be

foto-3.jpg
in a12:58 | 24/02/2020

Kryeministri Edi Rama ndodhet në Londër, në samitin e BERZH mbi investimet 2020, të Bankës Europiane për Rindërtim dhe Zhvillim, në Ballkanin Perëndimor.

Gjatë fjalës së tij Rama tha se Shqipëria ka bërë hapa përpara drejt rrugës së BE-së.

“Përpara se të flas shkurtimisht për atë që më pyetët dua të falenderoj të gjitha ata që morën pjesë në Konferencën e Donatorëve por pjesa më e bukur ishte pjesëmarrja e vendeve të rajonit, kushdo që kontribuoi. Andrei sot nuk është ulur me ne por është pjesë e jona. Kanë dhënë një shpirt solidariteti dhe falë këtij forumi dhe shumë mbledhjeve të tjera dhe shpresoj që të jetë kjo frymë. Mos harroni deri në 2014 nuk ishim ulur kurrë të gjithë së bashku. Për t’u ulur pa armë, pa urrejtje, pa gjakderdhje dhe për të folur për të ardhmen. Tani duhet të vijojmë përpara dhe të ecësh përpara dhe të ndërtosh mbi këtë ta shndërrosh paqen në një instrument begatie dhe zhvillimi pasi e shkuara nuk është tërësisht pjesë e historisë. Kemi mosmarrëveshje dhe probleme por ne po punojmë së bashku dhe po ecim së bashku dhe të ndërtojmë një të ardhme për fëmijët tanë ndryshe nga ajo që trashëguam brez pas brezi.

Kur bëhet fjalë për Shqipërinë ne po ecim përpara. Kemi një sërë projektesh të mëdha që janë në vazhdim e sipër. Jemi mes pesë vendeve të Europës që jemi në përputhje me vizionin, kemi trashëguar një sistem ku gjithçka mbështetet në energjinë e përtëritshme. Autostrada Ballkani Perëndimor-Bashkimi Europian, kjo është autostrada për të cilën kemi nevojë”, tha Rama./abcnews.al

rama-7.jpg
in a10:28 | 22/02/2020

Kryeministri Edi Rama gjatë fjalës së tij në Konferencën për Integrimin e Ballkanit Perëndomor në BE deklaroi se procesi i integrimit po bëhet gjithnjë më i vështirë për vendet që janë në pritje për t’u anëtarësuar.

Gjithashtu në konferencën “Një kontinent një e ardhme”, Rama pohoi se nuk ishte faji i qeverisë që Shqipëria nuk mori dritën jeshile për të filluar bisedimet, por është për shkak të situatës në të cilën ndodhet sot Bashkimi Europian.

“Është shumë e qartë se procesi është bërë gjithnjë e më tepër i vështirë, dëshpërues për vendet që janë në radhë për tu anëtarësuar. 

Kjo nuk vlen vetëm për Shqipërinë, por për  të gjithë vendet në radhë. Nëse do shihni procesin si ka shkuar për Polonin, apo për ata që kanë qenë kandidatë më parë, për integrimin dhe po ta shohësh tani është bërë gjithmonë më tepër i vështirë për shkak të kërkesave që janë bërë më të detajuara dhe ndonjëherë edhe kufizuese. Megjithatë është në rregull, por duhet të vijë një pikë kur i vjen fundi sepse është si një ushtrim i cili nuk ka fund. Në çdo moment, kur 1,2,3,4 apo 5 vende kanë problemet e tyre, kanë dinamikat e tyre dhe duan të thonë jo, ato e kanë mundësi që të gjejnë pretekst duke iu drejtuar gishtin vendeve të cilave u thonë jo. Jo për shkak të vendeve, por për shkak të problemeve që kanë ato. Dimë që djalli fshihet tek detajet dhe përvoja na ka treguar se për më të ‘vegjlit’ e më të dobëtit, rregullat nuk janë asnjëherë të respektuara dhe për të ‘fortit’ ka gjithmonë një rrugë”, tha Rama.

Nërkohë kryeministri theksoi se qendrimi i Presidentit të Francës, Emmanuel Macron për procesin e hapjes së negociatave është ndoshta më i drejtpërdrejti. Megjithatë ai tha se për të vegjëlit, rregullat nuk janë mjaftueshëm të respektuara.

Do të doja të thoja që e shoh Francën, ndoshta si aktorin më të ndershëm në këtë debat, sepse presidenti Macron ka një qëndrim të hapur, të drejtpërdrejtë dhe shumë brutal do të thoja. Ajo çfarë po thonë është që Evropa siç është nuk funksionin”, tha më tej Rama.

PARLAMENTI-EUROPIAN-PER-SHQIPERINE-1280x720.jpg
in a13:42 | 18/02/2020

Delegacioni i Lega Nord në Parlamentin Europian duhet të marrë nga 6 në 27 deputetë, duke u bërë delegacioni më i madh pas CDU gjermane. Është ky rezultati që del nga sondazhet e para të parlamentit europian në kuadër të zgjedhjeve europiane të muajit maj.

Lëvizja me pesë yje duhet të kalojë nga 14 në 22 deputetë. Rënie shënon Partia Demokratike dhe Forza Italia që mund të mbeten me 15 dhe 8 deputetë nga 31 dhe 13 që kanë aktualisht. Sondazhi projekton katër depuettë italianë për grupin e konservatorëve dhe reformistët europianë të cilëve iu përket Frateli d’Italia.

Fronti sovranist bazuar në sondazhet kombëtare, avancon në parlamentin europian, duke bërë të mundur që në parlament të ketë deri në 130 deputetë, nëse merren në konsideratë dhe 12 depuetët e Alternativës për Gjermaninë së bashku me parti të tjera të vogla.

Por çdo gjë mbetet ende në diskutim sepse nuk dihet ende se çfarë do të bëjnë partitë apo lëvizjet e tjera si lëvizja me pesë yje dhe Macron. Sipas po të njëjtit sondazh, Partia Popullore Europiane duhet të marrë 183 vende, duke humbur 34 deputetë nga 217 që ka aktualisht.

Grupi i socialistëve dhe demokratëve duhet të konfirmohet si forcë e dytë me 135 vende, me një humbje prej 51 deputetësh në krahasim 186 që ka momentalisht. Aleanca e Aliberalëve dhe Demokratëve duhet të konfirmohet si forcë e tretë me 75 vende. Por në këto sondazhe nuk janë përfshirë të zgjedhurit e listës së partisë së Emmanuel Macron në Francë me partinë e tij En Marsh.

Dy grupet kryesore të Parlamentit Europian, Partia Popullore Europiane dhe Socialdemokratët për herë të parë zbresin nën 50 për qind. Ndërsa në 2014-ën kishin 55 për qind të vendeve në Parlamentin Europian.

Këto rezultate bazohen në sondazhe kombëtare ekzistuese dhe që konsiderohen të besueshme, si dhe në numrin e vendeve në parlamentin europian pas Brexit, që do të kalojnë nga 751 aktualisht në 705 si pasojë e daljes së Mbretërisë së Bashkuar./abcnews.al

Screenshot_3-15-1.png
So Nila11:16 | 17/02/2020

EU foreign ministers have discussed with Prime Minister Edi Rama during a working breakfast in Brussels.

The meeting was initiated by the Italian Foreign Minister, Maio who said member states’ refusal to open negotiations is linked to reforms in the Balkan countries.

Italian Foreign Minister Luigi di Maio: The opening of negotiations marks the beginning and not the end of the European journey. I visited Skopje, Belgrade and Pristina to renew consensus on enlargement, because the future of the Western Balkans is in the EU.

We are all aware of what is at play. PB integration is a geopolitical issue and affects peace in Europe.

As for negotiations, the hesitation to negotiate is related to reforms.

The Commissioner for Enlargement has already reacted, which through a status on Twitter states: Good discussion on reform progress and strong solidarity with Albania after November earthquake. /abcnews.al

 

Termeti-ne-durres-dhe-thumane14.jpg
R D10:35 | 17/02/2020

Mesditen e sotme mblidhet në Bruksel Konferenca Ndërkombëtare e Donatorëve e inicuar nga Bashkimi Europian në ndihmë të Shqipërisë, pas tërmetit shkatërrues të 26 nëntorit. Qeveria shqiptare shkon aty me pritshmëri modeste.

Kryeministri i Shqipërisë, i cili ishte pjesëmarrës në Konferencën e Sigurisë në Mynih i shfrytëzoi ditët e konferencës për të tërhequr sa më shumë donatorë për Shqipërinë. Ai u shpreh megjithatë i përmbajtur për mediat. “Nuk bëhet fjalë për të arritur që të përmbushim të gjitha nevojat, por sidoqoftë të mbetemi në një nivel, që sado modest, të mund të ketë një peshë në këtë proces”.

Në bisedë me Deutsche Welle-n ministri i Rindërtimit, Arben Ahmetaj shprehet mirënjohës për solidaritetin europian të treguar këto muaj. Solidariteti është shumë i madh, megjithatë shifra në fund do ta materializojë këtë solidaritet, thotë ai. Ministri Ahmetaj pret që në “kombinim me grante dhe kredi të arrihet të mblidhet një ndihmë rreth 450 milionë euro” për Shqipërinë. “Për shkak të turit që ka bërë kryeministri në disa vende, për shkak të ndjeshmërisë në vendet europiane presim një shifër përafësisht të tillë.” Megjithatë ai thekson, se nevojat janë shumë më të mëdha. “Jam i shqetësuar se si do t’i japim impuls ekonomisë këto vite e si do të mënjanohen dëmet në infrastrukturë.”

Banka Botërore ndihmë sektorit shëndetësor

Nevojat më akute në Shqipëri vlerësohet se janë në sektorin e banimit, ku pas tërmetit më shumë se 95. 000 banesa janë shkatërruar dhe dëmtuar, por jo pak dëme ka pasur edhe në shkolla, spitale, e infrastrukturën e vendit. Banka Botërore pas tërmetit në Shqipëri ofroi menjëherë ndihmë në llogaritjen e pasojave të dëmeve dhe efektin e tyre në ekonomi. Drejtoresha rajonale për Ballkanin Perëndimor në Bankën Botërore, Linda Van Gelder tha për Deutsche Welle, se “më specifikisht, Banka Botërore iu përgjigj nevojave në sektorin shëndetësor, ku tërmeti shkatërroi disa spitale. Një projekt në vijim është duke ofruar ndihmë Ministrisë së Shëndetësisë dhe Mbrojtjes Sociale për të modernizuar sektorin e shëndetësisë. Ne jemi të gatshëm të drejtojmë resurset nga ky projekt për të filluar menjëherë punën për rikonstruktimin e tre spitaleve të prekura.”

Banka Botërore ka ofruar e do të ofrojë ndihmë teknike dhe financiare, si në afat të shkurtër ashtu edhe të mesëm, thotë Van Gelder, e cila po ashtu do të marrë pjesë në Konferencën e Donatorëve, si përfaqësuese e Bankës Botërore. /dw

Screenshot_3-15.png
R D09:42 | 17/02/2020

Ministrat e Jashtëm të shteteve të BE-së kanë diskutuar me Kryeministrin Edi Rama gjatë një mëngjesi pune në Bruksel. Ky takim është iniciuar nga ministri i Jashtëm i Italisë, Maio, i cili tha se refuzimi i shteteve anëtare për të të hapur negociatat lidhet me reformat në vendet e Ballkanit.


Ministri i jashtem italian, Luigi di Maio: Hapja e negociatave shënon fillimin dhe jo përfundimin e rrugëtimit europain. Unë vizitiva Shkupin, Beogradin dhe Prishtinën për rinovimin e konsensusit për zgjerimin sepse e ardhmja e Ballkanit Perendimor është në BE. Ne të gjithë jemi të vetëdijshëm se çfarë është në lojë: Integrimi i BP është çështje gjeopolitike dhe ndikon për paqen në Europë. Sa i përket negociatave, hezitimimi ka të bëjë me qendrimet reformatore në rajon.

Sakaq, ka reaguar edhe Komisioneri i Zgjerimit, i cili përmes një statusi në Twitter shprehet: Diskutim i mirë mbi përparimin e reformave dhe solidaritet të fortë me Shqipërinë pas tërmetit të nëntorit. /abcnews.al

termeti-pasojat-1.jpg
R D08:49 | 17/02/2020

Mbahet sot në Bruksel Konferenca e Donatorëve për Shqipërinë. Aty pritet të vendoset për ndihmën financiare që vendet e Bllokut do të japin për rindërtimin pas termetit të 26 nentorit.

Kryeministri Edi Rama ndodhet në Bruksel që prej së dieles kur u mbajt edhe takimi joformal mes lidereve europaine dhe atyre te 6 vendeve ballkanike për pergatitjen e samitit te Zagrebit. Rama bëri apel për mbeshtetje duke thënë se e “hëna është dita e madhe, ku shpresoj se do gjejmë mjaftueshëm solidaritet dhe mbështetje për ecjen përpara me rindërtimin”. Autoritetet janë thënë se fatura e dëmeve nga termeti është rreth 1 miliardë euro, ku një pjesë të mirë të kësaj shume qeveria pret ta marrë nga donatorët.

Konferenca “Together for Albania” nis sot në orën 15:00 dhe përfundon në 19:00. Abc News publikon agjendën e punimeve, ku planin e rindërtimit do ta prezantojnë Milva Ekonomi dhe Arben Ahmetaj. Më pas do të flasin përfaqësues nga UNDP dhe Banka Botërore, Komisioneri për Zgjerim Varhelyi, etj. /abcnews.al

 

ty-2.jpg
in a13:18 | 16/02/2020

Liderët e gjashtë vendeve të Ballkanit Perëndimor dhe liderë të Bashkimit Europian takohen sot në mbrëmje në Bruksel për të përgatitur samitin e Zagrebit(5- 7 maj), që do t’i përkushtohet perspektivës së zgjerimit të Bashkimit Europian me Ballkanin Perëndimor.

Samiti jozyrtar i Brukselit i thirrur nga presidenti i Këshillit Europian, Charles Michel, do të fokusohet te diskutimi i metodologjisë së re të zgjerimit të prezantuar nga Komisioni Europian në 5 shkurt. Aty do të marrin pjesë presidentja e Komisionit Europian, Ursula von der Leyen, përfaqësuesi i lartë i politikës së jashtme dhe të sigurisë së Bashkimit Europian, Joseph Borrel dhe kryeministi I Kroacisë, Andrej Plenković.

Samiti jozyrtar për Ballkanin zhvillohet në një atmosferë pozitive për procesin e zgjerimit të Bashkimit Europian.

Siç e kishte paralajmëruar kryeministri  kroat Plenkoviç në 9 janar, Franca do të kishte një evolucion pozitiv nëse  metodologjia e re e Komisionit Europian për zgjerimin do të mirëpritej nga Franca.

Franca ka treguar që mirëpret propozimin e metodologjisë së re të Komisionit Europian dhe pret tashmë raportin e Komisionit Europian për Shqipërinë dhe Maqedoninë e Veriut.

Në konferencën e sigurisë së Mynihut të 15 shkurtit, presidenti francez, Emmanuel Macron ka deklaruar se nëse vlerësimi i Komisionit Europian për përparimet e reformave në Maqedoninë e Veriut dhe Shqipëri është pozitiv, atëherë Franca do të jetë pro hapjes së negociatave me të dy vendet.

Burime të Bashkimit Europian në Bruksel janë shprehur për “ABC News”, se metodologjia e rishikuar e zgjerimit mirëpritet edhe nga Holanda dhe Danimarka. Por për të dhënë dritën jeshile, të dyja vendet presin raportin e Komisionit Europian mbi evolucionin e reformave në Shqipëri dhe  në Maqedoninë e Veriut, që pritet të prezantohet në fund të shkurtit./abcnews.al

spak.jpg
in a16:30 | 13/02/2020

Ambasadori i BE-së Luigi Soreca është takuar ditën e sotme me drejtuesin e Prokurorisë Speciale Anti-Korrupsion SPAK, Arben Krajën.

Lajmin e ka dhënë vetë ambasadori i BE, i cili nëpërmjet një postimi në “Twitter”, ka treguar diskutimet e zhvilluara gjatë takimit. Soreca tha se ata kanë diskutuar për sfidat e SPAK si institucion të ri i reformës në drejtësi:

“Takim shumë produktiv sot me Kryetarin e SPAK Z. Arben Kraja. Ne diskutuam sfidat e SPAK si institucion të ri. Kemi diskutuar gjithashtu për rishpërndarjen e kompetencave me Prokurorinë e Përgjithshme dhe zyrat lokale, dhe zbatimin e ligjit të ri për masat parandaluese”, shkruan Soreca.

Tashmë SPAK është në fazën e testimit dhe intervistimit të kandidatëve për drejtues të Byrosë Kombëtare të Hetimit (BKH), ndërsa pritet që procesi të zgjasë rreth 2 muaj.

Ndërkohë Paketa e qeverisë kundër krimit dhe parave të pista, parashikon që njësia special OFL të dërgojë në SPAK formularët e vetëdeklarimit të pasurisë, plotësuar nga personat me rekorde kriminale.

SPAK-u që ka afat 15 ditë për tu shprehur mbi to, në rast se SPAK ka dyshime se subjekti nuk ka burime të ligjshme për justifikimin e pasurisë, atëherë ai e dërgon çështjen në gjykatën speciale.

bushatiiiii.jpg
eri Ida14:18 | 09/02/2020

Ish-ministri i Jashtëm shqiptar, Ditmir Bushati, gjatë fjalës së tij në Samitin Rajonal të Selanikut, ka theksuar se tre janë sfidat me të cilat BE do të përcaktojë raportin e saj me Ballkanin Perëndimor.

Bushati në fjalën e tij në samit është ndalur tel tek debati më i fundit që po zhvillohet brenda vetë BE-së duke theksuar se këto kohë Ballkani Perëndimor nuk është prioritet i Bashkimit Evropian.

Në një intervistë për mediat greke ish-ministri Ditmir Bushati, ka thënë se unioni pas largimit të Britanisë po kërkon aleanca të reja brenda saj dhe sa i përket metodologjisë së re, ai shprehet se procesi do të jetë më i vështirë dhe më politik.

Duket që Ballkani Perëndimor në kontekt nuk është një çështje shumë prioritare për vendet e BE-së dhe kjo është edhe arsyeja që për fat te keq BP shpesh shihet si një barrë për vendet e BE-së sesa si një përgjegjësi historike që i ka fillesat e saj me rënien e murit të Berlinit.Në ketë kontekst metodologjia e re e prezantuar nga BE është një përpjekje për të zbutur disi qëndrimet e vendeve qe kanë kërkuar reformimin e këtij procesi. Natyrisht, procesi do të bëhet më kërkues, më politik dhe me mundësi më të mëdha për vendet anëtare për ta pezulluar në momentin që këto vende besojnë që vendi qe dëshiron të bëhet anëtar nuk po ecën siç duhet me reformat”, tha Bushati.

Ndërkohë duket se ish ministri ka shpresë se në 2020 Shqipëria do të ketë mundësi të shohim fillimin e bisedimeve për anëtarësim me Shqipërinë dhe Maqedoninë e Veriut.

Gjithashtu Bushati i ka kërkuar qeverisë shqiptare dhe asaj greke kurajoje politike për t’i zgjidhur në tryezën e bisedimeve dypalëshe të gjitha çështjet e mbetura pezull.

 “Ekziston potenciali që dokumentet qe janë shkëmbyer nga dy palët të përmirësohen dhe të pasurohen më tej dhe të merren vendime të cilat kërkojnë një lloj kurajoje politike për ti hequr nga tryeza e bisedimeve dypalëshe. Çështje të cilat janë aty ende dhe kanë një eelevancë në kuptimin historik dhe duhen adresuar nga të dyja palët”, është shprehur ndër të tjera ai. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono