracisë. Jemi dakord me pyetjet që të depozitohen me shkrim ekspertëve”.

Pas kërkesës së Partisë Demokratike Këshilli i Legjislacionit do i drejtohet ekspertëve lidhur me vettingun në politikë, duke përfshirë këtu edhe qëndrimin e Komisioni të Venecias.Draftin e të cilës deputeti Bylykbashi kërkoi që t’ia vinin në dispozicion.

“Duke nisur dhe nga eksperiencat e mëhershme ku komisioni i Venecias është kedrejtuar qëllimshëm nëpërmjet materialeve të përkthyera gabim apo pyetje të cilat mund të mos i përgjigjen fare çështjes. Kërkoj të na vihet në dispozicion materiali i nisur Komisionit të Venecias. Vetingu i politikanë duhet bërë shpejt çdo lloj kalendari vonues është i papranueshëm. Përpiquni që me procedurë mos vrisni interesin e publikut për të pastruar politikën”.

Garancinë ia dha kryetari i Kuvendit Gramoz Ruçi.

“Të merren masat për çështjen dhe të nisë puna, paralelisht i është nisur edhe komisionit të Venecias, që kur të vijë dita për t’u diskutuar në parim dhe nen për nen të kemi edhe mendimin e konstitucionalistëve edhe të komisionit të Venecias. Nuk do ketë zvarritje ky proces. Të merren masa për dëgjimin e ekspertëve. Konsitucionalistët në momentin që janë gati do të na njoftojnë”. /abcnews.al

OERD-BYLYKBASHI-1280x720.jpg
ent ela12:59 | 03/10/2018

Duke folur në mbledhjen e Këshillit të Legjislacionit, deputeti Oerd Bylykbashi tha se “lidhja krim-politikë, interesa kriminale-interesa politike, janë rreziku kryesor për demokracinë dhe stabilitetin e Shqipërisë”.

Sipas deputetit demokrat, kjo lidhje ekziston në forma dhe kanale të ndryshme, që nga mbështetja politike për krimin, tek aksesi në institucionet shtetërore, tek favorizimi i bizneseve apo personave me lidhje kriminale në ekonomi.

“Një pjesë e madhe e kësaj mbështetje zhvillohet në kufijtë e ligjit: politikanët janë bërë të zgjuar dhe dinë si të japin mbështetje pa shkelur ligjin dhe pa lënë gjurmë. Ky është qëllimi kryesor i vetingut në politikë: të krijojë një filtër shtesë për pengimin e depërtimit të ndikimit dhe interesave kriminale në politikë”.

Bylykbashi tha se të vetmit që dëmtohen nga ky veting janë personat që kanë lidhje me krimin ose interesa të paligjshme. “Ata që përfitojnë janë qytetarët të cilët garantohen se politika nuk do të ketë lidhje dhe nuk do punojë për krimin”, – deklaroi përfaqësuesi i PD në Mbledhjen e Këshillit të Legjislacionit

Deputeti demokrat, sqaroi edhe njëherë se “Vetingu është një proces krejtësisht i shkëputur dhe i pavarur nga vetingu në drejtësi. Ai nuk ka asnjë lidhje dhe apo ndikim negativ apo pengesë për vetingun në drejtësi. Vetingu i politikanëve nuk përjashton dhe nuk ka ansjë ndikim për hetimet penale të politikanëve dhe njerëzve të lidhur me ta, nga çdo lloj institucioni hetimi qoftë nga prokuroritë e rretheve qoftë nga prokuroria e sotme e krimeve të rënda apo SPAK dhe BKH kur ato të krijohen. Përkundrazi, ky proces u jep burime dhe raste hetimi këtyre institucioneve”.

Sot jam këtu në emër të opozitës për t’ju dhënë këto mesazhe:

  1. Opozita nuk do të pranojë dhe as tolerojë asnjë vonesë në miratimin e vetingut të politikanëve.
  2. I gjithë procesi në këtë komision ka pikërisht këtë qëllim. Të vonojë, shtyje dhe hedhë poshtë vetingun e politikanëve.
  3. Shqiptarët e mbështesin vetingun e politikanëve. Edi Rama ka deklaruar publikisht se është kundër.
  4. Sa më gjatë të kemi politikanë të lidhur me krimin në Kuvend, qeveri, bashki etj aq më keq për shqiptarët që dhunohen, grabiten dhe përdhunohen çdo ditë nga krimi.
  5. Ngjarja e fundit provon se krimi ka kapur shtetin me ndihmën e pushtetarëve të lidhur me krimin.
  6. Bashkëqeverisja me krimin e ka sjellë vendin në një emergjence kombëtare.
  7. Ju po bëni dhe do të bëni gjithçka për ta zvarritur por nuk do ta ndalni dot vetingun e politikanëve. Sic nuk ndalet dot dekriminalizimin.
  8. Kuvendi dhe qeveria që sot janë në duar të krimit do t’i kthehen popullit. Me çdo kusht dhe me çdo çmim.
  9. Ne jemi të vendosur dhe do të bëjmë gjithçka për ta zbatuar. Në këtë vend nuk do të ketë as zgjedhje, as demokraci, as parlament, as drejtësi, as ekonomi, pa ndarë politikën nga krimi.

 

BYRI-00001.mpg_snapshot_02.58-1280x720.jpg
ent ela20:47 | 24/09/2018

“Arta Marku është për burg pasi ka shkatërruar procesin penal”. Kështu ka deklaruar në studion e “Byro Politike” deputeti demokrat Oerd Bylykbashki, duke folur me vetingun e prokurorëve e gjyqtarëve.

Sipas tij Kryeprokuroja Arta Marku po bën të njëjtën gjë që bënte edhe mafia italiane. “Mafia italiane merrte dhe transferonte gjyqtarët. Arta Marku është për hetim penal. Arta Marku ka shkatërruar procesin penal, është për burg.”

Deputeti demokrat Oerd Bylykbashi e vuri ghithashtu theksin edhe te shkëputja e politikës nga krimi dhe oligarkia.

Nga ana e saj deputetja socialiste theksoi se propozimi i PD-së është i cunguar dhe është një copy paste për vetingun e gjyqtarëve dhe prokurorëve, çka duket sikur ua lehtëson pozitën politikanëve.

“Propozimi nuk e parashikon se çdo të ndodhë më tej me sekuestrimin e pasurisë dhe çdo ndodhe më tej”.

Analisti Mark Marku nga ana e tij e sheh me pozotivitet goditjen e veprimtarisë eknomike të krimit.

“Më duket hipokrizi shumë e madhe puna e vetingut, ti i purifikon, gjykata por nuk u jep ansjë instrumetn për të goditur krimin. Në Itali Borselino e goditi mafian kur goditi ekonominë e mafias. Nëse godet veprimtarinë eknomike unë e shoh shumë pozitive këtë. Shteti dhe mafia veprojnë në të njëjtin territor, ose bashkëpunojnë, ose luftojnë”– u shpreh Marku.

Ndërsa analisti Arian Curi e sheh paradoksal propozimin kur nuk negociohet. Sipas tij edhe Rama edhe Basha e dinë se kë të emëruar kanë të inkriminuar.

“Unë shoh paradoks se ne propozojmë diçka por nuk e negociojmë. Pse nuk e dinë Rama e Basha se kë kanë të inkriminur është paradoks sepse e dinë”.

Byro Politike nisi sot sezonin e ri televiziv me zhvillimet më të fundit të aktualitetit politik në vend. Në një panel me deputetë dhe analistë u diskutua platfoma e Partisë Demokratike për vettingun e politikanëve dhe për ligjin antimafia. /abcnews.al

 

PROTESTA-PORTO-ROMANO.mpg_snapshot_00.10-1280x720.jpg
ent ela22:38 | 12/06/2018

Banorët që kanë shtëpitë e tyre pranë vendgrumbullimit të Porto Romanos u ngritën në protestë ditën që Kryeministri ndodhej në Durrës në një takim me qytetarë. Kërkesa e tyre është të ndalet shkarkimi i mbetjeve në Porto Romano.

4 km prej këtu kryeministri Edi Rama po zhvillonte një takim me qytetarët, por banorët e Porto Romanos mendojnë se llogaridhënia duhet të nisë pikërisht tek ky vend.

“Lekët i do ai, hajd epaguaju taksat, po ku është taksa e pastrimit dhe e gjelbërimit këtu”

Familjet e periferisë së Durrësit protestuan kundër shkarkimit të mbetjeve dhe më pas asgjësimit të tyre në terren të hapur.

“Na vijnë mbeturinat afër shtëpisë, do na vijnë në kuzhinë se te dera e shtëpisë kanë ardh”.

“Ne kërkojmë o landfilldi ose të na zhukë ne nga kjo lagje e Durrësit”.

Në mbështetje të banorëve ishin edhe deputetë dhe drejtues të PD në këtë qytet.

Xhaferri: “Po protestojmë në vendgrumbullimin e mbeturinave, protetsat tjetër te dera e bashkisë dhe brenda bashkisë”.

Bylykbashi: “Po shkatërron jetën e qytetarëve durrsakë”

Vendgrumbullimi i mbetjeve në Porto Romano po kërcënon durrsakët.  Çdo vit në këtë hapësirë jashtë çdo standardi shkarkohen mbi 70 mijë tonë mbetje. /abcnews.al

 

DEBATI-POLITIK-NE-KOMISIONIN-PARLAMENTAR-1280x720.jpg
ent ela17:41 | 16/05/2018

Njëlloj si ditët e fundit edhe këtë të martë deputetët e Partisë Demokratike kanë marrë pjesë në komisionet parlamentare për të folur vetëm për çështjen Xhafaj. Shohim se c’ka ndodhur në komisionin e ligjeve.

Skenarin politik të komisioneve parlamentare për ditën e mërkurë opozita e kishte paralajmëruar më parë.

Alibeaj: “Cili është personi i zhdukur sot e prej disa ditësh, personi që nuk bëzan sot për cështjen më të rëndë që i ka rënë atij, qeverisë e shtetit, ministrit të Brendshëm. Ky komision i cili duhet të përkujdeset për jetën, shendëtin, ardhmërinë e çdo shqiptari, ne do të diskutojmë si na ndodh që kemi një ministër të Brendshëm të zhdukur që nuk merr përgjegjësitë e veta dhe kemi vëllain e tij Agron a Geron Xhafaj që me vendim të formës së prerë që shëtit i lirë”.

Të mbledhur në komisionin e ligjeve rreth seancës dëgjimore me institucionet shtetërore mbi zbatimin e konventës për mbrojtjen e personave të zhdukur me forcë në kohën e regjimit komunist, zv.kryetarja e komisionit Vasilika Hysi provoi të sillte diskutimin në çështjen e paracaktuar të ditës.

Hysi: “Është hera e parë që shqyrtojmë një raport zyrtar për një çështje që besoj se PD duhet ta kishte kauzë, ne kemi 5 mijë persona që nuk dihen ku prehen. Më vjen mirë qe keni ardhur, po kjo nuk do të thotë që të dalim nga rendi i ditës. Këtu sot ka një seancë e angazhim, për çështjen e Alibeajt mund të kemi ditë të tjera. Tema dhe dita që keni zgjedhur është e gabuar”.

Kjo nuk devijoi retorikën e demokratëve.

Bylykbashi: “A e kuptoni që duke u bërë palë me zotin Xhafa keni bërë bërë një gjë më të rëndë se kaq, për të shpëtuar Agron Xhafajn keni zhbërë tre konventa që ka Shqipëria. Kriminelët e dënuar sot gjejnë strehë te ky parlament. Çdo gjë që bëni ju sot përveçse turp e krim”

Ndërprerja e fjalës së deputetit Bylykbashi nga e ftuara në komision për të raportuar, zv.ministjra e Brendshme Rovena Voda, e cila u thirri demokratëve të kenë turp për retorikën pasi nuk janë në mbledhje të grupit të tyre parlamentar, ndezi gjakrat.

Në pamundësi për të kontrolluar situatën, Vasilika Hysi hodhi në votim mbylljen dhe shtyrjen e seancës për një datë tjetër. /abcnews.al

 

vlcsnap-error990-1280x720.jpg
ent ela15:32 | 09/02/2018

Anëtari demokrat i nënkomisionit, që përzgjodhi me short emrat e listave për Këshillin e Lartë të Gjyqësorit dhe Këshillin e Lartë të Prokurorisë , Oerd Bylykbashi, ka denoncuar votimin e djeshëm në parlament sit ë pavlefshëm, kjo për shkak të mungesës së kuorumit prej 2/3 në momentin e votimit të aktit që kërkon pikërisht këtë shumicë për miratim.

Oerd Bylykbashi: “Votimi i djeshëm ishte nul për një fakt të thjeshtë kushtetues”.

Anëtari demorkat i nënkomisionit që në raundine tretë prodhoi këtë listë i referohet nenit 38 të kushtetutës.

Oerd Bylykbashi: “ Kuvendi vendos me shumicën e thjeshtë, përveç rasteve kur Kushtetuta parashikon shumicë të cilësuar”.

94 ishin votat e nevojshme për miratimin e listës, pra një shumicë e cilësuar prej 2/3-tave të parlamentit.

Oerd Bylykbashi: “Bazuar në jurisprudencë, kuorumi duhet të jetë sa shumica e nevojshme për miratimin e një akti të caktuar”.

Oerd Bylykbashi i referohet vendimit 29/2009 të Gjykatës Kushtetuese, e cila në vendimin e saj interpreton se…

“Numri i anëtarëve të pranishëm verifikohet për efekt të vlefshëmrisë së vendimit dhe për të llogaritur rezultatin përfundimtar .”

Për këtë arsye…

Oerd Bylykbashi: “Lista është nul ndaj nuk hyn në fuqi dispozita automatike”.

Bëhet fjalë për pikën 16 të nenit 35 të ligjit për organet e qeverisjes së sistemit të drejtësisë, i cili përcakton se lista miratohet automatikisht pas dështimit në raundin tre të arritjes së 94 votave në parlament.

Oerd Bylykbashi: “Nëse do të konstituoej edhe vendimmarrja do ishte nul me këta anëtarë”.

Mungesën e pranisë së opozitës në sallë, e për rrjedhojë mos arritjen e kuorumit prej 94 deputetësh, të nevojshme sipas tyre për hedhjen në votim të listave, Oerd Bylykbashi e ilustron me statistikë.
Lista me pesë antarët jo gjyqtarë dhe pesë anëtarët jo prokuror të dy Këshillave të Lartë përbën më pak se gjysmën e trupës prej 11 anëtarësh të këtyre dy organeve të reja të drejtësisë.
/abcnews.al

 

Oerd_Bylykbashi25mars_2-1280x706.jpg
ent ela11:18 | 29/01/2018

Partia Demokratike ka denoncuar kryeministrin Rama që sipas saj po mbron kriminelët për të ruajtur pushtetin e vet. Deputeti demokrat Oerd Bylykbashi deklaroi se kryeministri po bën kurban reformën në drejtësi për të mbrojtur Saimir Tahirin dhe personazhe të njohur të krimit.

Në një deklaratë për mediat nga Kryesia e Kuvendit Oerd Bylykbashi deklaroi se Edi Rama nuk mund të bëjë drejtësi për shqiptarët, pa u dënuar Sajmir Tahiri dhe të tjerë që mbështesin këtë qeveri.

“Pa u dënuar Sajmir Tahiri dhe të tjerë që mbështesin këtë qeveri, Edi Rama nuk mund të bëjë drejtësi për shqiptarët”- tha Bylykbashi.

Sipas tij kriminelëve me të cilët ka ardhur në Pushtet, Rama u siguron lirinë dhe paprekshmërinë

“Kriminelët e vetë me të cilët ka ardhur në pushtet dhe mban pushtetin, si Durim Keçi dhe Agron Xhafaj, të dënuar në Itali për trafik ndërkombëtar droge, Rama nuk i ekstradon. Përkundrazi u siguron lirinë dhe paprekshmërinë.

Ndërsa Nezar Seitin, llogaritarin e Habiljave, dëshmitarin kyç të milionave të drogës që ka marrë Saimir Tahiri, shkeli ligjin dhe e ekstradoi vetëm për të sabotuar hetimin e Sajmir Tahirit.

Edi Rama ka ngritur në këmbë shtetin, qeverinë dhe drejtësinë e kapur, si dhe po bën kurban reformën në drejtësi për të mbrojtur Saimir Tahirin, sepse kështu mbron veten e tij dhe pushtetin e tij të lidhur me krimin e organizuar dhe trafikun ndërkombëtar të drogës”- theksoi Bylykbashi./abcnews.al

vlcsnap-error047-1280x720.jpg
ent ela14:40 | 23/01/2018

Kjo listë është e delegjitimuar.

Alarmi erdhi nga selia blu dhe i drejtohet listës me dhjetë emrat e përzgjedhur me short nga nënkomisioni përgjegjës për anëtarët jo gjyqtar dhe jo prokuror të dy Këshillave të Lartë, atij të Gjyqësorit dhe Prokurorisë.

Oerd Bylykbashi: “Ato që do të jenë qeverisja e sistemit gjyqësor për të ardhmen organe, të cilat do të formësojnë gjyqësorin e ri dhe shërbimin e ri të prokurorisë. Janë ato që do të ushtrojnë masat disiplinore dhe të gjitha funksionet që parashikon ligji për këto organe”.

Janë këta kandidatë, që sipas nënkryetarit të nënkomisionit që i përzgjodhi ata me short, Oerd Bylykbashi, nuk plotësojnë kushtet dhe kriteret ligjore, por mbi të gjitha ato Kushtetuese, të cilat ishin pjesë thelbësore e marrëveshjes së 21 Korrikut 2016.

Oerd Bylykbashi: “Që kërkonte që palët politike të kishin kontribut dhe ndikim të barazvlefshëm dhe barazlarguar në formësimin e këtyre dy trupave”.

Këtë bënë të mundur 140 votat në parlament për ndryshimet kushtetuese, thekson Bylykbashi, për t’u zhbërë më pas përmes ligjit të miratuar vetëm nga mazhoranca, që instaloi ato që ai i quan filtrat paraprak, komisionet që sollën në Kuvend kandidatët më pas të hedhur në short në nënkomision.

Oerd Bylykbashi: “Një proces i delegjitimuar që nuk kish si të prodhonte ndryshe një listë kandidatësh të përzgjedhur politikisht në mënyrë që në çdo rast lista e ardhur nga jashtë sistemit të drejtësisë të jepte rezultatin e kontrolluar nga Rama”.

Nga selia blu, Bylykbashi sëbashku me ish-ministrin teknik të Drejtësisë, Gazment Bardhi, publikuan dokumenta në mbështetje të argumentave të mbrojtur një dite më parë, gjatë diskutimit emër për emër të kandidatëve të listuar nga sekretari i përgjithshëm i Kuvendit.

Oerd Bylykbashi: “Këto kandidatë kishin probleme nga mospërputhja e kritereve ligjore tek kandidaturat e prapranueshme nga ligji për dekriminlizimin”.

Nuk i interesojnë emrat e veçantë dhe nuk kërkojnë vlerësim moral apo profesional të kandidtëve.

Gazment Bardhi: “Por evidentimi i problematikave për mospërmbushjen e kritereve është detyrim kushtetues. Subjekti deklarues Altin Hazizaj, kandidat për Këshillin e Lartë Gjyq2ësor nga Shoqëria Civile përfshihet në fushën e veprimit të ligjit për dekriminalizimin. Kandidati Sokol Lamaj, i cili vjen nga radhët e avokatisë rezulton që ndaj tij janë marrë masa administrative për shkak se nuk ka zbatuar ligjin dhe nuk ka paguar rregullisht tatimet. Nga rradhët e pedagogëve rezulton të jetë përzgjedhur zoti Ilir Panda. ONM ka konstatuar se zoti Panda ka qenë i angazhuar politikisht në nivele shumë të larta në të kaluarën. Shtetasi Kozma Jano, i datëlindjes 1956, ka qenë bashkëpunëtor i Sigurimit të Shtetit me pseudonimin “Telefoni”. Në Këshillin e Lartë të Prokurorsië rezulton të jetë përzgjedhur kandidati nga Shoqëria Civile, Alfred Balla, nuk është angazhuar në pesë vitet e fundit në Shoqërinë Civile. Përveç kësaj, vëzhguesit ndërkombëtarë kanë konstatuar se platforma e paraqitur nga ky kandidat është plagjiaturë e një platforme paraqitur nga një kandidat tjetër”.

Përfundimi?

Gazment Bardhi: “Mazhoranca ka përfshirë në short dhe potencialisht ka emëruar kandidatë që delimitigjojnë të gjithë funksionimin e Këshillit të Lartë Gjyqësor dhe Këshillit të Lartë të Prokurorisë”.

Kjo sepse lista që dërgohet në Kuvend do të votohet në bllok. 94 janë votat e nevojshme për miratimin e listës e cila nëse nuk merr votat e mjaftueshme, kthehet në nënkomision për t’u ri-zgjedhur./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono