boris johnson

boris.jpg
ger ta14:41 | 03/12/2019

Një sistem elektronik që kontrollon hyrjet, I ngjashëm me atë që është në fuqi për vizat në Shtetet e Bashkuara të Amerikës, edhe për të hyrë në Britaninë e Madhe. Kjo është procedura të cilës do i nënshtrohen të gjithë qytetarët e huaj përfshirë dhe ata të vendeve të Bashkimit Europian, pas Brexit dhe periudhës së tranzicionit.

Kjo është një nga masat e parashikuara nga program për emigracionin i partisë konservatore britanike të Boris Xhonson. Një program i cili u prezantua nga ministri i Brendshëm britanik Priti Patel.

Objektivi i qeverisë aktuale britanike, ashtu si dhe është përsëritur nga Xhonson në fushatë elektorale në kuadër të zgjedhjeve të 12 dhjetorit, është ndalimi i fluksit të emigrantëve, sipas modelit të filtrimit që aplikohet në Australi.

Një model që për qytetarët e Bashkimit Europian do të nënkuptojë, në rast fitoreje të konservatorëve, se do të trajtohen njësoj si emigrantët. Madje konservatorët këmbëngulin që duke filluar nga 1 janari 2021, dhe nëse qytetarët europianë do të vizitojnë Britaninë e Madhe si turistë, do të duhet të plotësojnë fillimisht disa formularë – të ngjashëm me ata amerikanë – dhe të presin vizën tre ditë para se të vendosin të shkojnë në cdo aeroport apo port të vendit.

Ministri i Brendshëm britanik deklaroi se për shkak të ligjeve të Bashkimit Europian, në Britaninë e madhe hyjnë armë dhe drogë nga Europa, duke rritur rrezikun e dhunës dhe varësisë nga droga. Pas Brexit, theksoi ai, kufijtë britanikë do të jenë më të sigurtë./abcnews.al

 

 

 

jonson-1280x720.jpg
in a12:40 | 25/11/2019

Pak ditë para zgjedhjeve të përgjithshme në Britaninë e Madhe, Boris Johnson prezanton planin e tij 58 faqësh për rindërtimin e vendit. Një plan që sipas liderit të laburistëve Korbin, është shkruar nga të pasurit.

Ai shprehet se objektivi kryesor mbetet Brexit, duke marrë masa më të ashpra për emigracionin, reformën shëndetësore, pezullimin e taksave, premtime këto për të marrë votën e konservatorëve dhe për të rindërtuar Mbretërinë e Bashkuar.

I pritur si një yll i muzikës rock nga mbështetësit e tij, kryeministri britanik në detyrë Boris Xhonson prezantoi 18 ditë para zgjedhjeve, planin e tij prej 58 faqesh. Një plan i përbërë nga detyra dhe premtime ku ndër të tjera janë 50 mijë vende pune dhe bursa infiermierësh. Ndërsa me mijëra të tjerë do të jenë mjekë familjeje. Ndër të tjera Xhonson premtoi se do të ketë 20 mijë agjentë policie më shumë për sigurinë e britanikëve, dhe do të ketë dënime më të rënda për ata që bëjnë krime. Ndërsa për emigracionin ai propozoi që të ndiqej shembulli i Australisë, dhe se paralelisht çdo javë do të investohen me miliona në shkencë, arsim dhe infrastrukturë. Në fund të fjalës së tij Xhonson u shpreh i vendosur se brenda 2050-ës vendi do të jetë në të njëjtin nivel me ekonomitë më të mëdha në botë dhe kjo falë politikave të bazuara në energjitë e pastra.

Por rivali i tij Xheremi Korbin, lideri i laburistëve, reagoi menjëherë duke thënë se programi i tij është për super të pasurit pasi sipas tij këta të fundit e kanë shkruar programin dhe britanikët do të jenë ata që do e paguajnë./abcnews.al

TELEMMGLPICT000216717430_transDKGDQpemwFDOZcDYGh2bvgabHNDKKjNFhT9njmcUO7U-1280x800.jpeg
nev ila10:54 | 20/11/2019

Më 12 dhjetor Britania e Madhe shkon në zgjedhje të parakohshme, por që në fakt konsiderohet më shumë si një referendum i dytë për Brexit. Debati i parë televiziv mes dy rivalëve kryesorë, kryeministrit Xhonson dhe laburistit Korbib. Sondazhet e fundit tregojnë një rritje të mbështetjes për Korbib.

Zgjedhjet e përgjithshme në Britaninë e Madhe në fakt konsiderohen si një referendum i dytë për Brexit. Në debatin televiziv mes kryeministrit Boris Xhonson dhe liderit laburist Xhetemi Korbin, për zgjedhjet e 12 dhjetorit në Mbretërinë e Bashkuar u diskutua vetëm për një gjë: daljen e vendit nga Bashkimi Europian.

Xhonson mbrojti me cdo argument marrëveshjen e tij ndërsa Korbin tha se do të rinegocionte një marrëveshje të re me Bashkimin Europian dhe do të rivendosë sërish në duart e britanikëve një referendum për Brexit.

Xhonson u shpreh se nëse Londra merr atë që do nga Brexit, vendi do të dalë i paprekur – Angli, Skoci, Uells, Irlandë e veriut – dhe se ka një ndryshim të madh mes asaj që ai propozon dhe qëndrimit të Korbin i cili ende nuk thotë se në cilën anë do të bëjë fushatën elektorale.

Por ky i fundit këmbënguli në idetë e tij duke thënë se Brenda tre muajsh do të rinegociojë një propozim të besueshëm për daljen e vendit nga BE, dhe Brenda gjashtë muajsh do të mbahet një referendum i dytë. Pasi sipas tij do të jetë populli britanik që do të vendosë për daljen nga Bashkimi europian.

Në fund të dy kanë shtrënguar duart, ndërsa mediat britanike raportojnë se Korbin është rritur ndejshëm në sondazhe. Pas një ore debate, sondazhet treguan se publiku mbështeste 51% Xhohnson dhe 49% Korbin.

Ndërkohë janë parashikuar debate të tjera televizive para zgjedhjeve, si ai 60 dhjketorit sërish me Xhonson dhe Korbin. Ndërsa në fund do të ketë një debat mes të gjithë liderëve dhe ata të partive të vogla./abcnews.al

johnson-1.jpg
nev ila11:55 | 06/11/2019

Kryeministri britanik Boris Xhonson ka zyrtarizuar nisjen e fushatës elektorale duke prezantuar edhe platformën e konservatorëve. Ai akuzoi liderin e laburistëve Xheremi Korbin se është njësoj si Stalini.

Një manifest elektoral i përqendruar në premtimin për aktivizimin e Brexit pa asnjë shtyrje tjetër, por dhe mbi vullnetin për të përfaqësuar një alternativë ndaj laburistëve të Xheremi Korbin.

Është kjo platform e partisë konservatore britanike në kuiadër të zgjedhjeve të 12 dhjetorit, e që u publikua në Daily Telegraf nga Boris Xhonson vetëm pak fillimit zyrtar të fushatës elektorale. Kryeministri britanik akuzon Korbi se urren të pasurit dhe ekonominë e tregut, si dhe që mbështet ekstremin e majtë në kufijtë e stalinizmit.

Xhonson thekson se tragjedia e partisë moderne laburiste nën drejtimin e Xheremi Korbin, është se urren promovimin e fitimit sa që sulmon dhe individë të vecantë, me një zili, dhe shpirt hakmarrjeje, i cili nuk shihej që në kohën kur Stalini persekutonte kulakët.

Për pjesën tjetër kryeministri britanik këmbëngul për daljen e menjëhershme nga Bashkimi europian si një hap i rëndësishëm për respektimin e referendumit të 2016-ës dhe për të lejuar vendin që të shohë përpara. Ai bëri apel që të mos votohet asnjë kandidat i cili është kundër Brexit, duke shtuar se nuk dëshironte zgjehdje të reja, por ishte e vetmja rrugë.

Kishte vetëm një mënyrë për të përfunduar Brexit, u shpreh ai, dhe ajo ishte t’u kërkoje njerëzve të ndryshojnë këtë parlament që po e bllokon.

Propozimi i liderit laburist Xheremi Korbin për një rinegociim me Bashkimin Europian dhe një marrëveshje e re për tërheqjen e Mbretërisë së Bashkuar nga BE, është jo reale.

Kështu u shpreh presidenti në largim i komisionit europian Zhan Klod Junker, duke sqaruar se i përket komisionit europian të vendosë nëse ka hapësirë për një marrëveshje të re apo jo./abcnews.al

brex-1.jpg
ad min18:45 | 24/10/2019

Boris Johnson ka thënë se ai do t’u japë deputetëve më shumë kohë për të debatuar mbi marrëveshjen e tij të Brexit, por vetëm nëse ata bien dakord për zgjedhje të përgjithshme më 12 Dhjetor. Kryeministri i tha BBC-së se priste që BE të jepte një kohë shtesë për afatin e tij të 31 tetorit, edhe pse ai “me të vërtetë” nuk e dëshironte një të tillë. Ai i kërkoi laburistëve që të mbështesin mbajtjen e zgjedhjeve në një votim që planifikon të zhvillojë javën e ardhshme.

BE pritet të japë të premten verdiktin për shtyrjen e Brexitit për tre muaj, ose më pak kohë se kaq, Në një letër drejtuar udhëheqësit të laburistëve, Jeremy Corbyn, zoti Johnson thotë se “opsioni i tij i preferuar” është një shtyrje e shkurtër “le të themi në 15 ose 30 nëntor”. Në atë rast, shkruan ai, ai do të përpiqet të kalojë marrëveshjen e tij përmes Parlamentit përsëri, me mbështetjen e laburistëve.

Kryeministri shton se ai “supozon se zoti Corbyn” do të bashkëpunojë me të për të miratuar marrëveshjen e re Brexit, në mënyrë që më mirë te dalin me një marrëveshje të re sesa pa asnjë marrëveshje. Nëse, siç pritet gjerësisht, vonesa për Brexit do të jetë deri në fund të janarit, zoti Johnson thotë se do të zhvillojë votim në dhomën e komuneve javën tjetër për mbajtjen e zgjedhjeve më 12 dhjetor.

Nëse laburistët bien dakord me këtë, qeveria thotë se do të përpiqet të kalojë marrëveshjen e saj në parlament para se ai të shpërndahet për fushatën në 6 nëntor. “Nëse ata (deputetët) me të vërtetë duan më shumë kohë për të studiuar këtë marrëveshje të shkëlqyeshme, ata mund ta kenë atë – por ata duhet të bien dakord për zgjedhje të përgjithshme në 12 dhjetor”, tha Johnson./ABC News Albania

british-1280x853.jpg
ad min23:15 | 22/10/2019

Kryeministri britanik Boris Johnson tha sonte se qeveria do ta tërheqë legjislacionin që lidhet me marrëveshjen e arritur me Bashkimin Evropian për Brexit derisa Unioni të vendosë nëse do të shtyjë datën e planifikuar për shkëputjen e Britanisë, 31 tetorin.

Parlamenti në Londër hodhi poshtë planet e qeverisë për ta përshpejtuar miratimin e legjislacionit deri të enjten e javës se ardhshme. Pas këtij vendimi Johnson tha se do të bisedojë me vendet anëtare të BE-së dhe derisa ata të marrin një vendim do ta ndalet procesi i miratimit të ligjit.

Fillimisht u duk sikur Kryeministri britanik Boris Johnson kaloi një pengesë sonte kur ligjvënësit miratuan në parim projektligjin e tij për largimin e vendit nga Bashkimin Evropian.

Por një votim tjetër i parlamentit po këtë mbrëmje, për një afat të përshpejtuar të Brexit i prishi planet e tij për ta larguar Britaninë nga Bashkimi Europian më 31 Tetor./ABC News Albania

brexit-3-1280x769.jpg
ad min14:44 | 19/10/2019

Mediat britanike raportojnë se dhe nëse nuk do të ketë shtyrje të votimit për marrëveshjen e arritur për Brexit, në parlamentin britanik, sërish ajo nuk do të miratohej. Marrëveshjes i duhen të paktën 320 vota për t’u miratuar në Parlament.

Një e shtunë e rëndësishme kjo për Brexit. Parlamenti britanik pritet të vendosë për marrëveshjen e re të arritur dy ditë më parë mes Mbretërisë se Bashkuar dhe Bashkimit Europian. Sipas mediave britanike, për shkak të debateve në parlament, nuk do të ishte çudi nëse do të shtyhej votimi.

Kjo është hera e parë që nga viti 1982, që parlamenti britanik mblidhet të shtunën. Debatet e para kishin të bënim me amendamentet e prezantuara një ditë më parë nga ish deputeti konservator Oliver Letuin. Nëse ato miratohen, votimi për marrëveshjen për Brexit do të shtyhej pasi parlamenti të ketë miratuar legjislaturën e duhur për implementimin. Një shtyrje vote që do të detyronte kryeministrin Johnson që të negociojë një shtyrje të re me Bashkimin Europian.

Amendamentet e Letuin i japin zë mosbesimit dhe dyshimeve të një pjese të madhe të deputetëve. Frika është se në rast të një marrëveshjeje, krahu më i ashpër i konservatorëve pro Brexit, të fundosë miratimin e impiantit legjislativ të domosdoshëm Brenda pak ditëve që ndajnë vendin nga 31 tetori; kjo për të shkaktuar një dalje pa marrëveshje

Në fjalën e tij të hapjes në parlament, Johnson  u shpreh se një shtyrje do të ishte e pamenduar, e kushtueshme dhe do të dëmtonte besimin publik. Kryeministri theksoi se një shtyrje tjetër pas tri vitesh e gjysmë nuk do të kishte kuptim në momentin që në tryezë ndodhet një marrëveshje e madhe që mund të miratohet.

Lideri laburist Jeremy Corbin theksoi se nuk do të votojë pro marrëveshjes pasi nuk ka besim tek qeveria aktuale, sipas tij marrëveshja e arritur nga Johnson do të ishte e dëmshme për ekonominë e vendit, për të drejtat e punëtorëve dhe ambientin.

Marrëveshjes i duhen të paktën 320 vota që të miratohet por rezultati i votimit mbetet ende i paparashikueshëm. E vetmja siguri është se kryeministri nuk mund të mbështetet te partia unioniste e Irlandës së veriut, sipas së cilës marrëveshja e re parashikon një ndryshim të papranueshëm në trajtim mes Britanisë së Madhe dhe Irlandës së Veriut.

Por dhe partia kombëtare skoceze është shprehur kundër kësaj marrëveshjeje. Johnson ka nga ana e tij krahun e ashpër të konservatorëve dhe sipas mediave britanike, dhe rreth 30 deputetë ish konservatorë dhe laburistë./ABC News Albania

brexit-1.jpg
ad min12:07 | 16/10/2019

Një zgjidhje e mundshme e ngërçit irlandez mund të jetë dhe pengesa e fundit për arritjen e marrëveshjes mes Londrës dhe Brukselit për Brexit. Mediat britanike raportojnë se marrëveshja në fakt është arritur dhe se teksti i saj do të publikohet gjatë ditës së sotme.

Bashkimi Europian dhe Mbretëria e Bashkuar janë një hap larg arritjes së marrëveshjes për Brexit. Sipas britanikes “Guardian”, teksti i marrëveshjes mund të bëhet publik gjatë ditës së sotme.

Kryeministri Boris Johnson ka pranuar të bëjë lëshime për të zgjidhur ngërçin irlandez, duke njohur disa mënyra të kontrollit doganor mes Irlandës së Veriut dhe Mbretërisë së Bashkuar por duke marrë në shkëmbim sigurinë se Londra dhe Belfast do të dalin nga Bashkimi Europian duke qëndruar nga ana tjetër si një territor i vetëm doganor.

Ekipet negociatore kanë rënë fillimisht dakord për faktin se do të ketë një kufi doganor në detin e Irlandës, gjë që nuk ishte pranuar nga Theresa May, e cila e kishte konsideruar si një marrëveshje që asnjë kryeministër britanik nuk do e pranonte dot.

Një burim diplomatik konfirmoi se Irlanda e Veriut do të jetë “de jure” në territorin doganor të Mbretërisë së Bashkuar por “de facto” në Bashkimin Europian. Në këtë mënyrë Johnson mund ende të pretendojë se ka nxjerrë të gjithë Britaninë e Madhe nga Bashkimi Europian.

Gjithsesi, nëse marrëveshja do të arrihet, Johnson do t’i duhet ende të marrë miratimin e parlamentit, ku ndodhet partia demokratike unionist e Irlandës së Veriut, konservatorët pro Brexit dhe grupi europian i kërkimit./ABC News Albania

mustafa-nano-1-1280x719.jpg
nev ila23:12 | 04/10/2019

Historia ka lidhje me një familje fantastike britanike. Bëhet fjalë për familjen Johnson, e cila është një familje shumë e komplikuar dhe shumë e sofistikuar.

Familja e Johnson është konservatore. Megjithatë në terma politik, familja Johnson është e përçarë sepse ata kanë votuar në mënyra të ndryshme për Brexit.

Boris Johnos është një nga nismëtarët për lëvizjen e Brexit. Rashela, motra e Johnson, ka votuar për qëndrimin e Britanisë në Bashkinë Europian.

Kjo gjë po diskutohet shumë në Britaninë e madhe. Boris Johnson mbajti një fjalim ku mes të tjerave tha:

“Unë e di që disa njerëz janë shumë të pasionuar pas përcarjes në familjen time lidhur me BE-në. Por unë e kam mbajtur një AS nën mëngë. Dhe AS-i im nën mëngë është: Nëna ime votoi kundër BE-së”  

Familja Johnson është një familje që nuk mund ta gjesh në Shqipëri.

Nuk mund të përfytyrohet një familje e ndarë në gjysmë. Gjithsesi Johnson nuk ka patur asnjë disavantazh nga kjo gjë dhe kjo ndodh sepse në Britaninë e madhe është individi që është qendra e shoqërisë.

Është individi që mban përgjegjësi për qëndrimet e veta, për përgjegjësitë e veta. Zgjedhjet që bën secili individ nuk lëndojnë harmoninë e kolektivit.

Në këtë rast është harmonia e familjes Johnson./abcnews.al

boris_johnson_11_cmexep.jpg
nev ila18:07 | 02/10/2019

Kryeministri britanik Boris Xhonson i ka bërë Bashkimit Europian propozimin final për Breksit, duke e shoqëruar atë më ultimatumin se në rast refuzimi, Mbretëria e Bashkuar do të dalë nga Unioni pa marrëveshje.

Kryeministri britanik Boris Xhonson i ka bërë ofertën përfundimtare Bashkimit Europian për Breksit dhe ka deklaruar se, në rast se blloku nuk bie dakord, Britania do të largohet pa një marrëveshje në fund të muajit.

Në këtë mënyrë, duke zgjedhur linjën e ashpër, Xhonson ka nisur publikimin e paketës së propozimeve, sipas tij konstruktive dhe të arsyeshme.

Me datën 31 tetor që po afron, ndihmësit e Xhonson pritet t’ia paraqesin zyrtarisht propozimet Brukselit, si përpjekjen e fundit të Londrës për të zhbllokuar ngërçin sa i takon kufirit irlandez dhe për të siguruar një largim të lehtë nga BE-ja.

“Ne do të dalim nga BE-ja më 31 tetor me ç’të mundemi”, u tha Xhonson anëtarëve të partisë konservatore.

Ai përdori termin “dashuri” për Europën në fjalimin e tij, që u fokusua kryesisht tek çështjet e brendshme si shëndetësia, ekonomia dhe krimi.

“Ne po parashtrojmë atë çfarë besojmë se janë propozime konstruktive dhe të arsyeshme, që ofrojnë mundësinë për një kompromis për të dyja palët. Të mos kemi dyshime se alternativa tjetër do të jetë dalja pa marrëveshje”, vijoi Xhonson.

Paketa me propozime bën thirrje për krijimin e një zone rregullatore në ishullin e Irlandës që eliminon kontrollet tregtare mes Irlandës së Veriut dhe Irlandës për të gjitha mallrat.

Zona rregullatore do të varet nga konsensusi i institucioneve të Irlandës së Veriut, që do të mbetet tërësisht pjesë e territorit doganor të Mbretërisë së Bashkuar – thotë dokumenti./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono