burg perjete

zykaj-1280x725.jpg
ent ela12:00 | 06/09/2019

Gjykata e Vlorës ka marrë vendimin e formës së prerë për autorin e masakrës së Selenicës në Vlorë. Ai u dënua me burgim të përjetshëm për tetë të vrarët dhe nuk është cilësuar i sëmurë mendor. Në vendimin e gjykatës thuhet se Ritvan Zyka ka qenë i përgjegjshëm për veprat që ka kryer.

Ishin tre gjyqtarë që vendosën burg përjetë për Ritvan Zykën, autorin e masakrës së Selenicës në Vlorë.

Skënder Haluca, Laurent Fuçia, Ervin Trashi, të cilët zhviluan procesin gjyqësor nga fillimi në fund, panë vetëm një buzëqeshje të frikshme të 25 vjeçarit.

Kur atij iu lexua vendimi nuk foli asnjë fjalë. Vetëm vuri buzën në gaz dhe i shikonte në sy gjyqtarët.

Një vështrim i frikshëm, i sikletshëm, tregon njëri nga vendimmarrësit. Autori i tetë të vrarëve do të kalojë pjesën tjetër të jetës në burg.

Për juristët dhe policët që për shkak të procesit u është dashur të përballen me të, Ritvan Zyka ishte një njeri pa jetë. Me mimikë të çuditshme, që nuk tregon asnjë lloj ndjesie.

Nuk ka folur me askënd gjatë gjithë kohës së qëndrimit në izolim.

Kurse beteja më e madhe për shtetin ka qenë gjetja e një avokati, pasi askush nuk e merrte përsipëer mbrojtjen e tij.

Familjarët nuk ishin prezentë në asnjë seancë gjyqësore ndaj tij.  Vizita e vetme i është bërë nga i vëllai në izolim.

“Sikur aty nuk ishte një vrasës i tete veteve, por një hije si djalli që rrinte tërë kohën mbështetur pas murit të qelisë” tregon një polic shërbimi.

Masakrën 25 vjeçari e bëri një vit më parë, në muajin gusht. Pas një dreke të përbashkët kushërinjsh. I qëlloi me automatik njëri pas tjetrit, midis tyre dhe fëmijë.  Atëkohë Zyka tha se i kishte vrarë pasi e vinin në loje si hajdut pulash.

Me pas nuk foli më.

Kurse në Resulaj të Selenicës  familjet që u dëmtuan nga ai braktisën shtëpitë dhe emigruan. /ABC News Albania 24/7

chapo-9999.jpg
nev ila14:20 | 18/07/2019

Një gjykatë në Nju Jork ka dënuar me burgim të përjetshëm si dhe me 30 vjet të tjera burg trafikantin e njohur të drogës El Kapo. Ai u shpall fajtor për 10 akuza. Gjithashtu ai duhet të paguajë dhe 12.6 miliard dollar, një shumë e fituar nga trafikimi i drogës në Shtetet e Bashkuara të Amerikës.

Hoakin Guzman “El Chapo”, trafikanti meksikan i drogës më i njohur në botë, u dënua nga një gjykatë në Nju Jork me burgim të përjetshëm pasi u shpall fajtor për dhjetë akuza. Duke folur nëpërmjet një përkthyesi, ai e cilësoi burgosjen e tij një torturë psikologjike, emotive dhe mendore 24 orë në ditë.

Dënimi parashikon dhe një 30 vjet të tjera burg. Gjykatësi ndër të tjera i ka urdhëruar të paguajë 12.6 miliard dollar. Një shumë e barabartë me paratë e fituara nga trafiku i drogës në Shtetet e Bashkuara të Amerikës para arrestimit të tij.

“El Chapo”, 62 vjeç, ishte shpallur fajtor në muajin shkurt për trafikun e disa ton kokainë, heroinë dhe marijuanë si dhe disa vrasje si bosi i kartelit të Sinaloas, një prej organizatave meksikane më të mëdha dhe të dhunshme.

I arrestuar në Meksikë, Guzman u ekstradua në Shtetet e Bashkuara të Amerikës. Në marrëveshjen për ekstradimin mes Meksikës dhe Shteteve të Bashkuara të Amerikës, të firmosur në 2017-ën, është përjashtuar mundësia e dënimit me vdekje./ABC News Albania 24/7

1018_malta-journalist-1000x598.jpg
nev ila14:31 | 17/07/2019

Janë dënuar me burgim të përjetshëm tre autorët material të vrasjes së gazetares malteze Dafne Galicia. Ajo u vra në tetor në 2017-ës si pasojë e shpërthimit të bombës që ishte vendosir në automjetin e saj.

Prokuroria e përgjithshme e Maltës zyrtarizoi akuzat dhe kërkoi burgim të përjetshëm për tre autorët e vrasjes se Dafne Galicia, gazetares malteze të vrarë me një autobombë në 16 tetor 2017.

Të tre u arrestuan disa muaj më pas, ndërsa ata që urdhëruan vrasjen janë ende emra të panjohur për prokurorinë. Qeveria e Mlatës e cila nga familjarët e viktimës konsiderohet bashkëpunëtore në vrashe, shprehu kënaqësinë e saj për vendimin e marrë duke e konsideruar si një tregues të funksionalitetit të institucioneve.

Familja e Dafne Galicia është ankuar shpeh herë për ngadalësinë e hetimeve dhe për vendimin e marrë për të akuzuarit të cilët janë arrestuar që në 2017-ën.

Hetimet ndaj tyre nisën në 2017, dy muaj pasi gazetarja humbi jetën si pasojë e shpërthimit të automjetit të saj, para banesës. Sipas ligjeve në Maltë, akuza ka 20 muaj kohë për të vendosur për datën e fillimit të gjyqit./ABC News Albania 24/7

elca-tereziu.jpeg
ad min10:38 | 22/02/2019

Burgim të përjetshëm. Kjo ishte kërkesa fillestare e prokurorisë italiane për Xhevdet Mehmetin, shqiptarin që vrau gruan e tij në Maj të 2018-s në Piacenza. Por për shkak se i pandehuri zgjodhi gjykim të shkurtuar, dënimi pritet të zbresë në 30 vjet.

57-vjeçari akuzohet për dhunë në familje dhe për vrasje me paramendim. Më 27 Maj, ai vrau bashkëshorten e tij, 52-vjeçaren Elca Tereziu. E gjithë skena e tmerrit u pa nga djali i vogël i tyre, atëherë vetëm 17 vjeç.

Në seancën e së enjtes, prokurori Antonio Colonna kërkoi dënimin maksimal për Mehmetin. Sipas tij mes çiftit kishte pasur gjithnjë konflikte dhe kështu kishte ndodhur edhe më 27 Maj.

Familjarët e viktimës, të përfaqësuar nga avokatët Bledar Rexho dheManuela Hasa kërkuan gjykimin maksimal duke mbështetur kërkesat e prokurorisë dhe njohjen dhe dëmshpërblimin për palët e dëmtuara.

Ndërkohë fëmijët e çiftit tashmë 18 vjeç dhe 20 vjeç janë ndihmuar nga Shërbimet Sociale italiane. Seanca ku do të jepet vendimi për Xhevdet Mehmetin pritet të jepet në fund të Prillit./abcnews.al

FADIL-KASEMI-GJYQ-1280x720.jpg
ad min12:41 | 17/01/2019

Gjykata për Krimet e Rënda dënoi me burgim të përjetshëm Fadil Kasemin. Ai u fajësua për vrasjen e ish-bashkëshortes së tij gjyqtare në 31 gusht 2017 në Tiranë.

Gjykata për Krimet e Rënda përfundoi gjykimin e Fadil Kasemit duke e dënuar atë me burgim të përjetshëm. Kasemi u shpall fajtor për vrasjen e ish-bashkëshorte së tij, Fildes Hafizi, ngjarje e ndodhur në 31 gusht të vitit 2017. Ai qëlloi me armë zjarri gjyqtaren, pak caste pasi ajo kishte hipur në mjetin e saj në zonën e “Xhamllikut” në kryeqytet. Pas krimit ai shkoi drejt komisariati nr.1 përmes një automjeti të rastësishëm, pasi e kërcënoi me armë drejtuesin e tij.

Para shpalljes së vendimit për mbylljen përjetë në qëli, gjykata u njoh të enjten me konkluzionet e mbrojtjes. Përmes avokatit të tij, Kasemi pranoi akuzën e vrasjes dhe mbajtjes pa leje të armëve luftarake, por jo akuzën e “rrëmbimit të personit”.

Kasemi i kërkoi gjykatës të mbante prasysh faktin se kur ndodhi ngjarja e ndjera i kishte kthyer fëmijët kundër, si edhe ishte treguar mosmirenjohëse ndaj tij.

Vendimi i gjykatës miratoi kërkesën e paraqitur nga prokuroria në pretencë, në 27 dhjetor të vitit të kaluar, ku u kërkua dënimi përjetë i tij. Në konkluzionet përfundimtare u përmendën edhe konfliktet e mëparshme mes dy ish-bashkëshortëve, si ai vitit 2015, ku ai kërcënoi me armë gjyqtaren Hafizi në Golem./abcnews.al

ANGLEZI-ARABI-1280x584.jpg
ent ela22:39 | 21/11/2018

Pas vrasjes së gazetarit Xhamal Kashogi, një tjetër ngjarje rrezikon të tensionojë më tej marrëdhëniet mes Perëndimit dhe botës arabe. Bëhet fjalë për rastin e një studenti anglez, që në Emiratet e Bashkuara Arabe i është dhënë dënimi kapital nën akuzën e spiunazhit për llogari të qeverisë britanike.

Një student britanik është dënuar me burgim të përjetshëm nga drejtësia në Emiratet e Bashkuara Arabe, pasi është shpallur fajtor për akuzën e spiunazhit. Methju Hexhs, 31 vjeç, ishte vetëdeklaruar i pafajshëm dhe kishte sqaruar se po mblidhte informacione mbi sistemin arab të sigurisë për temën e diplomës. Por prokurorët janë shprehur të bindur se ai po punonte për llogari të qeverisë britanike dhe madje kanë deklaruar se i ka pranuar akuzat. Duke reaguar, ministri i Jashtëm i Mbretërisë së Bashkuar ka deklaruar se ndihet i tronditur nga vendimi i gjykatës. Xheremi Hant ka bërë me dije se e ka ngritur çështjen në nivelet më të larta të qeverisë së Emirateve. “Dënimi me burgim të përjetshëm nuk është ajo çfarë Britania pret nga një vend mik dhe aleat”, ka thënë Hant. Ndërkohë, familja e 31-vjeçarit ka akuzuar autoritetet arabe se kanë keqtrajtuar djalin e saj, se për 6 muaj e ka marrë në pyetje pa praninë e një avokati dhe se e ka detyruar të nënshkruajë një deklaratë në gjuhën arabe ku pranohej faji. “Methju nuk di arabisht”, ka thënë familja. Edhe bashkëshortja e Hexhs, e cila ishte e pranishme në leximin e vendimit, është shprehur se ka mbetur e tronditur nga dënimi i tij. /abcnews.al

MASAKRA-E-KOZARES-AUTORI-1280x720.jpg
ent ela14:13 | 12/03/2018

Autori i masakrës së 12 viteve më parë në Kozarë të Beratit dënohet për të tretën herë radhazi me burgim të përjetshëm. Dy vendimet e para ishin rikthyer për gjykim nga Gjykata Kushtetuese, por dhe kësaj radhe Gjykata e Beratit e dënoi me burgim të përjetshëm Luan Marrën.

Nuk i shpëtoi dënimit me burg përjetë Luan Marra.

I njohur si vrasësi i vëllait, nuses dhe nipit, ai është akuzuar si autori i masakrës së ndodhur më 9 shkurt 2006 në komunën i Havaleas në komunën e Kozarës.

Gjykata e Rrethit të Beratit e shpalli fajtor dhe dënoi me burgim të përjetshem  Luan Marrën, i cili  arrestua dhe u dënua me akuzën për vrasjen e vëllait të tij, Shpëtim Marrës, si dhe ekzekutimin e kunatës Flories, e cila ishte shtatzënë në kohën kur ndodhi krimi, dhe djalin 2- vjeçar të viktimave, Artiol Marra.

Gjykata e Beratit kishte rimarrë në gjykim dosjen pas vendimit të Gjykatës Kushtetuese për rikthim të çëshjes për gjykim nga e para.

Dy herë me radhë, Luan Marra është dënuar me burg të përjetshëm, por në të dyja rastet Kushtetuesja e ka rikthyer çështjen për gjykim nga e para.

Ngjarja në atë kohë ka tronditur jo pak opinionin publik në qytetin e Beratit dhe jo vetëm.

Motivi mbi të cilin u bazua fajësia e tij kishte të bënte në lidhje me një marrëdhënie të mundshme mes tij dhe gruas së vëllait dhe shtatzanisë së Flories./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono