Beograd

Screenshot_1-12.png
R D17:40 | 30/01/2020

Analistët në Serbi mendojnë se vizita e kreut të diplomacisë europiane në Beograd do të jetë më tepër në kuadër këshillues, ndaj nuk presin ide apo vendim për sa i përket dialogut me Kosovën.

Josep Borrell sjell një porosi që pa Bashkimin Europian nuk ka zgjidhje të problemit të Kosovës. Vetë diplomati ka theksuar në një intervistë për agjencinë serbe “Tanjug”, se do të jetë personalisht i përfshirë në negociata. Serbia e pret vizitën e tij si një konsultë fillestare, por jo ndonjë ide apo vendim.

Analisti Dushan Spasojevic, thotë se Uashingtoni ka treguar që ka një plan më konkret me veprimet e fundit në nxitjen e dialogut. Por, BE nuk mund të anashkalohet të paktën si kornizë pasi megjithatë ky është një problem europian.

Dushan Spasojevic, nga fakulteti i Shkencave Politike: “Ajo që kemi parë si zgjidhje e konflikteve të mëhershme në rajon është që amerikanët marrin një rol më të rëndësishëm në vetbërjen e marrëveshjes, kurse Europës i mbetet zbatimi i saj. Ky është një mekanizëm që do ta shohim. Por, pa karrocën europiane është e pamundur”.

Por, Bojan Bilbija nga e përditshmja beogradase “Politika”, thotë se ka tentime, por dialogu nuk ekziston pasi atë e pengon tarifa doganore e Kosovës. Serbët dhe Serbia duan marrëveshje dhe zgjidhje, por sipas analistit, ajo që serbët do ti kënaqte është e qartë.

Bojan Bilbija, gazeta Politika: “Se çfarë dmth kjo konkretisht do të përcaktohet nga negociatorët, por kompromisi thotë që askush të mos i humb të gjitha dhe të gjithë të fitojnë nga pak. Kjo do të ishte e pranueshme. Kemi qenë afër një zgjidhjeje të tillë kur është bllokuar dialogu me vendosjen e tarifave”.

Borrell, në Serbi do të takohet me Presidentin dhe Kryeministren në dy takime të ndara. /abcnews.al

maxresdefault-9.jpg
R D13:53 | 22/01/2020

Në një intervistë për Euronews, Presidenti i Serbisë Aleksandër Vuçiç u shpreh se ishte i ngopur nga morali që liderët europianë i bëjnë atij për lidhjet me Rusinë dhe Kinën. Ai ka theksuar se Beogradi i qendron me përkushtim detyrimeve ndaj Bashkimit Europian, kjo pavarësisht tejzgjatjes të paprecedentë të procesit të anëtarësimit. 

Aleksandër Vuçiç, politikan i djathtë në pushtet që nga 2017, u shpreh në një intervistë për Euronews se Serbia ishte ende në rrugën për anëtarësimin në Bashkimin Europian pavarësisht zhgënjimeve të njëpasnjëshme. Në qendër të kritikave të tij janë ata që thonë se Serbia është shumë pranë Moskës dhe Pekinit, duke bërë që anëtarësimi i vendit të bllokohet për gjeopolitikat.

“Serbia nuk është shumë entuziaste, por ne jemi ende të përkushtuar ndaj Bashkimit Europian sepse nuk shohim një alternativë reale. Ne kemi 20 vjet që ndodhemi në këtë rrugëtim. Unë mendoj se përveç Turqisë, asnjë vend tjetër nuk ka pritur kaq shumë”, u shpreh ai.

Ai mohoi se procesi i ngadaltë për normalizimin e marrëdhënieve me Kosovën, ishte arsyeja kryesore që vendi i tij nuk po anëtarësohet, por kritikoi vullnetin e BE-së dhe aleatëve perëndimorë.

“Ishte kryesisht për shkak të marërdhënies mes Beogradit dhe Prishtinës. Por në të njëjtën kohë, madje dhe sot, e diskutova këtë çështje jo vetëm me zyrtarë europianë por dhe me Sekraterin Amerikan të Shtetit, Pompeo. E pyeta se nëse rregullohemi me Prishtinën, nëse gjejmë një zgjidhje, a do të ishte e mjaftueshme për të qenë pjesë e Bashkimit Europian? Dhe askush nga BE apo nga Shtetet e Bashkuara të Amerikës nuk mund të konfirmonte se Serbia atëherë do të ishte anëtare e BE-së. Kjo do të thotë se ne duhet të presim për një vendim dhe përfundim nga BE, nëse duan ta shohin Serbinë si pjesë e Bashkimit Europian apo jo”, tha më tej Presidenti i Serbisë.

Lideri serb u shpreh se nuk mund të thuhej se marrëdhënia me BE-në ishte nga më të mirat por gjithësesi ai ishte shumë mirënjohës ndaj Brukselit për ndihmëne dhënë gjatë përmbytjeve që goditën vendin në 2014-ën.

Por ai u shpreh i zemëruar ndaj pyetjes nëse do të duhej të zgjidhte mes Moskës dhe BE-së, duke thënë se mediat perëndimore e kanë shumë problem të kuptojnë se lidhjet e Beogradit me Moskën janë për të mirën e popullit serb dhe në interes të vendit.

“Gjithnjë i them Putin, dhe nuk e mohoj këtë, si bëjnë shumë politikanë të tjerë të Bashkimit Europian, sepse kur ata takohen me Putin harrojnë se nga vijnë – i them gjithnjë se vendi im është në rrugën e anëtarësimit në BE dhe se ky është objektivi ynë strategjik. Por kjo nuk do të thotë se kur të bëhemi një vend anëtar ne do të ndërprësim lidhjet me Kinën, Rusinë dhe të tjerë. Për të thënë të vërtetën jam i ngopur nga morali që na bëjnë për bashkëpunimin tonë me Kinën dhe Rusinë, dhe më pas të shoh ata që takohen me XI Jinping dhe Putin më shpesh se unë. Bëni punën tuaj. Ju jeni shtete sovrane. Serbia është shtet sovran. Ne bëjmë çdo gjë që është në të mirë të popullit dhe vendit tonë”, u shpreh Vuçiç gjatë intervistës për Euronews.

Ai theksoi se Serbia nuk do të marrë vendime false për të kënaqur BE-në apo Moskën, dhe pse nuk dihet se kur vendi do të mund të jetë anëtar. Ai tha gjithashtu se “ekonomia serbe është më e forta në Ballkanin Perëndimor me një rritje prej 4.5% vitin e kaluar, gjë që tregon se po ecim në drejtimin duhur”./abcnews.al

hashim-thachi-takimi-1280x720.jpg
nev ila20:21 | 21/01/2020

Autoriteti i Aviacionit Civil në Kosovë dhe Aeroporti i Prishtinës konfirmojnë se linja ajrore Beograd-Prishtine do të funksionojë pa taksa shtesë. Në marrëveshje thuhet se në çfarëdo rasti, taksat dhe pagesat shtesë nuk do të jenë diskriminuese.

Marrëveshja për rivendosjen e linjës direkte ajrore Prishtinë-Beograd, e nënshkruar të hënën në Berlin me ndërmjetësimin amerikan, me përfaqësuesit e kompanisë gjermane  Lufthansa dhe Eurowings dhe zyrtarë nga Kosova dhe Serbia, bën të qartë se nuk do të ketë taksa shtesë.

Qeveria Haradinaj ka vendosur që nga 2018 taksën 100 përqind mbi produktet serbe dhe boshnjake, por marrëveshja për fluturimin direct Prishtinë-Beograd, ka një paragraph që thotë se nuk do të ketë taksa shtesë.

“Autoriteti i Aviacionit Civil në Kosovë dhe Aeroporti i Prishtinës konfirmojnë se operimi për në/nga Beogradi/Prishtina dhe anasjelltas do të funksionojë pa taksa shtesë dhe taksa për një shërbim në linjën BPSAR. Në çfarëdo rasti, taksat dhe pagesat shtesë nuk do të jenë diskriminuese. Kompania “Eurowings” dhe transportuesit e Grupit Lufthansa do të kenë autoritet të plotë për të shitur bileta, për t’i përcaktuar tarifat për udhëtarë, mallra dhe dërgesa postare vetëm për shërbimet e ndërsjella mes Prishtinës dhe Beogradit dhe anasjelltas,” thuhet në dokumentin zyrtar të publikuar nga Express.

Letra e qëllimit thekson vendosjen e një korridori të veçantë ajror për fluturime në dy kryeqytetet.

Dokumenti që nga pala e Kosovës është nënshkruar në ceremoninë në Berlin nga zyrtari i Autoritetit të Aviacionit Civil të Kosovës dhe përvec firmës së Grupit Lufthansa mban edhe firmat e Aeroportit të Prishtinës dhe Komandantit të KFOR-it.

Në të theksohet se lëvizja në relacionin Prishtinë -Beograd do të realizohet në përputhje me marrëveshjen e arritur në Bruksel të njohur si IBM që siguron lëvizje vetëm me letërnjoftime.

Pala serbe deklaroi pas publikimit të lajmit se ajo nuk do të funksionalizohet pa u hequr taksa ndërsa kryeministri Ramush Haradinaj e quajti arritjen e marrëveshjes një hap shumë të madh përpara./abcnews.al

smog.jpg
in a12:38 | 20/01/2020

Beogradi nuk merr frymë dhe zbret në shesh. Shkak janë emetimet e gazrave, nga autmjetet e vjetra, centralet elektrike dhe industrive që prodhojnë jashtë çdo norme ambientale. Në fund të vitit të kaluar kryeqyteti i Serbisë ishte qyteti i katërt më i ndotur në botë sipas renditjes së Air Vizual.

Por smogu përkeqëson cilësinë e ajrit në pjesën më të madhe të Ballkanit. Autoritetet në Serbi, Bosnjë e Hercgovinë dhe Kroaci, mes të tjerave, minimizojnë situatën. Sipas tyre bëhet fjalë për një ndotje sezonale, që pasi të kalojë dimri do i lërë vendin kushteve më të mira. Smogu ka të bëjë me kombinimin e dy faktorëve, një vjeshtë e ngrohtë dhe trafiku i rënduar në mënyrë të veçantë në metropolet e Ballkanit.

Të dhëna të tjera nga Uorld Air Kualiti Indeks, që përfshin aktivitete të kësaj natyre në 70 vende, tregojnë një situatë shumë kritike. Me apo pa maska në fytyrë shumë qytetarë në Beograd protestuan duke i kërkuar qeverisë të marrë masa të menjëhershme./abcnews.al

marshimi-beograd-1280x706.jpg
nev ila22:59 | 08/01/2020

Ligji për liritë fetare në Mal të Zi është futur në fuqi. Serbët kanë frikë se këto ndryshime dëbojnë kishën.

Krerët e saj kanë bërë thirrje për lutje në mbështetje të serbëve në Mal të Zi, por edhe në Kosovë. Ata u mblodhën në qendër të kryeqytetit serb, për të bërë një marshim drejt tempullit të shenjtë, ku shprehën kundërshtimin ndaj politikës së Podgoricës.

Në ecjen për kishat morrë pjesë edhe disa zyrtarë shtetërorë, por nuk reaguan. Në emër të shtetit më herët ka folur shefi i diplomacisë, Ivica Dacic, i cili tha se serbët e malazezët janë vëllezër, por vëllezërit nuk sillen kështu. Serbia e konsideron gabim politikën e Malit të Zi.

“Zbatimi i këtij ligji dhe marrja e kishave dhe manastireve që qytetarët i kanë ndërtuar kush e di se kur, hap mundësi që të përkeqësohen marrëdhëniet pasi ligji e mundëson këtë. Është e nevojshme të ketë dialog, por duhet të ketë dëshirë dhe shpresoj se ajo ekziston edhe në Podgoricë“, tha ministri i jashtem serb Ivica Dacic.

Besimtarët dhe protestuesit arritën tek tempulli kryesor ortodoks. Kësaj radhe nuk pati incidente. Lutja iu dedikua serbëve jashtë, që sic u tha, po luftojnë për të drejtat e tyre. Kisha kishte bërë thirrje për lutje në gjithë territorin duke ftuar që me qetësi dhe kryq të mbrohen në heshtje.

“Shpresojmë që në Mal të Zi do të ndodh një mrekulli dhe të mbrohemi sic mbrohemi në Republike Serbe (Bosnje), sic mbrohemi këtu në Beograd dhe Serbi dhe sic duam të mbrohemi më shumë edhe në Kosovë dhe në të gjitha vendet ku jeton populli serb“, tha Peshkopi Stefan Sharic nga Kisha Ortodokse Serbe .

Ky ligj krijoj tension në mes të dyja vendeve e deri tek notat diplomatike dhe analumi i vizitës së presidentit serb.

Mali i Zi ka kërkuar nga bashkësitë fetare që të dëshmojnë pronën para vitit 1918, ndërsa disa atje kanë krijuar një kishë të tyre n që ende është e panjohur dhe e vogël.

Ky ka qenë incidenti më i madh në mes të dyjave vendeve që pas shpalljes së pavarësisë së Malit të Zi./abcnews.al

mal-i-zi.jpg
ger ta10:40 | 03/01/2020

Mbrëmjen e djeshme është sulmuar ambasada e Malit të Zi në Beograd.  Sipas mediave vendase mbështetësit e Kishës Ortodokse Serbe dhe tifozët e “Yllit të Kuq” u përpoqën të shkatërronin flamurin malazez para ambasadës me mjete piroteknike, duke hedhur kapsolla dhe fishekzjarre mbi të.

Në momentin e sulmit, pranë ambasadës ishin të paktë edhe policët serbë, të cilët duhet të ruanin rendin dhe të siguronin godinën.

“Një tjetër mizori, një sulm ndodhi në Ambasadën e Malit të Zi, natën e kaluar në Beograd,”, tha Kryeministri i Malit të Zi, Dusko Markoviç.

Ligji i miratuar kohët e fundit në Kuvendin për Komunitetet Fetare shkaktoi një valë protestash në të gjithë Malin e Zi, të organizuar nga serbët vendas dhe Kisha Ortodokse Serbe. Këta të fundit e përshkruajnë ligjin si të dëmshëm për interesat e tyre.

Në seancën e fundit të Kuvendit, të vitit 2019 pati edhe debate në tensione për këtë çështje. Ndërsa deputeti serb i Frontit Demokratik, Andrija Mandiç bëri thirrje për luftë./abcnews.al

861e4f1d1025970238e7245eacf7ee11_L.jpg
R D08:55 | 11/12/2019

Biznesmeni i njohur nga Mali i Zi, Miodrag Daka Davidoviç, 62-vjeç është qëlluar mbrëmjen e djeshme përpara Hotel “Croën Plaza” në Beograd. Sipas mediave serbe, ai mbeti i plagosur në krah dhe u transportua në një institucion shëndetësor privat me automjete private.

Autori dyshohet se është serb dhe ka qëlluar me snajper.

Sipas mediave malazeze, Miodrag Daka Davidovic është biznesmen i famshëm në fushën e karburanteve . Po kështu ka investuar në prodhimin e pijeve alkoolike, si dhe në ndërtim./abcnews.al

 

IDRO-PENDAROVSKI-1280x720.jpg
ent ela17:12 | 22/11/2019

Presidenti maqedonas Stevo Pendarovski, i cili po zhvillon një vizitë dy-ditore në Serbi, tha se pas bisedimeve me presidentin francez, pret në shkurt planin e ri te BE-se per integrim. Pendarovski dhe Vuçiç promovuan Mini-Schengenin, por thanë se e ardhmja e Ballkanit Perëndimor është në BE.

Presidenti i Maqedonisë Veriore, Stevo Pendarovski, është pritur me nderime shtetërorë në Serbi. Tapeti i kuq dhe homologu serb, Aleksandër Vuçiç, e kanë pritur si mik nga Shkupi. Vuçiç tha se nuk ka më probleme të hapura me shtetin fqinj dhe as dallime, përveç çështjes së Kosovës, por besimi është shumë më i madh. Vite më parë, Shkup-Beograd, kishte ardhur deri tek tensionet. Por, vizita u zhvillua duke folur për frymën rajonale dhe integrimin në BE. Pendarovski tha se pas bisedimeve me presidentin francez, pret në shkurt planin e ri të BE-së për integrim. Bashkëpunimi rajonal nuk zëvendëson Evropën. Pendarovski dhe Vuçiç promovuan mini-schengenin.

Stevo Panderovski, President i Maqedonisë Veriore: “Nuk ka dileme se Macron nuk është duke na ofruar Jugosllavinë e katërt. Edhe Parisi, Macron dhe Brukseli mbështesin nismat rajonale siç është mini-Schengeni, apo sic është CEFTA, e cila fatkeqësisht është totalisht e pasivizuar dhe duhet të bëjmë gjithcka për ta ringjallur dhe këto janë nisma pomplemetare dhe jo kompetitive me Bashkimin Evropian. Disa çështje do të kenë ndikim në rajon për shkak të formulës së re integruese, ndërsa disa do të jenë për vendet që tashmë negociojnë sic janë Serbia dhe Mali i Zi. Kurse sipas mendimit tonë zgjidhja për Kosovën duhet të sjellë stabilitet rajonal dhe nuk duhet të prek sovranitetin e shteteve tjera në rajon”.

Presidenti serb, Aleksandër Vuçiç, tha se shpesh nuk është në dobi të politikanëve të merren vendime për bashkëpunim në rajon, por ai theksoi se ndjehet krenar për bashkëpunimin në mini-Schengen.

Aleksandër Vuçiç, President i Serbisë:Bashkëpunimi rajonal është një zgjidhje e mencur për mbijetesën tonë dhe këtë kemi shprehur edhe me nismën e Novi Sadit dhe të Ohrit dhe shpresoj që në Durrës do ta vazhdojmë me kryeministrin Rama. Në kushtet kur nuk e dimë se ku po shkon Evropa dhe të gjithë jemi në rrugën evropiane, jo duke i bërë alternativë, por të kuptojmë që kemi obligim të bëjmë ato që duhet dhe që jemi të detyruar. jam i sigurt se kjo do të sjellë mirëqenie dhe përmirësim mes popujsh dhe shteteve tona.

Gjatë vizitës të dy presidentët u dakorduan se e ardhmja e Ballkanit Perëndimor është Bashkimi Evropian, por kjo nuk mund të arrihet pa bashkëpunim të shëndosh rajonal.Andaj duhet gjetur formën për përfshirjen e të gjitha shteteve. /abcnews.al

PENDAROVSKI-BEOGRAD-ABCM5T2.mpg_snapshot_00.03-1280x720.jpg
ent ela18:51 | 21/11/2019

Presidenti maqedonas Stevo Pendarovski fillon të premten një vizitë dy-ditore në Beograd, gjatë së cilës do të ketë një takim kokë më kokë në Pallatin Serbia me presidentin Vuçiç dhe më pas do të ketë takim plenar midis dy delegacioneve.

Presidenti i Republikës së Maqedonisë së veriut, Stevo Pendarovski do të vizitojë Beogradin të premten dhe të shtunën, ku do të pritet me nderimet më të larta shtetërore dhe ushtarake nga presidenti serb Aleksandar Vuçiç.

Pendarovski do të ketë një takim kokë më kokë të premten në Pallatin Serbia në Beograd me presidentin Vuçiç dhe më pas do të ketë takim plenar midis dy delegacioneve.  Presidenti Pendarovski do të takohet edhe me me kryeministren serbe, Ana Bërnabiq dhe kryetaren e Kuvendit të Serbisë, Maja Gojkoviq.

Pjesë e vizitës janë edhe takimet me kryetarin e Odës ekonomike të Serbisë, Marko Çadezh dhe afaristë serbë. Pendarovski do të marrë pjesë të shtunën në Forumin rajonal rinor në Novi Sad dhe do të flasë në panelin presidencial “Fjalimi i të rinjve para përfaqësuesve të pushtetit: prezantimi i dialogut politik para mijëvjeçarëve”, së bashku me presidentin serb, Vuçiç dhe presidentin slloven, Borut Pahor. /abcnews.al

ope-1280x720.jpg
in a16:54 | 20/11/2019

Deklarata për Ardhmërinë Evropiane të Serbisë e cila do të prezantohet të shtunën në Beograd, bëhet duke pasur parasysh që iniciatorët e saj besojnë se duhet bërë gjithçka për ta çuar Serbinë drejt drejt ndërtimit të një shoqërie me institucione të forta demokratike.

Gjithashtu në deklaratë theksohet qartë fakti se do të ishte katastrofike për Serbinë nëse e ardhmja evropiane dhe anëtarësimi i plotë i vendit në Bashkimin Evropian, relativizohet në ndonjë mënyrë, raporton agjensia Beta.

Sipas kësaj deklarate, iniciatorët dhe nënshkruesit e saj “do ta konsiderojnë çdo relativizim të rëndësisë së integrimit evropian si një kërcënim për interesat kombëtare”.

“Ndalimi, ngadalësimi ose zgjatja e integrimit evropian, për arsye të brendshme ose ndërkombëtare, do të ishte një triumf për armiqtë e demokracisë në Serbi, kundërshtarët e reformave, mbrojtësit e problemeve të pazgjidhura në rajon …”, thuhet në deklaratë.

Deputetët Gordana Comic, Natasa Vuckovic, Vesna Marjanovic, Nenad Konstantinovic dhe Marko Djurisic, zyrtari i Partisë së Re, Aris Movsesijan dhe zëvëndëspresidenti i Lëvizjes për Qytetarët e Lirë, pritet të flasin të shtunën në prezantimin e deklaratës.
Nënshkruesit theksojnë se është koha për të zgjidhur të gjitha çështjet e pazgjidhura në rajon dhe se “çdo vonesë e mëtejshme, veçanërisht duke ruajtur gjendjen e” konfliktit të ngrirë “, kontribuon në vonimin e përballjes së Serbisë me realitetin. “Serbia mund të bëhet një vend i rregullt, modern dhe i zhvilluar vetëm nëse bëhet anëtar i plotë i Bashkimit Evropian, me rend demokratik të brendshëm, institucione përgjegjëse dhe transparente dhe marrëdhënie ekonomike dhe sociale të bazuara në parimet evropiane, të drejtat e njeriut dhe arritjet”, theksojnë autorët e Deklaratës. Ndërkohë, anëtari i Kryesisë së Partisë së Lirisë dhe Drejtësisë (MSA) Branko Miljus, nuk pranoi të komentojë në lidhje me njoftimin e disa përfaqësuesve të DS, SDS, Partisë së Re dhe organizatave joqeveritare të cilat thanë se do të prezantojnë së shpejti Deklaratën për Ardhmërinë Evropiane të Serbisë, por shprehu besimin se partia demokraktike, “si një nga themeluesit e Aleancës për Serbinë, beson fuqimisht se do të bojkotojë zgjedhjet e rreme të Vuçiç,” të cilat ai i quan numërim i tyre brenda partiak./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono