bundesliga

Kimmich.jpg
Igli Nikolli17:19 | 08/12/2019

Bayern Munchen u mund sërish në kampionat. Ekipi bavarez zhvilloi një lojë shumë të mirë, humbi shumë raste, por në fund doli pa pikë nga transferta kundër M’Gladbach, ekipit që kryeson Bundesligën.

Joshua Kimmich nuk e fsheh trishtimin e tij në një prononcim për mediat gjermane pas humbjes së dytë radhazi, teksa diferenca me kreun ka shkuar në 7 pikë. Gjithsesi, kampionati është i gjatë dhe Bayern do të luftojë deri në fund për titullin kampion.

Jam shumë i mërzitur. Luajtëm shumë mirë në pjesën e parë, kishim shumë mundësi për të shënuar, por nuk ia dolëm të gjenim golin. Komanduam ndeshjen edhe në pjesën e dytë. M’Gladbach u rifut në lojë, por nuk krijuan raste flagrante. Kemi zhvilluar dy ndeshje pozitive kundër Leverkusen dhe M’Gladbach, por i humbëm të dyja“, thekson Kimmich. /abcnews.al

Glabach.jpg
Igli Nikolli17:25 | 07/12/2019

M’Gladbach vijon momentin e artë që po kalon. Kryesuesit e Bundesligës mposhtën 2-1 me përmbysje në shtëpi Bayern Munchen. Pjesa e parë nuk dhuroi gola, ndërsa e dyta nisi me avantazhin e miqve.

Ivan Perisic kaloi Bayernin në avantazh me një goditje shumë të bukur. Vendasit nuk u dorëzuan dhe arritën barazimin pas një ore lojë. Ramy Bensebaini realizoi me kokë pas një goditje këndi. Mbrojtësi algjerian u kthye në heroin e M’Gladbach, teksa realizoi edhe golin e fitores në minutat shtesë.

Renditja e Bundesligës

Kjo fitore e dërgon M’Gladbach në kuotën e 31 pikëve dhe diferenca me Bayern shkon 7 pikë. Në vend të dytë (30 pikë) renditet Leipzig, që fitoi 3-1 në fushën e vet përballë Hoffenheim. Timo Werner nuk po ndalet dhe shënoi një dygolësh në këtë ndeshje, që ishte fitorja e pestë radhazi për Leipzig.

Werner u ngjit në kuotën e 15 golave në kampionat

Fitore e thellë edhe për Dortmund. Verdhezinjtë shkatërruan Dusseldorf me “manita”. Reus dhe Sancho shënuan nga dy herë, ndërsa festoi edhe Thorgan Hazard. Edhe në dy ndeshjet e tjera triumfuan skuadrat vendase, konkretisht Augsburg dhe Freiburg, që ndan vendin e katërt me Schalke 04. /abcnews.al

Rezultatet e javës së 14-të të Bundesligës
Ausburg.jpg
Veronik Istrefaj17:12 | 07/12/2019

Ausburg zbriti sot në fushë për t’u përplasur me ekipin e Mainz, sfidë e vlefshme për javën e 14-të në Bundesliga.

Futbollistët e Ausburg bënë një ndeshje shumë të mirë përballë rivalëve të tyre për mbijetesë dhe arritën të përmbysnin atë disavantazh të minutës së 15-të, duke udhëhequr me rezultatin 2-1.

Ausburg pati mundësinë edhe të shënonte golin e tretë, por ishte e pabesueshme ajo që futbollistët kanë humbur.

Ishte mesfushori Vargas ai që shpërtheu nga krahu i majtë dhe doli i vetëm përballë portierit. Zvicerani u tregua altruist dhe pasi te dy shokët e tij që ishin me portën e boshatisur.

Kur dukej gol i sigurt, dy lojtarët e Ausburg katranosin gjithçka dhe topi përfundon jashtë. Ndoshta gafa e vitit në Bundesligën gjermane./abcnews.al

Rumenigge.png
Igli Nikolli15:43 | 04/12/2019

Hans-Dieter Flick po bën mirë te Bayern Munchen dhe ka arritur t’i bindë drejtuesit që të mbyllë këtë sezon në stolin bavarez. Vetëm kaq pasi në verë do të vijë një emër me peshë.

Bild është e bindur për zgjedhjen e drejtuesve dhe raporton se i preferuari është Thomas Tuchel. Trajneri gjerman po drejton PSG-në prej vitit 2018 dhe vështirë që do të konfirmohet edhe për sezonin e ardhshëm.

Thomas Tuchel

46-vjeçari do e mirëpriste një rikthim në Bundesligë në krye të klubit më të madh gjerman. Tuchel cilësohet si profili i duhur për të dërguar Bayernin drejt trofeve europiane dhe për momentin qëndron në krye të listës së klubit të njohur. /abcnews.al

kramer.png
Vladimir Prenga11:35 | 03/12/2019

Gjermania u shpall kampione bote në vitin 2014, kur mundi Argjentinën në finale. Një episod për t’u mbajtur mend është ai i përplasjes së mesfushorit Christian Kramer, i cili më pas kishte pyetur arbitrin e ndeshjes nëse vërtetë ishin në finalen e Kupës së Botës.

Sot, harraqi i Gjermanisë ka nënshkruar kontratën e re me Borussia M’Gladbach. Klubi që kryeson në Bundesliga pas 13 javësh kampionat, ka pranuar marrëveshjen dhe ka firmosur deri në vitin 2023. Kramer është pjesë e Gladbach prej katër sezonesh.

Mesfushori 28-vjeçar është pjesë e rëndësishme e klubit gjerman, që i ka besuar atij dhe tregues për këtë është kontrata 4-vjeçare e nënshkruar ditën e sotme. /abcnews.al

Coutinho.png
Veronik Istrefaj23:21 | 01/12/2019

Philippe Coutinho ka folur sot për mediet gjermane, aty ku ka thënë se shpreson të qëndrojë te Bayern Munchen. Ylli brazilian pati vështirësi të mëdha te Barcelona dhe në verë, u transfua te Bayern, në formë huazimi me opsion blerje.

“Jam shumë mirë dhe jam i përqendruar te Bayern. Nëse gjithçka shkon mirë, do të më pëlqente të qëndroja”. Coutinho ka folur edhe për trajnerin e tij të ri, Flick: “I kuptojmë metodat e tij. Ai i bën të gjithë të ndihen të rëndësishëm dhe ne jemi të lumtur, por e dimë se ka akoma shumë punë për të bërë”.

Bayern mund të sigurojë përfundimisht shërbimet e Coutinhos në fund të sezonit për plot 120 milionë euro, shumë që duket e panegociueshme nga Barcelona./abcnews.al

Rashica-1.png
Veronik Istrefaj21:03 | 01/12/2019

Milot Rashica është në radarin e disa skuadrave, si Schalke dhe Milan, por sulmuesi shqiptar duket mëse i fokusuar tek ekipi i Werder Bremen.

Në takimin e sotëm në transfertë përballë Wolfsburg, sulmuesi dardan shënoi dy gola, duke i dhënë fitoren 2-3 ekipit të tij.

Pas ndeshjes, Rashica u pyet për mbarëvajtjen e këtij takimi, golat e tij dhe një të ardhme të mundshme larg Ëerderit.

“Jam i lumtur këtu dhe më vjen shumë mirë që u rikthyem te fitoret. Jam shumë krenar për këtë skuadër, luftoi deri në fund dhe nuk u dorëzua asnjëherë.

Edhe kur ishim 2-2 dhe minutat ishin drejt fundit, e dinim që mund të shënonim dhe ia dolëm. Shënova dy gola dhe më vjen mirë që arrita të ndihmoj skuadrën.

Luftuam shumë dhe kjo fitore është dhe për tifozët, që ishin fantastikë”, përfundoi Rashica./abcnews.al

Rashica.png
Veronik Istrefaj19:54 | 01/12/2019

Milot Rashica ka shënuar dhe golin e dytë personal në takimin mes Wolfsburg dhe Werder Bremenit. Ylli dardan shënoi fillimisht në minutën e 13-të me anë të një penalltie, duke hapur serinë e golave. Deri në minutën e 83-të, sfida mes Wolfsburg dhe Werder Bremen shkoi e barabartë 2-2.

Pikërisht në këtë minutë, Rashica shfrytëzon në mënyrën më të mirë të mundshme një kundërsulm të skuadrës së tij dhe gjen rrjetën në mënyrë të shkëlqyer, duke gjuajtur me të majtën nga një diagonale shumë e vështirë.

Ky gol, i dha dhe fitoren Werderit në këtë transfertë delikate, me Rashicën që gjeti golin e shtatë personal në Bundesligën gjermane./abcnews.al

rashica1.png
Veronik Istrefaj18:18 | 01/12/2019

Ylli dardan, Milot Rashica, duket i pandalshëm edhe këtë sezon në Bundesliga. Sulmuesi ka gjetur golin në takimin në transfertë përballë Wolfsburg, vetëm pas 12 minutash lojë. Rashica merr përsipër ekzekutimin e një penalltie dhe arrin të shënojë.

Numri 7 i Werderit tregohet i qetë dhe gjuan në mënyrë të saktë, duke çuar portierin në krahun e gabuar dhe duke gjetur cepin e portës. Një gol shumë i rëndësishëm për Werderin në këtë ndeshje delikate. Ky ishte goli i pestë për Rashicën në Bundesliga./abcnews.al

MGladbach.png
Igli Nikolli17:24 | 01/12/2019

M’Gladbach rikthehet te fitorja dhe rimerr kryesimin e Bundesligës. Ekipi i Marco Rose reagoi pas humbjes kundër Union Berlin dhe fitoi në shtëpi kundër Freiburg. 4-2 triumfoi M’Gladbach që ngjitet në kuotën e 28 pikëve, një më shumë se Leipzig dhe tre pikë sipër Schalkes së vendit të tretë.

Thuram kaloi vendasit në avantazh shumë shpejt, por poa aq shpejt barazoi edhe ekipi i Amir Abrashit, i cili e ndoqi të gjithë takimin nga pankina. Pjesa e dytë nisi sërish me gol të M’Gladbach që shënoi dy herë me anë të Embolo dhe Herrmann.

Renditja e Bundesligës gjermane

Freiburg u rikthye në lojë me golin e Holer, por zvicerani Embolo vulosi përfundimisht fitoren me golin e shënuar 20 minuta përpara fundit. M’Gladbach po zhvillon një sezon të mrekullueshëm dhe vazhdon të kryesojë kampionatin gjerman. /abcnews.al

M’Gladbach – Freiburg 4-2
(Thuram 3′, Embolo 46′, 71′, Herrmann 51′ / Schmid 6′, Holer 58′)


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono