belinda balluku

uznova.jpg
G. P.14:43 | 08/06/2019

Rreth 500 banorë të zonës së Uznovës në Berat do të kenë furnizim më të mirë të energjisë elektrike, pas ndërtimit në nënstacionit të ri elektrik.

Për të parë nga afër këtë investim të OSHEE, ishte edhe ministrja e Infrastrukturës dhe Energjisë, Belinda Balluku.

Ajo tha se ky investim jo vetëm përmirëson cilësinë e jetesës së banorëve por ndihmon dhe nxit paketën turistike të 100 fshatrave./ABC News Albania 24/7

berat.jpg
G. P.17:24 | 02/06/2019

Ministrja e Infrastrukturës dhe Energjisë, Belinda Balluku ka zhvilluar një vizitë pune në qarkun e Beratit. Në fokus të vizitës ishte inspektimi i institucioneve publike të cilat ofrojnë shërbime për qytetarët.

Fundjavën zgjodhi ta kalojë në Berat. Ministrja e Infrastrukturës dhe Energjisë, Belinda Balluku, inspektoi institucionet publike që ofrojnë shërbime për qytetarët. Spitalin rajonal, Shërbimin Kombëtar të Punësimit, zyrën  e shërbimeve të transportit rrugor, por dhe një biznes fason.

“Dëshira e mirë e njerëzve që punojnë në spitalin e Beratit ka bërë që shumë gjëra të ndryshojnë. Me investimet e qeverisë, me investimet e mbështetura nga donatorë të ndryshëm, situata ka ndryshuar totalisht. Pediatria ishte diçka për t’u bërë shembull dhe për spitalet e tjera. Urgjenca gjithashtu me aksesin e garantuar për ambulancat dhe me zonat e ndara për trajtimin e pacientëve sipas rasteve, pra të zonës jeshile dhe të zonës së kuqe”, tha ajo.

Ministria bëri të ditur gjithashtu se një tjetër investim i rëndësishëm i qeverisë në spitalin e Beratit , ai për transformimin e maternitetit, pritet të nisë së shpejti./ABC News Albania 24/7

erion-veliaj-balluku.jpg
nev ila20:15 | 30/05/2019

Ministria e Infrastrukturës dhe Energjisë dhe Bashkia e Tiranës kanë prezantuar projektin e rishikuar të sheshit “Shqiponja” në Tiranë. Sipas ministres Balluku ky është një projekt që i shkon qytetit. Ndërkohë kryebashkiaku Veliaj u shpreh i vendosur se puna për zgjerimin e unazës së madhe do të nisë shumë shpejt

Unaza e madhe në Tiranë do të zgjerohet në kohë rekord. Kryetari i Bashkisë Erion Veliaj e beri të ditur ndërsa bashkë me Ministren e Infrastrukturës dhe Energjisë, Belinda Balluku prezantuan projektin e rishikuar të sheshit “Shqiponja”.

Unaza do bëhet, do bëhet me cilësi, do bëhet brenda kostos, do bëhet në kohë rekord, dhe besoj që për Tiranën dhe Shqipërinë që e sheh Tiranën si një kryeqendër ku mbaron edhe punët e veta, është një lajm i jashtëzakonshëm. Nuk kemi kohë të lejojmë që një minorancë e zhurmshme partiake të pengojë shumicën e qytetit që do të lëvizë apo edhe shumicën e banorëve aty që, në fund fare, duan zgjidhje

Sheshi “Shqiponja” do të kthehet në  nënkalim me korsi të dedikuara për autobusët, biçikletat, i jep rëndësi gjelbërimit dhe pritet të zgjidhë problemin e trafikut që krijohet në hyrje të qytetit.

Tiranës nuk i shkon që të ketë një barrikadë në hyrje të saj. Ne jemi një kryeqytet që kemi hapur dyert dhe kërkojmë të ftojmë të gjithë ata që jetojnë jashtë Tiranës apo jashtë vendit, dhe barrikadat e betonit kanë vite që nuk na shkojnë.

E parë në anën teknike, për sa kohë sigurohet rrjedhshmëri e pandërprerë e trafikut dhe zgjidhet problemi i ngërçit që kemi pasur deri më sot, orët e gjata të pritjes nëpër semaforët apo shkëmbimi me mirëkuptim rreth “Shqiponjës”, gjithçka duket në vendin e duhur. Nga ana vizuale, kjo është Tirana, duket si një pjesë e sheshit “Skënderbej”, që është spostuar në hyrje të saj” 

Propozimi i ri sipas Kryetarit të Bashkisë sjell mos ndarjen e qytetit me një mur artificial, i cili do të krijohej nga lidhja e unazës me rreth rrotullimin.

Zona do të kthehet në nyjen nevralgjike të 10 viteve të ardhshme dhe Tirana u shpreh Veliaj do të ketë një nga hyrjet më të bukura./ABC News Albania 24/7

 

tuneli-panoramik.jpg
G. P.15:47 | 28/04/2019

Tuneli panoramik në rrugën Tiranë-Elbasan është i kalueshëm për të gjithë. Ministrja   e Infrastrukturës dhe Energjisë, Belinda Balluku, nënvizoi se tashmë gjithçka po përmbyllet me sukses drejt përfundimit të plotë të punimeve që është fundi i muajit Maj.

Ka përfunduar edhe vepra e fundit e artit në aksin rrugor Tiranë-Elbasan.

Në prononcimin e saj, Balluku bëri të ditur se investimi në fjalë u bë i mundur në saj të një fondi prej 458 milionë lekësh të akorduara nga buxheti i shtetit, ndërsa punimet për ndërtimin e tij u realizuan para afatit të parashikuar.

“Kjo është një vepër shumë e rëndësishme e aksit Tiranë-Elbasan, i cili siç dihet tashmë nga të gjithë ishte një aks problematik për shkak të mungesës së studimit gjeologjik në fazat fillestare, por gjithçka po përmbyllet me sukses dhe jemi në pritje që të përmbyllim këtë projekt ashtu siç kemi premtuar në fund të Majit”, u shpreh ministrja Balluku.

Nga ana e saj, drejtoresha e ARRSH-së, Sonila Qato, tha se tuneli i ndërtuar është një vepër arti e cila është e plotësuar me të gjithë komponentët e saj.

“Tani më i gjithë aksi është në përdorim të mjeteve dhe të përdoruesve të rrugës”, deklaroi Qato.

Ndërtimi i këtij tuneli, bën të mundur eliminimin e rrezikut të rrëshqitjes së dherave në këtë pjesë të aksit. Puna për ndërtimin e tij nisi për shkak të rrëshqitjes së një masivi dheu një vit më parë./abcnews.al

porti_i_durresit_naten_copy_1_13760.jpg
nev ila13:24 | 20/04/2019

Në prag të nisjes së sezonit turistik, Autoriteti Shtetëror i Sigurisë Portuale në Drejtorinë e Përgjithshme Detare, zhvilloi një testim sa i takon nivelit të sigurisë në ambientet e terminalit të pasagjerëve në Portin Durrës. Demonstrimi i testimit u ndoq edhe nga ministrja e Infrastrukturës dhe Energjisë, Belinda Balluku.

Një çantë e braktisur vuri në alarm punonjësit e sigurisë në terminalin e pasagjerëve të trageteve në Durrës.

Pas njoftimit të shpërndarë u bë evakuimi i terminalit dhe bllokimi i portave.

Specialistët bënë investigimin e çantës me pajisjen eksploziv dhe qen eksploziv zbulues, për të kaluar më pas në skaner për t’u siguruar për përmbajtjen e saj.

Personi i cili pretendon se ka lënë çantën në terminal kontrollohet fizikisht si dhe verifikohet identiteti dhe bileta e udhëtimit. Pas vlerësimit të situatës vendoset kthimi i sigurisë portuale nga niveli 2 në nivelin 1.

E gjithë kjo ishte një demonstrim që kishte për qëllim testimin e Planit të Sigurisë së Portit.

Për ministren e infrastrukturës dhe energjisë Belinda Balluku siguria në pikat kufitare është një nga arsyet pse qeveria po ndërmerr masa për të qenë sa më pranë kujdesit për qytetarët dhe për mbrojtjen e sigurisë kombëtare.

“Jemi pak ditë para fillimit të sezonit dhe siguria e këtij porti, si Porti ndërkombëtar i Republikës së Shqipërisë, është shumë e rëndësishme. Porti i Durrësit është një port i certifikuar i cili ka kaluar pa gjetje fazën e auditimit dhe është vendosur që të auditohet vetëm një herë në dy vite. Padyshim siguria në pikat kyçe, nevralgjike, të kufirit shqiptar, siç është porti dhe aeroportet apo pikat e tjera kufitare, janë një nga arsyet kryesore pse qeveria po ndërmerr masa për të qenë gjithmonë dhe më afër përsa i përket kujdesit që ne kemi për qytetarët por dhe për mbrojtjen e sigurisë kombëtare”, tha Balluku.

Drejtuesit portual thanë se ushtrime të tilla testuese zhvillohen vazhdimisht dhe se të gjitha agjencitë ligj-zbatuese kanë detyra specifike sipas planit të sigurisë së portit.

 “Ne përzgjedhim një nga ushtrimet, e monitorojmë dhe drejtojmë në bashkëpunim me drejtuesin e portin përkatës. Ky është i planifikuar në planin vjetor që ne kemi bërë dhe normalisht ky është një skenar i mirë përgatitur. Në një farë mënyre të gjithë agjencitë ligj-zbatuese kanë detyra specifike sipas planit të sigurisë së portit”

Porti i Durrësit është një nga pikat me fluksin më të lartë të udhëtarëve veçanërisht gjatë sezonit veror. Për vitin 2018, ky port ka përpunuar rreth 1012 tragete që kanë transportuar rreth 440.92 pasagjerë./abcnews.al

BALLUKU-INVESTIMI-NE-AUTOSTRADE.mpg_snapshot_00.01-1280x720.jpg
ent ela16:20 | 08/04/2019

Autostrada Laç-Mamurras tashmë do të ketë linjen e re të tensionit të mesëm në të dyja kahet e saj, investim i cili kap vlerën prej 468 milionë lekësh. Gjatë inspektimit të punimeve, ministrja Belinda Balluku deklaroi se ky investim do të ulë humbjet në rrjet dhe do të sjellë zhvillim ekonomik përgjatë gjithë zonës.

Ministria e Infrastrukturës dhe Energjisë në bashkëpunim me OSHE bëjnë të mundur ndërtimin e linjës së re të tensionit të mesëm në autostradën Laç-Mamurras. Investimi në të dyja kahet e autostradës kap vlerën prej 468 milionë lekësh dhe ka një gjatësi 33 km rrjet kabllor në tension të mesëm, si dhe është shtrirë rreth 25 km rrjet i tensionit të ulët.

Ministrja e Infrastrukturës dhe Energjisë, Belinda Balluku gjatë inspektimit të punimeve theksoi se synimi është edhe rritja e kapaciteteve me më tepër se 1500 abonentë.

Belinda Balluku, ministre e Infrastrukturës dhe Energjisë: “Ky është një investim prej 468 milionë lekësh dhe çfarë është më e rëndësishmja përveç faktit që ndihmon bizneset e zonës për të zhvilluar më tej investimet e tyre ka ulur humbjet të cilat janë objektivi kryesor për përmirësim që ne në OSHEE kemi, dhe kjo është diçka për t’u shënuar. Padyshim rritja e kapaciteteve edhe më tepër se 1500 abonentë është synimi ynë edhe në këtë projekt”.

Ministrja Balluku e cilësoi investimin mjaft të rëndësishëm edhe për zhvillimin ekonomik të zonës.

Belinda Balluku, ministre e Infrastrukturës dhe Energjisë: “Ky është një projekt shumë i rëndësishëm, kryesisht në mbështetje te bizneseve të zonës, sepse siç thamë këtu janë të vendosura bizneset më të mëdha të zonës, por sigurisht ndikon dhe tek abonentët tek familjarët për rritjen e kapaciteteve dhe përmirësimin e shërbimit”.

Investimi në të dyja kahet e autostradës Laç-Mamurras, ka bërë të mundur reduktimin e humbjeve në rrjet dhe ka ulur problematikat dhe defektet në kabinat elektrike. /abcnews.al

 

belinda-ballukuu.jpg
G. P.16:20 | 04/04/2019

Ministrja e Infrastrukturës dhe Energjisë, Belinda Balluku, ka inspektuar nga afër Bypass-in e Fierit dhe bën të ditur se një segment i kësaj rruge do të hapet para nisjes së sezonit turistik. Për përfundimin më kohë të punimeve janë angazhuar 240 punonjës, të cilët vijojnë punimet përgjatë 24 orëve.

Një lajm i mirë për të gjithë në prag të verës. Sezoni turistik drejt jugut këtë vit do të jetë lehtë i kalueshëm pa trafik të rënduar. Lajmin e bën të ditur ministrja e Infrastrukturës dhe Energjisë, Belinda Balluku, e cila ka inspektuar nga afër Bypass-in e Fierit.

“Është e rëndësishme, që ne t’i qëndrojmë premtimit që kemi bërë. Deri në 30 Qershor kjo rrugë të jetë e hapur për mjetet e tonazhit të lehtë, pra që janë autobusët dhe automjetet e vogla. Nuk do jetë e hapur për kamionët dhe në 30 qershor premtimi do të mbahet”, tha Balluku.

Drejtoresha e Autoritetit Rrugor Shqiptar, Sonila Qato, bëri të ditur se punimet janë duke vijuar sipas grafikut të miratuar nga ARRSH dhe se çdo ditë ky institucion monitoron ecurinë e tyre.

“Aktualisht kompania po punon nën grafikun e miratuar nga ARRSH dhe jemi duke monitoruar çdo ditë punimet e kryera nga kontraktori”, tha ajo.

240 punonjës, janë angazhuar nga kompania për përfundimin në kohë të punimeve ndërsa ato vijojnë edhe gjatë natës. Aktualisht po punohet për ndërtimin e tri urave, asaj të Hoxharës, Semanit dhe Pojanit, në dy prej të cilave pritet që brenda muajit Prill të vendosen strukturat metalike./abcnews.al

impianti.jpg
G. P.13:59 | 03/04/2019

Brenda këtij sezoni veror, ujërat e zeza në zonën  e Gjirit të Lalzit nuk do të derdhen më në det. Në këtë zonë është ndërtuar në impiant i ri i përpunimit të tyre dhe punimet pritet të përfundojnë brenda 2 muajsh.

10 milionë euro janë investuar për të ndërtuar këtë impiant të ri të trajtimit të ujërave të zeza në Gjirin e Lalzit. Ministrja e Infrastrukturës dhe Energjisë, Belinda Balluku, u njoh me ecurinë e punimeve dhe afatin e dorëzimit përfundimtar të investimit.

“Për dy muaj do të përfundojë komplet rrjeti i kanalizimeve dhe impianti do të merret në dorëzim dhe që nga ai moment ato mund të lidhin të gjitha resortet dhe bizneseve që janë bregut të detit. Ne kemi lënë pusetat gati me gjithë hyrjen dhe bizneset vetëm do bëjnë lidhjen me këto puseta. Gjë që do bëhet brenda këtij sezoni veror dhe nuk do kemi më asnjë derdhje në det dhe asnjë gropë septike në këtë zonë”, tha Spartak Kovaçi, drejtor i UK në Bashkinë e Durrësit.

Ky impiant në fazën e parë do të mbulojë nevojat e 15 mijë banorëve. Ndërkohë që parashikohet që deri në vitin 2030 projekti të zhvillohet  për të përmbushur të gjitha nevojat që ka vija bregdetare për trajtimin e ujërave të ndotura.

“Kalimi i integruar i ujit është një nga 6 prioritetet e qeverisë dhe këtu në këtë impiant kemi pasqyruar më së miri strategjinë tonë të zhvillimit. Është shumë e rëndësishme që ne të njoftojmë që gjatë Majit impianti do të jetë gati për të nisur operimet e plota kështu që të gjitha subjektet që ndodhen në zonë të fillojnë të marrin masat të bëjnë lidhjen me këtë kolektor”, tha ministrja Balluku.

Kolektori i ujërave të zeza në Gjirin e Lalzit përfshin dhe ndërtimin e rrjetit kryesor të kanalizimeve nga zona e Shën Pjetrit deri në hidrovor me rreth 6.2 kilometra rrjet kanalizimi kryesor, 4 stacione pompimi që bëjnë të mundur mbledhjen e gjithë pjesës së bregdetit dhe kanalizimet që lidhen me impiantin. Pas trajtimit uji do të dalë i pastër dhe përmes një kanali  do të shkarkohet në det./abcnews.al

shoqata.jpg
G. P.13:17 | 24/03/2019

Ministrja e Infrastrukturës dhe Energjisë, Belinda Balluku, ka premtuar zgjidhje të problematikave të transportit. Gjatë një takimi që pati me përfaqësues të transportit publik ndërqytetas dhe ndërkombëtar, Balluku tha se po hartohet një paketë e re që ka për synim rregullimin e operimit të këtij sektori.

Sipas ministres, të gjitha problematikat e ngritura do të marrin zgjidhje, ndërsa paketa e re që do të hartohet ka për qëllim ofrimin e një shërbimi sa më të mirë për qytetarët.

Nga ana e tyre, përfaqësuesit e transportit publik shprehën shqetësime sa i takon numrit të madh të licencave që operojnë në vend dhe konkurrencës së pandershme që u bëhet . Ministrja Balluku tha se për rastet e shkeljeve do të aplikohen penalitete./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono