bin laden

terroristi.jpg
nev ila22:30 | 07/06/2019

Autoritetet amerikane kanë shmangur një sulm terrorist që do të kryhej në zonën e njohur TAJMS SKUER të Nju Jorkut. Agjentët federalë kanë vënë në pranga një 22-vjeçar që fillimisht do të sulmonte me armë zjarri dhe më pas do të hidhej në erë me eksploziv.

Një person që simpatizonte Bin Laden dhe po planifikonte një sulm në zonën Tajms Skuer të Nju Jorkut është vënë në pranga nga policia amerikane. 22-vjeçari Ashikul Alam, i cili po planifikonte të vriste oficerë të policisë që veprojnë në një nga zonat më të frekuentuara të Nju Jorkut, akuzohet për posedim ilegal të armëve të zjarrit, përmes të cilave synonte të realizonte planin e tij.

22-vjeçari u arrestua pasi kishte marrë dy pistoleta gjysmë-automatike të tipit “Glok 19”, me numrin e serisë të fshirë – bënë të ditur autoritetet federale të Bruklinit. Gjatë takimeve me një agjent të fshehtë federal, Alam kishte shprehur gjithashtu mbështetje për sulmet e 11 shtatorit në Nju Jork, si dhe për militantët e grupit terrorist të Shtetit Islamik.

Sipas autoriteteve amerikane, ai po planifikonte të vishte edhe një jelek me eksploziv gjatë sulmit. Tajms Skuer, që vizitohet çdo vit nga miliona turistë, shpesh herë quhet kryqëzimi i botës dhe është vënë në shënjestër të paktën dy herë në vitet e fundit, pavarësisht pranisë së theksuar të policisë.

Më 1 maj të vitit 2010, policia shmangu një atentat me aut-bombë, duke çaktivizuar një pajisje artizanale me fishekzjarre dhe cisterna gazi propan./ABC News Albania 24/7

vlcsnap-error211-2-1280x720.jpg
ad min13:21 | 20/11/2017

Sipas mediave serbe, në kompjuterin e osama Bin Laden janë gjetur fotografi të kishës së Shën Dhimitrit që ndodhet në Mitrovicë. Gjithashtu kishte dhe hartën e qytetit në veri të Kosovës

Mes dokumenteve të gjetura në kompjuterin e Osama Bin Laden që janë publikuar nga CIA është dhe një fotografi të kishës së Shën Dhimitrit në Mitrovicë. E përditshmja e Beogradit “Politika” shkruan se dosjet përmbanin dhe një hartë të qytetit në veri të Kosovës.

Sipas agjencisë ruse Sputinik, lideri i grupit terrorist të Al KAedës i cili u vra nga forcat speciale amerikane, ishte shumë i interesuar për Kosovën sipas dokumenteve të gjetura në kompjuterin e tij personal.

Një raport i publikuar nga Politika tregon se mes 470 mijë dokumenteve të publikuara në 1 nëntor, u gjet dhe një poster ku shkruhej : Xhihadi ne Kosove, si dhe një hartë e Kosovës e kohës së perandorisë osmane ku duket Prishtina./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono