britney spears

1557950394281-1280x722.jpg
ent ela14:50 | 19/05/2019

Britney Spears nuk mund të kthehet më kurrë të këndojë. Menaxheri i saj tha se ajo ndoshta nuk do të mundet më për shkak të problemeve të saj psikike.

Karrierës së Britney Spears mund t’i ketë ardhur fundi. Është kjo deklarata që vjen nga menaxheri i këngëtares Larry Rudolph, i cili tha se ajo nuk do të mund të marrë pjesë në asnjë performancë.

Rudolph deklaroi se shëndeti mendor i këngëtares, e cila është shtruar disa javë më parë për shkak të problemeve psikologjike është duke u përkeqësuar. Ai tha se ka humbur kontaktet me këngëtaren, sepse shëndeti i saj është rënduar.

Pikërisht për këtë arsye ai beson se është më mirë të shmanget rikthimi i Britney Spears nën reflektorë:

“Unë nuk dua që të ktheheni në punë derisa vërtet të jeni e gatshme: fizikisht dhe mendërisht. Ju duhet të ktheni pasionin për punën tuaj, sepse tani nuk e keni mendjen”.

“Dhe nëse ai moment nuk vjen kurrë, atëherë do të thotë se ajo nuk do të këndojë më. Unë nuk mund ta bëj atë të ndryshojë mendje në asnjë mënyrë, dhe nuk kam as dëshirë tani. Unë do të jem këtu për ju nëse keni dëshirë për të punuar përsëri, por unë do të jem i sinqertë kur t’ju tregoj nëse do të jetë gjëja e duhur apo jo “.

Larry Rudolph flet jo vetëm për karrierën e saj,  por edhesesi do të jetë jeta e Britney Spears kur të rimëkëmbet.

“Si një person që e ndihmon jo vetëm në karrierën e saj – bazuar në informacionet që unë dhe profesionistët e tjerë kanë për shëndetin e saj – jam i bindur se Britney nuk duhet të kthehet për të jetuar në Las Vegas, jo në të ardhmen e afërt dhe ndoshta kurrë në jetë”.

Pasi fansta e këngëtares protestuan sepse ishin të bindur që Britney Spears ishte dërguar në rehabilitim kundër vullnetit të saj, vetë këngëtarja konfirmoi vendimin e saj për të marrë ndihmë nga mjekët në një video në të cilën ajo thotë se ajo ka nevojë për kohë për veten e saj dhe për t’u përballur me situatën në të cilën ndodhet.

Në këtë drejtim menaxheri tha:

“Duhej ta shtynim shfaqjen: ilaçet e saj nuk po jepnin më funksionin, arsyetonte pak dhe ishte shumë e hutuar nga sëmundja e babait të saj. Verën e kaluar, kur dëshironte të shkonte në turne, më thërriste çdo ditë për të punuar; tani është një muaj që nuk e dëgjoj më, dhe kjo për mua është një tregues i faktit se nuk dëshiron ta bëjë më”. /abcnews.al

BRITNEY-SPEARS-MBULIM.mpg_snapshot_00.15-1280x720.jpg
ent ela13:27 | 06/01/2019

Britney Spears anullon turin e saj më të afërt nëpër botë për shoën “Domination”. Këngëtarja e ka njoftuar vetë këtë lajm të keq për fansat e saj, duke u kërkuar atyre edhe mirëkuptim për këtë vendim. Britni Spirs e shoqëron mesazhin e saj prekës në Instagram me një foto të saj në moshë të vogël, së bashku me të dy prindërit. Këngëtarja njofton se i ati është shumë i sëmurë, ndaj ajo dëshiron t’i qëndrojë pranë këto momente të vështira.

“Gjithë energjitë e mira në këto çaste dëshiroj t’ia kushtoj familjes sime“– shkruan këngëtarja.

Ndërkaq Britney ka marrë mijëra komente lutjesh dhe urimesh për shërimin e babait të saj nga ndjekësit në rrjetet sociale. /abcnews.al

britney-spears-baby-one-more-time-featured.jpg
ent ela22:23 | 25/10/2018

Kënga “Baby One More Time” e kënëtares amerikane Britney Spears sapo ka mbushur 20 vjeç. Tashmë e konsideruar si një ndër këngët më të rëndësishme POP të të gjitha kohërave, ky projekt debutues i artistes ka lënë gjurmë në historinë e muzikës botërore.

E gjitha nis me tre nota të thjeshta pianoje, të cilat u bënë më vonë kolona zanore e çdo adoleshenti. Gjithashtu ndihmëse për suksesin e kësaj kënge ka qenë dhe videoklipi i arrirë, në të cilin Spears zhvillon koreografi të ndryshme nëpër koridoret dhe klasat e shkollës së saj.
Pas publikimit, kënga pushtoi kualifikimet më të rëndësishme botërore për javë të tëra dhe bë projekti muzikor më i rëndësishëm i vitit 1998. Madje u nominua për çmimin Grammy për performancën më të mirë POP, por fatkeqësisht duke mos fituar.

Fama dhe suksesi i kësaj kënge bënë të mundur nisjen e një karriere të mbarë për Britney Spears, e cila tashmë 20 vite më vonë, mbetet ende si princesha e muzikës POP. Muzikdashësit e të gjitha moshave, e kanë të memorizuar tekstin ngjitës dhe lehtësisht të identifikueshëm, i cili nën zërin fëmijënor të këngëtares është e pamundur që të mos pëlqehet. “Baby One More Time”, është shembulli ideal se si një këngë mund të ketë sukses komercial pa patur nevojë për nuditet dhe fjalë ofensife të përfshira në të. Bindja është e sigurt që kjo këngë do të vazhdojë udhëtimin e saj ikonik edhe për shumë dekada të tjera./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono