blerta pocesta

blerta-pocesta.jpg
ent ela21:01 | 05/09/2018

Blerta Pocesta, e cila ka pranuar krimin makabër, tha se vrau babain, nënën dhe motrën e vogël pasi nuk e lejonin të martohej me një Italian. Ngjarja e rëndë ndodhi në Dibër të Madhe me 27 gusht, ku bashkë me Blertën janë arrestuar dhe 2 persona të tjerë.

Organizuan masakrimin e familjes pasi prindërit nuk e lejonin që të martohej me një Italian: ky është motivi që ka shtyre drejt krimit makabër Blerta Pocesta, 28 vjeçaren shqiptare nga Dibra e Madhe të arrestuar bashkë me dy persona të tjerë. Ata akuzohen se janë përgjegjës për vrasjen e babait, nënës dhe motrës minorene. Kundër Blertës, drejtësia maqedonase vendosi masën paraprake burg për 30 ditë.

28-vjeçarja, sipas shtypit lokal ka pranuar organizimin e krimit makabër, por ka mohuar se ishte ajo që qëlloi drejt prindërve dhe motrës. Megjithatë, hetuesit nuk kanë gjetur gjurmë të tjera përveç të sajat në shtëpinë e tyre në Dibër të Madhe. Gjithashtu mediat lokale duke cituar policinë italiane, raportojnë se Blerta ishte përdoruese droge.

Vrasja e Amid Pocesta 55 vjeç, të bashkëshortes Nazmije 53 vjeç dhe vajzës Anila 14 vjeç, të cilët jetonin prej vitesh në Pordenone të Italisë, ka ndodhur me 27 gusht. Ata ishin kthyer në Dibër të Madhe për të marrë pjesë në një gëzim familjar. /abcnews.al

vrasje-650x358.jpg
G. P.14:08 | 03/09/2018

Autoritetet maqedonase kanë hedhur dritë mbi ekzekutimin e një familjeje shqiptare me banim në Itali, që kishte shkuar në Dibër të Madhe për të kaluar pushimet. Hetuesit kanë vënë në pranga vajzën e madhe të familjes Poçesta, e cila dyshohet ta ketë kryer krimin për të marrë pasurinë e familjes.

Kishin shkuar për pushime në atdhe, por gjetën vdekjen. Dy prindër dhe vajza e vogël u ekzekutuan në mënyrë të pamëshirshme natën e një jave më parë në Dibër të Madhe.

Viktimat ishin anëtarët e një familjeje shqiptare nga Maqedonia, prej kohësh me banim në Trevizo të Italisë. Pas një javë hetime, policia maqedonase ka mundur të hedhë dritë mbi ngjarjen e rëndë duke vënë në pranga përgjegjësin, që është as më shumë e as më pak vajza e madhe e familjes, Blerta Poçesta.

Ministria e Brendshme maqedonase ka konfirmuar lajmin përmes një komunikate për shtyp, ku saktësohet se në pranga kanë rënë edhe dy bashkëpunëtorë të vajzës. Bëhet fjalë për dy persona të moshave 31 dhe 61 vjeç, banues në qytetet e Gostivarit dhe Debarit, që kanë patur role të ndryshme në organizimin e vrasjes së trefishtë.

Viktimat, Hamit, Nazmie dhe vajza 14 vjeçe Anila Poçesta kishin shkuar në Maqedoni për të marrë pjesë në dasmën e një të afërmi. Të tre ata u ekzekutuan gjatë orëve të natës, teksa ishin në gjumë dhe menjëherë më pas, Blerta ka marrë motrën tjetër më të vogël dhe është nisur me shpejtësi drejt Italisë për të fshehur gjurmët e saj.

Por pas qarkullimit të lajmit në media, 28-vjeçarja ka ndërruar destinacion duke devijuar për në qytetin e Debarit, ku dhe është arrestuar. Ndërkohë, dy personat e tjerë kanë ndihmuar njëri në gjetjen e armës së masakrës dhe tjetri në përgatitjen e arratisjes së vajzës.

Arrestimi është konfirmuar edhe nga nipi i familjes Poçesta, Amir Findo, sipas të cilit 28-vjeçarja ka pranuar krimin dhe ndodhet në qeli. Mbi Berta Poçestën rëndojnë prova të shumta, përfshirë një foto që e tregon atë në Maqedoni ditën e krimit, rrethanë që bie ndesh me deklaratën e saj të mëparshme, se ditën e vrasjes ndodhej në Itali.

Të tre të arrestuarit janë marrë tashmë në pyetje nga prokurori, ndërkohë që një gjyqtar ka vendosur masën e arrestit për 48 orë. Nga hetimet dyshohet që krimi të ketë ndodhur për motive familjare, konkretisht për të përvetësuar pasurinë e familjes.

Fillimisht për ngjarjen u dyshua Rasim Findo, kunat i Hamit Poçestës për shkak të diskutimeve mbi një sipërfaqe toke. I marrë në pyetje, Findo kishte deklaruar se mes dy familjeve kishte pasur diskutime për ndarjen e terrenit, por jo kontraste./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono