Bylykbashi

DEBATI-POLITIK-NE-KOMISIONIN-PARLAMENTAR-1280x720.jpg
ent ela17:41 | 16/05/2018

Njëlloj si ditët e fundit edhe këtë të martë deputetët e Partisë Demokratike kanë marrë pjesë në komisionet parlamentare për të folur vetëm për çështjen Xhafaj. Shohim se c’ka ndodhur në komisionin e ligjeve.

Skenarin politik të komisioneve parlamentare për ditën e mërkurë opozita e kishte paralajmëruar më parë.

Alibeaj: “Cili është personi i zhdukur sot e prej disa ditësh, personi që nuk bëzan sot për cështjen më të rëndë që i ka rënë atij, qeverisë e shtetit, ministrit të Brendshëm. Ky komision i cili duhet të përkujdeset për jetën, shendëtin, ardhmërinë e çdo shqiptari, ne do të diskutojmë si na ndodh që kemi një ministër të Brendshëm të zhdukur që nuk merr përgjegjësitë e veta dhe kemi vëllain e tij Agron a Geron Xhafaj që me vendim të formës së prerë që shëtit i lirë”.

Të mbledhur në komisionin e ligjeve rreth seancës dëgjimore me institucionet shtetërore mbi zbatimin e konventës për mbrojtjen e personave të zhdukur me forcë në kohën e regjimit komunist, zv.kryetarja e komisionit Vasilika Hysi provoi të sillte diskutimin në çështjen e paracaktuar të ditës.

Hysi: “Është hera e parë që shqyrtojmë një raport zyrtar për një çështje që besoj se PD duhet ta kishte kauzë, ne kemi 5 mijë persona që nuk dihen ku prehen. Më vjen mirë qe keni ardhur, po kjo nuk do të thotë që të dalim nga rendi i ditës. Këtu sot ka një seancë e angazhim, për çështjen e Alibeajt mund të kemi ditë të tjera. Tema dhe dita që keni zgjedhur është e gabuar”.

Kjo nuk devijoi retorikën e demokratëve.

Bylykbashi: “A e kuptoni që duke u bërë palë me zotin Xhafa keni bërë bërë një gjë më të rëndë se kaq, për të shpëtuar Agron Xhafajn keni zhbërë tre konventa që ka Shqipëria. Kriminelët e dënuar sot gjejnë strehë te ky parlament. Çdo gjë që bëni ju sot përveçse turp e krim”

Ndërprerja e fjalës së deputetit Bylykbashi nga e ftuara në komision për të raportuar, zv.ministjra e Brendshme Rovena Voda, e cila u thirri demokratëve të kenë turp për retorikën pasi nuk janë në mbledhje të grupit të tyre parlamentar, ndezi gjakrat.

Në pamundësi për të kontrolluar situatën, Vasilika Hysi hodhi në votim mbylljen dhe shtyrjen e seancës për një datë tjetër. /abcnews.al

 

vlcsnap-error990-1280x720.jpg
ent ela15:32 | 09/02/2018

Anëtari demokrat i nënkomisionit, që përzgjodhi me short emrat e listave për Këshillin e Lartë të Gjyqësorit dhe Këshillin e Lartë të Prokurorisë , Oerd Bylykbashi, ka denoncuar votimin e djeshëm në parlament sit ë pavlefshëm, kjo për shkak të mungesës së kuorumit prej 2/3 në momentin e votimit të aktit që kërkon pikërisht këtë shumicë për miratim.

Oerd Bylykbashi: “Votimi i djeshëm ishte nul për një fakt të thjeshtë kushtetues”.

Anëtari demorkat i nënkomisionit që në raundine tretë prodhoi këtë listë i referohet nenit 38 të kushtetutës.

Oerd Bylykbashi: “ Kuvendi vendos me shumicën e thjeshtë, përveç rasteve kur Kushtetuta parashikon shumicë të cilësuar”.

94 ishin votat e nevojshme për miratimin e listës, pra një shumicë e cilësuar prej 2/3-tave të parlamentit.

Oerd Bylykbashi: “Bazuar në jurisprudencë, kuorumi duhet të jetë sa shumica e nevojshme për miratimin e një akti të caktuar”.

Oerd Bylykbashi i referohet vendimit 29/2009 të Gjykatës Kushtetuese, e cila në vendimin e saj interpreton se…

“Numri i anëtarëve të pranishëm verifikohet për efekt të vlefshëmrisë së vendimit dhe për të llogaritur rezultatin përfundimtar .”

Për këtë arsye…

Oerd Bylykbashi: “Lista është nul ndaj nuk hyn në fuqi dispozita automatike”.

Bëhet fjalë për pikën 16 të nenit 35 të ligjit për organet e qeverisjes së sistemit të drejtësisë, i cili përcakton se lista miratohet automatikisht pas dështimit në raundin tre të arritjes së 94 votave në parlament.

Oerd Bylykbashi: “Nëse do të konstituoej edhe vendimmarrja do ishte nul me këta anëtarë”.

Mungesën e pranisë së opozitës në sallë, e për rrjedhojë mos arritjen e kuorumit prej 94 deputetësh, të nevojshme sipas tyre për hedhjen në votim të listave, Oerd Bylykbashi e ilustron me statistikë.
Lista me pesë antarët jo gjyqtarë dhe pesë anëtarët jo prokuror të dy Këshillave të Lartë përbën më pak se gjysmën e trupës prej 11 anëtarësh të këtyre dy organeve të reja të drejtësisë.
/abcnews.al

 

Oerd_Bylykbashi25mars_2-1280x706.jpg
ent ela11:18 | 29/01/2018

Partia Demokratike ka denoncuar kryeministrin Rama që sipas saj po mbron kriminelët për të ruajtur pushtetin e vet. Deputeti demokrat Oerd Bylykbashi deklaroi se kryeministri po bën kurban reformën në drejtësi për të mbrojtur Saimir Tahirin dhe personazhe të njohur të krimit.

Në një deklaratë për mediat nga Kryesia e Kuvendit Oerd Bylykbashi deklaroi se Edi Rama nuk mund të bëjë drejtësi për shqiptarët, pa u dënuar Sajmir Tahiri dhe të tjerë që mbështesin këtë qeveri.

“Pa u dënuar Sajmir Tahiri dhe të tjerë që mbështesin këtë qeveri, Edi Rama nuk mund të bëjë drejtësi për shqiptarët”- tha Bylykbashi.

Sipas tij kriminelëve me të cilët ka ardhur në Pushtet, Rama u siguron lirinë dhe paprekshmërinë

“Kriminelët e vetë me të cilët ka ardhur në pushtet dhe mban pushtetin, si Durim Keçi dhe Agron Xhafaj, të dënuar në Itali për trafik ndërkombëtar droge, Rama nuk i ekstradon. Përkundrazi u siguron lirinë dhe paprekshmërinë.

Ndërsa Nezar Seitin, llogaritarin e Habiljave, dëshmitarin kyç të milionave të drogës që ka marrë Saimir Tahiri, shkeli ligjin dhe e ekstradoi vetëm për të sabotuar hetimin e Sajmir Tahirit.

Edi Rama ka ngritur në këmbë shtetin, qeverinë dhe drejtësinë e kapur, si dhe po bën kurban reformën në drejtësi për të mbrojtur Saimir Tahirin, sepse kështu mbron veten e tij dhe pushtetin e tij të lidhur me krimin e organizuar dhe trafikun ndërkombëtar të drogës”- theksoi Bylykbashi./abcnews.al

vlcsnap-error047-1280x720.jpg
ent ela14:40 | 23/01/2018

Kjo listë është e delegjitimuar.

Alarmi erdhi nga selia blu dhe i drejtohet listës me dhjetë emrat e përzgjedhur me short nga nënkomisioni përgjegjës për anëtarët jo gjyqtar dhe jo prokuror të dy Këshillave të Lartë, atij të Gjyqësorit dhe Prokurorisë.

Oerd Bylykbashi: “Ato që do të jenë qeverisja e sistemit gjyqësor për të ardhmen organe, të cilat do të formësojnë gjyqësorin e ri dhe shërbimin e ri të prokurorisë. Janë ato që do të ushtrojnë masat disiplinore dhe të gjitha funksionet që parashikon ligji për këto organe”.

Janë këta kandidatë, që sipas nënkryetarit të nënkomisionit që i përzgjodhi ata me short, Oerd Bylykbashi, nuk plotësojnë kushtet dhe kriteret ligjore, por mbi të gjitha ato Kushtetuese, të cilat ishin pjesë thelbësore e marrëveshjes së 21 Korrikut 2016.

Oerd Bylykbashi: “Që kërkonte që palët politike të kishin kontribut dhe ndikim të barazvlefshëm dhe barazlarguar në formësimin e këtyre dy trupave”.

Këtë bënë të mundur 140 votat në parlament për ndryshimet kushtetuese, thekson Bylykbashi, për t’u zhbërë më pas përmes ligjit të miratuar vetëm nga mazhoranca, që instaloi ato që ai i quan filtrat paraprak, komisionet që sollën në Kuvend kandidatët më pas të hedhur në short në nënkomision.

Oerd Bylykbashi: “Një proces i delegjitimuar që nuk kish si të prodhonte ndryshe një listë kandidatësh të përzgjedhur politikisht në mënyrë që në çdo rast lista e ardhur nga jashtë sistemit të drejtësisë të jepte rezultatin e kontrolluar nga Rama”.

Nga selia blu, Bylykbashi sëbashku me ish-ministrin teknik të Drejtësisë, Gazment Bardhi, publikuan dokumenta në mbështetje të argumentave të mbrojtur një dite më parë, gjatë diskutimit emër për emër të kandidatëve të listuar nga sekretari i përgjithshëm i Kuvendit.

Oerd Bylykbashi: “Këto kandidatë kishin probleme nga mospërputhja e kritereve ligjore tek kandidaturat e prapranueshme nga ligji për dekriminlizimin”.

Nuk i interesojnë emrat e veçantë dhe nuk kërkojnë vlerësim moral apo profesional të kandidtëve.

Gazment Bardhi: “Por evidentimi i problematikave për mospërmbushjen e kritereve është detyrim kushtetues. Subjekti deklarues Altin Hazizaj, kandidat për Këshillin e Lartë Gjyq2ësor nga Shoqëria Civile përfshihet në fushën e veprimit të ligjit për dekriminalizimin. Kandidati Sokol Lamaj, i cili vjen nga radhët e avokatisë rezulton që ndaj tij janë marrë masa administrative për shkak se nuk ka zbatuar ligjin dhe nuk ka paguar rregullisht tatimet. Nga rradhët e pedagogëve rezulton të jetë përzgjedhur zoti Ilir Panda. ONM ka konstatuar se zoti Panda ka qenë i angazhuar politikisht në nivele shumë të larta në të kaluarën. Shtetasi Kozma Jano, i datëlindjes 1956, ka qenë bashkëpunëtor i Sigurimit të Shtetit me pseudonimin “Telefoni”. Në Këshillin e Lartë të Prokurorsië rezulton të jetë përzgjedhur kandidati nga Shoqëria Civile, Alfred Balla, nuk është angazhuar në pesë vitet e fundit në Shoqërinë Civile. Përveç kësaj, vëzhguesit ndërkombëtarë kanë konstatuar se platforma e paraqitur nga ky kandidat është plagjiaturë e një platforme paraqitur nga një kandidat tjetër”.

Përfundimi?

Gazment Bardhi: “Mazhoranca ka përfshirë në short dhe potencialisht ka emëruar kandidatë që delimitigjojnë të gjithë funksionimin e Këshillit të Lartë Gjyqësor dhe Këshillit të Lartë të Prokurorisë”.

Kjo sepse lista që dërgohet në Kuvend do të votohet në bllok. 94 janë votat e nevojshme për miratimin e listës e cila nëse nuk merr votat e mjaftueshme, kthehet në nënkomision për t’u ri-zgjedhur./abcnews.al

vlcsnap-error676-1280x720.jpg
ent ela16:17 | 20/01/2018

Gjykata Kushtetuese ka shfuqizuar disa nene të ligjit për Këshillin e lartë të Prokurorisë dhe atij të gjyqësorit. Por është edhe një numër vendimesh, jo përfundimtare të kësaj gjykate, që me shumicë votash vlerëson antikushtetutshmëri në ligjet e reformës në drejtësi, që sot janë në fuqi dhe zbatim nga organet e drejtësisë, kjo vetëm sepse Gjykata Kushtetuese operon me dy antarë më pak se parashikohet në ligj. A është sistemi i ngritur derimë tani ende i cënueshëm nga mungesa e një vendimi përfundimtari kësaj Gjykate dhe a do të sillte një përsëritje të vakuumit ligjor, mungesa e adresimit të problemeve të vlerësuara me shumicë votash, por pa vendim përfundimtar të Gjykatës Kushtetuese? Ndiqni intervistën për ABC News të nënkryetarit të reformës në drejtësi Oerd Bylykbashi.

Është ky efekti i shfuqizimit të neneve të demaskuara si antikushtetuese nga Gjykata, të ligjit për Këshilin e Lartë të Prokurorisë dhe atë të Gjyqësorit, sipas nankryetarit të reformës në drejtësi Oerd Bylykbashi.

84 vota në parlamentin shqiptar, prej qershorit 2017 do të thotë konsensus mes palëve. Kjo do të kërkohet nga politika, thekson Bylykbashi, kur Këshilli i Legjislacionit të ndërhyjë në ligj për të rregulluar ngërçin që i sjell shfuqizimi i neneve, Këshillit të Lartë të Prokurorisë.

“Nga ana tjetër sigurisht ky process tregon cilësinë shpesh me problem të nivelit anikushtetues të atij grupi pune që prodhoi ato ligje që u miratuan me shumicë të njëanshme dhe vendimet e GJK flasin shumë keq për këto drafte te ekspertëve të nivelit të lartë”.

Gjykata kushtetuese është shprehur me vendim për disa ligje të reformës në drejtësi, por bazuar në Kushtetutë, këto vendime nuk janë përfundimtare.

“Kushtetuta është e qartë, GJK merr vendim përfundimtar kur voton me shumicën e të pesë antarëve, pra me pesë vota, çdo gjë tjetër, pra një vendim që nuk I ka pesë votat, nuk mund të jetë përfundimtar”.

I tillë është rasti i komisioneve që përzgjodhën paraprakisht kandidatët për KLP, sot të marra në shqyrtim nga nënkomisioni ad hoc ky Oerd bylykbashi është nënkryetar. Por i njëjtë është edhe rasti i ligjit të vettingut, i ankimuar nga demokratët si antikushtetues, e votuar nga shumica e gjyqtarëve si i tillë, por i mbetur në fuqi për mos arritjen e kuorumit prej 5 votash në total nga trupa e mbetur me 7 antarë nga 9 të parashikuar për Gjykatën Kushtetuese.

“Një trupë e re mund të sjellë në një shfuqizim të këtyre normave dhe për rrjedhojë ne të jemi përballë një boshllëku konkret”.

Pikërisht këtu Kuvendi mund të fusë marshin e vullnetit politik, thotë Bylykbashi.

“Parlamenti nuk është automat, është trupë politike e ndërgjegjshme, e për rrjedhojë parlamenti mudn ta shohë tani problemin dhe të ndërhyjë”.

Këshilli i Legjislacionit vendosi me shumicë votash vlerësimin e çdo vendimi të Gjykatës Kushtetuese sa i përket ligjeve të reformës në drejtësi për të identifikuar boshllëqet ligjore të mundshme të shkaktuara nga shfuqizimi apo edhe vetëm interpretimi i kësaj Gjykate./abcnews.al

vlcsnap-error002-1280x720.jpg
us er13:27 | 05/12/2017

Socialistët dhe demokratët vijojnë të kenë interpretime të ndryshme kushtetuese dhe ligjore në lidhje me përfundimin e mandatit të kryeprokurorit Llalla. Sipas mazhorancën, ky I fundit duhet të largohet më 7 dhjetor, ndërsa sipas opozitës, këtë mund ta thotë vetë Këshilli I Lartë I Prokurorisë, që ende nuk është ngritur. Në këto kushte, demokratët akuzojnë socialistët se po përpiqen të kapin kryeprokurorin për të mbyllur çështje të nxehta që I prekin.

Pretendimin e mazhorancës, sipas së cilës mandati i Kryeprokurorit Llalla mbaron më 7 dhjetor, demokratët e gjejnë një shkelje të Kushtetutës. Oerd Bylykbashi mendon se vetëm Këshilli i Lartë I Prokurorisë mund të deklarojë fundin e mandatit, por pranon se ka një boshllëk kushtetues, në kushtet kur ku organ ende nuk është ngritur.

Deputeti demokrat i ligjeve hedh gjithashtu poshtë pretendimin se këtë vacuum në legjislacion e mbush ligji për Prokurorinë, që parashikon zgjedhjen e një kryeprokurori të përkohshëm, nëse rast se ende nuk ngritur KLP.

Ndryshe nga opozita, socialistët pretendojnë se arsyetimi I tyre mbi përfundimin më 7 dhjetor të mandatit të Adriatik Llallës, është I bazuar në ligj dhe Kushtetutë.

Në lidhje me këtë çështje, pak kohë më parë, misionet këshilluese të SHBA dhe BE, përkatësisht OPDAT dhe EURALIUS, përmes një dokumenti drejtuar Kuvendit, kanë këshilluar këtë të fundit që në bazë të dispozitave kalimtare, të zgjedhë me shumicë të thjeshtë një kryeprokuror të përkohshëm, deri në ngritjen e KLP-së./abcnews.al

vlcsnap-error853-1280x720.jpg
us er13:26 | 02/12/2017

Deputeti demokrat i qarkut Durrës Oerd Bylykbashi, nga terreni i përmbytur i zonës bregdetare, kërkesën e llogarisë e kërkoi nga qytetari i parë i Durrësit. Bylykbashi përmes rrjetit social facebook theksoi se kryetari i Bashkisë, Vangjush Dako, jo vetëm nuk ka ndihmuar, por ka përkeqësuar situatën në qark duke abuzuar me fondet për t’i përdorur për betonizim e jo pastrimin e kanaleve. Oerd Bylykbashi ka shpërndarë edhe disa foto përmes të cilave dokumenton situatën në Sukth dhe Katund të Ri.

Ky është viti i dytë radhazi që kjo zonë përmbytet sipas informacionit të deputetit democrat. Por kjo është vetëm një rezultat i pritshëm sipas tij, kur 8 milion euro shpenzohen në beton për të ndërtuar Velierën në qendër të qytetit.

Ende pa marrë asnjë qindarkë nga dëmshpërblimi i premtuar për përmbytjen e vjetshme, këtyre banorëve u erdhi përmbytja përsëri –  përmbyll Oerd Bylykbashi në postimin e tij në Facebook./abcnews.al

 

vlcsnap-error469.png
us er16:13 | 18/10/2017

Zbardhja e përgjimeve të grupit të Habilajve, ku përmendej dhe emri i ish-ministrit Saimir Tahiri, është bërë shkak për mbledhjen e një tryeze të partive opozitare. Nisma është marrë dje nga PD dhe asaj i janë bashkuar edhe partitë e tjera aleate si edhe LSI.
Në këtë takim, që ka nisur që në orën 11:30, po diskutohet për hapat e mëtejshme dhe aksionin e opozitës përballë kësaj situate në vend.
Një deklaratë e përbashkët, që pritet të dalë nga kjo tryezë, sipas burimjeve të ABC Neës ka në thelb kërkesën për largim të qeverisë dhe formimin e një qeverie antimafia për organizimin e zgjedhjeve të reja.
Në tryezë po marrin pjesë kreu i PD Lulzim Basha, i shoqëruar nga deputetët Edmond Spaho dhe Oerd Bylykbashi, kryetarja e LSI Kryemadhi, e shoqëruar nga deputetët Vasili dhe Haxhinasto, si dhe drejtues të partive të tjera aleate të PD, Fatmir Mediu, Dashamir Shehu, Vangjel Dule, Agron Duka e Koço Kokëdhima.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono