biznesi

kompanite.jpg
nev ila18:31 | 21/01/2020

Bizneset shqiptare kanë ndalur investimet në tremujorin e fundit të 2019. Sipas një vrojtimi të Bankës së Shqipërisë  kompanitë shqiptare kanë bërë kërkesa për kredi vetëm  për të shlyer detyrimet dhe pagat e punonjësve.

Sipas ekspertit Selami Xhepa  marrja e kredive për likuiditet është një tregues i vështirësive me të cilat u përballën bizneset si pasojë e tërmetit të 26 nëntorit

Për ekspertin Xhepa e vetmja shpresë për të përmirësuar situatën ekonomike dhe të bizneseve në vend është hapja e negociatave me Bashkimin  Europian  e cila pritet ti japë një impuls pozitiv  ecurisë ekonomike.

Pritshmërinë për tremujorin e parë të vitit 2020,   për kreditimin për investime nga bankat janë përsëri pesimiste.

Madje bankat e nivelit të dytë, presin një shtim të kërkesës për kredi nga ana e bizneseve, por e kufizuar vetëm në kreditë dhënë me qëllim mbulimin e nevojave për likuiditet./abcnews.al

biznesi-fasone.jpg
nev ila15:49 | 20/12/2019

Tërmeti i 26 nëntorit ka shtuar vështirësitë dhe për biznesin. Kryetari i Shoqatës së Fasonistëve Gjergji Gjika, shpreh shqetësimin se sipërmarrjeve ende nuk kanë shkuar për ti evidentuar dëmet.

Ndërkohë, opozita e cila ka nisur një tur dëgjesash me biznesin tregon propozimet për të nxjerrë sipërmarrjen nga problemet.

Nuk reshtin shqetësimet për biznesin fason.  Problemeve të trashëguara si kursi i këmbimit apo kosto e lartë e energjisë elektrike pas tërmetit të 26 nëntorit  i janë shtuar të tjera. Kryetari i Shoqatës së Fasonistëve të Shqipërisë tregon disa prej tyre.

“Të prishen godina nga tërmeti kjo është normale, por të mos lësh punëtorët ti marrësh me makinat e tua, me autobusët e tu…. U tha që ndërmarrjet, bizneset që u është vënë shiriti të klasifikohen punohet apo jo në to. Nëse punohet të vazhdojnë punën, për dëmtimet biznesi e merr përsipër vetë riparimin”, tha Gjika.

Lekundjet e tokes me 26 nentor tregon Gjika kane demtuar rreth 40 biznese dhe 9 mije punonjes ndodhen ne udhekryeq prandaj Kryetari i Shoqates se Fasonisteve te Shqiperise i drejton kete thirrje qeverise.

“Qeveria të realizojë ato që thotë”, tha ai.

Nderkohe Partia Demokratike ka nisur nje tur degjesash me biznesin ne te gjithe vendin. Drejtori i Kabinetit Dorian Teliti deklaron se klima e krijuar po detyron shume sipermarrje te ulin qepenat.

Për të nxjerrë biznesin nga vështirësitë Partia Demokratike sugjeron dhe zgjidhjet.

“Duke filluar që nga heqja e taksës së pronës, abulimi i faturës së energjisë elektrike deri në momentin e riparimit të dëmeve, duke filluar pezullimin e pagesave të sigurimeve shoqërore e shëndetësore, do të paguhen por jo sot. Qeveria mirë është që këto propozime ti përdorë dhe ti marrë parasysh në mënyrë që ti vijë në ndihmë biznesit” tha Teliti.

Keto sugjerime i bashkohen platformës ekonomike që selia blu ka propozuar para fatkeqësisë natyrore që goditi vendin si aplikimi i taksës së sheshtë, ulja e sigurimeve shoqërore, çmimi i energjisë e të tjerë./abcnews.al

 

 

f6fc1799-c77a-442d-a29b-1b8e760f49fb.jpg
R D14:49 | 09/12/2019

Kryetari i PD-së, Lulzim Basha përsëriti kërkesën ndaj qeverisë për të hequr barrën fiskale ndaj bizneseve të dëmtuara nga termeti në Durrës.

“Tërmeti i 26 nëntorit ka shkaktuar dëme të mëdha në ekonominë e Durrësit dhe zonave të tjera. Mijëra vende pune, biznesi i vogël dhe ekonomia prodhuese janë nën presion. Njësitë e hoteleri-turizmit përballen me rënie konsumi dhe i tremben reduktimit apo anulimit të prenotimeve.

Për të ndalur futjen e Durrësit në një “dimër ekonomik” me pasoja të rënda sociale që do të vinin nga reduktimi i numrit të të punësuarve, ulja e pagave të punonjësve dhe mbyllja e bizneseve, për të mundësuar një rigjenerim të ekonomisë prodhuese, shërbimeve dhe biznesit të vogël në zonat e dëmtuara, propozojmë këtë paketë të thjeshtë dhe realiste”, shkruan Basha.

Më poshtë propozimi me 5 pika për subjektet ekonomike në zonat e prekura nga termeti:

1- Anulimin e taksës së pasurisë dhe të gjitha taksat dhe tarifat vendore për periudhën e rindërtimit.

2- Përjashtimi i taksës së të artdhurave për të gjitha subjektet që riinvestojnë fitimin për të rikuperuar dëmet nga termeti.

3- Pezullimin e kontributeve të sigurimeve shoqërore dhe shëndetësore deri në rikuperim.

4- Përjashtimi i TVSH në të gjitha materialet, lëndët e para dhe aktivitetet kapitale të përdorura për rikuperimin e dëmeve.

5. Pezullimin dhe anulimin e faturave të ujit dhe dritave.

/Abcnews.al

termeti-solidaritet-1280x853.jpeg
nev ila17:51 | 03/12/2019

Bizneset fierake kontribuojnë në vlera monetare, dhe materiale, për të dëmtuarit e zonave të tërmetit.

Në një takim në dhomën e tregëtisë, me disa nga kompanitë më të fuqishme, me aktivitet në qarkun Fier, është shprehur solidaritet, në ndihmë të familjeve të dëmtuara nga tërmeti.

Disa prej këtyre kompanive si ‘Bolv Oil’ , “Albstar” , “Driza ShPK”, “Krienko Jeans” “Teleco” , “Fasoneri Picari” etj. kanë shprehur gatishmëri që ti bashkohen kësaj iniciative për të ndihmuar nga fatkeqësia natyrore familjet në Durrës dhe Tiranë.

Vetëm kompania fasone “Krienko” Group ka dhënë përsëri 10 mijë euro, dhe 1000 palë jeans si ndihmë për të prekurit nga tërmeti.

Të gjithë vlerat monetare, do të dërdhen në llogarinë bankare, të publikuar nga qeveria shqiptare.

Tërmeti i 26 nëntorit, la pasoja të rënda në jetë njerezish, dhe shkatërroi shumë banesa. Solidaritet të madh, brenda dhe jashtë vendit, ka patur në ndihmë të të prekurve nga tërmeti./abcnews.al

basha-1a-1280x613.jpg
ger ta17:50 | 13/11/2019

Kreu i PD, Lulzim Basha po zhvillon këtë pasdite një takim me bizneset në Fier, në kuadër të turit “Rrugëtim pë Shqipërinë”.

Gjatë bashkëbisedimit me të pranishmit, Basha premtoi se  qeverisja e djathtë në pushtet do të bëjë të mundur “vendosjen e pullës tek biznesi i vogël dhe tatimorët s’do kenë punë më tek bizneset”.

Moratorium për inspektoriatet të cilat do të pezullohen për tu riformuar. Me vendosjen e pullës tek biznesi i vogël tatimorët s’do kenë punë më tek bizneset, madje mund ta klasifikojmë si vepër penale”, tha Basha.

Më tej kreu i demokratëve tha se kasa fiskale nuk do të ketë këtë funksion në qeverisjen e tij.

Kasa fiskale nuk do të ketë më këtë funksion. Do të ndërpritet transferimi i të dhënave në ministrinë e finanacave dhe nuk do të paguani më koalidimin e kasave”, tha Basha.

Më tej Basha foli edhe për 5 hapat për biznesin e vogël,  ku të parin veçoi se  do të jetë “eliminimi i taksës ‘Rama’ mbi karburantit”, ndërsa shtoi se do të eliminohet gjitha tarifat lokale dhe qendrore dhe përqendrimi i tyre në një taksë të vetme prej 0.5% e xhiros vjetore.

Ky është boshti i programit tonë fiskal sa i përket biznesit të vogël i përkthyer në pesë hapa; duke nisur që nga çmimi i energjisë e deri tek prania e tatimorëve vend e pa vend, e deri tek absurdi i futjes së biznesit të vogël në sistemin e TVSH-së. Këtu në Fier e kam shpallur para disa vitesh platformën tonë për biznesin e vogël që është tërësisht e plotësuar në çdo element të tij. dhe dua ta përsëris se masat tona për biznesin e vogël do të jenë këto:

Së pari, do të konsiderohet biznes i vogël çdo biznes me xhiro vjetore nën 14 milionë lekë të reja në vit. Që do të thotë nën 140 milionë të vjetra në vit të gjitha do të konsiderohen biznes i vogël dhe do të përjashtohen nga detyrimi absurd i TVSH.

Së dyti, eliminimi i të gjitha tarifave lokale dhe qendrore, kryesisht lokale dhe përqendrimi i tyre në një taksë të vetme prej 0.5% e xhiros vjetore. Një taksë 0.5% e xhiros vjetore për biznesin e vogël.

Së treti, ngjitja e pullës fiskale në hyrje të biznesit të vogël si mesazhi i ndalimit të pranisë së çdo inspektori tatimor dhe çdo lloj tatimori, për t’i dhënë fund terrorit nën të cilin gjendet sot i gjithë biznesi dhe sidomos i vogli.

Së katërti, masa që do të prekin edhe biznesin e vogël, edhe konsumatorin, edhe biznesin e madh, kanë të bëjnë me dy komoditete të mëdha që janë të ekonomisë; karburanti dhe energjia elektrike. Çmimi i energjisë elektrike sot për biznesin dhe për konsumatorin është më i larti në Ballkan. Çmimi i naftës sot është më i larti në Ballkan.

Prandaj hapi i parë do të jetë eliminimi i taksës “Rama” mbi karburantin, 240 lekë/litër që u shtuan në 2014 dhe 2015 dhe e ka bërë shqiptarin të paguajë naftë dhe benzinë më të shtrenjtin në rajon, si dhe prezantimi i fashës për biznesin e vogël dhe prodhues. Do të jetë një çmim favorizues për këto kategori.

Së pesti, ka të bëjë me xhiron, do të përkthehet në rritjen e fuqisë blerëse, vendosjen e rrogës minimale në nivelin e 300 euros”, u shpreh Basha./abcnews.al

SINKRON-BASHA-DURRES-ABCM4T1.mpg_snapshot_00.03-1280x720.jpg
ent ela13:26 | 11/11/2019

Kreu i demokratëve, Lulzim Basha premtoi se të gjithë inspektoriatet që ushtrojnë presione të vazhdueshme ndaj biznesit gjatë qeverisjes së demokratëve do të shkrihen.

Në një takim me biznesin në Durrës, Basha foli për një klime të re biznesi që do të krijohet me biznesin e vogël duke lehtësuar barrën tatimore në mënyrë që edhe bizneseve t’i japin mundësi për rritje të fitimit dhe rishikim të pagave të punonjësve duke e çuar pagën minimale në vlerën 300 euro. /abcnews.al

Basha-Korce-673x450.png
in a17:58 | 05/11/2019

Lideri i PD-së, Lulzim Basha në një takim me të rinjtë në Korçë është ndalur tek problematikat e arsimit. “Arsimi duhet të jetë prioriteti kryesor”.

Një tjetër çështje të cilës Basha i ka kushtuar vëmendje është biznesi, sipas të cilit në Shqipëri nuk ka lirinë dhe vëmendjen që i duhet.

“Ulja e taksave do të jetë përfitim pë biznesin dhe një ndihmesë pë ekonominë”, tha Basha.

“Modeli që po na qeveris është modeli i gabuar. Zotimi im para jush, zotimi i PD është që do rikthejmë shpresën për të ndërtuar një jetë më të mirë këtu në Korçën tonë, në Shqipërinë tonë.
Duhet të dimë të dëgjojmë dhe të mësojmë nga ato që dëgjojmë. Vendimmarrësit e sotëm e ata të nesërm, dhuntinë e parë duhet të kenë të dëgjojnë. Ndaj jam sot këtu”, theksoi Basha.

agron-shehaj.jpg
ad min21:46 | 29/10/2019

Ish-deputeti i Partisë Demokratike, Agron Shehaj, ishte i ftuar këtë të martë në emisionin “Provokacija”. Ai tregoi se si u fut në politikë. Shehaj tha se hyri në politikë në një moment që kishte artur sukses në biznes.

Shehaj deklaroi se e ka ndjekur vazhdimisht politikën në Itali dhe Shqipëri. Ish-deputeti mendon se politika është e rëndësishme, sepse vendos për fatet e vendit.

“Mua më ka propozuar kryetari, Basha. Më prezantoi dikush. Ishte prezantim jo me qëllime kandidimi. Gjashtë muaj para zgjedhjeve të 2017-s. Mua më pëlqen të mendoj se më ka parë vlerat jo pasuritë. Më tha “Agron Hajde. Pa kushte, pa asgjë. Je totalisht i lirë”.

Jo nuk jam penduar. Politika është një sfidë e jashtëzakonshme. Në momente dukem naiv, ose vendimi mund të ketë qenë naiv kur e kam marrë. Edhe kur e kam hapur biznesin më dukej naive me synimet që kisha dhe me qëllimin që kisha, por mendoj se nuk ka gjë më të bukur se sa të punosh për vendin tënd dhe jo vetëm për vete. Kam një përfitim. Përfitimi i të bërit një punë të mirë”, tregoi Shehaj, sipas të cili politika është shumë e ngjashme me biznesin./abcnews.al

edi-rama123-2.jpg
nev ila21:14 | 03/10/2019

Kryeministri Edi Rama kërkon bashkëpunim nga biznesi i madh për krijimin e një fondi solidariteti për të ndihmuar familjet në nevojë për probleme të ndryshme, por edhe në rastet e fatkeqësive natyrore.

Kryeministri Edi Rama në një takim me përfaqësues të biznesit të madh prezantoi idenë e krijimit të një fondi solidariteti për të ndihmuar familjet në nevojë, por edhe në rastet e fatkeqësive natyrore.

Ideja bazë e këtij fondi  sipas Kryeministrit Rama nuk është një taksë plus që shkon në buxhetin e shtetit, por një mekanizëm i strukturuar në bashkëpunim mes biznesit dhe qeverisë ku barra fiskale  të jetë e barabartë.

Kryeministri Rama tha se është i hapur për të  marrë mendimin e biznesit për projektin e fondit të solidaritetit, duke garantuar se ky mekanizim do të kontrollohet nga  biznesi dhe jo qeveria./ABC News Albania 24/7

edi-rama123-2.jpg
ad min17:57 | 02/10/2019

Kryeministri Edi Rama ka prezantuar programin e asistencës antiburokratike për çdo sipërmarrës vendas e të huaj, startuar nga Platforma e Bashkëqeverisjes Shqiperiaqeduam.al.

Administrata nuk duhet t’i trembet vetëm qytetarëve por edhe sipërmarrësve. Mesazhin ua përcjell vetë kryeministri Edi Rama.

“Çdo shkrese që biznesi adreson në institucionet përkatëse duhet të skanohet në Protokoll dhe menjëherë të hidhet në platformën e bashkëqeverisjes, duke u dixhitalizuar dhe duke hyrë në një h eta transparence që e pamundëson administratën poshtë që ta marrë shkresën h eta fusin në sirtar dhe të fillojë atë lojën skandaloze me kohën dhe të ngrejë atë pritën që jep mesazhin se duhet të kalosh nga unë që “ta bisedojmë atë punë dhe të shohim si do të shkojë”.

Ky është shërbimi më i ri që ofron platforma e bashkëqeverisjes, dedikuar problemeve që ndesh biznesi.

“Skanimi është detyra juaj e parë. Çdo mëngjes ju do ta filloni punën tek Protokolli dhe çdo pasdite, para se të ikni nga puna, ju duhet të kaloni nga Protokolli për të garantuar  që nuk ka asgjë që ka mbetur atje në copën e letrës dhe nuk ka kaluar në ekranin digjital nga ku monitorohet nga shumë njerëz dhe nuk ka mundësi që të mbetet peng i monopolit të kohës”.

Monopolin e kohës sot e merr një zyrtaruc, tha kryeministri, që përshkroi dhe rrugën e sorollatjes së letrës që pret të marrë sipërmarrësi.

“E mban letrën në sirtar dhe ministri nuk e merr vesh fare që ka ardhur letra. Deri dje ishte legjendë që biznesi paguante për ta nxjerrë letrën nga bodrumi ku është Protokolli. Për ta çuar në katin e parë, kishte tarifë për katin e parë, kishte tarifë për katin e dytë, kishte tarifë për paradhomën e ministrit. Sot nuk është kështu, sepse i kemi kushtuar shumë vëmendje, por ama sot është koha që vonesat të eliminohen”.

10-ditëshi është shumë për biznesin, por kalimi i 10-ditëshit është në radhë të parë përgjegjësia e secilit prej koordinatorëve i paralajmëroi kreu i qeverisë.

“Dhe në rast se do verifikohet që 10-ditëshi ka kaluar dhe koordinatori nuk ka raportuar më parë për këtë gjë, kjo është direkt përgjegjësi individuale e patransmetueshme dhe e padelegueshme dhe e pashfajësueshme”. 

I gjithë rrjeti do të monitorohet njësoj si rrjeti i dedikuar për qytetarët nga Kryeministria, nga koordinatorët të dedikuar për biznesin në Kryeministri dhe që në nivelin e kujdesit të drejtpërdrejtë dhe të mbikëqyrjes së  qeverisë është ministri i Shtetit për Mbrojtjen e Sipërmarrjes që është përgjegjësi kryesor për gjithë procesin. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono