BILD

1.bild-1.jpg
Autor E12:00 | 17/02/2020

Kryeministri Rama mori pjesë në darkën tradicionale të shtruar nga gazeta gjermane “Bild” sëbashku me mjaft personalitete të tjerë si Sekretari i Shtetit Mike Pompeo, bosi i Facebook dhe Instrgram apo Presidenti i Ukrainës Volodymyr Zelensky.

Në një shkrim në lidhje me këtë darke, “Bild” thekson se ajo kishte ushqim të bollshëm, verë dhe mjaft siguri, shkruan abcnews.al.

Dy ditë më parë, Rama publikoi foto me pronarin e Facebook Mark Zuckenberg, e cila duket se është shkrepur pikërisht këtu.

Prania e kryeministrit Rama në këtë darkë është më tepër se simbolike pasi mes tij dhe “Bild” pati debate pas publikimit të përgjimeve të dosjes “339”. Madje, Rama tha se do të bënte padi ndaj gazetarit që i publikoi.

Lexoni shkrimin e plotë të “Bild

Birrë e shërbyer në gota të akullta prej guri, rafte me midhje, kërmij, karkaleca e verë të bardhë, dhe shumë kohë për biseda personale midis CEO-ve, kryeministrave, ministrave, presidentëve të shteteve.

Kjo ishte ‘Ushqim deti dhe Siguri’, darka tradicionale e ‘BILD’ për konferencën e sigurisë së Mynihut në restorantin e ndriçuar nga shandanët, ‘Chez Fritz’.

Presidenti ukrainas, Volodymyr Zelensky bëri shaka në lidhje me kostumet e tij:‘Herën e parë që kisha kostum ishte gjatë pagëzimit, të dytin për martesë dhe kisha menduar se kostumin e tretë do e kisha në varrimin tim, por tani më duhet t’i mbaj veshur këto gjëra të mallkuara çdo ditë’.

Sekretari amerikan i Shtetit, Mike Pompeo, ishte bashkë me bashkëshorten e tij, Sekretari amerikan i Energjisë, Dan Brouillette, rrëfeu sesi në vitet ’80 kishte qenë ushtar në pikën e kontrollit Charlie në Berlin.

Gjeniu i Facebook, Mark Zuckerberg, kërkonte patjetër të bisedonte me shefin e Volkswagen, Herbert Diess.

Të ftuar të tjerë: Bosi i Mercedes-Benz, Ola Källenius, CEO i Lufthansa-s, Carsten Spohr, moderatorja Anna von Bayern, ambasadori amerikan në Gjermani, Richard Grenell, Kryeministri i Shqipërisë, Edi Rama, e ardhmja e CDU-së, Jens Spahn, ministri i Transportit, Andreas Scheuer, Gjenerali i SPD-së, Lars Klingbeil dhe udhëheqësi i grupit rajonal të CSU-së, Alexander Dobrindt.

Bashkëpritës dhe përfaqësues i BILD-it, Paul Ronzheimer: ‘Ushqim deti dhe siguri’ do të thotë që në një atmosferë të relaksuar ka mëshumë biseda të hapura për politikën e jashtme sesa kudo tjetër.

sali-berisha-6.jpg
ger ta22:55 | 21/01/2020

Ish-kryeministri Sali Berisha ka reaguar për artikullin e “Bild” që më pas u fshi. Shkrimi në fjalë kishte të bënte për çështjen e lobimit rus, ku thuhej mes të tjerash se Lulzim Basha ka lobuar për të penguar integrimin e venit.

Ndërkohë, në një postim në rrjetet sociale teksa vlerëson gazetën prestigjoze, shprehet se vendosi në faqe sipas tij një shpifje të mirëfilltë të  Edi Ramës.

“Nje mik i imi në ketë gazetë duke qeshur me tha se tragjikomikja e kesaj afere eshte se, edhe pasi u hoq si kryekeput trillim shkrimi nga gazeta, në Tirane zelltaret e kryekreut vazhduan të sherbehen me halen e bosit të tyre!”

Reagimi i plotë:

Si ua la Bild ne goje Arben Malavites dhe Sugar Fuges halen e bosit te tyre!

Miq! Fenomenale! Gazeta me e madhe e Europes “Bild”, qe para disa muajve me regjistrime autentike iu faktoi botes se Edvin Kristaq Mafia ishte bosi i nje qeverie te mafies se droges dhe vjedhjes se votave, vendosi ne faqen e saj pardje nje shpifje, trillim te mirefillte te Edvin Kristaq Mafise per Lulzim Bashen.

Çdo njeri mbi toke qe lexonte ate pamflet rrene qeshte dhe tallej me te!

Bazuar ne ate shkrim, sipas te cilit Basha paska paguar para ruse ne ShBA per te bllokuar hapjen e negociatave te Shqiperise me BE, ne nje mobilizim te papare Arben Malavita, Sugar Fuga urdheruan mercenaret ne mediat e tyre Karlo Malavita, Ymer Çorapja, tualetin Masturbiv te Kol Balles ta shnderronin ne çeshtje debati kryesor shkrimin e Bild.

Mirepo keta mjerane dhe ndonje tjeter tejet i vrerosur me Bild mbllaçisnin ne debatet e tyre televizive me pasion te zjarrte dhe pergjerime dhe perjargezime halen e gatuar nga bosi i tyre sepse vazhdoni me zjarr betimet dhe sterbetimet edhe shume e shume ore pasi Bild kishte fshire nga faqja trillimin e gatuar nga Bosi i tyre.

Nje mik i imi ne kete gazete duke qeshur me tha se tragjikomikja e kesaj afere eshte se, edhe pasi u hoq si kryekeput trillim shkrimi nga gazeta, ne Tirane zelltaret e kryekreut vazhduan te sherbehen me halen e bosit te tyre!

Miq, le tju themi me gjithe zemer ju befte mire!

Ndjese miq per fjalen qe kam perdorur, por nuk e shmangia dot pasi pasioni i Edvin Mafise per halen tejkalon tek ai, siç dini, çdo shije tjeter! sb

/abcnews.al

mustafa-nano.jpg
ger ta21:14 | 21/01/2020

“Bild” na ka borxh një shpjegim”. Kështu u shpreh në monologun e tij në “Provokacija” Mustafa Nano.

Moderatori iu referua artikullit të gazetës prestigjoze gjermane për çështjen e lobimit rus. Teksa Nano i cilëson “broçkulla kolosale”, mes të tjerash në shkrim thuhej se Lulzim Basha ka lobuar me rusët për të penguar procesin e integrimit të vendit. Ndërkohë, pa kaluar shumë orë, artikulli u fshi.

Pikërisht përë këtë veprim, Nano shprehet se gazeta duhet të japë një shpjegim, mbi arsyet që e çuan të ndërmarrë një gjë të tillë.

Unë mendoj se “Bild” duhet ta shpjegojë këtë gjë në mos, reputacioni i vet vihet në dyshim të paktën tek shqiptarët të cilët kanë jetuar gjithmonë me idenë se mediat e rëndësishme europiane janë të rëndësishme edhe për faktin që kanë një marrëdhënie të caktuar me të vërtetën”, shprehet Nano mes të tjerash.

Monologu i Mustafa Nanos në ‘Provokacija”:  

Këto ditë shqiptarët kanë dëgjuar të flitet për gazetën gjermane “Bild”, e cila është një gazetë shumë e rëndësishme, madje është më e rëndësishme në termat e tirazhit. Ka dekada që është gazeta më e rëndësishme në Europë. Ka shitur gjithë kohën miliona kopje edhe sot kur interneti ka bërë punën e vet dhe ka afektuar gjithë botën tjetër të medias në versionin print. Gazeta “Bild” mbahet akoma në këto nivele, shet miliona kopje, arsyeja është e thjeshtë, është një gazetë tabloid, me fjalë të tjera bulevardeske që është e fokusuar tek lajmet sensasionale, tek thashethemet. Dhe këto thashetheme jepen në një gjuhë të shkujdesur, është e fokusuar gjithashtu tek seksizmi. Pra janë që ndjellin vëmendje. Shkruhet në këtë gazetë edhe për gjëra serioze, por shkruhet nga një këndshikimi i veçantë dhe shkruhet siç e thashë me një gjuhë të shkujdesur. Që shkruhet për gjëra të rëndësishme duket edhe te fotografia që unë kam zgjedhur që është portreti i Angela Merkelit.

Në këtë kuadër gazeta “Bild” ka publikuar një shkrim për Shqipërinë, më saktë Partinë Demokratike të Shqipërisë dhe për Luzlim Bashën, i cili sipas gazetës Bild, që i referohet gazetës “Mother Jones” ka paguar shumë të mëdha parash me synimin për të sabotuar procesin e integrimit të Shqipërisë në BE dhe duke lidhur në këtë funksion aleanca të çuditshme thotë “Bild” me qasje ruse anti-shqiptare.

Sipas meje kjo është një gjepurë kolosale. Është e vërtetë që Lulzim Basha ka paguar qindra mijëra euro, më saktë dollarë. Ka paguar saktësisht 675 mijë dollar, kjo është një gjë e provuar, e pranuar edhe nga vetë Lulzim Basha dhe ai akoma ka nevojë të shpjegohet për këtë gjë. Duhet të na thotë se cili është burimi i këtyre parave. Por këto para janë paguar dhe janë harxhuar në mënyrën që Lulzim Basha t’i garantonte vetes një lloj afirmimi ndërkombëtar. Ishte koha kur opozita ishte si e izoluar, kishte braktisur institucionet dhe Lulzim Basha kishte nevojë për një akses pak më shumë në arenën ndërkombëtare sepse të gjithë ndërkombëtarët në atë periudhë mbështesnin qeverinë në aksionin e vet politik dhe ishin kundër opozitës.

Ky është shpjegimi i asaj pagese dhe në këtë kuptim unë përsëris, pretendimi i gazetës “Bild” që këto para janë paguar për të sabotuar integrimin e Shqipërisë në BE, apo janë paguar ngaqë Lulzim Basha është pro rusëve. Janë broçkulla kolosale. Bild e ka bërë këtë shkrim dhe deri këtu nuk ka ndonjë gjë të keqe, është një shkrim i gabuar, por shkrimet e gabuara bëhen në të gjitha gazetat. Problemi nuk është ky, problemi u verifikua të nesërmen e ditës që ky shkrim u publikua sepse të nesërmen e asaj dite shkrimi në fjalë mungonte, ishte hequr në mënyrën më të çuditshme në mënyrën më skandaloze.

Është një gjë që mendoni se ndodh vetëm në Shqipëri, por ja bën vaki edhe me gazetat e rëndësishme të Europës. Ne “Bild” na ka borxh një shpjegim. Në fakt këtë shpjegima ua ka borxh edhe lexuesve të vet gjermanë. Por duke qenë se në këtë shkrim flitet për Shqipërinë na ka borxh një shpegim, duhet të na thotë pse ai shkrim është hequr. Mund të jetë hequr ndoshta se aty thuhen të pavërteta dhe drejtuesit e “Bild” ndoshta janë bindur se aty thuhen të pavërteta. Mirëpo në një rrethanë të tillë “Bild” do bënte atë që bëjnë gazetat serioze në botë. Do bënte një përgënjshtrim, nuk turpërohej, përkundrazi shpëtonte faqen e vet të zezë. Këtë përgënjeshtrim Bild nuk e ka bërë. Atëherë çfarë ka ndodhur? Ka shumë shqiptarë që mendja u shkon se “Bild” është paguar për ta hequr atë shkrim. Kjo në fakt është një paranojë shqiptare, madje edhe e shpifur shqiptare. Ne e kemi demostruar se në rrethana të ngjashme mendja na shkon te korrupsioni i personazheve, siç kemi bërë me ambasadorët këtu apo edhe me personazhe të tjerë. Apo siç është bërë gjatë gjithë këtyre muajve me tezën se të gjithë  ndërkombëtarët janë blerë nga kryeministri i Shqipërisë. Megjithatë shqiptarët kanë të drejtë ta mendojnë këtë për sa kohë qe “Bild” nuk ka vendosur të japë shpjegimet e veta.

Unë mendoj se “Bild” duhet ta shpjegojë këtë gjë në mos, reputacioni i vet vihet në dyshim të paktën tek shqiptarët të cilët kanë jetuar gjithmonë me idenë se mediat e rëndësishme europiane janë të rëndësishme edhe për faktin që kanë një marrëdhënie të caktuar me të vërtetën./abcnews.al

 

kaso.jpg
ger ta20:39 | 20/01/2020

I ftuar në “Mbrëmje në Abc” me Mirela Milorin, konsulenti ligjor i PD, Ivi Kaso ka komentuar artikullin e gazetës gjermane “Bild” për kreun e demokratëve Lulzim Bashën.

Gazeta shkruante në artikullin që më pas u fshi për lobimin rus. Bild” theksonte se paratë që kishte paguar Basha tek Nick Muzin kanë qenë për të penguar integrimin e Shqipërisë në BE.

Ndërkohë, sipas Kasos, PD nuk është interesuar për këtë artikull, por beson se ndodh që shumë media në botë edhe ato prestigjoze ti fshijnë artikujt pasi është konfirmuar e vërteta.

Pjesë nga intervista:

Taulant Balla ka publikuar artikullin e plotë, është  hequr nga faqja zyrtare e “Bild”. Thuhet që zoti Basha ka bërë lobim dhe ka qenë për mos hapjen e negociatave.

Ky është artikull i Taulant Ballës. Mund të jenë vetëm deklaratat e zotit Balla, të cilat janë të vetmet që shqiptarët kanë dëgjuar, pasi që në vitin 2017 është po ky zotëri ka hedhur akuza të rënda dhe kanë ngelur vetëm të tilla. Në fund me një vendim të gjykatave, pas një zvarritje nga prokuroria ka thënë fjalën e vet. Dhe fjalën që drejtësia ka thënë eshte se nuk ka fakt penal.

E ka Bild këtë artikull. Ne si gazetarë u interesuam, madje abc news dërgoi një email, po ju jeni interesuar si forcë politike?

Besoj se nuk i takon forcës sonë politike. Është një media prestigjoze

Publikoi përgjimet…

Po sigurisht. Artikujt gjenden ende në faqen e Bild. Janë raste të njohura ku shpeshherë mund të publikohen ngjarje që lidhen me media të tjera dhe më pas hiqen ku konfimohen të pavërteta. Unë di që sot nuk ka një artikull. Nuk kam qenë i interesuar të investigoj. Mediat kanë të drejtë, por edhe zoti Balla ti drejtohen Bild.

U ulët në një tryezë të përbashkët, flasim pak për draftet. Gjiknuri tha se depolitizimi i administratës do të jetë një draft i propozuar nga ju. Ku është puna me këtë draft?

Në radhë të parë nuk e kam dëgjuar por më vjen mirë që qendrimi i pjesës tjetër të tryezës…Reforma do të bëhet për shqiptarët më pas Parlamenti do të mbajë qëndrimet e tij. Angazhimi jonë ka qenë konstant. Kemi edhe një qëndrim edhe për depolitizimin e administratës zgjedhore. Kushtet nuk janë të pranueshme në këtë moment për të bërë një depolitizm të plotë dhe të menjëhershëm. Nuk është momenti që depolitizimi të vijë i menjëhershëm. Ne kemi dhënë dy zgjidhe: E para drastike, votim dhe numërim elektronik, do ta reduktonte administratën zgjedhore.

Krimi kibernetik është një tjetër situatë?

Në fazën e  parë kur këto do jenë në sistem me qarqe të mbyllura, do jenë të paaksesueshëm nga jashtë. Garancia që ofrohet nga kompani në botë, kanë ndërtuar sisteme të tilla dhe janë duke bërë zgjedhje me këto sisteme./abcnews.al

Screenshot_43.png
Autor E10:05 | 20/01/2020

Gazeta gjermane “Bild” publikoi dje një shkrim sipas të cilit kryedemokrati Lulzim Basha lobonte kundër integrimit të Shqipërisë në BE.

Burimi i parave të lobimit sipas gazetës ishte Rusia.

Por, që prej mëngjesit të sotëm shkrimi nuk gjendet në faqen e gazetës.

Nuk dihet shkaku i fshirjes së shkrimit, ndërsa gazeta nuk ka publikuar detaje për këtë veprim.

Pak muaj më parë, gjermania “Bild” publikoi disa përgjime që tronditën qeverinë në Tiranë.

Shkrimi i fshire

Në këto përgjime përfshiheshin funksionarë të lartë shtetërore në vjedhje votash si edhe trafik lëndësh narkotike.

Shkrimi i fshirë

Basha tentoi t’i vinte akën vendit dhe pengoi me çdo mjet çeljen e negociatave. Me gjithë pengesat, Kryeministri i Shqipërisë Edi Rama ende shpreson të udhëheqë vendin e tij drejt BE. Në vendin e tij, megjithatë, ai gjithashtu ka rezistencë. Opozita shqiptare, e udhëhequr nga Partia Demokratike e Shqipërisë (PDSH), po përpiqet me të gjitha forcat të rrëzojë kryeministrin socialist. Përdoren jo vetëm mjete demokratike: Fushatat e dyshimta në internet,dokumentet e nxjerra dhe regjistrimet komprometuese janë shpërndarë qëllimisht. Me sa duket është një nga lobistët më me ndikim në botë.

Sipas dokumenteve të Departamentit të Drejtësisë të SHBA, strategu politik i zënë kanadez Nick Muzin mbështet kundërshtimin e Shqipërisë.

Rrjeti i Nick Muzin

Rrjetet e Muzin shtrihen përtej të gjitha kujve dhe në një larmi sistemesh politike. Lista e klientëve të lidhur me të është ‘mbresëlënëse’. Ai mbështeti republikanët George Ë. Bush, Ted Cruz, John Mçain dhe madje edhe Donald Trump në fushatën zgjedhore në SHBA. Në 2017 ai u punësua nga vendi i Gjirit Persik, Katarit. Në emër të Emirit, ai do të përmirësonte marrëdhëniet e vendit arab me delegacionin Trump dhe me komunitetin hebre në Shtetet e Bashkuara. Misioni dështoi. Për shkak se Muzin nuk u regjistrua në agjencinë e Departamentit të Drejtësisë të Shteteve të Bashkuara FARA si këshilltar i një shteti të huaj, atij iu desh të hiqte dorë nga Katari. Ndërkohë, klienti tjetër: Opozita shqiptare, e cila dëshiron të parandalojë pranimin e Shqipërisë në BE nën kryeministrin aktual me të gjitha forcat – dhe kostoja e përdorimit të Muzin padyshim që kushton shumë.

675,000 euro për përdorim anti-BE

Sipas dokumenteve nga agjensia amerikane FARA, Muzin duhej të merrte 675,000 dollarë për misionin e tij tremujor. Informacioni vjen nga vetë ai. Shuma e tarifës dhe origjina e parave tani e vënë klientin në vështirësi. Lulzim Basha, drejtuesi i Partisë Demokratike Shqiptare, kishte nënshkruar kontratën me Muzin. Një tarifë prej 25,000 dollarë ishte rënë dakord tre herë. Sidoqoftë, shumë më tepër u paguan. Për këtë arsye, hetimet ndaj liderit të opozitës Basha filluan në Shqipëri në qershor. Ai vetë mohon se ka shpërdoruar para ose nuk i ka taksuar ato, et për një fushatë të ndyrë dhe akuzon akuzuesit se janë të korruptuar. Po nga kanë ardhur paratë për Muzin?

Më poshtë është në dosje:

Muzin vetë konfirmoi pagesën e fondeve për autoritetin amerikan FARA. Në një raport të mëvonshëm FARA, kompania që u shfaq si klient ishte një kompani që ndan kutinë e saj të postës në Rrugën St. Vincent në Edinburgh, Skoci me 1200 ndërmarrje të tjera: Biniatta Trade LP. Gjurmët e Tregtisë Biniatta çojnë diku nëpër botë: nga Skocia përmes Belize-Amerikës së Jugut – dhe prej andej në Rusi.

Përkundër këtij zgjerimi global, kompania ka më pak para se çdo llim biznesi: Sipas regjistrit britanik të biznesit, Biniatt Trade ka një kapital aksionesh prej 100 £. Ajo që revista amerikane “Mother Jones” zbuloi në mes të vitit, sjell PDSH-në shqiptare dhe drejtues e saj të opozitës Lulzim Basha për të shpjeguar më tej vështirësitë. Sepse prapa Biniatta Trade është një rrjet i ndërmarrjeve të mbivendosur – në fund të të cilit ka disa njerëz me ndikim të biznesit nga Rusia.

Njëri prej tyre është Evgeny Sheremetyev. Ai zotëron aksione në disa kompani ruse. Të paktën njëri prej tyre merr urdhra nga qeveria ruse. Për kryeministrin shqiptar Edi Rama, është një provë e qartë që Rusia është prapa përpjekjeve të lobistit të lartë Nick Muzin. Në fakt, Rusia ka pak interes për afrimin e Shqipërisë me BE. Pranimi do të dobësonte më tej ndikimin e rusëve në Ballkan. Në një deklaratë zyrtare, Partia Demokratike Shqiptare tha: “Partia Demokratike nuk ka pasur lidhje direkte ose indirekte me individë ose kompani ruse”. Një deklaratë që, duke pasur parasysh lidhjet e dokumentuara midis PDSH-së, lobistit më të lartë dhe biznesmenëve rus, nuk është shumë ndriçuese.

 

Lulzim-Bashd-he-Donald-Trump-720x415-1.jpg
nev ila20:15 | 19/01/2020

Gazeta më e madhe gjermane “Bild” i ka kushtuar një artikull të posaçëm 675 mijë dollarëve të lobingut të PD-së në SHBA dhe origjinës së parave.

Lexo ketu

Gazeta gjermane ka bërë një analizë të gjatë ku thuhet ndër të tjera se “gjithë këto para të paguara nga rusët për Nick Muzin  për llogari të PD kanë pasur si qëllim pengimin e Shqipërisë drejt BE-së”.

Ja çfarë shkruan BILD:

Në Shqipëri, gjykata pushoi akuzat për falsifikim, kundër Lulzim Bashës, në lidhje me dosjen e lobimit në SHBA, por mediat prestigjoze ndërkombëtare vijojnë që ti kushtojnë hapësirë.

Me gjithë pengesat, Kryeministri i Shqipërisë Edi Rama, ende shpreson të udhëheqë vendin e tij drejt BE. Megjithatë në vendin e tij,  ai ka rezistencë.

Opozita shqiptare, e udhëhequr nga Partia Demokratike e Shqipërisë (PDSH), po përpiqet me të gjitha forcat të rrëzojë kryeministrin socialist.

Përdoren jo vetëm mjete demokratike: Fushatat e dyshimta në internet, dokumentet e nxjerra dhe regjistrime komprometuese, janë shpërndarë qëllimisht.

Me sa duket është një nga lobistët më me ndikim në botë.

Sipas dokumenteve të Departamentit të Drejtësisë të SHBA, strategu politik kanadez Nick Muzin mbështet kundërshtimin e Shqipërisë nga BE.

Rrjeti i Nick Muzin

Rrjetet e Muzin shtrihen përtej të gjitha kufijve, dhe në një larmi sistemesh politike. Lista e klientëve të lidhur me të është ‘mbresëlënëse’. Ai mbështeti republikanët George W. Bush, Ted Cruz, John McCain dhe madje edhe Donald Trump në fushatën zgjedhore në SHBA.

Në 2017, ai u punësua nga vendi i Gjirit Persik, Katari. Në emër të Emirit, ai do të përmirësonte marrëdhëniet e vendit arab, me delegacionin e Trump, dhe me komunitetin hebre në Shtetet e Bashkuara.

Misioni dështoi, për shkak se Muzin, nuk u regjistrua në agjencinë e Departamentit të Drejtësisë të Shteteve të Bashkuara, FARA, si këshilltar i një shteti të huaj, atij iu desh të hiqte dorë nga Katari.

Ndërkohë, klienti tjetër: Opozita shqiptare, e cila dëshiron të parandalojë pranimin e Shqipërisë në BE, nën kryeministrin aktual me të gjitha forcat – dhe kostoja e përdorimit të Muzin, padyshim që kushton shumë.

675,000 euro për përdorim anti-BE

Sipas dokumenteve nga agjensia amerikane FARA, Muzin duhej të merrte 675,000 euro për misionin e tij tremujor. Informacioni vjen nga vetë ai.

Shuma e tarifës dhe origjina e parave, tani e vënë klientin në vështirësi. Lulzim Basha, drejtuesi i Partisë Demokratike shqiptare, kishte nënshkruar kontratën me Muzin.

Një tarifë prej 25,000 dollarë ishte rënë dakord tre herë. Sidoqoftë, shumë më tepër u paguan. Për këtë arsye, hetimet ndaj liderit të opozitës Basha, filluan në Shqipëri në qershor.

Ai vetë mohon se ka shpërdoruar para, ose nuk i ka taksuar ato, flet për një fushatë të ndyrë, dhe akuzon akuzuesit se janë të korruptuar. Po nga kanë ardhur paratë për Muzin?

Më poshtë në dosje thuhet:

Muzin vetë konfirmoi pagesën e fondeve për autoritetin amerikan FARA.

Në një raport të mëvonshëm FARA, kompania që u shfaq si klient, ishte një kompani që ndan kutinë e saj të postës, në Rrugën St. Vincent në Edinburgh, Skoci me 1200 ndërmarrje të tjera: Biniatta Trade LP.

Gjurmët e Tregtisë Biniatta, çojnë diku nëpër botë: nga Skocia përmes Belize-Amerikës së Jugut – dhe prej andej në Rusi.

Përkundër këtij zgjerimi global, kompania ka më pak para se çdo fillim biznesi:

Sipas regjistrit britanik të biznesit, Biniatta Trade ka një kapital aksionesh prej 100 paund £.

Ajo që revista amerikane “Mother Jones” zbuloi në mes të vitit, sjell PDSH-në shqiptare, dhe drejtuesin e saj të opozitës Lulzim Basha, për të shpjeguar më tej vështirësitë.

Sepse prapa Biniatta Trade, është një rrjet i ndërmarrjeve të mbivendosura– pas të cilave ka disa njerëz me ndikim të biznesit nga Rusia.

Njëri prej tyre është Evgeny Sheremetyev. Ai zotëron aksione në disa kompani ruse. Të paktën njëri prej tyre merr urdhra nga qeveria ruse.

Për kryeministrin shqiptar Edi Rama, është një provë e qartë që Rusia është prapa përpjekjeve të lobistit të lartë Nick Muzin.

Në fakt, Rusia ka pak interes për afrimin e Shqipërisë me BE. Pranimi do të dobësonte më tej ndikimin e rusëve në Ballkan.

Në një deklaratë zyrtare, Partia Demokratike Shqiptare tha:

“Partia Demokratike nuk ka pasur lidhje direkte ose indirekte me individë ose kompani ruse”.

Një deklaratë që, duke pasur parasysh lidhjet e dokumentuara midis PDSH-së, lobistit më të lartë, dhe biznesmenëve rus, nuk është shumë ndriçuese./abcnews.al

 

skuraj.png
ger ta19:55 | 09/12/2019

Ndryshime raportohen në polici. Abcnews.al mëson se është larguar nga detyra shefi i Komisariatit nr.5 Tiranë, Sali Skuraj.

Gazetari Andi Qosja bën me dije se në vend të tij është emëruar Altin Lila, i cili më herët ka qenë shef në sektorin e vrasjeve në Drejtorinë e Policisë së Tiranës. Ndërkohë Skuraj është emëruar shef i Komisariatit të Kavajës dhe shefi i Kavajës, Aliosha Broka është emëruar në krye të Komisariatit të Kavajës.

Sakaq, Sali Skuraj është një nga personat që u zbulua nga 16 përgjimet e publikuara nga Bild në lidhje me të ashtuquajturën “Dosja 184”.

Skuraj, shef policie në Komisariatin nr.5, dëgjohet teksa fliste me ‘shefin’ e përgjimeve, Arben Keshin dhe shqetësohet lidhur me rezultatin e zgjedhjeve./abcnews.al

pergjime-2.jpg
ad min12:38 | 23/09/2019

Prokuroria e Dibrës ka zgjatur me 3 muaj hetimet për dosjen 184. Drejtuesi i kësaj prokurorie, Rifat Kojku sëbashku me prokuroren Belina Zeneli vendosën që të ndryshojnë numrin e dosjes nga 184 në 385.

Këta dy prokurorë u caktuan më shumë se dy javë më parë për të hetuar këtë dosje, që objekt hetimi ka shitblerjen e votave në zgjedhjet e pjesshme lokale në Dibër në vitin 2016.

Dosja 184 ose siç do njihet tashmë pas vendimit të prokurorëve si dosja 385, u regjistrua 3 vjet më parë në Prokurorinë e Krimeve të Rënda, por kohët e fundit, ky organ i akuzës shpalli moskompetencën, me argumentin se objekt hetimesh nuk është një grup i strukturuar kriminal, por bashkëpunimi i thjeshtë.

Kjo dosje u bë objekt diskutimi midis institucioneve të hetimit pasi organi i akuzës Dibër i kërkoi Prokurorisë së Përgjithshme që dosjen ta hetojë organi i akuzës për Krime të Rënda, duke e kundërshtuar faktin se bëhej fjalë për bashkëpunim të thjeshtë.

Në përgjimet telefonike të publikuara nga gazeta gjermane “Bild” dëgjohen në biseda deputetë dhe zyrtarë të lartë të Partisë Socialiste, të cilët flasin me drejtues të policisë lokale dhe eksponentë të tjerë të njohur në Dibër për blerje votash. /abcnews.al

termeti-ne-mediat-nderkomebtare.jpg
ad min13:33 | 22/09/2019

Lajmi për tërmetin e fuqishëm që tronditi ditën e shtunë Shqipërinë ka bërë xhiron e botës, duke u raportuar në mediat më prestigjoze ndërkombëtare. Nga CNN deri tek “Der Spiegel” dhe “Rai News” kanë shkruar për dëmet dhe të lënduarit, si dhe për faktin se ishte lëkundja më e fuqishme në dekada.

Tërmeti i fuqishëm që tronditi vendin ditën e shtunë ka gjetur pasqyrim të gjerë në mediat ndërkombëtare, nga ato europiane tek ato të Shteteve të Bashkuara. Në Europë, Euronews e ka hapur artikullin e posaçëm me titullin “Tërmet në Shqipëri, lëkundja 5.6 ballë ndihet deri në kryeqytetin Tiranë”.

Media prestigjioze shkruan se epiqendra ishte në qytetin e Durrësit dhe citon Ministrinë e Mbrojtjes që ka thënë se ishte tërmeti më i fuqishëm i 30 viteve të fundit. Vëmendje i kanë kushtuar edhe mediat e njohura britanike “Express” dhe “The Mirror”.

Të dyja tabloidet e kanë vënë theksin tek numri i të plagosurve, rreth 70, dhe tek fakti që ishte tërmeti më i fuqishëm ndër dekada. “Disa banesa u shkatërruan dhe njerëzit vërshuan menjëherë jashtë tyre”, shkroi “The Mirror” në edicionin e saj online.

Në Shtetet e Bashkuara, CNN ka bërë gjithashtu një raportim të detajuar mbi lëkundjen e fuqishme sizmike. Rrjeti informativ amerikan citon Qendrën Gjeologjike të Shteteve të Bashkuara, sipas të cilës epiqendra e lëkundjes ishte në bregdetin e qytetit-port të Durrësit, 35 kilometra në perëndim të Tiranës.

Një pasqyrim të ngjashëm ka bërë edhe agjencia e lajmeve “Reuters”, e cila ka përmendur edhe faktin se lëkundja e parë u pasua nga një lëkundje tjetër e fuqishme. Ndërkohë, nga mediat italiane, Rai Neës njoftoi se 100 persona mbetën të plagosur nga tërmeti, që dëmtoi rreth 400 banesa dhe madje u ndje deri në rajonin e Pulias.

I njëjti burim mediatik shkruan më tej se Italia është shprehur e gatshme t’i ofrojë ndihmë Shqipërisë. Në të njëjtat linja e ka raportuar lajmin edhe e përditshmja “La Repubblica”, që në titull ka shkruar për 60 të plagosur dhe për frikë e panik të ndjerë edhe në rajonin e Pulias.

Edhe agjencia shtetërore e lajmeve “ANSA” i ka bërë një raportim të detajuar në faqe të parë ngjarjes, duke vënë në dukje bilancin e të lënduarve, mbi 100 persona dhe atë të shtëpive të dëmtuara, rreth 400.

Ndërkohë, në Gjermani kanë qenë revistat prestigjoze “Der Spiegel” dhe “Bild” që kanë raportuar lajmin online, si dhe rrjeti informativ “Deutsche Welle”, që ka dhënë të njëjtat detaje sikundër mediat e tjera të sipërpërmendura./ABC News Albania 24/7

clirim-gjata.jpg
ad min19:35 | 06/09/2019

Raporti përfundimtar i OSBE/ODIHR është tema kryesore që diskutohet mes palëve politike që pas publikimit të saj dy ditë më parë. I ftuar në ABC News, Sekretari për çështjet ligjore, Çlirimi Gjata tha se raporti rrëzoi institucionet bazë të shtetit.

“Copa-copa e bën KQZ-në. Nuk na ka ndodhur në historinë e KQZ-ve ti thotë ODIHR një mijë e një të zezat si këtu. Në 2005 deri në 2009 janë bërë të meta dhe adresoheshin tek partitë, por për KQZ janë thënë fjalë të mira. Rrëzoi KQZ për shkak të interpretimeve tejet të zgjeruara. Administratën. Lexoni çfarë thotë për administratën. Unë po marr administratën shtetërore që mori pjesë edhe ty ku nuk lejohet të marrë pjesën në fushatën elektorale.  Ka hedhur poshtë Kolegjin Zgjedhor. Ka marrë vendime nën kërcënimin e Vettingut. Përveç kolegjit, prokurorinë. Gjithë këto shkelje ditën e votimit, asnjë veprim prokuroria. Ka rrëzuar pesë institucionet bazë të shtetit me këtë raport”, tha Gjata.

Sipas Gjatës, ky raport provoi tezën e Partisë Demokratike dhe është në disfavor të çeljes së negociatave. Gjata tha se raporti i OSBE/ODIHR ka pikasur mungesën e besimit te procesi zgjedhor dhe te institucionet. Ndërkohë njësoj si Grida Duma një ditë më parë, edhe Gjata paralajmëroi të tjera përgjime si të BILD për funksionarë të lartë të mazhorancës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono