biden

MBULIM-TRUMP-DEKLARIMI-ABCM1T1.mpg_snapshot_00.04-1280x720.jpg
ent ela17:28 | 14/11/2019

Presidenti i Shteteve të Bashkuara, Donald Trump, po përballet me një proces që mund ta largojë atë nga zyra. E gjitha ka të bëjë me faktin nëse ai ka kërkuar ose jo ndihmë, në mënyrë të padrejtë, nga Ukraina, për të rritur shanset e tij për rizgjedhje në vitin 2020.

Presidenti amerikan Donald Trump është bërë presidenti i tretë në historinë modern të Shteteve të Bashkuara që është përballur me seance të hapura dëgjimore për shkarkimin e tij. Demokratët në dhomën e përfaqësuesve u kanë kërkuar dy dëshmitarëve kyç të departamentit të shtetit që ti tregojnë popullit amerikan se Trump ka abuzuar me pushtetin pasi mendohet se I ka bërë presion Ukrainës për ti ofruar informacion presidentit për rivalin e tij politik Joe Biden.

Presidenti i Shteteve të Bashkuara, Donald Trump, po përballet me një proces që mund ta largojë atë nga zyra. E gjitha ka të bëjë me faktin nëse ai ka kërkuar ose jo ndihmë, në mënyrë të padrejtë, nga Ukraina, për të rritur shanset e tij për rizgjedhje në vitin 2020. Gjërat janë ende në një fazë të hershme. Seancat e para publike me dëshmi nisën të mërkurën në Dhomën e Përfaqësuesve të Kongresit amerikan, e cila kontrollohet nga demokratët. Presidenti Trump, i cili është republikan, akuzohet se i ka bërë presion presidentit të Ukrainës, Volodymyr Zelensky, për të zbuluar informacione të dëmshme për njërin nga sfiduesit e tij kryesorë demokratë, Joe Biden, dhe djalin e tij, Hunter. Hunter ka punuar për një kompani ukrainase, kur Joe Biden ka qenë nënkryetar i Shteteve të Bashkuara. Trump e mohon çdo keqbërje, por kërkimi i ndihmës nga jashtë për të fituar zgjedhjet në SHBA, është akt i paligjshëm. Në qendër të kësaj ngjarjeje është ankesa e një informatori – zyrtar i paidentifikuar i inteligjencës – i cili ka shkruar një letër, ku ka shprehur shqetësim për bisedën telefonike midis Trumpit dhe Zelenskyt, të zhvilluar më 25 korrik. Në dëshmitë e para publike, të zhvilluara të mërkurën, një diplomat i lartë amerikan tha se Trump ka kërkuar drejtpërdrejt që Ukraina të hetojë rivalin e tij demokrat, Biden.

Bill Taylor, ushtrues i detyrës së ambasadorit amerikan në Ukrainë, tha se një anëtari të stafit të tij i është thënë se Trump ka qenë i etur për hetime.

“Anëtari i stafit tim e ka dëgjuar presidentin Trump, në një bisedë telefonike, duke e pyetur ambasadorin [amerikan në Bashkimin Evropian, Gordon] Sondland, në lidhje me hetimet… Pas kësaj bisede, anëtari i stafit tim e ka pyetur ambasadorin Sondland se çfarë mendon presidenti Trump për Ukrainën. Sondland është përgjigjur duke thënë se Trump brengoset më shumë për hetimet për Bidenin”, shpjegoi Taylor.

Kur është pyetur për Sondlandin në fillim të këtij muaji, Trump ka thënë se “vështirë që e njeh zotërinë”. /abcnews.al

 

C_2_articolo_3233980_upiImagepp.jpg
ent ela17:13 | 25/09/2019

Shtëpia e Bardhë ka publikuar detaje të një bisede telefonike midis Presidentit Trump dhe homologut të tij ukrainas ku i kërkonte që të fillonte një hetim për Jo Biden dhe djalin e tij.

Në bisedën telefonike të 25 korrikut, kreu i Shtëpisë së Bardhë i kërkon kërkoi Volodymyr Zelensky që të hetojë kandidatin demokrat Joe Biden dhe djalin e tij. i cili ka punuar për një firmë të gazit në Ukrainë.

C_2_documento_1291_upfDocumento

Donald Trump i kërkoi presidentit ukrainas Voldymyr Zelenski të kontaktonte ministrin e drejtësisë amerikane, Ëilliam Barr, për të diskutuar hapjen e mundshme të një hetimi ryshfeti për Joe Biden dhe djalin e tij. Kjo konfirmohet nga transkriptimi i thirrjes telefonike të 25 korrikut midis presidentit amerikan dhe liderit ukrainas. “Më bëj këtë favor – tha kreu i Shtëpisë së Bardhë -Çfarëdo që të bësh, është e rëndësishme që ta bësh atë, nëse është e mundur”.

Teksti i bisedës u bë publik pa modifikime nga administrata e Trump. Në pesë faqet e transkriptit të intervistës lexohet se Trump i kërkoi Zelensky të kontaktonte, përveç Ministrit Barr, edhe avokatit të tij personal Rudolph Giuliani për t’i shkuar deri në fund kësaj çështjeje. /abcnews.al

trump-1-1280x601.jpg
ad min10:10 | 12/06/2019

Donald Trump dhe Joe Biden shkëmbyen replika në distancë, teksa të dy synojnë të garojnë në zgjedhjet presidenciale të vitit të ardhshëm në SHBA.
Presidenti amerikan Donald Trump dhe kundërshtari i tij kryesor për zgjedhjet e ardhshme presidenciale, demokrati Joe Biden, kanë shkëmbyer sulme verbale, pasi të dy vizituan shtetin e Lowa-s.

Para se të nisej nga Shtëpia e Bardhë për në Ioëa, presidenti Trump e quajti ish-zëvendëspresidentin Biden, një njeri “të dobët mendërisht”.
Trump tha se Biden “duket ndryshe nga ai, vepron ndryshe dhe është më i ngadalshëm”.
Presidenti u tall me dështimet e kaluara në garat presidenciale të 76- vjeçarit, Joe Biden.

Në anën tjetër, gjatë një fjalimi Biden u shpreh se presidenti Trump është “një rrezik ekzistencial për Amerikën”.
Ai tha se Trump premtoi se do të mbrojë punëtorët dhe fermerët, por në vend të kësaj i ka bërë ata “këmbësorë” në luftërat e tarifave me vende si Kina dhe Meksika.

Donald Trump është e sigurt se do të jetë kandidati republikan për zgjedhjet presidenciale të vitit 2020. Ndërkaq, Xho Biden kryeson në sondazhe, por përballet me dhjetëra kundërshtarë demokratë brenda partisë, ku do të vendoset përmes një sërë zgjedhjesh të brendshme emri i kandidatit për presidencën amerikane.
Xho Biden ka qenë për 6mandate senator, shërbeu si zëvendës i presidentit Barak Obama për 2 mandate dhe u kandidua dy herë për president në vitin 1988 dhe 2008, ku nuk pati sukses./ABC News Albania 24/7

Trump-bisedimet.jpg
ent ela12:17 | 11/05/2019

Java që lamë pas ka qenë mjaft energjike për presidentin amerikan Donald Tramp si në politikën e brendshme ashtu dhe në atë të jashtme. Pekinit i është dhënë një ultimatum 1 mujor për arritjen e një marrëveshjeje në të kundërt do të ketë tarifa të reja. Trump nuk përjashtoi as mundësinë e hetimeve ndaj ish zv/presidentit amerikan Biden.

Dialogu mes Shteteve të Bashkuara të Amerikës dhe Kinës vazhdon por sekretari amerikan i thesarit Stiv Mnuhin i ka dhënë zv/kryeministrit kinez një ultimatum. Pekini ka tre deri në katër javë kohë për të arritur një marrëveshje, në rast të kundërt do të hyjnë në fuqi tarifa të reja për 350 miliardë dollarë produkte kineze. Kina dhe Shtetet e Bashkuara të Amerikës kanë rënë dakord të takohen sërish në Pekin për vazhdimin e negociatave të cilat nuk kanë dështuar. Për mediat kineze, pas raundit të 11 të negociatve, zv/kryeministri i Kinës u shpreh se bisedimet kishin qenë të hapura dhe konstruktive. Ai shtoi se ndalesat e vogla janë normale dhe të pashmangshme gjatë negociatave mes dy vendeve. Duke theksuar se Kina po tregohet e kujdesshme dhe optimiste, ai tha se prej disa principeve është e pamundur të hiqet dorë.

Pentagoni ndërkohë ka zyrtarizuar vendimin për lëvizjen e një baterie raketash Patriot në Lindjen e Mesme, si masë sigurie ndaj kërcënimit Iranian. Për të njëjtën arsye Shtetet e Bashkuara të Amerikës dërguan në rajon një flotë lufte dhe një grup bombarduesish. Pentagoni nuk ka dhënë detaje të tjera por burime të Ministrisë Amerikane të Mbrojtjes konfirmuan se vendimi u mor pas raportit të shërbimeve të inteligjencës, sipas të cilit Irani kishte ngarkuar raketa dhe armatime të tjera ushtarake në disa varka të vogla.

Kreu i Shtëpisë së Bardhë Donald Trump i është përgjigjur pyetjeve të gazetarëve për një hetim të mundshëm ndaj kandidatit për garën presidenciale Biden. Ish zv/presidenti amerikan mund të jetë subjekt hetimi për një konflikt interesi të mundshëm në çështjen ukrainase. Trump u shpreh se nuk është folur për këtë temë, por nuk do të ishte dhe aq surprizë nëse do të ndodhte. Biden është kandiati kryesor i demokratëve, dhe rivali kryesor i Trump në garën për në shtëpinë e bardhë. Trump tha se do të këshillohej fillimisht me avokatin e tij personal Rudi Xhuliani, para se të nisej për në Kiev për të pyetur autoritetet vendase nëse do të hetojnë për presionet e Bajden, në atë kohë zv/president. Ky i fundit kërkonte shkarkimin e prokurorit të përgjithshëm ukrainas, i cili po hetonte për një shoqëri energjetike të një oligarku, për të cilin punonte dhe djali i vetë Biden.

Në një intervistë për Politiko, Donald Trump u shpreh se nuk I konsideronte si një shkelje besimi raketat e hedhura së fundmi nga Koreja e Veriut. Kjo sepse sipas tij ai ishte një veprim standard i Penianit.

Shtëpia e Bardhë i ka kërkuar të paktën dy herë muajin e fundit, ish avokatit Donald Mekgan që të pohonte publikisht se nuk kishte besuar asnjëherë se presidenti ishte përpjekur të pengonte drejtësinë. Lajmi është publikuar nga Nju Jork Tajms, që citon dy burime të informuara për këtë rast. Mekgan, një nga dëshmitarët kryesorë të raportit të prokurorit Muller për Russiagate, ka refuzuar.

Nga ana tjetër ka përfunduar me përçarje të shumta takimi përgatitor përfundimtar për rishikimin e traktatit për armët Bërthamore për vitin 2020. Deklarata u bë nga ambasadori amerikan në institucionet ndërkombëtare në Gjenevë, Robert Ud, duke theksuar se arritja e një marrëveshjeje në konferencën e vitit të ardhshëm, është pothuajse e pamundur. Por gjithësesi ai shtoi se kjo marrëveshje mbetet një objektiv që nuk mund të braktiset. Traktati për armët bërthamore përfaqëson marrëveshjen kryesore ndërkombëtare për armët bërthamore për të penguar shpërndarjen e tyre. I hyrë në fuqi në vitin 1970, vitin tjetër ai do të shënojë 50 vjetorin.

Ndërkohë Pentagoni miratoi një plan për të shpenzuar një shtesë prej 1.5 miliard dollarë për të ndërtuar një mur 128 kilometra të gjatë mes Shteteve të Bashkuara të Amerikës dhe Meksikës. Fondi fillimiht ishte caktuar për mbështetjen e forcave afgane.

Ky vendim nuk i ka pëlqyer aspak Kongresit Amerikan i cili u shpreh se nuk është kërkuar miratimi i tij për riprogramimin e fondeve. /ABC news Albania 24/7

biden.jpg
ent ela19:43 | 25/04/2019

Pas zërave të shumtë që qarkullonin prej muajsh, Xho Bajdën zyrtarizoi kandidaturën e tij për zgjedhjet presidenciale amerikane të 3 nëntorit 2020. Kreu i Shtëpisë së Bardhë Tramp ka uruar me ironinë e tij ish- zv/presidentin amerikan me anë të një mesazhi në profilin e tij në Tuiter.

Xho Bajden, ish zv/Presidenti i Shteteve të Bashkuara të Amerikës dhe krahu i djathtë i Barak Obamës deri në vitin 2017, shpalli kandidaturën e tij në zgjedhjet paraprake  të demokratëve në kuadër të zgjedhjeve presidenciale të 3 nëntorit 2020.

Në publikimin e video – prezantimit të tij në Tuiter, Bajden shkruan se vlerat thelbësore të kombit amerikan, pozicioni i tij në botë, demokracia dhe gjithçka që e ka bërë Amerikën – ajo që është, janë në rrezil. Është kjo arsyeja sipas tij se pse po kandidon për në shtëpinë e Bardhë.

Video prezantimi zgjat 3 minuta e gjysëm, dhe konfirmon zërat të cilat qarkullonin prej muajsh. 76 vjecari deklaroi se do të hapë fushatën elektorale javën e ardhshme në Pittsburgh.

Ndërkohë presidenti amerikan Donald Tramp. Nuk e ka kursyer reagimin, ku me anë të një postimi në profilin e tij në Tuiter ironizoi për kandidaturën e Bajden:

“Mirë se erdhe në garë i përgjumuri Xho. Shpresoj vetëm që ti të kesh inteligjencën, e vënë në dyshim për shumë kohë, për të ndërmarrë një fushatë të suksesshme. Do të jetë eksperiencë e shëmtuar, do të përballesh me persona që kanë disa ide shumë të sëmura dhe të këqija. Por do ia dalësh, do të të shoh në vijën e fillimit.”

I favorizuar në sondazhet e para të demokratëve, Bajden do të ketë shumë kandidatë përballë. Plot 19.

Edhe pse Tramp e ka pagëzuar me pseudonimin “I përgjumuri Xho” dhe Republikanët mendojnë se ai bën hapa prapa dhe jo para, në të vërtetë ish zv/presidenti amerikan është në avantazh ndaj Tramp me tetë pikë.

Nëse zgjedhjet presidenciale do të zhvilloheshin sot ai do të merrte 42 për qind të votave, Tramp 34 për qind, ndërsa të pavendosurit do të ishin 19 përqind. Por në fillim ai duhet të bindë elektoratin demokrat.

Analistët shprehen se eksperienca e tij politike dhe ndërkombëtare është një plus shumë i madh, në krahasim me kandidatët e tjerë. Dhe është shumë më i famshëm. Por njëkohësisht bën gafa të panumërta, dhe si një burrë i bardhë i moshës së mesme mund të humbasë disa vota në një parti demokrate gjithnjë e më shumë liberale. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono