Biblioteka

maxhid-cungu.jpg
nev ila22:18 | 12/01/2020

Në biblioteken “ Marin Barleti” të Shkodrës ndodhen rreth 250 mijë libra me rreth 80 mijë tituj. Deri këtu duket si një bibliotekë e zakonshme, por kur nis e mëson mbi fondin e librave, ndalesh tek disa antikuarë të rrallë. Janë këto libra të cilët janë botuar para shekullit të 16 dhe kanë udhëtuar në vende të ndyshme deri sa janë grumbulluar në Shkodër.

Mes  tyre gjejmë edhe Kronikat e Marin Barletit apo dhe  “Historinë e Skënderbeut”, botim i vitit 1578.

Kureshtjen e atyre që e duan librin e shuan Drejtori i Bibliotekës së Shkodrës Maxhid Cungu.

“Dhe ajo që e bënë më të veçantë dhe më të pasur është shumë llojshmëria e koleksioneve që përmbanë, duke filluar tek koleksioni i Antikuariatit që përmbanë vlera të mëdha  të trashëgimisë kulturore qoft shqiptare, të vendi pra, por edhe të autorëve të huaj. Pjesë e këtij koleksioni janë librat INCUNABUL- (INKUNABEL), të prodhuara para shekullit të 16-të. Që kanë tematika të ndryshme duke filluar nga ato fetare, por edhe të drejtës Kanonike, apo librat gjuhësor, të historisë, gjeografisë. Është një fond i vecantë i dorëshkrimeve që përmbanë 155 njësi nga autor, kryesisht lokal, shumë të përmendur për historinë e Shqipërisë, për shkencen e albanologjisë. Siç janë At Shtjefen Gjeçovi, që ka pjesë nga Kanuni i Lekë Dukagjinit. At Justin Rrota ku përfshihen dorëshkrime me shumë vlerë të tijat, dhe pastaj janë edhe autor të tjerë sic është Dora D’Istria dhe shkrimtar të tjerë”.

Disa nga librat e rrallë kanë shëtitur nga një dorë në një tjetër. Gjenden edhe shënimet se kujt i përkisnin ato.

“Çeta e Profetëve” e botuar në  vitin 1685, ishte kujtim i At Shtjefen Gjeçovit, të cilit i ishte dhuruar nga një prift nga Dalmacia në vitin 1910-të dhe më pas Gjeçovi e ka dhuruar At Justin Rrotës.

Po sa të interesuar janë lexuesit dhe studiuesit a mund ti marrin nga biblioteka për pak kohë? Cungu pohon se ka shumë interes për këto koleksione, por ato janë unik dhe nevojitet një procedurë e veçantë, për shkak edhe të ruajtjes së tyre nga dëmtimet.

“Fondi për të cilin flasim, natyrisht nuk është i ekspozuar për lexuesit e zakonshëm është një procedurë tjetër për ti vënë në dispozicion librat, janë me perdorim të kufizuar, për shkak edhe të vlerave që përmbajnë, por ruajtjes nga përdorimi, ruajtjes nga konsumi. Disa nga to janë dhe digjitale, mund të lexohen online”.

Pjesë e këtij fondit është dhe vepra e një rëndësie të veçantë botërore se Toma Akuini, që është botim i vitit 1486.

Gjatë kësaj vizite në blibliotekë na gëzoi fakti që ka frekuentim.

“Ka frekuentim nga çdo moshë dhe fëmijë, vijnë dhe nga qytete të tjera”.

Bibliotekat në qytetin e Shkodrës e kanë zanafillën  në vitin 1683 me bibliotekën e “Bogdanit”, me pas ishin biblioteka të shoqërive të ndryshme kulturore në qytetin e Shkodrës, siç është ajo e vitit 1899 e“Shoqnisë Bashkimi”, e kështu me radhë dëri tek kjo aktuale Marin Barleti./abcnews.al

BIBLOTEKA-E-ARKIVIT-TE-SHTETIT-M1T1.mpg_snapshot_00.01-1280x720.jpg
ent ela16:30 | 26/09/2019

Arkivi qendror i Shtetit do të ketë bibliotekën e vet. Drejtori Ardi Bido thotë se biblioteka me mbi 10 mijë tituj, krahas materialit arkivor, do jetë në shërbim të studiuesve janarin e ardhshëm.

Akademia e Shkencave i dhuroi  arkivit te shtetit 600 libra kryesisht botime albanologjike të cilat i shtohen bibliotekës së këtij institucioni e cila është në proces rindërtimi.

Drejtori i arkivit Ardit Bido premton se brenda janarit te vitit te ardhshëm, do të jetë gati biblioteka e munguar  në arkiv me libra unikal.

Studiuesi Irakli Koçollari  thotë se ndërthurja e dokumentave dhe dorëshkrimeve, me vepra studimore bazuar në materialin arkivor është  me mjaft rëndësi për studiuesit që frekuentojnë arkivat.

Biblioteka e Arkivit të Shtetit numëron mbi 10 mijë tituj veprash arkivore, por edhe libra unikalë në gjuhë të vdekura si latine apo osmanishte. /ABC News Albania 24/7

 

 

biblioteka.jpg
ad min10:30 | 27/08/2019

Pas kinemasë, banorët e Njësisë numër 11 në kryeqytet do të kenë gati edhe godinën e bibliotekës. Bashkia e Tiranës ka nisur punën për rikonstruksionin e Bibliotekës së Laprakës, e cila sipas kryebashkiakut Erion Veliaj do të shërbejë jo vetëm si një ambient dinjitoz për lexuesit, por dhe si qendër komunitare për zonën.

“Ka nisur rikonstruksioni i Bibliotekës së Laprakës! Pas kinemasë, tashmë banorët e Njësisë nr. 11, sidomos dashamirësit e librit, së shpejti do të kenë një ambient dinjitoz për të lexuar, që do të shërbejë edhe si qendër komunitare”, shkruan Veliaj në rrjetet sociale.

Falë aktiviteteve të panumërta dedikuar librit dhe rritjes së numrit të anëtarëve në këtë bibliotekë, Bashkia e Tiranës ka menduar ta kthejë bibliotekën në një atraksion për mbarë komunitetin si një nga bibliotekat e lagjeve më të bukura në kryeqytet./abcnews.al

persida-asllani.jpg
ad min18:59 | 16/11/2018

Drejtoresha e Bibliotekës Kombëtare, Persida Asllani, ishte e ftuar në “Mbrëmje Ide”. Përsa i përket rastit kur Biblioteka u përmbyt, Asllani tha se ajo ngjarje është kronikë e paralajmëruar. Në studio me Mirela Milorin, ajo u shpreh gjithashtu se priste një mbështetje për Bibliotekën Kombëtare, problemi i së cilës ekziston prej dekadash.

“Janë pamje që lëndojnë dhe është kronika e një ngjarje të shumë paralajmëruar. Akumulimi i problematikës së Bibiliotekës Kombëtare është i disa dekadave. Ka filluar që në vitet 70. Dokumentacioni që kemi në bibliotekë të lë të kuptosh që është një problem i akumuluar prej vitesh që asnjë qeveri nuk e ka përballur dot seriozisht dhe do kisha dashur shumë që elita për të cilën ju folët, të kishte bërë më shumë me zërin e saj në mbështetje të Bibliotekës Kombëtare prej dekadash. Nuk mund të kujtohemi në momentin e tragjedisë dhe të themi obobo ç’na ndodhi. Kjo është një kronikë e paralajmëruar. Ka ndodhur dhe një incident zjarri më përpara. Për të njëjtat arsye, për mungesën e hapsirës dhe kushteve të pafavorshme që janë aty. Çfarë ndodhi me ato libra? Nuk janë të përmbytur. Janë të lagur dy-tre centimetra, për shkak të vendosjes në dysheme”, u shpreh Asllani.

Madje, drejtoresha e Bibliotekës Kombëtare sqaroi se vendosja e librave në dysheme është një metodologji e aprovuar në nivel ndërkombëtar.

“Shërbimi që i është bërë librit dhe që ju duket i çuditshëm por është shërbimi më i mirë maksimal që mund t’i bëhej në rrethanat në të cilat gjendet Biblioteka Kombëtare dhe metodologjia që përdoret është një metodologji e aprovuar dhe e udhëzuar në nivel ndërkombëtar”, tha ajo.

Ndërkohë nuk mund të mungonte edhe një fjalë për Panairin e Librit që po zhvillohet në Tiranë. Persida Asllani u shpreh se rasti ka krijuar një atmosferë pozitive.

“Unë e quaj panairin një festë të librit dhe kronika që ju dhatë e përcolli këtë atmosferë pozitive që  krijon një panair i librit. Më pëlqejnë shumë. Kudo që mundem dhe që më është dhënë rasti në jetën time i kam ndjekur shoqëruar me atë ndjenjën që kam përshtypjen njeriut të librit nuk i ikën kurrë që është koha e pakët në dispozicion në një jetë njerëzore për t’i lexuar të gjitha”, tregoi ajo./abcnews.al

30575060037_43c6a07f64_k-1280x853.jpg
ent ela12:46 | 04/11/2018

Të rinjtë e kryeqytetit, studentët, por edhe çdo i apasionuar pas librit, ka një strehë të re për t’iu përkushtuar leximit, studimit apo aktiviteteve të ndryshme kulturore. Bashkia e Tiranës ka rindërtuar bibliotekën e Njësisë Administrative 8, duke e kthyer atë në një mjedis modern dhe të përshtatshëm për çdo lexues. I pranishëm në përurimin e Bibliotekës Nr. 5, kryebashkiaku i Tiranës, Erion Veliaj theksoi angazhimin e bashkisë për t’iu ofruar miqve të librit hapësira sa më dinjitoze, si një mënyrë për t’i dhënë kulturës dhe leximit një vëmendje më të madhe, por edhe për të tërhequr të rinjtë.

 “Ka qenë prej kohësh një nga ambiciet tona që të kishim një strehë të tillë për librin në Njësinë 8. Në fakt, kur hyn dhe shikon fotot se si kanë dalë bibliotekat e reja, i ngjajnë shumë kafeve luksoze. Ndjej një entuziazëm shumë të madh kur mendoj se kemi ardhur te dita kur shteti, publiku, bashkia, qyteti, ofron të njëjtin luks për librin siç e ofron kapitalisti për atë që shkon pi kafe në një nga 10 mijë kafet e Tiranës”, tha Veliaj.

 Kryebashkiaku pohoi se gara e vërtetë sot nuk është për infrastrukturë, por për kulturë. Ndaj, theksoi ai, është e domodoshme që Bashkia të krijojë kushte sa më të mira për çdo lexues në kryeqytet. “Fakti që sot dikush që lexon nuk konsiderohet më një specie në zhdukje, i cili duhet të futet në një skutë të errët, me lagështi, por po i rezervojmë librit, në kuptimin e mirë të fjalës, vanitetin që shoqëria jonë sot e kazino-kapitalistit ia rezervon industrive të tjera, them se është një fitore e kulturës mbi antikulturën. Sot më vjen mirë sepse kemi bërë një fitore të vogël, një hapësirë dikur komplet të degraduar e kemi shndërruar në një nga bibliotekat më të bukura e më të mira në zemër të Tiranës”, u shpreh kreu i bashkisë.

 Veliaj vlerësoi mbështetjen e të rinjve, donatorëve të ndryshëm, por edhe të përfaqësive diplomatike të huaja, që janë bërë pjesë e kontribuesve për pasurimin e bibliotekave të kryeqytetit me tituj librash. “Gjasat janë që nëse kemi një copë tonën këtu, do të kujdesemi që ajo të mos prishet, të mos vandalizohet, të mos dëmtohet e degradohet. Jam posaçërisht i nderuar si kryetar bashkie, që jo vetëm hapim këtë bibliotekë të re, por që ajo mban një emër të madh. Unë besoj se sot jo vetëm jemi të nderuar që i japim emrin “Hamit Beqaj” kësaj biblioteke, por besoj se më shumë se kurrë mësimet e tij kanë dobi për qytetin e Tiranës”, tha ai.

Kryebashkiaku risolli në vëmendje fushatën për dhurimin e librit, ndërsa u bëri apel të rinjve të bëhen pjesë e saj, si një mënyrë për të pasuruar bibliotekat. “Kemi nisur një fushatë për dhurimin e librit. Siç po bëjmë fushatën e mbjelljes së pemëve, sikur ta merrnim seriozisht edhe këtë të librave, jam i bindur që mund të mbledhim më shumë se 100 mijë libra, për ta rikthyer librin në trend. Ndaj, dua t’ju bëj apel të gjithëve që nëse keni mundësi, librat që tashmë i keni lexuar, që kanë kaluar në duart e familjes, mund t’ia dhuroni bibliotekës”, tha kreu i Bashkisë së Tiranës.

 Veliaj vlerësoi edhe njëherë vendimin e rëndësishëm të qeverisë për mbylljen e kazinove duke e konsideruar atë si një nga vendimet më të guximshme. Ai tha se një nga arsyet pse bashkia e ka shtuar ritmin e punës me bibliotekat, terrenet sportive, këndet e lodrave, është pikërisht për t’u dhënë një alternativë tjetër të rinjve të qytetit.

VELIAJ-BIBLOTEKA.mpg_snapshot_00.19-1280x720.jpg
ad min13:51 | 19/10/2018

Një tjetër bibliotekë në Tiranë ndryshon pamje. Biblioteka “Misto Treska” është kthyer në një qendër moderne leximi. Kryetari i bashkisë, Erion Veliaj, u shpreh se kjo është një mënyrë për të kthyer vëmendjen e të rinjve tek libri.



Të rinjve miq të librit në Tiranë iu shtohet edhe një tjetër mjedis dinjitoz leximi. Biblioteka “Misto Treksa” në njesinë administrative numër 10 ka përfunduar së rikonstruktuari, ndërsa fondit të saj i janë shtuar 500 tituj librash.

Erion Veliaj, kryetar i Bashkisë së Tiranës: “Po krijojmë hapësira që gjenerojnë energji pozitive. Në administratën e shkuar për shumë nga këto hapësira thoshin: Hë mo, bibliotekë është, kush e përdor? Pse nuk e privatizojmë, të marrim ca lekë dhe i shfrytëzojmë për bashkinë? Por, ne kemi arritur t’i mbrojmë thuajse me thonj këto hapësira publike nga privatizimi. Patjetër që duam të përdorim energji private, por pa humbur shansin ta negociojmë fort hapësirën publike në shkëmbim të çfarë mund të marrim nga privati. Ndaj, është sukses që e kemi ruajtur këtë si hapësirë apo disa hapësira të tjera të harruara më parë”.

Rigjallërimi i bibliotekave të lagjeve, theksoi kryetari i bashkisë Erion Veliaj, do të kthejë vëmendjen e të rinjve tek libri, por këto hapësira nuk duhet të jenë vetëm qendra leximi, por dhe mjedise ku të organizohen aktivtete të ndryshme sociale dhe kulturore.

“Bashkia e Tiranës sapo ka marrë përsipër ngritjen e muzeut të Ismail Kadaresë, do të bëjmë njësoj edhe me shtëpinë e Dritëro Agollit apo me vendtakimet e shkrimtarëve të tjerë, për të emetuar vlerat tona për të ardhmen. “

Rikonstruksioni i bibiliotekes “Misto Treska” vjen pas rehabilitimin të bibliotekës “Musine Kokalari” dhe “Petro Zheji”./abcnews.al

CarturestiCarusel-JessicaWright-01.jpg
ad min12:38 | 03/08/2018

A po dalin libraritë jashtë mode? Me zhvillimin e tejskajshëm të teknologjisë dhe aplikacioneve të argëtimit, leximi i librave është vënë fatkeqësisht në plan të dytë. Pasojë për këtë mbetët përdorimi çdo ditë dhe më i pakët i librarive dhe bibliotekave. Dhe pse leximi online mbetet efektiv, magjia e shfletimit të materialit fizik mbetet ndjesia më personale dhe marrëdhënia më e ngushtë që mund të krijohet me brendësinë e veprës për të cilin përpiqesh të lexosh. Duke vënë re mostërheqjen e të rinjve ndaj leximit real, universitete dhe instuticone të ndryshme kanë vënë në punë kreativitetin e tyre për të pasur një rritje të vizitorëvë nëpër libraritë e tyre. Kështu, si rezultat janë ndërtuar disa librari të mrekullueshme që të nxisin fantazinë dhe të joshin për ta mbajtur librin në duar sa më gjatë.

1-Libraria e kolegjit “Triniti”
Kjo sallë e mrekullueshme ndodhet në Dublin. Vjëtërsia e saj qindra vjeçare bën të mundur që ti të udhëtosh në kohë bashkë me historinë të cilën po e lexon. U ndërtua në vitin 1712 dhe tashmë përmban mbi 200.000 tituj librash, çdo sallë është 65 metra e gjatë.

2-Stadtbibliothek në Stuttgart
Kjo bibliotekë është konsideruar si një kuti bizhuterish e cila përmban të gjithë diturinë e qytetit të Stuttgart-it në të. Gjatë ditës pjesa e jashtme e ndërtesës është e gjelbërt, ndërsa gjatë natës shndërrohet në një blu ndriçuese. Qëlllimi i saj është që të hapë një botë të intelektuale dhe kulturore për njerëzit e të gjitha kombeve.

3-Stift Admont
Libraria Stift Admont, është një ndër më të mëdhajat në botë. E ndërtuar në stilin europian barok në vitin 1776. Ambjentet e saj përmbajnë libra që datojnë që prej shekullit të 8 p.e.s.

4-Livraria Lello
Kjo librari ndodhet në Portugali dhe është e ndërtuar në vitin 1881 nga vëllezërit Lello. Pjesë e arktiekturës neogotike kjo librari është për individët të cilët nuk mjaftohen me pak dhe nuk është e rekomandueshme për personat minimalistë, për shkak të arredimit të ngarkuar që përmban.

5- Libraria publike e Seattle-it
Ibraria publike e Seattle-it është mbështetëse ideale e idesë se një librari nuk është vetëm arkivë librash, por edhe manifestuese e te gjitha llojeve të mediave. Ndërtesa është e ndërtuar në ariktekturë të ndryshme gjeometrike duke e bërë atë sa më novative./abcnews.al

libratt.jpg
ad min14:30 | 25/06/2018

Biblioteka Kombëtare ka shpallur gjendjen e emergjencës pasi rreth 12 mijë libra janë dëmtuar nga shiu i fuqishëm që pushtoi Tiranën tre ditë më parë.

Përmes një njoftimi për media, Biblioteka Kombëtare bën të ditur se për shkak të këtyre reshjeve uji ka hyrë në një nga sallat e saj si dhe në katet e nëndheshme.

Biblioteka Kombëtare thekson se nuk janë prekur mjediset, ku ruhet fondi i vlerave të rralla dhe Arkivi i librit dhe i periodikut shqip.

Në njoftim sqarohet se rreth 70% e 12 mijë librave të prekur nga uji janë tharë dhe po vijon puna për tharjen e pjesës së mbetur.

Për shkak të kësaj emergjence, Biblioteka Kombëtare do të qëndrojë e mbyllur nga data 25 deri 30 Qershor./abcnews.al

biblioteka.jpg
ent ela16:45 | 08/05/2018

Biblioteka Kombëtare tre muajt e parë të vitit 2018 u frekuentua 86% më pak se e njëjta periudhë e një viti më parë. Të dhënat vijnë nga Instituti i Statistikave megjithëkëtë qyetarët thonë se bibliotekat nuk janë të vetmet mundësi për të lexuar ndonëse interesi për librin ka rënë.

Në bibliotekë gjen vende bosh! Frekuentimi i tyre ka rënë.

Nga Janari në Mars të këtij viti sipas Institutit të Statistikave, Bibiloteka Kombëtare ka pritur rreth 86%  më pak lexues se e njëjta periudhë e vitit të shkuar.

Megjithëkëtë jo kushdo që dëshiron të lexojë i drejtohet Bibliotekës. +Të rinjtë priren më tepër drejt leximit në internet. Mosha e mesme vijon t’i qendrojë besnike librit.

Pavarësisht kësaj botuesit shprehen se tre vitet e fundit fuqia blerëse ka rënë. Fakt që sipas tyre është reflektuar me rënie të tirazhit dhe titujve të rinj.

Instituti i Statistikave vë në dukje se tremujorin e parë të këtij viti në Bibliotekën Kombëtare janë afishuar rreth 1800 botime, 62, 8% më pak se e njëjta periudhë e vitit të 2017-ës. Ndër to 340 tituj të rinj dhe 1400 ekzemplarë të rinj. Megjithëkëtë statistikat e sakta për nivelin e leximit në vendin tonë mungojnë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono