bojken abazi

bojken-abazi.jpg
ad min08:47 | 25/10/2019

Një ditë më parë u publikuan konkluzionet e hetimeve të pavarura të një instituti zviceran lidhur me rrethanat e vdekjes së aktivistit të Vetëvendosjes Astrit Dehari në burgun e Prizrenit. Sipas hetimeve dyshimet janë se Dehari është vrarë dhe jo vetëvrarë.

Drejtuesi i Vetëvendosjes në Shqipëri, Bojken Abazi, deklaroi se nëse LVV sillet si kryeministri Rama me çështjen e 21 Janarit pasi erdhi në pushtet, atëherë edhe me drejtësinë për Deharin do të kenë dështuar plotësisht.

Abazi theksoi se LVV ka vullnetin për të vënë drejtësi jo vetëm për Astritin, por për të gjitha vrasjet politike që janë kryer pas luftës së Kosovës.

“Nëse ne sillemi siç është sjellë Edi Rama pasi ka ardhur në pushtet me çështjen e 21 Janarit atëherë ne kemi dështuar plotësisht. Ne nuk dëshirojmë të përsërisim atë lloj procesi. Vullneti ynë është për ta çuar drejtësinë deri në fund, jo vetëm për Astritin, por për hsumë raste të tjera që kanë ndodhur pas luftës. Unë po them që kemi vullnetin maksimal për ta bërë këtë gjë dhe nëse nuk e bëjmë atëherë kemi të dështuar. LDK ka treguar interes të madh pasi ka qenë një nga aktoret që pësuar më së shumti nga vrasjet politike pas luftës”, tha Abazi, gjatë një interviste me Enkel Demin në “ABC-në e mëngjesit”.

Më tej, Bojken Abazi kujtoi edhe lëndimet që kishte pësuar Astrit Behari, e që më pas do i sillnin vdekjen.

“Astriti ka pasur 4 shenja në ballë, lezione që e kanë prekur deri në pjesën e kafkës. Kanë qenë shkaktuar nga një dorezë hekuri. Sipas deklaratave edhe të mjekëve ligjorë në Hagë. Ka pasur një shihe plastike të futur thellë në grykë. Shishja i ka çarë rrënjën e gjuhës. Astriti ka pasur disa gërvishtje në qafë të pashpjegueshme sepse ka qenë mëngjërash dhe ato ishin prerje në mënyrë horizontale. Më e rënda, shoku i qelisë së Astirit është gjetur i vdekur disa kohë pas vdekjes së Astrit. Edhe ai, unë dyshoj fort se është vrarë në burg si Astrit Dehari për të mbuluar krimin”, tha Bojken Abazi.

Ndërkohë, në studio pati lidhje me Skype edhe nga Kosova me ish-Avokatin e Popullit, Sami Kurteshi. Ai tha se ka pasur një tendencë që Vetëvendosja të shpallej organizatë terroriste që të largohej nga loja politike.

“Ky është qëllimi. Astrit Dehari ka qenë aktivist politik. Kjo është vrasje e qartë për qëllime politike. Kjo nuk është vrasje aksidentale, por e qëllimtë e një kundërshtari politik për të frikësuar”, tha Kurteshi.

Astrit Dehari ndërroi jetë në 5 Nëntor 2016 teksa mbahej në qelitë e paraburgimit. Ai ishte shoqëruar si një nga personat e dyshuar për një aktin terrorist të sulmit me mortajë ndaj Kuvendit të Kosovës në gusht të vitit të 2016. Aktualisht prokuroria e Prizrenit ka vetëm një person të proceduar për akuzën e “shkaktimit të vetëvrasjes”./abcnews.al

mirela-abazi-1280x714.jpg
nev ila22:29 | 16/10/2019

Mbrëmjen e sotme në ABC News me gazetaren Mirela Milori ka qenë i ftuar Bojken Abazi, drejtues i vetëvendosjes në Tiranë. Abazi tha se Lëvizja Vetëvendosje është duke thelluar fitoren e saj edhe në votat mërgimtare, dhe se presin të kenë shumicën e vendeve në parlament, ndërkohë që ende vazhdohet me programet qeverisëse dhe me takimet me LDK. Abazi njoftoi dhe ardhjen e Albin kurtit në Tiranë për të festuar fitoren e LDK edhe me simpantizantët e tij në Shqipëri.

Pjesë nga biseda në studio:

Mirela Milori: Në lidhje me situatën e zgjedhjeve, vazhdon procesi i numërimit, aktualisht ku është ky proces?.

Bojken Abazi: Sipas informacioneve tona lëvizja vetëvendosje po prin bindshëm edhe në votat e mërgatës, kemi marrë deri tani mbi 51 % të këtyre votave. Jemi të bindur që kjo diferencë do të thellohet në raport me LDK. Janë ende 3400 vota pa u numëruar.

Mirela Milori: Sa numra mendoni se do keni në parlament?

Bojken Abazi: Si numër deputetësh në total ne jemi aktualisht 32 vende, kurse LDK diku te 30 vende.

Mirela Milori: Cilët do të jenë sektorët që do të mbulojë LVV?

Bojken Abazi: Disa dikastere duhet të jenë ministria e drejtësisë, të brendshme dhe të financave. Janë këto 3 ministri që ne do të synojmë për qeverinë e re. Unë besoj që në fund ta marrim së bashku, synojmë të flasim për programet më parë. Është rënë dakord në takimet e para për 7 pika por duhet zbërthimi i tyre që duhet pak kohë. Mbrëmë e kemi festuar fitoren në Prishtinë. Nuk është se ka ndodhur ndonjëherë është e para herë që në Tiranë të festojmë fitoren e madhe si ajo e vetëvendosjes në Kosovë. Ne e pamë të domosdoshme që ta festojmë edhe në Tiranë. Kjo fitore ka shkaktuar një entuziazëm të madh edhe këtu në Shqipëri.

Mirela Milori: Do të merrni pjesë në zgjedhjet e ardhshme në Shqipëri ?

Bojken Abazi: Nuk kemi synime elektorale. Duhet të na vijë një kërkesë e tillë nga qytetarët dhe jo nga studiot televizive. Në Shqipëri jemi duke e zgjeruar organizatën tonë me anëtarësime të reja përditë dhe jemi duke thelluar programin tonë sipas modeleve që ne synojmë të aplikohet edhe në Kosovë.

Mirela Milori: Përse në Shqipëri nuk mund të ndodhë, ajo që ndodhi në Kosovë?

Bojken Abazi: Po në Shqipëri ka për të ndodhur ajo që ndodhi në Kosovë, dhe besoj se kjo gjë do të ndodhë shumë shpejt./abcnews.al

 

 

 

 

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono