britanike

albania-conde-nast-traveller-26april18-istock.jpg
Sej rie12:15 | 06/08/2019

Shqipëria është renditur në listën e 10 vendeve që ia vlejnë për t’u vizituar në SUhtator, për të kaluar pjesën e mbetur të pushimeve. Revista prestigjioze britanike “SI EN Trevëllër” u rekomandon pushuesve evropianë vendin tonë, për të zgjedhur mes alpeve dhe plazheve me ujin e kristaltë.

Pas Gushtit, Shtatori është muaji i fundit që mund të shijohet në mbyllje të sezonit të verës. Dhe nëse pushuesit që zgjedhin këtë muaj janë të pavendosur se ku të drejtohen për të kaluar ditët e relaksit, për të zgjidhur dilemat e tyre mendon “CN Traveller”.

Revista britanike ofron një listë me 25 vende ku pushuesit mund të shpenzojnë ditët e mbetura të pushimeve, mes të cilave, në vendin e 10 renditet Shqipëria. Vendi ynë rekomandohet për një sërë karakteristikash, duke filluar nga temperaturat, që sipas revistës variojnë nga 15 deri në 27 gradë Celsius. “Shqipëria mund të mos jetë “Kroacia e re”, por është një vend mjaft tërheqës”, shkruan revista në edicionin e saj online, ku thekson se për shumë kohë, “xhevahiri i Ballkanit” ka qendëruar jashtë radarëve të operatorëve turistikë.

Në shkrimin e saj revista sugjeron për të vizituar si Alpet shqiptare, ashtu edhe zonat bregdetare. “Mund të arratiseni fare mirë në rivierën shqiptare për rërë të artë dhe det të kristaltë”, shkruan “CN Traveller”.

Revista nënvizon se, në verë plazhet janë të mbushura me njerëz që arratisen nga Tirana për t’i shpëtuar vapës, por në shtator ato janë të qeta, ndërsa klima mbetet mesdhetare dhe Adriatiku i ngrohtë. Në renditjen e bërë nga revista, Shqipëria ka lënë pas vende prestigjioze, të njohura për reputacionin e tyre sa i takon turizmit, si Lisbonën, Ibizën, Sicilinë, Korfuzin, Santorinin, Barcelonën, etj./ABC News Albania 24/7

15894476-7234881-image-a-50_1562806294460.jpg
Sej rie13:32 | 11/07/2019

Tre anije ushtarakë iraniane janë përpjekur të sekuestrojnë një anije cisternë britanike në ngushticën e Hormuz. Ndërkohë kreu I Shtëpisë së Bardhë Donald Trump deklaroi se do të rrisë taksat ndaj Iranit

Disa anije ushtarake të rojeve revolucionare islamike iraniane u përpoqën të sekuestrojnë një anije cisternë britanike në Gjirin Persik. Londra konfirmoi përpjekjen për sekuestrim duke thënë se anijet ishin tre dhe jo pesë si u raportua fillimisht në media. Dhe se çdo gjë kishte ndodhur në ngushticën e Hormuz.

Në një situatë të tensionuar mes presidentit Iranian Hasan Ruhani dhe presidentit amerikan Donald Trump, Pentagoni në 10 korrik u ka kërkuar aleatëve që të kontribuojnë me anije për të parandaluar sulme në Iran dhe Jemen, ku kalon pjesa më e madhe e trafikut botëror të naftës, ndërsa agjencia ndërkombëtare për energjinë bërthamore, u mblodh në një takim urgjent në Vjenë me kërkesë të Shteteve të Bashkuara të Amerikës për çështjen e pasurimit të uraniumit. Po në këtë situatë, presidenti amerikan Trump konfirmoi se do të shtojë taksat ndaj Iranit./ABC News Albania 24/7

wo14-UK-Corbyn-WEB.jpg
nev ila23:40 | 09/07/2019

Kreu i laburistëve në Britaninë e Madhe, Xheremi Korbin ka bërë një ndryshim tërësor sa i takon daljes nga BE-ja, duke mbështetur mbajtjen e një referendumi të dytë. Gjithashtu, Korbin ka deklaruar se do të bëjë fushatë për qëndrimin në BE nëse marrëveshja e divorcit nuk do të mbrojë interesat britanike.

Lideri i opozitës britanike, Xheremi Korbin ka bërë një lëvizje të papritur lidhur me Breksit, duke u shprehur në favor të një referendumi të dytë. Madje, Korbin është zotuar se do të mbështesë opsionin e qëndrimit në BE nëse qeveria e ardhshme do të dorëzohet para idesë për një votim të ri popullor.

Korbin ka deklaruar se do të dalë kundër çdo hipoteze për një dalje pa marrëveshje, si dhe kundër çdo marrëveshjeje të dëmshme që konservatorët mund të arrijnë për të lënë BE-në. Vendimi i kreut të laburistëve, i shtyrë disa herë, është ratifikuar të martën nga qeveria hije dhe njoftuar në një letër të hapur.

Në letrën në fjalë, Korbin i bën thirrje Boris Xhonson dhe Xheremi Hant, njëri prej të cilëve do të pasojë kryeministren e dorëhequr Theresa Mej, që ta pranojnë votën popullore mbi ndarjen nga Brukseli.

“Kushdo që të bëhet kryeministër duhet të ketë besimin për t’u kthyer tek populli dhe t’i nënshtrojë votimit publik marrëveshjen, apo daljen pa marrëveshje”, ka thënë Korbin.

Ai ka shtuar se laburistët do të bëjnë fushatë për të qëndruar në BE ndaj çdo marrëveshjeje që nuk mbron ekonominë britanike dhe vendet e punës të qytetarëve në Mbretërinë e Bashkuar./ABC News Albania 24/7

107744656_700d4b21-6570-42d8-b5d9-bbbee78df29d.jpg
Sej rie22:45 | 05/07/2019

Sekuestrimi i anijes iraniane me naftë nga marinsat britanikë ka tensionuar marrëdhëniet mes Teheranit dhe Londrës. Një ditë pas konfiskimit, Republika Islamike ka kërcënuar Mbretërinë e Bashkuar se do të veprojë në të njëjtën mënyrë me mjetet lundruese britanike.

Irani dhe Mbretëria e Bashkuar janë përfshirë në një konflikt që rrezikon të përshkallëzohet. Një ditë pas sekuestrimit nga komandot britanikë të një anijeje-cisternë iraniane në ujërat e Gjibraltarit, Republika Islamike ka kërcënuar me masa reciproke nëse mjeti i mbushur me naftë nuk lirohet. Anija-cisternë, që kishte si destinacion një rafineri nafte në Siri, u konfiskua pasi shkelte sanksionet e vendosura nga Bashkimi Europian.

Të premten një gjykatë në Gjibraltar vendosi se mjeti mund të mbahet në gjendje ndalimi për 14 ditë. Duke reaguar, një nga këshilltarët e ajatollahut Ali Khamenei deklaroi se agresorëve u duhet përgjigjur në të njëjtën mënyrë dhe pa hezitim. “Nëse Britania nuk e liron cisternën iraniane, atëherë është detyrë e autoriteteve të sekuestrojnë anijet-cisternë britanike”, deklaroi Mohsen Rezaei. Të enjten, qeveria e Republikës Islamike thirri për sqarim ambasadorin britanik në Teheran, të cilit iu ankua për atë që e quajti një “akt piraterie”. Edhe Ministria e Jashtme iraniane dënoi sekuestrimin, duke e cilësuar atë ilegal dhe duke akuzuar Britaninë e Madhe se kishte vepruar për llogari të Shteteve të Bashkuara. Nga ana e saj, Forein Ofis i cilësoi akuzat për pirateri të pakuptimta./ABC News Albania 24/7

107744656_700d4b21-6570-42d8-b5d9-bbbee78df29d.jpg
Sej rie20:15 | 04/07/2019

Në kuadër të sanksioneve të vendosura nga Bashkimi Europian, marinsat e Mbretërisë së Bashkuar kanë konfiskuar në Gjibraltar një anije-cisternë iraniane, e cila ishte e mbushur me naftë dhe kishte si destinacion një rafineri në Siri.

Marinsat britanikë kanë marrë nën kontroll të enjten një aniije-cisternë që po lundronte drejt Sirisë, në kuadër të sanksioneve të BE-së. Lajmin e kanë bërë të ditur autoritetet e Gjibraltarit, sipas të cilave kishte arsye të besohej se anija po transportonte naftë iraniane për në Siri. Sipas burimeve, nafta kishte si destinacion një rafineri siriane të sanksionuar nga Bashkimi Europian. Ambasadori britanik në Teheran, Robert Mekeir është thirrur për sqarime lidhur me incidentin. Vetë ministri i Jashtëm i Republikës Islamike, Abas Musavi tha për televizionin shtetëror iranian se ambasadori ishte thirrur në lidhje me sekuestrimin ilegal të çisternës iraniane.

Sipas BBC, një grup prej rreth 30 marinsash udhëtuan në rrugë ajrore nga Mbretëria e Bashkuar drejt Gjibraltarit për të ndihmuar në sekuestrimin e cisternës, me kërkesë të qeverisë lokale. Një burim nga Ministria e Mbrojtjes e përshkroi operacionin si një aksion pozitiv, që nuk shkaktoi ndonjë incident. Ngjarja vjen pak kohë pas sulmit ndaj dy anijeve-cisternë në Gjirin e Omanit, episod për të cilin Perëndimi fajëson Iranin. Ngjarja bëri gjithashtu që të rriteshin tensionet mes Teheranit dhe Uashingtonit, që përgatiti një sulm ajror ndaj Republikës Islamike, por që u anulua në minutën e fundit nga presidenti Donald Trump./ABC News Albania 24/7

pasaporta-britanike-1280x715.jpg
ent ela13:04 | 06/04/2019

Publikimi i pasaportave të reja Britanike pas daljes nga Bashkimi Evropian ka shkaktuar jo pak polemika. Në rrjetet sociale janë të shumtë ata që të zemëruar shkruajnë se vendi ende nuk ka dalë nga BE. Pasaportat e reja do të jenë në ngjyrë blu dhe nuk do të kenë më diciturën e Bashkimit Evropian

Pothuajse tre vjet nga referendumi për Brexit, Mbretëria e Bashkuar nuk arrin ende të përfundojë planin e saj për daljen nga Bashkimi Evropian. Por pasaportat e reja të vëna në qarkullim ditët e fundit për qytetarët britanikë, janë pa diciturën e “Bashkimit Evropian”, në faqen e parë dhe në brendësi.

Një vendim që ka shkaktuar polemika të shumta në rrjetet sociale, sidomos të britanikëve pro evropianë të cilët janë shprehur të zhgënjyer ndaj autoriteteve. Shumë prej tyre kujtojnë ndër të tjera se vendi ende nuk ka dalë, nuk dihet se kur do të ndodhë, dhe qeveria ka hequr që tani siglën e Bashkimit Evropian.

Nga ana e qeverisë britanike nuk ka pasur asnjë reagim. Në të vërtetë çdo gjë ishte e parashikuar, vetëm se ndoshta duhej të ishte pritur pak më shumë meqenëse Londra, të paktën deri në 12 prill është ende një vend evropian. E ndoshta do të jetë dhe për shumë kohë duke pasur parasysh situatën aktuale politike në vend e cila është e bllokuar.

Pasaportat e reja pa të shkruarën “Bashkimi Evropian” janë përgatitur për 29 marsin e kaluar, dita e parashikuar e daljes së Londrës nga Bashkimi Evropian por që më pas u shty me kërkesë të Mbretërisë së Bashkuar. Kjo për shkak se ende nuk është arritur një marrëveshje për Brexit.

Sipas planeve të qeverisë, në fund të vitit 2020 do të rikthehet dhe ngjyra e vjetër e pasaportave, ajo blu, në vend të ngjyrës së kuqe që ka aktualisht. Një ngjyrë karakteristike e Bashkimit Evropian. Por e vetmja gjë e sigurtë aktualisht është se nuk dihet se çfarë do të ndodhë deri në ditën e Brexit dhe pas saj./abcnews.al

VERIU-SIGURIA-_ABC-M4-T2.mpg_snapshot_00.02-1280x720.jpg
ent ela19:30 | 03/04/2019

Një rekomandim i ambasadës britanike për shmangien e udhëtimeve në veri të Kosovës ka alarmuar Serbinë, që ka akuzuar Prishtinën se po nxit tensione në këtë zonë. Por në reagimin e saj qeveria e Kosovës ka bërë me dijie se situata është e qetë dhe se letra e ambasadës britanike është keqkuptuar.

Një letër që ambasada britanike në Kosovë ua ka dërguar qytetarëve të  saj që të shmangin udhëtimet në veri të Kosovës ka shtyrë që të reagojnë krerët e shtetit serb. Presidenti serb ka thënë se ka frikë nga situata në Kosovë, për të cilën sipas tij flitet çdo ditë, dhe se nuk ka zgjidhje për problemin e Kosovës, ndërsa ministri i Jashtëm Daçiç për këtë situatë ka akuzuar qeverinë e Kosovës. Por menjeherë ka reaguar ambasada britanike në Kosovë. Përmes një statusi në Facebook ajo ka sqaruar se tash e disa vjet ka këshilluar të shmangen udhëtimet në komunat veriore, përpos atyre të domosdoshme për shkak të një numri incidentesh të dhunshme të kohëve të fundit të lidhura me krimin e organizuar në veri të Kosovës.

Ndërsa ka mohuar raportimet e ndryshme në media se Britania e Madhe ka këshilluar qytetarët e saj që të mos udhëtojnë në Kosovë. Për nënkryetarin e Komisionit Parlamentar për Siguri, Rexhep Selimi situata në veri asnjëherë nuk është e sigurtë për qytetarët e tjerë pos për serbët, qofshin ata të Kosovës apo Serbisë.

Qeveria e Kosovës nuk ka dashur të komentojë lidhur me këtë çështje, duke thënë se është prononcuar ambasada britanike. Ndërsa Policia e Kosovës, në një përgjigje për TV Klan ka thënë se situata është e qetë dhe stabile në gjithë territorin e Kosovës, përfshirë edhe veriun. /abcnews.al

parlament-1280x620.jpg
G. P.22:30 | 18/02/2019

Në radhët e opozitës britanike kanë filluar përçarjet në lidhje me Breksit. 7 deputetë mbështetës të një referendumi të dytë mbi daljen nga BE kanë lënë laburistët për të dalë si të pavarur.

Shtatë deputetë të Parlamentit britanik kanë braktisur partinë laburiste ku militonin, në shenjë proteste ndaj qasjes së saj ndaj Breksit. Ligjvënësit kanë deklaruar se nuk do të formojnë një parti të re, por do të qëndrojnë në Parlament si të pavarur. Konkretisht ata kundërshtojnë manovrat e liderit laburist Xheremi Korbin, që nga ana e tij është shprehur i zhgënjyer nga lëvizja e 7 deputetëve. Lusiana Berger, Kris Lesli, Anxhela Smith, Majk Gejps, Gevin Shuker, En Kofej dhe Çuka Umuna refuzuan të vazhdonin punën për atë për të cilën miliona britanikë votuan në referendum – ka thënë Korbin.

Sipas BBC, dezertimet e deputetëve ka gjasa të shtohen në ditët e ardhshme, por që të kthehen në një parti të mirëfilltë, të larguarve u duhet të tërheqin figura të tjera përtej laburistëve. Rrjeti informativ britanik nënvizon se edhe dy ligjvënës të tjerë po mendojnë largimin nga laburistët, por janë ende të pavendosur. Grupi i deputetëve rebelë synon të minojë kështu perspektivën në rritje të planit B për Breksit, të promovuar nga vetë Korbin, që parashikon një dalje më të butë nga BE-ja, ndryshe nga plani i kryeministres konservatore Theresa Mej, për të cilën mjafton vetëm që Breksit të konkretizohet edhe pa një marrëveshje. Të larguarit e kanë justifikuar veprimin e tyre edhe me indiferencën e liderit Korbin ndaj fenomeneve anti-semitike, që tashmë janë institucionalizuar në çdo strukturë bazë të partisë./abcnews.al

image.jpeg
G. P.20:25 | 08/02/2019

Një fabrikë e madhe kanabis që përmban rreth 1,000 bimë është zbuluar nga policia e Corby, në Britani. Një shqiptar që kujdesej për lënden narkotike me të parë policinë ishte përpjekur të arratisej nga dritarja e ndërtesës ku rriteshin bimët. Por policia arriti ta ndalonte atë.

Brenda ndërtesës oficerët gjetën tre dhoma të mëdha me bimë kanabisi, në faza të ndryshme të rritjes. Lënda nartotike rritej në saj të një teknoligjie të larë ku kishte shumë ndriçim. Ndërsa banesa ishte shumë luksoze dhe personi që merrej me kujdesin për lëndën narkotike i kishte të gjitha kushtet. Kishte një shtrat, lavatriçe, furrë, frigorifer dhe një tharëse rrobash.

Peter Winterflood tha: “Është një fabrikë e madhe. Dikush ka bërë një investim të rëndësishëm këtu. Ka dhjetëra mijëra paundë pajisjeve dhe qiraja e banesën është e lartë. Ne jemi të kënaqur që kemi bërë një arrestim, pasi hetimi ynë tani mund të shkojë më tej. Shpesh në raste të tilla, nuk ka njeri në ambientetet kur policia bastis”./abcnews.al

drug-1078575.jpg
ent ela11:28 | 28/01/2019

Mediat britanike gjithnjë e më shumë po i përshkruajnë shqiptarët si një rrezik i madhe për vendin e tyre. Sipas medias Express.co.uk, e cila ka kryer një kërkim ku ka zbuluar se në disa raste shqiptarët e dëportuar nga vendi i tyre kanë shkuar sërish në Britani. Ata akuzoheshin nga autoritetet e vendit si kriminelë të përfshirë në shitjen e drogës. Sipas medias britanike ata kanë hyrë sërish në vendin e tyre brenda vitit nga monenti i deportimit.

Një zyrtar ka komentuar me ironi ku shpreson të mos kthehet më në Britani Alek Dauti, 31 vjeç, kryetar i një rrjeti që kontrabonte ilagalisht njerëz nga Belgjika për në Angli. Ai u ekstradua në Belgjikë të premten për të shërbyer një dënim me 10 vjet burg, të dhënë në mungesë ndaj tij në muajin Dhjetor nga një gjykatë belge.

Policia në Blackpool tha javën e kaluar se dy shqiptarë janë dëbuar dhe një tjetër është në arrati, pasi kujdeseshin për një fabrikë kanabis në qytet.

Një tjetër shqiptar Esmerald Cuni, 25 vjeç, u dënua për përdorimin e dokumenteve të rreme. Në vitin 2015 Cuni kishte hyrë për herë të parë ilegalisht në Britani të Madhe, por ai ishte rikthyer sërish dhe ishte kapur nën posedimin e një dokumenti të falsifikuar grek dhe është burgosur me një vit burg.

Deputeti i Tory Philip Hollobone tha: “Kontrollet e tanishme kufitare janë dukshëm joadekuate në parandalimin e krimit shqiptar në rrugët tona. Ndërsa masat që janë marrë  nuk janë efektive”.

Një pjesë e madhe e të deportuarve janë në gjendje të kthehen në Britani të Madhe pasi janë pjesë e bandave të drogës. Agjencia Kombëtare e Krimit ka paralajmëruar se mafia shqiptare është duke marrë kontrollin e tregtisë së kokainës, për shkak të lidhjeve të drejtpërdrejta që ka me kartelet kolumbiane.

Një tregtar shqiptar i drogës u deportua tri herë, por arriti të hynte për herë të katërt kur u gjet me 1 kg kokainë me vlerë 26,000 paund dhe 14,000 paund në shtëpinë e tij në Weedon, Northamptonshire.

Baksim Bushati

Baksim Bushati, 42 vjeç, u deportua tri herë ndërmjet viteve 2005 dhe 2013, por kthehej sërish në Britani të Madhe. Ai u burgos me shtatë vjet në vitin 2014 dhe pas përfundimit të dënimit do të dëbohet. Gjykatësi Richard Bray i cili e dënoi atë i përshkroi kufijtë britanikë si një “sitë rrjedhëse”.

Çlirim Malecaj, 32 vjeç, u burgos me gjashtë vjet në vitin 2015 si pjesë e një bande prej 20 shqiptarësh që përmbytën Mançesterin me kokainë. Gjykata dëgjoi se ai ishte burgosur më parë për një vepër të ngjashme.

Luis Gjergji, 34 vjeç, u arrestua nga NCA në Dunstable, Bedfordshire, me 2 kg kokainë dhe 42.200 dollarë në para të gatshme.

Gjykata e Luton tha se ishte vepra e tij e dytë, pasi në vitin 2010 ai u burgos me gjashtë vjet duke u përpjekur të shite heroinë në Dover. Ai u deportua më vonë, por u kthye. Në nëntor 2014 ai u burgos për herë të dytë me 13 vjet.

Dorian Puka, 24 vjeç, ishte kthyer në Britani të Madhe brenda pak vitesh. Vitin e kaluar ai u burgos nga Gjukata e Kingston me tre vjet e gjysmë pasi kishte pranuar dy akuza për vjedhje.

Gjykata dëgjoi se në vitin 2016 ai u burgos me nëntë muaj në lidhje me një vjedhje të tentuar në gusht 2015. Pas dhënies së dënimit ai u deportua në Nëntor të vitit 2016. Por brenda një viti ai ishte kthyer në Greenford.

Më 16 Nëntor 2017, ai u gjet nga policia në Surbiton duke mbajtur një orë që e kishte vjedhur atë ditë. Ai u akuzua  me vonë edhe për dy vjedhje të tjera dhe u dënua me tre vjet e gjysmë dhe pas përfundimit të dënimit pritet të dëbohet.

Vehbi Shira u dëbua së pari në Shqipëri pasi u gjet duke punuar në një lavazh makinash. Ai ishte 15-vjeç kur u dëbua dhe prej dy vitesh punonte Croydon. Ai u deportua dy herë në 2016, por ishte në gjendje të kthehej dhe kap në një makinë që kishte marrë më qindra, ku brenda saj kishte disa kilogram kokainë si dhe posedonte dokumente të rreme portugeze.

Ai pranoi se kishte drogë dhe një dokument të rremë në gjykatën Kingston në Nëntor të vitit 2017. Ai u dënua me tre vjet e 10 muaj burg dhe pas përfundimit të dënimit pritet të dëbohet.

Zëdhënësi i Zyrës së Shtëpisë së Bamirësisë tha: “Ballkani Perëndimor është një rajon ku po përqendrohemi më shumë, duke punuar me qeveritë për të rritur bashkëpunimin për të trajtuar kërcënimet e përbashkëta. Shtetasit e huaj që kryejnë krime nuk duhet të tolerohen nga ne. Ne kemi larguar rreth 45,800 kriminelë që nga viti 2010. Zyrtarët e Forcave Kufitare janë trajnuar rigorozisht për të zbuluar dokumente mashtruese “.

Një zëdhënëse e NCA tha: “Grupet kriminale shqiptare kanë krijuar një profil të lartë brenda krimit të organizuar në Mbretërinë e Bashkuar dhe kanë qasje të konsiderueshme në tregun e trafikimit të drogës në Mbretërinë e Bashkuar, veçanërisht kokainës. Ata po e zgjerojnë ndikimin e tyre. Londra është qendra e tyre primare, por ata janë të vendosur në të gjithë Mbretërinë e Bashkuar. Grupet shqiptare të krimit të organizuar duket se janë të mirë organizuar dhe kanë lidhje me grupe të tjera, grupe nga Ballkani Perëndimor “./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono