Bruksel

9w1280c0.bild_.jpg
eri Ida22:49 | 17/02/2020

Presidentja e Komisionit Europian Ursula Von der Leyen vijon reagimet e saj pas mbylljes së Konferencës së Donatorëve në kuadër të ndihmës ndaj Shqipërisë për rindërtimin pas tërmetit të 26 nëntorit.

Përmes një postimi në Twitter, presidentja e KE shkruan se është e emocionuar pasi gjatë Konferencës së Donatorëve Shqipërisë iu dhanë 1.15 miliardë euro në formë grantesh, programesh apo huash.

Këtë të hënë ajo ka theksuar se mbledhja e një shume të tillë në Bruksel është tregues i solidaritetit të komunitetit ndërkombëtar./abcnews.al

Screenshot_10-3.png
R D14:34 | 17/02/2020

Në nisje të Konferencës së Donatorëve, Kryeministri Edi Rama ka firmosur me Presidenten e Komisionit Europian, Ursula von Der Leyen. Bëhet fjalë për marrëveshjen e grantit prej 15 milion euro që Komisioni Europian i jep Shqipërisë.

Shuma e dhënë nga Komisioni Europian është e dedikuar vetëm për rindërtimin e shkollave të dëmtuara nga tërmeti tragjik i 26 nëntorit 2019.

Konferenca e Donatorëve nisi në Bruksel pak minuta më parë dhe pritet të vazhdojë deri në orën 19:00. /abcnews.al

edooo.jpg
ger ta09:22 | 17/02/2020

Gazetarja Erisa Zykaj në një lidhje direkte për “Abc-ja e mëngjesit” ka dhënë detaje rreth Konferencës së Donatorëve që do të mbahet sot.

Fillimisht gazetarja u ndal tek samiti joformal i liderve të Ballkanit me Presidentin e Këshillit Europian, që mbajt dje në Bruksel. Siç tha Zykaj, dje ndodhi një situatë paradoksale për të cilën gazetarja pyeti edhe kryeministrin Rama pas përfundimit të samitit. Maqedonia e Veriut, vendi për të cilin nuk ka asnjë lloj dyshimi për përmbushjen e kritereve të hapjes së negociatave të anëtarësimit në BE u prezantua në Bruksel me lajme të mira, por kjo nuk ndodhi me Shqipërinë.

“Dje jemi ndodhur në një situatë pothuajse paradoksale. Imagjinoni një vend si Maqedonia e Veriut, për të cilin nuk kas asnjë lloj dyshimi dhe i ka përmbushur të gjithë kriteret për hapjen e negociatave vjen dhe thotë se është një ditë të madhe për vendin, se kemi aprovuar pjeën e fundit të legjislacionit që na kërkohej lidhur me prokurorinë e përgjithshme. Dhe Shqipëria, vendi për të cilin shumica e vendeve anëtare kanë dyshime nëse i ka plotësuar kriteret apo jo, nuk prezanton asnjë lloj lajmi lidhur me reformat në vend. Pra, Maqedonia e Veriut ishte në pozicionin e ofrimit të rezultateve në reforma, ndërsa kryeministri i Shqipërisë në pozicionin e atij që pret ndihmë financiare nga Bashkimi Europian dhe organizata të tjera dhe dhe jo në pozicionin e dhënies së rezultateve. Kjo është paradoksalja”, tha ajo.

Më tej Zykaj u ndal tek çështja e fondeve për pasojat e tërmetit, ku thekson se ka një lloj dyshimi nga KE për mënyrën e menaxhimit nga qeveria shqiptare. Gazetarja theksoi se nuk do të ketë një çek të bardhë, pra para e drejtpërdrejtë ne duart e qeverisë shqiptare.

“KE ende nuk anonçuar ende një shumë të rëndësishme. Ne kemi 15 milion eruo dhe jam e habitur që KE nuk ka dhenë më shumë. Ndoshta sot do ketë ndonjë ndryshim. Këtu të krijohet përshtypja se ka një dyshim për menaxhimin e fondeve nga qeveria shqiptare dhe KE kur unë e kam pyetur për dyshimin lidhur me menaxhimin e fondeve, kur dihet që Shqipëria është një nga vendet më të korruptuara në Europë, më kanë thënë se ndihma financiare nuk do jetë një cek i bardhë. Nuk është se ne do na e japim këtë shumë që ta përdorin si të duan. Do ketë një faturë dhe pastaj ajo do të paguhet. Nuk do jenë para që do jepen në mënyrë të drejpërdrejtë në duart e qeverisë”, tha gazetarja.

Lexo edhe: Gazetarja e Abc News vë në siklet Ramën: Maqedonia e Veriut në Bruksel me lajme të mira, po ju?

/abcnews.al

Screenshot_1-11.png
R D22:28 | 16/02/2020

Ka përfunduar në Bruksel samiti joformal i liderve të Ballkanit me Presidentin e Këshillit Europian, Charles Michel, Presidenten e Komisionit Evropian Ursula von der Leyen dhe shefin e Politikës së Jashtme të BE-së Josep Borrell. Në përfundim të takimit, Kryeministri Edi Rama iu përgjigj interesimit të mediave, ndërmjet tyre edhe gazetares së Abc News, Erisa Zyka.  Ai u shpreh se pret të marrë vlerësim nga Komisioni Europian për paketen ligjore “anti-KCK”.

Zyka e pyeti Ramën: Maqedonia ka mbërritur në Bruksel me lajme të mira, siç është ligji për prokurorinë, po ju (Shqipëria) keni prezantuar lajme të mira për reformat?

Rama: Unë nuk prezantoj lajme por punët. Sipas këndëvështrimit tuaj pastaj ju thoni nëse janë të mira ose të këqija.

Cilat janë rezultatet e reformave. Prisni vlerësim pozitiv?

Rama: Unë prezantoj punët, jo lajmet. Sipas këndvështrimit ato mund të jenë të mira ose të këqija. Komisioni Europian do të jetë pozitiv pasi Shqipëria i ka bërë detyrat. Madje pres që nisma jonë më e fundit të zërë vendin e vet të merituar në vlerësimin e KE për Shqipërinë. Bëjmë Çfarë bëjmë ne, e bëjmë për vendin tonë jo se na i kërkojnë miqtë europiane. Dhe vendimmarrja e BE nuk është vetëm nga ajo që bëjmë ne, por nga atë që zgjedhin ata për të ardhmen.

Rama nuk gjen mbështetje për Shengenin Ballkanik: Ka ngaterrestarë edhe në Europë

I pyetur për Shengenin Ballkanit të iniciuar nga ai vete dhe Vucic, u përgjigj se ngaterrestaret s’po e lënë të ece ky projekt.

Rama: Kemi diskutuar për bashkëpunimin rajonal. Kemi diskutuar për atë që është konceptuar dhe formësuar pjesërisht nga procesi i Berlinit. Herët ose vonë BE do e mbështesë këtë vizion. Pasi është një spunto që bie në parim me katër shtyllat e BE. Duhet durim pasi ngatërrestarët nuk janë vetëm në Ballkan por edhe në Europë. Bashkimi Europian, Komisioni Europian, këshilli Europian kanë halle të tjera edhe më të mëdhaja.

Gjithçka do të kthjellohet dhe besoj se jo vetëm që BE do ta vlerësojë por që vendet do të vlerësohen edhe në bazë të qasjes apo dhe kapaciteteve për të jetësuar hapësirën europiane brenda Shengenit Rajonal.

/abcnews.al

 

 

rama-takim.jpg
eri Ida10:34 | 09/02/2020

Kryeministri Edi Rama ndodhet në një vizitë zyrtare në Emiratet e Bashkuara Arabe, lidhur me rindërtimin pas tërmetit të  nëntorit dhe Konferencën e Donatorëve që do të mbahet në Bruksel në datë 17 shkurt.

Përmes një postimi në rrjetin social Facebook, shefi i qeverisë ka postur në video gjatë takimit me Princin e Kurorës Sheikh Mohamed Bin Zayed Al Nahyan.

“Abu Dhabi, Emiratet e Bashkuara Arabe – Me Princin e Kurorës Sheikh Mohamed Bin Zayed Al Nahyan, enkas për Rindërtimin e Konferencën Donatorëve në Bruksel”, shkruan Rama./abcnews.al

83336723_10157381127686523_2501713712847519744_n.jpg
ger ta11:42 | 28/01/2020

Pas Berlinit, kryeministri Edi Rama është nisur drejt Brukselit. Kreu i qeverisë do të zhvilljë takim me Presidenten e Komisionit Europian, Ursula von der Leyen, për Konferencën e Donatorëve, që do të mbahet në 17 shkurt.

Ndërkohë, Rama bën me dije se ditën e nesërme do të takohet me Sekretarin e Përgjithshëm të NATO, Jens Stoltenberg, nën cilësinë e Kryetarit të OSBE.

Për Bruksel, sot me Presidenten e Komisionit Europian, Ursula von der Leyen, për Konferencën e Donatorëve, që do të mbahet në 17 shkurt nën kujdesin e saj dhe nesër në NATO në cilësinë e Kryetarit të OSBE me Sekretarin e Përgjithshëm, Jens Stoltenberg, si edhe me Këshillin e Atlantikut të Veriut”, shkruan Rama në një postim në Facebook.

Ndërkohë, ditën e djeshme Rama ishte në Berlin ku u takua me kancelaren Angela Merkel./abcnews.al

telite.jpg
So Nila16:49 | 27/01/2020

Drejtorit i kabinetit në Partinë Demokratike, Dorian Teliti nga studio e ABC News është shprehur se qeveria akoma nuk ka një bilanc të qartë të dëmeve të shkaktuara nga tërmeti i 26 nëntorit 2019.

Teliti ka thënë ndër të tjera se mungesa e një bilanci final i dëmeve mund të çojë edhe në dështimin e konferencës së Donatorëve me 17 shkurt në Bruksel.

“Nuk jemi vendi i parë që na bie tërmeti pasi dhe shumë vende të tjera e kanë përjetuar. Por ne na mungojnë vlerësimi i dëmeve. Akoma kryeministri, ministri dhe zv ministri nuk ka një vlerësim final vlerësimi. Të përballesh me ngritjen e një strategjie që duhet të bëhet dhe duhet të jemi të lumtur që qeveria ka zgjedhur Bankën Botërore etj, por nuk ka sot një shifër flet në mënyrë të përgjithshme. Por nuk ëhstë bërë asnjë vlerësim përfundimtar por në muajin shkurt kur kryeministri të kërkojë në shkurt donatorëve do të gjendet përballë pyetje se sa janë dëmet, kjo përgjigje mungon dhe kjo do të shënohet minus në hapjen e negociata dhe mendoj se konferenca me 17 shkurt për mendim tim do të dështpojë dhe do të detyrohen që të bëhet një tjetër për të përcaktuar dëmet”, ka thënë ai.

Gjithashtu në studion e abcnews.al me Endri Xhafon, Teliti ka deklaruar se vendi është në një situatë të jashtëzakonshme dhe për këtë duhej që qeveria të mos bënte pushim, por të bënte bilancin final të dëmeve.

“Vlerësim i parë dhe inspektim i thelluar a janë të mjaftueshëm për përmarsat e dëmeve. Vlerësimi i parë bënte kategorizimin e banesave nga 1 deri tek 5 bënte një vlerësim shumë të shpejtë, por kjo nuk përkthehet në një kosto financiare vlerësimi që është bërë. Është bërë në fillim një vlerësim paraprak që ishte me të vërtete shumë i nevojshëm pasi përmes tij u bë dhe vlerësimi i banesave për të siguruar nëse janë ose jo të banueshme, por tashmë e nevoshme është që ekspertët duhet të kishin një raport final për dëmet e shkaktuara,”eshte shprehur ai. /abcnews.al

vatra.jpg
ger ta13:43 | 15/12/2019

Në Bruksel u inaugurua Qendra e Kulturës shqiptare “Vatra”  që ka në thelb të saj kultivimin e kulturës dhe traditave shqiptare, ku vendin kryesor e zënë muzika dhe vallet folklorike shqiptare. Komuniteti shqiptar në Belgjikë është një nga komunitetet e rralla që arrin të gërshetojë me sukses mësimin e gjuhës amtare dhe promovimin e kulturës së vendit.

“Eshtë një kulminacion i përpjekjeve tona për të fuqizuar sa më shumë gjuhë shqipe dhe shkollën shqipe “Vatra” duke inaguruar edhe qendrën kulturore “Vatra”, shprehet  Amet Gjanaj, anëtar i këshillit bashkiak për ekonominë dhe punësimin në Molenbeek.

“Janë mbi 80 nxënës që ndjeki shkollën shqipe çdo të shtunë nga ora 10.00 deri në orën 14.00, ku mësojnë edhe gjuhën shqipe edhe vallet shqiptare”, thekson Vahile Shkodra Azizi, drejtoreshë e shkollës shqipe “Vatra”

“Emigrantët shqiptarë e kuptuan rolin e shkollës dhe hap pas hapi mund të themi se shkolla shqipe “Vatra” është e konsoliduar”, thotë Ibrahim Dizdari, mësues në shkollën “Vatra”.

Inisiativa është mbështetur nga kryetarja e komunës së Molenbeek, Catherine Moureau, ministri president i rajonit të Brukselit, Rudy Vervoert dhe sekretarja e shtetit për strehimin dhe barazinë e shanseve, Naëal Ben Hamou.  Qendra kulturore Vatra hapet pas 14 vitesh ekzistencë të shkolles shqipe « Vatra »./abcnews.al

cakaj.jpg
in a09:41 | 10/12/2019

Gjatë qëndrimit të tij në Bruksel, Ministri në Detyrë për Evropën dhe Punët e Jashtme Gent Cakaj zhvilloi një takim me Ministrin e Jashtëm të Greqisë, Nikos Dendias.

Ky takim kishte në fokus diskutime mbi ndryshimet pozitive që kanë ndodhur në Shqipëri, me theks të veçantë në përmbushjen e objektivave të përcaktuara nga Këshilli i Çështjeve të Përgjithshme në qershor 2018 për të mundësuar çeljen e bisedimeve për anëtarësim në BE pas miratimit të metodologjisë së re të negocimit.

Gjithashtu, të dy homologët diskutuan edhe për një varg veprimesh të përbashkëta në funksion të riparimit e rindërtimit të hapësirave të dëmtuara nga tërmeti.

Në një reagim në Facebook Cakaj shprehu mirënjohjen e veçantë për mbështetjen e pakursyer të Greqisë për Shqipërinë që prej orëve të para të pas termetit e deri tani që po vazhdon me përkushtim të fortë dhe rezultate konkrete./abcnews.al

brukseli.jpg
ger ta07:18 | 04/12/2019

Në Bruksel, u mbajt dje një minutë heshtje në nder të 51 qytetarëve shqiptarë që humbën jetën nga tërmeti i fuqishëm i 26 nëntorit.

Kjo ka qenë kërkesë e sekretares së Përgjithshme të Këshillit të Bashkëpunit Rajonal Majlinda Bregu, ajo që shtyu pjesëmarrësit e samitit “Friends of Europe” të bënin këtë gjest nderimi për viktimat e tërmetit me pasoja të rënda që preku vendin.

Në samit diskutohet mbi të ardhmen e Ballkanit Perëndimor./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono