be

BLOMBERG-HAPEN-NEGOCIATAT-ABCM4T1.mpg_snapshot_00.35-1280x720.jpg
ent ela14:38 | 30/09/2019

Bashkimi Evropian mund të autorizojë fillimin e negociatave zyrtare të pranimit me Shqipërinë dhe Maqedoninë e Veriut më 15 tetor i bindur se perspektiva e anëtarësimit në Union do të ndihmonte në përafrimin e mëtejshëm të rajonit të trazuar të Ballkanit drejt Perëndimit. Kështu shkruan agjencia ekonomike e lajmeve Bloomberg.

Bashkimi Evropian ka të ngjarë të autorizojë fillimin e negociatave zyrtare të pranimit me Shqipërinë dhe Maqedoninë e Veriut muajin e ardhshëm. Lajmi është bërë publik nga e përditshmja amerikane “Bloomberg”.

“Në dritën e përparimit të arritur në reformat”, mbledhjet e ministrave të Bashkimit Evropian në Luksemburg në 15 tetor do të vendosin “të hapin negociatat e pranimit” me qeveritë në Tiranë dhe Shkup, sipas një draf-komunikate të tyre që ka qarkulluar të Premten dhe është parë nga Bloomberg.”

Ndërsa formulimi mund të ndryshojë ende, një draft i mëparshëm, i parë gjithashtu nga Bloomberg, nuk përfshin rekomandimin për të filluar bisedimet-shkruan Agjencia e lajmeve Bloomberg, sipas të cilës një shtytje e ngjashme për të hapur negociatat e anëtarësimit dështoi në qershor, pasi vende si Franca, Holanda, Gjermania dhe Danimarka refuzuan. BE është e lodhur nga dështimi i disa kombeve të Europës Lindore që iu bashkuan bllokut në vitin 2004 për shtetin e së drejtës dhe luftën kundër korrupsionit. Prandaj sot ata janë të kujdesshëm të pranojnë anëtarët e rinj në klubin më të madh tregtar në botë, ku njerëzit, mallrat dhe shërbimet mund të lëvizin lirshëm”-shkruan Bloomberg. /ABC News Albania 24/7

HUNGARI-ORBAN-MBULIM.mpg_snapshot_00.08-1280x720.jpg
ent ela09:10 | 30/09/2019

Hungaria nuk do të largohet nga Bashkimi Evropian, tha kryeministri hungarez, Viktor Orban.

Ai  shtoi se anëtarët lindorë dhe perëndimorë të Unionit, duhet të gjejnë një kompromis, lidhur me, siç tha ai, të ardhmen e bllokut.

“Ne jemi anëtar të BE dhe kjo do të vazhdojë ”, tha Orban, gjatë një tubimi të partisë së tij.

Këto  komente të Orbanit, janë kundërpërgjigje ndaj kritikave që disa shtete të BE-së i kanë bërë Hungarisë, lidhur me sundimin e ligjit.

“Ky është shteti ynë, shtëpia jonë dhe askush, përveç hungarezëve, do të mund të vendosë për një gjë të tillë”, tha kryeministri hungarez, Viktor Orban. /ABC News Albania 24/7

KRONIKE-NDIHMAT-E-HUAJA_ABC-M4-T2.mpg_snapshot_00.15-1280x720.jpg
ent ela16:30 | 29/09/2019

Disa vende të  Bashkimit Evropian kanë dërguar ndihma në Shqipëri për të përballuar situatën e tërmetit të 21 shtatorit. Avioni i parë me ndihma ka ardhur nga Greqia, ndërsa pritet ndihma edhe nga disa vende të tjera.

Një javë pas tërmetit të fuqishëm që preku Shqipërinë, në vendin tonë ka mbërritur ndihmat e para për familjet e prekura.

Ky avjon ushtarak ka ardhur nga Greqia dhe ka sjellë materiale nga shteti fqinj.

Peter Glerum Drejtues i ekipit të BE për Emergjencat: “Ne jemi këtu si skuadër e mbrojtjes civile për të ndihmuar Shqipërinë. Ne kemi marrë deri më tani ndihmat e dhëna nga 3 shtete dhe presim edhe nga shtetet e tjera”, u shpreh përfaqësuesi i BE-së.

Drejtori i Përgjishshëm i Rezervave të Shtetit, Paulin Luli falenderoi në emër të Ministrisë së Mbrojtjes përfaqësuesit e lartë të Mbrojtjes civile për solidaritetin.

Paulin Luli Drejtori i Rezervave të Shtetit: “Shpresojmë që ne këtë ndihmë të dhënë të mos e kthejmë vetëm në raste të tilla, por të jemi krah njëri-tjetrit për të ndihmuar në kohë të vështira”,  u shpreh Drejtori i Rezervave të Shtetit.

Ndihmat kanë mbërritur nga  disa shtete evropiane si Kroacia, Hungaria, ndërsa priten edhe nga shtete të tjera.

Produktet janë vendosur pranë depove të rezervave të shtetit në Lundër dhe do tu shpërndahen familjeve të prekura. /ABC news Albania 24/7

Lazlo-Troksani-1280x842.jpg
nev ila13:40 | 28/09/2019

Lazlo Troksani, kandidat për postin e komisionerit të zgjerimit në Bashkimin europian reagoi për mediat pas bllokimit që iu bë kandidaturës së tij. Ai u shpreh se vendimi është politik dhe nuk ka asnjë provë për konflikt interesi.

Kandidati për postin e komisionerit për zgjerim dhe politikën e fqinjësisë në Bashkimin europian, László Trócsáni, pas bllokimit që iu bë kandidaturës së tij, u shpreh për mediat se vendimi i marrë është politik.

Ai theksoi se nuk ka konflikt interesi me funksionin e tij të mëparshëm në kabinetin e avokatëve “Nagy & Trocsanyi” të themeluar në 1991.

Në deklaratën për mediat ai shprehet se e ka ndërprerë aktivitetin e tij si avokat në këtë kabinet që në vitin 2007 dhe nuk ka marrë asnjë formë shpërblimi apo pagese prej tij.

Sipas Trocsani, ai ka tërhequr aksionet e tij në kabinetin “Nagy & Trocsanyi” me një vlerë nominale që prej 2018, që do të thotë që pezullimi i vlerës që ai ka pasur në këtë kabinet  nuk ka pësuar shtesë as si vlerë aksionesh, as si interes.

Komisionerja e caktuar për politikën e transportit, Rovana Plumb, në ekipit e ri të Ursula Von der Leyen, ishte një tjetër kandidaturë e bllokuar nga Parlamenti Europian para “testimit” në këtë institucion.

Komisioni për çështjet ligjore të Parlamentit Europian vendosi se si në deklaratat e parashtruara nga hungarezi László Trócsáni ka konflikt interesi, së bashku me atë rumunes Rovana Plumb, të caktuar për politikën e transportit.

Si rrjedhim, dy të emëruarit nga qeveritë e tyre respektive nuk mund të vazhdojnë seancat e dëgjesës së javës së ardhshme në Parlamentin Europian për komisionin e Ursula Von der Leyen.

Sipas Parlamentit Europian, letrat e dy komisionerëve të caktuar paraqesin shqetësim për mungesën e qartësisë, por pa preçizuar nëse këto shqetësime mund të tejkalohen.

Presidenti i Parlamentit David Sassoli pritej të konsultohet me komisionin për çështjet ligjore nëse ky shqetësim është i kapërcyeshëm para se t’i shkruajë presidentes Von der Leyen.

Von der Leyen  ka dy opsione. Ajo pritet ose t’ju kërkojë eurodeputetëve të rishqyrtojnë të nominuarit, ose të tërheqë kandidatët dhe t’u kërkonte qeverive të tyre të paraqisnin kandidatë të rinj.

Zyrtarë europianë kanë sqaruar pêr ABC News, se kryeministri Viktor Orban nuk ështê i gatshëm të ndryshojë kandidaturën e László Trócsányit.

Këto janë dy pengesat e para për ekipin e ri të Komisionit Europian të Ursula Von der Leyen, që merr detyrën në 1 nëntor./ABC News Albania 24/7

 

rama-kosova-1280x660.jpg
ent ela19:55 | 27/09/2019

Kryeministri Edi Rama gjatë fjalës së tij në OKB ka lobuar për njohjen e Kosovës nga vendet aënetarë të Asamablesë së Përgjithshme dhe kryesisht nga Serbia.

“Ka ardhur koha që të gjitha vendet e kësaj asambleje dhe së pari miqtë tanë serbë të njohin Kosovën, t’i japin hakun historisë dhe të njohin realitetin si e vetmja mënyrë për të ndërtuar një të ardhme më të mirë.

E dashur Serbi, Kosova është realitet i pakthyeshëm. Është po kështu e rëndësishme që Kosovës t’i jepet mundësia që të bëhet pjesë e organizatave rajonale ku çdo vend sovran ka të drejtë të bëhet pjesë”.

Rama i bëri thirrje Bashkimit Evropian për liberalizmin e vizave me Kosovën.

“Do të doja të theksoja një fakt që është e pajustifikuar që Kosova, vendi me 2 mln banorë mbetet vendi i vetëm ku populli i të cilit është i izoluar nga gjithë rrjeti regjimi i liberalizmit të vizave. Si mundet që BE ende të mbajë peng një vend prej 2 milionë njerëz që kanë luftuar fort për lirinë e tyre dhe mebten të palëkundur ndaj perspektivës në BE. E dashur BE ndaloje këtë gjë të pakuptimtë” .

Ai u shpreh shpresplotë për ndërtimin e një të ardhmeje më të mirë në Ballkanin Perëndimor, duke lënë pas hijet e së shkuarës.

“Është shpresa ime që Ballkani Perëndimor do shkëputet nga e kaluara dhe do ndërtojë ekonomitë e tregjet dhe një të ardhme shumë më të mirë, duke punuar për të ardhmet e femijë pa folur për hijet e së shkuarës”. /abcnews.al

stevo-pendarovski.jpg
ad min15:55 | 26/09/2019

Vetëm tri javë para marrjes së vendimit të shumëpritur për fillim të negociatave me Bashkimin Europian, në Maqedoninë e veriut u mbajt sesioni i tretë plenar i Konventës Kombëtare për Bashkimin Evropian. Presidenti Stevo Pendarovski theksoi se kjo periudhë është jashtëzakonisht e rëndësishme, ndërsa ‘Zhvatja” është test i rëndësishëm.

Afera “Zhvatja” është test i rëndësishëm për sistemin e shtetit të së drejtës dhe duhet të zgjidhet tërësisht deri në fund, jo për Evropën, por, para së gjithash për vetë ne, theksoi presidenti Stevo Pendarovski në sesionin e tretë plenar të Konventës Kombëtare për Bashkimin Evropian në RMV, që u mbajt në Kuvend.

 “Kjo aferë është test krucial për sistemin e shtetit të së drejtës dhe për këtë arsye duhet të zgjidhet tërësisht deri në fund. Jo për Evropën, por për vetë ne, nuk duhet të lejojmë ndikime eventuale anësore, pa marrë parasysh prej nga vijnë.”

Në qoftë se vendimi për vendin është pozitiv, mos festoni por merrni masa konkrete, sepse Maqedonia ka qëndruar shumë gjatë në sallën e pritjes, theksoi ish-anëtari i Parlamentit Evropian dhe ish-ministër  i Punëve të Jashtme të Sllovakisë, Eduard Kukan.

“Mos festoni kur të merrni lajme të mira, kjo është këshilla ime për ju, jini dinjitozë dhe krenarë dhe prezantohuni me projekte konkrete si do të vazhdoni me zbatimin e reformave. Është shumë e rëndësishme që vërejmë përparim të madh në fushën e reformave në RMV, vendi ka qëndruar në sallën e pritjes shumë gjatë.”

Për situatën jo të volitshme politike  në vend, e cila vazhdimisht kontribuon që të rinjtë të shpërngulen në mënyrë masive, por edhe për mospërfshirjen e të gjithë aktorëve në prioritetet shoqërore dhe shtetërore në proceset vendimmarrëse, foli kryetari i Këshillit Kombëtar për eurointegrime Nikola Popovski. Sipas tij, nevojitet një bashkëveprim i të gjithë faktorëve.

“Atë sistemin që ne e kultivojmë, pluralizmin-fituesi i merr të gjitha, me fjalë të tjera, perceptimi nga ana e Qeverisë se Qeveria hyn në BE e jo një shtet, një shoqëri dhe të gjithë të tjerët, është justifikimi i çdo qeverie të radhës se kështu ka qenë edhe më parë.”

Konventa Kombëtare për Bashkimin Evropian në RMV është aktivitet dyvjeçar me buxhet total prej 222.280 dollarëve amerikanë, të siguruara nga USAID dhe Agjencia Sllovake për zhvillim ndërkombëtar. E njëjta ka për qëllim t’i bashkojë institucionet, mediat dhe sektorin civil për realizim të suksesshëm të kapitujve nga raporti i fundit i përgatitur për vendin nga ana e Komisionit Evropian.  /ABC News Albania 24/7

tusk-dhe-rama.jpg
ad min16:11 | 17/09/2019

Presidenti i Këshillit Evropian, Donald Tusk ishte pak orë në Tiranë ku u takua me kryeministrin Rama. Zyrtari i lartë i BE-së tha se gjatë këtij viti, Shqipëria është afruar shumë me Bashkimin Evropian, dhe për këtë nuk duhet të dyshojë askush. Tusk bëri thirrje që qeveritë evropiane të hapin negociatat në Qershor.

Pas takimit 40 minutësh, kryeministri shqiptar e dha Presidentit Tusk medaljen e mirënjohjes. Tusk, që është në fund të mandatit, konfirmon linjën e tij se BE-së së deritanishme, se zgjerimi i unionit duhet të vazhdojë.

“Sot, një vit pas vizitës sime të mëparshme në Tiranë, mund të them që, në sajë të përpjekjeve tuaja, ne i jemi afruar këtij objektivi. Jemi më afër tij, dhe për këtë nuk duhet të ketë as më të voglin dyshim, askush, as këtu në Tiranë, e as në të gjitha kryeqytetet e Bashkimit Evropian. Unë kam qenë gjithnjë i mendimit që BE duhet të çelë negociatat për anëtarësim, si me Shqipërinë, ashtu edhe me Maqedoninë e Veriut. Vendi juaj duhet të trajtohet më të njëjtin respekt dhe sipas meritave të veta, siç janë trajtuar dhe vendet e tjera”.

Më gjithë ndryshimet e drejtuesve politikë pas zgjedhjeve të reja në BE, parimet ngelen të njëjta. Po ashtu edhe kërkesat ndaj Shqipërisë.

“Ne diskutuam dhe rëndësinë e ruajtjes së historikut solid në lidhje në luftën kundër korrupsionit dhe krimit të organizuar. Ky fiksim e BE-së për sundimin e ligjit është pjesë e ADN-së sonë dhe do të jetë e tillë edhe kur ju të jeni shtet anëtar në BE. Anëtarësimi i Shqipërisë dhe i rajonit në BE është në interesin më të mirë të gjithë Evropës, pasi nuk do të ketë Evropë të sigurt dhe stabël pa integrimin e të gjithë Ballkanit Perëndimor. Askush nuk po i bën askujt ndonjë nder”, tha Tusk.

Në 18 tetor, Këshilli Evropian do të vendosë për çeljen ose jo të negociatave me Shqipërinë dhe Maqedoninë e Veriut. Boshti Francë-Gjermani është përcaktues, dhe do të shihet kush do të dominojë: Gjermania që kërkon zgjerimin e unionit drejt Ballkanit, apo Franca që është kundër zgjerimit dhe kërkon si fillim një reformë të brendshme në BE.

425B4FD5-416A-455D-AA1D-63695C14720E_w1023_r1_s.jpg
ent ela09:00 | 16/09/2019

Bashkimi Evropian tha sot se ka “një kërcënim real në sigurinë e rajonit” të Lindjes së Mesme, pas sulmeve ndaj ndërtesave të përpunimit të naftës në Arabinë Saudite.

Sulmet e djeshme me dronë në dy ndërtesat e naftës të kompanisë Armaco në Arabinë Saudite, paraqesin rrezik real për sigurinë rajonale”, thuhet në deklaratën e zëdhënëses së shefes së BE-së për Politikë të Jashtme, Federica Mogherini.

“Në këtë kohë, kur tensionet janë të larta në rajon, ky sulm minon punën që po vazhdon për uljen e tensioneve dhe dialogun”, thuhet në deklaratë, ku bëhet thirrje për “përmbajtje” me qëllim që të mos përshkallëzohet më shumë situata.

Rebelët jemenas Huthi, që mbështeten nga Irani morën përgjegjësinë për sulmet e së shtunës.

Por, Sekretari amerikan i Shtetit, Mike Pompeo tha se pas këtyre sulmeve qëndron Irani. Zyrtarët iranian kanë mohuar çdo përfshirje në këto sulme. /REL

soreca.jpg
ent ela08:39 | 05/09/2019

BE apelon Shqipërinë për vazhdimin e thellimit të reformave.

Përmes rrjetit social  në “Tëitter” Ambasadori i Bashkimit Europian në Tiranë, Luigi Soreca thotë se gjatë një takimi me eurokomisionerin , Johanes Hahn ka informuar atë për zgjerimin mbi zhvillimet e fundit politike në vendin tonë.

“Kënaqësi të informoja Komisionerin Hahn mbi zhvillimet më të fundit të situatës politike në Shqipëri”- shprehet  Soreka.

“Në funksion të vendimit të tetorit për hapjen e negociatave, është thelbësore që Shqipëria  të vazhdojë të përqendrohet në thellimin e reformave”- vijon statusi i ambasadorit europian. /abcnews.al

 

 

boris_johnson_11_cmexep.jpg
nev ila23:10 | 02/09/2019

Kryeministri i Britanisë, Boris Xhonson ka paralajmëruar ligjvënësit me zgjedhje të parakohshme nëse bllokojnë planet e tij për Breksit.  Xhonson ka theksuar se në asnjë rrethanë Londra nuk mund t’i kërkojë Brukselit shtyrjen e daljes nga Unioni.

Qeveria britanike pritet të parashtrojë një mocion për mbajtjen e zgjedhjeve të përgjithshme më 14 tetor, në rast se ajo mposhtet nga ligjvënësit që kundërshtojnë një dalje pa marrëveshje nga BE-ja.

Kryeministri Boris Xhonson deklaroi se zgjedhjet nuk janë një opsion i dëshirueshëm, por shtoi se progresi në negociatat me BE-në do të jetë i pamundur në rast të një fitoreje të Dhomës së Përfaqësuesve.

Sipas BBC, konservatorët rebelë po bashkojnë forcat me laburistët për të sjellë një projekt/ligj që ndalon daljen e Mbretërisë së Bashkuar nga BE-ja më 31 tetor pa një marrëveshje.

Një ligj i tillë, në rast se miratohet do të detyrojë kryeministrin të kërkojë një shtyrje të Breksit deri më 31 janar të 2020-s.

Duke folur nga selia e qeverisë, zoti Xhonson insistoi se me mbështetjen e ligjvënësve ai do të jetë në gjendje të arrijë ndryshime në marrëveshjen e arritur me BE-në nga parardhësja e tij Theresa Mej, në samitin e BE-së që do të mbahet më 17 tetor.

Por ai theksoi se, në rast se ligjvënësit votojnë për të bllokuar një dalje pa marrëveshje ata do të minojnë pozicionin e Mbretërisë së Bashkuar.

Kryeministri tha se në asnjë rrethanë ai nuk do t’i kërkojë Brukselit që të shtyjë Breksit dhe shtoi se negociatorëve britanikë u duhet lejuar të punojnë pa ndërhyrje nga Parlamenti./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono