bilanci

kine-1280x713.jpg
Sej rie12:30 | 11/08/2019

Bilanci i viktimave nga tajfuni “Lekima” në Kinë është rritur në 28 të vdekur, ndërkohë që 20 të tjerë konsiderohen të humbur. Autoritetet vendase deklarojnë se të paktën 5 milionë banorë në provincën Zhejang janë prekur nga reshjet dhe përmbytjet dhe rreth 1 milion prej tyre janë evakuuar për në zona të sigurta. “Lekima” u përplas fillimisht në rajonin Uenling, mes Taivanit dhe qytetit kinez të Shangait në orët e para të së shtunës, me erëra të forta dhe shira të dendura. Gjatë së dielës ai pritet të lëvizë më tej në bregun lindor. Shumica e vdekjeve janë regjistruar në qytetin Uenzhou, ku vërshimet e ujërave shkaktuan edhe rrëshqitje të mëdha toke. Sipas medias shtetërore kineze, skuadrat e emergjencave ndërhynë për t’u ardhur në ndihmë shumë udhëtarëve që ishin arritur nga përmbytjet në rrugë, si dhe kanë kryer kërkime nën rrënojat e ndërtesave të shembura./ABC News Albania 24/7

 

KRONIKE-VROJTUESIT-E-PLAZHIT-ABC-M5-T2.mpg_snapshot_00.02-1280x720.jpg
ent ela15:20 | 25/06/2019

Mungesa e vrojtuesve në plazhe vijon të mbetet një problem shqetësues. Edhe pse numri i pushuesve që mbyten vijon është i lartë, ende nuk janë marrë masa për sigurinë në vijën bregdetare të vendit.

42  viktima në 2017, 20 një vit më parë, dhe 4 persona të vdekur vetëm për një muaj, në këtë vit, për shkak të mbytjes në plazhe. Shifrat janë bilanci që tregojnë nivelin e ulët të sigurisë në bregdetin tonë, ndërsa mungesa e vrojtuesve është e theksuar.

Gent Lasku, Sekretari i Përgjithshëm i Frederatës Shqiptare të vrojtuesve të plazhit thotë se interesi është i lartë për këtë profesion të ri vere, por nevojat mbeten më të mëdha.

“Në shqipëri aktualisht operojënë dhe kanë aplikuar për të operuar rreth 3500 subjekte private duke futur këtu edhe plazhet publike të cilat administrohen nga njësitë vendore, por numri aktualisht është shumë i ulët”.

Por, sipas Laskut vetë subjektet që përdorin bregdetin kanë detyrimet e tyre ligjore.

“Vendimet e mëparshme që është detyrim ligjor dhe pa të nuk mund të hapet fare stacioni i plazhit. Unë u bëj thirrje subjekteve që nuk e dinë mirë objektin ligjor që përcakton veprimtarinë e tyre që duhet të kenë një kontratë, ku paraqitet numri i matruikullës dhe çertifikata e vrojtuesit të plazhit dhe të hapin plazhin”.

Vrojtuesit e plazhit janë një risi e re, vazhdon të jetë një kulturë e re në vend. Vrojtimi është cilësuar si sport, por në fakt shpëton jetë njerëzish dhe fal siguri për qytetarët që shkojnë në plazh. /ABC News Albania 24/7

zoran-zaaev.jpg
G. P.19:55 | 02/06/2019

Kryeministri i Maqedonisë së Veriut, Zoran Zaev ka bërë të dielën bilancin e qeverisjes së tij kur kanë kaluar 2 vjet nga marrja e pushtetit. Në fjalën e tij, Zaev ka vlerësuar reformat e ndërmarra nga kabineti i tij dhe ka theksuar se tashmë i takon BE-së të mbajë fjalën, duke iu referuar hapjes së negociatave.

Sallë e mbushur me funksionarë qeveritarë, këshilltarë, deputetë, kryetarë komunash, aktivistë të organizatave qytetare dhe ndonjë përfaqësues i bashkësive fetare. Të gjithë të mbledhur, në ftesë të qeverisë, të shënojnë dyvjetorin ose gjysmën e mandatit nga kabineti i kryeministrit Zoran Zaev, i cili erdhi në pushtet pas turbulencave në pranverën e vitit 2017, hyrja e dhunshme në Kuvend, mosdhënia e mandatit për formimin e qeverisë nga ish-presidenti i shtetit, rezistencë dhe kërcënime nga qeveria e atëhershme. Vendi ishte në prag të shkatërrimit, vlerësoi Zaev, i kënaqur nga kthesa e bërë në plan të brendshëm dhe ndërkombëtar.

“Do të shërbehem me dialektin e Strumicës për të thënë se në politikë nuk ekziston “shikoje rehatinë tënde”. Ndërmorëm aksion, u betuam, është koha ti japim botës një Ballkan më ndryshe. Ballkan i vendeve të cilat i kanë lënë pas paragjykimet dhe kontestet historike dhe të cilët janë kthyer drejt mirëqenies së qytetarëve të vet”, tha ai.

Pas arritjeve të numëruara, në plan vendas dhe ndërkombëtar, kryeministri e porositi Brukselin, duke theksuar: “Evropianët nga Maqedonia e Veriut presin një hap të qartë nga Bashkimi Evropian”, duke sugjeruar në datën e pritur për fillim të negociatave për anëtarësim. Por në procesin e eurointegrimit të vendit është më e sigurt se përshëndetja për mirëseardhje shumë më shpejt do të arrijë nga NATO.

“Për përafërsisht dy javë një nga kapacitetet ushtarake më të sofistikuara të mbrojtjes të NATO-s, avioni ushtarak supersonik B52 do të fluturojë mbi vendin tonë, duke përshëndetur anëtaren më të re. Të jemi të sinqertë, para dy vitesh kjo do të ishte më shumë se iluzion”, tha Radmila Sheqerinska, ministre e Mbrojtjes.

Zëvëndëskryeministri Bujar Osmani arritjet e qeverisë u përpoq t’i ilustrojë me pozitën e Maqedonisë vis-a-vis me fqinjët, në raport me reformat demokratike dhe ekonomike.

“Këtë krahasim shikojeni nga këndvështrimi pozitiv, kjo nuk është luftë në kuptim negativ. Kjo qasje drejt Bashkimit Evropian i motivoi vendet tona të arrijnë në këtë stad. Nota është 3.5 për reformat ekonomike. Që d.m.th se kushtet për zhvillim të biznesit dhe ekonomisë në vend janë pozitive”, tha ai.

Por përveç vlerësimeve pozitive për reformat e arritura dhe vlerave demokratike në Maqedoni, Bashkimi Evropian në raportin e fundit për përparimin e vendit i numëron edhe detyrat e paplotësuara, më së shumti në fushën e sundimit të së drejtës, luftës kundër korrupsionit dhe krimit, si dhe ndryshimin ose evropianizimin e vetëdijes të administratës shtetërore. Pikërisht në këtë fushë nga qeveria pritet angazhim më i madh./ABC News Albania 24/7

f04248b4ff3e46ddbf2907317d17dbfa_18.jpg
Sej rie23:10 | 01/06/2019

Anija e mbytur në kryeqytetin e shtetit Hungarez duket se ka lënë pas më shumë se 27 viktima. 7 persona janë shpëtuar, 7 janë gjetur të vdekur ndërsa për 21 turistët e tjerë nuk ka asnjë informacion dhe dyshohet se janë mbytur në këtë aksident.
Ndërkohë që shpresat janë shuar për shpëtimin e atyre që ende mungojnë nga përplasja vdekjeprurëse e anijes  në Budapest, Ministri i Jashtëm i Hungarisë u tha gazetarëve të premten se autoritetet po punojnë të heqin rrënojat nga uji.

35 persona ndër të cilët 33 ishin turistë nga Koreja e Jugut ishin në bordin e anijes turistike në momentin që ajo u përplas me një anije më të madhe në lumin Danub në Budapest. Deri tani janë konfirmuar 7 persona të vdekur dhe 7 të tjerë janë evakuuar dhe dërguar në spital ndërsa 19 të tjerë janë ende të zhdukur.  Ministri i jashtëm Hungarez, Peter Szijjarto, në një konferencë të përbashkët për shtyp me homologun Korean Kang Jung Uha deklaroi për gazetarët  se qëllimi i qeverisë është të rimëkëmbë dhe zbulojë sa më shpejt anijen e aksidentuar si edhe viktimat  për të nxjerrë të gjithë të mbeturit në rrënojat e kësaj anijeje. Ai shtoi po ashtu se kushdo që do të bëjë ndonjë lëvizje për të penguar këtë proces do të përballet me masa ekstreme.

Szijjarto bëri me dije për gazetarët se disa zhytës kanë tentuar vazhdimisht ti afrohen anijes por mungesa e dritës nën lum e ka bërë këtë proces të pamundur deri më tani.

Ka mundësi që anija e mbytur të mos ndodhet më pranë zonës në të cilën u mbyt dhe të ketë lëvizur me rrymën, pasi qeveria Hungareze e ka zgjeruar kërkimin përgjatë gjithë lumit Danub duke bashkëpunuar edhe me autoritetet Serbe.

Sipas policisë Hungareze, Për mjetin lundrues Mermaid u deshën vetëm 7 sekonda për t’ u mbytur .

Asnjë prej viktimave nuk ka patur veshur jelekët e shpëtimit ndërsa deri tani janë identifikuar 2 prej turistëve Koreano Jugur. Ndërsa prej 7 të mbijetuarve nga ky aksident gjashtë janë larguar nga spitali dhe njëri po vijon të qëndroi pasi i janë thyer brinjët.

Ka dyshime se ky aksident ka ardhur si pasojë e një pakujdesie nga drejtuesi i anijes së madhe, shtetasin Ukrahinas, të njohur me emrin ‘JURI’. Ai u mor në pyetje nga specialistët e forcave policore të cilat po merren me hulumtimit të kësaj ngjarje. Këtë lajm e bëri me dije vetë Ministri i Jashtëm Holandez ditën e premte.

Menaxheri drejtues i agjencisë turistike Japoneze ka kërkuar ndjesë për ngjarjen dhe i ka përcjell ngushëllimet e tij familjarëve nëpërmjet një gazetë në Seul.

Në guitënfatkeqe mosha mesatare ishte e mesme ndërsa më i vjetri ishte një 70 vjeçar e ndërsa më e vogël ishte një fëmijë 6 vjeçar. Viktimat ndodheshin në ditën e 5të nga 7 të turit.

Qytetar të shumtë kanë vendosur lule dhe qirinj pranë ambasadës Koreane në Budapest në nder të viktimave./ABC News Albania 24/7

49517046_2106536256100995_559428355116498944_n.jpg
G. P.15:35 | 04/01/2019

Nënkryetarja e komisionit të ekonomisë, Jorida Tabaku, një përgjigje ja dha ministrit të shkarkuar Arben Ahmetaj pas bilancit që ky i fundit parashtroi për vitet e tij në krye të dikasterit të Financave dhe atij të Ekonomisë. Për demokraten 2019-a do të shënojë fundin e investimeve të huaja dhe thellimin e mëtejshëm të produktit të politikave fiskale të rilindjes: pabarazisë dhe varfërimit së shqiptarëve.

2018-a në shifra, për nënkryetaren e komisionit të ekonomisë, Jorida Tabaku, tregon tjetër histori nga ajo që ministri i Financave dhe Ekonomisë, Arben Ahmetaj kërkon të parashtrojë duke tjetërsuar dhe falsifikuar të vërtetën, sipas saj. Argumentin e ndan në pesë të dhëna, kyçe sipas deputetes demokrate, për të kuptuar çfarë 2019-a pritet të sjellë. Borxhi publik i padeklaruar dhe në rritje, fundi i investimeve të huaja, detyrimet e praprambetura, rritja e taksave dhe varfërisë.

“Borxhi Publik, sipas raportit të KLSH, rezulton të jetë 73% e PBB-së dhe kjo vlerë është më e lartë se sa deklarimi i qeverisë në Komisionet Parlamentare. Ligji i Teatrit, Ligji për koncesionin e Aeroportit të Vlorës, ligji i inceneratorëve të gjitha këto janë disa prej mrekullive që ka kontribuar vetë ministri Ahmetaj me gjithë kapacitetet e tij dhe fuqinë e ministrit. Sipas FMN-së, borxhi publik i Shqipërisë rezulton sot 83% e PBB-së (bashkë me PPP)”.

Detyrimet e praprambetura kapin vlerën e 200 milionë eurove sipas Tabakut, ndërsa shifra e taksave të rritura nga paketa fiskale 2014 e deri më sot është e barabartë me 1.9 miliardë euro, shifër e barabartë kjo me me vlerën e kontratave të Partneritetit Publik Privat.

“Në pak fjalë shqiptarët paguajnë me taksat e tyre paratë që qeveria çon tek oligarkët”.

Sa i përket investimeve të huaja.

“Sipas raportit të BSH 51% e investimeve të huaja janë në varësi të TAP dhe Devollit ndërkohë që viti 2019 pritet të jetë viti i fundit i këtyre investimeve. Në vend që ministri Ahmetaj të na paraqiste ndonjë projekt të huaj që ai vetë ka kontribuar të sjellë në vend, vazhdon të krenohet për atë që gjeti nga paraardhësit”.

Ministri harroi të nënvizonte taksën mbi të ardhurat që është më e larta në rajon, thekson Tabaku, ashtu si harroi të përmendte futjen e TVSH-së për bizneset e vogla dhe raportet ndërkombëtare që evidentojnë problemet në politikat fiskale.

“Vetëm vitin e kaluar buxhetit të shtetit i mungojnë 126 milionë Euro si rezultat i keqmanaxhimit dhe korrupsionit”.

Konsumi i familjeve shqiptare është rritur, pohoi Tabaku, por me një vlerë të papërfillshme prej 0.6% për 90% të shqiptarëve, ndërkohë që vlera e produkteve në treg është rritur ndjeshëm.

“Rritja e energjisë me 25%, rritja e tarifave të arsimit me 33%, rritja e ujit me 44% dhe shtrenjtimi i produkteve ushqimore me 20 përqind kanë varfëruar në masë shqiptarët”.

Është taksa e sheshtë ajo që do të çlirojë kapitalin, ndihmojë punësimin dhe ndalojë bizneset të ulin qepenat duke rikthyer ekonominë konkuruese, përfundon në deklaratën e saj Jorida Tabaku./abcnews.al

arben-ahmetaj.jpg
G. P.15:29 | 04/01/2019

Një luginë të errët thotë se e gjeti ekonominë Arben Ahmetaj kur mori detyrën e ministrit të Financave dhe Ekonomisë. Ndërkohë me largimin e tij nga ky post, Shqipëria renditet e para në rajon për rritjen ekonomike.

“Shikoni vitin 2013 që metaforikisht do ta quaja si luginë e errët e ekonomisë shqiptare me një rritje statistikore 1 përqind. Tre mujori i tretë i vitit 2018 është 4.5 përqind, që është më i larti në rajon. Borxhi publik është gati pak më pak se 10 përqind i ulët se dita që e kemi marrë. Unë personalisht këtë e kam krenari politike, profesionale, personale”, tha Ahmetaj.

 

Papunësia tre vitet e fundit sipas ministrit Ahmetaj ka arritur nivelin më të ulët historik 12.2%, punësimi është rritur me 10.7%, qytetarët konsumojnë më tepër. Panorama ekonomike thotë ministri i Financave dhe Ekonomisë në detyrë është edhe arsyeja e forcimit të Lekut.

 “Nga erdhi Euro, janë fondamentet ekonomike. Është rritur ekonomia. Është fuqizuar dhe sipërmarrja vendase, janë rritur eksportet, janë rritur shërbimet. Kjo është arsyeja pse është forcuar Leku”, tha ai.

Bashkë me bilancin e punës së tij Ahmetaj ndalet t’i përgjigjet edhe akuzave të opozitës. Qeveria sipas ministrit të Financave dhe Ekonomisë ka realizuar 1.2 miliardë dollarë më shumë të ardhura nga momenti që mori detyrën. Investimet e huaja dhe bizneset e hapura ishin dy fusha të tjera ku u ndal.

“Nëntë mujori i 2018-s është 757 milionë Euro. Viti 2018 do shënojë rekord, do kapë 1 miliard Euro investime të huaja. Jo po falimentuan, jo po nuk falimentuan është bërë një diskurs që qytetarëve iu vjen për të vjellë kur i dëgjojnë. Janë 11 mijë e 123 biznese të reja neto, në vitin 2018. Në tre vitet e fundit janë 38 mijë biznese të reja neto”, tha ai.

Arben Ahmetaj largohet nga detyra e ministrit të Financave dhe Ekonomisë ndërkohë që qeveria ndodhet përpara një beteje, atë të mbylljes së pikave të basteve kryesisht atyre online.

“Pjesa online është një betejë e vazhdueshme. Ne dje kemi mbyllur disa domeine dhe patjetër që do vazhdojë me krijimin e Task-forcës dixhitale anti-bast”, tha ministri.

Ministër apo deputet, Ahmetaj thotë se nuk do të lërë instrument pa përdorur për të mbështetur reformat e qeverisë, ndërsa me pasuesen e tij në krye të Financave dhe Ekonomise, Anila Denaj tregon se ecën në të njëjtën linjë.

“Jemi në goxha harmoni të sfidave që ka ministria, ekonomia dhe një kuptueshmëri shumë të plotë”, përfundoi Ahmetaj./abcnews.al

fca88854-57c9-4fd8-825b-f0b61be9e5df-1280x853.jpg
ent ela15:40 | 05/11/2018

Policia e shtetit publikon rezultatet e fundit të operacionit “Ndëshkimi i të fortëve”. 54 persona të arrestuar dhe 3.6 Kg kokainë dhe Heroinë e sekuestruar, sipas drejtorit të departamentit për Sigurinë, Gjovalin Loka.

Deklarata për shtyp e Drejtorit të Departamentit për Sigurinë Publike, në Policinë e Shtetit, Gjovalin Loka:

Siç është bërë me dije, që nga mesi i muajit shtator e në vazhdim, Policia e Shtetit ka nisur një Operacion të gjerë policor për parandalimin e ngjarjeve kriminale, ndëshkimin e autorëve të veprave penale, dhe kontrollin e plotë të territorit, përmes operacionit të koduar “Ndëshkimi i të fortëve”.

Drejtoritë Vendore të Policisë, Forcat Operacionale në DPPSH, FNSH, e posaçërisht forcat “RENEA” janë angazhuar gjerësisht në territor në realizimin e detyrave të përcaktuara në këtë Plan operacion policor.

Sot jam këtu për të prezantuar rezultatet më të rëndësishme konkrete të javës që lamë pas. Brenda kësaj jave janë arrestuar 54 persona, të identifikuar me precedentë kriminalë apo si prishës të rendit, të konsideruar si “Të fortë’, arrestimi i tyre është bërë për armëmbajtje pa leje apo se janë në kërkim kombëtar e ndërkombëtar.

Konkretisht:
– 12 persona të arrestuar, me precedentë penalë;
– 19 persona të shpallur në kërkim kombëtar apo ndërkombëtar;
– 18 të arrestuar, si prishës të rendit.
– 5 të arrestuar për akuzën e “armëmbajtjes pa leje”

Ndër provat e sekuestruara gjatë kontrolleve të ushtruara gjatë javës që lamë pas në akset rrugore, banesa, lokale janë sekuestruar:
– 8 armë zjarri;
– rreth 3.6 kg Kokainë e Heroinë;
– rreth 110 kg Cannabis.

Kështu dje në Kurbin, në vijim të Forcës së Ligjit në Territor, strukturat e Drejtorisë Vendore të Policisë Lezhë, kanë finalizuar me sukses operacionin “Gjorm” ku si rezultat është sekuestruar 96 kg Cannabis dhe është prangosur poseduesi i saj, Agron Tafaj, 46 vjeç.

Shërbimet e Stacionit të Policisë Kufitare në Morinë kanë bërë ndalimin e një shtetasi kosovar nga Istogu të shpallur në kërkim ndërkombëtar nga Interpol Viena, Austri. Ai është Skënder Dekaj, 61 vjeç, banues në Istog, Kosovë.

Gjatë veprimit të Forcës së Ligjit në Territor në kuadrin e operacionit policor “Ndëshkimi i të fortëve” nga strukturat vendore të Policisë, që prej datës 20 Shtator kur kanë nisur kontrollet, në total janë arrestuar rreth 390 persona në kontrollet proaktive në territor:

Ndër provat e sekuestruara gjatë kontrolleve të ushtruara ndaj tyre në akset rrugore, banesa, lokale etj., janë sekuestruar 57 armë zjarri të llojeve të ndryshme, mina me telekomandë, tritol e municion luftarak.

“Forca e Ligjit në Territor” përmes operacionit policor “Ndëshkimi i të fortëve” nuk do të ndalet këtu, por do të vijojë ditë pas dite, javë pas jave, duke ndëshkuar ashpër me autoritetin dhe forcën e ligjit çdo individ që tenton apo shkelë ligjin, guxon të sfidojë autoritetin e shtetit dhe jetesën normale të qytetarëve, rendin e qetësinë publike.

Policia e Shtetit u bën apel qytetarëve të kontribuojnë për rritjen e parametrave të sigurisë, mbrojtjen e rendit, e qetësinë publike, respektimin e ligjit nga të gjithë, për vendosjen e autoritetit të shtetit. Kjo duke njoftuar strukturat e Policisë së Shtetit për çdo incident apo problematikë tjetër që mund të konstatojnë, përmes telefonatave në numrat falas 112 e 129.

MAJORKA-MBULIM.mpg_snapshot_00.35-1280x827.jpg
G. P.20:40 | 10/10/2018

Janë të paktën 10 personat që kanë humbur jetën si pasojë e shirave të dendur dhe përmbytjeve në ishullin spanjoll të Majorkës. Të dhënat e fundit janë bërë të ditura nga autoritetet vendore, të cilat kanë saktësuar se ka ende persona të humbur, mes të cilëve një fëmijë. Ndërkohë, ekipet e emergjencave janë vendosur në zona të ndryshme të ishullit për t’u ardhur në ndihmë të mbijetuarve, apo banorëve në vështirësi. Në qytetin Sant Lorens, ujërat që përfshinë rrugët zhvendosën disa makina dhe bënë të pakalueshme rrugët e ngushta.

Ndërsa në qytetin Manakor, lumenjtë kanë dalë nga shtretërit dhe kanë përfshirë shtëpi të tëra, duke detyruar shumë njerëz që të largohen. Autoritetet vendore kanë mbajtur një mbledhje të jashtëzakonshme, gjatë të cilës kanë rënë dakord për rritjen e efektivëve në terren deri në 630 njësi. Kryeministri Pedro Sançez ka vizituar qendrën e koordinimit të operacioneve, ka folur me krerët e emergjencave dhe u ka bërë ngushëllimet e tij familjarëve të viktimave./abcnews.al

AKSIDENTET-RRUGORE.mpg_snapshot_00.24-1280x720.jpg
G. P.15:30 | 03/09/2018

Gjatë 3 muajve të verës, rrugët e Shqipërisë u përgjakën nga aksidentet rrugore. Sipas shifrave zyrtare të policisë, mbetën të vdekur 53 persona në muajt, qershor, korrik dhe gusht duke shënuar një rritje krahasuar me të njëjtën periudhë të një viti më parë.

Edhe pse pati një angazhim maksimal të efektivëve të policisë rrugore gjatë sezonit turistik veror, përsëri numri i aksidentet me pasojë vdekjen mbeti i lartë.

Vëtëm gjatë muajit gusht të 2018-s humbën jetën nga përplasjet e automjeteve 22 persona. Një shifër disa herë më lartë krahsuar me vendet e Bashkimit Europian në raport popullsie. Për gushtin e vitit të kaluar numri nga vdekshmëria ishte një më pak. Pjesa më e madhe e viktimave u shënua gjatë akseve kombëtare, veçanërisht në zonat bregdetare, aty ku ishte edhe përqëndrimi më i madh i efektivëve të policisë rrugore.

Po thuajse në të njëjtat shifra kanë mbetur edhe aksidentet rrugore me pasojë plagosje e rëndë dhe plagosje e lehtë, gjatë muajit gusht.
Gjatë muajit që lamë pas u regjistruan180 përplasje, ndërkohë rezulton se numri i personave të lënduar ka qenë më i vogël 5 persona më pak të plagosur se një vit më parë. Muaji gusht ka shënuar rekord edhe për pezullimin e patentave ndaj drejtuesve të automjeteve. 230 leje drejtimi iu morën shoferëve të cilët në shumicën e raste ishin nën efektin e alkoolit dhe tejkalim shpejtësie.

Muaji që ka pasur numrin më të vogël për aksidentet rrugore ka qenë korriku i 2018. Sipas shifrave zyrtare të Policisë, nga 1 deri në 31 korrik kanë vdekur 11 persona. Kjo shifër është 50 për qind më ulët krahasuar me të njëjtën periudhë të një viti më parë. Në total kanë ndodhur 118 aksidente në një muaj. 12 u plagosën rëndë dhe 129 të tjerë lehtë. Edhe kjo shifër rezulton më mirë krahasuar me korrikun e 2017, pasi ndodhën 199 aksidentete dhe mbetën plagosur rëndë 44 persona dhe 202 u lënduan.

Ndërkohë, qershori i 2018-s, shënoi shifra të larta për vdekshmërinë në aksidentet rrugore. 20 persona humbën jetën nga 12 që ishte një vit më parë. Sipas specialistëve, aksidentet rrugore, në 80 për qind të rasteve, kanë ndodhur si pasojë e gabimit të drejtuesve të mjeteve, teksa grupmosha që ka kryer më shumë aksidente janë nga 25 deri në 35 vjeç./abcnews.al

RAPORTI-10-MUJOIR-I-PLATFORMES.mpg_snapshot_00.08-1280x720.jpg
G. P.15:28 | 03/08/2018

Mbi 13 mijë ankesa janë zgjidhur. 440 zyrtarë janë ndëshkuar si pasojë e mospërpërgjigjes ndaj qytetarëve. Të dhëna janë publikuar në raportin 10 mujor të platformës së bashkëqeverisjes.

Rreth 13.700 halle të qytetarëve kanë marrë zgjidhje pasi kanë dërguar vetëm një një mesazh në adresën shqipëriaqëduam.al.
Bilancin e 10 mujorit të platformës së bashkëqeverisjen e e publikon edhe kryeministri Edi Rama në faqjen e tij në Facebook.
Më të ndëshkuarit nga mos përgjigja në kohë e qytetarëve janë pjesë e administratës së ministrisë që ka patur edhe fluksin më të madh të kërkesave si Ministria e Drejtësisë. Numërohen 239 zyrtarë të identifikuar nga hetimi administrativ se nuk kanë zbatuar ligjin, nga 420 që janë në total nga të nënta ministritë.

Vendin e dytë e zë ministria e infrastrukturës dhe energjisë me 49. Në fund të listës është ministria e Brendshme me vetëm një të ndëshkuar.
Në nivel qendror është Bashkia e Tiranës që ka pritur numrin më të madh të ankesave, 806 ku 743 prej të cilave kanë marrë zgjidhje. Në total janë 2395 ankesa drejtuar 12 bashkive nga të cilat 2026 janë të përfunduara. Ata që janë ankuar më pak në platformën e bashkëqeverisjes janë banorët e Kukësit. 31, ku 26 prej të cilëve u është dhënë përgjigja përfundimtare.

Ky bilanc i përdoruesëve të platformës së bashkëqeverisjes duhet të rritet sipas kryeministrit Edi Rama duke e quajtur, shqiperiaqeduam.al fuqinë e përbashkët kundër parazitizmit e korrupsionit në zyrat e shërbimeve të shtetit për qytetarin./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono