Bylykbashi

TABAKU-BYLYKBASHI-PER-VENECIAN.mpg_snapshot_00.24-1280x720.jpg
ent ela13:00 | 19/09/2019

Me bllokimin e sistemit të drejtësisë, pronarët nuk kanë mundësi të ankohen në Gjykatë Kushtetuese kundër padrejtësive të ligjeve antikushtetuese. Këtë qëndrim i dhanë përfaqësuesit e Partisë Demokratike Komisionit të Venecias të cilët kanë ardhur në Shqipëri për të bërë një analizë dhe për të dhënë një opinion mbi situatën e çështjeve të pronave në Shqipëri.

Kanë marrë përsipër t’i shpjegojnë Komisionit të Venecias në detaje çfarë ka ndodhur që nga viti 2013 e këtej me çështjen e pronave në Shqipëri.

Jorida Tabaku dhe Oerd Bylykbashi këmbëngulin se shkelja e të drejtave të pronarëve nga njëra anë, dhe hartimi i ligjeve që  krijojnë norma të paprecedentë për vende të tjera të rajonit kanë një përgjegjes.

Tabaku: “Njohëm delegacionin e Komisionit të Venecias me problemin e pronave në Shqipëri, i cili është një nga kriteret për hapjen e negociatave.  Çështja e pronave ka pasur përkeqësim gjatë qeverisjes së Edi Ramës me miratimin e ligjeve antikushtetuese që bien ndesh me të drejtat e pronarëve”.

Bylykbashi: “Gjithashtu patëm mundësinë që me ekspertët e Komisionit të Venecias të shpjegojmë edhe themelin e gjithë këtij mekanizmi djallëzor që ka futur Edi Rama në raport me të drejtën e pronarëve për të marrë përsëri pronën e tyre. Kemi vite tashmë që e dimë që qeveria nuk kthen më prona, nuk kompenson dhe ka vënë një mekanizëm me të cilën ka rishpronësuar përsëri pronarët”.

I gjithë ky proces që bllokoi kthimin e pronave dhe vë në pikëpyetje titujt ekzistues të pronave, sipas demokratëve, ka një qëllim të vetëm që nëpërmjet këtyre mekanizmave; të Koorporatës Shtetërore të Investimeve, ligjit për Investime Strategjike ta marrë këtë pronë dhe t’ia japë oligarkëve për të zhvilluar ata interesat e tyre të biznesit sikur kjo të jetë interes publikë.

Bylykbashi: “Interesi publik është respektimi i Kushtetutës dhe të drejtave që pronarët shqiptarë kanë dhe u bëmë të qartë që fikja dhe eleminimi i Gjykatës Kushtetuese dhe bllokimi tashmë i sistemit të drejtësisë për të vënë në vend të drejtat e pronarëve qoftë për sa i përket aspektit kushtetues apo të drejtave të tyre ligjore është i qëllimshëm në kuadër të këtij mekanizmi, që pronarët të mos kenë mundësi të ankohen në Gjykatë Kushtetuese dhe në gjykatë kundër padrejtësive të ligjit”.

Dy ish deputetët demokratë thanë se i bënë të qartë Komisionit të Venecias që kur Partia Demokratike të kthehet në pushtet  këto ligje që shkojnë në dëm të pronarëve sipas tyre do të zhbëhen duke pretenduar se do të rikthejnë të drejtat e tyre duke përmirësuar të gjitha defektet që kanë çuar në zvarritjen e rëndë dhe duke eliminuar korrupsionin  në kthimin e pronave. /ABC News Albania 24/7

LAJME-19-00001.mpg_snapshot_00.12-1280x720.jpg
ent ela20:17 | 11/09/2019

Ish deputeti i Partisë Demokratike Oerd Byklykbashi nuk ka përjashtuar mundësinë e një marrëveshjeje më Ramën kryeministër për t’i dhënë fund ngërçit politik. I ftuar në studion e Mbrëmje në ABC News të Mirela Milorit, Bylykbashi shprehet se shqiptarët kanë nevojë për një marrëveshje të madhe, afatgjatë që do të garantojë stabilitet demokratik.

“E rëndësishme është që shqiptarët kanë nevojë për një marrëveshje të madhe afatgjatë që do t’i garantojë stabilitet demokratik Shqipërisë që sjell zhvillim ekonomik e shoqëror. Sot nuk jemi në parametrat e vitit 2008, sot jemi në emergjencën e demokracisë, është nevojshme një marrëveshje e madhe që do kontrollonte balancat kushtetuese, të zgjedhin përfaqësuesit që nuk janë kriminelë dhe në këtë mënyrë politika është duke mbajtur kokën ulur dhe kjo kërkon ndërgjegjësim dhe frymë politike”.

Ish deputeti demokrat shprehu qëndrimin e tij se PD është gati që ta mundë Ramën në çdo moment, ndërsa la të kuptohet se është gati për të hyrë në zgjedhje edhe me Ramën kryeministër.

“Që të organizohen zgjedhje të lira të ndershme duhet të ikë Rama. Ne e mundim në çdo kuadrat, por ajo që duhet të garantojmë është që zgjedhjet të jenë të lira dhe të ndershme.

Ne jemi gati të mundim Ramën sot, në çdo moment. PD fiton zgjedhjet në çdo moment, por ne luftojmë që zgjedhjet të bëhen pa Ramën dhe qeveria nuk ndërhyn në zgjedhje”.

Milori: Hyni në zgjedhje të organizuar nga Rama?

Bylykbashi: Zgjedhjet janë detyrim kushtetues. Unë jam i bindur se zhvillimet politike do ta vënë Ramën në pozitë të tillë për zgjedhje të lira të ndershme. Personalisht do mundja Ramën si Kryeministër në çdo moment.

Dhe në këtë Bylykbashi la të kuptohet se vjeshta do të sjellë ndryshime.

“Vjeshta është një moment i rëndësishme për të pasur zgjedhjet dhe janë rrethanat politike që diktojnë sa më shumë të zgjatet aq më e dëmshme është. Sa më shpejt të arrijmë në një zgjidhje definitive ne do kemi edhe zgjidhje të tjera, një sistem drejtësie. Reforma zgjedhore nisi shumë mirë në 2018 dhe ne pamë që qeveria nuk po bënte asgjë. Financimi i partive nuk do zgjidhë manipulimin votave dhe dekriminalizimin, por do e bëjë kodin më të mirë. Pa zgjidhur krizën e përfaqësimit çdo lloj gjëje tjetër mund të përfundojë në histori kulisash”.

Në studion e ABC News ai foli dhe për platformën dhe strategjinë e PD.

“Axhenda është që ne rrëzojmë Ramën dhe në këtë trajektore gjenden dhe programet që çojnë në qeverisje e zgjedhje. PD nuk i friket asnjë përballjeje me Ramën, tashmë nuk ka asnjë iluzion se kush është Rama në raport më zgjedhjet”. /abcnews.al

KRONIKE-PD-DENONCON-ZGJEDHJET.mpg_snapshot_00.37-1280x720.jpg
ent ela16:50 | 11/09/2019

Partia Demokratike denoncoi me dokumente dhe pamje filmike parregullsitë e konstatuara sipas saj në zgjedhjet e 30 qershorit. Nga selia blu, ish-deputeti Bylykbashi dhe sekretari zgjedhor, Kaso treguan se si fletët e pavlefshme kaluan në favor të kandidatëve të PS dhe numri i zgjedhësve u rrit në mënyrë fiktive.

Partia Demokratike iu përmbajt paktit me ODIHR për të mos nxjerrë dokumentat dhe provat e saj për zgjedhjet e 30 qershorit. Kur raporti i vëzhguesve ndërkombëtarë është publik, eksperti për zgjedhjet në PD, Oerd Bylykbashi dhe Sekretari Zgjedhor, Ivi Kaso nxorrën fakte dhe prova nga dosja që partitë opozitare i dorëzuan ODIHR. Ish-drejtyuesi i Reformës Zgjedhore, Bylykbashi deklaroi se shkeljet e konstatuara në zgjedhje ishin disa.

Ditët që pasuan 30 qershorin i shndërruan zyrat e PD në një institucion monitorimi, ku pasi morën pamjet filmike të procesit të numërimit të votave, analizuan çdo fletë. Nga analiza rezultoi se edhe vullneti i qytetarëve që kërkuan të nxjerrin votën e tyre të pavlefshme u deformua.

Për Sekretarin Zgjedhor në PD, shkeljet e konsumuara nga komisionerët e PS nuk janë thjesht çështje teknike por rrëzojnë gjithë procesin.

Demokratët nuk i kanë kursyer akuzat në drejtim të Prokurorisë së Përgjithshme e cila sipas tyre edhe përse me dokumenta dhe pamje filmike që vërtetojnë manipulimin e procesit hesht dhe nuk vepron pëërballë një krimi zgjedhor. /ABC News Albania 24/7

oerd-bylykbashi-3-847x477-620x349-1.jpg
Sej rie18:00 | 21/07/2019

Por në këndvështrimin e ish-deputetit demokrat Oerd Bylykbashi, reforma në drejtësi është e dështuar, tre vjet nga miratimi i saj. Në analizën bërë në rrjetet sociale, Bylykbashi uron që kjo reformë të mos ketë të njëjtin fat si edhe ngritja e Strukturës së Posaçme Antikorrupsion.

Si një film i jashtëzakonshëm i vjen nëpër mend ish deputetit demokrat Oerd Bylykbashi 21 Korriku i tre viteve më parë.

Pas përshkrimit që i bën asaj dite me ecejaket frenetike në mes të vapës së Tiranës, hyrje-daljet ne zyrat e Kuvendit, takime me ambasadore, tensionin e diskutimeve dhe negociatave, Oerd Bylykbashi risjell qëndrimin e Washingtonit dhe Brukselit.

Por së paku me 21 Korrik Opozita garantoi minimumin e moskapjes politike të drejtësisë, me shpresën dhe premtimin e ndërkombëtareve se ligjet ne vijim do të bëheshin me konsensus- e vazhdon shkrimin e tij në rrjetet sociale ish deputeti i Partisë Demokratike. Por ndër mendimet që radhit më pas ai shpreh zhgënjimin se:Ligjet qe u miratuan me pas më votat e mazhorances se asaj kohe shkelen, deformuan dhe zhbënë marrëveshjen e 21 Korrikut dhe votën unanime te 22 Korrikut.

Edhe pse shpreh dyshime në bindjen që kish tre vite më pare, sot Oerd Bylykbashi është i qartë se pavarësisht deklaratave të mazhorancës dhe mbështetësve të tyre, në vend mungon Gjykata Kushtetuese dhe Gjykata e lartë.

Asnjë qytetar i thjeshte nuk ka shans qe pasi e humbet një çështje në gjykatë, të ketë të drejtë të bëjë padi të re të njëjtë po në atë gjykatë pasi ajo e ka dhënë një vendim për të njëjtën çështje – shpjegon Bylykbashi. Ajo çka u prodhua në gjyqësorin e Durrësit është fryti me i fundit i hidhur i reformës së 2016-tës sipas tij.

Duke shpresuar që reforma në drejtësi të përfundojë duke ia hequr mundësinë mazhorancës aktuale të të bërit akoma fushatë elektorale me të, ish deputeti i Partisë Demokratike duke mos e fshehur ironinë, uron: Gëzuar 21 korrikun!

OERDI-NE-ABC.mpg_snapshot_01.48-1280x720.jpg
ent ela15:30 | 10/07/2019

Oerd Bylykbashi paralajmëron prova të forta për manipulimin e zgjedhjeve të 30 qershorit. Ish- deputeti demokrat tha në studion e ABC News se kushti kryesor për të shkuar në zgjedhje të lira e të ndershme, sipas tij, mbetet largimi i kryeministrit Rama.

Vazhdojnë të mbledhin fakte nga e gjithë Shqipëria që të në fund të vërtetojnë pretendimet se zgjedhjet e 30 qershorit janë manipuluar në të gjithë Shqipërinë. Reagimet do të jenë të forta nga ndërkombëtarët paralajmëroi nga studio e ABC News ish deputeti demokrat Oerd Bylykbashi.

Hartimi i një kodi zgjedhor nga mazhoranca socialiste do ta fundosë më shumë kryeministrin e do të thellojë më tej krizën politike sipas Oerd Bylykbashit.

Data e ligjshme për zgjedhjet vendore është 13 tetori nënvizoi ish deputeti demokrat duke iu kundërpërgjigjur me data deklaratave të mazhorancës se 30 qershori ishte afati i vetëm kushtetues.

Megjithatë nuk janë të gatshëm të shkojnë drejt këtyre zgjedhjeve demokratët nëse nuk plotësohet kushti kryesor: largimi i kryeministrit Edi Rama. Me këtë i përgjigjet edhe atyre që e shohin presidentitn me flamurin e opozitës në duar.

Megjithatë Oerd Bylykbashi nuk mohon ligjshmërinë e dekretit të presidentit për datën e re të zgjedhjeve, por rrëzon sipas këndvështrimit të tij 9 akuzat e komisionit hetimor për shkarkimin e kreut të shtetit.

Dhe do të jetë ODIHRI e të tjerë që nuk do të lejojnë më të tilla zgjedhje deklaron ish deputeti  Partisë Demokratike. /ABC News Albania 24/7

PROVOKACIA-5-KORRIK-DENAR-BIBA-PJESA-1.mpg_snapshot_08.17-1280x720.jpg
ent ela21:02 | 05/07/2019

I deklaruar edhe më herët kundër prezantimit të teknologjisë në zgjedhje, Denar Biba shprehet në Provokacija se tashmë duhet të dakordësohet me Oerd Bylykbashin sa i takon votimit elektronik, i pyetur për ndërhyrjet q ëmudn të bëhen në sistem..

“Ndërhyrjet synojnë sistemin dhe ai është thelbi, por në lidhje me procedurën, unë kam qenë kundër dhe i deklaruar për prezantimin e teknologjisë në zgjedhje, por mesa duket do dakordësohem me Oerd Bylykbashin dhe mendoj se votimi elektronik, i gjithë procesi, identifikimi i votuesit, momenti i votimit, transmetimi i të dhënave dhe nxjerrja rezultateve mund të bëhen të katër elektronike dhe ndërhyurja është zero. Unë kam qenë kundra, por nëse doni të përjashtoni këto cic micet, partitë politike, PD. Nuk ia di përvojën Gamend Bardhit me zgjedhjet, por jam i bindur që të tjerë në PD e dinë shumë mirë që nuk ka asnjë mospërputhje mes deklarimit të parë dhe të dytë, nuk e mirëkuptoj, por e kuptoj në këtë mjedis ku jetojmë”.

I pyetur për koston që mund të ketë votimi elektrnik dhe për sa kohë është i vlefshëm ai, Biba përgjigjet se ky investim shkon në 40-50 milionë euro dhe vlen për 3-4 zgjedhje nëse nuk ndryshon sistemi zgjedhor.

“PD që  bën më shumë zhurmë është partia që është mbështetëse e votimit elektronik, kostoja në dijeninë time është në varësi të firmës të cilës i drejtohesh, teknikës, update, një kosto 40-50 milionë euro. Ky investim vlen deri në 3-4 zgjedhje se kërkon dhe mirëmbajtje në rast se nuk ndryshon sistemi ligjor, por nëse qëndron janë të vlefshme për 3-4 zgjedhje”.

Duke sjellë në vëmendje një vendim të gjykatës gjermane  të vitit 2010, e cila e shpalli antikushtetues votimin elektronik në Gjermani, me argumentin se votuesi gjerman nuk kupton se ku shkon vota e tij, nënkryetari i KQZ-së thotë se në Shqipëri mund të bëhet edhe i dyfishtë, me elektronik dhe klasik, duke e shpejguar procesin para zgjedhjeve përmes televizionit.

“Ka një vendim të gjykatës gjermane 2010 që e shpalli antikushtetues votimin elektronik në Gjermani me argumentin se votuesi gjerman nuk kupton se ku shkon vota e tij. Kurse në votimin elektronik ai shtyp një buton dhe ai nuk e kupton.

Në Shqipëri mund të bëhet edhe një proces mësimor nëpërmjet TV, nuk është e vështirë. Mund të bëhet edhe i dyfishtë, të jetë dhe makina dhe me letër”.

Por një zgjidhje për votimin klasik e sheh te modeli finlandez, ku komisionerët zgjidheshin në mënyrë kompjuterike nëpërmjet shtetasve me të drejtë vote mbi 18 vjeç

“Duke kuptuar procesin, kam kuptuar se të gjithë që merren me këtë çështje nuk mund të ketë demokraci pa parti politike . Partitë ofrojnë kandidatë, përçojnë ideologjitë te masat dhe sjellin energji duke sjellë struktura që menaxhojnë, por ka konflikt interesi. Unë jam dëshmitar sesi në Finlandë zgjidheshin në mënyrë kompjuterike nëpërmjet shtetasve me të drejtë vote 18 vjeç e lart”.

Mund të ecë në Shqipëri?

“Mund të ecë, ka pasur ide për të përfshirë mësuesit, por prapë dikush do thotë që janë të punësuar të qeverisë. Kurse në KAZAZ të vinim gjyqtarë ose noterë. Dhe kështu të kishim një trupë më profesionale shqiptarësh”. /abcnews.al

oerd-bylykbashi-3-847x477-620x349-1.jpg
Sej rie21:15 | 29/06/2019

Ish-deputeti i PD, Oerd Bylykbashi nëpërmjet një postimi në rrjetet sociale deklaron se KQZ-ja dhe Policia e Shtetit kanë urdhruar për të ndaluar aktivitetin e opozitës në media dhe në protesta. Sipas Bylykbashit është i paligjshëm urdhri i policisë për të ndalur protestat e opozitës gjatë ditës së nesërme si dhe urdhri i KQZ për të ndaluar median të pasqyrojnë aktivitetet e PD-së.

”Dy repartet e Partisë Socialiste, KQZ dhe Policia e Shtetit kanë dhunuar të drejtat kushtetuese të shtetasve që nuk pranojnë farsën antikushtetuese të 30 Qershorit.

Bordi i Monitorimit të Mediave i KQZ, dje me 28 Qershor, ka paralajmëruar zyrtarisht mediat që bashkë me aktivitete zgjedhore, të mos transmetojnë ‎asnjë aktivitet politik gjatë heshtjes zgjedhore. Kodi Zgjedhor, neni 77, përcakton qartë që ndalimet e heshtjes zgjedhore vlejnë vetëm për aktivitetet elektorale të SUBJEKTEVE ZGJEDHORE dhe për askënd tjetër.

Policia e Shtetit, po dje më 28 Qershor, kërcënoi me burgim nëse zhvillohen tubime të partive politike dhe shtetasve të lirë që nuk marrin pjesë në zgjedhje, në periudhën e heshtjes zgjedhore dhe ditën e votimit. Policia e Ramës i cilëson të paligjshme dhe si cenuese të të drejtave të votuesve socialiste këto tubime proteste për mbrojtjen e të drejtës për të zgjedhur. Policia kërkon të ndaloje çdo tubim proteste edhe nëse janë larg ambienteve të votimit të Partisë Socialiste.

Partitë politike që nuk marrin pjese në votime, sa kohë nuk bëjnë fushatë për partitë e tjera, veprojnë mbi bazën e Kushtetutës Ligjit për Partitë Politike dhe Ligjit për Tubimet. Kodi Zgjedhor dhe periudha zgjedhore nuk pezullon të drejtat e tjera kushtetuese të shtetasve. Media ka liri të plotë të transmetoje lajme mbi aktivitete politike që nuk janë fushatë e subjekteve zgjedhore. KQZ dhe Policia, dy vegla të Kryeministrit, po dhunojnë të drejtën kushtetuese të lirisë së shprehjes, lirisë së medias, lirisë së tubimit dhe të drejtat që Kushtetuta dhe ligji u njohin partive politike”.

oerd-bylukbashi.jpg
nev ila14:10 | 17/04/2019

Ish-bashkëkryetari demokrat i komisionit të reformës elektorale, Oerd Bylykbashi, ftesën e përsëritur të kryeministrit Rama drejtuar opozitës, për të zënë karrigen e vëzhguesit në komisionin e reformës zgjedhore, me të drejtë veto-je, e sheh si aktin e fundit të një drame tragji-komike.

“Halli ku nuk e çon Edi Ramen, të bëj deklarata, ti quaj ftesa. Edi Rama është një njeri që jo vetëm tallet me gjithë shqiptarët por është gati të shkatërroje bazat e bashkëjetesës demokratike në vend. Me një parlament të këtij lloji që bazohet në këtë masakër elektorale, sigurisht që nuk mund të jesh pjesë e tij. Nuk mund të vazhdoje më, ndaj ftesa e Edi Ramës është sa komike aq edhe tragjike pra i gjithë ky kuadër  e bën atë ftesë të pakuptim dhe diçka për tu hedhur në kosh pa u marrë fare në konsideratë”, deklaron Bylykbashi.

Projektvendimin e miratuar në seancën parlamentare të 11 prillit, i ardhur si propozim i mazhorancës, për zëvendësimin në komisionet parlamentare të përfaqësuesve të opozitës, e ka komentuar kështu:

“Një gjë duhet thënë, askush që është sot në atë parlament, nuk mund të përfaqësoje PD, LSI, PR, LZHK. Kështuqë çdo lloj akti që del në parlamentin e Shqipërisë duke zëvendësuar anëtarët e PD, me gjoja anëtarë të tjerë të PD-së, është qesharake dhe e paligjshme”, thotë  ai.

Kjo jo vetëm bazuar në rregulloren e kuvendit, sipas Bylykbashit, por në rastin e Komisionit të Reformës Zgjedhore, edhe vetë vendimit të Parlamentit.

“Këta njerëz nuk kanë tagër përfaqësimi dhe kaq është çështja. Vendimi i parlamentit flet për një komision bipartizan konsensual, dhe mbushja me elemente që nuk përfaqësojnë askënd politikisht, thyen vet vendimin e parlamentit”, thekson ai.

Sa i përket draftit të ndodhur në tryezën gjysmë bosh të komisionit të reformës zgjedhore, Bylykbashi shprehet se:

“Ai draft nëse sot përfshihet në kod është i paplotë dhe i papërfunduar, dhe nëse do të miratohej sot, do çonte në kaos përgatitjet zgjedhore sepse është i papërpunuar”, deklaron Bylykbashi.

Kush sot vetë-identifikohet si opozitë, për shkak të pozicionit gjeografik në seanca parlamentare, Bylykbashi i komenton se janë individë që do të zhduken vetë nga skena politike.

“Janë individë të cilët do të zhduken shumë shpejt nga jeta politike në vend nëpërmjet votës”, shprehet ai.

Kjo jo vetëm bazuar në aftësitë që ata mund t’i ofrojnë një procesi kompleks si ai i reformimit të kodit apo sistemit zgjedhor, por fillimisht për shkak të mungesës së legjitimitetit përfaqësues, që kërkon ri-konfirmim periodik me votë qytetare, një testi që për Bylykbashin deputetët e rinj nuk i mbijetojnë dot./abcnews.al

mediu-dhe-bylukbashi-1280x717.jpg
ent ela22:00 | 27/03/2019

Oerd Bylykbashi dhe Fatmir Mediu kanë folur për listën e kandidatëve që po përzgjedh opozita për t’u bërë gati sipas tyre për zgjedhje. Bylykbashit tha në “Byro Politike” se opozita duhet të jetë gati nëse u thuhet për zgjedhje të parakohshme. Ndërsa nga ana e tij Mediu u shpreh se misioni i opozitës është ta dërgojë vendin drejt rrugës evropiane. Sipas tij nëse nuk ndodh atëherë nuk do këtë më opozitë.

Oerd Bylykbashi: Zhvillimet politike dhe ne po përpiqemi që t’i çojmë në atë drejtim që ato të shkojnë në zgjedhje. Dhe kur të bëhen zgjedhje parlamentare duhet të bëhen zgjedhjet lokale dhe është gjëja më normalë që partitë e opozitës të kenë bateritë e tyre gati, qoftë porsa i përket strukturave qoftë porsa i përket kontrollit të terrenit nga strukturat. Në këtë kuadër duhet të bëjmë gati edhe procesin se si përzgjidhen kandidaturat. PD dhe opozita është në avangardë përsa i përket metodave të reja të përzgjedhjes. Ne po diskutojmë metoda konkretë për të përzgjedhur kondidaturat sa më shumë nga baza. Nuk ka asgjë të çuditeshe në këtë histori pasi nëse mund të thuhet do shkojmë në zgjedhje të parakohshme dhe ne çfarë do themi prisni pak se nuk jemi gati.

Fatmir Mediu: Përzgjedhje elektorale dhe funksionimi elektoral i një partie fillon në momentin kur mbaron data e zgjedhjeve. Misioni i opozitës është se ose do ta kthejmë këtë vend drejt rrugës kushtetuese dhe evropiane ose nuk do të ketë më opozitë. Këto dy alternativa janë./abcnews.al

oerd-bylykbashi.jpg
ent ela18:41 | 05/03/2019

Për ish-deputetin e PD-së Oerd Bylykbashi, dialog me Edi Ramën opozita nuk do të pranojë. Ai madje tha se Kryeministri nuk është i gatshëm për të hyrë në dialog.

“Së pari PS duhet të kuptojë se ka një trashëgimi të dikurshme madje duke ndërruar kryeministra arrinte të adekuonte një situatë të rëndë. Ky koncept me Edi Ramën nuk ekziston. Edi Rama thotë se do marr pushtetin në 61 bashki, do ndërroj Kodin Zgjedhon në mënyrë të njëanshme, mendoni se ju se Rama është i gatshëm për dialog?! Ai është personi i fundit për një negociatë apo dialog. Ne nuk na intereson pushteti në tavolinë dhe pushteti vjen nëpërmjet zgjedhje. Këtë e prodhojnë vetëm zgjedhjet e parakohshme pa Ramën”.

Më tej ai ka paralajmëruia për një tërmet të madh ku lëkundjet e të cilit sapo janë ndjerë në politike.

“Fakti që ka ndodhur një zhvillim kaq i madh politik me pasoja tektonike dhe tërmet sapo kanë filluar dhe Rama nuk mund të qëndrojë dot. Kjo ngrehinë shpejt do të bjerë. Tërmet vetëm kanë filluar dhe më i madhi nuk ka ardhur ende”.

E ndërsa kritikët e konsiderojnë si precendet aktin e ndërmarrë nga opozita për djegien e mandateve, demokrati tha se:

“Është një precedent i cili i tregon kujtdo autokrati apo kujtdo politikani që ka në kokën e tij që mund të qeverisë në kokën e tij në të ardhmen, nuk ka rëndësi i djathtë apo i majtë. Por nuk mund të qeveriset në këtë formë duke kapur të gjitha pushtetet, duke prishur ndarjen e pushteteve. që është baza themeli i çdo sistemi demokratik, ndarja e pushteteve. Veç gjyqësori, veç ekzekutivi, veç parlamenti dhe pushtete të tjera të pavarura përfshirë median. Nëse i kap të gjitha situata vjen aty ku vjen edhe një herë nevoja për rrëzim busti. Kësaj radhe është radha e bustit të Edi Ramës si figurë.  Precedenti është ky. Kush mendon se mund të qeverisë në të ardhmen njësoj me Edi Ramën do të bie. Bie dhe bie keq për të mos u kthyer më. Ky politikan do të zhduket përfundimisht si model, jo vetëm si individ nga skena politike shqiptare. Dhe këtë do ta bëjnë shqiptarët, do ta bëjnë edhe të majtët, do ta bëjnë edhe socialistët. Do jetë precedenti që do u tregojë shqiptarëve që si mund të qeveriset në mënyrë që të arrijnë në BE”.

I pyetur nëse opozita do ishte e gatshëm të ulej në dialog ku ndërmjetësuar të ishte Meta, Bylykbashi u shpreh se nuk është momenti që flitet për dialog.

“Jo dialog pa kuptuar se kush janë problemet është e kotë të diskutohet për dialog. Meta ka një rol të tij. Nëse Rama thotë se e kam partinë legjitime dhe parlamenti legjitim dhe ne kërkojmë negociator për një gjë që nuk ekziston. Të flasim për këtë  është sikur flasim për kotë mirë kur bie shi. Të vetmet për zgjidhej e kësaj krize janë zgjedhjet e parakohshme me një qeveri e cila nuk e ka Ramën brenda”.

Gjithashtu ish-deputeti ka folur për protestë që pritet të mbajë opozita më 16 Mars, përpara Kryeministrisë.

“Është një etapë shumë e rëndësishme dhe do demonstrojë fuqinë në rritje të opozitës shqiptare. Njerëzve u ka ardhur shpirti në majë të hundë. Më 16 Mars do jetë një demonstrim i madhe që ka opozita. Fjala ka mbaruar koha dhe sot Rama nuk ka institucion tjetër që ti vëre fre përveç protestave të madha para zyrës së tij”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono