bllokim

bashaaa.jpg
ad min18:00 | 13/10/2019

Kryetari i Partisë Demokratike, Lulzim Basha u është bashkuar protestuesve të Unazës së Re. Abcnews.al ka siguruar videon në momentin kur kreu i selisë blu bashkohet me banorët, të cilët prej kohësh kundërshtojnë projektin e Unazës së Re.

Pas arritjes së kryetarit të PD-së është bllokuar edhe rruga, ndërsa policia ka lejuar qarkullimin vetëm në një korsi.

Ndërkohë policia ka marrë masat e saj për mbarëvajtjen e këtij tubimi. Forca të shumta të policisë së rendit dhe FNSH-së janë dislokuar në afërsi të rrugës “Teodor Keko”, aty ku po zhvillohet protesta.

Ditën e sotme gjykata ka dhënë masën e sigurisë arrest me burg për tre nga gjashtë banorët e Unazës së Re, të cilët janë arrestuar pas protestave. Ditën e nesërme pritet të jepet masa e sigurisë për tre personat e tjerë.

/abcnews.al

mbreteresha.jpg
ad min15:50 | 27/08/2019

Pas publikimit të disa fotografive të pazakonta të bashkëshortes së dytë të mbretit të Tajlandës, faqja zyrtare e shtëpisë mbretërore është bllokuar për disa minuta. Në këto fotografi ajo shfaqet me veshje ushtarake.

Një sukses aq i madh sa faqja zyrtare e shtëpisë mbretërore të Tajlandës është bllokuar për disa minuta. Kjo për shkak të publikimit të disa fotografive të bashkëshortes së dytë të mbretit.

Ajo shfaqet teksa ndodhej për gjueti, me uniformën mbretërore teksa qëllon me armë zjarri. Fotografitë janë publikuar me lejen e mbretit 67-vjecar i cili ka urdhëruar që ato të përdoren dhe në biografinë e tij të autorizuar.

Ish-infermiere 34-vjeçare, gjenerale ushtarake tajlandeze dhe bashkëshorte e dytë e mbretit ajo ka pasur një ekspozim shumë të madh mediatik që nga dita e  transmetimit të ceremonisë së martesës në mënyrë të drejtpërdrejtë në televizion.

Një ceremoni gjatë së cilës ajo u përkul para mbretit nën shikimin e ftohtë të bashkëshortes së tij të parë dhe mbretëreshës 41-vjeçare. Ndryshe nga zakoni, ku vetëm mbretëresha mund të marrë dhurata, atë ditë ajo mori me dhjetëra dhurata dhe titullin “bashkëshorte mbretërore e nderuar”./ABC News Albania 24/7

ishti.jpg
ad min13:30 | 27/08/2019

Karburanti në aksin Lezhë-Milot, ku ndodhi shpërthimi i bombolës së gazit dhe për pasojë u plagosën 7 persona është bllokuar nga Inspektoriati Shtetëror Teknik dhe Industrial. Sipas këtij institucioni, karburanti nuk do të lejohet të vazhdojë punën, pasi nuk përmbushte kushtet teknike.

Inspektoriati Shtetëror Teknik Industrial ka bllokuar piken e karburantit Lezhë-Milot, pak ditë pasi depozita e gazit shpërtheu duke shkaktuar 7 të plagosur.

Sipas ISHTI pas verifikimeve të kryera nga grupi i punës rezulton se kjo pikë nuk i plotëson kushtet e sigurisë, ndërsa do të operohet edhe me sanksione të tjera që parashikon ligji ndaj subjektit.

Mbrëmjen e së shtunës në këtë pikë karburanti shpërtheu një depozite me 5 mijë litra gaz ku mbetën të plagosur 7 persona mes tyre edhe dy fëmijë si dhe u dëmtuan 10 automjete që ndodheshin të parkuara aty pranë.

Nga hetimet e kryera rezulton se ngjarja ndodhi pas rrjedhjes së gazit në momentin e furnizimit të një automjeti./ABC News Albania 24/7

nafta.jpg
ad min15:54 | 21/08/2019

Kryeministri Edi Rama reagoi në rrjetet sociale pas bllokimit të 550 tonëve karburant jashtë standardeve në Ballsh.

“Kush merret me naftë duhet të zgjedhë: o sipas ligjit o goditjen e ligjit”, e nis statusin e tij në Facebook Rama, i cili më tej shton se lufta kundër informalitetit nuk do të ndalet para asnjë subjekti, duke filluar çdo ditë me të mëdhenjtë.

“Ata që nxjerrin, përpunojnë apo tregtojnë naftë, janë në shënjestrën e strukturave të shtetit dhe s’do të kenë asnjë shteg jashtë rrugës së ligjit e të standardeve që meritojnë konsumatorët.

Informaliteti në dëm të cilësisë është po aq i dëmshëm dhe i patolerueshëm, sa edhe informaliteti financiar në kurriz të konsumatorit e të shtetit”, shkruan Rama.

550 tonë karburant në rafinerinë e naftës në Ballsh të Fierit, u bllokua këtë të mërkurë dhe nuk do të hidhet në treg për mosplotësim të standardeve të cilësisë. Zbulimi u bë përmes një laboratori të lëvizshëm që analizon mostrat e karburantit në 30 minuta deri në 1 orë.

Rezervuari i bllokuar dhe karburanti nuk do të hidhet në treg, por do të vazhdojë për përpunim të mëtejshëm. Do ketë përsëri kontroll dhe nëse do të përmirësohet cilësia do të lejohet për treg.


/abcnews.al

elbasan-1-1280x727.jpg
ad min10:16 | 03/05/2019

Për dy orë opozita mbajti të bllokuar dje në mbrëmje 12 akse rrugore në mbarë vendin, si pjesë e aksionit të saj të mosbindjes civile. Lulzim Basha nga Elbasani përsëriti se nuk do ketë zgjedhje më 30 Qershor. Shtyrja  e tyre, sipas Bashës i shërben dialogut mes palëve, pa Edi Ramën kryeministër.

Protestuesit në Tiranë bllokuan rrethrrotullimin e sheshit “Shqiponja”. Ata dëmtuan edhe disa skela të vendosur aty për zgjerimin e projektit të Unazës së Madhe.

Tensione pati në qytetin e Fierit. Protestuesit tentuan të çajnë kordonin e policisë që ishte vendosur në urën e Mbrostarit. Por kjo situatë zgjati vetëm pak minuta dhe protesta vijoi e qetë. Në Kukës, protestuesit bllokuan nyjën kryesore të Rrugës së Kombit, Urën e Drinit të Zi.

Përreth dy orë u mbajt e bllokuar ura e Matit  nga protestuesit opozitarë të Dibrës. Forcat e policisë qëndruan në distancë dhe nuk pati përplasje. Edhe protesta e organizuar në Kryebushat të Shkodrës kaloi pa incidente.

Protestuesit nga Lezha, Mirdita e Kurbini u vendosën në superstradën Lezhë-Laç. Në dy orë bllokim të rrugës nuk u shënuan incidente, por protestuesit i vunë flakën disa gomave.

Në Durrës nuk u lejua të kalonte asnjë automjet në autostradën tek mbikalimi i Plepave. Protesta u zhvillua qetësisht dhe pa incidente.

Kurse në Gjirokastër, protesta kaloi me vetëm disa incidente të vogla. Aksi rrugor Tepelenë-Gjirokastër u tentua të hapej nga policia, por u kundërshtua nga kreu  i PD-së në Gjirokastër, Dasho Aliko.

Për dy orë protestuesit bllokuan gjithashtu aksin rrugor në hyrje të autostradës Vlore-Levan. Ndërsa policia devijoi qarkullimin në rrugën e vjetër nacionale Vlorë-Fier.

Edhe në hyrje të qytetit të Korçës u bllokua rruga nacionale pranë fshatit Çiflig. Më tepër se 120 forca policie ishin angazhuar për monitorimin e protestës./ABC News Albania 24/7

bllokim-toka-uji.jpg
ad min18:32 | 28/04/2019

Ndërtimet pa leje kane krijuar probleme në kolektorë, të cilat janë bllokuar. Për pasojë shume hektarë toka mbeten të pakulluar ndaj vendorët po bëjnë ndërhyrjet.

Bllokimi i kolektorëve nga ndërtimet dhe mbjelljet e rrugëve që duhet të përshkojnë eskavatorët gjatë hapjes së kanaleve kulluese vazhdojnë të mbeten shqetësim në Lezhë. Kjo situatë problematike është prezantuar nga drejtori rajonal i bordit të kullimit në veri Ndue Preka. Sipas tij duhet ndërhyrë që të pengohen të tilla ndërtime në mënyrë që të garantohet kullimi i tokave.

Rreth 1100 hektarë tokë në zonën e Zejmenit po dalin thuajse plotësisht nga harta e përmbytjes si pasojë e reshjeve te dimrit. Drejtori Preka thotë se po bëhet një ribonifikim i të gjithë fushës së Bregut të Matit.

Gjatë punimeve për hapjen e kolektorit të Zejmenit ka patur ndërhyrje edhe në trupin e argjinaturës. Eskavatorët po heqin dheun e argjinaturës për t’ua dhënë privatëve dhe po bëjnë mbushje me mbeturinat që po nxjerrin eskavatorët. Drejtori Preka është kontradiktor me deklaratën e tij kur i adresohet për përgjigje një shqetësim i tillë.

Ndërhyrjet kanë nisur prej disa ditësh, ndërsa banorët kërkojnë që të mbrohet argjinatura dhe të mos merren dhera në të, kjo pasi mund të rrezikojë çarjen gjatë stinës së dimrit./abcnews.al

basha-6.jpg
ad min19:02 | 25/04/2019

“Kjo e sotmja është vetëm fillimi i mosbindjes civile. Shqipëria është në këmbë. Edi Rama nuk e merr peng vullnetin e shqiptarëve”.

Ishte kjo deklarata e kryetarit të opozitës Lulzim Basha në protestën e opozitës në Milot. Për sa i përket zgjedhjeve të 30 Qershorit, Basha theksoi se nuk do të ketë zgjedhje pa opozitën dhe këtë e di edhe bufi.

“Nuk do të ketë zgjedhje pa opozitën. Këtë e di dhe bufi dhe vëllai i bufit Edi Rama. Nuk ka zgjedhje pa opozitën. Ato vetëm zgjedhje nuk janë dhe opozita as nuk klonohet, as nuk shpiket dhe as nuk krijohet si mercenarët e Edi Ramës. Ka vetëm një opozitë. Ajo jemi ne e bashkuar me popullin dhe njerëzit. Ne jemi të vendosur që të mos lejojmë më kurrë krimin elektoral që është nëna e krimeve ekonomike, nëna e varfërisë, papunësisë që ka krijuar qeveria e njeriut më të paaftë më të inkriminuar në pluralizmin shqiptar. Do ketë vetëm zgjedhje të lira. Nuk do lejojmë me asnjë forme, me asnjë mjet, me asnjë çmim krimin elektoral. Zgjedhje false nuk do ketë më”, tha Basha.

“Në asnjë qendër votimi nuk do lejojmë krimi elektoral të përsëritet. Është borxhi ynë para atyre që sakrifikuan për demokraci dhe liri. Të mos lejojmë më krimin elektoral, por të luftojmë sy për sy dhe dhëmb për dhëmb për demokraci, për votën e lirë. Asnjë hap pas nuk do të ketë. Largimi i Ramës është sot emergjencë kombëtare, krijimi i një qeverie tranzitore është shansi i fundit për të shmangur përballjen totale të popullit me klikën gjakpirëse që sundon në vendin tonë”, u shpreh më tej kreu i PD-së./abcnews.al

protestaaaaaa.jpg
ad min09:30 | 19/02/2019

Dhjetëra qytetarë të Lezhës protestuan për një orë në rrugën Tiranë-Lezhë. Sipas informacionit të gazetarit të ABC News, Gjergj Figuri, ata dolën në hyrje të qytetit për të bllokuar kryeministrin Edi Rama, i cili do të udhëtonte drejt Pukës, në kuadër të aktiviteteve “Bashkia që duam”.

Nuk dihen organizatorët e këtij tubimi, por shumë protestues mësohet se përfaqësojnë anëtarësinë e Partisë Demokratike. Ndërkohë në terren ishin forcat policore për të mbajtur në kontroll situatën.

Por kryeministri Rama nuk kaloi në atë segment siç edhe ishte parashikuar, ndaj banorët hoqën bllokimin në hyrje të qytetit./abcnews.al

luljeta-kora.jpg
ad min22:07 | 10/01/2019

Gruaja nga fshati Labinot Katund i Elbasanit që lindi në shtëpi aktualisht ndodhet në maternitetin e qytetit bashkë me foshnjen. Rruga që lidh fshatin me Elbasanin ishte bllokuar një ditë më parë për shkak të reshjeve të dëborës. Disa vite më parë, Luljeta Kora ka lindur në kushte të tilla dy binjakë, njëri prej të cilëve nuk mundi të mbijetojë.

Nëna që lindi në shtëpi për shkak se ishte bllokuar nga dëbora rruga e fshatit Labinot Katund ndodhet në maternitetin e Elbasanit. Këtu po merr ndihmën e specializuar. Luljeta Kora tregon se kur e kapën dhimbjet dhe mori vesh që rruga që të çonte në qytet nuk kalohej nga bora. Në kushte të tilla, famijarët njoftuan infermierët e fshatit që ta ndihmonin për të lindur në shtëpi.

“Në mëngjes më morën dhimbjet mua. Deshëm të marrim makinë ata nuk erdhën se ishte bllokuar rruga se kishte rënë shumë dëborë”, tha Luljeta Kora

Stafi mjekësor shprehet se fëmija dhe nëna gëzojnë shëndet të mirë.

Erdhi pacientja, ishte në gjendje të mirë. Fëmija ishte mashkull me peshë 3 kile, u vizitua nga mjeku. I bëmë vaksinën. Edhe gruaja ishte në gjendje të mirë”, u shpreh mjekja.

Nuk është hera e parë që Luljeta lind në shtëpi. Disa vite më parë ajo solli në jetë dy binjakë, por fatkeqësisht njëri prej tyre nuk mundi të mbijetojë./abcnews.al

elbasan-3.jpg
ad min09:16 | 19/11/2018

Është përmirësuar situata në qarkun e Elbasanit për shkak të ndërprerjes së reshjeve të borës. Sipas Shefit të Shtabit të Emergjencave, Mustafa Arapi, me përjashtim të rrugës së Fushë-Studes, e cila ka pasur disa centimetra borë, të gjithë rrugët e tjera janë të kalueshme. Por edhe ky segment sot është i qarkullueshëm me zinxhirë.

Arapi tha për ABC News, se po punohet për të rregulluar furnizimin me energji në disa fshatra, të cilët patën ndërprerje për shkak të motit.  Gjatë ditës së dielë u konstatuan vështirësi në qarkullim në zona të thella rurale si Stëblevë, Sopot, Polis, Rovje, Lenie, Fushë-Studen etj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono