bularat

SPECIALE-KOSTANDIN-KACIFAS-FOTO-PER-WEB.jpg
G. P.23:03 | 10/11/2018

Më 28 Tetor 2018, në fshatin Bularat të Gjirokatrës, gjatë kohës që mbahej ceremonia përkujtomore e JO-së greke ndaj ultimatumit të Benito Musolinit, ndodhi një incident i rëndë. Një minoritar, i quajtur Kostandin Kacifa, qëlloi me armë policinë shqiptare dhe pas disa orësh betejë me forcat e rendit, gjeti vdekjen.

Ngjarja u vuri flakën marrëdhënieve mes dy shteteve dhe dy popujve. Nacionalizmi ekstrem gjeti në këtë rast tokë të begatë për t’u shfaqur në forma nga më agresivet.

Por çfarë ndodhi në të vërtetë më 28 Tetor?

Kostandin Kacifas u vra nga forcat speciale RENEA apo u vetëvra, dhe më tej a ishte Kacifas një ekstremist i radikalizuar që ishte nisur vetëm me qëllimin për të përmbushur një mision të paramenduar?

Këto detaje shpjegon edhe dokumentari “Misioni i përfunduar i Kostandin Kacifas”./abcnews.al

HETiMET-PER-GREKET-E-BULERATIT-1280x720.jpg
ent ela19:09 | 09/11/2018

Prokuroria e Gjirokastrës ka nisur procedimin ne gjendje te lirë për 11 shtetasve grekë të cilët mesditën e së enjtes gjatë ceremonisë mortore në Bularat kanë bërë thirrje për urrejtje dhe përdorim të dhunës ndaj popullsisë shqiptare.

Pas shpalljes “non grata” të 52 shtetasve grek, Prokuroria e Gjirokastrës dhe policia ka proceduar në gjendje të lirë 11 persona për nxitje të urrejtjes, kalim të paligjshëm të kufirit dhe bllokim të rrugëve nacionale.

Babis Karathano dhe Anestis Kacis janë dy ekstremistët grek ndër më kryesorët si edhe drejtuesit të evidentuar që bënë thirrje raciste duke nxitur urrejtje dhe grindje midis popullsisë.

  1. Th.P., banues në Patra;
  2. Th.A., banues në Athinë;
  3. K.G., banues në Athinë;
  4. A.P., banues në Igumenicë;
  5. Th.P., banues në Piurgu Ilias, Peloponez;
  6. D.K., banues në Igumenicë;
  7. P.P., banues në Igumenicë;
  8. M.D., banues në Igumenicë;
  9. Ch.K., banues në Athinë;
  10. Th.S., banues në Livadhja, Sarandë;
  11. A.P., banues në Prevezë.

Të shoqëruarit janë marrë në pyetje dhe janë verifikuar nëse kanë qenë përgjegjës për bllokimin e rrugës si dhe nëse kanë kaluar kufirin ilegalisht apo në mënyrë të rregullt. Rezulton se kufirin e ka kaluar në mënyrë të paligjshme ekstremisti grek Karafanos, i cili nuk është i regjistruar në asnjë nga pikat e kalimit kufitar në Shqipëri.

Nuk dihet ende se si ak hyrë në Shqipëri, por thuhet se ka hyrë përmes kufirit të gjelbër. Ne ceremoninë e varrimit të Kostandinos Kacifas morën pjesë mbi 1 mijë grekë të ardhur nga shteti helen, ndërsa nuk munguan thirrjet anti-shqiptare. Nuk munguan as ofendimet në adresë të gazetarëve shqiptarë, Ekstremistët shpalosën një flamur të madh grek mbi të cilin ishte shkruar “Vorio Epiri është Greqi, dhe Maqedonia është Greqi!” /abcnews.al

SINKRON-BERISHA-PERBULARATIN-DHE-METEN.mpg_snapshot_00.23-1280x720.jpg
G. P.15:48 | 09/11/2018

Ish-kryeministri Sali Berisha në një intervistë ekskluzive për ABC News vlerëson se personat e përfshirë në thirrje antikushtetuese në Bularat nuk duhet të ishin lejuar të largoheshin nga Shqipëria. Pa komentuar ish-kreu i Partisë Demokratike nuk ka lënë dhe kandidaturën e Sandër Lleshit në krye të Ministrisë së Brendshme.

Ngjarjet e ndodhura në Bularat të Gjirokastrës, ditën e varrimit të ish-ushtarakut grek Konstandinos Kacifas, për ish-kryeministrin e vendit Sali Berisha, ishin manifestim i asaj që quajti skenar Vorio Epiriot të tokën e askujt.

“Gjallë nuk kthehej në Greqi pa iu nënshtruar ligjeve shqiptare”.

Sa i përket përplasjes Kryeministër – President lidhur me propozimin e Edi Ramës për zëvendësin e Fatmir Xhafës në postin e ministrit të Brendshëm , ish-kryeministri Berisha dhe ish-Presidenti, theksoi rolin që kreut të shtetit ia ngarkon kushtetuta e vendit.

“Ai që mendon që Presidenti është honorifik nuk merr vesh. Presidenti duhet të krijojë bindjen e tij. Me thirrjen e Lleshit ai hoqi nga vetja çdo detyrim për shpjegim”.

Problemet e propozimit të Lleshit për Ministër të Brendshëm janë minimalisht dy sipas Berishës.

Kërcënim e quan reagimin e kryeministrit Rama për mos dekretimin e Lleshit në krye të dikasterit të rendit, që sipas Berishës duhet të vijonte të kryhesohej nga ministri i dorëhequr Xhafaj, deri në zëvendësimin e tij.

Kreu i ekzekutivit po ushqen me gënjeshtra qytetarët dhe opinionin ndërkombëtar, sipas ish kryeministrit Berisha dhe këtë, po e bën në gjendjen e një grushti shteti ku rojtari i Ligjit themeltar, Gjykata Kushtetuese “de facto” nuk ekziston duke krijuar hapësira të mëdha për përplasje të rënda. /abcnews.al

 

bushati-2.jpg
G. P.15:43 | 09/11/2018

Ministri për Evropën dhe Punët e jashtme, Ditmir Bushati shprehu sot besimin se prokuroria, policia, organet hetimore ta thonë fjalën e tyre me profesionalizëm. I pyetur nga banorët e Gjegjanit në Pukë, gjatë një dëgjese në kuadër të llogaridhënies me qytetarët, ministri Bushati tha se nga pikëpamja e detyrave shtetërore janë kryer një më një detyrat për incidentin fatkeq në Bularat.

Sipas ministrit Bushati një gjë e dinë të gjithë, që po vure dorën mbi polici, kudo qofsh nga demokracitë më të zhvilluara, vendet më problematike, dihet se cili duhet të jetë reagimi dhe përgjigja e forcave të rendit. Numri një i diplomacisë shqiptare kërkoi që për të gjithë ata njerëz të cilët kanë konsumuar akte të kundraligjshme, të ndiqet rruga ligjore./abcnews.al

WhatsApp-Image-2018-11-09-at-14.36.25.jpeg
G. P.14:39 | 09/11/2018

52 shtetas grekë u shpallën non-grata nga pas shfaqjeve ekstremiste që u regjistruan dje gjatë ceremonisë mortore te Kostandinos Kacifas. Lajmi u bë i ditur nga zëvendësministri i Brendshëm Sandër Lleshaj gjatë daljes së parë publike para mediave. Lleshaj i cilësoi aktet e djeshme provokime vulgare.

Shqipëria shpall “non grata” 52 ekstremistë grekë pas ngjarjeve të së enjtes në Bularat të Gjirokastrës gjatë ceremonisë funerale për Konstandin Kaçifa. Në një konferencë të jashtëzakonshme për mediat, dhe në daljen tij të parë si zv/ministri i Brendshëm, Sandër Lleshi se askush nuk mund të tallet me respektin dhe urtësinë e popullit shqiptar.

“Duke e konsideruar të papranueshëm, provokimin sa vulgar, aq edhe të rrezikshëm që iu bë dje shtetit shqiptar e qytetarëve të tij pa dallim, nga individëve e grupe të caktuara të ardhura nga Greqia, të cilët shpërdoruan respektin tonë ndaj normës tradicionale shqiptare të hapjes së dyerve të një familjeje në zi dhe e kthyen një ritual përbashkues varrimi, në një shfaqje të pa tolerueshme ekstremizmi, ka vendosur: Shpalljen persona të padëshiruar në vendin tonë, të 52 personave të shtetësisë greke, për veprimtari të organizuar në dëm të sovranitetit të Republikës së Shqipërisë dhe shfaqje e deklarata sfiduese ndaj rendit kushtetues, sigurisë kombëtare dhe qetësisë publike të këtij vendi”.

Gjeneral Sandër Lleshi, sfidoi ligjërisht shtetasit grekë nëse do ta përsërisin sërisht të sfidojnë shfaqjen e tyre të së enjtes në Bularat.

“Këta njerëz dhe të tjerë, që po analizohen nga forcat tona të sigurisë lidhur me shfaqjen e djeshme ekstremiste në fshatin Bularat, nuk do të lejohen të hyjnë më në këtë vend, për periudhën e parashikuar në ligj.  Askush nuk duhet ta marrë urtësinë tonë për dobësi dhe asnjë i huaj nuk mund të shkelë pa u përballur me pasojat, ligjin dhe traditat e mikpritjes së këtij vendi”.

Kjo është e hera e parë kur shteti shqiptar merr një vendim kaq të ashpër ndaj shtetasve grekë.

“Në funksion të ruajtjes së pacënuar të marrëdhënieve ndërkombëtare të vendit dhe konkretisht të marrëdhënieve miqësore me Republikën e Greqisë; e angazhuar për të mbrojtur e garantuar në çdo aspekt të drejtat e minoritetit grek në Shqipëri dhe praninë e çmuar, historikisht harmonike të këtij minoriteti në gjirin e familjes shqiptare; e ndërgjegjshme për historinë e marrëdhënieve të fqinjësisë së mirë dhe të ardhmen e përbashkët të shqiptarëve dhe grekëve si kombe me përkatësi dhe përgjegjësi të rëndësishme për familjen e kombeve evropiane”. /abcnews.al

 

 

arian-curri-1280x720.jpg
ent ela20:33 | 08/11/2018

“Deklarata të nxituara dhe gjaknxehta i ka konsideruar Peadgogu i UET-së Arian Curri, thirrjet antishqiptare dhe nacionaliste gjatë ceremonisë së varrimit të Kostandin Kacifas në Bularat. Sipas tij thirrjet antishqiptare janë shkelje penale, ndërsa Kacifas është një viktimë e nacionalizimit.

“Në dy anët e kufirit ekzistojnë njerëz me bindje nacionaliste dhe ultranacionaliste dhe e kthyen në një varrim me nota të forta epike. Thirrjet “Kacifa ti na drejton”, “Kacifas ti je gjallë”, “Vorioepiri është grek”, janë thirrje që në një varrim nuk duhet, sepse varrimi duhej respektuar në heshtje”. Bie dakord që Kacifas është një viktimë. Në ceremonitë fetare njerezit luten dhe falen dhe kërkojnë që Zoti ta prehë e çojë në parajsë dhe thirrje të tilla e nxjerrin jashtë kontekstit shpirtëror këtë ceremoni”.

Heshtjen në territorin shqiptar pë këtë ngjarje Curri e sheh si një qëndrim për të mbajtur tonet e ulura kur situata u tensionua.

“Deputetët kanë patur qëndrim korrekt. Mbase kanë zgjedhur që të mabjnë tonet ulura se situata ishte e tensionuar”.

Ai  e cilësoi agresive deklaratën e Ministrisë sonë të Jashtme, kur thirri dy herë bremnda ditës ambasadoren greke për ngjarjen, kur në fakt sipas tij duhet të kishte reaguar Ministria e Brendshme, pasi është ngjarje e ndodhur në territorin shqiptar.

“Unë e pashë agresive MPJ tonë,  u thirr dy herë amabsadorja . Si mund të bëjë deklarata Ministria e Jashtme, mund ta bënte Ministria e Brendshme. Eleni Theolarius deputete qipriote tha se ishte vrajse politike dhe do ta çojë në bruksel, do hapë hetim për vrasjen. Janë shkelje penale thirrjet antishqiptare. Për çfarë ndodh në shtetin shqiptar nuk ka punë MPJ, por MB”.

Curri theksoi gjithashtu se ky është një rats i izluar që nuk cënon marrëdhëniet mes dy vendeve tona.

“Ka pasur raste kur jemi treguar inferiorë ndaj grekëve, por në këtë rats nuk e pashë. Një pjesë e territorit grek është shqiptar, po kështu mendojnë dhe një pjesë e grekëve, ky është mendim i popullit.  Unë shoh që kjo ngjarje është e izoluar, përveç humbjes dhe dhimbjes së familjes, dy shtetet do ecin përpara, nuk do prishen marrëdhëniet mes dy vendeve”. /abcnews.al

 

VARRIMI-KATSIFA-1280x720.jpg
ent ela17:21 | 08/11/2018

Me thirrje nacionaliste dhe antishqiptare është përcjellë për në banesën e fundit ekstremisti grek Kostandinos Kacifas. Gjatë ceremonisë në fshatin Bularat të Gjirokastrës, nuk u shënuan incidente dhe policia ishte angazhuar për të monitoruar të gjithë territorin. Më herët në Kakavijë nuk u lejuan të hyjnë në territorin shqiptar disa shtetas grekë, që mbanin simbole antishqiptare dhe u shoqëruan në komisariat 4 të tjerë.

Me thirrje antishqiptare dhe nacionaliste në fshatin Bularat të Gjirokastrës u zhvillua ceremonia mortore  e 35 vjeçarit Kostandino Kacifas, që mbeti i vrarë gjatë një shkëmbim zjarri me forcat e RENEA-s, të cilave ai nuk iu dorëzua.

Arkivoli me trupin  e Kacifasit, i mbuluar me një flamur grek përshkoi mes përmes fshatin, nga shtëpia e tij deri sa u përcoll në banesën e fundit.

Gjatë rrugës ai u shoqërua nga një kortezh i madh me bashkëfshatarë, por dhe shtetas të ardhur nga Greqia për të marrë pjesë në këtë ceremoni. Mes tyre ishin edhe mbështetës  të Agimit të Artë.

Disa prej të pranishmëve në ceremoninë mortore të Kostandinos Kacifas bënë thirrje me përmbajtje nacionaliste dhe antishqiptare. Mes përmes fshatit Bularat shpalosën një flamur të madh grek, kishin shkruar disa parrulla nacionaliste, mes të cilave edhe Vorio Epiri është Greqi.

Persona të ndryshëm me prirje ekstremiste mbanin flamuj dhe në pankartat e tyre në gjuhën greke shkruhej “Bularati është Greqi, Kacifas jeton, na udhëhiq dhe na prij”.

Herë pas herë ata  provokuan me thirrjet e tyre, madje kërkuan edhe largimin e gazetarëve shqiptarë.

Thirrjet dhe provokimet vazhduan deri sa u mbyll ceremonia mortore. Megjithatë nuk pati incidente të mëdha.

Në ceremoni u vu re edhe pjesëmarrja e eurodeputetes së Qipros Eleni Theoharis si dhe e deputetëve shqiptarë, Vangjel Tavo  dhe Vangjel Dule. Ky i fundit në një prononcim të shkurtër për mediat kërkoi zbardhjen nga Prokuroria sa më parë të vrasjes së Kostandinos Kacifas.

Dule: “E vërteta duhet të ndriçohet deri në fund”.

Në fshat gjatë ditës nuk u vunë re uniforma të policisë shqiptare, por efektivë civile kanë qenë të pranishëm për të monitoruar situatën.

Më herët në pikën e kalimit kufitar të Kakavijës 11 shtetas grekë u kthyen nga pala shqiptare pasi mbanin veshje dhe simbole antishqiptare.

Policia e Gjirokastrës mësohet se ka shoqëruar katër shtetas grekë, të cilët do të procedohen për “nxitje urrejtje mes kombeve dhe feve”.

Shtetasve grekë policia shqiptare u gjeti bluza me simbole antishqiptare, kapuça dhe sende të tjera të ndaluara.

Mëngjesin e së enjtes 10 autobusë kaluan nga Greqia në Kakavijë për të marrë pjesë në varrimin e Kacifasit.

Në pikën e kalimit kufitar të Kakavijës dhe ne Bularat u shtuan masat e sigurisë, ku përveç forcave të policisë lokale, mësohet se u dërguan edhe 5 grupe të Forcave të Ndërhyrjes së Shpejtë.

Kostandinos Kacifas u vra nga forcat e RENEA- s në Bularat gjatë një përplasjeje me ta, ku qëlloi me armë ndaj uniformave blu pas ceremonisë së përkujtimit të të rënëve në luftën italo-greke.

Pamjet e tij me kallashnikov në dorë në mes të fshatit duke bërë terror duken qartë.

Pas vrasjes së Kacifas ministria e jashtme greke kërkoi sqarime të mëtejshme nga Tirana zyrtare. Ndërkohë autoritetet shqiptare kanë kërkuar që ngjarja të mos përdoret për qëllime politike dhe të mos shërbejë për krijimin e tensioneve artificiale mes dy vendeve. /abcnews.al

 

TRUPI-I-KACIFAS-MBULIM.mpg_snapshot_00.16.jpg
G. P.10:05 | 08/11/2018

I jepet sot lamtumira e fundit Kostandino Kaçifas, trupin e të cilit e mori familja një ditë më parë. Ceremonia mortore do të mbahet në orën 13:00 në fshatin Bularat të Dropullit në Gjirokastër.

Prindërit, miqtë, të afërm, por dhe mbi 2000 qytetarë grekë kanë mbërritur me autobusë në fshatin Bularat, por sipas mediave greke ata u janë nënshtruar kontrolleve të shumta.

Bashkia e Dropullit njoftoi se do të mbulojë shpenzimet e varrimit.

Masat e sigurisë në kufirin shqiptaro-grek në Kakavije janë rritur. Pala shqiptare ka shtuar ndjeshëm prezencën policore.

Pasditen e së mërkurës në shtëpinë e familjes Kaçifas ishte afër prindërve  për të shprehur ngushëllimet ambasadroja greke në Tiranë Eleni Sourani.

.35-vjeçari Kaçifas u vra nga forcat speciale të RENEA më 28 Tetor në fshatin Bularat./tvklan.al

 

kacifas.png
G. P.09:55 | 01/11/2018

Ermioni Kaçifas, motra e të ndjerit Kostandino Kaçifas, ka folur për televizionin grek Ant1 për ngjarjen e rëndë që ndodhi më 28 Tetor në fshatin Bularat. Sipas saj, vdekja e vëllait ishte diçka e planifikuar paraprakisht.

“Ai ishte një objektiv, e ndiqnin për ditë e muaj. Ai nuk do të bënte asgjë. Kush dha urdhrin për të bërë këtë ekzekutim? Nuk mund të priste policia”, tha ajo. Sipas Ermionit, vëllai i saj Kostandino “nuk do t’i bënte keq askujt”, sikurse edhe u shpreh për televizionin grek, sepse nuk e kishte një armë të tillë.

Ermioni Kaçifa përmendi edhe një episod me policinë shqiptare kur shkuan për kontroll në banesën e prindërve të saj në fshatin Bularat.

Ajo thotë se policia i kërkoi nënës së saj që të fliste shqip. “Çfarë është këtu, Greqi”? Me këto fjalë, sipas Ermionit, iu drejtuan forcat e policisë nënës së saj, për të cilën thotë se nuk di shqip.

Motra e Kostandino Kaçifas foli edhe për ekspertizën e dytë që po i bëhet trupit të vëllait të saj, duke vonuar kështu ceremoninë mortore.

“Duam t’i themi lamtumirë, nuk mund të presim kaq gjatë, është e papranueshme dhe e qëllimshme kjo vonesë. Kjo pritje na vret”, është shprehur ajo, edhe pse fillimisht ka qenë familja e të ndjerit që kërkoi autopsi të dytë për djalin e tyre, nga një ekspert grek.

Motra e 35-vjeçarit theksoi gjithashtu se Kostandino ishte i qetë ditën e ngjarjes, dhe kishte planifikuar të shkonte në kishë pas ceremonisë për ushtarët e rënë grekë.

Minoritari Kostandino Kaçifa qëlloi me armë patrullën e policisë në fshatin Bularat më 28 Tetor për motive ende të paqarta. 35-vjeçari mbeti i vdekur gjatë shkëmbimit të zjarrit me forcat RENEA, pasi nuk pranoi që të dorëzohej. /tvklan.al

shpetim-idrizi-1.png
G. P.20:53 | 30/10/2018

I ftuari i parë i kësaj puntate të emisionit “Provokacija” nga gazetari Mustafa Nano ishte kreu i PDIU-së Shpëtim Idrizi. Ai shprehu qëndrimin e tij mbi ngjarjen në Bularat, ku mbeti i vrarë ekstremisti grek. Gjithashtu u diskutuan dhe marrëdhëniet politike dhe historike ndërmjet Shqipërisë dhe Greqisë.

“Kur kam thënë që ishte një ngjarje e paralajmëruar unë kam qenë i bindur që bërja e varrezave të ushtarëve grekë, jo vetëm nga konteksti historik, do të ishte një provokim i madh edhe për shqiptarët edhe për grekët. Do të ishtë provokim sepse është bërë në kushtet jo të reciprocitetit, por dhe të dinjitetit kombëtar. Ato varreza janë bërë vend pelegrinazhi. Kur bëhet fjalë për varrezat e ushtarëve të rënë zakonisht vijnë pjesë si proces pajtimi pas luftrave. E para ëshë se ne nuk kemi qenë në luftë me Greqinë. E dyta është se ne kemi me Greqinë një ligj lufte nga pikëpamja formale. Prandaj duhet ta fillonim nga heqja e ligjit të luftës, e dyta të fillojë një proces pajtimi.”

Ndërsa për çështjen Çame dhe ngjarjen në Bularat, ku mbeti i vrarë ekstremisti grek ai u shpreh:

“Për çështjen Çame duhet dinjitet të shtetarit duhet reciprocitet për kërkimin e varreve, sigurisht duhet dhe argument, sepse unë nuk e shoh gjëkundi këtë argument. Rama pasi e përdori çështjen Çame si çakmak me Shqipërinë tani i uli, ndryshoi 180 gradë. Dje morëm vesh që Ministria e Jashtme greke thirri ambasadorin shqiptar për ngjarjen. Ishte për të gjithë shqiptarët e qartë edhe për opinionin publik që një njeri i marrë forcë nga fitorja e vorio epirit mori armën në mes të fshatit dhe qëlloi policinë. Shqipëria në këtë rast ishte e vonuar në identifikimin dhe në pranimin në territorin e Shqipërisë të elementëve të tillë desktruktiv. Si lejohet që ky person të vijë në Shqipëri, të armatoset, të vishet ma kamoflazh dhe të qëllojë fillimisht në ajër dhe më pas ndaj policisë. Duhet parandaluar. Në gjithë këtë histori pyetja është: Ku është shteti shqiptar?”

Gjithashtu u diskutua edhe për marrëdhënien që ne kemi me minoritetin grek në Shqipëri.

“Shqipëria i ka njohur që në vitin 1937 zonat minoritare në Finiq dhe në Dropull. Nuk ka pasur kurrë konflikte atje. Dhe vazhdimisht zhvendosej konflikti në Himarë ku ca bëheshin grekë e ca nuk bëheshin. Nuk ka pasur kurrë konflikt as në Dropull as në Finiq. Kanë pasur të gjithë të drjetat, të më thonë një të drejtë tjetër se do të dal unë ti mbështes. Janë mazhorancë, kanë gjuhën, zhvillimin, tabelat në gjuhën greke.”

Si përfundim Idrizi rrëfeu dhe se si duhet të zgjidhim konfliktet me Geqinë.

“Që të mos kemi konflikte me Greqinë duhet që të kemi dinjitet dhe reciprocitet dhe të mos pranojmë duart e forta të Greqisë, por argumentin. ”/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono