berisha

5acba723-bc60-4680-89d7-7897b03b6e84.jpg
ent ela11:13 | 15/11/2019

Në lidhje me atentatin ndaj prokurorit Arjan Ndoj, ish-kryeministri Berisha deklaron se gjithçka ndodhi për shkak të 70 mijë metër katrorë tokë në gjirin e Lalzit. Sipas tij fakti që në makinë  e prokurorit ishte Pëllumb Muharremi i njohur ndryshe si “Rrumi i Sukthit” tregon se Rrumi i vërtetë është Edi Rama, ndërsa sjell në vëmendje gjymtimin e biznesmenit libanez, ndërkohë që autorit nuk i hyri gjemb në këmbë.

INTERVITA E PLOTË

“Ndodhi atentat ndaj një prokurori në makinë ishte dhe një tjetër me peseudomnim “Rrumi”, Çfarë kishim aty? Ishte në tërësi afera e 70 mijë metër tokë në Gjirin e Lalzit, cilido që dëshiron, të marrë një debat timin me Ramën në 2012. Çfarë i kam faktuar shqiptarëve. Në atë territor ishte investitor një kompani nga Katari që do investonte, kishte kontratë me qeverinë time, kishte tokë me 1 euro dhe nga 2013 filluan të protestonin; “flamur kuqi terrorist”, e shtynin socialistët. Humbëm ne zgjedhjet. Një nga aktet më të para në shtator 2013 i prishet kontrata me fshatarët. Në 2014 i prish kontratën me qeverinë shqiptare dhe lë 70 mijë tokë. Rrumi i vërtët është Edi Rama jo ai që është në spital.

Mbetën 72 mijë metër katror tokë e shtetit. Tani hyn në skenë Rrumi. Vangjush Dako dhe konfidentja Hicka, shkojnë vetëm njëhërë në gjykatë për të legjitimuar hapjen e procesit. Ta dinë shqiptarët se kush është Rrumi i vërtetë. Nuk shkuan dy herë, humbi dhe ia kaloi Rrumit dhe Rrumi nuk u dërgua në apel. Hicka nuk e  apeloi se lëvizi valixhja me 4.5 milionë euro nga Gjushi te Kryegjyshi, se Gjushi vetë për para i kishte pa kufi se nga mëngjesi në darkë shiste beton dhe ia sillte Kryegjyshit.

Në 2016 më vjen pronari i OMIX në zyrë dhe nuk mund të ikja pa takuar se më thotë kryeministri që fillo dhe shumë mirë që i kishte zgjidhur problemet.

U bënë gati të fillojnë, firmosi Rama kontratën, shkoi Fadi për ta regjistruar, i thonë ka vendim gjykate dhe nuk të regjistrohet. Kthehet dhe kur do shkonte i dalin te ura e Limuthit dhe i shkaktojnë 37 fraktura dhe ia bëri Rrumi, po Rrumit nuk i hyri gjë në këmbë, se Rrumi i vërtetë ishte Rama”.

Ndërsa për atentatin ndaj prokurorit Berisha thotë se autor i vërtetë është policia.

“Kush e vrau, ai është atentat, autor është policia deri sa të gjendet plotësisht. Po kush është ai që e diti dhe u informua se Ndoji po ha drekë atje. Skemat e atentateve, po se gjetën atentatorin e ka bërë policia. Unë kam ekspriencë tjetër kur njerëzit janë vrarë me antitank jo nga policia por nga banda në mbrojte të policisë. Pra KÇK kryetar ka vetëm një, kreun e Meduzës Edi Rama”. /abcnews.al

berisha-1280x720.jpg
ent ela22:55 | 14/11/2019

Sali Berisha e vlerëson si nul deklarimin para noterit të kandidates për Gjykatën Kushtetuese Arta Vorpsi. Në studion e Mirela Milorit në ABC News, ish kryeministri tha se ajo sjellje antikushtetuese ishte e diktuar nga kryeministri. Duke folur për opozitën, Berisha tha se kushti i Bundestagut për reformën zgjedhore është edhe për opozitën, e cila sipas tij duhet të marrë pjesë aktive në atë proces.

Ish-kryeministri Sali Berisha e konsideron të paimagjinueshme situatën me emërimet në Gjykatën Kushetuese. Në një intervistë në studion e ABC News, Berisha shprehet i befasuar nga sjellja e kandidates kushtetuese Arta Vorpsit që e zëvendësoi presidentin me një noter, ndërsa tha se Rama po synon të kapë gjykatën më të lartë në vend.

“Nga të gjithë kandidatët unë e kam njohur Vorpsin e kam patur mendim pozitiv. Me aktin e sotëm: në rast se ta diktuan për të poshtëruar institucuionin është keq, në rast se e ke bërë vetë, dy herë më keq. Ajo duhet të largohet e të kalojë në politikë. Nuk mund të imagjinohet t’i marrësh tjetrit kandidaturën. Në interpretimin tim, Vorpsi është nul, nul është edhe këshilltaja që u vu në listë me Besnik Muçin. Për t’u bërë tre emra Gramoz Ruçi vuri në listë jo kandidatin, por gjykatësin që ka filluar punë në Gjykatë Kushtetuese Besnik Muçin”.

I pyetur për qëndrimet përshëndetëse të ndërkombëtarëve, Berisha tha se po i bëjnë dëm vendit me ato deklarata.

“Në mënyrë absolute nuk them dot se qëndrimet e tyre janë antikushtetuese, ata s’kanë asnjë detyrim ndaj kushtetutës së këtij vendi. Është jashtëzakonisht e dëmshme për vendin të inkurajohet dhunimi i kushtetutës. Tërësisht të pamerituar të Ramës. Nëse shihni të gjitha deklaratat e tyre ata janë për një realitet që s’ekziston kund në Shqipëri”.

Ish-kryeministri rrëfen edhe një episod mbi një kërkesë të ndërkombëtarëve në kohën e hartimit të reformës në drejtësi.

Më erdhën në zyrë e më thanë  se kërkonin një nen në kushtetutë që ata që svetoheshin të mos emëroheshin në Gjykatë Kushtetuese, Basha i refuzoi …zgjodhën metodën top doën nga lart poshtë…por a pranoja unë të lija vendin pa gjykata”

Sipas Berishës jo të gjithë në BE janë entuziastë me këtë lloj reforme në drejtësi

Mos mendo se kanë të njëjtin mendim për këtë reformë vende të ndryshme, apo të futet minarja në thes me këtë situatë, kushdo të vijë gjen kunatin në krye të KLP, që nuk është magjistrat e ka bërë reformën në drejtësi, në krye të KED një njeri që ka fshehur 120 milionë lekë, që shkonte në mbledhjet e PS”.

Berisha e vlerëson si institucional qëndrimin e Metës, përballë përpjekjes së Ramës për t’i marrë kompetencat. Nga ana tjetër, lideri historik i PD thotë se opozita duhet të marrë pjesë në hartimin e reformës zgjedhore sepse kushti i Bundestagut është edhe për të.

“Nga një anë citohen 9 kushtet, por nga ana tjetër ai kusht edhe për opozitën jo vetëm për Ramën. Unë jam që opozita të marrë pjesë aktive e të japë kontributin e saj për reformën zgjedhore. Opozita e qeveria duhet të bien dakord të marrin ekspertët e ODIHR-it…Pa ODIHRIin, unë  jam për pjesëmarrje 100 % në reformë”.

Sipas Berishës, opozita ka program shumë të mirë e duhet të bëjë punë intensive, ndërsa zgjedhjet e parakohshme duhet të mbahen sa më parë. /abcnews.al

BERISHA-NE-ABC.mpg_snapshot_08.05-1280x720.jpg
ent ela21:26 | 14/11/2019

I pyetur nëse ka ndërkombëtarë kundër integrimit, ish-kryeministri Berisha përgjigjet se politikë zyrtare kundër integrimit në dijeninë e tij nuk ka, por ka pasur një tezë për partneritet dhe jo zgjerim të vendeve të Ballkanit Perëndimor.

“Politikë zyrtare kundër integrimit nuk ka në dijeninë time. Ka patur një tendencë, por jo e këtij viti, që kur u krijua nisma e Berlinit, një grup doli me tezën për partneritet, jo për zgjerim vendeve të Ballkanit. Ka një dokument që garanton këto vende që kanë perspektivën evropiane.  Edhe Macron e ka qartësuar që ai nuk kërkon të bllokojë zgjerimin, por ta reformojë zgjerimin.

Kurse ata që thonë t’u ofrojmë atë që u kemi ofruar Norvegjisë dhe Islandës gabojnë se ato vende nuk kane dashur të anëtarësohen, kurse shqiptarët duan të anëtarësohen”. /abcnews.al

berisha11.jpg
ent ela20:49 | 14/11/2019

I pyetur sesi po i qëndron presidenti Meta presionit të mazhorancës si institucion, ish-kryeministri Berisha thotë se kreu i Shtetit po mban qëndrim institucional, pavarësisht përpjekjeve të Ramës për t’i marrë kompetencat. Sipas tij Meta është i mbrojtur nga Kushtetuta, po aq sa është i detyruar ta mbrojë atë.

“Është qëndrim insitutcional. Përpjeka e Ramës t’i marrë kompetencat, përdor parlamentin, përdor një rezolutë tjetër, përdor një akt tjetër puçist”.

Milori: Do t’ia dalë dot Meta ta mbajë presionin?

Berisha: Si institucion padiskutim është i mbrojtur nga Kushtetuta. Deshën ta nxjerrin se ka thyer kushtetutën, ua tha Venecia, e përkthyen në mëyrë të turpshme. Atë nuk e bënë ndërkombëtarët, e bëri Engjëll Agaçi.

I pyetur nëse po bën Presidneti Meta opozitën përballë kësaj mazhorance, Berisha shprehet se kreu i Shtetit, po u përmbahet vetëm kompetencave të tij kushtetuese.

“Ai thjesht po i përmbahet kompetencave kushtetuese, u përpoqën 3 muaj ta nxirrnin jokushtetues me zgjedhjet. Ata që janë më doktrinarë thanë jo, nuk ka shkelje kushtetute. Presidenti është i detyruar të mbrojë kushtetutën, por edhe i mbrojtur nga kushtetuta”. /abcnews.al

5b5f035b-9d59-46aa-a87e-53684b2d3a5a-1280x614.jpg
ent ela20:14 | 14/11/2019

Një akt që del jashtë çdo lloj standardi, e ka konsideruar ish kryeministri Sali Berisha betimin te noterja të Arta Vorpsit. I ftuar në studion e “Mbrëmje në ABC News” të Mirela Milorit, Berisha tha se  kjo shënon një nga ngjarjet më të paimagjinueshme për një shtet.

“Kjo ditë shënon një nga ngjarjet më të paimagjinueshme për një shtet të cilën as humoristët më të shquar, as Agim Xhafka nuk mund ta imagjinonte së mund të ndodhte, kur një gjykatëse kandidate për Gjykatë kushtetuese zgjedh noterin për të bërë betimin kushtetues, një akt që del jashtë çdo lloj standardi”.

Duke qenë se e ka njohur personalisht Arta Vorpsin ai i çon mesazhin që nëse e ka bërë vetë këtë akt është dy herë më keq sesa mund t’ia kishte diktuar Rama për të poshtëruar Presidencën.

“Nga të gjithë ata kandidatë unë e kam njohur dhe kam patur mendim pozitv për Vorpsin, por më aktin që bëri sot duhet ti çoj këtë mesazh: Nëse e berë vetë, nëse ia diktuan se me thonë që ia diktoi Rama nga Londra për të poshtëruar institucionin e Presidencës është shumë keq, por nëse e ke bërë vetë është dy herë më keq dhe së fundi gjëja më e mirë është të kalojë në politikë. Sot në mbarë Evropën ushton kjo thagmë që në Shqipëri Gjykata Kushtetuese betohen te noteri”. /abcnews.al

kajmakliu.jpg
ent ela14:54 | 30/10/2019

Komisioni Qendror i Zgjedhjeve do të vendosë të premten e 1 nëntorit për fatin e mandatit të kryebashkiakut të Vorës, Agim Kajmaku.

Pas kërkesës së Partisë Demokratike, e cila i kërkoi Komisionit Qendror të Zgjedhjeve të vendosë pa vonesë për shkarkimin e Kryetarit të Bashkisë së Vorës Agim Kajmaku, një tjetër reagim vjen nga ish kryeministri Sali Berisha.

Në një postim në facebook, Berisha shkruan se: “Pas vërtetimit se Jorgo Toto i arrestuar për fallsifikim parash në Greqi është fiks Kajmaku i partisë, kreu i Meduzës thuhet se po mendon për të zhdukur Bashkinë e Vorës”.

“Kësaj i thonë O Kajmak o Kajmakli unë e zhduk Vorën për ty”, shkruan Berisha në FB.

Postimi i plotë i Sali Berishës:

O Kajmakun ose zhduket Vora!

O Kajmak o kajmakli une e zhduk Voren per ty!

Miq, pas vertetimit se Jorgo Tora i arrestuar per fallsifikim parash ne Greqi eshte fiks Kajmaku i partise, kreu i Meduzes thuhet se po mendon per te zhdukur Bashkine e Vores, sipas kesaj llogjike pa Kajmakun e Surrelit nuk Vore dhe qytetare, duke treguar se banditizmi i kryekreut te meduzes ka kufinj vetem qiellin! Kesaj i thone O Kajmak o Kajmakli une e zhduk Voren per ty! sb /abcnews.al

nora.jpg
Autor E16:26 | 26/10/2019

Dy muaj pasi muzikanti i njohur nga Prishtina, Robert Berisha, ndau me gjithë ndjekësit e tij në “Instagram” lajmin se martesa e tij me Nora Istrefin ka marrë fund, historia ka marrë tjetër rrjedhë.

“Prive” ka publikuar video dhe foto në aeroport të këngëtares Nora Istrefi, e cila shihet që po udhëton më ish-burrin. Fakt është që ata nuk janë vetëm, por së bashku me motrën e saj, Era Istrefin dhe Dj Red.

Sipas mediave të Kosovës, kjo mund të jetë një rastësi ose çifti i famshëm mund ruajë raporte të mira edhe pas ndarjes. Këngëtari zbuloi se shkak për divorcin ishte bërë mungesa e dashurisë dhe se pavarësisht këtij fakti, ata të dy do të jenë prindër të përgjegjshëm për Reneenë e vogël.

Ndërkohë, në anën e dukshme të skenës ndarja u duk paqësore dhe mjaft e civilizuar, por e vërteta ishte ndryshe. Burime të afërta të çiftit kanë treguar se ata kishin muaj që kishin mosmarrëveshje e zënka dhe në momentin që e bënë fakt ndarjen, kishin kohë që s’jetonin më bashkë.

Të njëjtat burime tregojnë se gjatë këtyre dy muajve, Roberti është shfaqur i penduar te miqtë dhe ka nisur përpjekjet si e si ta bindë Norën për një ribashkim të mundshëm e për ta rikthyer në shtëpi. E duket se bisedimet po shkojnë mirë, nisur nga kjo foto e udhëtimit të tyre të parë në çift pas ndarjes.

Miqtë e tyre tregojnë se gjatë kohës që ishin të ndarë, ata kontaktet i kishin vetëm për vajzën. Shenjën e parë Roberti e dha në “Instagram”, kur nuk u rezistoi dot fotove seksi që Nora Istrefi kishte bërë në rrugët e Prishtinës. Ai i bëri like-t e para ish-gruas, duke bërë që të lindnin dyshimet se marrëdhënia e tyre po merrte tjetër kthesë pas ndarjes.

Ndarja e tyre u shoqërua me hije skandali nga pas. Edhe pse u duk si një ndarje paqësore pas 13 vitesh histori, duket se pas divorcit të këngëtarëve Nora Istrefi dhe Robert Berisha fshihet një skandal i madh tradhtie. Pas statusit shumë dashamirës të Robertit, i cili i shprehu publikisht mirënjohjen partneres së tij për vitet që kishin kaluar bashkë dhe vajzën që solli në jetë, sipas mediave të Kosovës, fshihet një e vërtetë tjetër.

Gazetarët kanë filluar të shkruajnë për lidhjet jashtëmartesore të secilit, Nora me një avokat të njohur dhe Roberti me një modele që jeton në SHBA. Natyrisht që këto detaje janë në formën e thashethemit. Për disa nga mediat e Kosovës ekzistojnë faktet, por që ato ende nuk i publikojnë për çështje privatësie.

E mesa shihet, flitet për tradhti të dyanshme. Si fillim doli lajmi se Nora e tradhtonte Robertin me avokatin e njohur për 1 vit dhe kjo ishte arsyeja e ndarjes së tyre. Ky u konsiderua një fakt që doli në dritë pas ndarjes së tyre, pra në mes qëndron tradhtia. “Prej të paktën një viti, Nora është në lidhje jashtëmartesore me njërin prej avokatëve më të njohur në Kosovë dhe kjo është arsyeja e ndarjes”, citohej në rrëfimin e një miku të ishçiftit, i publikuar pothuaj në të gjitha portalet.

Pas këtij lajmi doli një tjetër, që zbulon tradhtinë e Robertit kësaj here. Burime pranë “Insajder” treguan se këngëtarja e ka hedhur në gjyq ish-bashkëshortin për tradhti dhe natyrisht që ekzistojnë dokumente, pasi në Gjykatë nuk mund të shkohet pa dokumentet bazë që vërtetojnë këtë akuzë.

Këngëtarja ende nuk ka reaguar ndaj aludimeve të shumta, por gazetarët janë gjithmonë në kërkim të arsyes së vërtetë, duke qenë se ndarja e tyre është komentuar ashpër nga fansat. Sipas tyre, martesa është një institucion, për të cilin një çift duhet të sakrifikojë dhe jo të dorëzohet.

Pse u mbajt ndarja e fshehtë
Kanë 13 vjet bashkë e ndryshe nga çiftet e tjera të showbizz- it, për Nora Istrefin e Robert Berishën (tashmë prindër të një vajze) nuk ishte tabu të flisnin për ndarjen e tyre. Sipas miqve të tyre, arsyeja pse ata po jepnin aq shumë deklarata motivuese për divorcin, ishte sepse ata në të vërtetë ishin ndarë, por e mbajtën sekret dhe vendosën ta bënin publike vetëm pasi u mësuan me idenë e divorcit dhe e kaluan traumën e fillimit.

Ishte Roberti i pari ai që u shpreh se ndarja është normale për një çift, që vendos t’i japë fund lidhjes. Por nëse Roberti njihej për karakterin më të hapur para mediave, kur e bëri dhe Nora të njëjtën gjë, duket se diçka ishte vulosur nga çifti.

Në një intervistë të fundit, ajo zgjodhi të fliste pak më shumë për jetën e saj personale, duke rrëfyer detaje të reja nga jeta e saj martesore. “S’ka inat” ishte klipi ku çifti i famshëm i këngëtarëve nga Kosova u bënë bashkë pak kohë më parë, për të na rrëfyer përmes vargjeve e muzikës një copëz nga historia e tyre 13-vjeçare e dashurisë.

E nëse intervistat e tyre për ndarjet kanë qenë më të shpeshta sesa për vetë muzikën që bëjnë, le të shohim se çfarë do të vendosin të rrëfejnë tani e tutje për marrëdhënien e tyre.

Kujtojmë që Roberti 41-vjeçar është 8 vite më i madh se Nora, për të cilën kjo diferencë moshe nuk është aspak e vogël. Ata u njohën 13 vite më parë në ambientet e njëjta të muzikës, kur Roberti shoqëronte si instrumentist Sinan Vllasalihun dhe Nora ishte në kulmin e karrierës si këngëtare.

lkh.jpg
Autor E13:15 | 15/10/2019

Presidenti Ilir Meta është shprehur vazhdimisht se ka një dobësi ndaj ish-kryeministrit Berisha.

Sëfundmi, Meta i ka dërguar Berishës një tufë me 75 karafila me rastin e 75 vjetorit të lindjes sëbashku me një urim.

“GËZUAR DITËLINDJEN DOKTOR BERISHA!
Urimet më të ngrohta e të përzemërta! Edhe 100 vite të tjera me shëndet e lumturi! Suksese dhe mbarësi!
Për Ju ka vetëm një stinë: PRANVERË!”, shkruan Meta në Facebook duke e shoqëruar urimin me foton e karafilave të bardhë për Berishën.

Berisha.png
Veronik Istrefaj16:34 | 28/09/2019

Juventusi po luan kundër SPAL-it, ndeshje e vlefshme për Serie A dhe po triumfon 1-0. “Zonja” mund të kishte shënuar edhe më shumë gola, por gardiani kuqezi, Etrit Berisha, po bën një paraqitje të shkëlqyer.

Fillimisht, Berisha bën një superpritje ndaj Aaron Ramsey, ndoshta pritja e tij më e mirë në karrierë. Më pas, gardiani kuqezi ndal edhe Sami Khedirën, i cili po ashtu tenton ta mposhtë me kokë nga një distancë e afërt. Pritja e Berishës është e shkëlqyer…/abcnews.al

SINKRON-BERISHA-NE-OPINION.mpg_snapshot_00.01-1280x720.jpg
ent ela22:35 | 12/09/2019

Ish-kryeministri Sali Berisha ka komentuar situatën politike në emisionin “Opinion” në Tv Klan. Duke komentuar zërat për një koalicion të mundshëm mes kryeministrit dhe kreut të opozitës, Berisha tha se kjo do të sillte goditjen e fundit për demokracinë. Sipas ish – kryeministrit, rruga e vetme është largimi i qeverisë “Rama” me vullnetin e shqiptarëve.

Në të gjithë vlerësimin tim, një koalicion i tillë do të ishte asgjë tjetër veçse goditja e mëshirës për sistemin shqiptar, se s’mund ta quajmë demokratik, por goditje e mëshirës për ta varrosur përfundimisht atë që deri dje quhej demokraci por që sot është narkoshtet dhe një koalicion i tillë do të shuante çdo shpresë tek shqiptarët për të rimarrë rrugën e ligjit. Standardet këtu kanë marrë fund. Problemi është këtu, ka dhe më keq. Se nëse do bëhej një koalicion, ateherë do të përjetohej çelnikosja e këtij narkoshteti, e kësaj kakistokracie. Opozita nuk mund të bëjë asnjë hap të vetëm, duke patur PS, partinë e cila krijoi këtë situatë dhe në mënyrë të paimagjinueshme dhe ajo ka vetëm një rrugë, largimin e saj me vullnetin politik të shqiptarëve”. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono