besnik mustafaj

KRONIKE-BESNIK-MUSTAFAJ-PROTESTA-E-STUDENTEVEABC-M4-T1.mpg_snapshot_00.26-1280x720.jpg
G. P.13:13 | 10/12/2018

Në një intervistë në studion e televizionit Klan Maqedonia, Besnik Mustafaj thotë se kjo protestë e studentëve duhet të zgjerohet dhe të mbështetet nga gjithë opinion publik. Si një nga figurat e dikurshme të lëvizjes studentore të dhjetorit ‘90, Mustafaj shpreson se protesta e studentëve do të prodhojë rezultate pozitive përtej kërkesave të artikuluara.

Protesta disa ditore e studentëve në gjithë Shqipërinë, për ish ministrin e Jashtëm Besnik Mustafaj ka ngjallur optimizmin e munguar tek shoqëria, përmes shfaqjes së emancipimit të saj dhe presionit që ushtron mbi politikën. Në studion e Klan Maqedonia, Mustafaj rolin e kësaj proteste e sheh përtej arritjes së kërkesave specifike drejtuar Ministrisë së Arsimit dhe Kryeministrisë.

Besnik Mustafaj: “Kjo lëvizje do të prodhojë rezultate pozitive shumë më tepër se ç’janë kërkesat e drejtpërdrejta për trajtimin e tyre si student. Unë shpresoj që duhet që kjo levizje të përgjithësohet dhe të mbështetet nga mbarë opinioni publik, të nxjerrë gjithë pakënaqësite ndaj shumicës qeverisëse dhe Ramës, por edhe ndaj opozitës për ta bërë më të vetdijshme për rolin e saj institucional”.

Zgjidhja më e mirë sipas tij?

“Zgjidhja me optimale dhe më e dobishme për vendin në fund do të ishte dorëheqja e qeverisë dhe krijimi i një qeverie tranzitore për të shkuar në zgjedhje të parakohshme”.

Rol deçiziv në këtë zgjidhje ka edhe opozita, për Mustafajn, mbijetesa e së cilës sipas tij varet nga aftësia për artikulim politik të zgjidhjes së problemit.

“Opozita duhet të përqëndrohet tek arsyet e vërteta të pakënaqësisë që ti bëjë propozime që i përgjigjen kësaj pakënaqësie. Nëse opozita s’do mund ti formulojë mirë, ti udhëheqë politikisht proceset për realizimin e kërkesave sigurisht që do të krijohet opozitë tjetër”.

Mungesa e rolit të saj institucional ka krijuar një traumë tek opozita, sipas Mustafajt, që po shkakton pamundësi në strukturim, si ja kërkon edhe misioni politik i saj./abcnews.al

konradiii.png
G. P.17:01 | 28/09/2018

Në një tryezë të rrumbullakët organizuar rreth të djathtës shqiptare dhe simboleve të saj, një nga themeluesit e partisë Demokratike, Besnik Mustafaj dhe aleati i demokratëve në parlament, Fatmir Mediu, theksuan nevojën që PD-së, sot t’i kthehen atyre vlerave që i mundësuan kësaj force politike përballimin e sfidave të mëdha.

Partia Demokratike duhet t’i rikthehet kujtesës së saj politike, e cila mishëron vlerat e së djathtës, të shpërfillura nga udhëheqja e sotme e kësaj force politike. Kjo sipas Besnik Mustafajt, një prej themeluesve të së djathtës shqiptare, e ka kthyer në reaguese me tepri aksionin politik të demorkatëve, në dëm të detyrës së tyre primare: propozimeve për opinionin publik.

“Animi i balancës nga reagimi e shtyn Partinë Demokratike drejt një stereotipi sjellje ku mungon hapsira për inovacion sepse mungon koha për reflektim që sjell propozime për zgjidhje. Partia Demokratike duket sikur është kthyer në një partie kancelarie, pothuaj i gjithë ligjërimi i saj politik bëhet nga selia e saj. Ky lloj komunikimi mobilizon pak dhe pamjaftueshëm për të fituar. Edhe vetë militanti bëhet pasiv, mbetet në pritje”, tha Mustafaj.

Ndërkohë që kujtesa mëson të kundërtën, thekson Mustafaj gjatë tryezës së rrumbullakët  thirrur mbi simbolet e së djathtës shqiptare nga fondacioni Konrad Adenauer dhe Politico.al. Është zbritja tek militantët dhe më pas qytetari sipas tij, ajo që i ka sjellë kësaj force politike fitoret e saj. E për këtë të fundit, ish-ministri i Jashtëm i qeverisë Berisha thekson se e djathta dhe inovacioni që ajo ka sjellë nuk ka ardhur kurrsesi si konsensus me të majtën, bindje të cilën e ndau me të edhe kreu i Partisë Republikane, Fatmir Mediu.

“Unë nuk mendoj se e djathta duhet të jetë si makinë mësimore ku hyp kushdo, e cila përjashton të vetët dhe fut atë që nuk është e saj, dobëson veten dhe forcon atë që nesër nuk është e saj dhe kthehet në faktor politik dhe elektoral”, tha Mediu.

E djathta sot duhet të merret më shumë me shkakun, thekson Mediu, e jo me pasojën, praktikë që e ka nxjerrë këtë forcë politike triumfatore edhe në kohë të vështira politike të historisë së saj./abcnews.al

azem-hajdarii.jpg
G. P.16:27 | 12/09/2018

20 vjet më parë  një breshëri plumbashi morën jetën Dëshmorit të Kombit, Azem Hajdarit. Dy dekada më vonë, kjo ditë nuk shërbeu vetëm si një moment përkujtimi, por edhe të një bilanci historik e politik të vendit dhe së djathtës.  

Në këtë ditë nuk ka rëndësi kë parti përfaqësojnë, vijnë si ish-studentë të lëvizjes së Dhjetorit për të përkujtuar mikun e tyre që ngriti zërin në emër të tyre për ta bërë Shqipërinë si gjithë Evropa. Ky është Azem Hajdari.

Kanë kaluar 20 vjet pas vrasjes së Azem Hajdarit. Kujtimet mbizotëruan në rrëfimet ish-studentëve të Dhjetorit të vitit 1990. Por edhe mesazhesh se ai nuk ishte një lider i rastësishëm.

“Në 30 vjet një propagandë e fëlliqur me rrënjë komuniste është përpjekur gjithmonë që  të krijojë idenë që Azemi ishte një njeri i guximshëm, pati disa arritje, por ishte i rastit. Jo, mund t’jua siguroj se e kam parë nga afër. Azemi ishte një gjeni i politikës”, tha Imami.

“Kishte një kimi me të gjithë, saqë të gjithë e mbajmë mend shprehjen: Sa njerëz i mblidheshin kur i shpohej goma e makinës, politikanëve të tjerë nuk i mblidheshin edhe me organizime”, tha Meta.

“Dëgjova dikë që mori mikrofonin e sekretarit të parë edhe tha: zoti Bashkurti ka ikur koha që rininë ta drejtojë një çoban. U tmerrova. Në shqipërinë komuniste kjo ishte blasfemi e tmerrshme. Kjo frazë ka qenë ndoshta ajo që më ka ndikuar më shumë nga Dhjetori i 90-s”, tha Blendi Fevziu.

E duke mbetur tek kujtimet e viteve ‘90, ish-kryeministri Sali Berisha tregon se guximi dhe sinqeriteti i dëshirës së Azem Hajdarit për të rrëzuar sistemin e bën atë edhe lider në më pak se një orë.

“Kishte dy fëmijë, por si u bë lider. Duke vurë peng fëmijët e tyij. Duke i thënë grupit të studentëve se kur t’ju tradhtoj ju, kam Rudinën dhe Kirin”, theksoi Berisha.

Shteti e vrau tha ish-kreu demokrat, por vetëm fizikisht.

Kjo ditë është edhe kohë për të reflektuar sipas një tjëtër  demokrati të ditëve të para. Besnik Mustafaj i tregon nëpërmjet një letre Azem Hajdarit se kohët kanë ndryshuar nga dita që ai nuk jeton më.

Mesazhet e kurajos dhe dëshirës për liri që karakterizonin Azem Hajdarin i ka lexuar edhe kryetari i Partisë Demokratike, Lulzim Basha. Ai kërkon që t’i rikthejë si e vetmja mënyrë për ta bërë Shqipërinë ashtu siç e kërkuan shqiptarët në vitin 1990.

Azem Hajdari u vra më 12 Shtator të vitit 1998. Ai u qëllua, ndërsa po dilte nga selia e Partisë Demokratike në Tiranë. Bashkë me të, mbeti i vrarë edhe një truprojë e tij. Për vrasjen e ish-liderit të Dhjetorit u akuzuan Jaho Mulosmani si dhe tre vëllezërit, Izet, Ismet dhe Isamedin Haxhia./abcnews.al

vlcsnap-error168-1-1280x720.jpg
G. P.18:32 | 24/01/2018

Në Asamblenë e Partisë Republikane, kreu i saj Fatmir Mediu foli për protestën e 27 Janarit, mungesën e ligjshmërisë në vend, sigurinë dhe rrugën e Shqipërisë drejt Bashkimit Europian.

Partia Republikane mblodhi Asamblenë gjatë të cilës, kreu i kësaj force politike, Fatmir Mediu, i thirri republikanët t’i bashkohen protestës së opozitës të paralajmëruar për 27 Janar.

Fatmir Mediu: “Pse duhet të protestojë dhe se duhet të protestojnë shqiptarët. Bile disa me naivitet, disa me djalëzi thonë të mos protestojmë tani, por më vonë se do të na marrë zët Europa si njerëz të bezdisshëm dhe pse pa ligj, pa Kushtetutë pa qytetarë, të cilët largohen çdo ditë nga Shqipëria, me varfëri, me papunësi, me krim dhe korrupsion mjafton të ulim kokën pas Ramës dhe ne mund të bëhemi europianë të denjë, vetëm duke ndenjur urtë. Të tjerë foltarë qeveritarë thonë se edhe pas 4 vitesh “Rilindje” fajin e keni përsëri ju që qeverisët vitet e mëparshme, paçka se ishim në që liberalizuam vizat dhe bëmë Shqipërinë vend anëtar të Bashkimit Europian dhe këta e kanë bërë anëtare të miqësisë shqiptaro-serbe të klubit të trafikut rajonal. Paçka se ne ndërtuam infrastrukturën rrugore dhe ata ndërtuan infrastrukturën e drogës dhe të kanabisit. Kjo propagandë bajate është më shumë se e neveritshme pas 27 vitesh pluralizëm ka vetëm një mënyrë që e keqja e “Rilindjes” të triumfojë në Shqipëri. Njerëzit e mirë të këtij kombi të heshtin dhe të largohen nga Shqipëria”.

Ndërtimi i një besimi më të madh mes opozitës dhe qytetarëve, një gërshetim i brezave dhe rikthim i kontribuesve dhe themeluesve të së djathtës, si dhe dhënia e shembullit të historive të suksesit duke qënë krenar për ç’ka është arritur, por duke mësuar nga gabimet ishin këshillat e republikanit Fatmir Mediu. Si i ftuar nderi, por edhe figurë historike e Partisë Demokratike, edhe Besnik Mustafaj foli për riorganizimin e spektrit të djathtë në Shqipëri.

Besniku Mustafaj: “Do ta mbyll këtë fjalë përveç falenderimit edhe me shpresën se do të fillojë realisht në Shqipëri, sipas një pikëpamje moderne do të fillojë një riorganizim i të djathtës në mënyrë që e djathta shqiptare, në të gjithë nuaancat e veta të vitalizohet dhe të ripërtërihet dhe të bëhet e tillë që të mbledhë në gjirin e vet atë pjesë të shoqërisë që ë shtë e djathtë sepse vetëm e djathta mund ta nxjerrë Shqipërinë nga ky kolaps i madh, ku gjendet sot. Unë do të jem në protest, shpresoj se ju do të jeni të shumëfishuar në protestë”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono