britani

1479.jpg
eri Ida18:43 | 18/02/2020

Kryeministri i Britanisë, Boris Johnson pas divorcit të Britanisë me Evropën i ka dhënë fund dhe martesës së tij me Marina Wheeler, me të cilën nuk bashkëjetonte prej dy vitesh.

Mediat vendase raportojnë se shefi i qeverisë britanike nuk bashkëjetonte me Marinën që prej vitit 2018 pas mosmarrëveshjeve për pasurinë. Çifti ishin të martuar prej 25 vitesh dhe kishin sëbashku 4 fëmijë

Ndërkohë këtë të martë në Londër është zhvilluar dhe seanca dëgjimore, ku nuk ishin prezent asnjëri prej tyre, ku gjyqtarja Sarah Gibbons i dha leje Marinës për të aplikuar për një dekret absolut e cila do ti jepte fund martesës së tyre.

Në këtë seancë është vendosur se Marinës i takon 4 milion paund nga pasuria e Boris Johnson por ende nuk është bërë asgjë zyrtare./abcnews.al

harlov.jpg
in a16:38 | 14/02/2020

Një 42-vjeçar, shqiptar i quajtur Andi Bushati është dënuar me 13 vite burg.

Mediat e huaja shkruajnë se shqiptari është dënuar në Britani pasi në vitin 2017 kishte sulmuar dy gra. Mësohet se 42-vjeçari kishte tentuar me forcë t’i detyronte për të kryer marrëdhënie seksuale me të. Bushati etiketohet si një ‘përdhunuesi i Harlow’.

Mësohet se ai u arrestua më 7 korrik të 2017 në Harlow, ndërsa sulmet kishin ndodhur gjatë një viti, në korrik 2016 dhe 2017.

42 vjeçari u shpall fajtor për katër akuza, për përdhunim, dy akuza sulmi fizik dhe një akuzë sulmi seksual, dhe do të deportohet në Shqipërinë pas përfundimit të dënimit të tij.


Storm-Ciara-hits-Britain-and-Ireland-with-heavy-rain-and-winds-www.africanstand-3.jpg
eri Ida07:07 | 11/02/2020

Stuhia ‘Ciara”, që ka goditur Britaninë e Madhe ka shkaktuar dy viktima dhe ka shkatërruar zonat e banuara, por shkaktuan edhe dy vdekje njerëzish. Mediat e huaja raportojnë se një 58 vjeçar i cili po udhëtonte me makinë e ka zënë poshtë një pemë ndërsa një burrë 77 vjeçar si pasojë e rrëshkitjes ra përmbys dhe e goditi kokën për akulli.

Sipas raportimeve, erërat e forta kanë rrëzuar pemë, çati, prishjen e hekurudhave, bllokimin e linjave dhe rrëzimin e kabllove të energjisë elektrike, ndërsa më shumë se 20,000 shtëpi kanë mbetur pa energji elektrike brenda natës.

Ndërkohë sipas autoriteteve vendase theksohet se kjo nuk do të jetë stuhia e fundit që ka përfshirë vendein pasi pritet që kaosi i motit të zgjasë akoma. /abcnews.al

stuhi-britani-1.jpg
eri Ida15:23 | 09/02/2020

Në Britaninë  e Madhe janë ndërprerë udhëtimet me tren, fluturimet dhe udhëtimet me traget. Stuhia me forcë uragani e ka goditur ishullin me një forcë të regjistruar prej 129 km/h. Të paktën 10 kompani hekurudhore kanë shpallur publikisht lajmërimin e ndërprerjes së udhëtimeve.

Ndërsa 20 të tjera i kanë sinjalizuar pasagjerët që do të ketë vonesa sepse parashikohet që erërat e forta do të dëmtojnë rrjetet elektrike dhe do të sjellin pengesa të rënda nëpër binarë.

Aeroporti i Londrës “Heathrow” dhe disa kompani ajrore, kanë zgjedhur t’i unifikojnë fluturimet për të reduktuar numrin e atyre që do të eliminohen.

Ndërsa kompania “British Airëays” ka vendosur t’i transferojë pasagjerët në aeroporte të tjerë. “Virgin Airlines” i ka anulluar disa udhëtime. Uragani Ciara pritet të sjellë shira dhe rrebeshe të fortë. Agjensia meteorologjike ka sinjalizuar 22 momente emergjence, dhe 149 njoftime rreziku për përmbytje.

Në veri të Anglisë trafiku është limituar shumë në disa zona, me ndalime qarkullimi nga forcat e rendit. Ndërsa në detin e Irlandës dallgë të fuqishme kanë shkaktuar ndërprerjen e disa udhëtimeve me traget. /abcnews.al

760a2af52db94663a517ce41863504cb_18.jpg
nev ila23:54 | 31/01/2020

Koronavirusi duket se tashmë ka mbërritur në Evropë, përveç Italisë e cila ka shpallur këtë të premte gjendjen e emergjencës, Gjermanisë dhe Britania e Madhe ka konfirmuar rastin e dy personave të prekur me koronavirus.

Mediat britanike raportojnë se pacientët janë nga e njëjta familje dhe janë trajtuar nga Shërbimi Kombëtar i Shëndetësisë në veriperëndim të Anglisë.

Pacientët po marrin kujdesin mjekësor dhe ne po përdorim procedurat e testuara të kontrollit të infeksionit për të parandaluar përhapjen e mëtejshme të virusit” tha profesori Chris Ëhitty në një deklaratë, duke shtuar se zyrtarët shëndetësorë po punojnë  për të identifikuar personat e tjerë që pacientët mund të kanë rënë në kontakt me.

Ndërkohë në Gjermani është konfirmuar rasti i pestë i të të infektuarit me koronavirus. Si pasojë e virusit vdekjeprurës deri më tani kanë humbur jetën 213 persona në Kinë, ndërsa mbi 10 000 janë prekur nga koronavirusi./abcnews.al

britani-korona.jpg
ger ta10:55 | 31/01/2020

Dy raste të koronavirusit janë konfimuar në Britani. Mësohet se ata janë anëtarë të së njëjtës familje dhe po marrin kujdesin mjekësor, pasi kanë rezultuar pozitivë.

Asnjë detaj tjetër nuk bëhet me dije në lidhje me identitetin e tyre ose vendin ku po trajtohen.

Të paktën 213 njerëz në Kinë kanë vdekur nga virusi, kryesisht në Hubei, dhe gati 10,000 raste të prekurish janë në shkallë vendi.

Chris Whitty, shefi mjekësor për Anglinë tha: “Ne tashmë jemi duke punuar me shpejtësi për të identifikuar çdo kontakt që pacientët kishin, për të parandaluar përhapjen e mëtejshme. Kemi qenë duke u përgatitur për rastet në Mbretërinë e Bashkuar të koronaviruseve të reja dhe  kemi masa të fuqishme të kontrollit të infeksionit për t’u përgjigjur menjëherë,” shtoi ai.

Virusi shpërtheu në provincën Wuhan në Kinë dhe është përhapur në disa vende të botës. Ndërkaq, OBSH shpalli dje emergjencën globale./abcnews.al

kamza-1280x720-1.jpg
nev ila16:40 | 28/01/2020

Prokuroria dyshon se pas pengmarrjes dhe vrasjes së Jan Prengës fshihet një prishje pazaresh mes grupeve të fuqishme kriminale. Prokuroria dyshon se bëhet fjalë për mos dorëzimin e një sasie të madhe kokaine nga vëllai i Jan Prengës tek një grup i fuqishëm kriminal në Angli që ka sjellë edhe pengmarrjen e këtij të fundit.

Më parë, një tjetër vëllai i Prengës u arrestua për drogë dhe ndodhet në burgjet britanike.

Gjykata e Blackfriars ka dënuar me 8 vite e gjysmë burg shqiptarin Ndrek Prenga, 33 vjeç, vëllai i 49 vjeçarit, i cili u mor peng më datë 17 janar në rrugën “London” në Kamzë. Pas futjes në makinë ai është rrahur dhe goditur, ku si pasojë e goditjeve të marra në Kamzë dhe humbjes së gjakut, ka ndërruar jetë gjatë rrugës për ta transportuar për në resortin “Golden”, në Shijak,  aty ku do mbahej peng.

Gjithashtu gjykata britanike së bashku me Prengën ka dënuar me vite anglezin Kerry Reed, 39-vjeç, me 6 vite burg është dënuar Nikolin Dushi, 30-vjeç, si dhe 3 vite për Elton Qajka, 21 vjeç.

Të katër u akuzuan për furnizim të drogës së Klasit A, ndërsa Reed dhe Prenga u akuzuan edhe për posedim të pasurive kriminale. Mediat britanike bëjnë me dije se të dënuarit Reed, Prenga, Dushi dhe Qajka janë pjesë e një grupi më të gjerë të krimit të organizuar për shpërndarjen e kokainës me shumicë në një shkallë të gjerë në Londër.

Ajo që dihet për ngjarjen është se shpërndarësit e drogës e hodhën kokainën në një rezervuar pasi e kuptuan se ishin në vëzhgim. Por, zyrtarët e Agjencisë Kombëtare kundër Krimit e mblodhën lëndën duke grumbulluar një 1 kg kokainë të klasit A.

Ndalimi i tyre është bërë gjatë një takimi që ato kanë zhvilluar me 2 gusht të 2017  poshtë një rruge të mbuluar me barë, në afërsi të rezervuarit. Zyrtarët gjetën një tjetër paketë me drogë në ujë, pas kërkimeve të shtëpisë së tij si dhe të automjeteve.

Policia nuk ka gjetur ende trupin e Jan Prengës ndërkohë që konfirmon se e kanë vrarë dhe groposur. /abcnews.al

Herman_Kahn_Award_Pompeo_88712.jpg-03a4e_c0-221-5284-3301_s885x516.jpg
So Nila19:28 | 24/01/2020

Sekretari amerikan i Shtetit, Mike Pompeo,  pritet që javën e ardhshme të zhvillojë një vizitë zyrter në Britani, në kuadër të një turneu rajonal që do të përfshijë edhe Ukrainën, Bjellorusinë, Kazakistanin dhe Uzbekistanin.

Departamenti amerikan i Shtetit ka ka konfirmuar se Pompeo do të udhëtojë drejt Londrës më 29 janar për një vizitë që synon të riafirmojë marrëdhënien speciale midis Shteteve të Bashkuara dhe Britanisë.

Kjo është një vizitë e e cila do të hzvillohet vetëm dy ditë para se të ndodhë Brexit-i apo dalja e Britanisë nga Bashkimi Evropian.

Ndër të tjera zëdhënësja Morgan Ortagus, e DASH  ka thënë se Pompeo do të diskutojë “mënyrat për të zgjeruar dhe thelluar marrëdhëniet tregtare” me kryeministrin britanik, Boris Johnson, dhe sekretarin e Jashtëm, Dominic Raab.

Pas Britanisë në datën 30 janar, Pompeo do të qëndrojë në Kiev, ku pritet që të takohet me presidentin e Ukrainës, Volodymyr Zelenskiy, dhe zyrtarë të tjerë të këtij vendi./abcnews.al

Elton-John.jpg
ger ta14:12 | 30/12/2019

Yje, politikanë por dhe shumë zyrtarë të policisë së reparteve anti terror. Janë këta emrat e atyre që ishin në listën e publikuar online gabimisht nga qeveria britanike: më shumë se mijëra emra personalitetesh që në fundvit do të marrin çmime, por dhe adresat e tyre të banimit dhe të punës.

Çdo gjë ka qëndruar online më shumë se një orë. Mes emrave më të njohur ishte dhe ai i Elton Xhon, lojtari i kriket Ben Stoks, ish lideri i partisë konservatore Jain Dankan Smith dhe kuzhinierja televizive Nadia Husein.

Dokumenti është publikua në faqen e qeverisë, dhe autoritetet këmbëngulin se është hequr pothuajse menjëherë, por faktet tregojnë se ka qëndruar on line rreth një orë. Zyra e qeverisë britanike u shpreh për BBC se po kontaktohej me të gjithë personat e përfshirë për të analizuar dëmin që iu është bërë. Në listën me 1.097 emra, përfshiheshin adresat e plota, me kodet postare, përfshirë këtu dhe disa zyrtarë policie të angazhuar në misione shumë delikate./abcnews.al

000.jpg
So Nila15:37 | 27/12/2019

Kryetarja e Komisionit Evropian, Ursula von der Leyen u pyet nëse do të ishte e mundur të bëhej një marrëveshje tregtare me U.K para përfundimit të periudhës së tranzicionit të Brexit.

Në një intervistë me Les Echos, von der Leyen tha se ajo është “shumë e shqetësuar” për kohën e kufizuar për të negociuar një marrëveshje tregtare me U.K.

“Më duket se të dyja  palët duhet të pyesin seriozisht veten nëse të gjitha këto negociata janë të mundura në një kohë kaq të shkurtër. Unë mendoj se nëse është e nevojshme, të bien dakord për zgjatjen e periudhës së tranzicionit, “tha ajo.

Sh.B.A shpreson që një marrëveshje tregtare e BE-së duhet të finalizohet gjatë periudhës së saj të tranzicionit, e cila është caktuar të fillojë nga fillimi i shkurtit deri në fund të vitit 2020, dhe Kryeministri Boris Johnson ka thënë se ai nuk do të zgjasë negociatat përtej kësaj date.

Von der Leyen shtoi se vendet që duan të hyjnë në tregun e vetëm të BE-së “duhet të pranojnë parimet dhe vlerat e saj të përbashkëta”, ose do të duhen të  përballen me pengesa.

Kreu i Parlamentit Evropian David Sassoli i bëri jehonë këtyre pikëpamjeve në një intervistë për Berliner Morgenpost të botuar premten: “Është e qartë se avantazhet e anëtarësimit në BE nuk mund të merren nga jashtë. As nuk do të lejojmë një marrëveshje në të cilën Britania e Madhe të ketë akses të plotë në tregun e brendshëm, por në të njëjtën kohë kjo mund të dëmtojë standardet e larta sociale, të punës dhe ekologjinë, “tha ai.

Para se të fillojnë negociatat tregtare, si parlamenti i SHBA-së ashtu edhe ato evropiane duhet së pari të kalojnë Marrëveshjen e Tërheqjes që do ta shihte Britaninë të linte bllokun më 31 janar.

Sassoli tha se nëse Marrëveshja e Tërheqjes merr dritën e gjelbër nga parlamenti amerikan, nuk ka të ngjarë të kundërshtohet nga homologu i saj në BE./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono