besnik fucia

prokuroriaa.jpg
nev ila19:03 | 08/05/2019

Zbardhet skema e tjetërsimit abuziv të pronave në zonën e Kasharit, që çoi në arrestimin e pesë personave, mes të cilëve dhe tre ish-zyrtarë të komunës periferike të kryeqytetit. Paraditen e së enjtes, 5 personat e vënë në pranga do të dalin para gjykatës për të marrë masën e sigurisë.

Ish-kryekomunari i Kasharit, Besnik Fuçia dhe katër të arrestuarit e tjerë së bashku me të, të dyshuar për abuzime me pronat në zonën periferike të kryeqytetit do të dalin të enjten para Gjykatës së Tiranës. Prokuroria pritet të kërkojë arrest me burg vetëm për administratorin Stefan Çaushin dhe mbesën e tij, Teuta Shehaj. Ndërsa për Besnik Fuçinë dhe dy zyrtarët e tjerë, organi i akuzës pritet të kërkojë masën e sigurisë detyrim paraqitje.

Tre ditë më parë, Prokuroria e Tiranës ka firmosur pesë urdhër arreste pas një hetimi disa mujor për një skemë tjetërsimi pronash me anë të falsifikimeve në Tiranë. Të arrestuarit akuzohen për mashtrim dhe falsifikim të dokumenteve të pronësisë të dy pallateve në zonën e Yzberishtit. Në rrjetën e prokurorisë ranë ish-kreu i Komunës së Kasharit, Besnik Fuçia , ish-Përgjegjësi i Zyrës së Planifikimit dhe Kontrollit të Zhvillimit të Territorit, Jurgen Memisha, administratori dhe ortak i firmës Ina 2004 Stefan Caushi, Vjollca Pani Sekretare e Zyrës së Planifikimit dhe Kontrollit të Zhvillimit të Territorit si dhe inxhinierja, Miranda Dyrmisha, Kolaudatore.

Ndërtuesi Arben Petriti është ai i cili ka bërë dhe denoncimin në prokurori. Nga hetimet e kryera rezulton se dy ndërtuesit, Stefan Çaushi dhe Arben Petriti kishin rënë dakord për ndërtimin e dy pallateve me ndarjen e pronësisë 50% me 50%. Por pronësinë e dy pallateve në fjalë e ka përfituar vetëm ndërtuesi Stefan Caushi, pas falsifikimeve dhe tjetërsimeve që u janë bërë dokumenteve të pronësisë.

Sipas burimeve, Fuçia ka dërguar në ZRPP një shkresë përcjellëse ku thuhej se sipërfaqja e tokës dhe objekti duhej të regjistrohej në emër të administratorit Stefan Çaushit./ABC News Albania 24/7

fucia-537x360.jpg
ent ela09:23 | 07/05/2019

Ish-kryetari i Komunës, Kashar Besnik Fuçia dhe ish kreu i Urbanistikës së Komunës, Jurgen Memisha u arrestuan nga policia me urdhër të prokurorisë së Tiranës. Fuçia akuzohet për shpërdorim detyre, ndërsa Memisha për falsifikim dokumentesh dhe shpërdorim detyre.

Në pranga ka rënë edhe Stefan Çaushi, administrator dhe ortak i kompanisë “Ina 2004” shpk, i cili akuzohet për mashtrim dhe falsifikim dokumentesh. Konflikti që solli në arrestimin e 5 personave erdhi pasi dy ndërtuesve, Stefan Çaushi dhe Arben Petriti të cilët kishin rënë dakort për ndërtimin e objekteve. Por nga hetimi rezultoi se pallatet u fituan vetëm nga ndërtuesi Stefan Çaushi, pas falsifikimeve dhe tjetërsimeve që u janë bërë dokumentave të pronësisë. Ndaj ish-zyrtarëve të komunës së Kasharit kishte nisur hetimi disa muaj më parë nga organi i akuzës. Gjithashtu në pranga kanë rënë Vjollca Pani, sekretare e zyrës së planifikimit të territorit dhe Miranda Dyrmishaj, kolaudatore, kontrolluese e subjekteve.

/ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono