britani

1_PAY-Snow-and-rain-on-the-A417-at-Cirencester-this-morning.jpg
ent ela19:14 | 14/11/2019

Më shumë se 800 shtëpi në të gjithë Britaninë e Madhe janë goditur nga përmbytja, ndërsa paralajmërimet e shumta për përmbytjen janë lëshuar dhe Agjencia e Mjedisit paralajmëron për përkeqësim të situatës.

Britania është goditur nga përmbytje të mëdha pas shiut të dendur dhe nga dëbora brenda natës dhe këtë mëngjes. Më shumë se 800 shtëpi janë prekur deri më tani dhe Zyra Metereologjike ka paralajmëruar se do të vijnë shira edhe më të dendur.

Kryeministri Boris Johnson ka postuar në Tëitter se janë rreth 818 prona të përmbytura dhe mbi 14,000 prona të mbrojtura.

Përmbytja do të vazhdojë në disa pjesë të Britanisë së Madhe dhe shoferët janë këshilluar se rrugët janë të mbyllura dhe lumenjtë janë fryrë.

Agjencia e Mjedisit tha që njerëzit janë evakuuar nga pronat në Bentley dhe Fishlake në Doncaster, Yorkshire. Ushtria është futur në shtëpitë me rërë.

Rreth 100 shkolla janë mbyllur në të gjithë zonat e Perëndimit, ndërsa alarmi vijon të mebtet në zonën e Birminghamit

Në Nottingham, qendra e qytetit është përmbytur dhe më shumë se dhjetra rrugë autobusësh nuk kanë funksionuar.

Në Derbyshire, këshilli i qarkut u kërkoi banorëve dhe bizneseve të bëjnë kujdes dhe të jenë vigjilentë për shkak të rrezikut të përmbytjeve, ndërkohë këshilli i qytetit po përgatitet për përmbytje të mëtejshme.

Në Leicestershire, shiu pa ndalesë ka përmbytur disa rrugë. Të gjithë trenat për në Londër aktualisht janë anuluar ose vonuar.

Gjatë 48 orëve të ardhshme është paralajmëruar për përmbytje “të rënda” në zonat e prekura.

Dyzet e pesë paralajmërime për përmbytjet janë dhënë që nga mesdita e së enjtes në të gjithë Anglinë, si dhe 122 alarmet për përmbytjet.

Në Gloucestershire, bora dhe përmbytja kanë mbyllur shkolla dhe rrugë, ndërsa është bllokuar linja hekurudhore. /abcnews.al

britani-moti.jpg
nev ila11:37 | 09/11/2019

Britania e Madhe është përfshirë nga reshjet dhe përmbytjet të cilat kanë shkaktuar nëj viktimë dhe evakuimin e dhjetëra banorëve. Siruata më kritike është në veri të vendit ku transporti është në gjendje kaotike.

Të paktën një viktimë dhe qindra persona të evakuuar nga shtëpitë e tyre, është bilanci i motit të keq që ka përfshirë Britaninë e Madhe, me përmbytje dhe ndërprerje të trafikut hekurudhor dhe rrugor. Situata më kritike është në veri të vendit.

Viktima është një grua, banore në kontenë e Derbshajër, e cila u mor para nga vërshimet e ujit të lumit Deruent, sipas asaj që raportojnë mediat britanike

Situatë alarmante është sinjalizuar dhe në zonën e Donkaster, ku lumi Don doli nga shtrati dhe disa banorë pranë zonës janë evakuuar. Transporti në veri të vendit është në kaos si në rrugë, hekurudhë ku shumë udhëtime janë anuluar.

Në total zyra e metereologjisë shpalli rreth qindra alarme në të gjithë Mbretërinë e Bashkuar nga të cilat gjashtë konsiderohen të rënda./abcnews.al

 

jaht.jpg
ent ela23:28 | 07/11/2019

Tetë emigrantë shqiptarë u zbuluan dhe u kapën nga autoritetet në bordin e një jahti luksoz, ndërsa tentonin të kalonin në Britaninë e Madhe.

Mediat britanike bëjnë të ditur se bëhet fjalë për 8 persona, identitetet e të cilëve nuk bëhen ende të ditura.

“Tetë shtetas shqiptarë u gjetën në bord dhe çështjet e tyre tani do të trajtohen në përputhje me rregullat e imigracionit në Mbretërinë e Bashkuar”- tha një zëdhënës.

Mësohet se shqiptarët u gjetën në një jaht në Kanalin anglez. Ndalimi u krye falë ndërhyrjes së anijeve të Forcave Kufitare dhe helikopterëve. Më pas, u bë i mundur dërgimi i jahtit në portin e Portsmouth-it.

Deri më tani është arrestuar një 64-vjeçar britanik, për shkeljen e ligjeve të migracionit.

Ndalimi i 8 shqiptarëve vjen pas gjetjes së trupave të pajetë të 39 emigrantëve në një kamion në Essex./abcnews.al

 

o2-770x450.jpg
nev ila09:06 | 03/11/2019

Një situatë aspak e zakontë ka ndodhur në Parlamentin Britanik. Deputetët kanë shpërthyer në britma dhe ulërima.

Shkak i kësaj situate është bërë çëshjtja e Brexit. Ndërkohë, detyra e kryetarit John Bercoë ka qenë mbajtja e qetësisë në sallë, i cili bënte gjatë gjithë kohës bënte thirrje për qetësi.

Nga pamjet shihet teksa deputetët nuk i kanë kursuer fyerjet, të bërtiturat dhe veprime të tjera aspak normale në Parlament./abcnews.al

60 Minutes reports on how Britain's pending divorce from the European Union has dragged out for over three years and interviews the outgoing speaker who tried to maintain order over it all. Sunday, on CBS

60 Minutes reports on how Britain's pending divorce from the European Union has dragged out for over three years and interviews the outgoing speaker who tried to maintain order over it all. Sunday, on CBS https://cbsn.ws/2PH88XT

Publiée par CBS News sur Samedi 2 novembre 2019

johnsom.jpg
nev ila21:47 | 28/10/2019

Parlamenti britanik rrëzoi kërkesën e kryeministrit për ta cuar vendin në zgjedhje të parakohshme me 12 dhjetor. Ideja e Boris Xhonson nuk mori dot 2/3 ën e votive të kërkuara. Por kryeministri thotë se do përgatisë një tjetër ligj për ta cuar vendin në zgjedhje, e që do kërkojë një shumicë të thjeshtë.

Parlamenti britanik rrëzoi propozimin e kryeministrit Boris Johnosn për zgjedhje të parakohshme në 12 dhjetor.

Vetëm 299 deputetë mbështetën idenë e Xhonson, 70 kundër , shumë larg shifrës prej 434 vota ose 2/3 që kërkon miratimi i atij vendimi. Por kryeministri deklaroi se do tentonte sërish. “Ky parlament nuk mund ta mbajë më gjatë peng vendin, u tha ai deputetëve duke nënvizuar se parlamenti nuk është më funksional. Ai tha do paraqesë një ligj tjetër të thjeshtë, ku të kërkojë sërish zgjedhje të parakohshme. Ligji i ri do kërkojë një një shumicë të thjeshtë prej vetëm 320 votash.

Liberal Demokratët dhe partia kombëtare skoceze duken gati të mbështesin zgjedhjet të hënën e 9 Dhjetorit. Sipas tyre, kjo i heq cdo mundësi kryeministrit që të aprovojë Brexit-in, që Xhonson synon ta kalojë brenda 31 tetorit, në një kohë aq të shkurtër, para se parlamenti të shpërndahet.

Të dy partitë kanë propozuar një ligj të tyrin të thjeshtë për këtë dhe mbetet për t”u parë nëse ata do mbështesin legjislacionin e qeverisë, i cili sipas Xhonsondo jetë pothuaj identik. Palët po negociojnë në parlament mbi një datë kompromisi.

Kryetari i liberaldemokratëve në parlament Ian Blackford tha se nuk i beson kryeministrit dhe kërkon garanci që z.Xhonson nuk do tentojë të rikthejë në parlament për miratim marrëveshjen e tij Brexit. Pas votës të së hënës, Johnson tha se ndihej i suprizuar nga rezistenca e Liderit të Laburistëve Jeremy Corbyn  për të mos shkuar në zgjedhje.

Por lideri laburist tha se do e mbështeste idenë e zgjedhjeve vetëm nëse pranohen kushtet e tij. Ligji me një rresht i propozuar nga qeveria për zgjedhjet mund të amendohet nga deputetët për të mundësuar votimin për 16 dhe 17 vjecarët. Por nëse kjo ndodh, qëveria do e braktisë ligjin. Edhe pse Liberal Demokratët dhe partia skoceze mbështesin parimin e uljes së moshës së votimit, liberal demokratët thonë se ndalimi i Brexit ishte prioritet për votuesit e rinj.

Pak orë para votimit në parlamentin Britanik, presidenti i këshillit Europian Donald Tusk konfirmoi përmes një Tuiteri se 27 vendet e Bashkimit Europian pranuan kërkesën e Mbretërisë së Bashkuar për të shtyrë deri në 31 janar të 2020-ës Brexit. Vendimi i Brukselit erdhi pas dy letrave kontradiktore nga Londra.

Në letrën e parë që nuk mbante firmën e kryeministrit kërkohej shtyrja, si kërkesë e parlamentit për qeverinë britanike. Ndërsa letra e dytë me firmën e Xhonson kërkonte injorimin e letrës së parë, pasi mund ta bindte parlamentin që ta miratonte marrëveshjen e daljes së Mbretërisë së Bashkuar nga BE brenda 31 Tetorit, sic ishte dakordësuar me Bruskelin./abcnews.al

 

gjikola.jpg
ad min19:57 | 23/10/2019

Dy vite e katër muaj burg do të vuajë një i ri shqiptar në Britani, pasi në banesën e tij u gjetën mbi 100 rrënjë kanabis. Sipas asaj që shkruajnë mediat, policia zhvilloi një operacion për bastisjen e shtëpisë së tij më 14 Shtator. Aty gjetën tre dhoma të përshtatura për rritjen e kanabisit.

Ndërkohë arrestimi i të riut shqiptar, 23-vjeçarit S. Gjikola u krye disa orë pas operacionit. Në fillim ai nuk ishte në shtëpi, por u kthye 8  orë më vonë. Këtu zbuloi policët të cilët gjendeshin në banesë. Më pas u bë dhe ndalimi i menjëhershëm i tij.

I riu kishte disa dokumente false. Bëhet fjalë për tre karta identiteti rumune, të tre me emra të ndryshme dhe dy patenta rumune. Të gjitha dokumentet kishin fotografinë e 23-vjeçarit. Gjikola tha përpara gjykatës se kishte shkuar në Britani përpara 6 muajsh.

Avokatja e tij sqaroi arsyet pse shqiptari ishte detyruar që të punonte aty. Shkak sipas saj ishin bërë borxhet që kishte marrë për të paguar shpenzimet mjekësore për të ëmën.

“Erdhi një moment që ai duhet të kthente paratë. Ishte në presion. Fillimisht punoi si pastrues në Londër. Shumica e parave që punonte u shkonin personave që i kishte marrë hua në Shqipëri. Kur erdhi në Stoke-on-Trent ai ishte i vetëdijshëm për operacioni, e dinte që po vepronte gabim, por kishte nevojë për paratë”, tha avokatja Catherine O’Reilli.

Kjo nuk e ndaloi gjykatësin ta dënonte shqiptarin, i cili në fund të dënimit do të deportohet në Shqipëri./abcnews.al

109338301_bcdd3a0e-64ee-49fe-bdd2-3dc3eea709fd.jpg
nev ila11:10 | 23/10/2019

39 trupa pa jetë janë gjetur Brenda një kamioni në një zonë industrial të Eseks, në juglindje të Britanisë së Madhe. Mes viktimave është dhe një adoleshent. BBC raporton se shoferi i kamionit, një 25 vjecar nga Irlanda e Veriut, është arrestuar.

Një skenë e frikshme ajo me të cilën janë përballur agjentët e  policisë britanike mëngjesin e të mërkurës. 39 truoa të pajetë janë gjetur Brenda një kamioni në një zonë industriale të Eseks në juglindje të Britanisë së Madhe.

Mes viktimave është dhe një adoleshent. BBC raporton se shoferi i kamionit, një 25 vjecar nga Irlanda e Veriut, është arrestuar. Sipas autoriteteve britanike kamioni vinte nga Bullgaria.

Policia u lajmërua nga personeli i një ambulance pak pas mesnate. Autoritetet britanike konfirmuan se shoferi i kamionit do të qëndrojë në gjendje arresti ndërsa hetimet vazhdojnë.

Kryeministri britanik Boris Xhonson deklaroi se ndihej i tmerruar nga ky incident tragjik që kishte ndodhur në Eseks. Ai shtoi se po merrte informacione të njëpasnjëzhme nga ministria e brendshme e cila po bashkëpunon me policinë për të zbuluar se cfarë ka ndodhur.

Jam i keqardhur për të gjithë ata që kanë humbur jetën dhe familjarët e tyre”, përfundoi ai./abcnews.al

shtepia-britani.jpg
nev ila15:03 | 14/10/2019

Si e rrisin kanabisin brenda shtëpive shqiptarët në Britani?

“Një erë e fortë, që vjen nga brenda shtëpisë. Një zhurmë konstante e ulët ….dritare me perde të zbehta, që rrinë mbyllur gjatë gjithë ditës ndërsa natën ndizen drita të fuqishme. Hyjmë brenda….shohim tuba të mëdha prej argjendi, që vijnë nga brenda shtëpisë. Pikasim disa bimë të larta dhe Surprizë! Cannabis më shumë se 2 metra i lartë në njërën nga dhomat, dalim që aty, kur befas na shfaqet përpara, dhoma tjetër, përplot me bimën e ndaluar. Këqyrim të gjithë shtëpinë, e zbulojmë fabrikë të vërtetë kultivimi të Cannabisit”.

Kështu e kanë përshkruar, oficerët e policisë së West Midland të Birmingamit, kapjen e një fabrike të kultivimit të kanabisit, nga një 26 vjeçar shqiptar, identitetin e të cilit nuk e bëjnë me dije, raporton abcnews.al.

Siç shihet në video oficerët kanë filmuar gjithçka nga banesa e shqiptarit në Britani./abcnews.al

 

polizia-malpensa-587210.610x431.jpg
ent ela17:15 | 08/10/2019

Ata përdorin dokumente të vërteta në kufi, por më pas ata nxjerrin ato false për të vazhduar udhëtimin. Mediat italiane bëjnë të ditur se gjatë fundjavës aktiviteti i pandërprerë i Policisë Kufitare të aeroportit të Malpensa në Itali, që synon jo vetëm kundërveprimin e emigracionit të paligjshëm që hynin në territorin kombëtar, por edhe lëvizjet e parregullta drejt vendeve të tjera të Bashkimit Evropian, ka identifikuar dhe referuar tek Autoriteti Gjyqësor dymbëdhjetë të huaj që disponojnë dokumente udhëtimi ose leje qëndrimi dhe viza false.

Nga këta, tetë u arrestuan për posedim të dokumenteve false të përdorura në përpjekje për të arritur ilegalisht në Mbretërinë e Bashkuar, Irlandë dhe Kanada. Të huajt janë kryesisht shqiptarë, të cilët, sapo mbërrijnë në Itali, menjëherë përpiqen të arrijnë destinacionet britanike dhe irlandeze duke përdorur një mënyrë që synon të shmangë kontrollet e kujdesshme të policisë kufitare.

Në fakt, pikërisht për të shpëtuar nga syri vigjilent i operatorit të policisë, shqiptarët shfaqen në kontrollin e pasaportës me dokumentin e tyre origjinal dhe biletën e udhëtimit, por pasi kanë kaluar kontrollin shkojnë në portat e  fluturimeve për në Londër dhe Dublin duke treguar një dokument të rremë, zakonisht një kartë me identitet italian ose grek, dhe një kartë tjetër me detaje personale false. Një prej këtyre kishte kaluar në Itali, aq sa i ishte nënshtruar masës së arrestit shtëpiak deri në prillin e kaluar për shpërndarje droge.

Tre të huaj të tjerë, një kinez, një algjerian dhe një shqiptar, të befasuar me dokumente false që gjithmonë niseshin nga Malpensa u hetuan në gjendje të lirë, ndërsa një shtetas togolez nga Akra ishte refuzuar në vendin e origjinës. Në kontrollin kufitar ai tregoi së bashku me pasaportën edhe një leje qëndrimi të falsifikuar belge.

Aktiviteti i zbatimit të ligjit çoi në sekuestrimin e 12 dokumenteve, përfshirë 5 pasaporta të falsifikuara nga vendet për të cilat nuk kërkohet vizë, 5 karta identiteti nga vende të ndryshme të Evropës, 1 vizë britanike dhe një leje qëndrimi belge. Gjithashtu në fundjavë, 19 shtetas të huaj u refuzuan në kufi dhe u hipën në fluturimet e origjinës, pasi gjatë kontrolleve kufitare u konstatua se u mungojnë kushtet ose dokumentacioni i përshtatshëm për hyrje në zonën Shengen.

Pasagjerët e kapur në tentativë për të kaluar kufijtë në mënyrë të parregullt u zbuluan se ishin  kryesisht shqiptarë (11 raste), por edhe kinezë, braziliane, algjeriane, maroken dhe togolezë.

San Paolo, Casablanca, Tirana, Isla do Sal, Moska , Ohri dhe Akra ishin destinacionet e fluturimeve të kthimit. /abcnews.al

 

BRITANI-PARLAMENTI.mpg_snapshot_00.00-1280x720.jpg
ent ela20:32 | 25/09/2019

Parlamenti britanik është rimbledhur të mërkurën pas vendimit të Gjykatës së Lartë që e cilësonte të paligjshëm pezullimin e tij. Megjithatë, mes debateve të ashpra, përfaqësuesi ligjor i qeverisë konservatore ka deklaruar se Dhoma e Përfaqësuesve është një institucion i vdekur.

Ligjvënësit britanikë janë përplasur ashpër në lidhje me vendimin tashmë të paligjshëm të qeverisë për të pezulluar Parlamentin. Ata u mblodhën në seancë pasditen e së mërkurës pas vendimit historik të Gjykatës së Lartë të Mbretërisë së Bashkuar. I pranishëm, prokurori i përgjithshëm Xhefri Koks, njëkohësisht përfaqësues ligjor i qeverisë, deklaroi se respekton vendimin por sulmoi ligjvënësit duke i cilësuar ata si “frikacakë” për të mbajtur një palë zgjedhje.

“Ky Parlament ka vdekur”, theksoi Koks. Nga ana tjetër, ai u etiketua si një “turp” për Parlamentin nga një prej deputetëve të pranishëm, ndërsa një tjetër u shpreh “i tmerruar” nga fjalori i tij. Joana Çerri, nga Partia Kombëtare Skoceze, i kërkoi zotit Koks që të publikojë këshillën ligjore që i dha qeverisë përpara pezullimit të Parlamentit.

Ajo tha se Koks po paraqitet si një element i sakrifikueshëm për planet e qeverisë. Nga ana e tij, kryeprokurori u përgjigj duke thënë se qeveria besonte se qasja e saj kishte qenë e ligjshme dhe kushtetuese dhe se ajo kishte vepruar në mirëbesim kur kishte pezulluar Dhomën e Përfaqësuesve. Ai shtoi se do ta shqyrtojë në ditët në vazhdim nëse për hir të interesit publik do ta publikojë ose jo këshillën që i dha ekzekutivit. Ndërkohë, kryeministri Boris Xhonson, që është kthyer në Londër nga samiti i OKB-së në Nju Jork, ka deklaruar se nuk bie dakord me vendimin e Gjykatës së Lartë, por ka shtuar se do ta respektojë atë. /abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono