bushati

ditmir-bushatii123.jpg
ent ela14:35 | 22/04/2019

Lajm të hidhur e ka konsideruar ish ministri për Evropën dhe Punët e Jashtme Ditmir Bushati vendimin e parlamentit hollandez për rikthimin e vizave. Në reagimin e tij publikuar në rrjetet sociale ish ministri Bushati ka bërë thirrje që ky vendim të mos shihet me panik e njëherazi të mos neglizhohet.

I dha fund heshtjes ish-kreu i diplomacisë shqiptare. Nëpërmjet një shkrimi në rrjetet sociale ish-Ministri për Evropën dhe Punët e Jashtme Ditmir Bushati vendos të shprehë qëndrimin e tij ndaj reagimit të parlamentit të Hollandës për rikthimin e vizave me Shqipërinë.

 “Vendimi i Parlamentit hollandez që i kërkon qeverisë nisjen e procedurave në nivel europian për pezullimin e regjimit pa viza me Shqipërinë është padyshim një lajm i hidhur.”

Një pyetje i lind ish ministrit Bushati pas vlerësimeve që iu dha Shqipërisë vitin e kaluar nga raporti i Komisionit Evropian i cili nuk u kundërshtua as nga Hollanda skeptike.

 “Pse një lëvizje e tillë tani kur Shqipëria pret zyrtarizimin e bisedimeve për anëtarësim në Bashkimin Europian, bazuar në kalendarin e miratuar në qershorin e 2018 nga vendet anëtare të BE-së dhe procesin analitik screening?

Shanset që një nismë e tillë të prodhojë efekte në praktikë janë thuajse zero. Ndaj nuk ka vend për panik.”

Sipas ish ministrit të jashtëm Shqipëria edhe pse ka shumë sfida në betejën me krimin e organizuar dhe korrupsionin i përmbush kriteret e përcaktuara sipas vlerësimeve të Komisionit Europian . Por kjo duhet të lexohet siç duhet –këshillon Ditmir Bushati.

“Megjithatë, nuk ka vend për neglizhencë e aq më keq për stigmatizim. Përkundrazi duhet të sigurojmë integritetin e debatit publik në lidhje me këtë çështje. Jemi në të drejtën tonë të përbuzim çdo steriotip negativ që tenton të na vizatojë si njerëz e shoqëri që prodhojmë veç krim dhe emigracion të paligjshëm. Por do të ishte gabim fatal që ta vizatonim Hollandën, anëtare themeluese e kontribuese kyçe në BE, mbështetëse e aspiratës europiane të Shqipërisë, si një vend racist ndaj nesh apo si një vend ku gëlon krimi e prostitucioni”.

Jo vetëm kaq por do të ishte mendjelehtësi gjithashtu të injorohej mesazhi që vjen prej kësaj nisme të Parlamentit hollandez, edhe pse e padrejtë dhe në mungesë të kritereve të përcaktuara nga vetë BE-ja.- thotë Ish ministri Bushati i cili këmbëngul se puna duhet të vazhdojë përmes rezultateve të prekshme në luftën kundër krimit të organizuar dhe korrupsionit.

“Vendimi i Parlamentit hollandez, edhe pse i pari për një nga shtetet që janë pjesë e listës së bardhë të Schengen, nuk është rrufe në qiell të kaltër. Vjet, në vigjilje të vendimit të BE-së për nisjen e bisedimeve për anëtarësim, Parlamenti hollandez, përmes një rezolute, i kërkoi qeverisë bllokimin e bisedimeve me Shqipërinë”.

Duke e rreshtuar Hollandën në vendet kritike ndaj çështjeve që kanë të bëjnë me politikat europiane dhe standardet që lidhen me procesin e zgjerimit, ish ministri Ditmir Bushati kërkon që historiku i qëndrimeve holandeze të shihet si kërkesë për më shumë punë e në të njëjtën kohë duke mos lejuar cënimin e arritjeve historike. /abcnews.al

bushati-1280x736.jpg
ent ela18:01 | 13/03/2019

Deputeti i PS-së Ervin Bushati ka komentuar vendimin e Gjykatës së Apelit Tiranë, e cila ka pranuar padinë e bërë në Tetor të 2018 nga Partia Demokratike. Kjo parti akuzon deputetin e Partisë Socialiste Ervin Bushati për fshehje të pasurisë. Lidhur vendim të Gjykatës së Apelit, Bushati tha në studion e emisionit “Mbrëmje në ABC News”, se të gjitha pasuritë i ka të deklaruara.

Mirela Milori: Gjykata e Apelit e Tiranës ka pranuar padinë e bërë të Tetor të viti të kaluar e bërë nga PD e cila iu akuzon për fshehje të pasurisë. Dy javë pas kallëzimit të bërë nga selia blu Prokuroria e Tiranës i ka mbyllur hetimet edhe pse gjykata e shkallës së parë kishte urdhëruar të vijonte procesi hetimor ndaj jush. Prokuroria e kundërshton vendimin dhe bën ankimim në Gjykatën e Apelit. Kjo gjykatë vendosi të rihapet çështja dhe të rinisin edhe një herë hetimet për pasuritë tuaja. Do doja një koment për këtë.

Ervin Bushati: Kjo është një çështje e hapur që në Tetor. Kanë në sinkron disa padi si ndaj meje ashtu edhe ndaj dy kolegeve të PS. Për çudi në momentin që ne kemi bërë publike dhe mund të kem bërë qindra deklarata si deputet dhe si sekretar i PS për PD, dhe çuditshëm u materializuan shumë padi në momentin që në nxorëm dhe bëmë publike fakte për kunatin e zotit Lulzim Basha. Unë kam edhe një çështje tjetër që më ka hapur Erjon Isufaj, më duket e ka emrin kunati i zotit Basha, dhe më ka hapur një padi civile për prishje imazhi. Dhe më vjen mirë që reagon PD vetëm kur i preket interesi i kunatit. Nuk e di unë i kam të gjitha të deklaruara në deklarimin e pasurive, në dekriminalizimin e të gjitha këto bashkë. Gjithë deklarimet e mia janë mëse të qarta shumë herë për disa vite me radhë. Që u kujtua tani PD tregon se ajo kujtohet kur i preket interesi personal i kunatit. Megjithatë do të sqarohen derisa nuk ka çështje dhe është e mbyllur në Prokurori.

Mirela Milori: Në kallëzimet e PD thuhet se ju nuk justifikoni 7 pasuri të paluajtshme.

Ervin Bushati: Në këtë pikë PD më duket e palogjikshme në shumë çështje, por këtë le ta ndjekë PD sa të dojë edhe në prokurori, gjykata, edhe në ILDKP e të gjitha bashkë.

Mirela Milori: Ju keni pajtuar avokat për çështjen apo jo?

Ervin Bushati: Për çështje civile po, ndërsa për këtë po njoftohem sot./abcnews.al

MBULIM-TELEFONATA-ZAEV-TSIPRAS.mpg_snapshot_00.19.jpg
ent ela15:51 | 25/01/2019

Miratimi i Marrëveshjes së Prespës ka marrë urimin e përfaqësuesëve më të lartë të politikës shqiptare. Në mesazhet e tyre përshëndetëse ky akt i Parlamenti grek është vlerësuar si arritje historike.Një lajm i shkëlqyer është për presidentin e republikës Ilir Meta Miratimi i Marrëveshjes së Prespës edhe nga Parlamenti grek. Në një status në rrjetet sociale kryetari i shtetit  vlerëson hedhjen e hapave për marrëdhëniet dypalëshe me Maqedoninë e Veriut dhe për perspektivën europiane dhe euro-atlantike të rajonit tonë!

Për kryetarin e kuvendit Gramoz Ruçi, Greqia kreu një veprim kurajoz dhe kontribues për paqen. “Ballkani po clirohet nga inercitë shekullore”- shkruan kryetari i Parlamentit në përshëndetjen e tij.

Kryeministri dhe ministri i Jashtëm Edi Rama shprej respekt ndaj homologëve të tij Tsipras dhe Zaev për arritjen e kësaj marrëveshje. Në një postim në Tëitter  Edi Rama i përgëzon për dhënien fund të konfliktit mes Greqisë dhe Maqedonisë së Veriut. Ishte e vështirë dhe do të prodhojë ende politikë të vjetër lokale por është realizuar shumë mirë miqtë e mi-shkruan kryeministri dhe ministri i jashtëm Edi Rama.

Një moment historik për Ballkanin dhe Evropën e konsideron ish-ministri i jashtëm Ditmir Bushati miratimin e marrëveshjes së Prespës. Nëpërmjet një statusi në tëitter, ish- kreu i diplomacisë shqiptare shkruan se me këtë akt zgjidhet mosmarrëveshja 27 vjeçare për emrin.

Një reagim ka ardhur edhe nga kryetari i Partisë Demokratike Lulzim Basha. Ai shkruan se  votimi i hap rrugë anëtarësimit të  Maqedonisë në NATO dhe në Bashkimit Evropian dhe konsolidon bazat e bashkëpunimit për paqen dhe stabilitetin e rajonit./abcnews.al

BUSHATI-RAMA-CAKAJ-1280x720.jpg
ent ela12:39 | 23/01/2019

Detyra e ministrit për Evropën dhe Punët e Jashmte ka kaluar nga Ish kreu i diplomacisë kombëtare Ditmir Bushati tek kryeministri  Edi Rama. Kreu i qeverisë ia ka deleguar detyrën e ministrit të jashtëm, zëvendës ministrit Gent Cakaj. Stafeta u dorëzua në ceremoninë që u zhvillua në ambientet e ministrisë së jashtme.

Është një ceremoni dorëzimi stafetash por jo si në ministritë e tjera të qeverisë Rama. Ai që lë detyrën është Ditmir Bushati, nostalgjia e të cilit ndjehet që në rreshtat e parë të fjalimit të lamtumirës.

Është i sigurtë se ministria që po lë  është shumë herë më e mirë dhe solide për t’u përballur me sfidat e kohës se ç ‘ishte 5 vjet e gjysëm më parë. Por jo kaq i sigurtë shprehet për atë që do të vijë më pas.

“Nuk ka garanci se ajo çfarë kemi përpara do të jetë më e mirë a më e lehtë se ajo çfarë po lëmë pas. Puna jonë transformuese ka krijuar me siguri të pakënaqur dhe kundërshtarë. Por një gjë është e sigurt: sfidat na kanë bërë më të fortë, më të qëndrueshëm e shpresoj më të denjë për Shqipërinë e të nesërmes. Faleminderit! Ju priftë e mbara!”.

Stafeta e Ministrit për Evropën dhe Punët e Jashtme shkoi dorë pas dore.

“Unë i nënshkruari Edi Rama, i delegoj z. Gent Cakaj, detyrën e drejtimit të Ministrisë së Jashtme”.

Atë që nuk i dha Presidenti, ia delegoi kryeministri Edi Rama. Zvëendësministri në detyrën e ministrit të Jashtëm Gent Cakaj vendos t’i japë përgjigje edhe atyre që janë shprehur skeptikë ndaj tij.

 “Pavarësisht forcës sime të zakonit për të thënë atë që mendoj. Mbetem më veshplotë, që atij që i ka shkuar fjala ime për keq, të mos i jem dukur aq keq në paraqitjen e parë. Siç i thonë në Tiranë “Më mirë syri sesa nami”.

Sa i përket detyrës si ministër de facto, paralajmëron administratën e tij për punën që e pret deri në qershor.

“Orar pa orar. 5 muajt e ardhshëm do të jenë punë pa orar. MEPJ do të vazhdojë punën e saj për një performacë për prcesin e screeaning”.

Ndonëse i pavotëbesuar nga asnjë elektorat, Gent Cakaj premton si një socialist.

 “Do qëndroj me lartësinë e besimit të çdo njeriu që na ka dhënë votën”. /abcnews.al

 

ervin-bushati123.jpg
G. P.20:01 | 16/01/2019

Pas deklaratës së Bashës se do të udhëheqë protesta popullore, ka ardhur edhe reagimi nga ana e PS-së. Ka qenë sekretari i Grupit Parlamentar të PS Ervin Bushati, i cili është shprehur se protestat nuk janë të popullit por të opozitës.

“Kjo është një revotë opozitare dhe jo e popullit. Revoltë popullore është kur del populli. Opozita ka dy vjet që proteston. Kjo është një protestë që nuk e thotë populli. Rrevoltë popullore është atëherë kur vjen një deklaratë nga populli.  As Basha nuk e di se çfarë ka dashur të thotë me këtë që ka thënë”./abcnews.al

Bushari-1280x706.jpg
G. P.17:12 | 15/01/2019

Ministri në detyrë për Punët e Jashtme, Ditmir Bushati, ka kërkuar që të përfundojë sa më shpejt procedura për ndryshimin e lidershipit politik të ministrisë që ende drejton. Vendimin e kryeministrit Edi Rama e konsideron si një e drejtë e kreut të ekzekutivit.

I shëndrruar në pikën e fortë të përplasjes Presidencë – Kryeministri, ministri në detyrë i punëve të jashtme Ditmir Bushati vendosi të mos heshtë më.

 “Pozicioni i ministrit ka dimensionin kushtetues dhe politik. Rama e ka marrë vendimin për të ndryshuar drejtimin politik të MEPJ dhe kjo është e drejtë e tij për të përzgjedhur ekipin e tij që ai do të përmbushë objektivat e programit në këtë fushë”.

Falënderues shprehet ndaj kryeministrit Rama që e përzgjodhi ta drejtonte Ministrinë e jashtme e në të njëjtën linjë kërkon edhe largimin e tij.

“Thënë kjo, në kuptimin kushtetues, apeli im sot është shumë i thjeshtë: për të ezauruar një orë e më parë procedurën kushtetuese që jetëson jo vetëm ndryshimin e lidershipit politik në MEPJ, por që do t’i krijonte njëkohësisht mundësi vendit për t’u përfaqësuar në mënyrën të denjë dhe efeciente në arenën ndërkombëtare, aq më tepër ku siç e patë dhe gjatë konferencës së shtypit me kolegun tim italian vendi është përballë sfidave të cilat nuk i ka njohur të paktën më parë”.

Ministri në detyrë për Punët e Jashtme, Ditmir Bushati,zgjdhi ta komentojë vendimin e kryetarit të qeverisë në konferncën e përbashkët për shtyp me homologun Italian Enzo Moavero Milanesi, i cili shprehu mbështetjen e Italisë ndaj  Shqipërisë për të marrë kryesimin e OSBE-së./abcnews.al

ervin-b.jpg
ent ela18:55 | 11/01/2019

Mosdekretimi i Gent Cakajt nga ana e Presidentit Meta është komentuar edhe nga deputeti i PS-së Ervin Bushati. Përshpejtimi i procedurave për dhënien e certifikatës së sigurisë për Gent Cakajn i kanë dhënë mundësi Presidentit të Republikës që të ndërmarrë një tjetër nismë. Përmes një shkrese dërguar Kryetarit të Kuvendit dhe përfaqësuesve të Grupeve Parlamentare, Ilir Meta kërkon ngritjen e një Komisioni Parlamentar Hetimor për Drejtorinë e Sigurimit të Informacionit të Klasifikuar, që është në varësi të Kryeministrit.

Por deputeti socialist u shpreh se Presidenti nuk ka të drejtë të kërkojë ngritje Komisioni. Sipas tij, kjo e drejtë i atribuohet vetëm opozitës.

“Ai flet në emër të opozitës dhe Komisioni Hetimor ngrihet nga opozita. Meta nuk mund ta ngrejë, por ngritjen e një Komisioni Hetimor Parlamentar mund ta kërkojë vetëm opozita. Neglizhenca nuk e di që është vepër penale në radhë të parë dhe unë vetë nuk jam i pajisuar me këtë certefikatën e sigurisë”.

Sipas socialistit, Meta po sillet sikur të ishte një politikan në opozitë duke i kaluar kompetencat e një Presidenti.

“Meta është në opozitë dhe është në opozitëbërje. Ai mund të jetë në kundërshti me çdo gjë. Ai nuk mund t’i hyjë logjikës vlen apo jo një ministër”.

Meta refuzoi propozimin e Kryeministrit për emërimin e Gent Cakajt si Ministër të Jashtëm. Sipas Kreut të Shtetit gjatë ushtrimit të detyrës si zëvendësministër për Evropën dhe Punët e Jashtme ka dëshmuar jo vetëm mungesë përvoje, por për çështje thelbësore të politikës rajonale ka mbajtur qendrime të papranueshme madje të rrezikshme. Në opinionin e Presidentit deklaratat e bëra nga Caka cënojnë integritetin e Kosovës. Bushati hoqi një paralelizëm duke u shprehur se sipas Metës edhe Rama duket të shkarkohet për mënyrën se si Kryeministri trajton Serbinë.

“Meta nuk duhet t’i hyjë kësaj çështje se kush mund të antarësohet ose jo në PS.  Meta mund të ngrejë shumë pikëpyetje edhe në lidhje se si Rama trajton Serbinë. Çfarë do të thotë se ne do të shkarkojmë zotin Rama.  Zoti Meta nuk mund të interpretojë një pjesë të një interviste për mënyrën se si duhet thënë”. /abcnews.al

ilir-meta-skrapar.jpg
ent ela08:32 | 08/01/2019

Presidenti i Republikës e ka argumentuar mosshkarkimin e Ditmir Bushatit me faktin se vendi i ministrit të jashtëm nuk duhet të mbetet për asnjë sekondë bosh. Kreu i shtetit tha se po merr kohë për verifikimin e emrave të rinj të propozuar nga kryeministri për ministra të kabinetit qeveritar.

“Dua t’ju siguroj që edhe në këtë rast Presidenti i Republikës do t’i përmbushë të gjitha detyrimet e tij kushtetuese dhe ligjore për t’iu përgjigjur vullnetit të kryeministrit, gjithmonë, në interes të respektimit të Kushtetutës dhe të respektimit të ministrit, si institucion kushtetues. Në këtë drejtim besoj se u përgjigja menjëherë në lidhje me ministrat, pra me dekretimin e lirimit të tyre, përveç ministrit të Jashtëm, dhe me emërimin e të gjithë deputetëve apo figurave të njohura politike në post ministri, të cilët për arsye të pozicioneve të tyre publike, i kanë kaluar disa filtra në të kaluarën.

 Lidhur me pjesën tjetër, ata që janë emra të rinj, kanë nevojë t’u nënshtrohen verifikimeve përkatëse. Përsa i takon ministrit të Jashtëm do të bëj një sqarim: Mendoj se ky është një pozicion tepër i rëndësishëm dhe delikat. Çdo pozicion ministri është i tillë, por arsyet rreth përfshirjes së Shqipërisë në disa iniciativa mjaft të rëndësishme si në Trojkën e OSBE-së, për procese të integrimit europian dhe për çdo gjë tjetër. Dhe mendoj se Shqipëria nuk duhet të jetë për asnjë sekondë pa ministër të Jashtëm. Ky proces do të kërkojë kohën e vet, që nuk varet nga Presidenti i Republikës, por nga përgjigjja e institucioneve, të cilave u jemi drejtuar”. /abcnews.al
BUSHATI-PER-CERTIFIKIMIN-E-PERKTHIMIT-1280x720.jpg
ent ela18:48 | 19/12/2018

Ministri Bushati sëbashku me ambasadorin italian Cutillo njoftuan se në janar të 2019-ës hiqet çertifikimi i përkthimit të dokumentave për 100 mijë shtetas shqiptarë që jetojnë në Itali.

Ministri për Evropën dhe Punët e Jashtme Ditmir Bushati në një konferencë për shtyp sëbashku me ambasadorin italian në Shqipëri Alberto Cutillo tha se në janar të 2019 hiqet certifikimi i përkthimit të dokumentave për 100 mijë shtetas shqiptarë që jetojnë në Itali.

Për 100 mijë shtetas shqiptarë që jetojnë në Itali në janar të 2019-ës hiqet detyrimi i çertifikimit të dokumentit.

“Gjatë këtij viti që po mbyllim, ka mbi 100 mijë raste të shtetasve shqiptarë që kanë ndjekur këtë procedurë burokratike qw një dokument të përkthehej, të noterizohej pranë noterit, të legalizohej pranë ambasadës italiane, para se ky proces apo dokument të bëhej i vlefshëm nëItali dhe ku dihet që shtetasit shqiptarë do të duhej të vinin të paktën dy herë edhe në MEPJ”.

Ministri për Evropën dhe Punët e Jashtme Ditmir Bushati tha se ky shërbim jo vetëm përshpejton procedurat dhe kursen kohën e këtyre qytetarëve, por ul edhe kostot në xhepat e tyre të paktën në 2,6 milionë euro sipas Bushatit.

“Ne besojmë që me reduktimin e kohës dhe me reduktimin e kostos, vlera që nuk do të shpenzohet më, apo që ruhet nga xhepat e qytetarëve shqiptarë është rreth 2.6 milionë euro”.

Ky shërbim vjen falë bashkëpunimit me qeverinë italiane dhe është pjesë e paketës së reformës dhe modernizimit të shërbimit konsullor online. /abcnews.al

BUSHATI-ABC-1280x720.jpg
ent ela18:45 | 18/12/2018

Vitin e ardhshëm Shqipëria merr kryesinë e Kartës SHBA-Adriatike. Ministri për Evropën dhe Punët e Jashtme Ditmir Bushati gjatë Ministerialit të mbajtur në Podgoricë, theksoi nevojën e zgjerimit të kësaj Karte me të tjera vende të rajonit.

Karta SHBA- Adriatike duhet zgjeruar me të tjera vende të rajonit tonë. Sugjerimi është i Ministrit për Evropën dhe Punët e Jashtme Ditmir Bushati i cili ishte i pranishëm në Ministerialin e A5 që zhvillohet në Podgoricë të Malit të Zi.

Kjo sipas Bushatit do t’i shërbejë integrimit të plotë euro-atlantik te rajonit në funksion të konsolidimit të paqes, stabilitetit dhe prosperitetit të rajonit.

Në cilësinë e kryesuesit të kësaj nisme për vitin 2019 ministri Bushati vuri në dukje:

“Ndërkohë që kjo platformë i ka shërbyer plotësisht qëllimit të saj fillestar, për të mbështetur përpjekjet tona drejt integrimit euro-atlantik, besojmë se është koha për riadresimin e fokusit të Nismës. Fokusi i kryesisë shqiptare të Kartës SHBA-Adriatike do të jetë forcimi i mëtejshëm i koordinimit dhe mbështetjes reciproke, veçanërisht me Shtetet e Bashkuara, në luftën aktive dhe me efektivitet kundër terrorizmit dhe ekstremizmit të dhunshëm”. 

Ministrat e Jashtëm të vendeve anëtare dhe vëzhguese diskutuan mbi situatën aktuale politike dhe të sigurisë në rajonin e Ballkanit Perëndimor dhe forcimin e bashkëpunimit rajonal.

Ndërsa ministri Bushati u ndal veçanërisht edhe tek domosdoshmëria për të marrë parasysh kërkesën e Kosovës për t’u përfshirë si vend anëtar në këtë nisme në përputhje me aspiratat euro-atlantike të vetë Kosovës.

Ministrat e Jashtëm të vendeve anëtare të Kartës së Adriatikut, miratuan edhe Komunikatën e Përbashkët, e cila avancon më tej rrugët e rritjes së bashkëpunimit rajonal dhe rëndësinë e zgjerimit të Kartës në përballimin e sfidave të përbashkëta të sigurisë. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono