bora

SITUATA-MOTI-RRETHE-1280x691.jpg
ent ela13:01 | 23/02/2019

Reshje të dëborës  ka patur në disa zona të Shqipërisë, por rrugët kombëtare janë të hapura dhe qarkullohen pa zinxhirë. Ndërsa raportohet për mungesë të energjisë elektrike në fshatra të Krujës dhe Korçës.

Durrës-Kjo është bora e parë në Durrës për këtë sezon dimëror, e cila u shoqërua me temperatura të ulëta dhe erë të fortë. Reshjet ishin të pakta. Drejtoria e Përgjithshme Detare do të zgjasë dy ditë, duke ndikuar ne lundrimin e mjeteve detare. Referuar kushteve atmosferike u kërkua pezullimi i lundrimit të anijeve të peshkimit si dhe atyre tregtare. Tragetet e udhëtarëve mbërritën në port me disa orë vonesë për shkak të detit të dallgëzuar.

Krujë-Në këtë qark furtuna ka dëmtuar disa pjesë të rrjetit elektrik në Fushë Krujë dhe Malësinë e Krujës. Në këtë fundit ka patur edhe reshje dëbore. OSHEE njofton se po punon për riparimin e linjave, por furtuna është bërë pengesë për riparimin e defekteve.

Vlorë- Në portin e Vlorës nuk lejohen të dalin në det anijet e peshkimit. Por bora ka zbardhur Qafën e Llogarasë. Rruga qarkullohet pa probleme.

Korçë– Edhe në Korçë janë rikthyer reshjet e dëborës. Në gjithë territorin e qarkut ka reshje të dobëta bore, të shoqëruara me temperatura të ulëta rreth -2 gradë. Trashësia e borës në zona malore si Dardha, Voskopoja, Vithkuqi, Qafa e Qarrit rreth 5-10 cm ndërsa në qytete rreth 2-3 cm. Të gjitha akset rrugore nacionale janë të kalueshme normalisht për mjetet me përjashtim të segmentit Boboshticë – Dardhë dhe pjesërisht Qafa e Qarrit kalohen me zinxhirë.

Qarkullimi i mjeteve në rrugët rurale deri në qendrat e Njësisë Administrative kryhet normalisht me përjashtim të segmentit Voskopojë – Lekas dhe Ura e Floqit – Vithkuq, ku kalimi bëhet me zinxhirë.

Moti i keq ka sjellë mungesë të energjisë elektrike në fshatrat, Progër, Cangonj, Zemblak, Zvezdë, Shëngjergj. /abcnews.al

mbulim-arsh-1280x720.jpg
ent ela09:37 | 23/02/2019

Prej natës së mbrëmshme, temperaturat janë ulur e ka pasur reshje bore në disa qarqe në juglindje dhe në veri të vendit.

Reshjet e dëborës kanë zbardhur edhe Durrësin, një pamje e rrallë kjo për qytetin bregdetar. Me intensitet më të lartë, reshjet raportohen në verilindje, kryesisht në Dibër e Korcë. Edhe Kruja është mbuluar nga bora e reshjet vijojnë.

Autoriteti Rrugor Shqiptar bën të ditur se kompanitë e mirëmbajtjes kanë vazhduar punën për mbajtjen hapur të segmenteve rrugore.

Sidoqoftë, rekomandohet përdorimi i zinxhirëve në rrugët Korçë-Ersekë, Qafë Bigell-Dogana Goricë, rruga e Dardhës dhe e Voskopojës. /abcnews.al

ARRSH-RIFILLON-BORA-DIBER-1280x686.jpg
ent ela12:08 | 12/02/2019

Rikthehen reshjet e shiut e borës në vend. Sipas Autoritetit Rrugor Shqiptar ato janë regjistruar më të shumta në rajonin Verior Shkodër. Trashësia e borës shkon nga 10-40 cm. 20 cm borë është regjistruar në zonën Librazhd-Steblevë.

Ndërsa në zonën e Dibrës, trashësia e borës në qytetin e Peshkopisë shkon gati 10 cm, ndërsa në zonat e thella deri në 30 cm. Nuk ka patur probleme në rrugë, por megjithatë kompania kontraktore që mirëmban rrugën Peshkopi – Kala e Dodës ka nxjerrë mjetet borëpastruese dhe kalimi bëhet pa probleme.

ARRSH bën të ditur se punohet për mbajtjen hapur të akseve rrugore.

Akset e detyrueshme me zinxhirë janë Kuben-Vasie, ku ka rreth 40 cm bore, Qafë Bualli-Krastë, ka rreth 20 cm bore, Ura e Cerenecit – Stebleve, 25 km e fundit, ka pasur rreth 20 cm bore, Trebisht – Dogane, ka pasur rreth 5-10 cm bore.

Reshje shiu e bore ka patur gjatë natës edhe në rajonin e Gjirokastrës, e të Tiranës. Në Dajt janë regjistruar reshje të dobëta bore.

Sipas ARRSH nuk ka probleme për qarkullimin në vend, por kërkohet respektimi i sinjalisitikës e shpejtësisë për shkak të lagështirës në rrugë. /abcnews.al

BORA-NE-DIBER-MBULIM_ABC-M1-T1.mpg_snapshot_00.02-1280x696.jpg
ent ela10:20 | 12/02/2019

Reshje dëbore kanë rënë natën në pjesën më të madhe të Dibrës dhe Bulqizës. Trashësia në qytetin e Peshkopisë shkon gati 10 cm kurse në lartësine mbi 800 metra mbi nivelin e detit dhe në zona të thella deri në 30 cm. Nuk ka patur probleme në rrugë, por megjithatë kompania kontraktore që mirëmban rrugën Peshkopi – Kala e Dodës ka nxjerrë mjetet borëpastruese dhe kalimi bëhet pa probleme. E njëjtë situata është edhe me rrugën Ura e Çerenecit – Librazhd ku kalimi bëhet pa probleme. Edhe nëpër fshatra nuk ka bllokime apo vështirësi në qarkullim. /abcnews.al

51202950_684921671902445_5454252950002073600_o.jpg
ent ela10:07 | 31/01/2019

Reshjet e borës janë rikthyer në disa zona të vendit duke krijuar edhe vështirësi në qarkullimin në disa akse rrugore. ARRSH njofton se të gjithë kontraktorët kanë qenë dhe janë në gatishmëri, sepse sipas parashikimit të situatës meteorologjike sot priten reshje në të gjithë vendin.

Në Rajonin Jugor Gjirokastër: 
Në Qarkun e Korçës, rreth orës 4 të mëngjesit kanë filluar reshje bore me intensitet. Trashësia e borës shkon 5-15 cm. Po punohet pa ndërprerje nga kontraktorët e mirëmbajtjes për pastrimin e akseve.

Në Qarkun Gjirokastër qarkullimi kryhet normalisht në të gjitha akset. Vetëm në pjesën fundore të rrugës Erind-Çajup, rreth 5 km, rekomandohet përdorimi i zinxhirëve.

Në Qarkun e Korçës qarkullohet me zinxhir në:
K/Boboshticë-Dardhë
Voskop-Voskopojë
Qafë Qarri-Ersekë, zona e Qafës së Qarrit

Në Rajonin Qendror Tiranë: 
Ka reshje shiu në të gjithë Rajonin. Në lartësi ka pasur reshje bore, si në Sarisalltik, Qafë Priskë, Gjinar, Steblevë.

Rekomandohet përdorimi i zinxhirëve vetëm në pjesën fundore të rrugës Krujë-Sarisalltik.

Në Rajonin Verior Shkodër: 
Gjatë natës ka pasur reshje shiu në të gjithë rajonin dhe në lartësi ka pasur reshje bore. Kontraktorët kanë vazhduar punën për pastrimin e akseve dhe po mbajnë në monitorim të vazhdueshëm segmentet ku ka prezencë ngricash.

Qarkullohet me zinxhir, ose pjesërisht me zinxhir në rrugët:
Qafë Dragalicë-Klenjë-Steblevë, 15-17 km.
Kryqëzim Domaj-Draj Reç
Trebisht-Doganë

Rekomandohen përdoruesit e rrugës, të bëjnë kujdes në lëvizje, sidomos gjatë orëve te para te mëngjesit dhe gjatë natës për shkak të lagështisë në rrugë, të respektojnë sinjalistikën dhe udhëzimet e Policisë Rrugore./abcnews.al

51196928_683746085353337_3376147961728729088_o-1280x960.jpg
ent ela10:16 | 30/01/2019

Të gjita akset kryesore të vendit janë të hapura dhe qarkullimi bëhet normalisht. Kontraktorët vazhdojnë punën për pastrimin e akseve dhe monitorimin e tyre, ndërkohë është bërë pastrimi i akseve nga materialet që bien në rrugë nga skarpatat.

Situata është përmirësuar në ato akse që kanë qenë pjesërisht me zinxhir. Puna për mirëmbajtjen e akset rrugore të Qarkut Korçës vazhdon. Në video shikoeht një borëpastruese e cila po punon në aksin Zemblak-Liqenas.

Ndërsa akset ku janë të kashueshme me zinxhirë janë K/Boboshtice – Dardhe, në 5 km e fundit.  Në Rajonin Verior qarkullohet me zinxhir vetëm në:
Ura e Cerenecit-Steblevë, 15 km e fundit te aksit dhe tek kryqëzim Domaj-Draj Reç./abcnews.al

moti-ne-verilindje.jpg
ent ela18:59 | 23/01/2019

Në verilindje të vendit është përmirësuar moti dhe ka nisur të shkrijë dëbora. Por megjithëse ka një rritje të nivelit të Fierzës situata hidrike paraqitet e njëjtë si në muajt e verës. Aktualisht niveli i liqenit të Fierzës është 274 metra mbi nivelin e detit.

Temperaturat janë rritur ndjeshëm në verilindje. Reshjet e dëbores janë zëvendësuar me ato të shiut. Bora ka shkrirë pothuajse deri në lartësine 600 metra mbi nivelin e detit. Shkrirja e saj ka ndikuar në rritjen e nivelit të ujit në liqenin e Fierzës.

E megjithatë situata hidrike nuk është aspak e kënaqshme në këtë fillim viti. Liqenit të Fierzës i mungon thuajse një e treta e sasisë së ujit, çka do të thotë prodhim i reduktuar i energjisë elektrike në kaskadën e Drinit dhe importim të saj në sasi më të lartë.

Kjo edhe për shkak të rritjes së konsumit në këtë periudhë të dimrit. Përmirësimi i motit ka ndikuar edhe në hapjen e rrugëve nga bashkia e Kukësit. Vetëm njësia administrative Arren është e bllokuar, ndërsa të gjitha akset e tjera rrugore nacionale e rurale janë të qarkullueshme. Nuk janë raportuar probleme me furnizimin me ujë të pijshëm dhe energji elektrike.

Gazetar i ABC News: Bujar Muçmata

 

KUKES-BORA_ABC-1280x720.jpg
ent ela09:46 | 23/01/2019

Ministria e Mbrojtjes ka dhënë informacion për situatën e rrugëve nga reshjet e borës në të gjitha qarqet e vendit. Përmes njoftimit të shpërndarë për mediat Ministria bën të ditur se disa nga akset rrugore në vend janë të bllokuara nga bora, ndërsa po punohet për zhbllokimin e tyre dhe qarkullimin e mjeteve.

Qarku Shkodër.

Bashkia Shkodër:

Aksi rrugor rural Shkodër-Bregu i Lumit është ende i bllokuar në Malin e Shoshit, ku ka rreth 70 cm  dëborë. Po punojnë 2 borëpastruese.

Aksi rrugor rural Bogë-Theth është i bllokuar në Qafë Thore, ka mbi 2 metër dëborë. Të gjithë fshatrat e njësisë administrative Shalë dhe Shosh janë të bllokuara nga dëbora, ku trashësia është  rreth 70 cm.

Bashkia Vau Dejës:

Aksi rrugor Drisht-Shllak vazhdon të jetë i bllokuar. Aktualisht po punon 1 fadromë e bashkisë.

Bashkia Malësi e Madhe:

Aksi rrugor rural Gropat e Selcës-Vermosh është i kalueshëm me zinxhirë.

Bashkia Fushë-Arrëz:

Situata në këtë bashki paraqitet e stabilizuar si pasojë e rritjes së temperaturave. Në njësinë administrative Iballë është punuar për zhbllokimin e disa rrugëve rurale në disa fshatra, të cilat vazhdojnë të jenë të bllokuara.

Qarku Dibër.

Akst rrugore nacionale janë të qarkullueshme pa probleme, përveç aksit rrugor Ura e Çerenecit-Steblevë, ku në segmentin Klenjë-Steblevë ka pasur vështirësi nga ngrica. Rrugët rurale të fshatrave të bllokuara që lidhen me qendrat e njësive administrative janë: Fshati Ketë, njësia administrative Xibër, bashkia Klos, si dhe pjesërisht fshatrat e njësisë administrative Muhurr dhe Zall-Dardhë, bashkia Dibër. Punohet per hapjen e tyre

Qarku Kukës.

Në të gjithë qarkun akset rrugore nacionale kanë qenë të kalueshme pa zinxhirë, me përjashtim të aksit rrugor Kryqëzimi Domaj-Draj Reç që është qarkulluar pjesërisht me zinxhirë.

Bashkia Kukës:

Aksi rrugor për në njësinë administrative Arrën vazhdon të jetë ende i bllokuar. Të bllokuara janë një pjesë e rrugëve rurale të fshatrave të njësisë administrative Kalis, Bushtricë dhe Grykë-Çajë.

Forca dhe mjete të angazhuara nga bashkia dhe firma kontraktore kanë qenë:

Punonjës 15 dhe 6 fadroma.

Bashkia Tropojë:

Të gjitha qendrat e njësive administrative janë të kalueshme me akset rrugore nacionale. Po  punohet për  hapjen e rrugëve që lidhin  njësinë administrative Lekbibaj me fshatrat saj.

Forca dhe mjete të angazhuara nga bashkia dhe firma kontraktore kanë qenë: Punonjës 6 dhe 2 fadroma.

Qarku Gjirokastër.

Akset rrugore nacionale dhe rurale kanë qenë të gjitha të kalueshme normalisht. Rrugët rurale të fshatrave kanë qenë të kalueshme pa probleme, përjashtuar aksin rrugor Kolonjë-Golem që qarkullohet pjesërisht me vështirësi.

Qarku Elbasan.

Bashkia Librazhd:

Të gjitha akset rurale kanë qenë të hapura, përveç rrugës rurale Togëz-Qarrishtë, e cila vazhdon e bllokuar në segmentin Ligavec-Qarrishtë dhe për këtë arsye mbetet i bllokuar edhe fshati Qarrishtë. Në njësinë administrative Orenjë rrugët e fshatit Dranovicë dhe Kostenjë janë të bllokuara, por po punohet për hapjen e tyre. /abcnews.al

elbasan123-1280x715.jpg
G. P.09:04 | 12/01/2019

Në aksin e rrugës Librazhd-Steblevë rekomandohet përdorimi i zinxhirëve pasi në vendin e quajtur Shkalla e Lunikut ka akull në trashësi të konsiderueshme. Problem mbeten ende disa akse të rrugëve rurale në fshatrat malorë të Qarkut të Elbasanit ku trashësia e dëborës shkon 30-40 centimetra .Ndërkohë si rezultat i ngricave janë dëmtuar disa linja të tensionit të mesëm si dhe ka defekte në disa fidra.

Mëngjesin e së shtunës rreth 4900 abonentë në zonat rurale janë pa energji dhe në terren jane duke punuar punonjësit e OSHEE për riparimin e defekteve. Gjatë kësaj jave punonjësit e OSHEE kanë punuar në acar nga 12 orë pa ndërprerje duke përshkuar kilometra të tëra në këmbë në zona ku trashësia e dëborës shkonte në rreth 50 centimetra./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono