burri

tribunale-busto-arsizio-175956.610x431.jpg
ent ela22:52 | 04/04/2019

Tetë vjet në mëshirën e bashkëshortit të saj të imponuar nga familja: rrahjet, fyerjet dhe dhuna seksuale. Një shqiptare në Itali ka gjetur guximin për të denoncuar burrin, i cili ushtronte dhunë ndaj saj.

Ajo kishte plot 8 vitë që jetonte me një burrë i cili e dhunonte, fyente dhe madje kishte ushtruar edhe dhunë seksuale ndaj saj.

Por në në fund shqiptarja e ka denoncur burrin e saj tek autoritetet italiane, pasi prej vitesh bashkë me burrin jetonin në shtetin fqinj në kërkim të një jete më të mirë.

Historia daton në Mars të vitit 2017 ku gruaja (të cilën ne do ta quajmë Maria) vendosi të rebelohen, e ndihmuar nga një vëlla për t’i dhënë fund vuajtjeve.

Tregimi i gruas në sallën e gjyqit ishte zemërthyer. Kur u pyet nga prokuroja e cila kishte kryer hetimin, Nadia Alessandra Calcaterra, përpara gjykatës së kryesuar nga gjyqtarja Rossella Ferrazzi, foli për përvojën e hidhur të nënës së dy femijëve.

“Dhuna ndaj meje u rrit gjatë viteve dhe shpesh ishte i dehur, ai kontrollonte jetën time sepse ishte shumë xheloz. Ai nuk donte që unë të punoja, nuk mund të vishja ashtu siç dëshiroja, unë bëja dush kur ai nuk ishte aty, sepse ai pretendonte se lahesha pasi unë kisha dashnor”.

Së pari kontrolli, pastaj fyerjet dhe rrahjet: “Ai gjithmonë me godiste, më shkulte flokët, më qëllonte në kokë”, vijon më tej nëna shqiptare.

Kjo situatë kishte vijuar për 5 vite nga viti 2013 deri në vitin 2017: “Për vite me radhë unë nuk thashë asgjë për familjen time sepse kisha frikë se prindërit e mi do të zhgënjeheshin nga unë”.

Por sërish gjërat sa vinin dhe rëndoheshin dhe për 3 vite të tjera Maria vijoi të jetonte  në terr, në dhembje dhe në varfëri sepse burri i saj, ndërkohë, kishte mbetur pa punë: “ Ai vinte dhe dhunonte mua. Ai grindej me ndonjë mik dhe vinte e rrihte mia, nuk gjente punë dhe vinte më godiste. Kam qëndruar në shtrat për muaj të tërë nga dhuna pasi nuk më lejonte të shkoja në spital se kishte frikë se mjekët do e zbulonin dhe do e raportonin në polici. Nëse unë e kundërshtoja ai me kërcënonte me vdekje”.

Por pas një kohe Maria e detyruar nga gjendja e rëndë ekonomike kishte filluar punë në një restorant. Por pasi kthehej nga puna e ai e detyronte të zhvishej dhe e përdhunonte dhe rrihte për orë të tëra.

E gjendur në këtë situata një ditë ajo e kishte denonconte. Tahmë autoritetet italiane do të vendosin për fatin e tij. Por ajo nga ana tjetër vijon jetën e buzëqeshur bashkë me fëmijët e saj. /abcnews.al

cifti-gramsh-1280x774.jpg
ent ela14:40 | 23/03/2019

Një 35-vjeçar ka mbytur bashkëshorten e tij në banesë. Ngjarja ka ndodhur në një fshat të Gramshit. Autori ishte dënuar dy herë për dhunë në familje dhe trajtohej me kemp pasi vuante nga probleme të shëndetit mendor. Kjo është shtëpia ky jetonte çifti Hysa në fshatin Grekan të Gramshit.

35 vjeçari pas një konflikti ne mesnate mbyti bashkëshorten e tij në krevat. Viktima është 32 vjeçarja Gurije Hysa.  Menjëherë pas krimit autori Alvin Hysa ka njoftuar babanë e tij dhe motrën për aktin që kishte kryer dhe e ka pritur policinë në banesë.

Tre fëmijët e mitur të çiftit ndodheshin tek prindërit e viktimës në një fshat tjetër të Gramshit. Dyshohet se autori ushtronte dhunë vazhdimisht në familje.  35 vjeçari kishte kryer me herët edhe dy dënime për dhunë në familje.  Madje ai trajtohej edhe me kemp pasi vuante nga probleme të shëndetit mendor./abcnews.al

krimi.jpg
ad min21:42 | 08/06/2018

Një krim i rëndë në familje ka ndodhur mbrëmjen e kësaj të premteje në qytetin e Durrësit.

Sipas informacionit paraprak të policisë, Çlirim Shaholli, 42 vjeç, ka goditur me mjete të forta në kokë bashkëshorten e tij Adriana Shahollin 40 vjeçe.

40-vjeçarja ka shkuar rreth orës 19:55 në spitalin e Durrësit e lënduar rëndë dhe ka ndërruar jetë atje.

Policia ka shoqëruar në ambientet e policisë 42-vjeçarin, i cili po pyetet mbi rrethanat e ngjarjes.

Paraprakisht, policia bën të ditur se gjithçka ka nisur nga një konflikt i çastit, i cili ka degjeneruar më pas me përdorimin e sendeve të forta nga ana e 42-vjeçarit.

Në momentin e ngjarjes në banesë ishin vetëm dy bashkëshortët.

Grupi hetimor vijon hetimet për zbardhjen e plotë të krimit në familje./abcnews.al

vlcsnap-error368-1280x720.jpg
ent ela09:26 | 29/01/2018

Një krim në familje ka ndodhur mbrëmë në Koplik të Malësisë së Madhe. 42 vjeçari Ylber Bajrakurti ka vrarë me sëpatë bashkëshorten e tij Lumnie Bajrakurti, 42 vjeç. Krimi ndodhi në oborrin e banesës së çiftit. Tre fëmijët e çiftit, dy vajza dhe një djalë të moshës nga 6 deri 14 vjeç kanë qenë në banesë kur ka ndodhur ngjarja. Ata i rrëfyen policisë pas krimit se kishin dëgjuar të bërtitura në oborr, po nuk kishin dalë nga frika. Policia pas krimit në familje ka ndaluar autorin në banesë. Nga informacionet paraprake mësohet se shtetasi Ylber Bajrakurti trajtohej për sëmundje të shëndetit mendor. Burimet bënë të ditur se paraditen e djeshme ai ka shfaqur shqetësime të dukshme, por familjarët nuk i kishin kushtuar rëndësi. Bajrakurti akuzonte bashkëshorten për tradhëti dhe kjo ka çuar në konfliktin që fillimisht nisi me fjalë dhe përfundoi në goditjen me sëpatë. Policia po heton ngjarjen për zbardhjen e plotë të saj./abcnews.al

vlcsnap-error135-3-1280x720.jpg
ad min14:57 | 23/11/2017

Një burrë vrau gruan e tij, e cila ishte nënë e pesë fëmijëve. Ngjarja ndodhi në Karpen të Kavajës dhe nuk dihet shkaku real i kësaj ngjarje, ndërsa sipas policisë thuhet se gjithçka kishte të bënte me një sherr banal.

Ishte afër mesditës kur kur salla operative e Policisë Kavajë u njoftua për krim në familje.  Sami Metushi 57 vjeç, vrau me thikë bashkëshorten e tij Sose Metushi 55 vjeçe, nënë e pesë fëmijëve. Ngjarja ndodhi në fshatin Karpen të Kavajës në banesën e bashkëshortëve pas një sherri banal.  Në debat e sipër 57 vjeçari e sulmoi atë me thikë. Në banesë, kur ndodhi krimi ndodhej njëri nga djemtë e çiftit, por nuk mundi të shmangte tragjedinë. Të parët që njoftuan policinë ishin fqinjtë. Autori nuk tentoi të largohej, por priti uniformat blu aty pranë gruas që kishte vrarë. Çifti Metushi prej disa vitesh ishte ishte vendosur në fshatin Karpen pas shpërnguljes nga vendlindja e tyre, Elbasani. Fqinja tregon se burrëe grua merreshin me punë fshati në rritjen e gjelave të detit dhe serave dhe kurrë me parë nuk kishin dëgjuar konflikte mes tyre.

Trupi i pajetë i 55 vjeçares u dërgua në morg për t’ju nështruar ekspertizës mjeko-ligjore. Pas kësaj pritet të tërhiqet nga familjarë për tu përcjellë për në banesën e fundit. Askush nuk di të tregojë çfare ndodhi mes Metushëve./abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono