belinda balluku

lagja-18-durres-1280x548.jpg
nev ila20:23 | 27/11/2019

Nga lagja 18 në Durrës, aty nga ku vijon operacioni i kërkim-shpëtimit prej 35 orësh, të familjes Lala, gazetari i ABC News Juxhin Mustafaraj raportoi për abcnews.al se ende nuk ka informacione për gjetjen e ndonjë pjesëtari të kësaj familjeje. Përpos këtij lajmi tronditës, gazetarët janë gjendur në vështirësi, pas situatës që ka krijuar, ministrja Belinda Balluku.

Gazetari i ABC News Juxhin Mustafaraj, raportoi se nuk është bërë e mundur, lidhja me studion e ABC News, për një kohë të gjatë, pasi ministrja Belinda Balluku, ka urdhëruar Drejtorin e Policisë së Shtetit Ardi Veliu, që të largojë të gjithë kamerat, pasi sipas ministres, gazetarët ndodhen aty për të bërë spektakël.

Në emër të profesionalizmit, të të gjithë kolegëve gazetarë, ku mes lotësh e vështirësish, kanë përcjellë këtë ngjarje të rëndë , ku të gjithë shqiptarët anë e kënd botës janë të tronditur për humbjet e jetëve, do të donim që situata të tilla, emotive ose jo, të evitoheshin në këtë situatë të tillë tragjike, që ka goditur Shqipërinë.

“Si unë dhe kolegët e mi, kemi qenë pak metra larg, të njërit prej djemve të familjes Lala, dhe në asnjë moment, nuk kemi tentuar, jo vetëm të marrim një prononcim, por dhe nuk kemi dashur të trazojmë gjendjen psikologjike të rënduar, në të cilën ai ndodhej. Gjithë media, por edhe kolegët tanë, të ardhur nga vendet e tjera të europës, dhe të botës, janë duke raportuar për pasojat që ky fenomen natyror ka shkaktuar në Shqipëri dhe që ka përcjellë pasoja të tilla. Tashmë pranë familjes Lala ka mbërritur presidenti Meta i cili është duke komunikuar me ta”, raportoi nga lagjja 18 në Durrës gazetari Juxhin Mustafaraj.

Në emër të respektit për viktimat, në emër të respektit për ngjarjen, dhe për faktin që sot është një ditë Zie Kombëtare, duam të shmangim çdo koment ndaj deklaratës së ministres.

Jemi të fokusuar te puna jonë, të raportojmë mbi ngjarjen tronditëse, ashtu sikurse kemi raportuar që në orën 5 të mëngjesit, të parët. Ndoshta po të parët, kemi informuar zyrtarët e shtetit, për atë që ishte duke ndodhur, përmes ekraneve, mikrofonave, dhe kamerave tona, të të gjithë televizioneve, jo vetëm të Televizionit tonë.

Në emër të kësaj pune, kërkojmë respekt për atë që ka ndodhur, për viktimat, për familjet e tyre, dhe le të vazhdojmë të bëjmë punën tonë sikurse e kemi bërë deri tani./abcnews.al

et-3.jpg
in a09:18 | 26/11/2019

Ministrja e Infrastrukturës ,Belinda Balluku pas situatës tensionuese të krijuar në vend i bën thirrje banorëve  të jenë të kujdesshëm dhe të mos bëhen shkak i bllokimit të qarkullimit.

Balluku tha se banesa e familjes Lala, e cila përbëhet prej 9 anëtarësh është shembur dhe dyshohet se ka pasur disa persona brenda, por ende nuk dihet numri i saktë.

“Është shembur banesa e familjes Lala. Familja është 9 anëtarëshe. Ne supozojmë se janë 9 anëtarë se kjo familje përbëhet nga 9 anëtarë, por nuk e dimë saktësisht sa persona janë nën rrënoja. 9 anëtarë ka familja, nuk e dimë sa persona janë brenda, shpresojmë të mos ketë shumë. Është shumë e nevojshme t’i bëjmë thirrje qytetarëve të Durrësit të hapin rrugën”, tha Balluku./abcnews.al

belinda-balluku-2.jpg
ad min16:03 | 25/09/2019

Ministrja e Infrastrukturës dhe Energjisë, Belinda Balluku gjatë një inspektimi në zonën e Manzës në Durrës premtoi se të gjitha banesat e dëmtuara nga tërmeti do të rindërtohen nga qeveria.

Kjo është banesa e familjes Sula në zonën e Manzës, e cila është dëmtuar nga tërmeti i së shtunës dhe tashmë është e pabanueshme. Ministrja e Energjisë dhe Infrastrukturës pa nga afër dëmet e shkaktuara së bashku me kryebashkiaken e Durrësit.

“Kjo është një situatë e vështirë për t’u përballuar, shirat e bënë akoma më të vështirë. Por mos ju afroni kësaj ndërtese. Unë e di që kjo është shtëpia juaj, e di që zemra ju dhemb dhe doni të futeni brenda, por duhet t’i qëndroni larg. Kur aktet e konstatimit të inxhinierëve tregojnë, që janë të pabanueshme duhet t’i respektojmë, sepse nuk e dimë se çfarë tragjedie na vjen nga pas”, tha Balluku.

Ministrja Balluku tha se të gjitha instancat shtetërore ndodhen në terren dhe po shkojnë në çdo shtëpi, për t’u ofruar ndihmën e duhur. Ministrja e Infrastrukturës dhe Energjisë, Belinda Balluku siguroi familjarët, se janë marrë të gjitha masat, që sapo të përfundojë procesi i vlerësimit të dëmeve të nisë puna për rindërtimin e shtëpive të tyre./ABC News Albania 24/7

belinda-ballukuuu-1.jpg
ad min14:07 | 23/09/2019

73 inxhinierë janë shpërndarë në terren për të bërë vlerësimin e sigurisë së objekteve të dëmtuara nga tërmeti. Ministrja e Infrastrukturës dhe Energjisë Belinda Balluku gjatë një takimi që zhvilloi me ta u kërkoi edhe që të luajnë rolin e psikologut për të qetësuar qytetarët.

Ka ardhur koha për t’iu kthyer normalitetit është mesazhi i ministres së Infrastrukturës dhe energjisë Belinda Balluku.

“Të gjitha akset rrugore janë të aksesueshme, përfshirë edhe ato zona që u prekën nga tërmeti i 21 Shtatorit. Të gjitha sistemet energjetike janë funksionale. Ujësjellësit janë të gjithë funksionalë. Portet dhe aeroportet e Shqipërisë kryejnë funksionet me normalitet të plotë”. 

Në mbledhjen që zhvilloi me ekspertë të institutit të ndërtimit dhe inxhinierëve, ministrja Balluku kërkoi ngritjen e grupit të vlerësuesve të objekteve që kanë pësuar dëme e që në total janë 500.

“Akti i verifikimit u jep sigurinë njerëzve për të hyrë në banesa, pastaj do të kalojmë në aktin e vlerësimit, pasi shteti do marrë përsipër gjithçka.

Përveç ndihmës është e rëndësishme edhe fjala e ngrohtë, tha ministrja. Për rastin e objektit në zonën e Astirit qe pati alarm nga banorët, ministrja Balluku tha se aktualisht rezulton se është një situatë e sigurtë, ka vetëm çarje e krisje të suvasë e jo në konstruksion. E njëjta gjë në zonën e Kombinatit ku dëmtimet janë të lehta./ABC News Albania 24/7

belinda-ballukuuu.jpg
ad min15:55 | 22/09/2019

Ministrja e Infrastrukturës ka kërkuar gjatë mbledhjes së Shtabit të Emergjencave në Vorë që të verifikohen të gjitha dëmet e shkaktuara në rreth 120 banesa. Balluku urdhëroi OSHE-në që të bëjë të mundur furnizimin 24 orë me energji elektrike.

Ministrja e Infrastrukturës dhe Energjitikës Belinda Balluku mori pjesë në mbledhjen e shtabit të emergjencave civile në Vorë, ku kërkoi që brenda 48 orësh të bëhet bilanci i dëmeve që kanë shkaktuar tërmetet. Balluku u kërkoi të pranishmëve që të nisin  menjëherë punën për rikuperimin e banesave të dëmtuara.

“Ne kemi 12 banesa deri në 14 dhe kemi pasur edhe një shtesë të fundit 15 që konsiderohen të pabanueshme. Ndërkohë që kemi 100 banesa të tjera me dëmtime. Vora është zona më e goditur se flasim për 120 shtëpi të dëmtuara. Nesër në darkë do ishte mirë që çdo akt konstatim të ishte në tryezën tonë për të vazhduar më pas se si do rikuperojmë më pas të gjitha dëmet”, tha Balluku.

Balluku kërkoi nga Operatori i Shpërndarjes së Energjisë që të rikuperohen të gjitha dëmet dhe të sigurohet energji pa ndërprerje për të gjithë qytetaret.

“Synimi kryesor është që të ofrojmë ujë dhe energji, t’i garantojmë në mënyrë të pandërprerë për të gjithë banorët”, tha Balluku.

Në fund të mbledhjes, ministrja kërkoi që të punohet me intensitet dhe të mbahen nën vëzhgim edhe 3 urat kryesore në Vorë për të shmangur çdo lloj rreziku./ABC News Albania 24/7

belinda-balluku-1-1280x720.jpg
ad min13:31 | 14/09/2019

Projekti pilot për instalimin e matësve inteligjentë ka nisur të zbatohet edhe në zonën Kashar-Vorë. Sipas ministres Belinda Balluku këta matës bëjnë të mundur përmirësimin e procesit të faturim-arkëtimit si dhe rrit transparencën ndaj klientit për konsumit ditor dhe mujor të energjisë elektrike.

I quajnë matësa inteligjentë të energjisë elektrike dhe kanë për qëllim që t’i japin fund abuzimeve që vijnë faturuesit e abonentëve. Se si ndodh kjo e shpjegon ministrja e infrastrukturës dhe energjisë Belinda Balluku.

“Ky është një sistem i cili nuk lë asnjë rrugë për abuzime, qoftë nga abonenti por qoftë edhe nga punonjësit e OSHEE-së. Tashmë faturat printohen direkt sipas të dhënave që ky sistem nxjerr. Për më tepër sistemi i matësve inteligjentë ofron gjithashtu kontrollin e automatizuar për të gjitha problemet gjatë shkëputjes së energjisë elektrike apo rilidhjes së saj nga qendra”.

Matësit inteligjentë bëjnë të mundur gjithashtu matjen e energjisë elektrike në çdo moment duke i dhënë mundësi kështu Operatorit të Shpërndarjes për një menaxhim më të mirë gjatë periudhave të ngarkesave në rrjet.

“Projekti i Durrësit dhe projekti i Kashar-Vorës, janë dy projektet e para pilot për të vijuar më tej dhe në bashkëpunim me Bankën Botërore për ta aplikuar në të gjithë territorin e Republikës së Shqipërisë matësit inteligjentë të cilët kanë të gjitha këto veti të dobishme si për abonentin ashtu dhe për sistemin e shpërndarjes”.

Aktualisht janë në fund të procesit të instalimit 3527 matësa inteligjent, ku mes tyre përfshihen 1000 subjekte private dhe rreth 20 shtetërore në zonën Kashar-Vorë. Ky model matësi i energjisë bën të mundur edhe matjen me 2 kahe, çka krijon hapësirat e nevojshme për përdoruesit që dëshirojnë të instalojnë impiante fotovoltaikë për vetëkonsum./ABC News Albania 24/7

belinda-balluku1.jpg
ad min16:10 | 13/09/2019

Aksioni antiinformalitet ka vijuar me bllokimin e dy pikave të karburantit në Tiranë. Ministrja e Infrastrukturës Belinda Balluku tha se aksionet do të jenë intensive, deri në formalizimin e plotë të këtij sektori.

Gjatë dy ditëve të fundit në Tiranë, 130 pika karburanti kanë kaluar në sitën e kontrollit të Inspektoratit Shtetëror Teknik dhe Industrial. Gjatë kontrolleve, dy prej pikave të tregtimit janë bllokuar pasi u konstatuan me shkelje. Ministrja e Infrastrukturës dhe Energjisë, Belinda Balluku, tha se ky aksion do t’i japë fund informalitetit në sektorin e karburanteve.

Belinda Balluku, ministre e Energjisë dhe Infrastrukturës: Është  e rëndësishme që të gjitha subjektet të kuptojnë që ka zero tolerancë përsa i përket informalitetit qoftë ky fiskal, qoftë ai cilësor. Është shumë e rëndësishme që ne të kemi një bashkëpunim të mirë ashtu siç kemi dhe sot këtu mes Inspektoratit Teknik dhe Drejtorisë së Përgjithshme të Doganës. Janë konstatuar shkelje përsa i përket cilësisë, kemi marrë masa. Fakti që sot përballemi me një numër më të vogël shkeljesh, në 130 subjekte të kontrolluara gjatë natës së mbrëmshme kanë rezultuar vetëm dy me problem.

Balluku siguroi se aksione të tilla nuk do të jenë sporadike, ndërsa paralajmëroi se nuk do të falet asnjë subjekt që konstatohet në shkelje.

Belinda Balluku, ministre e Energjisë dhe Infrastrukturës: Unë u bëj thirrje të gjithëve. Ne do jemi në terren. Të mos përballemi me situata të tilla. Nuk është synimi ynë të kapim sa më shumë subjekte. Synimi ynë është të kontrollojmë këdo dhe të kemi rezultate të mira dhe të pranueshme sipas kritereve, por në rast se këto kritere nuk përmbushen do ketë pasoja kështu siç ka pasur ky subjekt sot i cili është bllokuar dhe nuk do të mundet të funksionojë.

Që prej nisjes së aksionit antiinformalitet janë bllokuar nga Inspektorati Shtetëror Teknik dhe Industrial afro 10 mijë tonë karburant, si dhe janë penalizuar me gjoba 24 subjekte tregtare për shkelje të cilësisë dhe sigurisë së tregtimit./ABC News Albania 24/7

interkonjeksion.jpg
ad min17:05 | 07/09/2019

Ballkani mund të rrisë ekonominë e tij përmes investimeve të përbashkëta në linjat e transmetimit të energjisë elektrike dhe gazit. Këto ishin qëndrimet e ministres Belinda Balluku në Forumin e Europës Juglindore për Energjinë mbajtur në Selanik.

Shqipëria ka prezantuar vizionin e saj për projekte rajonale në fushën e energjisë elektrike dhe gazit, në Forumin e Energjisë për Europën Juglindore, që u mbajt në Selanik.  Ministrja e Infrastrukturës dhe Energjisë, Belinda Balluku, mbajti fjalë në njërin prej paneleve të eventit.

“Në Forumin e Energjisë për Europën Juglindore u diskutua për bashkëpunimin rajonal për krijimin e linjave të interkonjeksonit qofshin këto të energjisë elektrike apo linjave të interkonjeksionit të gazit, të cilat sot kanë rezultuar që janë komponentët më të fortë në të cilat duhet të ngrihet rritja ekonomike e vendeve të Ballkanit”, u shpreh në përfundim të forumit ministrja Balluku.

Por pjesëmarrja e Shqipërisë dhe Maqedonisë së Veriut në këtë forum është vlerësuar edhe në një drejtim tjetër, atë të procesit të integrimit europian.

“Pjesëmarrja e Shqipërisë dhe Maqedonisë të Veriut si dy shtete që presin në muajt në vazhdim për të pasur aksesin në negociata ishte shumë interesante pasi strategjitë e vendeve tona ballkanike janë të ngjashme dhe shkojnë të gjitha në përputhje dhe në përmbushje të të gjitha kërkesave dhe rregulloreve europiane përsa i përket energjisë në rajonin tonë por në të gjithë Evropën”, tha ministrja Balluku.

Forumi i Energjisë për Europën Juglindore zhvillohet një herë në vit dhe ku palët vendosin piketat për të ardhmen./ABC News Albania 24/7

belinda-balluku.jpg
ad min18:19 | 03/09/2019

Teknologjia do ndihmojë në verifikimin e automjeteve të tonazhit të rëndë që lëvizin në rrugët e vendit. Ministrja e Infrastrukturës Belinda Balluku ka prezantuar projektin që u vjen në ndihmë inspektorëve të Task Forcës rrugore për të matur në kohë reale peshën e automjeteve.

Qeveria do të vijojë me aksionin e saj kundër informalitetit. Këtë herë në ndihmë të qeverisë do të jetë teknologjia, ku grupet e inspektorëve të Task Forcës Rrugore njësoj si efektivët e Policisë së Shtetit do të jenë të pajisur me kamera trupi.

Me mbështetje të Komisionit Europian, Ministria e Infrastrukturës ka marrë edhe një pajisje që do të peshojë në kohë reale në rrugë mjetet e tonazhit të rëndë. Ministrja Balluku u shpreh e bindur se me pajisjet e reja teknologjike do të dokumentohet çdo shkelje dhe do të minimizohet çdo mundësi abuzimi nga inspektorët./ABC News Albania 24/7

balluku-1280x696.jpg
nev ila15:29 | 12/08/2019

Kontrollet e institucioneve shtetërore do të përqendrohen jo vetëm për të luftuar evazionin fiskal, por dhe tek cilësia  e produktit që tregtohet.

Ministrja e Infrastrukturës dhe Energjisë Belinda Balluku paralajmëroi mbyllje të aktivitetit të subjekteve që kapen me shkelje, qofshin pika të mëdha apo pika fundore.

Për tregtuesit, prodhuesit dhe eksportuesit e hidrokarbureve ky është apeli i fundit.

Pikat e karburanteve do të jenë nën lupën e institucioneve shtetërore jo vetëm për lëshimin e kuponëve tatimor, por dhe për cilësinë e produktit që ato ofrojnë.

Ministrja e Infrastrukturës dhe Energjisë Belinda Balluku doli në këtë konferencë për shtyp për të thënë se qeveria i ka të qarta llojet e aksioneve informale që sektori i hidrokarbureve kryen në treg.

Paralelisht ministria po heton nëse bëhet fjalë për raste sporadike apo mes subjekteve të mëdha dhe pikave fundore bashkëpunohet në kurriz të konsumatorit.

Mbi shkelësit e ligjit paralajmëroi Balluku do të veprojnë masat më të ashpra.

Ministrja e Infrastrukturës dhe Energjisë Belinda Balluku vuri në dukje mungesën e kapaciteteve monitoruese në sektorin e hidrokarbureve ndërsa paralajmëroi reformim të Inspektoritatit Shtetëror Teknik Industrial.

Këtij institucioni pritet ti shtohen 130 inspektorë ndërkohë që brenda tetorit në Porto-Romano do të ngrihet laboratori i ri i ISHTI-t në Porto Romano./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono