bombë

aksion.jpg
G. P.14:19 | 17/11/2018

Policia dhe Forcat e Ndërhyrjes së Shpejtë kanë zhvilluar një aksion pranë Universitetit të Elbasanit. Tre persona janë ndaluar si dhe janë sekuestruar 3 armë zjarri dhe fishekë. Mësohet se një prej të ndaluarve kishte me vete një bombë gati për shpërthim. Në lidhje me këtë operacion ende nuk ka një njoftim zyrtar nga policia.

Ky aksion vjen dy ditë pas takimit që bëri ministri i Brendshëm, Sandër Lleshaj, me drejtues të policisë lokale në qytetin e Elbasanit. Mësohet se Lleshaj u kërkoi mobilizim të gjithë strukturave të policisë në punët e tyre të përditshme dhe rritje të fuqisë goditëse ndaj kriminalitetit në qarkun e Elbasanit./abcnews.al

zugla.png
G. P.11:12 | 31/10/2018

Një alarm për bombë në Gjykatën e Lartë në Athinë ka bërë që një numër i madh agjentësh policie të evakuojnë ndërtesën dhe të rrethojnë zonën. Një telefonatë anonime paralajmëroi se bomba do të shpërthejë në orën 11:38.

Forcat speciale ata të Departamentit të Ç’aktivizimit të Mekanizmit Eksploziv, janë në vendngjarje. Ndërkohë që mediat greke nuk japin akoma detaje./abcnews.al

OK-CNN-PAKOJA.mpg_snapshot_00.01-1280x594.jpg
G. P.22:43 | 29/10/2018

Trendi i pakove bombë në Shtetet e Bashkuara nuk ka të ndalur pavarësisht arrestimit të një personi të dyshuar si dërguesi i tyre. Të hënën pakoja e radhës u lokalizua në Atlanta dhe si destinacion kishte zyrat e televizionit CNN, i njohur për linjën kritike ndaj presidentit Donald Trump.

Një tjetër pako e dyshimtë në adresë të zyrave të rrjetit informativ amerikan CNN është gjetur të hënën në Shtetet e Bashkuara. Pakoja me pajisje eksplozive u gjet në zyrën postare të Atlantës, ku ndodhet dhe selia qendrore e televizionit. Presidenti i rrjetit, Xhef Zuker u kujdes të lajmëronte stafin e tij se jeta e tyre nuk kishte qenë në asnjë moment në rrezik. Ndërkohë, departamenti i policisë lokale deklaroi se pakoja ishte identike me ato të dërguara më herët nga i dyshuari Sezar Sajok, që u arrestua të premten. Pakoja e së hënës është e treta në më pak se një javë që dërgohet në adresë të CNN. E para mbërriti të mërkurën në zyrat që ndodhen në godinën Tajm Uorner në Nju Jork, e cila qëndroi e evakuuar për 5 orë e gjysmë.

E dyta u gjet të premten, të njëjtën ditë kur një pako i ishte dërguar edhe ish-shefit të Inteligjencës Kombëtare, Xhejmes Kleper, e cila përmbante një pajisje shpërthyese të modelit bombë-tub. Në reagimin e tij, Clapper u shpreh se ky është një rast i terrorizmit të brendshëm, duke përforcuar zërat për një mesazh politik të republikanëve të udhëhequr nga Donald Trump në prag të zgjedhjeve të nëntorit. Më herët, pako të tilla i ishin dërguar ish-presidentit Barak Obama, ish-sekretares së Shtetit Hillary Clinton, ish-prokurorit të përgjithshëm Erik Holder, ish-shefit të CIA-s Xhon Brenan dhe senatorëve Kamala Herris, Kori Buker dhe Maksin Uoters./abcnews.al

download-6-1280x853.jpg
ent ela11:15 | 23/10/2018

Një eksploziv i vendosur në kutinë postare në banesën e George Soros në Nju Jork, është shëprthyer nga forcat xhenerike. Pakoja e dyshimtë është vënë re nga një punëtor i rezidencës. Ndërkohë FBI ka nisur hetimet për zbardhjen e ngjarjes.

Është gjetur një bombë në kutinë postare në shtëpinë e Xhorxh Soros në Uestcester Kaunti në Nju Jork. Soros njihet si një sipërmarrës amerikan me origjinë hungareze, i cili prej vitesh është object ofendimesh dhe kritikash shumë të ashpra. Por dhe akuzash për komplote nga ana e grupeve politike të ekstremit të djathtë për shkak të ideve të tij liberale dhe progresiste. Bomba është shpërthyer nga forcat xhenerike, të cilët mbërritën menjëherë në vendngjarje pas një telefonate që lajmëronte për një pako të dyshimtë. Një nga punëtorët e mirmëmbajtjes së rezidencës ka hapur pakon duke parë atë që dukej si një eksploziv. Lajmi është konfirmuar dhe nga policia me anë të një deklarate për shtyp. Më pas punëtori e ka vendosur pakon në një vend të hapur dhe lajmëroi policinë. Soros, 87 vjeçar nuk ndodhej në shtëpi. FBI ka nisur hetimet për ngjarjen. /abcnews.al

jacob-abdellak-bomb-hoax-0.jpg
G. P.10:37 | 17/08/2018

Një pasagjer ajror, bëri një rreng anonim për një alarm për bombë drejt fluturimit të tij, për shkak se nuk e arrinte dot në kohë.

Librashitësi Jacob Meir Abdellak, telefonoi policinë tetë minuta para se avioni i tij të nisej nga aeroporti i Londrës për në Los Anxhelos. Autoritetet u detyruan që të shtynin fluturimin me 90 minuta, për të rinisur kontrollet e tyre të sigurisë. Abdellak arriti në aeroport shumë më vonë se ç’lejohej dhe filloi të bëhej agresiv me stafin e agjencisë ajrore kur e ndaluan që të kalonte nëpër filtrat e tyre.

Investiguesit zbuluan numrin e telefonit nga i cili u bë telefonata për alarmin e rremë dhe gjurmuan librashitësin. Ai pranoi se numri ishte tij, por me pretendimin se kishte humbur kartën SIM disa ditë para se të ndodhte ngjarja. Ai u akuzua me përhapje paniku për shkak të shpërndarjes së informacioneve të pa vërteta duke vënë në rrezik jetët e njerëzve. Abdellak u dënua me 10 muaj burg dhe një gjobë rreth 169 euro kundrejt personave që “dëmtoi” me veprimet e tij.

Personat përgjegjës për sigurinë e fluturimeve u shprehën se ata i trajtojnë shumë seriozisht kërcënimeve ndaj fluturimeve të tyre dhe se punojnë gjithmonë me policinë për të mbajtur një stabilitet sigurimi në çdo kohë./abcnews.al

kanada-bomba.jpg
ent ela08:25 | 25/05/2018

Të paktën 15 persona kanë mbetur të plagosur, ndërsa 3 prej tyre janë në gjendje të rëndë në shpërthimin me një bombë artizanale që ndodhi në një restorant indian në Mississauga, Ontario, në Kanada. Lajmi bëhet i ditur nga policia kanadaze, citon CNN.

Hetuesit janë vënë në ndjekje të dy burrave me fytyrë të mbuluar, të cilët u kapën nga telekamerat në momentin kur vendosën bombën dhe pastaj ikën me vrap./abcnews.al

tritol.jpg
G. P.15:10 | 16/04/2018

Një makinë ka shpërthyer në qytetin e Patosit dhe policia dyshon se i është vendosur tritol. Sipas njoftimit për shtyp, ngjarja ka ndodhur në lagjen “1 Maji” dhe makina tip “Nissan” është e banores E.A. Në të njëjtin njoftim, policia thotë se dyshohet se në pjesën e parme të makinës është vendosur lëndë plasëse eksploziv. Ekspertët po punojnë për të zbardhur ngjarjen dhe identifikimin e autorit./abcnews.al

NJERIU-BOMBE-TEKSAS-1280x720.jpg
ent ela11:54 | 21/03/2018

Personi që terrorizoi shtetin e Teksasit me dërgimin e pakove bombë është vetëvrarë gjatë një operacioni për arrestimin e tij në Austin. Shpërthimet e dërgesave të tij vranë 2 persona dhe plagosën 6 të tjerë në këtë shtet Amerikan. Arsyet e sulmeve të tij nuk dihen, por mediat shkruajnë se mund të kenë lidhje me urrejtjen racore. 

Merr fund terrori në Teksas të Shteteve të Bashkuara të Amerikës. Autoritetet amerikane njoftojnë se personi që dërgonte pako bombë me anë të dërgesave postare është neutralizuar. Mësohet se ai është vetëvrarë me anë të shpërthimit të një eksplozivi gjatë një operacioni të gjerë të policisë, ekipeve speciale dhe FBI-së në qytetin Austin. Autori i dërgesave të pakove me bombë, pasi është larguar nga moteli ku qëndronte ka hedhur vetën në erë në makinën e tij në momentin kur i janë afruar agjentët për ta arrestuar. autoritetet raportojnë se një efektiv është plagosur gjatë shpërthimit.

Autori i sulmeve ka terrorizuar qytetin Austin në Teksas që prej 2 marsit dhe ka dërguar 5 pako me eksploziv. Nga shpërthimet 2 persona janë vrarë dhe 6 të tjerë mbetëm të plagosur. Një kamera sigurie e zyrës postare FedEx kapi imazhin e autorit, ku u bazuan dhe hetuesit e FBI në operacionin e tyre. Ai është një 24-vjeçar me ngjyrë të bardhë dhe me flokë bjond.

Policia lokale njoftoi se idenditeti i autorit nuk bëhet i ditur për arsye hetimore dhe kërkoi nga qytetarët e Austin që të tregohen të kujdesshëm pasi nuk dihet se çfarë pakosh mund të ketë dërguar ai në 24 orët e fundit. Arsyet e dërgimit të bombave ende nuk dihen, ndërsa FBI vijon me hetimet për zbardhjen e çështjes. Pavarësisht kësaj mediat amerikane aludojnë se ai është një militant i ekstremit të djathtë dhe natyra e sulmeve të tij mund të ketë lidhje me urrejtjen racore. /abcnews.al

 

shba-1280x651.jpg
G. P.12:19 | 20/03/2018

Një pako bombë ka shpërthyer në një qendër shpërndarjeje të kompanisë postare FedEx në Teksas të Shteteve të Bashkuara. Lajmi është konfirmuar nga autoritetet lokale. Gjatë shpërthimit, mësohet se një person ka mbetur i plagosur.

Javën e kaluar në afërsi të qytetit Austin po në shtetin e Teksasit, shpërthyen 4 bomba. Për autoritetet amerikane është ende herët për të kuptuar nëse ka lidhje mes dy ngjarjeve.

Ndërkohë, FBI ka hapur dy hetime të ndryshme dhe po verifikon nëse pakot janë dërguar nga i njëjti person./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono