buxheti

ke-780x439.jpg
nev ila23:52 | 17/06/2019

Italia dhe Komisioni Europian duket se e kanë lënë pas luftën për defiçitin buxhetor të vitit 2019. Por Brukseli kërkon nga Roma që defiçiti për vitin 2020 të mos shkojë mbi 2 për qind të XHI DI PI-së.

Italia beson se mund të plotësojë kërkesat e Komisionit Europian në lidhje me shpenzimet publike për këtë vit, por pika kyçe e negociatave mes palëve tashmë është viti i ardhshëm 2020. Brukseli ka kërcënuar Italinë me masa disiplinore që parashikojnë një mbikëqyrje më të rreptë të politikave fiskale të saj e që mund të çojnë drejt vendosjes së gjobave.

Komisioni ankohet se Roma zyrtare nuk e shkurtoi borxhin e saj publik në vitin 2018 sikurse kishte premtuar dhe konstaton se ai do të vazhdojë të rritët këtë vit dhe atë të ardhshëm nëse qeveria aktuale nuk merr masa shtrënguese. Ndërkohë, qeveria në Romë beson se defiçiti buxhetor për pjesën e mbetur të vitit 2019 do të jetë 2 për qind të prodhimit të brendshëm, një nivel i pranuar nga KE në dhjetor, por Brukseli dëshiron që i njëjti zotim të bëhet edhe për 2020-n.

Kjo ka detyruar ministrin e ekonomisë Xhovani Tria të përfshihet në një negociatë të vështirë në radhët e koalicionit qeverisës, me partinë anti-sistem Lëvizja 5 Yjet dhe atë të ekstremit të djathtë Liga e Veriut, që nuk dëshiron të firmosë shkurtimin e defiçitit për vitin e ardhshëm.

“Palët janë të hapura për të diskutuar mbi 2019-n, por nuk duan të përfshihen në debat për buxhetin e vitit të ardhshëm”, ka deklaruar një burim për agjencinë e lajmeve “Reuters”.

Liga e Veriut, që la pas partnerët e 5 Yjeve në zgjedhjet euro-parlamentare, e ka kthyer reduktimin e taksave në kalë beteje në prag të hartimit të buxhetit për vitin 2020. “Vota e italianëve do të thotë se ne duhet të reduktojmë taksat”, ritheksoi të hënën kryetari Mateo Salvini gjatë një vizite në Shtetet e Bashkuara./ABC News Albania 24/7

E4BF5D56-AC0B-4041-884C-060EEDBA2A09_cx0_cy1_cw0_w1023_r1_s.jpg
ent ela08:58 | 11/03/2019

Shtëpia e Bardhë pritet të publikojë të hënën, buxhetin e administratës së presidentit amerikan, Donald Trump për vitin 2020.

Zyra për buxhet e Shtëpisë së Bardhë ka njoftuar më 10 mars se Trump do të propozojë që Kongresi amerikan të zvogëlojë shpenzimet që nuk janë për mbrojtje për 5 për qind, ashtu që të shtohen financat për ushtrinë, kujdesin shëndetësor të veteranëve dhe për siguri kufitare.

Në buxhetin e propozuar përfshihet edhe financimi prej 8.6 miliardë dollarëve për ndërtimin e murit me Meksikën si dhe për Forcën Hapësinore, një degë e re ushtarake.

Liderët demokratikë në Dhomën e Përfaqësuesve dhe ata në Senat, të cilët kundërshtojnë ashpër murin me Meksikën, kanë refuzuar menjëherë kërkesën e Trumpit për këtë formë të ndarjes së buxhetit, derisa edhe Forcën Hapësinore e kanë cilësuar të panevojshme dhe shumë të kushtueshme.

Në Shtetet e Bashkuara, propozimi i buxhetit nga administrata konsiderohet pasqyrë për prioritetet e ekzekutivit.

Vendimet përfundimtare të buxhetit do të bëhen në Kongres, i cili ka shumë mundësi që të refuzojë planin fillestar të administratës së Trumpit.

Kongresi dhe administrata duhet të pajtohen për buxhetin që mbulon shpenzimet deri më 1 tetor, kur edhe përfundon viti fiskal, në mënyrë që Qeveria të mbetet e hapur. /REL

kanada-1280x854.jpg
ent ela20:09 | 05/03/2019

Ministrja kanadeze për buxhetin ka dhënë dorëheqjen duke deklaruar se nuk ishte aspak e kënaqur me mënyrën se si qeveria e kryeministrit Trudo kishte menaxhuar një skandal të madh korrupsioni që ka tronditur vendin.

Një tjetër largim në qeverinë kanadeze të Xhastin Trudo. përgjegjësja e minsitrisë së Buxhetit, Jane Philpott, dha dorëheqjen duke shpjeguar se kishte humbur besimin rreth mënyrës se si qeveria kishte menaxhuar skandalin e korrupsionit. Në deklaratën e saj publikuar nga BBC, ajo shprehej se duhej të respektonte vlerat thelbësore, përgjegjësitë etike dhe detyrimet kushtetuese.

Trudo mohoi cdo lloj neglizhence apo ndërhyrje politike në hetimet për sipërmarrjen “Snc-Lavalin”, por skandali po sfidon administratën e tij. Këshilltari i tij më i ngushtë, Gerald Batts, dha dorëheqjen tre javë më parë, pak pas dorëheqjes së ministrit të drejtësisë Xhodi Uilson-Reibold, i cili u largua duke thënë se kishte pasur shumë presione dhe kërcënime nga ekipi i kryeministrit për ta detyruar që të ndërhynte në hetimet lidhur me këtë skandal. /abcnews.al

ramush-haradinaj123.jpg
ent ela15:00 | 03/02/2019

Një marrëveshje mes mazhorancës qeverisëse dhe social-demokratëve ka bërë që në Kosovë të miratohet buxheti për vitin 2019 dhe që në vend të shmanget bllokada qeveritare, e rrezikuar nga mungesa e numrave të Listës Serbe.

Parlamenti i Kosovës ka aprovuar buxhetin për vitin 2019, pasi një prej partive të opozitës pranoi të mbështeste qeverinë, duke bërë që të shmanget një bllokadë shtetërore. Buxheti kaloi me 65 vota pro nga 120 mandate.

Koalicioni qeverisës, që ka 53, negocioi mbështetjen e Partisë Social Demokrate në opozitë. Parlamenti aprovoi gjithashtu ligjin që parashikon rritjen e pagave për punonjësit e sektorit publik. Më herët gjatë javës, mësuesit i dhanë fund grevës pasi arritën një marrëveshje me qeverinë, që i hap rrugë kthimit në bankat e shkollës të gjysmë milion nxënësve dhe studentëve pas 3 javë pezullim.

Punonjësit e sektorit të shëndetësisë, energjisë, doganave dhe aeroportit kishin kërcënuar gjithashtu me grevë nëse ligji i ri për pagat nuk do të merrte parasysh kërkesat e tyre. Duke reaguar kryeministri Ramush Haradinaj deklaroi se, shpenzimet publike për këtë vit kanë kapur rekordin.

“Me 2.37 miliardë euro, ky është buxheti më i madh për zhvillimin e Kosovës, që do të kontribuojë për një rritje ekonomike prej 4.7 për qind”, deklaroi Haradinaj pas votimit.

Fondi Monetar Ndërkombëtar ka deklaruar më herët se rritja ekonomike për këtë vit në Kosovë do të jetë 4.2 për qind, pak më e lartë se ajo prej 4 për qind që ishte vitin e kaluar. Qeveria planifikon ndërkohë ta mbajë deficitin buxhetor në 2 për qind të GDP-së. Rreth 800 milionë euro të buxhetit do të përdoren për projekte në infrastrukturë, kryesisht për rrugët. Korrupsioni dhe mungesa e stabilitetit politik ka mbajtur investitorët e huaj larg vendit me më pak se 2 milionë banorë./abcnews.al

bashkia-e-lezhes.jpg
ent ela17:06 | 29/01/2019

Me votat e shumicës së këshilltarëve është miratuar buxheti për vitin 2019 në Lezhë. Ulje taksash dhe investime në infrastrukturë janë parashikuar në këtë buxhet. Në mbledhje munguan këshilltarët socialistë.

Këshilltarët e majtë, mazhorancë në Bashkinë e Lezhës bashkuan votat me të djathtët për të miratuar paketën fiskale dhe buxhetin për vitin 2019. Të vetmit që munguan ishin këshilltarët e Partisë Socialiste, të cilët në fakt e kishin paralajmëruar mungesën e tyre në këtë mledhje.

Ulja e taksave dhe rreth 69% të buxhetit për shërbime, investime dhe mbrojtjen sociale kanë bindur shumicën e këshilltarëve. Miratimi i buxhetit është përshëndetur nga nënkryetarja Alfrida Marku, sipas të cilës në këtë mënyrë po mbrohen interesat e qytetarëve.

Buxheti i Bashkisë Lezhë për vitin 2019 kap vlerën e 1.81 miliardë Lekë dhe do të jetë i fokusuar në përmirësimin e infrastrukturës në qytet dhe njësitë administrative të kësaj bashkie. /abcnews.al

FMN-PER-PPP.mpg_snapshot_00.59-1280x720.jpg
ent ela16:08 | 29/01/2019

Fondi Monetar Ndërkombëtar ka nënvizuar edhe njëherë rrezikshmërinë për ekonominë shqiptare të kontratave me Partneritet Publik Privat. Duke përshendetur vullnetin e qeverisë për ndalimin e kësaj praktike, FMN në raportin e fundit shkruan se në buxhetin e 2019, parashikohet një listë e PPP-ve potenciale, sa 15% e prodhimit të brendshëm bruto të vendit.

Të hartuara dobët dhe me risk të lartë. Kështu i sheh fondi ndërkombëtar ndërkombëtar kontratat me partneritet publik privat. Në raportin e publikuar së fundi për Shqipërinë shprehet shqetësimi për shifrat në rritje në raport me GDP.

“Rritja e shpejtë e PPP ka shtuar edhe risqet fiskale dhe stafi propozoi hapa të mëtejshëm për të kontolluar këtë aspekt. Përveç stokut ekzistues të PPP-ve prej 31 për qind e GDP-së (që mbulon më shumë se 220 projekte përfshirë koncesionaet në energji me më shumë se 23 pikë përqindje) në buxhetin e 2019 dokumentet parashikojnë një listë të PPP-ve potenciale që arrinin në 15 për qind të GDP-së”.

Borxhi publik është i lartë, “ndërsa niveli i ulët i kursimeve të brendshme dhe mungesa e investitorëve të mëdhenj institucionalë e rrit varësinë ndaj burimeve të huaja të financimit – vëren Fondi Monetar Ndërkombëtar sipas të cilit  Rritja e varësisë nga PPP-të për projektet e infrastrukturës ka rezultuar në shtimin e detyrimeve potenciale. Rreziqet e brendshme gjithashtu përfshijnë ndikimin e thatësirës në prodhimin e energjisë, duke krijuar risqe për buxhetin.

Fondi vlerësuar pozitivisht ndryshimet në ligjin për parneritetin publik privat.

“FMN mirëpriti ndryshimet e planifikuara në legjislacionin e PPP për të rritur rolin e Ministrisë së Financave dhe Ekonomisë si një mbikqyrës për koston potenciale të PPP-ve si një hap i parë pozitiv. Do të ishte kritike që të sigurohet vlera e parave përmes një procesi ofertimi konkurrues për të gjithë projektet duke ndaluar kështu pranimin e ofertave të pakërkuar”.

Fondi Monetar Ndërkombëtar nënvizon gjithashtu rëndësinë për marrjen e masave për të mos krijuar më detyrime të prapambetura të cilat kanë arritur në 24.5 miliardë lekë (200 milionë euro) deri në shtator të vitit 2018.

Kjo shumë  që është sa 1.5 për qind e PBB, dominohet nga borxhet e qeverisë qendrore me rreth 17 miliardë lekë dhe nga borxhet e qeverisë lokale me mbi 7 miliardë lekë. /abcnews.al

 

erjon-veliaj-1.jpg
G. P.22:38 | 21/12/2018

Këshilli Bashkiak i Tiranës miratoi buxhetin e kryeqytetit për vitin e ardhshëm. Në mbledhjen e zhvilluar sot pasdite, kryebashkiaku Veliaj foli edhe për akuzat nga opozita për Unazën e Re, si dhe akuzoi Bashën për një leje ndërtimi dhënë vetes, kur drejtonte bashkinë. E ka gati dosjen kryetari i Bashkisë së Tiranës për ta dorëzuar në prokurori me akuzën për shpifje.

“Me durim i kam mbledhur të gjitha. Nuk i bishtnoj asnjë akuze dhe asnjë cifle balte që i hidhet këtij qyteti dhe kësaj bashkie dhe siç e bëj gjithmonë dua që ta bëj edhe këtë herë”.

I akuzuar nga Partia Demokratike se ka dhënë leje në tokën private të dikujt në zonën e Unazes së Re, kryebashkiaku Erion Veliaj sqaron se kjo tokë nuk është Unazë.

“Kemi bërë verifikimet, është në njësinë nr. 7, në anën e djathtë kur shkon për te ‘Shqiponja’. Pra, është më afër fushës së aviacionit dhe njësisë nr. 7 sesa është me projektin e Unazës. Kjo është gënjeshtra e parë dhe kushdo që mund ta verifikojë në hartë ku kanë qenë serrat që janë privatizuar nga po këta, nga ministrat e këtyre dhe qeveria e këtyre. Gënjeshtra e dytë, ne nuk kemi dhënë asnjë leje aty”.

Kryetari i Bashkisë së Tiranës akuzon drejtpërdrejtë Lulzim Bashën dhe Jorida Tabakun për shkelje ligji, pasi sipas tij janë këta të dy që kanë dhënë leje ndërtimi për veten e tyre në kohën që drejtonin Bashkinë.

“Po ka një të tillë që bashkia e Tiranës ka dhënë leje, atëherë unë iki nga bashkia e Tiranës, le të kthehet ta bëjë Luli prapë. Në të kundërt, ka frikë se do të duhet të shkojë prapë në Gjykatë për shpifje. Kjo është leja e ndërtimit që do të hyjë në muze. Kur të shkruhen librat e historisë për bashkinë, kryetar bashkie që i jep leje vetes vet por kujdes, nuk do të shkojë vetëm në muze. Kam pritur prej kohësh që prokuroria të veprojë, nuk po vepron por do shkoj ta çoj vetë ne prokurori. Ligji i konfliktit të interesit ka shkeljen më flagrante me këtë leje. Kryetari i bashkisë i jep leje vetes së vet”.

Në të njëjtën kohë akuza ngriheshin edhe nga jashtë Bashkisë së Tiranës. Në krah të banorëve të Unazës së Re që e kishin zhvendosur protestën e tyre pranë këtij institucioni, këshilltarët bashkiakë të opozitës deklaruan se trualli publik i Tiranës nuk mund të grabitet për të kënaqur interesat e oligarkëve për të pastruar para dhe për t’i shërbyer mafias. Kjo është një e drejtë që kushtetuta e Shqipërisë ua njeh vetëm këshilltarëve bashkiakë u shprehën ata. Pasditja e së premtes i dha administratës bashkiake buxhetin e ri për vitin 2019. Me votat e socialistëve dhe të PDIU-së u vendos që të rritet me 12 përqind buxheti i fokusuar në infrastrukturë rrugore, banesa sociale, shkolla e kopshte, pastrim e gjelbërim./abcnews.al

kuvendi-i-shqiperise.jpg
G. P.22:50 | 20/12/2018

Gjatë seancës që ka nisur sot pasdite në Kuvend po diskutohet për dekretin e Presidentit Meta, që rikthen buxhetin e 2019-s me qëllimin plotësimin e kërkesave të studentëve. Ministri i Financave dhe Ekonomisë, Arben Ahmetaj, tha se dekreti nuk ka referenca apo sugjerime konkrete.

Parlamenti rrëzoi me votat e mazhorancës dekretin e Presidentit që ktheu ligjin për buxhetin 2019 në Kuvend. Diskutimin që i mblodhi në sallën e seancave plenare të majtë e të djathtë, e nisi ministri i Financave me një konsideratë.

“Do ishte në ndihmë të këtij parlamenti, majta dhe djathtas, që Presidenti të kishte cituar shifra konkrete, madje -madje si zakonisht kur kthen një ligj të bënte referenca konkrete dhe sugjerime konkrete, gjë që në dekret nuk ka ndodhur. Në këndvështrimin tim personal sigurisht që Presidenti e ka kthyer politikisht Buxhetin e vitit 2019”, tha Ahmetaj.

Arsyes thelbësore të kthimit të këtij ligji, kërkesave të studentëve që protestojnë prej 16 ditësh për 8 kërkesat e tyre, ministri i Ekonomisë dhe Financës iu përgjigj duke i bërë jehonë asaj që shefi i tij po deklaronte njëkohësisht në një tjetër godinë, atë të Universitetit të Inxhinierisë së Ndërtimit në takimin me studentët atje. Kreu i demokratëve, Lulzim Basha, argumentat e tij kundër Ligjit për buxhetin 2019 në mbështetje të kërkesave të studentëve i dha me shifra.

“kosto vjetore mesatare 25 mijë Lekë, Master 100 mijë Lekë, konvikt dhe ushqim 220 mijë Lekë, libra 15 mijë Lekë, telefona, abone, transport 25 mijë Lekë. Në total për 3 vite Bachelor dhe 2 vite Master një familje duhet të shpenzojë afro 15 milionë Lekë të vjetra, që të mundësojë shpenzimet për një fëmijë të vetëm. Sepse të çosh sot një fëmijë në Universitet në Shqipëri është një sakrificë e papërballueshme për shumicën e familjeve. Po familjet që aspirojnë të çojnë më shumë se një fëmijë në Universitet”, u shpreh Lulzim Basha.

Ministrja Nikolla preferoi t’i drejtohej opozitës lidhur me sistemin arsimor, teksa diskutimin me studentët e vijonte shefi i saj.

“Studentët, prindërit e tyre dhe shoqëria shqiptare e dinë shumë mirë se si e latë ju arsimin. Çfarë do të thoni për filialet që i latë për Shqipëri. Po për kioskat universitare? Po për mësuesit e përdorur dhe tekstet gjithëfarëshe. Në këto pesë vite ne kemi ndërmarrë një reformë sistemike në çdo centimetër, nga kopshti deri në universitete. Më thoni një reformë modernizuese të sistemit arsimor në kohën tuaj”, u shpreh Nikolla.

Përgjigjen ia dha vetë ish-kryeministri Sali Berisha.

“Në ato vite është bërë një rritje e madhe e rrogave të pedagogëve.Paga neto nga 500 mijë u rrit në 747 mijë e 700 lekë. U dhanë për universitetet 36 ndërtesa. A idoni me listë këtu? I keni listat të gjitha. Nga Gjirokastra, Saranda, Vlora në Peshkopi, Kukës dhe kudo. Ku shkuan paratë tuaja? U vodhën, u vodhën, u vodhën”, tha Berisha.

Në përfundim të votimit të pikës që u bë shkak i thyerjes së bojkotit thuajse 4 mujor opozita u largua nga salla./abcnews.al

edi-ramaaa-1.jpg
G. P.14:06 | 13/12/2018

“Interesant” e quan kryeministri vendimin e presidentit për kthimin për rishqyrtim në Kuvend të Ligjit për buxhetin e shtetit. Përmes një postimi në rrjetin social Twitter, kreu i qeverisë shprehet jo i çuditur për dekretin e presidentit që sipas tij vjen si rezultat i kërkesave të Lëvizjes Socialiste për Integrim.

Vazhdon presioni për studentët për të refuzuar dialogun, shkruan shefi i qeverisë i cili postimin në rrjetet sociale e mbyll me propozimin drejtuar protestuesve, për tu larguar nga kori që mohon dialogun dhe për tu bërë individë që flasin në emër të vetes./aabcnews.al

KRONIKE-DASHI-JORIDA-PER-BUXHETIN-2019.mpg_snapshot_02.03-1280x720.jpg
G. P.15:19 | 11/12/2018

Rritja e pagave jo reale, mungesa e indeksimit te tyre dhe pensioneve dhe risku i krijuar per shkak te kontratave te Partneritetit Publik Privat japin një pasqyrë aspak të mirë për financat e vendit në vitin e ardhshëm. Kjo sipas kreut të LZHK-së Dashamir Shehi dhe demokrates Jorida Tabaku të cilët në një intervistë për ABC News e shohin projekt-ligjin për buxhetin 2019 si pasqyrë të asaj që konsiderojnë si krizë të thellë ku ndodhet vendi.

Miratimi i buxhetit për vitin e ardhshëm në mungesë të debatit parlamentar për shkak të bojkotit të opozitës, nuk është produkt i mungesës së ksaj të fundit në proces, por vetëm vijim i filozofisë së mazhorancës sipas demokratëve dhe aleatëve të saj.

Jorida Tabaku, deputete e PD: “Duke filluar nga 2013 PD ka përgatitur amendamente. Të gjitha të refuzuara me votë, të gjitha pa lejuar fare diskutimin. Në qoftë se për 5 vite me rradhë kemi patur një sjellje dhe kemi qenë konstruktivë dhe kemi dhënë alternativën tonë. Mendon se do të ndryshonte ndonjë gjë po të bënim të njëjtën gjë edhe këtë vit?!…”

Dashamir Shehi, kryetar i LZHK: “Ne jemi në një situatë të jashtëzakonshme. Situata e jashtëzakonshme kërkon masa të jashtëzakonshme. Kështu që nga kjo pikëpamje, për të denoncuar këtë buxhet nuk na ka penguar mungesa e parlamentit.”

Për kreun e Lëvizjes për Zhvillim Kombëtar Dashamir Shehi situata është e thjeshtë për tu përgjithësuar.

Dashamir Shehi, kryetar i LZHK: “Ky njeri nëpërmjet koncesioneve ka marrë direkt 150 milionë ëtij buxheti që mund tu përdorte për gjëra të tjera vit për vit do të vazhdojë t’ja marri këtë punë edhe 15 vite të tjera me radhë. Ka firmosur letrat që ky do të marri paratë e shqiptarëve jo këtë vit dhe vitin që vjen por edhe 10-12 vjet të tjera.”

Jorida Tabaku, deputete e PD: “Kontratat koncesionare të partenritetit publik privat kanë pasur një rritje të jashtëzakonshme vitet e fundit. Ishin 70 milionë euro para dy vitesh, shkuan 90, këtë vit shkuan 100-160 mendohet pas 3 vitesh që janë një rrezik shumë i madh kosto vjetore. Ndërkohë që në total ato që kanë firmosur deri më sot janë 2.2 miliardë euro. Ky është një rrezik i jashtëzakonshëm fiskal për Shqipërinë sepse është 12% i PBB i cili nuk po llogaritet në borxh. Detyrime të gjitha për tu pahuar nesër”.

Detyrime kto të cilat shlyhen nga paratë e taksapaguesve, të cilët sipas Tabakut, prej vitit 2013, i paguajne shtetit 1.9 miliardë euro më shumë në formën e taksave dhe tatimeve që rriten prej 5 vitesh tashmë, pa u shoqëruar me rritje pagash.

Jorida Tabaku, deputete e PD: “Një rritje pagash me thuajse 30% do e zgjidhte situatën, duke pasur parasysh qe çdo vit nuk janë rritur”.

Por buxheti 2019 i miratuar në parlament ditën e hënë parashikon një rritje prej 7% të pagave, e pamjaftueshme kjo as për të balancuar rritjen e taksave në këto vite të qeverisjes së Rilindjes.

Jorida Tabaku, deputete e PD: “Në 5 vite kto paga nuk janë indeksuar as me normen e inflacionit. Sipas INSTAT ka pasur për here të parë në 15 vite ulje reale të pagës”.

Dashamir Shehi, kryetar i LZHK: “Këta u bënë 6 vjet dhe po rrisin pagat 7%. Këto po kompensojne inflacionin që rrotullohet në 2% në vit, as atë nuk e kanë mbërrit të kompesojnë humbjet jo më të pretendojmë se ka rritje reale page. Po marr njeë pagë 30,000 me 7% rritja është 20 mijë lekë, kaq e parëndësishme dhe pa influencë
Rrëzimin e propozimit për heqjen e tatimit mbi fitimin për pagat deri në 40,000 lekë të reja, me pretendimin se dëmtohen financat e shtetit”.

Dashamir Shehi, kryetar i LZHK: “Kjo është të nxjerrësh dhjamë prej pleshtit. Zoti Ahmetaj dhe zotërinjtë e tjerë duhet ti bledhin taksat në sektorë të tjerë. Këtu ka kompani nafte që i kanë borxh shtetit nga 60-70 milionë”.

Pretendimin e ministrit të Ekonomisë dhe Financave Arben Ahmetaj se alternativa e opozitës, për taksim të sheshtë 9%, do të rrisë taksimin e fashës 30,000 deri në 40,000 lekë, Tabaku në rastin më të mirë e quan mashtrim, e në atë më të keq, padituri në llogari.

Jorida Tabaku, deputete e PD: “Nga 30 mijë taksa ka qënë 10% sot ajo paguhet 13% …13% dhe 23% jan më të larta se 9% sepse ka një fashë të mbrojtur 0 ne 30… Kjo fashë nëse llogarisim diferencën sipas propozimit të PD tatohet 4%…duke hequr diferencën në të dyja rastet, 5.5% është më e lartë se 4%”.

Por për Dashamir Shehin edhe pse alternative e opozitës paraqet një ndryshim të madh pozitiv krahasuar me atë të praktikuar prej 5 vitesh nga mazhoranca aktuale, vendi përballet me një emergjencë kombëtare që kërkon vendime drastike.

Dashamir Shehi, kryetar i LZHK: “Ka nëvojë shëndetësia, arsimi por ka më shumë nevojë Shqipëria. Nqs do e kisha unë buxhetin do rrisja rrogat që të kontribuojmësado pak në bllokimin e fluksit migrator që po merr pjesën më të madhe të shqiptarëve të mirë profesionistë. Mjafton një elektriçist, një hidraulik një marangoz i duhet Shqipërisë dhe nuk i ka me. Këte vit 20% pastaj 3 vjet nga 15% brenda një dekade ti afrohemi nivelit, mirpo ky hall po nuk e zgjidhën dhe këto 4-5 vjet nuk ka më kthim. Të gjithë formulën për të bllokuar hemoragjinë njerëzore që nuk kthehet më pas, po u shkatërrua struktura nga ana demografike këtu s’do ketë më para për pensionet”.

Shqetësimin e djeshëm të opozitës për borxhin e pallogaritur të PPP-ve sot e ngre Fondi Monetar Ndërkombëtar, thekson Tabaku; atë të taksave të ngritura qytetarët dhe bizneset; akuzat e djeshme të opozitës për rritjen e tarifave universitare sot e brohorasin studentët në protesta, tregues se denoncimet e opozitës janë reale e jo thjesht deklarata politike, përfundon Tabaku./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono