brazil

7989606-0-image-a-2-1546269894020_1546348237-4844341-600x360.jpg
So Nila14:33 | 04/12/2019

Ngjarja ka ndodhur në Goias, Brazil. Sinzimbra, që është avokate, tha se i dashuri i saj ishte nervozuar pasi ajo la dhuratë në një lokal që e vizituan bashkë me shoqëri po atë ditë.

Ajo e ka fshehur kamerën në telefonin e vendosur në dhomë gjatë diskutimit të ashpër që kishin, ku avokatja i kërkonte të largohej. Në atë moment, ai e rrahu keq.

I dyshuari, me të cilin Luciana ishtë në një lidhje 3 vjeçare, nuk u arrestua, por nuk ka të drejtë t’i afrohet asaj gjatë hetimeve që po zhvillohen./abcnews.al

Gabigol.png
Igli Nikolli12:36 | 01/12/2019

Gabriel Barbosa mori kritika të shumta gjatë aventurës së shkurtër tek Inter. Huazimi te Flamengo në janar të këtij viti i ka bërë shumë mirë dhe e ka rikthyer në një makineri golash. Dy realizimet në minutat e fundit të finales kundër River Plate i dhuruan trofeun e Kupës Libertadores ekipit nga Rio De Janeiro.

23-vjeçari ndihet për mrekulli dhe është rritur shumë. Në prononcimin e dhënë për A Bola, Gabigol ndalet edhe te Jorge Jesus, trajneri i Flamengos. 65-vjeçari portugez drejtoi ekipin brazilian drejt triumfit në Libertadores dhe kampionat, teksa sulmuesi nuk i kursen elozhet për të.

Nuk pendohem për zgjedhjet që kam bërë. I kam marr vendimet në bashkëpunim me familjen time. E kam shprehur edhe më parë, disa gjëra në vitet e fundit nuk kanë shkuar ashtu siç kam dashur. Nuk u dorëzova kurrë, e dija që do të vinte kthesa. Trajneri ka pasur shumë besim tek unë. Ma bëri të qartë se beson te potenciali im.

Bisedojmë shpesh së bashku dhe diçka e tillë ka qenë thelbësore për rritjen time dhe të gjithë lojtarëve. Kam punuar me shumë trajnerë, të cilët më kanë ndihmuar të rritem si futbollist dhe si njeri. Tani jam një tjetër lojtar në aspektin teknik, taktik dhe fizik. Jesus më ka dhuruar një vizion ndryshe nga të tjerët. I jam shumë mirënjohës, më ka ndryshuar jetën“, përfundon sulmuesi brazilian. /abcnews.al

Flamengo-1.png
Igli Nikolli12:51 | 29/11/2019

Tifozët e Flamengos përjetuan emocione të mëdha në finalen e Kupës Libertadores përballë River Plate. Gabriel Barbosa shënoi një dygolësh në minutat e fundit, përmbysi avantazhin e argjentinasve dhe dërgoi trofeun e madh në Rio De Janeiro.

Klubi brazilian ia doli të fitonte dhe titullin kampion, teksa po mendon për merkaton. Objektivi i madh është Diego Costa sipas raportimeve të Goal dhe El Mundo Deportivo. 31-vjeçarit i përfundon kontrata me Atletico Madrid në verën e vitit 2021 dhe klubi iberik kërkon 25-30 milionë euro për ta lënë të lirë.

Diego Costa dhe Luis Felipe gjatë kohës që ishin pjesë e Atleticos

Një shifër e tillë nuk është aspak problem për kampionët e Amerikës Latine, por ajo që shqetëson është rroga e Diego Costës. Sulmuesi përfiton 8 milionë euro në sezon dhe do i duhet ta ulë pak atë për t’u transferuar në Brazil. Luis Felipe, i cili la Atleticon verën e kaluar për të kaluar te Flamengo, është personi që ka bindur drejtuesit e klubit që të investojnë te Diego Costa. /abcnews.al

brasili-1280x628.jpg
nev ila15:00 | 22/11/2019

Vendimi për të nderuar figurën e diktatorit të Kilit, Pinocet, nga ana e parlamentit të Brazilit, ka shkaktuar indinjatë dhe polemika në vend. Ceremonia solemne do të mbahet në 10 dhjetor, në ditën ndërkombëtare të të drejtave të njeriut.

Parlamenti i Brazilit do bëjë homazhe në 10 dhjetor për diktatorin e Kilit Augusto Pinocet. Deklarata shokuese u bë nga vetë parlamenti, dhe u vendos për datën 10 dhjetor kur festohet dhe dita ndërkombëtare për të drejtat e njeriut.

Ceremonia solemne në kujtim të Pinocet do të mbahet pas kërkesës së deputetit Frederiko D’Avila, i partisë social liberale, parti me të cilën kandidati i ekstremit të djathtë Bolsonaro fitoi zgjedhjet presidenciale në vitin 2018.

“Pinocet” është bërë trendi i tretë më i komentuar në Tuiter, në Brazil, pasi mediat publikuan lajmin. Çështja ka shkaktuar polemika dhe debate mes përdoruesve të platformës sociale.

Presidenti Bolsonaro – i cili ka bërë homazhe dhe për një torturues të diktaturës braziliane, Alberto Brilante Ustra, dhe që miraton regjimin ushtarak Brazilian – në shtator shkaktoi polemika dhe indinjatë me festimin në nder të diktaturës kiliene.

Presidenti aktual i Kilit, Sebastian Pinera, dhe pse është një aleat i Bolsonaro, dënoi deklaratat e homologut Brazilian./abcnews.al

Gabigol.png
Igli Nikolli14:47 | 21/11/2019

Gabriel Barbosa po shkëlqen te Flamengo, aty ku është i huazuar. Sulmuesi ka shënuar 31 gola në të gjithë kompeticionet. Kuqezinjtë renditën në vend të parë në kampionatin brazilian dhe të shtunën do të tentojnë fitimin e Kupës Libertadores. Përballë janë kampionët në fuqi të River Plate.

23-vjeçari, i cili është në pronësi të Interit, ka folur rreth së ardhmes së tij në një prononcim për AS. Gabigol është gati të luajë kudo, por e ka një preferencë për vazhdimin e karrierës.

Brasileirao është një nga kampionatet më të luftuar në botë. Jam gati për të shënuar të tjerë gola në Brazil, Angli, Gjermani dhe Spanjë, kudo që të luaj. La Liga spanjolle më pëlqen shumë. Luhet një futboll i shpejtë dhe teknik. Inter? Me pak më shumë vazhdimësi mund të bëja më mirë, por Italia më ka mësuar shumë gjëra“, thekson sulmuesi brazilian. /abcnews.al

burri.jpg
Autor E18:45 | 20/11/2019

Kamerat e sigurisë kanë kapur një moment tronditës në një nga rrugët e qytetit Buzios në Brazil teksa një grua i ka shpëtuar abuzimit seksual.

Teksa ajo ishte duke ecur anë rrugës me një çadër për t’u mbrojtur nga shiu, anash i afrohet një makinë tip “Ford KA”, brenda të cilës ishte një burrë krejtësisht i zhveshur.

Papritur burri zbret nga makina dhe e ndjek gruan nga pas, por ajo largohet e tmerruar duke thirrur në ndihmë banorët që gjendeshin afër.

Ky moment nuk është fiksuar nga kamerat e sigurisë, ndërsa në fund kapet momenti kur burri kthehet në makinë dhe ikën nga vendi i ngjarjes.

Përdhunimet janë një problem i madh në Brazil dhe autoritetet po shtrëngojnë ligjet për të dënuar më ashpër abuzuesit e kësaj natyre.

Shikoni VIDEON

Brasil.png
Veronik Istrefaj16:31 | 19/11/2019

Brazili ka luajtur sot një ndeshje miqësore përballë Koresë së Jugut dhe ka triumfuar me rezultatin e pastër 3-0. Pesë herë kampionët e botës ishin shumë të fortë për kombëtaren aziatike dhe nuk e vunë për asnjë moment në diskutim këtë takim.

Ishte ylli i Milanit, Lucas Paqueta, ai që shënoi golin e parë në këtë sfidë, që në minutën e nëntë të sfidës. Ky gol i mesfushorit kuqezi, i hapi udhë suksesit të “Seleçao”. Në të 36-ën, Philippe Coutinho do të shënonte një supergol, nga goditja e dënimit. Pjesa e parë u mbyll me rezultatin 2-0.

Në të dytën, Brazili e hoqi disi këmbën nga gazi, por sërish arritën të shënonin. Mbrojtësi Danilo shënoi golin e tretë dhe të fundit të sfidës në minutën e 60-të./abcnews.al

Miqësore

Brazil – Kore e Jugut  3-0
Paqueta 9′, Coutinho 36′, Danilo 60′

brazil.png
Vladimir Prenga15:48 | 19/11/2019

Brazili po luan kundër Koresë së Jugut një miqësore dhe po udhëheq me rezultatin 3-0. Dy golat e parë të takimit janë realizuar në që në pjesën e parë dhe fillimisht ishte Paqueta ai i cili zhbllokoi shifrat me një goditje me kokë.

Ishte Coutinho ai që bëri një lëvizje të bukur brenda zonës dhe më pas pasoi për Renan Lodi. Ky i fundit krosoi në zonë dhe numri “10” i Brazilit gjeti rrugën e rrjetës, në një javë ku për të nuk kanë munguar sulmet dhe kritikat.

Golin e dytë e shënoi vetë Coutinho. Mesfushori i Bayern Munich ekzekutoi në mënyrë perfekte një goditje dënimi, duke e shtangur portierin kundërshtar. Kur kanë kaluar një orë lojë, ka shënuar edhe Danilo, me një goditje të fortë nga jashtë zone. /abcnews.al

ronaldo-danilo.jpg
Vladimir Prenga10:40 | 17/11/2019

Cristiano Ronaldo është shembulli tipik i lojtari që punon shumë dhe falë kësaj ka rezultate shumë të larta dhe pa diskutim që tani është një nga futbollistët më të mëdhenj të të gjitha kohërave. Portugezi ka fituar shumë trofe, individualë dhe me klube.

Gjithashtu ka fituar edhe Europianin me Portugalinë, ndërkohë që së fundmi është braziliani Danilo që zbulon një prapaskenë të Ronaldos. “Një herë ai më tha se nëse do të kishte luajtur me Brazilin, tani do të kishte pesë Kupa Bote më shumë”, ka thënë mbrojtësi, i cili e ka pasur shok skuadre portugezin edhe te Reali i Madridit.

“E kam njohur kur luante te Reali dhe e kam ritakuar sërish këtu te Juventusi. E aplikon futbollin në njëfarë mënyre si ‘maniak’, duke u kujdesur për çdo detaj. Kjo tregon se sukseset nuk vijnë rastësisht, por duhen kërkuar”, është shprehur Danilo. /abcnews.al

Paqueta.png
Igli Nikolli17:17 | 16/11/2019

Gol i Leo Messit i dhuroi fitoren Argjentinës në miqësoren e luksit kundër Brazilit. Rivaldo ka luajtur e fituar shumë me kombëtaren e tij, por ish-kampioni i botës dhe ish-fituesi i “Topit të Artë”, nuk shqetësohet nga humbja. Ai ka një siklet tjetër, fanellën me numër 10.

Ajo është shumë e shenjtë në Brazil, teksa në ndeshjen e djeshme u mbajt mbi shpinë nga Lucas Paqueta, i cili zëvendësoi Coutinhon në pushim të ndeshjes. Rivaldo ua kujton të gjithëve rëndësinë e këtij numri, mbron milanistin dhe ka një mesazh të fortë për trajnerin Tite e stafin e tij teknik me anë të një prononcimi në rrjetet sociale.

Pashë miqësoren kundër Argjentinës dhe ndjeva trishtim me atë që i ka ndodhur fanellës me numrin 10. Ia kishin dhënë Paqueta-s, por ajo fanellë respektohet në të gjithë botën. Nuk mund t’i jepet dikujt që qëndron në stol ose luan një pjesë loje. E kanë veshur Pele, Rivelino, Zico, Rivaldo, Kaka, Ronaldinho dhe Neymar.

Nuk dua të fajësoj lojtarin, por Tite dhe stafi i tij e dinë peshën e atij numri. Nuk mund të djegin një 22-vjeçar, i cili mund të ketë të ardhme fantastike. Paqueta duhet mbrojtur, njësoj si ndodhi me Rodrygo, i cili tani po zhvillon ndeshje shumë të mira me Real Madrid“, përfundon Rivaldo. /abcnews.al

 

View this post on Instagram

 

Assisti o jogo entre Brasil ?? x Argentina ?? e fiquei muito triste de ver o que aconteceu com a camisa 10. Deram a camisa 10 para o Paquetá contra a Argentina. Camisa que é respeitada mundialmente. Esta camisa não é para ficar no banco e muito menos sair no intervalo, porque é a camisa que o mundo conhece e respeita porque foi usada e honrada por Pelé, Rivelino, Zico, Rivaldo, Kaká, Ronaldinho, Neymar. O jogador não tem culpa, mas a comissão técnica sim, pois eles sabem do peso desta camisa e também que poderia queimar o garoto de 22 anos que pode ter um grande futuro com a seleção brasileira. Da mesma forma que o treinador quis proteger o Rodrygo, que está jogando muito bem no Real Madrid, para esse jogo, poderia ter protegido o Paquetá de jogar com essa camisa. Todos nós sabemos que Brasil ?? e Argentina ?? nunca será um jogo amistoso.

A post shared by Rivaldo Ferreira (@rivaldo) on


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono