blerjen

tirana-2.jpg
nev ila21:12 | 10/07/2019

Skuadra e Tiranës ka zyrtarizuar blerjen e sulmuesit nga Kenia, Ismael Dunga. Futbollisti ka firmosur për dy sezone me bardh e blutë

Skuadra e Tiranës vazhdon përforcimet në merkato. Pas Bathes, Kale dhe Torraes, klubi bardh e blu ka zyrtarizuar edhe dy afrime të reja. Ashtu siç pritej Ismael Dunga është zyrtarisht një futbollist i Tiranës. Sulmuesi afrikan ka firmosur për dy sezone me skuadrën kryeqytetase dhe konsiderohet si një përforcim i madh për fazën ofensive. Futbollisti zgjidhi kontratën me klubin e luftëtarit e më pas u prezantua si lojtar i Tiranës.

Ismael Dunga është zyrtarisht bardh e blu. Sulmuesi 26-vjeçar ka firmosur kontratën që e bën pjesë të Tiranës për dy vitet e ardhshme.

Dunga ka përfunduar kontratën me klubin e Luftëtarit dhe ka zyrtarizuar sot marrëveshjen bardh e blu. Futbollisti nga Kenia, autori i 10 golave në sezonin e fundit me Luftëtarin, vjen si një përforcim me vlera për sulmin e Tiranës. Është njoftimi i skuadrës së Tiranës.

Bardh e blutë kanë zyrtarizuar edhe mbrojtësin Kostandin Kariqi i cili vjen nga kampionati grek.  Në 14 takime është aktivizuar mbrojtësi me skuadrën e Volosit në sezonin e kaluar.

Afrimi i tij në skuadër ngre dyshime rreth transferimit të mundshëm të mbrojtësit Tefik Osmani. Kostandin Kariqi është përforcimi i radhës për Tiranën. Mbrojtësi 22-vjeçar ka firmosur për dy vite si bardh e blu.

Kariqi vjen nga kampionati grek ku sezonin e fundit është aktivizuar me skuadrën e Volosit. Më parë ai ka qenë pjesë e Kombëtares U-21 të Shqipërisë. Një përforcim me vlera për repartin difensiv ku Kariqi luan në disa pozicione. Njofton klubi i Tiranës.

Përforcimet e një pas njëshme kanë rritur ndjeshëm cilësinë e skuadrës  më të titulluar në Shqipëri dhe sezonin e ardhshëm do të jetë një rival më shumë për Partizanin dhe Kukësin./ABC News Albania 24/7

tirana-1-1280x693.jpg
ad min19:00 | 18/06/2019

Skuadra e Tiranës ka zyrtarizuar mesfushorin Idriz Batha. Ish-lojtari i Flamurtarit ka nënshkruar për një sezon me opsion rinovimi për një tjetër.

Tirana nuk ka të ndalur në ketë merkato. Skuadra kryeqytetase ka prezantuar blerjen e tretë në harkun kohor të një jave. Pas zyrtarizimeve të Agustin Torassa dhe Elton Cale klubi bardheblu ka prezantuar mesfushorin Idriz Batha, i cili sezonin e kaluar ka mbajtur veshur fanellën e Flamurtarit ndërkohë që në të kaluarën është aktivizuar për skuadrën e Partizanit.

Idriz Batha është bërë sot zyrtarisht pjesë e Tiranës. Mesfushori ka firmosur një kontrate 1-vjeçare me opsionin për të vazhduar sërish në sezonin pasardhës.

Batha vjen si një përforcim shumë i rëndësishëm për mesfushën bardheblu. Ish-futbollisti i Flamurtarit pas firmës në kontratë është prezantuar sot në ambientet e stadiumit “Selman Stermasi”, është njoftimi i klubit të Tiranës.

Kupola drejtuese e skuadrës kryeqytetase po zhvillon një punë intensive duke nënshkruar me element cilësor. Qëllimi është një dhe i vetëm, ti rikthehet lavdia skuadrës më të titulluar në Shqipëri./ABC News Albania 24/7

shba-1280x687.jpg
ent ela23:30 | 03/04/2019

Turqia ka mbyllur kontratën për blerjen e sistemeve raketore ruse, duke shpërfillur thirrjet e vazhdueshme të Shteteve të Bashkuara për të hequr dorë. Megjithatë, Ankaraja është përpjekur të qetësojë Perëndimin duke thënë se pajisjet ruse nuk do të integrohen në sistemet e NATO-s.

Turqia ka kompletuar pjesën e saj të kontratës për blerjen e sistemit raketor të mbrojtjes “S-400” nga Rusia. Lajmi është konfirmuar nga ministri i Jashtëm turk Mevlut Çavushoglu’, pavarësisht thirrjeve të vazhdueshme të Shteteve të Bashkuara që Ankaraja të hiqte dorë nga blerja. Për të qetësuar Uashingtonin, Turqia ka propozuar ngritjen e një grupi pune që do të verifikojë se sistemet ruse “S-400” nuk përbëjnë kërcënim as për pajisjet ushtarake të Shteteve të Bashkuara e as për ato të NATO-s. “Armatimet ruse nuk do të integrohen në sistemet e NATO-s, ndaj ato nuk përbëjnë kërcënim për askënd”, ka thënë Çavushoglu, duke shtuar se sistemet “S-400” nevojiten për përdorim personal.

Ankaraja zyrtare ka deklaruar se armatimet ruse i nevojiten për t’u mbrojtur nga kërcënimet që i kanosen sigurisë së saj dhe vazhdimisht presidenti Recep Taip Erdoan ka hedhur poshtë thirrjet e administratës amerikane për t’u tërhequr nga kontrata me Moskën. Çavushoglu, i cili ndodhet në Uashington për samitin e NATO-s, ka nënvizuar se është gati të sqarojë zyrtarët amerikanë për blerjen gjatë vizitës së tij. Për të rritur presionin ndaj Turqisë, Shtetet e Bashkuara ndaluan në ditët e fundit shitjen e pajisjeve për avionët luftarakë “F-35”, por mesa duket as kjo lëvizje nuk mjaftoi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono