bizneset

karburanti-i-bllokuar.jpg
nev ila18:39 | 10/08/2019

 

 Kryeministri Edi Rama ka deklaruar se nga sot e tutje nuk do të ketë më sensibilizim për bizneset që nuk paguajnë detyrimet ndaj shtetit, por zero tolerancë për zbatimn e ligjit.

“ZeroTolerancë ndaj kujtdo ndër këta, që i bën karshillëk ligjit, shtetit, konsumatorit. Qasja sensibilizuese, edukative, tolerante për të mos stresuar biznesin, u zgjat shumë dhe prodhoi pak sukses për kohën që mori. Qasja e re do të jetë përditë e më kërkuese, reaguese dhe ndëshkuese, pa asnjë dallim tjetër përveç kufirit të ligjit”, shkruan kreu i qeverisë në një postim në rrjetet sociale, të cilin e shoqëron edhe me foton e një pike karburanti të bllokuar, që ka abuzuar me pagesën e detyrimeve.

Më tej në reagim, Kryeministri Rama thotë se nëse për shembull, sot, të gjithë konsumatorët paguajnë energjinë, nuk ka më asnjë lloj justifikimi, që bizneset të mos paguajnë detyrimet ndaj shtetit dhe konsumatorëve./ABC News Albania 24/7

 

brace-1-1280x693.jpg
Sej rie13:00 | 10/08/2019

Aksioni kundër atyre që ju shmangen taksave vijon në të gjithë vendin. Erjon Braçe tha se tregu më problematik ka rezultuar ai i karburanteve, teksa ju kujtoi biznesmenëve që shpëtimi i vetëm është të paguajnë detyrimet, sepse asnjë telefonatë me miq politikanë nuk do t’i ndihmojë.

Qeveria vijon aksionin e saj kundër informalitetit, ku rezulton se abuzuesit më të mëdhenj janë në tregun e karburanteve. Zëvendës kryeministri Erjon Braçe raportoi se këto kompani nuk shisnin çdo litër me kupon, duke shmangur pagimin e taksave.

Teksa njofton se të gjitha këto kompani karburantesh do të detyrohen të paguajnë të gjitha taksat e shmangura, Brace thotë se organizatorët e kësaj vjedhjeje do të përballen me ligjin.

Nën filtrin e qeverisë kanë kaluar të parat kompanitë e mëdha.

Por sjellja e biznesmenëve VIP nuk ka qenë e njëjtë.

Në fund, numri dy i qeverisë ka një apel për pronarët apo administratorët e bizneseve që i nënshtrohen kontrollit.

Erjon Braçe ju bën thirrje dhe gjykatësve administrativë të rreshtohen në mbrojtje të interesit publik dhe jo të atyre që bëjnë evazion fiskal./ABC News Albania 24/7

denaj-3-1280x721.jpg
Sej rie14:30 | 08/08/2019

Çmimet që aplikonte ky biznes në Golem ndryshe zbatoheshin për konsumatorin dhe ndryshe reflektoheshin në faturën tatimore. Informacioni ka mbërritur në zyrën e Hetimit Tatimor inspektoret e të cilit shkuan për ta penalizuar. Ministra e Ekonomisë dhe Financave Anila Denaj gjatë verifikimit i drejtoi një thirrje të gjithë bizneseve. Të afishojnë çmimet reale që aplikojnë.

 “Shpesh klientët nuk kanë mundësi ta bëjnë diçka të tillë, por ju duhet ta zbatoni si pjesë të modelit tuaj të biznesit. Duhet të respektoni 100%  detyrimin që çmimet e afishuara të jenë të vendosura edhe në faturë. Nuk ju ndihmon aspak një gjobë apo një shirit i vendosur, pasi i gjithë imazhi që ju ndërtoni për këtë model biznesi, për një faturë apo për dy fatura, që në mënyrë të njëpasnjëshme janë në shkelje të ligjit, ju dëmtojnë për përballë konkurrencës.  Më duhet të qartësoj se inspektimi nuk ndodh çdo ditë në të gjitha bizneset, ka një arsye pse ishit ju, përtej emrit të përveçëm, përtej biznesit dhe është transaksioni në vëllim të caktuar. Nesër mund të jetë një biznesi tjetër. Në fund të ditës ne duhet t’i vendosim të gjithë para një situate, ku çdo gjë që është në politikën tuaj të çmimeve të afishohet dhe të aplikohet edhe në faturën tatimore”.

Modelet që bizneset zgjedhin në raport me politiken e çmimeve janë totalisht përgjegjësi e tyre por ministrja e Financave dhe Ekonomisë kujtoi së ligji njeh detyrimin për t’i publikuar dhe afishuar ato. Një mënyre kjo për të mbrojtur konsumatorin./ABC News Albania 24/7

MBULIM-BASHA-NE-POGRADEC.mpg_snapshot_00.12-1280x720.jpg
ent ela19:21 | 30/07/2019

Pavarësisht të dhënave për ekonominë të publikuara nga Rama nga Pogradeci, Lulzim Basha tha se mbledhja e të ardhurave nga qeveria është si një sëmundje e përkeqësuar dukshëm vitet e fundit.

Gjatë një takimi, Basha u tha pogradecarëve se taksat e rritura dhe favorizmi i paligjshëm i klientëve te Ramës janë dy nga faktorët kryesorë që kanë penalizuar biznesin.

Gjithashtu, sipas tij, dërgimi i policisë në dyert e biznesit është kriminal, njësoj si çdo politikë fiskale dhe ekonomike që ka ndërmarrë kjo qeveri.

Në këtë takim kreu i partisë demokratike  u kërkoi demokratëve që të përhapin në të gjithë Shqipërinë 3 shtyllat e platformës pro biznesit të PD-së.

“Biznesi do të ketë një pullë fiskale që tregon që janë kryer detyrimet ndaj shtetit dhe e asnjë zyrtar shteti nuk do të abuzojë me kontrollet ilegale, tha Basha. Ai premtoi se do të ndërmarrë nismën e uljes së taksave për bizneset, ndërsa foli edhe për taksë 9 % mbi të ardhurat dhe tatim fitimin, si dhe shmangien e patrullave gjobëvënëse dhe taksë 0 për biznesin e vogël. /ABC News Albania 24/7

 

 

DENAJ-KONTROLL-BIZNESEVE-NE-VLORE.mpg_snapshot_00.51-1280x720.jpg
ent ela14:30 | 21/07/2019

Subjektet në zonën e Lungomares në Vlorë janë kontrolluar nga strukturat e Hetimit Tatimor. Gjatë këtij inspektimi ishte e pranishme edhe Ministrja e Financave dhe Ekonomisë, Anila Denaj e cila i ka bërë thirrje bizneseve që të respektojnë ligjin dhe të mos cënojnë konsumatorin.

Dy  subjekte janë bllokuar pasi ka rezultuar se nuk kanë qenë të regjistruara në Qendrën Kombëtare të Biznesit. Një tjetër biznes për moslëshim kuponi (hera e parë u gjobit në masën 50,000 lekë.

Janë këto rezultatet e 19 kontrolleve që ka zhvilluar në terren Hetimi Tatimor. Por kjo nuk është e mjaftueshme sipas ministres së financave dhe ekonomisë.

“Unë mendoj se kemi akoma shumë punë për të bërë, për të inspektuar të gjithë zonën deri në fund. Shpresojmë që të kemi zero gjetje, zero kupona në shkelje të ligjit dhe mbi të gjitha të kemi regjistrime të plota”.

Gjatë kontrolleve të ushtruara në zonën e Lungonares në Vlorë, ministrja Anila Denaj kërkoi që me këtë plan operacional të arrihet edhe ndërgjegjësimi i bizneseve jo vetëm ndëshkimi i tyre.

“Kemi inspektuar gjithë zonën e bregdetit deri në Orikum dhe do të vazhdojmë me verifikimet. Shpresoj që të kemi rritur ndërgjegjësimin e bizneseve dhe për këtë flasin edhe shifrat. Sikundër e kemi nënvizuar gjithmonë qëllimi ynë nuk është vetëm kryerja e verifikimeve në terren, por edhe ndërgjegjësimi. Përgjegjësia e biznesit është përgjegjësia e kërkuar për të respektuar ligjin dhe për të qenë në mbrojtje të konsumatorit”.

Zbatimi i Planit Operacional do të vijojë të shtrihet në të gjithë territorin për të bërë të mundur evidentimin e subjeteve që nuk respektojnë ligjin, rritjen e të ardhurave, si dhe respektimin e konkurrencës së ndershme.

/ABC News Albania 24/7

lushnje-1280x719.jpg
ent ela15:00 | 30/05/2019

Në Lushnjë gratë e moshës mbi 40 vjeçe që aplikojnë për punë janë pa arsimim. Në këto kushte bizneset detyrohen t’i angazhojnë në punë jo profesionale ose refuzojnë t’i punësojnë. Subjektet private po mendojnë të hapin edhe kurse trajnimi për të kualifikuar këtë kategori në një sektor të caktuar.

Drita Muça është 52 vjeçe, nga qyteti i Lushnjës, nënë e dy fëmijëve.

Pas 28 vitesh e papunë, prej dy javësh ka filluar punë në një fabrikë të konservimit ushqimor. Rritja në moshe dhe pa kualifikim po e përjashtonte nga kërkesat e tregut. Ndaj është e detyruar të angazhohet në punë jo profesionale.

“Kam qenë me ndihmë ekonomike, erdha te ky pronari këtu, bereqaves që na hapi derën. E vështirë është për punë”.

Edhe Salie Agolli është kryefamiljare. Mundësinë për punë e ka gjetur duke biseduar me gra të tjera të moshës së saj.

“Ndenja ca kohë pa punë, pastaj u interesova dhe erdha këtu se është punë e mirë dhe me gra”.

Punësimi i grave mbi 40 -vjeçe është i vështirë. Problemit i shtohet edhe mungesa e arsimimit dhe kualifikimit të duhur. Në këto kushte bizneset po mendojnë të hapin kurse për punëtorët.

“Trajnimi që ne bëjmë aty është kurs më vete, në rastin konkret po mendojmë se kemi edhe specialistë italianë me licensat e tyre, që të krijojmë kurs për punësimin e agrobiznesit”.

Në Lushnjë, statistikat e zyrës së punës tregojnë se janë regjistruar 2346 femra si punëkërkuese.

Nga këto, 893 janë mbi moshën 40 -vjeçe. Kërkesat e tyre për punësim janë sanitarë, në sektorin e bujqësisë, në fasoneri, dhe në pikat e grumbullimit e seleksionimit të fruta-perimeve. Ajo që vihet re është mungesa e aftësive profesionale madje 80 % e tyre kanë katër klasë shkolle.

/ABC News Albania 24/7

biznese-maliq-1280x682.jpg
ent ela12:50 | 02/02/2019

 Mbi 100 raste grabitjesh kanë ndodhur gjatë muajve të dimrit në bizneset e Maliqit. Tregtarët thonë se ndihen të kërcënuar edhe pse kanë vendosur të gjithë kamera sigurië në bizneset e tyre.

Në Maliq, bizneset ndihen të pasigurt, për shkak të vjedhjeve dhe grabitjeve. Njësitë tregetare që ndodhen në qendër të qytetit, janë ato që sulmohen me shpesh nga hajdutët.Të kërcënuar, nga vjedhjet, që shënojnë shifra të larta, tregtarët mundohen të mbrohen duke zbrazur çdo mbrëmje arkën. Por edhe në këto raste hajdutët nuk dalin pa gjë, duke marrë produkte me vlerë të konsiderueshme.

Kamerat e sigurisë, të vendosura si detyrim ligjor, nuk e kanë rritur sigurinë për bizneset dhe as po e ndihmojnë policinë të zbulojë autorët, të cilët veprojnë pa lënë gjurmë në vendngjarje.
Muajt e dimrit kanë rregjistruar mbi 100 vjedhje, ndërsa policia ka arritur të evidentojë dhe ndalojë më pak se gjysmën e autorëve të dyshuar./abcnews.al

 

veliaj-1-1280x657.jpg
ent ela15:44 | 26/01/2019

Duket se thirrja e Bashkisë së Tiranës për të kontribuuar në rikonstruksionin e konvikteve, po gjen mbështetje nga bizneset në kryeqytet. Kryebashkiaku Erion Veliaj thekson se mbështetja e bizneseve, ndihmon dhe lehtëson më tej jetën e çdo studenti.

Apelit të Kryeministrit Rama dhe Bashkisë së Tiranës për të kontribuar në rikonstruksionin e konvikteve në Qytetin Studenti, kanë nisur  t’i përgjigjen pozitivisht bizneset. Kreu i Bashkisë së Tiranës, Veliaj tha se nismës adopto një konvikt i është përgjigjur dhe familja Sadushi.

Erion Veliaj:  S’duhet të harrojmë të vlerësojmë qytetarët tanë, duke nisur nga fëmijët e familjes Sadushi, të cilët patën idenë të ishin kontribuues në kauzën për të rregulluar konviktet e “Qytetit Studenti” dhe iu përgjigjën pozitivisht thirrjes së kryeministrit, e mandej nxitën prindërit e tyre. si familja e parë që iu përgjigj kësaj thirrje. 

Kryebashkiaku i Tiranës, Erion Veliaj ftoi që kjo nismë të ndiqet edhe nga biznese të tjera të vendit , në mënyrë që t’ju shërbejë dhe të lehtësojë jetën e studentëve./abcnews.al

korce-1.jpg
ent ela12:15 | 23/01/2019

Një grup grabitësish kanë arritur të vjedhin gjatë natës tre biznese në Korçë. Mësohet se në të tre subjektet janë grabitur 12 mijë euro dhe 5 milionë e 300 mijë lekë të vjetra. Policia dyshon që vjedhjet janë kryer në një hark të shkurter kohore.

Tre biznese u grabitën gjatë natës në Korçë. Hajdutët, të cilët dyshohet të jenë të organizuar si grup i strukturuar kriminal, kanë arritur të marrin shuma të konsiderueshme parash nga kasafortat e bizneseve, që pozicionohen, dy në unazën e qytetit dhe një tjetër në fshatin Bulgarec. Grabitësit i janë futur në shtëpi biznesmenit të bukës, duke i marrë kasafortën me 12 mijë euro dhe 4 milionë lekë të vjetra, teksa e gjithë familja ishte në gjumë.

Sipas deklarimeve në Polici, kasaforta ishte e pafiksuar dhe megjithëse kishte një peshë rreth 100 kg, autorët kanë mundur ta nxjerrin nga shtëpia dhe ta transportojnë me mjet. Edhe në fabriken e letrës, autorët kanë marrë kasafortën me rreth 1 milionë lekë, ndërsa nga magazina e hidro- sanitareve kanë vjedhur një shumë prej 30 mijë lekësh të reja.

Bizneset kanë roje, por grabitësit kanë vepruar pa u diktuar prej tyre. Ekspertimi i pamjeve të kamerave të sigurisë do të ndihmojë në identifikimin e autorëve të grabitjes, të cilat janë kthyer në shqetësim për bizneset në juglindje. Policia dyshon, që grabitjet janë kryer në një hark të shkurtër kohor, ndërsa autorët janë kujdesur të mos lënë gjurmë në vendngjarje./abcnews.al

ve-1280x680.jpg
ent ela17:07 | 15/01/2019

Bashkia e Tiranës së bashku me donatorët vijon punën për permirësimin e kushteve në konviktet e kryeqytetit. Rikonstruksioni i radhës është ai te godina nr. 5 në Qytetin Studenti në Tiranë.

Protesta e studentëve për kushte më të mira në konvikte, Bashkia Tiranë dhe donatorët rikonstruktojnë një tjetër godinë në Qytetin Studenti. Pas punës së bërë me konviktet te Inxhinieria e Ndërtimit dhe Mjekësia, Bashkia e Tiranës njofton se po vijon punën edhe për përmirësimin e konvikteve të tjera. Gjatë inspektimit të punimeve Veliaj u bëri thirrje studentëve të lënë bojkotin dhe t’i kthehen procesit mësimor

Erion Veliaj, kryetar i Bashkisë Tiranë: Është shumë e rëndësishme që të rikuperohen ditët e humbura të mësimit. Ndaj, u apeloj studentëve, mos mendoni për partitë, mendoni për interesin tuaj dhe për interesin tuaj, sa më shpejt të mbarojë viti mësimor dhe të mos shtyhet, aq më shpejt mbarojnë dhomat tuaja, që në tetor të fillojnë të gjithë në ambiente shumë më komode. 

Kryebashkiaku Veliaj teksa inspektoi punimet që po kryhen në godinën Nr. 5 në Qytet Stduenti tha se do vijoje puna intensive në konvikte për kushte sa më optimale

Erion Veliaj: Ne po punojmë edhe tek Inxhinieria, te rruga e Dibrës, te Mjekësia, por sigurisht problematika më e madhe është në Qytetin Studenti. Tani që konviktet i kanë kaluar Bashkisë së Tiranës, do ta trajtojmë me të njëjtin seriozitet siç trajtuam çerdhet dhe kopshtet.

Veliaj u bëri thirrje të gjitha bizneseve që veprojnë në Tiranë t’i bashkohen nsimës së adoptimit të konvikteve për të siguruar kushte sa më të mira për studentët./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono