bisedimet

isa-mustafa-fotot-xhemail-sllovinja-10_8896-1280x850.jpg
ent ela14:51 | 08/10/2019

Kreu i Lidhjes Demokratike të Kosovës, e cila u rendit e dyta në zgjedhjet e parakohshme të 6 tetorit ka deklaruar në një intervistë për për gazetën Expres, se kjo forcë është në pritje të përfundimit të numërimit të votave për t’u ulur në tryezën e bisedimive me Albin Kurtin për një koalicion të mundshëm qeveritar. Bashkëpunimi mes dy partive deri tani në opozitë, LDK dhe VV, ka nisur para dy vitesh kur koalicioni PANA krijoi qeverinë.

Para zgjedhjeve të tetorit, dy partitë u përpoqën për të formuar një koalicion parazgjedhor, por këmbëngulja e të dyja partive për të pasur kandidatin përkatës për kryeministër çoi në dështimin e një marrëveshjeje parazgjedhore.

Janë rreth 35 mijë votat e Diasporës dhe më shumë se 24 mijë votat me kusht që ende duhet të numërohen për të pasur një rezultat përfundimtar. /ABC News Albania 24/7

98936D48-5E11-455C-B7C5-9A3AD7C62736_w1023_r1_s-1.jpg
ent ela08:27 | 04/10/2019

Presidenti Trump njoftoi të enjten se do të emërojë ambasadorin amerikan në Gjermani, Richard Grenell si të dërguarin e tij të posaçëm për bisedimet e paqes midis Kosovës dhe Serbisë.

Richard A. Grenell është ambasador i Shteteve të Bashkuara në Gjermani që nga muaji maj i vitit të kaluar. Zoti Grenell, ekspert i politikës së jashtme, është themelues i firmës “Capitol Media Partners” në vitin 2010, që ofron konsulencë për çështje të jashtme.

Ambasadori Grenell, ka qënë zëdhënës i ambasadës së Shteteve të Bashkuara në OKB për shtatë vjet, 2001-2008, duke e mbajtur këtë post më gjatë se çdo ambasador tjetër, duke shërbyer për katër ambasadorë të ndryshëm.

Ai mban gradën Master për Administratën Publike nga universiteti i Harvardit. /VOA

trump-kim-summer-2019-1280x720.jpg
nev ila22:44 | 01/10/2019

Shtetet e Bashkuara dhe Korea e Veriut do të rifillojnë shumë shpejt bisedimet dypalëshe. Takimi i parë i nivelit të lartë pas dështimit të samitit të fundit Trump-Kim do të mbahet në javën e parë të tetorit. Autoritetet në Penian janë optimiste se do të ketë zhvillime pozitive.

Korea e Veriut dhe Shtetet e Bashkuara kanë rënë dakord të rifillojnë bisedimet mbi çështjen bërthamore me një takim të nivelit të lartë që do të mbahet më 5 tetor.

Sipas agjencisë koreano-veriore të lajmeve KCNA, bëhet fjalë për një zhvillim që do të ndërpresë muaj të tërë ngërç, të verifikuar pas dështimit të samitit të muajit shkurt mes liderëve Donald Trump dhe Kim Jong Un.

Bisedimet do të kenë në fokus asgjësimin e programeve ushtarake të Penianit, konkretisht atë bërthamor dhe atë të raketave balistike.

Trump dhe Kim kishin rënë dakord për të rifilluar bisedimet mes dy administratave pas takimit surprizë të mbajtur në kufirin mes dy Koreve në qershor.

Sidoqoftë, parashikimet për rezultatin mbeten të zymta pasi Veriu vazhdimisht ka testuar së fundmi raketa balistike me rreze të shkurtër veprimi dhe ka akuzuar Shtetet e Bashkuara për stërvitjet e vazhdueshme ushtarake me Korenë e Jugut.

Dy vendet kanë rënë dakord për të patur një kontakt paraprak më 4 tetor, që do të pasohet nga takimi i nivelit të lartë – ka bërë të ditur agjencia KCNA duke cituar një deklaratë për shtyp të shpërndarë nga zëvendës ministrja e Jashtme, Ço Son Hui.

Megjithatë, në deklaratë nuk thuhet se ku do të mbahet takimi dhe nuk jepen detaje të tjera.

“Delegatët tanë janë gati për takim. Jam e bindur se bisedimet e nivelit të lartë do të përshpejtojnë zhvillimet pozitive në marrëdhëniet mes Koresë së Veriut dhe Shteteve të Bashkuara”, ka deklaruar numri dy i diplomacisë së Penianit./ABC News Albania 24/7

KRONIKE-BALLA-PER-KRIZEN.mpg_snapshot_00.19-1280x720.jpg
ent ela15:30 | 16/09/2019

Partia Socialiste mohon të jetë duke zhvilluar bisedime të fshehta me Partinë Demokratike për të zgjidhur krizën. Taulant Balla tha se reforma zgjedhore duhet t’i bashkojë palët dhe opozita jo-parlamentare ftohet javën e ardhshme të jetë pjesë e një tryeze, por PD nuk mund ta bllokojë këtë proces.

Partia Socialiste fton Partinë Demokratike të bashkohet javën e ardhshme në një tryezë të reformës zgjedhore, e cila është për mazhorancën formula e vetme për të zgjidhur krizën politike, për të ndryshuar rregullat e lojës e për të zhvilluar zgjedhje në vitin 2021.

I pyetur nga ABC News, nëse mund të ketë reformë zgjedhore pa Partinë Demokratike, numri dy i  socialistëve nuk dha përgjigje përfundimtare.

Por, a po zhvillohen bisedime të fshehta mes socialistëve dhe demokratëve, larg syrit publik?

Edhe pse komisioni i reformës zgjedhore është rikonceptuar, dhe bashkëkryesimin e ka marrë Damian Gjiknuri dhe Rudina Hajdari, Kuvendi ka lënë një karrige bosh për Partinë Demokratike, për një bashkëkryetar të tretë me të drejtë vetoje. /ABC News Albania 24/7

5d5eaf6146552c255e6852d4-960-480.jpg
ent ela12:45 | 23/08/2019

Videoja e kryeministrit britanik Boris Xhonson i cili vendos këmbët në tryezë gjatë bisedës me presidentin francez Emanuel Makron, ka bërë xhiron e botës, ndërkohë që një pjesë e madhe e komentuesve francezë shprehen të zemëruar nga ky gjest.

Takimi në Elize mes kryeministrit britanik Boris Xhonson dhe presidentit francez Emanuel Makron, më shumë se sa për përmbajtjen e bisedës bëri bujë për shkak të gjestit të Xhonson.

Agjencia e lajmeve Reuters ka publikuar pamjet ku kryeministri britanik në bisedë e sipër vendos këmbët në tryezë. Një pjesë e madhe e komentuesve në rrjete sociale e quajtën Johnson të pasjellshëm dhe veprimin e tij “një turp për të gjithë vendin”.

Megjithatë, një video e shfaqur pak më vonë tregoi se dy udhëheqësit ishin duke bërë shaka me njëri-tjetrin në atë çast.

Kryeministri britanik Boris Johnson vijon përpjekjet për të siguruar mbështetje për një marrëveshje të re për Brexit-in. Ai i tha presidentit Emmanuel Macron se deri më 31 tetor ka kohë të mjaftueshme për të gjetur një zgjidhje.

Por si në Berlin, ashtu dhe në Paris, Johnson nuk mundi të sigurojë dot mbështetje. Çështja kryesore është ajo e kufirit midis provincës së Irlandës së Veriut dhe Republikës së Irlandës. /ABC News Albania 24/7

trump-kim-1280x820.jpg
ad min10:00 | 01/07/2019

Takimi mes Donald Trump dhe Kim Jong Un ka zgjuar optimizmin për rifillimin e bisedimeve për çështjen bërthamore. Por pavarësisht situatës pozitive, Uashingtoni insiston se sanksionet duhet të mbeten në fuqi pavarësisht zhvillimit të negociatave.

Sekretari amerikan i Shtetit, Majk Pompeo ka reaguar pas takimit të presidentit Trump me liderin Kim Jong Un në ish-zonën ushtarake mes dy Koreve, duke deklaruar se palët do të rinisin së shpejti bisedimet për çështjen bërthamore. Duke folur për mediat, Pompeo tha se, raundi i ri i negociatave ka gjasa të ndodhë në korrik dhe se përfaqësues të palës koreano-veriore do të jenë diplomatë të Ministrisë së Jashtme. Megjithatë, Pompeo e bëri të qartë përmes një postimi në Tëitter se sanksionet e vendosura ndaj vendit aziatik nga Këshilli i Sigurimit i OKB-së duhet të mbeten në fuqi pavarësisht nëse bisedimet ecin përpara.

“Ne mbetemi të gatshëm të angazhohemi në negociata me Korenë e Veriut, por njëkohësisht mbetemi të palëvizshëm në qëndrimin për implementimin e sanksioneve”, shtoi Pompeo. Donald Trump u bë të dielën presidenti i parë amerikan që shkel në Korenë e Veriut për t’u takuar me liderin e saj Kim Jong Un në ish-zonën ushtarake që ndan dy Koretë.

Takimi ishte një tjetër tregues i afrimitetit mes dy liderëve, që shtrënguan ngrohtë duart dhe shprehën shpresën e tyre për paqe. Megjithatë, sipas mediave amerikane, palët nuk janë aspak pranë ngushtimit të hendekut mes dallimeve të tyre, të vëna në dukje në samitin e Vietnamit në muajin shkurt./ABC News Albania 24/7

aleksander-vucic.jpg
nev ila15:26 | 20/06/2019

Samiti i Parisit nuk do të zhvillohet. Është kjo deklarata e presidentit serb Aleksandër Vuçiç i cili arsyetoi këtë mendim me faktin se shqiptarët nuk janë të gatshëm për bisedime.

Presidenti serb Aleksandër Vuçic deklaroi se është i sigurtë se takimi në Paris nuk do të zhvillohet. Kreu i shtetit serb theksoi se sipas tij shqiptarët nuk janë të gatshëm për të folur për ndonjë gjë të rëndësishme.

Ai tha gjithashtu se Serbia ka vepruar në mënyrë konstruktive dhe serioze por që nuk do të hyjë në një dialog i cili vë si kusht përfundimtar njohjen e pavarësisë së Kosovës.

Mbajtja në fuqi e taksës sipas tij është një nga dëshmitë që Prishtina nuk dëshiron dialog dhe se dëshiron të menaxhohet plotësisht nga Shtetet e Bashkuara të Amerikës dhe askush tjetër. Mediat në Kosovë raportojnë se Vuçiç këmbëngul se kjo është reale dhe gjermanët e francezët e kanë kuptuar këtë mesazh.

Takimi i Parisit do të zhvillohet vetëm nëse shqiptarët do të veprojnë seriozisht, përfundoi Vucic duke shtuar se presidenti francez Emmanuel Macron do të vizitojë Beogradin brenda një muaji./ABC News Albania 24/7

05dc-tariffs1-superJumbo-1280x853.jpg
ad min23:15 | 06/06/2019

Amerika dhe Meksika kanë rinisur bisedimet për emigracionin dhe tarifat e paralajmëruara nga Uashingtoni. Duke qenë se paraprakisht procesi ka qenë pozitiv, tarifat e paralajmëruara nga administrata amerikane janë shtyrë, por në rast dështimi ato do të hyjnë në fuqi ditën e hënë.

Zyrtarët amerikanë dhe ata meksikanë kanë rinisur të enjten bisedimet mbi tregtinë dhe emigracionin, me administratën Trump që po u reziston presioneve të ligjvënësve republikanë dhe bizneseve që të lehtësojnë planin për rritjen e tarifave me fqinjin jugor. Zëvendës presidenti Majk Pens, që udhëhoqi raundin fillestar të negociatave në Uashington ditën e mërkurë, deklaroi se bisedimet kishin qenë pozitive por nënvizoi se Shtëpia e Bardhë dëshiron që Meksika të angazhohet më seriozisht për të luftuar emigracionin ilegal. “Ne i mirëpresim përpjekjet e zyrtarëve meksikanë për të ofruar zgjidhje për krizën në kufirin tonë jugor, por ata duhet të bëjnë më shumë”, tha Pens. Ai u mëshoi fjalëve të presidentit Donald Trump, i cili ditë më parë tha se në raundin e parë të negociatave nuk ishte bërë sa duhet progres dhe paralajmëroi se tarifat e reja do të hyjnë në fuqi të hënën e ardhshme nëse vendi latin nuk avancon përpjekjet për të frenuar fluksin e emigrantëve që vijnë kryesisht nga vendet e Amerikës Qendrore. Ndërkohë, tregjet financiare në Shtetet e Bashkuara dhe Meksikë reaguan pozitivisht të enjten, pasi agjencia e lajmeve “Blumberg” njoftoi se Shtetet e Bashkuara po shqyrtojnë shtyrjen e vendosjes së tarifave, teksa bisedimet mes palëve vazhdojnë./ABC News Albania 24/7

kosovo_web-thumb-large.jpg
ent ela09:17 | 20/05/2019

Zyrtarët shqiptarë nuk janë shumë bindës kur flasin për një Shqipëri të Madhe si propagandë serbe dhe ruse të dizajnuara për të kultivuar frikën e Shqipërisë. Kështu e nis shkrimin gazeta greke “Ekathimerini” lidhur me bisedimet për ndryshimin e kufijve në Ballkan.

Faktet flasin vetë. Një postim i fundit në Facebook nga Presidenti i Kosovës, Hashim Thaçi, nxiti natyrshëm kontradikta. Thaçi tha se gjatë një takimi të fundit me kryeministrin shqiptar Edi Rama diskutuan “domosdoshmërinë e hapjes së plotë të kufirit Kosovë-Shqipëri dhe krijimin e një zone shqiptare pa kufi, nën ombrellën euroatlantike”. Kjo zonë, shtoi ai, duhet të përfshijë zonat në Serbinë jugore me shumicë shqiptare.

Shqiptarët kanë ndjekur sistematikisht një politikë të “bashkimit kombëtar”, vijon më tej gazeta greke, me qëllim të krijimit të asaj që zakonisht quhet “Shqipëria Natyrore” (në thelb një mënyrë tjetër për të thënë Shqipërinë e Madhe, për të zbutur reagimet nga vendet fqinje dhe lojtarët e fortë gjeopolitikë). Shqipëria dhe Kosova tashmë kanë një kurrikulum të përbashkët, si dhe ambasada të përbashkëta dhe misione diplomatike. Në vitin 2014, qeveria shqiptare hoqi lejet e punës për shqiptarët etnikë nga Kosova dhe Lugina e Preshevës në Serbi. Pak ditë më parë, masa u shtri për shqiptarët etnikë në Maqedoninë Veriore dhe Malin e Zi.

Për momentin, plani duket të jetë krijimi i një Schengen Shqiptare, siç ishte, me heqjen e kufijve midis dy vendeve. Ata po e shtyjnë atë hap pas hapi, duke rrezikuar një përplasje ndaj popullsisë jo etnike shqiptare. Propozimi amerikan për një shkëmbim territori midis Kosovës dhe Serbisë lehtëson planet e tyre për një territor të vetëm shqiptar, duke parashikuar bashkimin e Luginës së Preshevës, ku popullsia është kryesisht shqiptare etnike, me Kosovën – një hap i madh drejt bashkimit të shqiptarëve etnikë në të gjithë gadishullin e Ballkanit.

Lidershipi serb reagoi ndaj fjalëve të Thaçit. Megjithatë – siç tregojnë komentet nga Presidenti Aleksandar Vuçiç dhe Ministri i Jashtëm Ivica Daçiç – nuk është kundër idesë së një shkëmbimi territori. Kjo është për shkak se një ndryshim kufitar në Kosovë do ta bënte më të lehtë që serbët e Bosnjes të bashkohen me Serbinë, e cila ndërkohë do të ketë rivendosur kontrollin mbi pjesën më të madhe të serbëve etnikë të Kosovës në veri të lumit Ibër.

Në këtë mënyrë, një Serbi e Madhe do të dilte së bashku me një Shqipëri të Madhe. Dy mosmarrëveshje të pazgjidhura historike në Ballkan, çështja shqiptare dhe serbe, do të ishin zgjidhur, por në rrezik të një efekti domino më të gjerë kufitar. Gjermanët janë natyrshëm të shqetësuar. /abcnews.al

 

kukan-9-1280x854.jpg
nev ila12:01 | 16/04/2019

Marrëveshja mes Beogradit dhe Prishtinës do të jetë një punë e pasardhëses së Federica Mogherinit, sepse Mogherini në këtë mandat, nuk ka kohë për të.

Kështu ka theksuar shefi i delegacionit të Parlamentit Evropian për bashkëpunim me Serbinë, Eduard Kukan, duke e kritikuar BE-në për mungesë  lidershipi në udhëheqjen e dialogut mes dy vendeve.

“Unë i kërkoj falje zonjës Mogerini, por BE  ka dëshmuar mungesë të udhëheqjes së dialogut. Bisedime si këto, mund të kenë sukses vetëm nëse dëshmoni lidership të fuqishëm. BE duhet të jetë me e fortë dhe më e vendosur, të parashikojë më mirë ngjarjet, dhe të reagojë për to”, ka thënë Kukan.

Ai thekson se dialogu është bllokuar për një periudhë të gjatë kohore pa një reagim adekuat të BE-së në të. Progresi është i mundur vetëm me presion të fortë të huaj dhe me udhëheqjen e BE.

Kjo çështje varet edhe nga figura e përfaqësuesit të lartë apo përfaqësueses që do marr rolin ndërmjetës në dialog. Pa një presion të fortë të jashtëm dhe lideship të BE-së nuk mund të ketë përparim në dialog, tha Kukan.

Ish-diplomati sllovak dhe deputeti evropian në dy mandate, ka thënë se në parlamentin e ri do të jetë më e vështirë të shënohet një “momentum” për bashkim të Ballkanit perëndimor në BE”.

Pa përfshirjen e Ballkanit perëndimor nuk mund të flasim për Evropë të plotë, por ky nuk është i njëjti qëndrim, për shumë prej kolegëve deputet por edhe politikanëve në Evropën perëndimore“, tha ai./KlanKosova.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono