Bruksel

ilir-meta-1280x711.jpg
nev ila21:16 | 28/10/2019

NATO nuk ka në plan të investojë për një bazë detare në Shqipëri pavarësisht kërkesës së bërë nga ministria e mbrojtjes. E deklaroi sekretari i përgjithshëm Stoltenberg gjatë një konferencë për shtyp me presidentin Meta në Bruksel.

Një shenjë e përkushtimit të NATO-s ndaj shqipërisë është investimi në një bazë ajrore në Kucovë, cka do rriste sigurinë e vendit tonë. Ky është qëndrimi i sekretarit të përgjithshëm të NATOs Jens Stoltenberg në konferencën e përbashkët për shtyp me presidentin meta, në vizitë zyrtare në selinë e NATO-s në Bruksel. I pyetur nga abcneës mbi kërkesën e ministres shqiptare të mbrojtjes që NATO të ketë edhe bazë detare në Shqipëri, sekretari i përgjithshëm tha se nuk ka një vendimmarrje të tillë

Shqipëria luan një rol të rëndësishëm në NATO. Kjo është e rëndësishme për shqipërinë dhe NATO-n dhe sic e përmenda ne kemi një program investimi për ngritjen e një baze ajrore ushtarake në Shqipëri. Deri tani nuk ka një vendim për ndonjë investim shtesë për një bazë detare, por kjo është dicka që vlerësohet nga autoritetet tona ushtarake dhe ekspertët e bazuar në të NATO merr vendim”, tha Stoltenberg.

Investimi i NATOs për një bazë ajrore në Kucovë është vlerësuar edhe nga presidenti Meta. Kreu i shtetit ka përmendur sfidën e përbashkët të Shqipërisë e Maqedonisë së Veriut për të dyfishuar përpjekjet drejt BE, pas refuzimit për hapjen e negociatave

“Mbi situatën politike në shqipëri mendoj që ende mund të konsiderojmë mesazhet e drejta që sekretari i përgjithshëm i NATOs dha gjatë vizitës së tij në Tiranë në pranverë duke nënvizuar dialogun dhe forcimin e rëndësisë së të kuptuarit se në zemër të NATOs qëndron demokracia dhe jam i sigurt se ne do dyfishojmë përpjekjet tona për të punuar në atë drejtim si anëtar i besueshëm i NATOs që shumë shpejt do bëhet anëtar tepër i besueshëm në rrugën drejt atnatërsimit në BE”, tha presidenti Meta.

Presidenti Meta dhe sekretari Stoltenberg kanë vlerësuar angazhimin e Shqipërisë për të rritur investimet për mbrojtjen, sipas synimit të vënë nga NATO, deri në 2% të GDP deri në vitin 2024./abcnews.al

 

bashkimi-eurpian.jpg
ad min21:12 | 09/10/2019

Franca nuk është shprehur ende lidhur me vendimin për çeljen e negociatave të Shqipërisë dhe Maqedonisë së Veriut. Gjatë takimit të 28 ambasadorëve të përhershëm të BE-së, të mbajtur sonte në Bruksel, ambasadori francez bëri të ditur se Franca ka një propozim konkret, që nuk lidhet vetëm me hapjen e negociatave të anëtarësimit të këtyre dy vendeve në Bashkimin Europian.

Franca kërkon të ndryshojë procesin e zgjerimit të Bashkimit Europian dhe këtë synon ta realizojë përmes prezantimit të një dokumenti konkret.  Ky dokument pritet t’u mbërrijë 27 ambasadorëve të tjerë të përhershëm brenda së premtes, kur ambasadorët do të mblidhen sërish për këtë çështje.

Burimet franceze bëjnë të ditur për ABC News, se Franca kërkon të shtrëngojë procesin e zgjerimit te Unionit, pa qartësuar se cili është qëndrimi i saj për dosjen e Shqipërisë dhe Maqedonisë së Veriut.

Ndërkohë, ambasadori holandez ka shprehur qëndrimin e bërë publik dje nga ministri i jashtëm Stef Blok në parlamentin holandez. Ndarja e vendimmarrjes së Bashkimit Europian për Shqipërinë dhe Maqedoninë e Veriut është ende në tryezë.

Ndërkohë të gjithë ambasadorët presin propozimin konkret për të marrë vendim mbi hapjen e negociatave të anëtarësimit me Shqipërinë dhe Maqedoninë e Veriut./ABC News Albania 24/7

policia-bruksel.jpg
nev ila19:18 | 03/10/2019

Një punonjës i Zyrës Kombëtare të Punësimit është pezulluar nga detyra, pasi prokurorët hapën një hetim me akuzën se, zyrtari kishte pranuar ryshfete nga Mafia Shqiptare.

Personi identiteti i të cilit nuk bëhet i ditur, kishte më shumë se 20 vjet punonjës i institucionit federal dhe ishte përgjegjës në kryerjen e kontrolleve, për punën e padeklaruar, në komunat Anderlecht dhe Forest.

Në fillim të vitit, prokuroria e Brukselit hapi një hetim mbi këto akuza dhe konfiskoi telefonin celular të këtij zyrtari.

Hetuesit zbuluan se punëtori kishte informuar anëtarët e mafies shqiptare, për inspektimet që do të kryheshin nga autoritetet në këmbim të parave dhe përfitimeve të tjera.

Për më tepër, punonjësi thuhet se, ka fshirë një raport mbi punën e padeklaruar gjatë një koncerti të këngëtarit francez Kendji Girac kundrejt ryshfetit.

Autoritetet belge kanë bërë me dije se, hetimet  për akuzat e ngritura për korrupsion, në administratën e tyre po vazhdon./abcnews.al

von-der-leyen.jpg
ad min16:20 | 03/10/2019

Një hapësirë prej 25 metrash katrorë për të jetuar sa më pranë zyrës së saj dhe sigurisht për të kursyer. Është kjo kërkesa e presidentes së zgjedhur së Komisionit Europian Ursula von der Leyen.

Presidentja e zgjedhur e Komisionit Europian, gjermania Ursula Von Der Leyen, 60 vjeç, ka vendosur të gjejë një hapësirë të vogël pranë zyrës së saj në katin e 13-të të Berlejmont, selinë e institucionit në Bruksel.

Nga bashkëpunëtorët e saj u konfirmua për mediat se ajo ka kërkuar jo më shumë se 25 metra katrorë për të kaluar netët në Bruksel. Lajmi fillimisht u konfirmua nga DI Velt, e cila citon pikërisht bashkëpunëtorët e saj. E përditshmja gjermane më tej shkruan se Ursula Von Der Leyen do të marrë detyrën e saj në 1 Nëntor.

Rezidenca e saj do të jetë sërish në Hanover, theksojnë bashkëpunëtorët, të cilët shtojnë se ajo preferon këtë hapësirë të vogël dhe jo një apartament apo dhomë hoteli. Përveç sigurisë, ajo zgjedh dhe një avantazh praktik, pasi nuk do të përballet me trafikun në Bruksel.

Paraardhësi i saj, Jean-Claude Juncker, 64-vjeçari nga Luksemburgu, gjithashtu ruajti rezidencën e tij në atdhe, ndërsa në Bruksel qëndronte në një dhomë hoteli 50 metra katrorë për të cilin paguante 3250 euro në muaj. Këto shifra konfirmohen nga një e përditshme tjetër gjermane, Bild.

Ndërkohë Sekretari i Përgjithshëm i NATO-s, Jens Stoltenberg ka vendosur të jetojë në një kështjellë ku herë pas here fton dhe kolegë e miq për të pushuar. Presidenti i Komisionit Europian është një i punësuar me kohë të plotë, dhe duhet të jetë i pranishëm 18 orë në ditë, shprehej dikur Jean-Claude Juncker.

Paga e këtij të fundit llogaritet rreth 28 mijë euro bruto në muaj, ndërsa taksohej 45 për qind e saj, por ai gjithashtu përfitonte dhe dieta që llogariten rreth 6 mijë euro në muaj./ABC News Albania 24/7

BREXIT-BISEDIMET.mpg_snapshot_00.05-1280x720.jpg
ent ela19:20 | 27/09/2019

Kanë rinisur në Bruksel bisedimet për Breksit mes negociatorëve britanikë dhe atyre europianë. Ndërsa Londra zyrtare insiston për progres, pala europiane deklaron se shanset për një marrëveshje të re janë të pakta dhe se Unioni nuk mund të heqë dorë nga kufiri irlandez.

Në Bruksel kanë rinisur të premten bisedimet për Breksit, në një kohë kur në BE ka pesimizëm mbi shanset për arritjen e një marrëveshjeje të re. Kryenegociatori i Unionit, Mishel Barnier deklaroi para takimit me homologun britanik Stefen Berklej se ofertat e propozuara deri tani nga pala britanike për të hequr dorë nga opsioni i kufirit irlandez ishin jofunksionale. Megjithatë, qeveria në Mbretërinë e Bashkuar insiston se në bisedimet mes palëve është arritur progres, edhe pse mbeten shumë pengesa deri në arritjen e një marrëveshjeje. Por sipas raportimeve të BBC, diplomatët europianë janë të mendimit se shanset për finalizimin e një marrëveshjeje të re brenda datës 17 tetor, kur mbahet dhe samiti i BE-së, janë të reduktuara. Britania e Madhe parashikohet të largohet nga Unioni më 31 tetor, edhe pse ligjvënësit britanikë kanë miratuar një ligj që e detyron kryeministrin Boris Xhonson të kërkojë një shtyrje të afatit nëse nuk arrin të kalojë një marrëveshje në Parlament brenda 19 tetorit. Nga ana e tij, Xhonson ka insistuar se çdo marrëveshje e rishikuar e Breksit duhet të përfshijë heqjen e kufirit irlandez. Por në prag të takimit të së premtes, negociatori Barnier tha se zgjidhjet e propozuara në këmbim nga qeveria britanike vinin në rrezik tregun e përbashkët europian. /ABC News Albania 24/7

viktor-orban.jpg
ad min23:44 | 16/09/2019

Dominimi institucional dhe reforma zgjedhore që favorizon partinë në pushtet mund t’i kushtojë shtrenjtë qeverisë së Viktor Orban. Këshilli Europian ka bërë thirrje për mbajtjen e një seance të posaçme për Hungarinë, gjykimi i të cilës ka nisur rreth një vit më parë dhe që mund të mbyllet me sanksione.

Një vit më parë ligjvënësit e Parlamentit Europian i dhanë jetë atij që njihet si neni numër 7. Bëhet fjalë për mjetin më të fuqishëm me të cilin BE-ja mund të ndërhyjë kundër vendeve anëtare që shkelin vlerat thelbësore europiane, viktimë e të cilit ka gjasa të bjerë Hungaria. Këtë të hënë, Këshilli Europian hodhi hapin e parë dhe bëri thirrje për mbajtjen e një seance të posaçme lidhur me këtë vend.

“Shpresoj se do të përshpejtojmë procesin, sepse boll dëme i janë bërë demokracisë, sundimit të ligjit dhe të drejtave themelore”, deklaroi eurodeputetja holandeze Sofi Int Veld.

Sipas saj, është me rëndësi që BE të reagojë me shpejtësi dhe efikasitet kur vlerat europiane shkelen. Një raport i euro-ligjvënësve kritikon ndryshimet e bëra në sistemin elektoral në Hungari, dominimin që partia në pushtet u bën institucioneve, korrupsionin sistematik dhe shkeljen e lirisë së medias. Nëse Budapesti zyrtar vijon me këtë linjë, atëherë mund t’i kushtojë shtrenjtë.

“Është një rregullore e re që do të hyjë në fuqi duke filluar nga viti 2021, që thotë se sundimi i ligjit dhe demokracia janë një parakusht për fondet europiane. Dhe nëse Viktor Orban nuk ndryshon politikat e tij do të thotë se fondet për Hungarinë do të pezullohen”, sqaroi deputetja hungareze Klara Dobrev.

Ndërsa ministrja hungareze e Drejtësisë, Xhudit Varga e cilësoi procesin një gjueti shtrigash.

“Do ta mbroj Hungarinë dhe pres që vendet anëtare t’u qëndrojnë ligjeve bazë kur bëhet fjalë për vendin tonë. Pres që ata t’i shmangin standardet e dyfishta dhe të provojnë se kjo procedurë nuk është një gjueti shtrigash”, deklaroi Varga./ABC News Albania 24/7

emigrante-1.jpg
ad min10:18 | 15/07/2019

Kishte kohё qё Kroacia i mohonte njoftimet pёr kthimin e refugjatёve ilegalё nё vendin fqinj Bosnje-Hercegovinё. Por presidentja kroate pranoi nё njё intervitё televizive, se ka tё ashtuquajtura push-backs.

Kroacia si vend anёtar i BE-sё ka njё qёllim tё rёnёdёsishёm – ajo do tё bёhet pjesё e hapёsirёs Shengen. Por kush e paguan ҁmimin pёr udhёtimin e lirё nga Hamburgu deri nё Dubrovnik? Gjatё 12 muajve tё fundit kjo ёshtё bёrё vazhdimisht e qartё: Ka shumё raportime pёr qendrimin brutal tё policёve kroat tё kufirit ndaj refugjatёve, qё janё pёrpjekur tё kalojnё pёrtej pikёkalimeve kufitare zyrtare. Mbrojtёsit kroatё tё kufijve tё jashtёm tё BE-sё duket se nuk stepen prej mizorisё. Mediet njoftojnё, se refugjatёt ndёr ta edhe fёmijё janё treguar para kamerave me plagё, qё u janё shkaktuar atyre nga policia pёr t’i ndaluar tё kalojnё nё anёn kroate.

Shumica e mediave kroate e kanё injoruar kёtё tragjedi, qё luhet vetёm 150 km larg kryeqytetit Zagreb. Ministria e Brendshme e Kroacisё i ka mohuar njoftimet pёr keqtrajtime tё refugjatёve nё kufirin me Bosnje-Hercegovinёn gjatё tё ashtuquajturave  push-backs, pra dёbimin e atyre qё udhёtojnё ilegalisht.

DW-Interview mit der kroatischen Staatspräsidentin olinda Grabar-Kitarovic (DW)

Mohim nё Zagreb, heshtje nё Bruksel

Amnesty International kritikoi ёshtё heshtjen e Brukselit ndaj kёtyre rasteve. “Shtetet europiane mbyllin sytё kundrejt sulmeve dashakeqe tё policёve kroatё dhe madje i financojnё aksionet e tyre”, shkruan organizata humanitare nё njё deklarim tё saj.
Qёkurse gazetarёt e televizionit SRF nga Zvicra nё maj i kanё filmuar dёbimet ilegale tё refugjatёve nё kufirin kroato-boshnjak, pёr autoritete nё Kroaci ёshtё bёrё e vёshtirё, qё t’i minimizojnё apo t’i heshtin kёto zhvillime.
Edhe presidentja e Kroacisё, Kolinda Grabar-Kitaroviq, nё fillim tё korrikut tha para gazetarёve vendas nё kufirin kroato-boshnjak, se “Nёse dikush kalon nё kёtё territor tё vёshtirё, ёshtё normale qё tё pёrballesh me gёrvishtje, hematoma dhe plagё. Duhet ta mendoni edhe kёtё, nёse herёn tjetёr dёgjoni pёr historitё mbi brutalitetin e policёve tanё. Ata nuk janё brutalё, ju garantoj pёr kёtё.”

Askohe u tha se nuk ka dёbime, push-backs. Presidentja shtoi edhe se nuk kemi tё bёjmё me refugjatё, por me migrantё ekonomikё.
Por vetёm pak ditё mё pas Grabar-Kitaroviq nё intervistё pёr televizionin SRF, nё kuadёr tё vizitёs nё Zvicёr pranoi, se policёt kroatё zbatojnё push-backs.

“Jam interesuar tek ministri i Brendshёm, shefi ipolicisё nё vend, dhe ata mё siguruan, qё nuk ushtrojnё dhunё tё ekzagjeruar. Natyrisht pak dhunё duhet, kur ata zbatojnё push-backs”, tha Kolinda Grabar-Kitaroviq para kamerave. Ajo konfirmoi pikёrisht atё, qё prej muajsh e mohonin politikanёt kroatё.

Jelena Sesar nga Amnesty International e cilёson si “shokuese” deklaratёn e presidentes kroate dhe nё bisedё pёr DW thekson, se: “Sipas sё drejtёs ndёrkombёtare dёbimet kolektive dhe push-backs janё gjithmonё ilegale.”

Eshtё skandaloze se si presidentja kroate pёrpiqet t’i paraqesё push-backs si masa legale dhe justifikon “pak dhunё” pёr zbatimin e tyre. Amnesty International kёrkon, qё Komisioni Europian tё ushtrojё presion ndaj Kroacisё, pёr t’u dhёnё fund kёtyre veprimeve nё kufirin kroato-boshnjak.

Komisioni i BE-sё i pyetur nga DW lidhur me deklarat e presidentes Kitaroviq, u pёrgjigj, se nuk ka koment pёr kёtё. /DW

bruksel-terrosrizm-1280x554.jpg
nev ila20:54 | 24/06/2019

Policia në Belgjikë ka arrestuar një person nën akuzën se po planifikonte një sulm terrorist ndaj ambasadës amerikane në Bruksel.

Lajmin e kanë bërë të ditur prokurorët vendas, sipas të cilave personi në fjalë, i identifikuar me inicialet M.G, i ka mohuar akuzat. Por hetuesit insistojnë se kanë prova bindëse që sugjerojnë se i arrestuari po planifikonte një atentat.

Për arsye hetimore autoritetet kanë deklaruar se për momentin nuk do të publikojnë detaje të reja mbi këtë episod./ABC News Albania 24/7

77-1280x704.jpg
ad min18:15 | 18/06/2019

Vendimi i Këshillit të Evropës për negociatat e anëtarësimit të Shqipërisë dhe Maqedonisë në Veriu do të jepet në Tetor. Ky lajm është bërë i ditur nga komisioneri Johanes Hahn në një Konferencë shtypi nga Brukseli. Ai tha se shpreson që të këtë një vendim pozitiv për Tiranën dhe Shkupin.

Por gazetarja jonë në Bruksel, Erisa Zyka është shprehur se janë të pakta shanset që Shqipëria të marrë një vendim pozitiv në Tetor. Sipas saj gjasat janë që procesi për hapjen e negociatave të Shqipërisë do të shkëputet nga procesi për hapjen e negociatave për Maqedoninë e Veriut.

 Mirela Milori: Cilat qenë konkluzionet për shtyrje të vendimmarrjes në muajin Tetor?

Erisa Zyka: Vendet skeptike mbeten po tre dhe janë Holanda, Danimarka dhe Gjermania që kanë insistuar që ky vendim të merret në fund të Tetorit, për shkak se ata konsiderojnë që duhet të kishin kohë të mjaftueshme për një vendim të një rëndësie të tillë. Po flasim për hapjen e negociatave të Shqipërisë dhe Maqedonisë në Veriut në BE dhe ata duan kohë për të marrë një vendim substancial dhe të qarët në fund të Tetorit. Këto kanë qenë vendet skeptike.

Mirela Milori: Sa ndikoi situata e brendshme politike në Shqipëri në vendimmarrje?

Erisa Zyka: Ka ndikuar dhe ne këto vende skeptike i kemi parë të flasim vazhdimisht për një mungesë të rezultateve konkrete, të pamjaftueshme dhe të prekshme në luftën kundër krimit të organizuar dhe korrupsionit. Ata e kanë bërë të qarta në disa takime edhe gjatë diskutimit që kemi pasur sot, por është diskutuar edhe situata politike. Hahn ka thënë që koha që mbetet nga tani e deri në Tetor të mund t’i shërbejë Shqipërisë për të arritur hapa pozitivë. Ka shumë skepticizëm nga shtetet anëtare dhe ka një angazhim për t’i ndarë vendet, Shqipërinë dhe Maqedoninë e Veriut. Kemi një qëndrim të qartë të disa vendeve anëtare, por Shqipëria nuk do mund t’ia dalë as në Tetor dhe ndoshta është herët për ta thënë këtë, por pa një angazhim… Shqetësimet që ka me mungesën e rezultateve konkrete por edhe me situatën politike në Shqipëri janë aty, dhe mund të thuhet se mund të shkohet drejt  një ndarje të Maqedonisë së Veriut dhe Shqipërisë në fund të Tetorit. Edhe në deklarata e ministrave të Jashtëm, të gjithë përmendin Maqedoninë e Veriut dhe janë shumë të paktë ata që flasin për Shqipërinë. Gati gjysma e shteteve anëtare flasin ventëm për Maqedoninë e Veriut. /abcnews.al

lleshaj1.jpg
ad min09:15 | 12/06/2019

Mbështetje nga eurodeputetët për hapjen e negociatave Ministri i Brendshëm Sandër Lleshaj dhe Ministrja e Drejtësisë Etilda Gjonaj morën pjesë në një veprimtari kushtuar integrimit europian të Shqipërisë, e cila u zhvillua në Parlamentin Europian, nën kujdesin e grupit parlamentar të Aleancës Progresive të Socialistëve dhe Demokratëve (S&D) në PE.

Veprimtaria u moderua nga eurodeputeti Knut Fleckenstein dhe në të morën pjesë deputetë të Parlamentit Europian, përfaqësues të trupit diplomatik të akredituar në Bruksel, përfaqësues të agjencive të ndryshme europiane, studentë etj. Ministrat Lleshaj dhe Gjonaj prezantuan progresin e Shqipërisë në procesin e integrimit europian, me fokus luftën kundër krimit te organizuar dhe korrupsionit, frenimin e migracionit të paligjshëm si dhe reformën në drejtësi.

Në pyetjet dhe diskutimet e pjesëmarrësve u evidentua dhe u vlerësua progresi i dukshëm i bërë nga Shqipëria si dhe u shpreh mbështetje pa ekuivoke për hapjen e negociatave të anëtarësimit të saj, sipas rekomandimit të Komisionit Europian. Pas veprimtarisë në Parlamentin Europian, ministrat Lleshaj dhe Gjonaj iu përgjigjën pyetjeve të gazetarëve gjatë një konference të përbashkët për mediat./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono