Belgjikë

1706186-1280x854.jpg
R D08:50 | 07/02/2020

Gjatë një operacioni të sinkronizuar në Belgjikë, Spanjë, Holandë, Gjermani dhe Francë, të enjten u arrestuan 25 të dyshuar, që i përkisnin një rrjeti shqiptar të krimiit të organizuar.

Në operacion ishin të angazhuar 600 punonjës policie. Kjo godtije ndërkufitare është rezultat i një hetimi kompleks, njofton Policia e landit Saksoni-Anhalt.

Hetimet janë zhvilluar që nga viti 2017 nga policia lokale belge në Anvers në bashkëpunim me Policinë Federale belge, Gardën Civile spanjolle dhe policinë holandeze. Në këtë proces kanë qenë të përfshira edhe Zyra Federale e Kriminalistikës në Gjermani me grupin hetimor për hetimin e narkotikëve pranë Zyrës Së Kriminalistikës së landit Saksoni Anhalt dhe Zyra e Doganave të Hanoverit e forcat e policisë së landit si dhe Policia Federale e Francës.

Të dyshuarit mendohet, se janë pjesë e një rrjeti të gjerë të tregtisë së drogës mes Amerikës së Jugut dhe Europës përmes anijeve të kontenierëve. Drogat janë kontrabanduar të fshehura nëpër kontenierë dhe janë shpërndarë në mbarë Europën me automjete të pajisura me rafte të fshehura në mënyrë të rafinuar.

I njëjti grup dyshohet se ka menaxhuar edhe plantacione kanabisi në Spanjë dhe në Gjermani, ku e kultivonn dhe e përhapnin kanabisin, përpara se ta shpërndanin atë për shitjet e mëtejshme në vende të tjera eurpoiane, thuhet ndër të tjera në komunikimin për mediat të landit të Policisë së Saksoni Anhaltit.

Gjatë arrestimeve janë kontrolluar 30 objekte, gjashtë plantacione kanabisi, 60.000 Euro, mjete të shumta komunikimi si dhe armë e municione. Operacioni është mbështetur nga Europoli./DW

europoli.jpg
nev ila17:29 | 06/02/2020

Ditën e sotme Europol ka njoftuar se ka arrestuar 25 persona, të dyshuar si të lidhur me një rrjet të krimit të organizuar, që përbëhej nga shqiptarë.

Megaoperacioni u zhvillua njëkohësisht në Belgjikë, Spanjë, Hollandë, Gjermani dhe Francë në të cilin u  përfshinë mbi 600 oficerë të policisë.

Kjo goditje ndërkufitare pason një hetim kompleks, të nisur në vitin 2017, nga Policia Vendore Belgjike Antwerp në bashkëpunim me Policinë Federale Belge (Policia Federale), Garda Civile Spanjolle (Garda Civile), Policia Hollandeze (Policia), etj. Policia Gjyqësore Franceze dhe Zyra Federale e Policisë Kriminale Gjermane (Bundeskriminalamt), Sachsen-Anhalt Policia e Shtetit (Landespolizei Sachsen-Anhalt) dhe Grupi i Përbashkët i Hetimit të Drogave të Zyrës Shtetërore të Policisë Kriminale të Saksonisë-Anhalt dhe Zyrës Doganore ose Hanover.

Hetimi i drejtuar nga Policia Lokale e Antwerp zbuloi se droga kontrabandohej e fshehur në kontejnerë në Belgjikë, përpara se të shpërndahej më tej në të gjithë Evropën, duke përdorur automjete të pajisura me ndarje të sofistikuara, në të cilat fshihej droga.

I njëjti grup kriminal besohet gjithashtu se menaxhonte plantacionet e kanabisit në Spanjë dhe Gjermani, ku ata kultivonin dhe përpunonin marijuanën përpara se ta transferonin në vendet e tjera të Evropës, për shitje dhe shpërndarje të mëtejshme.

Si rezultat i ketij megaoperacioni ndërkombëtar çoi në arrestimin e:

9 të arrestuar në Belgjikë, 6 në Spanjë, 3 në Hollandë, 6 në Gjermani dhe një tjetër në Francë, duke e çuar numrin e përgjithshëm të arrestimeve në 25 persona.

U kryen kontrolle të imtësishme në 30 shtëpi, ku u sekuestruan 6 plantacione të kultivimit të marihuanës, u konfiskuan 60,000 €, telefona celular, armë dhe municione luftarake.

Koka e këtij grupi është arrestuar në Belgjikë nga Policia Lokale e Antwerpit.

Ky Klan funksiononte si  një grup i strukturuar i krimit të organizuar, me degë që funksiononin ndërkombëtarisht, pra në disa vende europiane.

Disa nga anëtarët e saj që janë arrestuar sot, kanë histori të shkuara, ku janë përfshirë në trafikun e drogës në vende të ndryshme.

EUROPOL  mbështeti këtë hetim duke siguruar një ekspertizë të sofistikuar gjithashtu dhe shkëmbim informacioni mes vendeve të përfshira në aksion.

Një numër takimesh operacionale u organizuan nga Europol në të gjithë Evropën, me qëllim plotësimin e boshllëqeve hetimore në nivelin ndërkombëtar, dhe koordinimin e veprimeve të njëkohshme që synojnë çmontimin e gjithë strukturës së këtij grupi kriminal./abcnews.al

 

Vojvoda-1.jpg
Igli Nikolli12:12 | 27/01/2020

Mërgim Vojvoda shënoi golin e parë sezonal në kampionatin belg. Mbrojtësi i djathtë i hapi rrugë përmbysjes dhe fitores së Standard Liege në sfidën kundër Oostendes së Sidrit Gurit.

24-vjeçari dardan ndërmori një aksion të bukur dhe shënoi një gol fantastik me të jashtmen në triumfin 2-1 të së premtes. Performanca e Vojvodës ishte shumë pozitive dhe ai u zgjodh lojtari më i mirë i ndeshjes.

Mbrojtësi i djathtë është një titullar fiks i ekipit belg dhe këtë sezon është aktivizuar në 24 ndeshje. Vojvoda ishte edhe një nga lojtarët më të mirë të Kosovës në fazën eliminatore të Euro 2020, aty ku realizoi edhe një gol në fitoren 2-1 kundër Çekisë. /abcnews.al

Vata1.jpg
Veronik Istrefaj19:51 | 18/01/2020

Karriera e Rudi Vatës ka marrë një kthesë të papritur. Ish-kapiteni i kombëtares shqiptare të futbollit u largua nga Glasgou drejt Belgjikës, aty ku do të merrte rolin e këshilltarit në klubin e Mouscron. Megjithatë, drejtuesit e klubit belg kanë vendosur t’i besojnë stolin shqiptarit. Vata ka folur për mediet belge, duke thënë fjalët e para si trajner i Mouscron.

“Nuk erdha këtu për të drejtuar. Nuk kam fjetur gjumë aspak këtë javë, thjesht kam menduar çfarë të bëj me futbollistët. Nuk ishte e lehtë. Të gjithë këtu janë profesionistë, e kanë ata në dorë që të bëjnë punën në fushën e lojës. Në Gent, do të jemi seriozë dhe të organizuar.

Kemi punuar mirë gjatë kësaj jave. Duhet të bëhemi të fortë në këto kohë. Grupi i futbollistëve më ka befasuar për mirë. Jam mësuar që të përballem me situata të vështira. Për mua, problemet më marrin vetëm 5% të kohës, 95% ia dedikoj gjetjes së zgjidhjeve”, u shpreh Vata./abcnews.al

20151214150319648646.jpg
in a11:57 | 09/01/2020

Një bandë shqiptare në Belgjikë është dënuar me pesë vite burg dhe i është kërkuar që të riktheheshin gjysmë milionë euro nga paratë e drogës.

Gjobëvënie, trafik kokaine e armësh. Këto janë veprimtaritë me të cilat merreshin një bandë shqiptarësh e përbërë prej tetë personash. Shqiptarët janë kapur dhe pasi janë vënë në pranga, janë gjykuar nga një gjykatë në Belgjikë.

Hetimet nisën në vitin 2013 pas dyshimeve se banda vendoste gjoba ndaj kafeneve, hoteleve dhe diskove të zonës. Policia arriti të vendoste një përgjues në Mercedes-in e Alban C, që dyshohet se drejtonte bandën. Ndërkohë tre agjentë policorë kroatë të maskuar u infiltruan në ambientet e bandës. Përgjimet e shumta zbuluan se banda nuk merrej vetëm me gjobëvënie, por edhe me shitjen e kokainës dhe armëve të rënda si kallashnikovë. Në vitin 2015, njësia speciale arrestoi disa të dyshuar. Gjatë kontrollit u gjetën 683 gram kokainë dhe tre kallashnikovë në garazhin e Alban C. Sipas prokurorëve, rrjeti përbëhej nga Alban C. (40 vjeç), Agron L.(41 vjeç), Kevin B. (40 vjeç), Dhimitër G. (43 vjeç) dhe Ajet P. (39 vjeç). Ata kërkuan pesë vite burg dhe që të riktheheshin gjysmë milionë euro nga paratë e drogës. Në fund, gjykatësi dënoi Alban C dhe Agron L. me 42 muaj (3.5 vite) burg dhe një konfiskim prej 75 mijë eurosh.

de-bryune-1280x815.jpg
Veronik Istrefaj22:40 | 19/11/2019

Janë mbyllur sfidat e sotme kualifikuese të vlefshme për Euro 2020. Shumë takime ishin pa objektiv, pasi shumica e skuadrave i kishin mësuar fatet e tyre. Megjithatë, Uellsi ishte skuadra që kërkonte me doemos fitoren përballë Hungarisë për t’u kualifikuar dhe britanikët ia dolën. Ishte një dopietë e Aaron Ramsey që i dha fitoren 2-0 Uellsit, duke i kualifikuar për ne Europian.

Gjermania ka shkatërruar Irlandën e Veriut me rezultat 6-1. Ylli i Bayern Munchen, Serge Gnabry, shënoi një tripletë në këtë takim, duke u shpallur dhe lojtari më i mirë i ndeshjes. Me të njëjtin rezultat, ka triumfuar edhe Belgjika. “Djajtë” belg duken një nga favoritët për t’i shkuar deri në fund Euro2020.

Letonia ishte skuadra surprizë, pasi mposhti 1-0 Austrinë, ndërsa Holanda bëri detyrën dhe fitoi thellë 5-0 kundër Estonisë. Maqedonia e Veriut ka mposhtur 1-0 Izraelin, ndërsa Polonia ia doli vetëm në fund të fitojë 3-2 përballë Sllovenisë. Më poshtë, keni dhe rezultatet e plota të sfidave të sotme./abcnews.al

Rezultatet e plota:

Belgjikë – Qipro  6-1
Gjermani – Irlandë e V.  6-1
Letoni – Austri  1-0
Holandë – Estoni  5-0
Maqedoni e V. – Izrael  1-0
Poloni – Slloveni  3-2
San Marino – Rusi  0-5
Skoci – Kazakistan  3-1
Sllovaki – Azerbajxhan  2-0
Uells – Hungari  2-0

Belgjika.png
Veronik Istrefaj19:58 | 16/11/2019

Janë mbyllur gjashtë sfidat e para të planifikuara për sot, të vlefshme për kualifikueset e Euro 2020. Qipro-Skoci u mbyll me rezultatin 1-2, një sfidë ku të dyja skuadrat ishin pa objektiv dhe të eliminuara.

Belgjika ka shkatërruar Rusinë me rezultatin 1-4, në tokën ruse. Thorgan Hazard shënoi golin e parë, ndërsa Eden Hazard shënoi një dopietë. Goli i katërt mbajti firmën e Lukakut. As ky rezultat nuk ndikoi shumë, pasi si Rusia, ashtu dhe Belgjika, ishin të kualifikuara.

Uellsi ka marrë një fitore shprese 0-2 përballë Azerbajxhanit, duke u ngjitur në vend të tretë me 11 pikë. Kroacia e vendit të parë ka 14 pikë, ndërsa Hungaria në vend të dytë 12.

Triumf me shpresë kualifikimi ka marrë dhe Sllovenia. Falë një autogoli, sllovenët arritën të mposhtnin 1-0 Letoninë, duke u ngjitur në kuotën e 14 pikëve. Polonia në vend të parë ka 19 pikë, ndërsa Austria në të dytin 16./abcnews.al

Belgjike.jpg
Veronik Istrefaj23:59 | 10/10/2019

Janë luajtur sot shumë sfida të vlefshme për kualifikueset e Euro2020. Ekipet e mëdha kanë arritur të fitojnë dhe nuk ka pasur asnjë hap fals. Qipro triumfoi 1-2 kundër Kazakistanit, ndërsa Bjellorusi-Estoni u nda në barazim pa gola.

Austria fitoi pastër 3-1 përballë Izraelit, ndërsa Belgjika ka tupëruar ekipin e San Marinos, duke i shënuar nëntë gola. Kroacia nuk është impenjuar shumë në takimin kundër Hungarisë, që e fitoi bindshëm 3-0, ndërsa Rusia e pati të thjeshtë ndaj Skocisë, në atë fitore 4-0. Rezultatet e plota të sfidave të mbrëmjes./abcnews.al

Euro2020, kualifikuese

Kazakistan 1 – 2 Qipro
Bjellorusi 0 – 0 Estoni   
Austri 3 – 1 Izrael
Belgjikë 9 – 0 San Marino
Kroaci 3 – 0 Hungari
Letoni 0 – 3 Poloni
Holandë 3 – 1 Irlandë e Veriut
Maqedoni e Veriut 2 – 1 Slloveni
Rusi 4 – 0 Skoci
Sllovaki 1 – 1 Uells

Hazard-Courtois.jpg
Veronik Istrefaj21:42 | 09/10/2019

Trajneri i Belgjikës, Roberto Martinez, ka folur për dy belgët e Real Madrid, Eden Hazard dhe Thibaut Courtois. Të dy lojtarët kanë marrë shumë kritika këtë sezon, njëri për mbipeshë, tjetri për gabimet e shumta mes shtyllave.

Martinez i ka mbrojtur të dy lojtarët e tij, duke thënë: “Hazard është ndër më të mirët në botë. Mbipeshë apo nënpeshë, ai bën diferencën. Ai do të ketë minuta në këmbët e tij në dy ndeshjet e ardhshme, synojmë të kualifikohemi sa më shpejt. Edhe kur të kthehet te Real Madrid, jam i bindur se do të bëjë shumë mirë.

Courtois është i sëmurë, ka një problem në bark. Ka disa simptoma që i shkaktojnë dhimbje, por gjithçka do të kalojë. Edhe ai do të ketë minuta, është një nga portierët më të mirë në botë. Jemi me fat që e kemi në skuadër dhe kështu duhet të ndihen edhe te Real Madrid”, përfundoi strategu i Belgjikës./abcnews.al

emigrante-1.jpg
nev ila15:58 | 27/09/2019

Një operacion ndërkombëtar i policisë belge ka shkatërruar një rrjet trafikantësh shqiptarë të cilët dërgonin në Britaninë e Madhe klandestinë përmes Belgjikës.

Policia në Belgjikë, Britani dhe Gjermani ka arrestuar 15 persona si pjesë e një operacioni ndërkombëtar kundër një rrjeti shqiptar të trafikut të klandestineve.

Policia federale belge ditën e sotme bëri me dije se gjatë një kontrolli në një hotel në qytetin portual të Gentit u gjetën 37 shqiptarë që mendohet se po prisnin të kalonin në Britani.


Udhëheqësi i dyshuar i këtij rrjeti, një shqiptar 29-vjeçar u arrestua nën akuzën e trafikimit të qenieve njerëzore në rajonin e Gentit.

Gjithashtu në kuadër të këtij operacioni janë arrestuar në Britani të Madhe Admir Canaj, 38 vjeç dhe Astrit Ramoshi, 37 vjeç, të cilët akuzohen se drejtonin rrjetin e trafikantëve në Mbretërinë e Bashkuar.

Nuk bëhet me dije ende identiteti i të arrestuarve në Belgjikë dhe Gjermani.

Emigrantët, kryesisht shqiptarë, do të paguanin deri në 15,000 euro për grupin pasi të mbërrinin në destinacionin e kërkuar. Trafikantët përdornin hotelin në Ghent si ndalesë për emigrantët të cilët më pas do të fshiheshin në kamionë e do të transportoheshin në Britani.

Pjesa më e madhe e trafikut evropian të transportit rrugor për në Britani, kalon nëpër Belgjikë, dhe emigrantët pa dokumente shpesh përpiqen të fshihen në kamionët të cilët ndodhen të parkuar buzë rrugës.

Kamionistët nganjëherë nuk e kuptojnë se në kamionët e tyre gjenden të fshehur emigrantë por ka edhe shumë raste që trafikantët bashkëpunojnë me shoferët që lëvizin në drejtim të Britanisë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono