bore

260b39e8-b69e-4ba7-97b8-85f889851de2-1280x719.jpg
ent ela12:11 | 10/11/2019

Maja e Gjalicës në Kukës u zbardh nga dëbora, duke dhënë sinjalin e parë të dimrit që pritet të zbresë pas pak ditësh. Moti i paqëndrueshëm dhe me ulje të temperaturave, reshjet e shiut i shndërroi në reshje dëbore në lartësitë 1900 metra mbi nivelin e detit.

Gjatë natës pati dhe erëra të forta e për pasojë shkaktoi edhe probleme në disa akse rrugore e energji elektrike.

Shkarje dherash e inertesh pati në segmentin Kukës- Shishtavec, Margegaj Valbonë dhe Fierze Lekbibaj, ndërsa pesë fshatrat e njësisë Administrative të Shishtavecit janë pa energji elektrike. Burime të OSHE Kukës thonë se shkak është bërë një defekt në linjën e transmetimit si pasojë e motit të keq, ndërsa grupet e avarisë janë në punë për riparimin e defektit.

Në rrugët problematike është rikthyer qarkullimi, ndërsa moti duket drejt përmirësimit në orët e mesditës. /abcnews.al

policia-5.jpg
ad min23:26 | 11/04/2019

Cikloni “bombë” ka goditur pjesën qendrore të Shteteve të Bashkuara për të dytën herë brenda një muaji. Sipas mediave amerikane, stuhia ka shkaktuar ndërprerje të energjisë elektrike në disa mijëra shtëpi e biznese në Dakotën e Jugut, ku kanë rënë rreth 50 centimetra dëborë dhe ka patur erëra të forta.

Në zonën perëndimore të Nebraskës, janë mbyllur autostradat dhe është pezulluar qarkullimi rrugor dhe ajror në aksin nga Kolorado në Minesota. Ndërkohë, shkollat në Mineapolis shkollat janë mbyllur.

Situata më problematike mbetet në Minesota, ku brenda së premtes pritet të bjerë mbi 60 centimetra borë e ku policia u është përgjigjur të paktën 200 incidenteve. Muajin e kaluar, një tjetër ciklon “bombë”, përveçse solli dëborë shkaktoi edhe përmbytje të shumta në Nebraska, Misuri, Ajoua dhe Dakotën e Jugut.

motiiii.jpg
ad min13:45 | 12/03/2019

Temperaturat janë ulur ndjeshëm dhe rajoni i Korçës dhe ai i Dibrës është përfshirë nga reshjet e borës. Ndërkohë në det ka erë të forte dhe për këtë shkak është pezulluar lundrimi.

Kur banorët po besonin se e lanë pas dimrin, Dibra u zbardh nga bora këtë të martë. Brenda në qytet, trashësia e saj arriti deri në 10 centimetra, kurse në lartësinë mbi 800 metra mbi nivelin e detit, shkoi deri në 20 centimetra. Megjithatë nuk pati probleme me qarkullimin rrugor dhe as mungesë të energjisë elektrike.

Borë edhe në juglindje. Orëve të mëngjesit nisën reshje të dendura në lartësitë mbi një mijë metër. Në Dardhë, Voskopojë dhe Vithkuq u regjistrua mbi 10 centimetra borë, por rrugët drejt këtyre destinacioneve turistike janë të hapura dhe mjetet qarkullojnë normalisht. Të hapura janë edhe segmentet nacionale që lidhin Korçën me Kapshticën, Qafë Thanën dhe Kolonjën.

Në Ultësirë nuk pati borë, por era e fortë ka krijuar probleme për lundrimin. Në portin e Durrësit dhe të Vlorës u urdhërua pezullimi i lundrimit për anijet e tonazhit të mesëm dhe të ulët. Përkeqësimi i kushteve atmosferike pas mesnate solli vështirësi për anijet e peshkimit dhe në përpunimin e mallrave. Për këtë arsye u është kërkuar operatorëve të bëjnë kujdes në 24 orët e fundit pasi era në orët në vijim do të rrisë intensitetin e saj. /abcnews.al

bora-ne-diber.jpg
ad min09:04 | 12/03/2019

Me uljen e temperaturave gjatë natës, rajoni i Dibrës është përfshirë nga reshjet e dendura të borës. Siç informon gazetari ynë Neki Feta brenda ne qytet, trashësia ka arritur deri në 10 centimetra, kurse në lartësinë mbi 800 metra mbi nivelin e detit, bora ka shkuar deri në 20 centimetra.

Megjithatë nuk ka probleme për sa i përket qarkullimit rrugor dhe nuk ka mungesë të energjisë elektrike. Edhe ARRSH ka njoftuar se nga bora në verilindje të vendit nuk ka probleme./abcnews.al

49676627_671085436619402_2399274761403236352_o.jpg
ent ela10:05 | 28/01/2019

MeteoAlb ka përshkruar në vija të përgjithsme kushtet e motit për fundin e Janarit dhe fillimin e Shkurtit. Ditët e fundit të këtij muaji do të vazhdojnë të jenë me reshje shiu. Ndërsa në zonat malore mbi 700 m nga niveli i detit do të ketë reshje dëborë.

Sipas Meteoalb, temperaturat do të jenë tipike të dimrit për pjesën më të madhe të vendit, përjashtuar Verilindjen. Edhe muaji Shkurt, do të sjellë prezencë të shpeshtë të reshjeve ndërsa pritet edhe një hyrje e masave ajrore polare nga mesi i Shkurtit. Megjithatë, në tërësi muaji Shkurt do të sjellë temperatura më të larta se vlerat normale mujore./abcnews.la

diber-1280x648.jpg
ad min18:12 | 14/01/2019

Prefekti i Dibrës mblodhi Shtabin e Emergjencave pasditen e së hënës. Drejtuesit e institucioneve kryesore dhe kompanitë e mirëmbajtjes së rrugëve raportuan në lidhje me situatën , dhe masat e marra për përballimin e motit të keq. Situata më problematike është në hapjen e rrugëve rurale dhe lidhjen e fshatrave me rrugët kryesore apo me qytetet, ku sipas autoriteteve rezulton se ende një pjesë e madhe e fshatrave janë nën pushtetin e borës. Shkollat nuk janë hapur as ditën e sotme , pasi një pjesë e mirë e tyre nuk kanë dru zjarri për ngrohje, por edhe për shkak se nuk lëvizin furgonët që transportojnë nxënësit nga fshatrat.

Prefekti i Dibrës Nexhbedin Shehu: “Në fundjavë priten sërish reshje bore. Por nëse do marrim masat me hapjen e rrugëve dhe me hapjen e shkollave do e kemi më të lehtë për të menaxhuar situatën që na pret. Mirë është që  të hapen rrugët dhe të angazhohen njerëzit. Mirë është që njerëzit të angazhohen. Edhe në Gjermani po të shkoni, bashkia nuk ua hap rrugët deri te dera e shtëpisë. Atje dalin njerëzit e lagjes dhe me lopata hapin rrugën e vet. Bashkia hap vetëm rrugën e madhe, kështu ndodh në të gjithë botën. Çfarë nuk kemi parë në rrjtete sociale. Por, është puna e jonë edhe kjo që t’i mobilizojmë njerëzit. Ne duhet t’i kërkojmë ndihmë edhe komunitetit se bashkërisht po punojmë për një qëllim”./abcnews.al

bore-ngrica-1.jpg
ad min14:59 | 14/01/2019

Në Shkodër ka një rritje të numrit të personave me fraktura për shkak të rrëzimit nga bora e ngricat në qytet. Urgjenca trajton 30 raste në ditë.

Borë e kthyer në akull dhe shkodranët nuk po lëvizin dot normalisht nëpër rrugë. Shumë banorë kryesisht të moshuarit po pësojnë dëme fizike. Mbi 30 raste në ditë kërkojnë ndihmë në spitalin të këtij qyteti për shkak të frakturave.

Këtu në urgjencë, ditëve të fundit ka patur fluks të lartë të pacientëve, tregon shefi i urgjencës Alban Haxhi.

“Prej tre ditësh është vënë re një rritje e fluksit të frakturave kockore apo dëmtimeve të ndryshme që ndodhin nga rrëzimet e njerëzve qoftë duke ecur në rrugë për shkak të ngricave që kanë vazhduar pas rënies reshjeve të borës, rrëshqitjeve që ndodhin qoftë me makina, qoftë me rrëzimet gjatë ecjes në rrugë”, u shpreh ai.

Nuk është regjistruar ndonjë rast vdekje për këtë shkak, por as për shkak të qëndrimit të gjatë në temperatura të ulëta.

“Raste që mund të jenë rrëzuar dhe të kenë vdekur spital nuk kemi pasur tha”, Haxhi.

Reshjet e dëborës vazhdojnë në territorin e Shkodrës. Rrugët nacionale janë të hapura dhe lëvizja kryhet normalisht. Por situata më e rëndë në qark, është ajo në Dukagjin, një zonë e tërë e bllokuara./abcnews.al

elbasaniii.jpg
ad min13:47 | 14/01/2019

Gjatë natës në Qafë Thanë qarkullimi bëhet me zinxhirë  për shkak të dëborës dhe akullit. Moti i keq ka bllokuar rrugët në disa zona të thella malore në Prrenjas, Librazhd, Gramsh dhe Elbasan.

Kështu sipas informacioneve të marra në orët e fundit janë izoluar nga bora fshatra të tillë si Steblevë, Qarrishtë, Orenjë, Gurakuq, Polis, Sopot, Qukës, Stravaj, Skënderbej, Bardhaj, Lëpushë, Liras, Poroçan, Lenie, Rovje, Zavalinë, Labinot Mal dhe Gur i Zi. Në disa shkolla  u pezullua sërish mësimi ndërsa ka mungesë të energjisë në disa fshatra për shkak se është e pamundur që të riparohen përcjellesat për shkak të trashësisë së dëborës./abcnews.al

boreee.jpg
ad min10:30 | 14/01/2019

Kanë rinisur sërish mëngjesin e sotëm reshjet e borës në Dibër. Situata vazhdon të jetë problematike për më shumë se 60 fshatra ku ende nuk janë hapur rrugët. Që prej 5 ditësh, ata komunikojnë me qytetin apo me rrugët nacionale vetëm me rrugë këmbësore. Kanë nisur të shfaqen problemet e para pasi dyqanet janë boshatisur.

Disa blegtorë kanë kërkuar ndihmë për hapjen e rrugëve për shkak se nuk çojnë dot ushqimin për bagëtinë.   Një i sëmurë që është transportuar për më shumë se 2 orë nga Zall Dardha në krahë nuk ka mundur të shpëtojë. Rrugët nacionale kalohen pa probleme me zinxhirë./abcnews.al

korcaaa.jpg
ad min19:22 | 09/01/2019

Në qarkun e Korçës rreshjet e borës vazhdojnë me intensitet të lartë. Raportohet se janë bllokuar disa mjete në rrugën dytësore që lidh Podgorien me rrugën nacionale. Makinat nuk mund të lëvizin për shkak të rrugës së papastruar dhe të pakriposur.

Deri tani akset rrugore Korçë-Ersekë, Korçë-Voskopojë, Maliq-Lozhan-Grabovë janë të hapura, por duhet të qarkullohet me zinxhirë. Në orët e drekës u raportua se në Dardhë ka pasur rreshqitje masive të borës dhe është bllokuar rruga.

Furnizimi me energji vijon normalisht me përjashtim të fidrit të Gjançit, që furnizon fshatrat Dvoran, Floq, Kamenicë, i cili ka defekt. Procesi mësimor vijoi me orare të reduktuara.

Në akset Maliq-Kapshticë dhe Tepelenë-Kakavijë qarkullimi duhet të bëhet me zinxhirë. Në rrethin e Kolonjës procesi mësimor nuk u zhvillua në fshatrat Qafzez, Boshanj, Shalës, Butkë, Mesiçkë. Ndërsa në rrethin e Pogradecit, procesi mësimor nuk u zhvillua në Velçan dhe Proptisht. Në Devoll, mësimi vijoi me orë të reduktuara./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono