bore

vlcsnap-error717-1-1280x720.jpg
gra moz21:57 | 13/02/2018

Reshjet ishin prezente sot në gjithë territorin e vendit. Në veri, verilindje dhe juglindje disa akse rurale janë të bllokura, ndërsa disa rrugë të tjera qarkullohen me zinxhirë për shkak të borës. Shiu shkaktoi problem kryesisht në Vlorë. Shohim si është situata, sipas të dhënave të Ministrisë së Mbrojtjes në orët e mbrëmjes.

Gjatë ditës së martë, vendi është pushtuar nga reshjet e borës dhe të shiut. Në zonat malore në lartësitë mbi 400 metër ka pasur reshje dëbore që në disa rrugë e fshatra kanë shkaktuar edhe bllokime. Sipas informacionit të përcjellë në mbrëmje nga Ministria e Mbrojtjes në qarkun e Shkodrës janë të bllokuara nga bora, akset rrugore rurale Shkodër – Theth dhe Shkodër – Breg Lumi. Ndërsa akset e tjera rrugore rurale, janë të kalueshme me zinxhirë për shkak të trashësisë së dëborës deri në 30 centimetra.

Edhe akset rrugore nacionale janë të hapura, ndërsa mjetet e subjekteve kontraktore që mirëmbajnë këto akse po punojnë me intensitet. Në aksin rrugor nacional Pukë – Fushë Arrëz, si dhe anasjelltas, po hidhet kripë në vazhdimësi, pasi në disa pika ka rrezik rrëshqitje të automjeteve.

Në qarkun e Kukësit, akset rrugore nacionale janë nën prezencën e borës dhe efektin e rënies së gurëve dhe dherave prej skarpateve.

Rruga e Kombit është e kalueshme normalisht. Po punojnë 4 borëpastruese dhe 4 te tjera janë në gatishmëri. Ndërsa lartësia e borës në Tunel-Kalimash është 20 centimetra.
Sipas informacionit të Ministrisë së Mbrojtjes, në Kukës janë të bllokuar vetëm dy akse rrugore rurale, ai që lidh fshatin Lojme të njësisë administrative Zapod me bashkinë Kukës dhe rruga që lidh njësinë administrative Arrën me bashkinë Kukës.

Gjatë pasdites edhe qarku Dibër u përfshi nga reshjet e dëborës, por në të gjithë qarkun, rrugët nacionale janë të qarkullueshme.

Probleme bllokimi ka pasur në segmentin e aksit rrugor nacional Qafë Bualli – Martanesh, Bashkia Bulqizë, ku po punohet nga subjekti kontraktor, për mbajtjen e kësaj rruge të hapur. Edhe segmenti rrugor nacional, Ura e Qytetit – Zerqan, Bashkia Bulqizë, është i bllokuar për shkak të borës deri në 30 centimetra. Gjithashtu, probleme ka edhe në rrugën nacionale Ura e Çerenecit – Steblevë, ku kalohet me vështirësi.

Në qarkun e Korçës, gjithashtu gjatë ditës, ka pasur reshje bore dhe bllokim të përkohshëm të aksit Pogradec – Qafë Thanë. Por situata u normalizua shpejt dhe aktualisht në këtë aks rrugor mjetet mund të qarkullojnë normalisht, por me zinxhirë. Edhe segmenti Librazhd- Qafë Thanë paraqiti vështirësi në qarkullim, por mjetet borë pastruese kanë punuar në vazhdimësi dhe në këtë aks rrugor automjetet mund të qarkullojnë vetëm me zinxhirë.
Rreshjet e shiut kanë shkaktuar problem dhe prezencë të madhe uji në disa rrugë në qytetin e Vlorës. Por situata u normalizua në një kohë të shkurtër dhe aktualisht rrugët janë të kalueshme pa problem. Ministria e Mbrojtjes thekson në informacionin e mbrëmjes se prurjet e lumit Vjosë kanë qenë të larta, por nën kufirin kritik./abcnews.al

vlcsnap-error459-1280x721.jpg
gra moz17:54 | 13/02/2018

Temperaturat e ulëta kanë krijuar shtresa akulli në Rrugën e Kombit. Megjithëse disa borëpastruese janë në gatishmëri për hedhjen e kripës sërish mbetet rreziku i ndonjë incidenti.
Në orët e natës, situata është vështirësuar në disa zona të Kukësit. Njësitë administrative Kalis, Arren, Grykeçaj dhe Bushtricë janë pa energji elektrike. Probleme me qarkullimin ka në rrugën që të çon drejt Peshkopisë, në rrugën drejt Shishtavecit dhe rrugën e vjetër që lidh Kukësin me Fushë Arrëzin. Në qytetin e Kukësit, trashësia e dëborës është 12 centimetra, ndërsa tek tuneli i Kalimashit arrin deri në 20 centimetra.
/abcnews.al

vlcsnap-error599-1280x720.jpg
gra moz11:34 | 11/02/2018

Në zonat turistike të Korçës, lëvizja me mjete të ulëta është e pamundur. Reshjet e borës kanë bërë të pakalueshme disa rrugë. Në Dardhë, trashësia e borës është 50 centimetra.

Një fundjavë që do të kalohej bukur në pjesën turistike të Korçës.

Por që bora e ka vështirësuar lëvizjen drejt zonave malore.

Dhe pse te pajisur me zinxhirë shumë drejtues mjetesh nuk e kanë patur të lehtë të mbërrijnë në destinacion.

“Me zinxhirë edhe e vështirë”.
“Po s’pate zinxhirë është e vështirë”.
“Gjendja e rrugës është shumë e vështirësuar. Borë shumë, rrëshqitëm se ishte e bllokuar”.

Reshjet po vazhdojnë me intensitet prej prej 48 orësh. Në Dardhë, trashësia e borës i ka kaluar 50 centimetra.

Rruga Boboshticë-Dardhë, është i kalueshëm vetëm me zinxhirë, por policia këshillon përdorimin e mjeteve me kalueshmëri të lartë.

Në rrugën Korçë-Kapshticë, reshjet kanë qenë me intensitet të ulët dhe qarkullimi i mjeteve nuk paraqet probleme.

Por rrugët e tjera nacionale të qarkut të Korçës janë të hapura./abcnews.al

vlcsnap-error473-1280x720.jpg
gra moz10:32 | 11/02/2018

Reshje të forta bore ranë gjatë natës në verilindje të vendit. Për orë të tëra, ato vazhduan me intensitet dhe në Rrugën e Kombit, tek tuneli i Kalimashit, trashësia shkoi 10 centimetra. Makineritë borëpastruese nisën menjëherë nga puna për largimin e borës nga rruga dhe hedhjen e kripës.
Ndërkohë, reshjet kanë pushuar, por temperaturat po ruajnë vlerat e tyre pozitive. Rruga e Kombit po mbahet në qarkullim të plotë dhe pa problem, ndërsa në disa akse rurale në Kalis, Arren, Gryjecaje ka vështirësi në qarkullim. Energjia elektrike pati ndërprerje të herëpashershme gjatë natës, si pasojë e erërave të forta, ndërsa sot është normalizuar./abcnews.al

vlcsnap-error375-1280x720.jpg
gra moz12:45 | 21/01/2018

Kjo e dielë ka ardhur me reshje shiu dhe bore në të gjithë vendin.

Në Ultësirën Perëndimore, sipas shërbimit “Meteoalb”, situtata do të mbetet e tillë deri në mbrëmje, kur dhe parashikohet përmiresim i motit.

Ndërkohë që në të gjitha zonat malore dhe deri pranë zonës së ulët, reshjet e borës do të vijojnë të jenë të pranishme.

Kthjellim të motit në pjesën më të madhe të vendit, shërbimi “Meteoalb” parashikon vetëm pas mesnatës.

Reshje të pakta bore priten në kufirin lindor.

Ndërkohë, temperaturat parashikohet të ulen me 2 – 3°C në të dy ekstremumet termike ditore, rënie që do të vijojë deri mëngjesin e së hënës.

Ndërsa era do të fryjë mesatare me shpejtësi deri 30 km/h nga drejtimi perëndimor, duke bërë që në det të gjenerohet dallgëzim 3 ballë./abcnews.al

vlcsnap-error353-1280x720.jpg
gra moz11:10 | 21/01/2018

Në verilindje të vendit, moti është drejt përmirësimit. Reshjet e borës pushuan pas orës 19 të mbrëmjes së kaluar. Përjashtuar rrugën që lidh njësinë administrative Arren, të gjitha akset e tjera janë të kalueshme.

Rruga e Kombit është tërësisht e qarkullueshme dhe pa patur nevojë përdorimin e paisjeve dimërore. Edhe akset e tjera kombëtare që lidhin Kukësin me Tropojën, Peshkopinë e Pukën janë të kalueshme dhe pa probleme.

Në lartesinë 1400 metra, trashësia e borës është rreth 30 cm, ndërsa në zonat e ulëta thuajse e papërfillshme. Sot, temperaturat vijojnë të ruajnë vlerat pozitive prej 3 gradësh në orët e para të ditës dhe në mesditë, ato parashikohen të arrijnë në 8 gradë.

Kompanitë sipërmarrëse të rrugëve kanë punuar në të gjitha akset dhe janë në gatishmëri për të mbajtur rrugët të kalueshme./abcnews.al

download.png
us er12:39 | 27/12/2017

Autoritetet vendore të qytetit amerikan Erie në Pensilvani, kanë shpallur gjendjen e jashtëzakonshme si pasojë e reshjeve rekord të dëborës, këto dy ditët e fundit.

Një total prej 86 centimetra borë ranë brenda një dite duke mbuluar gjithcka. Sipas dëshmive të banorëve, risia nuk ishte sasia e borës, por koha e shkurtër që iu desh për të mbuluar gjithë qytetin.

Autoritetet vendore nxituan të merrnin masa për të përballur situatën. Policia paralajmëroi qytetarët në media dhe rrjetet  sociale që të mos dilnin nga shtëpitë, pasi rrugët ishin të bllokuara dhe të rrezikshme.

Ndërkaq, sasia e madhe e borës bëri që njerëzit të dilnin nga banesat dhe të publikonin video dhe fotogarfi të ndryshme për të treguar magjinë e këtij momenti në qytetin e tyre për Krishtlindje.

Meterologët thanë se stuhia e madhe e borës është rezulati i efektit kombinues të ajrit të ftohtë me ujrat e liqenit./abcnews.al

vlcsnap-error933-2-1280x720.jpg
us er09:01 | 18/12/2017

Verilindja u përfshi nga reshje të dendura bore, intensiteti i të cilave arriti kulmin në mëngjes rreth orës 7:30 minuta, por më vonë reshjet janë pakësuar. Aksi Kukës Tunel i Kalimashit në rrugën e Kombit pati probleme menjëherë pas reshjeve. Temperaturat e ulëta ndikuan në krijimin e menjëhershëm të ngricave.

Gjashtë borëpastruese nisën menjëherë nga puna për pastrimin e borës dhe hedhjen e kripës. Drejtuesve të mjeteve u është dashur të përdorin pajisjet dimërore e të tregojnë kujdes gjatë udhëtimit. Në qytet trashësia e borës mbeti e papërfillshme dy deri në tre cm ndërsa në lartësitë mbi 500 metër ata kaluan 10 centimetra. Reshje të dendura bore edhe në Peshkopi e dhe Bulqizë.

Në qytet trashësia arriti deri në 10 cm, kurse në zona të thella si Lura dhe Kalaja e Dodës mbi 40 cm. Rrugët kombëtare janë të kalueshme por rrugët Peshkopi  – Kukës dhe Peshkopi – Librazhd kalohen me zinxhirë.  Në Bulqizë gjatë natës ka patur ngricë dhe borë e rruget ishin pothuajse të pakalueshme, por në mëngjes kompania e mirëmbajtjes ka hedhur kripë./abcnews.al

vlcsnap-error304-1280x720.jpg
us er10:26 | 10/12/2017

Zonat malore në Vlorë janë zbardhur nga bora. Në Llogara, reshjet e shiut ia lanë vendin atyre të borës. Gjatë natës, ato kanë krijuar një shtresë deri në 10 centimetra, por rruga njoftohet se nuk ka bllokime. Policia sugjeron drejtuesit e mjeteve që mëgjithatë të pajisen me zinxhirë për udhëtimin drejt Llogarasë. Nderkohë, reshjet e shiut kanë pushuar në të gjithë vendin, por temperaturat kanë pësuar ulje./abcnews.al

 

vlcsnap-error364-1280x720.jpg
us er09:01 | 20/11/2017

Në të gjithë rajonin e Korçës ashtu siç edhe ishte parashikuar gjatë natës ka patur reshje të borës.  Temperaturat kanë shënuar nën zero dhe niveli i borës në qytet arriti 5 cm, kurse në fshtra të thella deri në 30 cm. Në disa akse rrugore ka patur probleme me qarkullimin për shkak të borës, mes tyre Korçë-Kapshticë dhe Korçë-Ersekë. Reshje bore ka pasur edhe në fshatrat e Kukësit, Tropojës dhe në gjithë zonat malore. Reshjet e borës gjatë natës kanë zbardhur rajonin e Korçës dhe të Kukësit. Në disa segmente lëvizja e mjeteve duhet të kryhet me zinxhirë.

Bora i ka dhënë pamje magjepsëse qytetit të Korçës.

Por kjo është e bukur sa kohë shërben për foto e kartolina.

Pjesa tjetër lidhet me mundin e dimrit.

Gjatë natës reshjet në juglinjde sollën veshtirësitë e para në qarkullimin e mjeteve.

Rrugët nacionale, që lidhin Korçe me Pogradecin, Devollin dhe Erseken janë të hapura. Por në disa segmente lëvizja bëhet vetëm me zinxhirë.

Në zonat urbane bora ka arritur deri në 5cm, kurse në ato turistike, trashësia e borës ka kaluar 20 cm.

Bora ka zbardhur edhe Verilindjen e vendit.

Pas mesnatës reshjet e shiut u kthyen në reshje bore në lartësinë 600 m mbi nivelin e detit.

Në tunelin e Kalimashit bora shkoi në 5 centimetra trashësi, por borëpastrueset e larguan nga rruga dhe qendruan në gatishmëri.

Në fshtarat e Shishtavecit, Zapodit, Grkecajes, Kalisit,Bushtrices e Malziut, trashësia e borës arriti nga 10 deri 15 centimetër, por pa shkaktuar probleme. Rrugët janë të hapura dhe të kalueshme./abcnews.al

Foto nga Korça me borë

Foto nga bora në Korçë


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono