brenton tarrant

skanderbeg.jpg
G. P.15:40 | 15/03/2019

Në armët e autorit të masakrës në Zelandën e Re ishin shkruar emra personalitetesh të ndryshme, ndër të cilët figuron dhe ai i heroit tonë kombëtar Skënderbeu, por dhe ai i Gjergj Arianitit.

Në fotografitë e publikuara nga mediat kosovare të armëve të autorit të masakrës në Zelandën e re, lexohen qartësisht dhe emrat që 28-vjecari Brenton Tarrant kishte shkruar. Indeksonline raporton se në mesin e shumë emrave të shkruar në armë, shihet edhe ai i heroit kombëtar, Gjergj Kastrioti-Skënderbeu.

Përveç emrit të tij janë dhe ata të shkruar në germa cirilike të Marko Milajnov, Stefan Lazar dhe Milos Obiliç. Këta janë emrat e Dukës së Malit të Zi dhe princit serb, i njohur si ‘Car Lazari’.

Më tej, thuhet se në momentet e para të filmimit të publikuar nga ai vetë pak para sulmit në sfond dëgjohen këngë serbe nga kasetofoni i automjetit të tij. Sipas mediave kosovare dëgjohet një këngë serbe e viteve ‘90 për ish-liderin serb të Bosnjës, Radovan Karagjiç i njohur edhe si “kasapi i Bosnjës”, i cili është dënuar për krime lufte.

Në këngë ndër të tjera thuhet: Karaxhiç udhëhiq serbët e tu. Në armë shkruhej gjithashtu ‘Serbia ime’. Kjo armë, nga e cila humbën jetën 50 persona dhe u plagosën dhjetëra të tjerë ishte e mbuluar me emra të personaliteteve të njohura shqiptare dhe botërore.

Përveç emrit të heroit Gjergj Kastrioti-Skënderbeu, Car Llazarit e disa të tjerëve, në të bie në sy edhe emri i Gjergj Arianitit. Gjergj Arianiti ishte vjehrri i Skënderbeut, babai i Donika Kastriotit. Gjergj Arianiti ishte një luftëtar i shquar i kohës./abcnews.al

berenton-tarrant.jpg
G. P.12:43 | 15/03/2019

Në manifestin e Brenton Tarrant, autorit të masakrës në Zelandën e Re, përmenden dhe vrasje të tjera që duhen kryer si ajo e Angela Merkel, presidentit turk Erdogan dhe kryebashkiakut të Londrës Sadik Khan. Të gjithë këta persona që sipas tij duhen eliminuar fizikisht për dëmin që I kanë bërë të bardhëve

“Angela Merkel është e para në listë. Janë të paktë ata që kanë bërë më shumë dëme se ajo”. Kjo frazë lexohet ndër të tjera në manifestin e Brenton Tarrant, me titullin “Rivendosja e madhe”, i cili qarkullon ende në rrjetet sociale.

Tarant është 28-vjeçari nacionalist australian, përgjegjës i masakrave në xhamitë e Christchurch në Zelandën e Re. Si shkruhet në manifest, Tarrant dëshironte vdekjen e kancelares gjermane Merkel, presidentit turk Erdogan, dhe të kryebashkiakut të Londrës, muslimanit Sadik Khan. Objektivi i tij ishte çlirimi i Europës nga të gjithë pushtuesit: romë, afrikanë, indianë, turq, semitë.

Tarrant shkruan se personi që e ka frymëzuar më shumë është Kandas Ouens: një aktiviste dhe komentatore amerikane filo Trump. Dhe kreu i Shtëpisë së Bardhë citohet si simbol i identitetit të bardhë të rinovuar. Një nga sloganët e shkruar nga ai është: “Hiqini të gjithë pushtuesit, rimerrni Europën në dorë”.

Tarrant bën apel dhe për vrasjen e atyre që lobojnë kundër të bardhëve pasi konsiderohen si tradhtarë, dhe si të tillë duhen shkatërruar. Në manifestin e publikuar në internet pak para masakrës, Tarrant përmend shumë nga tezat e Anders Behring Breivik, autorit të masakrës në Utoia në vitin 2011, një nacionalist, anti-BE dhe ksenofob.

Fija lidhëse e dy manifesteve është gjenocidi i të bardhëve që po ndodh aktualisht, sipas tyre. Si Tarrant dhe Breivik theksojnë se gratë e bardha duhet të kenë të paktën nga dy fëmijë, në rast të kundërt të bardhët do të zhduken. Në armët e tij, Tarrant shkruan ndër të tjera “Vienna 1683”. Një datë simbol: ajo e pushtimit të dështuar të otomanëve. Dhe Breivik e përdori si një datë simbol, duke parashikuar dëbimin e të gjithë emigrantëve nga Europa brenda vitit 2083, katër shekuj pas sulmit të dështuar të Vjenës.

Tarrant mes objektivave të tij rreshton dhe shkatërrimin e xhamive dhe minareve të Kostandinopojës sepse turqit sipas tij duhet të qëndrojnë në lindje të Bosforit. Tarrant e përshkruan veten si një australian me prindër me origjinë skoceze, irlandeze dhe angleze. Një jetë normale, por njësoj si Breivik, nuk ka ndjekur universitetin pasi do të shpërqendrohej nga misioni i tij. Në kohën e vrasjeve Breivik ishte 32 vjeç, por nisi të shkruante manifestin e tij politik në moshën 29-vjeçare. Ndërsa Tarrant është 28 vjeç./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono