Bindja Demokratike

patoziii.png
R D00:19 | 21/12/2019

Kreu i Bindjes Demokratike, Astrit Patozi duke folur në intervistën me Mustafa Nanon në “Provokacija” u shpreh me ironi se tre dinozaurët e politikës u gëzuan shumë për krijimin e SPAK-ut, duke nënkuptuar partitë e mëdha.

“Kjo është në një shoqëri që ka humbur ekuilibrin dhe ndaj kemi një politike që vegjeton sipër kënetës. Ditën që u ngrit SPAK-u u krijua ideja se ishte ditë e madhe dhe 3 dinozaurët e politikës nxituan të bënin falenderime. Një mik i imi më tha se më duken si delet kur takojnë për herë të parë ujkun. Ka një hipkrizi të madhe. Janë të njëjtët faktorë që kanë vonuar SPAK-un dhe tani gëzohen sikur SPAK-u do të hetojë viktimat e termetit dhe jo politikanët e lartë”, tha Patozi.

I pyetur nga Mustafa Nano nëse ka filluar të funksionojë reforma në drejtësi, pasi tashmë janë dënuar Tahiri dhe Salianji, Astrit Patozi u shpreh se “këto janë disa sinjale, por unë pres të ketë dënime ekzemplare dhe jo si ato të Nexhmije Hoxhës”.

Më pas Patozi iu përgjigj disa pyetjeve për veten.

Mustafa Nano: Je ai që ke qenë?

Patozi: Jam përpjekur të jem i vertete. Koncesioni më i madh i imi në politikë është: Heshtja! Pra kam heshtur edhe kur mund të flisja. Por ama kur kam vendosur të flas kam thënë atë që kam besuar.

“Unë pretendoj të jem atipik dhe jo patetitk siç janë shumica e politikanëve” tha ai.

Ndërsa për kundështarët në politike, ai tha se “sot kemi një qeveri të keqe dhe një opozitë të vogël dhe kjo mund të zgjasë nëse nuk do ketë ndonjë gjysmë revolucioni”./abcnews.al

andi-permeti.jpg
ad min20:52 | 24/10/2019

Të gjitha palët janë duke punuar për reformën zgjedhore. Mazhoranca dhe opozita parlamentare po punojnë në Komisionin e Posaçëm të Reformës Zgjedhore. Opozita e bashkuar mblodhi ekspertët e saj sot në selinë blu.

Por ka një parti e cila e ka përfunduar platformën e saj dhe e ka dërguar në parlament. Bindja Demokratike është e vetmja parti që e ka protokolluar në parlament propozimin e saj. Ndërkohë këtë të enjte, deputeti Andi Përmeti, njëkohësisht përfaqësues i Bindjes tregoi në mënyrë të përmbledhur se çfarë përmbajnë këto pika.

Në mënyrë të përmbledhur bëhet fjalë për gjashtë të tilla, ndër to edhe risi. Bindja Demokratike kërkon që të ndryshohet sistemi zgjedhor, depolitizim i administratës, kontroll më të fortë ndaj partive etj. Por një ndër pikat risi të BD-së ishin votimi i detyruar dhe propozimi për mocion mosbesimi në rast se krijohen mazhoranca të reja.

Pika e parë që e quaj shumë të rëndësishme dhe duhet të jetë diskutimi i ditës, është ndryshimi i sistemit zgjedhor. Ne kërkojmë që sistemi që është sot proporcional me lista të mbyllura rajonal, ne kërkojmë të bëjmë një sistem si Kosova  që është sistem proporcional kombëtar me lista të hapura. Ne besojmë së është sistemi më i mirë për t’i hequr fuqinë dy-tre personave që janë kryetarë poërtie dhe ta kalojmë këtë fuqi popullit. Është i vetmi sistem ku demokracia ushtrohet në mënyrë gati të drejtpërdrejtë.

Pika jonë e dytë që ka të bëjë edhe me rekomandimet e OSBE/ODIHR është depolitizim i plotë i komisionerëve dhe administratës zgjedhore. Kemi parë ndër vite sa më të politizuar administratorët zgjedhorë aq më probleme kanë. Kemi raste me Kosovën. U çuan në pranga  20 vetë se fotografuan votën. Komisionerët atje janë të depolitizuar. Po të kesh të depolitizuar edhe komisionerët edhe numëruesit mund të ndodhë që numërimi të dalë për një orë. Ne praktikisht të depolitizuar e quajmë do donim që KQZ të ishte sërish organ kushtetues që nuk është më prej 2008.

Pika e tretë është një nga risitë dhe BD ka propozuar votimin e detyruar. Ne mendojmë që njerëzit për shkak të keqbërjes së politikës kanë humbur shpresën dhe nuk shkojnë të votojnë. Ne duam t’i detyrojmë njerëzit siç e ka dhe Greqia edhe Franca që të shkojnë të votojnë. Sepse pjesa gri, pjesa më intelektuale po shkoi pjesa gri mund të ngjallë shpresë. Ata mund të ndryshojnë sistemet. Dikush dhet të shoje detyrimisht një herë në tre zgjedhje. Greqia e ka, Franca e ka. Po arritëm demokracinë e tyre nuk jemi keq. Ata kanë mundësi të zgjedhin e të votojnë gjithnjë më mirë. Kur i “detyron” të votojnë kam përshtypjen që do zgjedhin më mirë se militantët që janë ekstremistë mbi partitë e tyre. Ashtu nuk blihet vota. Këta që nuk votojnë janë më intelektualët.

Pika e katërt ka të bëjë deri diku me rekomandimet e ODIHR. Ka të bëjë me ligjin për partitë politike. Kërkojmë një kontroll më të fortë qoftë mbi financat mbi fushata etj. Mbi të gjitha partitë të mos konsiderohen prona të trashëgueshme apo të patrashëgueshme. Si çdo shoqatë kanë detyrimin të çojnë çdo ndryshim në gjykatë.

Pika e pestë. Propozimi është që nëse ka mocion mosbesimi, nuk duhet detyrimisht që pala që ka mocion mosbesimi të ketë një kandidat për kryeministër. Thjesht nëse është zgjedhur një mazhorancë e re ata të kenë mundësi ta rrëzojnë kryeministrin. Për mua është më e rëndësishme që kryeministri të jetë i lëkundur se sa të jetë perandor i plotfuqishëm që vendos për të gjitha. Ka plot shembuj. Për mua më interesante është pika e dytë e asaj që kemi propozuar, që është detyrim që të rrijë vetëm dy herë rresht kryeministër. Mandat i kufizuar si SHBA-të. Ti e detyron kryeministrin të lëshojë.

Pika e gjashtë është që në momentin që të ketë zgjedhje Kryeministri të japë dorëheqjen, shembulli i Maqedonisë. Të japë dorëheqjen 100 ditë përpara. Ne mendojmë që und të jetë kryeministër një nga drejtuesit e organeve kushtetuese. Për mua mund të jetë kryetari i Gjykatës Kushtetuese. Në atë mënyrë do kemi një shans më shumë”, tha Përmeti.

Intervista e plotë:

/abcnews.al

astrit-patozi.jpg
ad min15:36 | 18/09/2019

Kreu i Bindjes Demokratike, Astrit Patozi, sheh si zgjidhje për krizën politike që po kalon vendi vetëm zgjedhjet e parakohshme. Në një intervistë për ABC News, Patozi shprehet i hapur për bashkëpunim me Partinë Demokratike, nëse kanë së bashku këtë pikësynim.

Kriza e thellë politike zgjidhjet vetëm me zgjedhje të parakohshme. Kjo është rruga e vetme që Astrit Patozi sheh për një normalizim të situatës politike, ku përballë njëra tjetrës janë një mazhorancë e mbingopur me pushtet dhe një opozite të papërfaqësuar në asnjë institucion.

“Ne sot jemi në kushtet që qeveria dhe mazhoranca vuan mbipeshën nga një pushtet i pamerituar dhe një pjesë që është dhuruar prej opozitës. Nga ana tjetër opozita që vuan gati mungesën totale të gjitha pushteteve. Mendojmë se zgjedhjet e parakohshme janë domosdoshmëri dhe janë e vetmja rrugë për ta zgjidhur këtë krizë përfaqësimi dhe për ta çuar këtë shoqëri në ekuilibrat që sot i mungojnë në mënyrë drastike. Është detyrim ekskluziv i opozitës që ta detyrojë qeverinë që të pranojë zgjedhjet e parakohshme që do t’i japin fund krizës dhe nuk do ta çojnë vendin në zvarritje”, tha Patozi.

Madje Astrit Patozi deklaron se nuk do t’i thoshte jo një ftesë për bashkëpunim me Lulzim Bashën nëse si pikësynim final do të ishin zgjedhjet e parakohshme.

“Unë nuk përjashtoj dhe nuk paragjykoj askënd, sidomos një formacion i cili është opozitar po ashtu si Bindja Demokratike. Unë shpresoj, nuk dua të flas për një gjë që nuk ka ndodhur, për një gjë që është ende në kuadrin e një thashethemi, por ajo që ka rëndësi është që ne të konvergojmë, do doja që çdo formacion opozitar të jepte kontributin e tij në funksion të arritjes së objektivit që janë zgjedhjet e parakohshme. Nëse PD dhe çdo parti tjetër opozitare punon dhe e tregon që është në funksion të këtij qëllimi sigurisht që ne kemi të njëjtin objektiv dhe do të shikojmë të gjitha format e bashkëpunimit”, tha Patozi.

Por kreu i Bindjes Demokratike nuk i vlerëson serioze qëndrimet e kreut të opozitës, Basha, se kriza mund të zgjidhet përmes një dialogu të brendshëm, duke rikthyer në memorie qëndrimet e mbajtura për reformën në drejtësi.

Sa më e rëndë që të jetë situata dhe e tillë është në Shqipëri, aq më shumë nevojë kemi për partnerët tanë ndërkombëtarë të cilët nuk kanë munguar në asnjë rast kur ne kemi pasur kriza. Deklaratat patetike të disa surrealistëve të vonuar apo që këtë funksion e ushtrojnë part time mua gjithmonë më kanë shkaktuar të qeshura sepse kujtoj seancën për reformën në drejtës në Kuvend ku u ngritën 140 kartona jeshilë dhe bashkë me Lulzim Bashën në llozhë bëheshin 141, kjo deviza e ndërtimit të demokracisë është një reminishencë e së shkuarës. Ne kemi shumë nevojë për praninë e ndërkombëtarëve, sidomos për situatën ku gjendemi sepse ne gjëmën më të madhe këtij vendi e kemi bërë kur kanë humbur pak vëmendjen ose kur na kanë lënë ne që ta zgjidhim vetë”, tha Patozi.

Thirrjet e ndërkombëtarëve për reformën zgjedhore Patozi i vlerëson si pozitive, por nuk është shumë optimist për vullnetin e klasës politike dhe më konkretisht i Edi Ramës dhe Lulzim Bashës. Sipas Patozit, kriza nuk do të zgjidhet me ndërhyrje estetike në Kod, por me reformë të thellë në sistem.

“Përse duhet më ky sistem i cili është provuar që nuk prodhon as demokraci dhe as stabilitet. Nuk do ishte e udhës që thjesht dhe vetëm të rregullonim disa nene të Kodit elektoral qoftë duke pasur si busull projektuese rekomandimet e OSBE/ODIHR”, tha Patozi./ABC News Albania 24/7

MBULIM-KOLEGJI_ABC-M2-T1.mpg_snapshot_00.14-1280x720.jpg
ent ela15:25 | 25/07/2019

Kolegji Zgjedhor rrëzoi sot padinë e kandidatit të Bindjes Demokratike për Bashkinë Kamëz që kërkonte shpalljen e pavlefshme të zgjedhjeve të 30 qershorit dhe përsëritjen e tyre.

Turpa gjyqësore nuk i pranoi akuzat e Partisë së Patozit për komisionerë me emra të rremë, duke rrëzuar padinë e fundit për 30 qershorin.

Më herët Kolegji rrëzoi edhe padinë e Partisë Konservatore për pavlefshmërinë e zgjedhjeve në bashkinë Lezhë.

Ndërkohë Kolegji po shqyrton paditë e PS për mandatimin e këshillave bashkiakë për 23 bashki në vend.

14 këshillat  e fundit do të mandatohen të premten. Pas kësaj KQZ do të miratojë tabelën përmbledhëse kombëtare të rezultateve përfundimtare. /ABC news Albania 24/7

 

kqz-3.jpg
ad min13:04 | 06/07/2019

Komisioni Qendror i Zgjedhjeve i ka lënë 24 orë afat partisë Bindja Demokratike të plotësojë kërkesat për anulimin dhe përsëritjen e zgjedhjeve të 30 Qershorit me arsyetimin se pretendimet e tyre nuk bazohen në fakte. Në mbledhjen e fundit, ky komision ka certifikuar zgjedhjen e kryebashkiakëve socialistë në Korçë dhe Kamzë.

Me këtë vendim, Komisioni Qendror i Zgjedhjeve kthen për plotësim ankimimin e partisë Bindja Demokratike për 41 bashkitë në vend. Sipas arsyetimit të katër anëtarëve të Komisionit Qendror të Zgjedhjeve nuk mund të kërkohet anulimi dhe përsëritja e zgjedhjeve të 30 Qershorit në 41 bashki të vendit me një kërkesë të pa plotësuar dhe të paplotësuar me fakte e indicia që vërtetojnë pretendimin e Bindjes Demokratike se ka pasur shtim fiktiv të numrit të përgjithshëm të votuesve, si dhe ndryshim të votave në tavolinat e numërimit në favor të Partisë Socialiste dhe të aleatëve të saj.

I vetmi që e argumentoi ndryshe është ai që votoi kundër Klement Zguri. Partisë Bindja Demokratike iu la afat 24 orë për të plotësuar kërkesat hapjen e kutive, anulimin dhe përsëritjen e zgjedhjeve në 41 bashki të vendit. Në këtë mbledhje Komisioni Qendror i Zgjedhjeve shpalli Rakip Sulin fitues të Bashkisë Kamëz dhe Sotiraq Filon për Bashkinë Korçë si dhe miratoi rezultatet për zgjedhjet ne këshillat e këtyre dy bashkive./ABC News Albania 24/7

erion-veliajj.jpg
ad min15:12 | 05/07/2019

Bindja Demokratike dorëzoi sot në Komisionin Qendror të Zgjedhjeve ankimimin e procesit elektoral të 30 Qershorit. Partia më e re opozitare pretendon se ka patur shtim fiktiv të numrit të përgjithshëm të votuesve, si dhe ndryshim të votave në tavolinat e numërimit në favor të Partisë Socialiste dhe të aleatëve të saj.

“Hap kutitë, ose pranoje”!

Thirrjen Bindja Demokratike ai drejton atij që e ka kërkuar i pari hapjen e kutive rreth 10 vite më parë, Edi Ramës. Partia më e re opozitare ka ankimuar këtë të premte procesin elektoral të 30 Qershorit në të gjitha ato zona zgjedhore, ku ajo konkurroi me kandidatë për kryetarë ose këshilltarë bashkie. Dosja ankimore u dorëzua në Komisionin Qendror të Zgjedhjeve nga anëtari i bordit të përkohshëm përfaqësues, Fabian Topollaj.

“Objekt i ankimimit janë vetëm ato qendra votimi dhe zona zgjedhore, ku Bindja Demokratike, u lejua të marrë pjesë në garë, ndërkohë që të njëjtat probleme me zgjedhjet me siguri që kanë ekzistuar në të gjithë territorin”.

Bindja Demokratike me ankimimin e saj synon të provojë që zgjedhjet e 30 qershorit u administruan keq dhe qëllimisht nga përfaqësuesit e vetëm të njërës palë, në këtë rast të Partisë Socialiste.

“Në konstatimet e vëzhguesve të Bindjes Demokratike theksohet se ka pasur shtim fiktiv të numrit të përgjithshëm të votuesve, si dhe ndryshim të votave në tavolinat e numërimit në favor të Partisë Socialiste dhe të aleatëve të saj”.

Partia opozitare fton publikisht anëtarët e KQZ-së dhe Partinë Socialiste që të bëjnë transparencën e zgjedhjeve të 30 Qershorit, në rast se ata janë të sigurt se nuk ka pasur deformim të vullnetit të zgjedhjeve.

“Zgjidhja është Hapja e Kutive”!/ABC News Albania 24/7

bindja-demokratike-1280x717.jpg
ad min23:59 | 28/06/2019

Anëtari i bordit të Bindjes Demokratike, Fabian Topollaj, deklaroi këtë të premte se pas zgjedhjeve opozita duhet të riformatohet. Sipas tij e vetmja mënyrë për ta bërë këtë është të votojnë Bindjen Demokratike të dielën e 30 Qershorit

“Unë besoj se në 1 Korrik opozita e këtij vendi duhet të riformatohet. Ka vetëm një pengesë që e ka penguar të djathtën shqiptare për t’u riformatuar të paktën gjatë këtyre dy viteve të fundit dhe ai ka qenë kryetari i PD-së i cili e ka mbajtur me forcë postin e tij. Kështu që një demokrat i zhgënjyer, kush më shumë se demokratët e dinë sot që janë viktima të lidershipit të tyre që e shikojnë Partinë Demokratike si një gjë që duhet ta shfrytëzojnë për interesa krejt personale. Duhet të votoj për opozitën e këtij vendi. Opozita e këtij vendi duhet të ekzistojë pas 1 Korrikut. Opozita e këtij vendi do të fuqizohet pas 1 Korrikut. Demokratët shqiptarë s’duhet ta lënë veten të mos kontribuojnë në fuqizimin e opozitës së këtij vendi. Më 30 Qersjor e vetmja mundësi për të kontribuar në opozitën e këtij vendi është të votojnë për Bindjen Demokratike”, tha Topollaj.

Më tej, ai theksoi se pret që BD të arrijë një rezultat surprizues për zgjedhjet.

Ne besojmë se do të marrim një rezultat shumë të mirë. Ne besojmë se nevoja e shqiptarëve për të shprehur opozitarizmin e tyre është shumë e madhe dhe ne favorizohemi nga fakti që jemi e vetmja pjesë e opozitës që kemi hyrë në këto zgjedhje dhe kemi kuptuar të parët që e vetmja mënyrë për të shprehur opozitarizmin janë dhe mbeten zgjedhjet. Shpresoj shumë dhe besoj që Bindja do të marrë një rezultat surprizues në zgjedhjet e 30 Qershorit”, tha Topollaj./abcnews.al

valbona-sakollari-1-1280x723.jpg
nev ila17:59 | 28/06/2019

E ftuar në studion e ABC News me gazetaren Juli Xhokaxhi pasditen e sotme ishte e ftuar kandidatja e Bindjes Demokratike për Bashkinë Durrës, në zgjedhjet lokale 30 qershorit, znj. Valbona Sakollari.

E pyetur nga gazetarja Juli Xhokaxhi për planin që ka Bindja Demokratike në menaxhimin e qytetit por jo vetëm, Sakollari tha se përqasja e Bindjes në projektet që do të ndikojnë në qytetin e Durrësit vitet që pasojnë, është marrja e opinionit publik dhe qytetarëve nëpërmjet referendumeve lokale.

“Ajo që është bërë është vështirë që të zhbëhet dhe kjo është një katrahurë, katastrofë. Durrësi ka betonizuar 2500 vjet historinë në një sekondë, për hir të biznesit të dikujt që sa do të ketë kushtuar nuk mund të kushtojë 3000 vjet histori njerëzimi. Përqasja ime në këto lloj projektesh, sepse jam e bindur që qyteti është dinamik dhe duhet të zhvillohet, pra projektet që do të ndikojnë Durrësin e pas 30 apo më shumë viteve, unë do kërkoj të marr opinionin e publikut dhe të qytetarëve nepërmjet referendumeve. Mendoj që është një risi për projektet të qenësishme për të shpalosur 2 apo 3 alternativa. Mendoj që qytetarët Durrsakë janë shumë të mençur dhe shumë fisnikë e dinë të bëjnë diferencën. Këto referendume të diskutuara me grupe interesi kur ti ke tërhequr mendimin e specialistëve patjetër që do të gjenerojnë një produkt më të mirë”, tha Sakollari./abcnews.al

leonard-olli.jpg
ad min17:42 | 27/06/2019

Kandidati i Bindjes Demokratike për Bashkinë e Korçës, Leonard Olli, deklaroi këtë të enjte se është futur në garë për të fituar. Ai ishte i ftuar në studion e ABC News dhe theksoi se Bindja Demokratike ka hyrë me pretendime për të fituar dhe jo thjesht sa për të shërbyer si legjitimues i zgjedhjeve.

Ka qenë koha e shkurtër sipas Ollit ajo që nuk i dha mundësinë BD-së që të ketë kandidatë në çdo bashki të vendit. Është ky fakti që rrëzon çdo pretendim sipas tij që Bindja shërben si legjitimues i zgjedhjeve.

“Të paktën për aq sa më njihni nuk kam pranuar të hyj sa për garniturë as kur kam qenë jashtë tyre. Problemi është që unë nuk kam qenë nga ato natyra që jam mjaftuar me atë frazën e famshme se nuk jemi në konkurset e bukurisë ‘e rëndësishme është të marrësh pjesë’.  Ne kur hymë, hymë shumë serioz dhe me pretendimet për të fituar. Nuk shkova në Korçë për të qenë garniturë e zotit Filo as ndonjë Filoje tjetër. Hyra në Korcë sepse kam pasur me dhjetëra herë ftesën e miqve të mi dhe shumë bashkëqytetarëve të mi për të qenë në garë për bashkinë e Korçës, herë si anëtar i PD-së dhe në rastin konkret përtej të qenit anëtar i PD-së.

Beteja ime është për të marrë Bashkinë e Korçës jo për të marrë pjesë në garë dhe për t’u rritur në mënyrë elektorale. Po të ishte ashtu konkurronim vetëm në Këshillat Bashkiakë. Nuk kishim të nevojshëm të vinim emra të përveçëm. Koha e shkurtër në dispozicion na pamundësoi për të patur kandidat në çdo pjesë. Kjo. Kjo rrëzon çdo pretendimi që thotë se shërbejmë si legjitimues. Nëse do shërbenim si legjitimues do të kishim ndihmuar të plotësonim të 61 bashkitë që funksionojnë. Nuk ka qenë ky qëllimi, qëllimi ka qenë të bëjmë diferencën”, tha Olli./abcnews.al

 

arben-skenderi-1280x712.jpg
nev ila18:25 | 26/06/2019

Arben Skënderi i ftuar në studion e Abc News me Mirela Milorin tha se 30 qershori do të jetë në gjendje të mjerueshme. I pyetur nga gazetarja Mirela Milori se përse qytetarët duhet të votojnë Bindjen Demokratike, Skënderi tha se ka ardhur momenti që Tirana të drejtohet nga një njeri normal.

Mirela Milori: Si e shihni 30 qershorin? Do ketë ngarkesa?

Arben Skënderi: Alternativa është ajo që i frymëzon njerëzit. Pse duhet të çohen njerëzit te lufta? 30 qershori do të jetë në gjendjen më të mjerueshme.

Mirela Milori: Ju do të hyni në zgjedhje, pse qytetarët do të votojnë ju?

Arben Skënderi: Unë jam një djalë që i ngjaj shumë të tjerëve në këtë qytet. Ka ardhur momenti që Tirana të drejtohet nga një njeri normal. Sot Kryetari i Bashkisë së Tiranës është i kapur. Gjithë fushatën që po bën thjesht po reciton të njëjtat vjersha si 4 vjet më parë.

Mirela Milori: Cilat janë pritshmëritë tuaja?

Arben Skënderi: Erion Veliaj do të përballet me një votë ndëshkuese kësaj radhe. Ka ardhur koha që njerëzit ta shohin realisht. Keni për tu çuditur për proporcionin që ka për të marrë Bindja Demokratike. Jemi grupim njerëzish që po zmadhohet çdo ditë. Ne do jemi këtu dhe më të fortë se dje, por askush nga ne nuk ka për ta shitur dinjitetin e vet.

Mirela Milori: Nuk keni frikë se mund të shkojë si Gjergj Bojaxhi apo Ben Blushi?

Arben Skënderi: Emrat që ju përmendët kanë qenë njerëz që kanë qenë shtojca. Ndërsa ne kemi dalë në opozitë me familjen tonë. Largimi ynë ka qenë për tu distancuar. Ne sot jemi të organizuar me koordinatorë dhe nuk i japim llogari askujt. Unë nuk e shes dinjitetin tim për asgjë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono