burg

robert42-1.jpg
R D13:39 | 20/01/2020

Prokuroria kërkon arrest me burg për 7 të arrestuarit e operacionit “Tranzit” mes tyre edhe vëllai i ish-shefit të Qarkullimit Dibër, Robert Aga. Ky i fundit ka dalë në përgjimet e Bild për blerjen e votave në Diber. (“Jam ushtari yt”, shkarkohet nga detyra kreu i Policisë Rrugore Dibër)

Prokurori i çështjes Robert Kote thotë se provat më të forta për grupin kriminal janë përgjimet dhe procesverbali i lendes narkotike prej 32.5 kg kanabis në formë çokollate. Seancat për masat e sigurisë do të zhvillohet nesër në gjykatë.

Të arrestuarit për drogë:

Pajtim Aga (vëllai i shefit të policisë)
Edmond Rajta
Pajtim Aga
Shkëlzen Mazari
Devis Mija
Fatjon (Paulin) Dodaj
Marsida Piperi
Arjet Halilaj

Njoftimi i policisë për operacionin ku u arrestua Pajtim Aga

Seksioni për Hetimin e Narkotikëve në Drejtorinë Vendore të Policisë Tiranë, në bashkëpunim me Sektorin e Forcës së Posaçme në Drejtorinë e Policisë së Shtetit dhe DVP Dibër, në bazë të informacioneve të siguruara në rrugë operative nga burime të ndryshme, finalizoi me sukses operacionin e koduar “TRANZIT”, si rezultat i të cilit bë i mundur arrestimi në flagrancë i shtetasve:

-E. R., 52 vjeç, banues në Tiranë, i dënuar më parë për veprën penale ”Moskallëzim krimi”.

-P. A., 51 vjeç, banues tek ish-stacioni i Trenit, Tiranë, i dënuar më parë për veprën penale “Prodhimi dhe shitja e narkotikeve” kryer në bashkëpunim.

-Sh. M. 51 vjeç, banues në Kombinat, Tiranë, i dënuar për veprën penale “Falsifikim dokumentesh”.

-D. M., 20 vjeç, banues në Kombinat, Tiranë.

-F. D., 37 vjeç, banues në Shëngjin.

-M. P., 32 vjeçe, banuese në Gjirokastër.

-A. H., 38 vjeç, banues në Lezhë.

Nga ana e Seksionit për Hetimin e Narkotikëve të Drejtorisë Vendore të Policisë Tiranë, në bashkëpunim me Sektorin e Forcës së Posaçme në Drejtorinë e Policisë se Shtetit dhe DVP Dibër ishin grumbulluar informacione në rrugë operative se shtetasit e lartpërmendur kishin siguruar lëndë narkotike të llojit “Cannabis sativa në formë çokollate” në shtetit grek, lëndë të cilën e kishin kaluar nëpërmjet kufirit nga Konispoli, nëpërmjet dy shtetasve me banim në Gjirokastër.

Me pas lënda narkotike do transportohej në qytetin e Tiranës, me qëllim për ta nisur më vonë në një qytet në veri të vendit, për ta trafikuar jashtë Shqipërisë.

Gjatë operacionit në cilësinë e provës materiale u sekuestruan 32.5 kg lëndë narkotike canabisa sativa në formë çokollate, 6 aparate celulare dhe 2 automjete.

Materialet procedurale i kaluan  Prokurorisë pranë Gjykatës së Shkallës së Parë Tiranë, për veprime te mëtejshme hetimore, për veprën penale ”Prodhimi dhe shitja e narkotikëve”, kryer në bashkëpunim.

Përgjimi i Bild, Robert Aga flet me Qefalinë dhe Tahirin:

Bert Aga: O shoku im si je?

Xhemal Qefalia: Mirë! Jam në një tavolinë, ku ke qef me shku ti në Bulqizë e?

Bert Aga: Po

Qefalia: Ok, hajt ciao!

Bert Aga: Kush të tha ty?

Qefalia: jemi këtu me kryeminsitrin dhe me ministrin

Bert Aga: Unë u garantoj tu jap çfarë tu dojë qejfi. Më çoni për zgjehdje

Qefalia: Se mos binë atë Bert kehsin aty, si thua ti?

Bert Aga: Mirë mo

Qefalia: Të betohem.  Do noj foto nga tavolina të ta tregoj?

Bert Aga: Se mos ke noj fdashnore…

Qefalia: Pse e mbylle, ja ta qes i çikë ministrin ti folësh se na çave b*thën, na foli. Saimir na foli icikë këtij shefit të komisariatit Bert Agës, na foli i cikë.

Saimir Tahiri: Alo, o Berto

Bert Aga: Mirmbrëma, si je?

Saimir Tahiri: Nuk shkon kjo punë, që ma jep Qemali telefonin që të të falënderoj unë ty…

Bert Aga: Jo mo, të lutem

Tahiri: As nga ana institucionale nuk shkon…

Bert Aga: Sinqerisht më ka gënjyer

Tahiri: megjithatë faleminderit shumë për angazhimin, je i madh

Aga: E kam detyrim …

Tahiri: Edhe mos e rruaj k..in për ata që thonë ata, se se rruajmë trapin për ata legena

Aga: Unë jam ushtari jot …

Qefalia: Ke të fala dhe nga Ulsiu, do ti flasësh … Foli icikë Ulsiurt

Manja: ku je mo vlla

Aga: Ca bëre si je?

Manja: Hic mo, ja me kryeministrin

Aga: mu më duhet me shku pak atje

Manja: Ku mo?

Aga: Ke Bulqiza, po u ndërrumë ..

Manja: Ne themi të shkosh për më lart o burrë.

Aga: Mirë mo mirë, ju e dini …

Manja: Dëjo mua, fol me Xhemalin se ai ëhstë te Komisioni i sigurisë. Ne po kërkojmë të vish për më lart, se të bësh nopj gjë më të madhe, se mua më duken gjëra të vogla ato o miku im.

Aga: Mirë mo mirë … Xhemalin e kam pas vartës atëherë

Manja: ore ëhstë kryetar i komisionit të sigurisë

Aga: Ai thotë jam ushtari i Berttit, se Bertin kam pas komandant..

Manja: në rregull në rregull…

Qefalia: Hë mor ti, që më çan trapin mua …

Aga: Po si ma nxjerr ministrin ti mua aty në telefon o k*qe …

Qefalia: Po je shoku im ti re mos më çaj k*rin mu.. A do ti flasësh Edit …?

Aga: Ej o vlla, atë dokumentin …

Qefalia: A je shoku im ti. Mos më çaj b*thën…

Aga: unë kam qenë dhe do jemë…

Qefalia: Hajde vlla ciao…

/abcnews.al

vlcsnap-error560-1280x720.jpg
R D15:13 | 16/01/2020

Pas anëtarit të bandës së Durrës, Endrit Dokle është liruar nga burgu një tjetër person i rrezikshëm.

Abc News ka mësuar se bëhet fjalë për snajperistin Ergys Kolaverin, i dënuar me 20 vite burg për tentativë vrasje.

Ergys Kolaveri qëlloi me snajper drejt burgut të Vaqarrit. Më 30 korrik 2016, Kolaveri organizoi një atentat për të vrarë Gazmir Dacin, i cili ndohej në burgun e Vaqarrit, por aksidentalisht mbeti i plagosur një kosovar.

Burimet thanë se ai u lirua me vendim të Gjykatës së Apelit Tiranë, e cila  vendosi masën e sigurisë “arrest në shtëpi” për Ergys Kolaverin.

/abcnews.al

fc280ee6-1c30-4587-b469-0df8f846de60.jpg
R D23:40 | 14/01/2020

Pas Durresit, arrestimet per pasojat e shkaktuara nga termeti i 26 nentorit nisen edhe në Tiranë. Prokuroria e kryeqytetit mësohet se ka lëshuar 38 urdhër-arreste, shumica e të cilave janë ekzekutuar mbrëmjen e sotme. Sipas burimeve, mes te ndaluarve jane edhe ish kryetaret e komunave ne Farkë dhe Kashar, Fatbardh Plaku dhe Besnik Fuçia.

Dhjetra zyrtare të ish-komunave Vorë, Kashar dhe Farkë janë ndaluar me urdhër të prokurorisë së Tiranës. Ata akuzohen për falsifikim të dokumentave dhe shpërdorim detyre, ne lidhje me banesat dhe objektet e dëmtuara nga termeti i 26 nentorit.

Burimet i thane Abc News se Prokuroria e Tiranës lëshoi 38 urdhër-arreste për zyrtarë dhe ish-zyrtarë vendore, deri ne nivel ish-drejtues komune, për arkitektë, urbaniste, inxhinerë, drejtues punimesh dhe ndërtues të pallateve të dëmtuara rënde nga tërmeti i 26 nëntorit.
Abc News disponon një listë me 27 emra, që sipas burimeve janë ndaluar nga policia gjatë një operacioni pasditen e së martës në Tiranë. Mes tyre janë dhe ish-kryetari i komunës së Farkës Fatbardh Plaku, ai i Kasharit Besnik Fuçia si dhe Luan Beta, ish-kreu i Urbanistikës, Vorë. Të gjithë janë shoqeruar mbrëmjen e se martes në Drejtorine e Policise se kryeqytetit.

Hetimet kishin nisur nga prokurorët Erjon Imeraj dhe Alket Mersini, ne bashkepunim me policine e kryeqytetit pas termetit te 26 nentorit që demtoi mjaft objekte ne bashkine Tirane, kryesisht ne zonen e kombinatit dhe te Liqeni i thate, si dhe ne njesite administrative Farke e Kashar apo ne bashkine Vore.

Burimet thane se gjate verifikimeve te dokumentacioneve perkatese per ndertime te ndryshme ne keto zona dhe situates reale ne terren, jane evidentuar shkelje qe klasifikohen si “shperdorim detyre”, sipas nenit 248 i Kodit Penal.

Ndër të tjera hetimet kanë nxjerrë në pah ndërtime pa cilesi, mungesë kontrolli gjate kolaudimit të objekteve apo ndërhyrje të paligjshme në strukturën e shumë prej ndertesave që u demtuan./abcnews.al

 

arrestim.jpg
ger ta10:40 | 12/01/2020

Arrestohet në Francë një 50-vjeçar shqiptar me precedentë penal dhe i dënuar me 5 vite burg për drogë.

Policia ben me dije se ka rënë në pranga Tom Kaçi, 50 vjeç, banues në Bulshar, Mirditë. Ky shtetas ka qenë person me precedent të mëparshëm penal dhe ishte i shpallur në kërkim, pasi Gjykata e Apelit Shkodër e ka dënuar me 5 vite burgim, për vepër penale në fushën e narkotikëve.

Njoftimi i plotë:

Interpol Tirana falë shkëmbimit të vazhdueshëm të informacioneve mes Interpol Tirana dhe homologëve, bie në prangat e Policisë dhe arrestohet në Francë, një i kërkuar për veprimtari kriminale në fushën e narkotikëve.

Zyra e ZQK Interpol Tirana, me zyrën homologe të Interpol Paris, Francë kanë shkëmbyer informacione me vlerë mbi vendndodhjen e një shtetasi shqiptar, i shpallur në kërkim ndërkombëtar dhe që fshihej në Francë.

Si rezultat u bë i mundur arrestimi i shtetasit Tom Kaçi, 50 vjeç, banues në Bulshar, Mirditë. Ky shtetas ka qenë person me precedent të mëparshëm penal dhe ishte i shpallur në kërkim, pasi Gjykata e Apelit Shkodër e ka dënuar me 5 vite burgim, për vepër penale në fushën e narkotikëve.

Shtetasi Tom Kaçi, në bashkëpunim me një shtetas tjetër, në zona të thella malore të rrethit Mirditë kultivonte lëndë narkotike të llojit cannabis sativa dhe më pas ata kryenin transportimin e saj me mjete, në drejtim të zonave urbane të Mirditës.

Në kuadër të procedimit penal të regjistruar që në vitin 2013, u bë i mundur dokumentimi me prova ligjore i aktivitetit të paligjshëm në fushën e kultivimit dhe trafikimit të narkotikëve.

Si rezultat i bashkëpunimit të Interpol Tirana me Interpol Paris, Francë, u bë i mundur arrestimi i tij në Francë dhe do të vijojnë procedurat e mëtejshme për ekstradimin e tij drejt vendit tonë.

kinezi-ne-burg.jpg
nev ila10:12 | 30/12/2019

Një vit më parë shkencëtari kinez He Jiankui do të deklaronte se kishte krijuar dy binjake me ADN të modifikuar në mënyrë që të ishin immune ndaj SIdës. Ndërsa një ditë më parë gjykata kineze e dënoi me tri vjet burg dhe 400 mijë euro gjobë, pasi ai nuk kishte autorizimin për të bërë një ndërhyrje të tillë.

Shkencëtari kinez He Jiankui është dënuar me tri vjet burg pasi në mënyrë të paligjshme ka kryer kërkime gjenetike në embrione njerëzore. Sipas Global Times, një vit më parë, shkenvëtari shokoi komunitetin shkencor duke konfirmuar lindjen e dy binjakeve ADN-ja e të cilave ishte modifikuar për të qenë immune ndaj Hiv Aids.

Agjencia shtetërore e lajmve në Kinë, Xinhua, shotn se shkencëtari është dënuar dhe me një gjobë prej 400 mijë eurosh, së bashku me dy bashkëpunëtorë të tij.

Të tre të akuzuarit nuk kishin autorizimin e duhur për të kryer këto praktika mjekësore, dhe në kërkim të famës dhe pasurisë ata kanë shkelur qëllimisht normat kombëtare kineze në fushën e kërkimit shkencor dhe kurës mjekësore. Me këtë deklaratë gjykata kineze konfirmoi vendimin e saj për tre shkencëtarët.

Eksperimentete e He, të kryera në vitin 2018 në Universitetin e Shenzhen, u dënuan ashpër nga komuniteti shkencor botëror dhe qeveria kineze bllokoi punën e ekipit në nëntor të atij viti, pak pas deklaratës për lindjen e dy binjakeve me ADN-në e modifikuar./abcnews.al

gjykataaa.jpg
R D21:35 | 28/12/2019

Gjykata e Elbasanit ka liruar nga burgu Viktor Ymerin, me dy dënime për dy vrasje.

Prokuroria e Elbasanit do ta apelojë vendimin, pasi sipas saj gjykata e ka zbatuar ligjin gabim,duke llogaritur si ditë dënimi, ditëe punës së kryer prej Viktor Ymerit në burg.
Burime pranë Drejtorisë së burgjeve thonë për ABC News, se Viktor Ymeri është liruar ditën e djeshme.

Ymeri ka qenë anëtar i bandës së Gazmend Brakës në Vlorë, njohur si Gaxhai. Braka është dënuar me burgim të përjetshëm, ndërsa për Ymerin, i akuzuar për 2 vrasje të kryera në vitin 1999 në Durrës, vitin që shkoi dënimi iu ndryshua nga burgim i përjetshëm, në 25 vite burg.

Viktor Ymeri është daja i Edison Harizajt, 33-vjeçari i njohur si mik i Emiljano Shullazit, që u ekzekutua në një atentat në Durrës, 7 nëntorin e kaluar bashkë me një mikun e tij.

*Raportimi i gazetares Glidona Daci
/abcnews.al

burg.jpg
R D18:00 | 28/12/2019

Një i burgosur i ka dhënë fund jetës në qeli, në burgun e Beratit. Ngjarja ka ndodhur për Krishtlindje por është mbajtur e fshehur nga policia. Gazetari i Abc News, Artan Diko raporton se “viktima Blerim Protoduari kishte rreth 7 muaj që ishte i burgosur për veprën penale ‘Dhunë në familje'”.

38-vjeçari nga fshati Poshnje i Urës-Vajgurore, është gjetur i vetëvarur me kabullin e televizorit në qeli nga roja e turnit të shërbimit. Institucioni i IEPV-së Berat, që ka bërë edhe veprimet në vendngjarje me ekspertët hetimorë të burgut, e ka mbajtur të fshehtë ngjarjen.

Burime brenda burgut konfirmojnë se ai nuk shoqërohej me askënd dhe prej disa kohësh kishte shfaqur shenja depresioni.

/abcnews.al

GARDIANE.jpg
Autor E09:22 | 25/12/2019

Një gardiane në burgun më të madh të burrave në Britani është shfaqur sot në gjykatë e akuzuar për marrëdhënie “të papërshtatshme” me një të burgosur.

gardiane 1234

Gardiania Ayshea Gunn, 27 vjeç, nga Pant Glas, Johnstown është dënuar me një vit burg pasi krijoi një lidhje pasionante me njërin prej të burgosurve në Wrexham, Britani.

Në më pak se pesë muaj ajo kishte shkëmbyer mbi 1200 telefonata dhe shumë foto dhe video intime me Khuram Razaq, 29 vjeç.

Policia gjeti në celularin e saj foto me të dënuarin duke u puthur në qeli.

Gjithashtu Ayshea Gunn deklaroi në gjykatë se ajo i kishte dhënë një llogari bankare të një të afërmi të dënuarit dhe pas pak kohësh aty u depozituan 1500 paund.

Ishin kolegët e saj të cilët kërkuan një hetim mbi të pasi kishin dyshime për lidhjen e 29 vjeçares.

Nga kërkimet e policisë në qelinë e të dënuarit u gjetën dhe të brendshmet e Ayshea Gunn e cila ja jepte fshehurazi.

gardiane 4gardiane 3gardiane 2gardiane 1gardiane

salianji-2.jpg
ger ta10:39 | 19/12/2019

Ish-deputeti i PD, Ervin Salianji e ka cilësuar të manipuluar vendimin e gjykatës për dënimin me 1 vit burg për këtë të fundit, si pjesë e dosjes “Babale”.

Në studion e Abc News me Juli Xhokaxhi, Salianji u shpreh se gjykata nuk pranoi të merrte në shqyrtim provat e reja, ndërsa hodhi edhe njëherë akuza drejt gjyqtarit të çështjes Artan Gjermeni.

Sipas ish-deputetit, Gjermeni e kishte të shkruar vendimin dhe pas 20 minutash tërheqje e lexoi, ndëkaq shton se gjyqtari nuk do futet në Vetting dhe do vij0jë karrierën politike.

I pyetur nga moderatorja, Salianji pranoi se janë shantazhuar para se të bënin publike çështjen.

Pjesë nga biseda:

Gjyqtari nuk u interesua, por për 20 minuta kishte një vendim të shkruar, doli e lexoi dhe iku. Alizoti kishte vënë në shërbim drejtuesit e policisë. Është tërësisht e manipuluar.

Ke pasur shantazhe dhe oferta për tu tërhequr?

Para se të ndodhte kjo para publikimit. Në momenti që kemi pasur pyetje dhe u ngrit e gjithë skema, për të bërë një parashtesë se me çfarë personazhesh kishim të bënim. Padiskutim që janë bërë të gjitha përpjekjet për ta ndaluar. Albert Veliu u identifikua prej Geron Xhafajt. Kemi të bëjmë me mafian. Ne i kemi faktuar para publikut se çfarë ka ndodhur. Pra gjyqtarit nuk e faktonin dot se ai punon për partinë. Ka marrë një goditje se nuk u bë kandidat për bashkinë e Lushnjes.

Nuk ke frikë që të akuzojnë për shpifje?

Unë nuk kam pasur frikë kur kam hyrë në mes të parcelave, jo të kem frikë për ca qelbësira që janë bërë bashkë.

Si do të guxonte një gjyqtar që të jepte vendime arbitrare, janë të gjithë të vëzhguar në këto momente?

Ju do ta shihni që nuk ka për të hyrë në vetting zotëria, do të tërhiqet dhe do vazhdojë karrierën politike. Para pak kohësh ka nxjerrë nga burgu një të dënuar rëndë. Pasi u godit me thikë para dy vitesh tha që më ra qepeni i garazhit. Sot ende nuk është e pushuar çështja për trafik droge. Pa përfunduar ata e kanë marrë dhe e kanë cuar për kallëzim të rremë.

Keni kërkuar tërheqje nga Artan Gjermeni?

Kemi kërkuar që të tërhieqet dhe nuk është tërhequr. Vendimi për përjashtimin e tij nuk është i formës së prerë. E kemi kërkuar në Gjykatën e Lartë, por nuk ka gjykatë. E kemi kërkuar edhe dje të mos jepte vendim, dhe për 20 minuta lexoi vendimin.

Do ta vazhdoni si kauzë?

Padiskutim, këto beteja nuk është se fitohen lehtë me mafiat./abcnews.al

salianji-1.jpg
Autor E16:36 | 18/12/2019

Gjykata vendosi të dënojë sot me një vit burg ish-deputetin demokrat Ervin Salianji për “dosjen Babale”. Vendimi u shpall gjatë pasdites nga gjyqtari Artan Gjermeni, i cili renditi edhe akuzat me të cilat u dënuan ish-deputeti, Albert Veliu, Fredi Alizoti dhe gazetari Jetmir Olldashi.

Veliu u dënua me 3 vite e 5 muaj burg, kurse Olldashi me 6 muaj burg e konvertuar me 100 orë punë me interes publik.

Por çfarë ndodh tani dhe përse ish-deputeti nuk është në burg ashtu siç është vendimi?

Vjen reagimi i parë i Salianjit pasi u dënua me burg

Pas shpalljes së vendimit nga gjyqtari, pritet që brenda dy javësh të publikohen edhe argumentet ligjore që çuan trupën gjyqësore që të marrë një vendim të tillë.

Pasi të shpallen edhe argumentet duke e bërë vendimin publik, Salianjit dhe të tjerëve u  lind e drejta që ta apelojnë atë në gjykatën e Apelit.

Këtë gjë e paralajmëroi sot vetë Ervin Salianji duke thënë se është dënuar nga banda e Lushnjes dhe se vendimin do ta apelojë.

Gjykata e Apelit duhet që të marrë çështjen në shqyrtim dhe të dalë me një vendim. Nëse gjykata e Apelit pranon të plotë vendimin e shkallës së parë, me të rënë çekiçi i gjyqtarit, ish-deputetit i vihen prangat në sallën e gjyqit dhe dërgohet në qeli.

Por kjo është një alternativë, pasi gjykata e Apelit mund ta pranojë të plotë, të pjesshëm ose ta rrëzojë fare vendimin e shkallës së parë.

Po ashtu, Apeli mund ta rikthejë sërish për gjykim dosjen “Babale” duke kërkuar shqyrtimin nga fillimi.

Me të gjitha këto alternativa, çështja duket se sapo ka filluar dhe pritet që përballja të kalohet në Apel.

Çfarë është dosja “Babale”?

Pranverën e 2018-ës, PD botoi 2 audioregjistrime, përmes së cilave supozonte se vëllai i ministrit të Brendshëm aso kohe, Fatmir Xhafaj, Agroni ishte i përfshirë në trafikimin e lëndëve narkotike. E tërë çështja u emërua “Babalja”, pasi dëshmitari X i Partisë Demokratike, i cili ishte i përfshirë në audioregjistrime, thirrej në to me pseudonimin Babale.

Krimet e Rënda lëshuan urdhër-arreste për protagonistët e audiopërgjimit, Albert Veliu, i njohur ndryshe me nofkën “Babalja” dhe kunatin e tij, Fredi Alizoti. Nga ekspertiza që i është bërë kampionit të zërit, ai që dëgjohet në audio është i Agron Xhafajt, por i Alizotit, i cili pranonte se kishte imituar zërin e vëllait të ministrit, pasi iu ishin premtuar 200 mijë euro nga deputeti me mbiemrin Salianji. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono