be

british-1280x853.jpg
G. P.23:15 | 22/10/2019

Kryeministri britanik Boris Johnson tha sonte se qeveria do ta tërheqë legjislacionin që lidhet me marrëveshjen e arritur me Bashkimin Evropian për Brexit derisa Unioni të vendosë nëse do të shtyjë datën e planifikuar për shkëputjen e Britanisë, 31 tetorin.

Parlamenti në Londër hodhi poshtë planet e qeverisë për ta përshpejtuar miratimin e legjislacionit deri të enjten e javës se ardhshme. Pas këtij vendimi Johnson tha se do të bisedojë me vendet anëtare të BE-së dhe derisa ata të marrin një vendim do ta ndalet procesi i miratimit të ligjit.

Fillimisht u duk sikur Kryeministri britanik Boris Johnson kaloi një pengesë sonte kur ligjvënësit miratuan në parim projektligjin e tij për largimin e vendit nga Bashkimin Evropian.

Por një votim tjetër i parlamentit po këtë mbrëmje, për një afat të përshpejtuar të Brexit i prishi planet e tij për ta larguar Britaninë nga Bashkimi Europian më 31 Tetor./ABC News Albania

selia-PD-1280x713.jpg
G. P.15:45 | 19/10/2019

Opozita ka reaguar sërish sot për mos-hapjen e negociatave duke e konsideruar këtë dështim personal të Edi Ramës. Monika Kryemadhi dhe sekretari për çështjet ndërkombëtare në PD, kërkuan dorëheqjen e kryeministrit.

Opozita e bashkuar ka reaguar në mënyrë të sinkronizuar, duke thënë se mos hapja e negociatave është një përgjegjësi personale e Edi Ramës. Monika Kryemadhi nga LSI dhe Arben Kashahu nga PD, rendisin arsyet se pse sipas opozitëës, BE me refuzoi.

Të dy partitë kryesore opozitare kërkojnë dorëheqjen e kryeministrit. I njëjti qëndrim u mbajt mbrëmjen e së premtes edhe nga vetë Lulzim Basha./ABC News Albania

gjermane.jpg
Autor E10:00 | 19/10/2019

Ekspertja gjermane Valesa Esch, që mban gjithashtu edhe detyrën e drejtores së Programit për Europën pranë institutit Aspen në Gjermani shpjegon pёr DW vendimin e samitit tё BE-sё mbi negociatat me Shqipёrinё dhe Maqedoninё e Veriut. Sipas saj, ky vendim nuk nёnkupton fundin e perspektivёs sё anёtarёsimit.

DW: Pas shpresave tё mёdha, erdhi njё zhgёnjim i madh pёr Maqedoninё e Veriut dhe Shqipёrinё. Samiti i BE-sё nuk solli lajm pozitiv, pra njё datё pёr fillimin e bisedimeve tё anёtarёsimit, gjё qё ngjalli zhgёnjim dhe humbje shprese. A pritej njё vendim i tillё?

Valeska Esch: Unё besoj qё kishte drojё pёr njё rezultat tё tillё, por unё shpresoja deri nё fund, qё kryetarёt e qeverive dhe tё shteteve do tё mund tё binin dakord tё paktёn tё hapnin bisedimet me Maqedoninё e Veriut. Qё pёr Shqipёrinё konsensusi do tё ishte mё i vёshtirё, kjo dukej qysh nё fillim. I gjithё procesi i anёtarёsimit bazohet nё parimin e kondicionimit dhe qeveria e Maqedonisё sё Veriut i pati pёrmbushur tё gjitha kushtet pёr hapjen e negociatave.

Madje qeveria ia doli qё tё gjejё edhe njё kompromis pёr emrin me Greqinё, e cila pёr vite me radhё pengonte avancimin e procesit tё integrimit nё BE. E njёjta gjё vlen edhe pёr Shqipёrinё, e cila realizoi njё reformё tё vёshtirё nё sistemin e drejtёsisё e po ashtu po bёn pёrparime tё mёdha. Tani varet nga BE-ja, qё t’i vlerёsojё kёto pёrparime dhe tё hedhё hapin tjetёr, duke i hapur negociatat.

Gazeta austriake “Standard” bёn njё krahasim tё tillё: „Eshtё ngjashёm sikur tё pёrjashtohet nga shkolla nxёnёsi mё i mirё i klasёs”. Nё Shkup janё tё bindur qё u bёnё tё gjitha pёrpjekjet e mundshme pёr tё marrё njё datё konkrete. Emri i vendit u ndryshua nё interes tё integrimit nё BE. Presidenti Macron flet tani pёr nevojёn e njё metodologjie tё re tё procesit tё zgjerimit dhe konstaton, se duhet ende kohё. Si e shpjegoni ju kёto deklarime tё tij, ҁfarё qёndron pas kёsaj?

Unё jam dakord me presidentin Macron pёrsa i pёrket rёndёsisё sё reformimit tё procesit dhe konceptimit tё tij nё mёnyrё mё efikase. Çdo reformё e procesit, qё forcon bisedimet e anёtarёsimit dhe nё radhё tё parё reformat nё vendet pёrkatёse, ёshtё jo vetёm nё interesin e BE-sё, por edhe tё vetё vendeve tё Ballkanit Perёndimor.

Por unё mendoj qё metodologjia e re e njё procesi zgjerimi nuk ёshtё nё kundёrshtim me hapjen e negociatave tё anёtarёsimit. Me Serbinё dhe Malin e Zi kemi ndёrkohё dy vende nё fazёn e negociatave me BE-nё dhe ҁdo reformё e procesit duhet tё vlejё edhe pёr kёto dy vende. Vazhdimisht ka pasur reforma gjatё proceseve nё vijim dhe nuk duhet humbur edhe mё tej kohё pёr t’i vazhduar pёrpjekjet e reformave nё vendet e rajonit nё kuadёr tё bisedimeve tё antarёsimit.

Çfarё pasojash mund tё ketё shtyrja e bisedimeve tё BE-sё me Maqedoninё e Veriut dhe Shqipёrinё pёr pjesёn tjetёr tё vendeve tё Ballkanit?

Unё besoj, qё shtyrja do t’i forcojё skeptikёt nё rajon, tё cilёt mendojnё, se BE-ja nuk ka mё interes nё integrimin e vendeve tё Ballkanit Perёndimor. Vendimi, sipas meje, e dobёson parimin e kondicionimit, prej nga bazohet procesi. Me mungesёn e aftёsisё pёr njё vendim tё pёrbashkёt pozitiv, BE-ja e ka dёmtuar kredibilitetin e saj nё rajon duke i zhgёnjyer njerёzit. Njёkohёsisht ёshtё e qartё, se ky vendim nuk nёnkupton fundin e perspektivёs sё anёtarёsimit. Edhe kjo u theksua nё samit.

A mund tё thuhet, se samiti sa i pёrket ҁёshtjes sё zgjerimit ishte njё dёshtim pёr kancelaren gjermane Merkel dhe fitore pёr presidentin francez Macron?

Unё nuk mendoj, qё nё njё samit tё tillё bёhet fjalё pёr fitore apo humbje tё politikanёve tё veҁantё. Qeveria gjermane e ka bёrё tё qartё, se e mbёshtet hapjen e bisedimeve tё anёtarёsimit si me Maqedoninё e Veriut edhe me Shqipёrinё dhe Gjermania ka investuar shumё nё rajon. Kancelarja gjithmonё ka theksuar, se njё integrim i Ballkanit Perёndimor nё BE nuk ёshtё vetёm nё interesin e kёtyre vendeve, por veҁanёrisht edhe nё interesin e vet BE-sё.

Qё nuk u arrit njё vendim i pёrbashkёt, ёshtё pёr tё tё ardhur keq, por kjo nuk duhet tё jetё arsye pёr t’u dorёzuar. Kancelarja dhe presidenti Macron vazhdojnё tё jenё tё njё mendimi, se e ardhmja e vendeve tё Ballkanit Perёndimor ёshtё nё BE. Mospёrputhje ka vetёm pёr ҁёshtjen, nёse duhet tё hapen bisedimet para apo pas reformimit tё procesit. Tani varet nga Franca qё tё ofrojё propozime konkrete dhe bashkё me partnerёt europianё tё gjejё zgjidhje, pёr ta vazhduar sa mё shpejt tё jetё e mundur procesin e integrimit.

A mos vallё ekuilibrat nё BE po zhvendosen?

Sfida mё e madhe nё aspektin e hapjes sё negociatave tё anёtarёsimit, ashtu si edhe pёr shumё vendime tё tjera, qё merren nё nivelin e BE-sё, ёshtё parimi i unanimitetit. Nuk ka nevojё pёr zhvendosje ekuilibrash pёr tё penguar vendime tё tilla, sepse mjafton vetёm njё vend qё ёshtё kundёr vendimit pёr ta penguar atё. Kohёt e fundit vazhdimisht kemi parё, se sa i vёshtirё ёshtё bёrё unanimiteti nё kёshill pёr ҁёshtje tё ndryshme. Ndaj njё numёr mё i vogёl vendimesh, qё duhen marrё nё unanimitet, do ta lehtёsonte nё pёrgjithёsi procesin e vendimmarrjes dhe do tё rriste funksionalitetin e BE-sё. /DW

hahn.jpg
G. P.13:07 | 18/10/2019

Me anë të një postimi në rrjetet sociale, komisionari për zgjerimin Johannes Hahn ka thënë se liderët e Europës dështuan që të realizuar premtimin e tyre për të hapur negociatat me Maqedoninë e Veriut dhe Shqipërinë në BE.

“Liderët e Bashkimit Europian dështuan që të realizojnë premtimin e tyre për të çelur procesin e negociatave me Maqedoninë e Veriut dhe Shqipërinë. Kjo është shumë zhgënjyese. Shtetet anëtare të BE-së tashmë duhet të qartësojnë se sa seriozë janë me angazhimin e tyre për integrimin europian të Ballkanit Perëndimor. Falenderoj të gjithë ata që u investuan plotësisht mbrëmjen e djeshme për të arritur një vendim të një rëndësie strategjike për Bashkimin e Europian. Ata luftuan për të dhënë një sinjal shprese për qytetarët e Ballkanit Perëndimor”, shkruan Hahn në Twitter.

Hahn thekson se vendimi negativ mund të sjellë pasoja negative në lidhje me destabilizmin e Ballkanit Perëndimor.

“Siç u shpreha edhe në Luksemburg: Ky nuk është një moment lavdie për Bashkimin Europian. Refuzimi për të pranuar progresin e vërtetuar do të ketë pasoja negative, përfshi këtu edhe rrezikun e destabilizimit të Ballkanit Perëndimor me ndikim të madh edhe në Bashkimin Europian. Është përgjegjësia jonë që të qëndrojmë pranë vendeve, qytetarët e të cilëve janë me të drejtë shumë të zhgënjyer. Do të vazhdoj të bëj gjithçka që t’i mbështes. Integrimi i Ballkanit perëndimor në BE është dhe do të mbetet një politikë e rëndësishme strategjike, në interesin tonë të përbashkët”, thotë Hahn.

Reagon ashpër ish-kryeministri suedez: Bllokimi i negociatave, nuk është gjë e vogël

/abcnews.al

negociataa.jpg
G. P.14:17 | 17/10/2019

Grupi i Vishegradit ka kërkuar që të iniciohet debat në Këshillin Evropian, gjatë samitit të BE-së, lidhur me fillimin e negociatave me Shqipërinë dhe Maqedoninë e Veriut. Kërkesa është bërë përmes një letre dërguar kryetarit të këshillit, Donald Tusk. 

Kryeministrat e vendeve anëtare të Grupit të Vishengradit i kanë kërkuar kryetarit të Këshillit Evropian, Donal Tusk, që të mundësohet debat për fillimin e negociatave të Unionit me Shqipërinë dhe Maqedoninë e Veriut, gjatë zhvillimit të Samitit të BE-së, që do të mbahet sot dhe nesër në Bruksel.

Kryeministrat e Polonisë, Sllovakisë, Hungarisë dhe Çekisë thonë në letrën dërguar zotit Tusk se janë të pakënaqur nga mungesa e konsensusit në takimin e së martës midis shefave të diplomacive të vendeve anëtare, lidhur me fillimin e bisedimeve për anëtarësimin e të dy vendeve.

Ata propozojnë që në Samitin e BE-së këtë javë të inicohet debat në një përpjekje për të zhbllokuar këtë ngërç. Katër kryeministrat thonë se vendimi që do të merret për dy vendet do të përfaqësojë edhe besueshmërinë e BE-së në rajonin e Ballkanit Perëndimor dhe do të ketë pasoja për sigurinë edhe stabilitetin e BE-së.

Ata dënojnë faktin se BE ende nuk është në gjendje që t’u garantojë këtyre vendeve perspektivë të qartë evropiane”.

Ka reaguar ndërkohë edhe anëtarja e Parlamentit Evropian, Tanja Fajon, e cila i është drejtuar presidentit francez Macron, duke i e quajtur JO-në franceze një turp të madh dhe duke i bërë thirrje zotit Macron që të zgjohet.

“Eshtë koha që BE të tregojë pjekuri dhe përgjegjësi politike. Këta drejtues kanë bërë pjesën e tyre të punës! Tani është radha e Këshillit të Bashkimit Evropian për të përmbushur pjesën e tij dhe më në fund pranojnë të fillojnë bisedimet e pranimit me Maqedoninë e Veriut dhe Shqipërinë”, shkruan Fajon në rrjetet sociale, duke postuar edhe foto me kryeministrin maqedonas Zoran Zaev dhe ministrin e Jashtëm Nikola Dimitrov./abcnews.al

edi-rama-dhe-hahn.jpg
G. P.12:36 | 17/10/2019

Komisioneri për Zgjerim, Johannes Hahn pas takimit me kryeministrin Rama në Bruksel deklaroi se Shqipëria i ka përmbushur detyrimet e saj për çeljen e negociatave. Hahn u shpreh i bindur se për vendin tonë duhen hapur negociatat ndërkohë që nëse kjo gjë nuk ndodh komisioneri siguroi se kjo nuk do të jetë për shkak të dështimit të qeverisë apo Shqipërisë por për shkak të axhendës së Këshillit Europian. Edhe kryeministri Rama konfirmoi se Shqipëria i ka përmbushur të gjitha detyrimet duke kujtuar se qasja e Francës lidhet me kërkesën e saj për reformimin e Bashkimit Europian.

Vendimin që Këshilli Europian do të marrë në lidhje me çeljen e negociatave për Shqipërinë, Edi Rama do ta mësojë drejtpërdrejtë nga Brukseli. Komisioneri për Zgjerim Johahnes Hahn në takimin e zhvilluar 24 orë përpara vendimmarrjes finale të Këshillit e siguroi kreun e qeverisë se Shqipëria ka përmbushur të gjitha kushtet për çeljen e negociatave.

Pavarësisht vendimmarrjes, komisioneri nxiti qeverinë të mos ndërpresë rrugën e reformave. Garancinë e marrë nga komisioneri Hahn, Edi Rama dëshiroi ta nënvizoi për t’i treguar edhe opozitës shqiptare se në rast dështimi përgjegjësia nuk është e qeverisë së drejtuar prej tij.

Kryeministri garantoi se reformat e qeverisë do të vazhdojnë për të pasur një Shqipëri europiane, pavarësisht qasjeve të Brukselit, Londrës, Parisit, apo Berlinit./ABC News Albania

rama-ne-parlament-1280x711.jpg
nev ila12:48 | 09/10/2019

Kryeministri Edi Rama duke folur sot në Kuvend një ditë pas debatit në Parlamentin holandez për fatin e negociatave me BE të Shqipërisë e Maqedonisë së Veriut, tha se ata që duan të kuptojnë, duhet ta kenë marrë mesazhin se qëndrimi skeptik i disa vendeve mes tyre edhe Holanda nuk ka të bëjë me problemet e brendshme politike që ka vendi ynë, por se disa forca politike në vendet anëtare të BE janë kundër zgjerimit të unionit.

Madje Rama ka akuzuar opozitën jashtëparlamentare të Shqipërisë se bojkotoi parlamentin pikërisht që të mos çelen negociatat:

E keni ndjekur debatin e djeshëm në parlamentin e Holandës, ma ha mendja se ai debat ishte një mundësi për të kuptuar të gjithë ata që duan të kuptojnë, se sa e pavërtetë dhe sa e padrejtë është e tërë propaganda që synon të lidhë luftën e brendshme politike në Shqipëri me qëndrimet e disa vendeve mes të cilave është edhe Holanda.
Në debatin e djeshëm, gjithkush ishte i vëmendshëm, e ka parë se si e gjithë çështja e ecurisë së mëtejshëme e Shqipërisë në procesin e integrimit është trajtuar si një çështje e politikës së brendshme të atij vendi.

Besoj se duke ndjekur debatin në Parlamentin Holandez kushdo do të kuptojë ka kuptuar se fjalimet i janë drejtuar elektoratit të atij vendi e në gjithë qasjen e Parlamentit apo partive të ndryshme është përvijuar i gjithë debati i brendshëm me forcat pro zgjerimit kundër, me zërat që fuqizojnë mesazhin e nevojës për gë vazhduar procesin e zgjerimit dhe zërat që fuqizojnë mesazhin e nevojës për ta ndaluar procesin e zgjerimit.
Besoj ju ka mjaftuar të gjithë atyre, që në mënyrë vulgare e të pabesë, ndaj atyre që i dëgjojnë janë munduar të paraqesin para opinionit publik shqiptar një tablo të pikturuar sipas ngjyrave të tyre politike e jo sipas nevojës për të ndarë së bashku përgjegjësinë për të çuar përpara procesin tonë të integrimit, qëllim i përbashkët se në këtë pikë të gjitha partitë politike janë të bashkuara. S’ka që të predikojë ndonjë plan tjetër, përtej horizontit të BE.

Ata që janë përpjekur të thonë se ndarja në propagandë apo në qëndrime mes Maqedonisë së Veriut dhe Shqipërisë do cojë në një ndarje në gjykimin e përgjithshëm jo vetëm kanë gabuar por kanë dështuar në përgatitjen e një terreni politik këtu në funksion të axhendës së tyre politike.

Ka një ndryshim të madh që ka përcaktuar edhe në një pjesë të mirë dallimin në qëndrime ky është qasja e opozitës në vendin fqinj dhe qasja e opozitës këtu, flas për opozitën që s’është në Parlament e që e braktisi e dogji mandatet e bojkotoi zgjedhjet me një qëllim, për të minuar çeljen e negociatave.

Maqedonia e Veriut nuk është vend pa konflikte, por është një vend që ka frymëzuar edhe qasjen destruktive të opozitës që s’është këtu në parlament e cila në mënyrë naive ka besuar se duke kopjuar opozitën e deridjeshme ne Maqedoni do arrinte të rrëzonte shumicën legjitime në këtë vend. Opozita në Maqedoni as dje, as sot, nuk merr rrugët e Evropës për të bërë të pabërën për vendin e vet, nuk furnizon kanalet e komunikimit me partitë simotra apo individë të caktuar për të ushqyer çdo ditë ata të cilët e kam thënë disa herë, nuk janë kundër Shqipërisë, s’kanë ndonjë gjë specifike me Shqipërinë, por ka një qasje tjetër për arsye legjitime në vendet e tyre.

Keni dëgjuar në ndonjë rezolutë, deklarata, fjalim në parlamente të vendeve që janë më ngurruese ndaj zgjerimit, ndonjë fshat, qytezë, qytet periferik të Maqedonisë së Veriut, si kanë përfunduar nëpër gjermanisht e holandisht, Peqini, Kavaja, Dibra? Keni dëgjuar, nuk a bërë vaki, jo se atje s’ka pas probleme, apo kontestuar zgjedhjet, jo se atje nuk ka pasur deri edhe refuzim për të hyrë në zgjedhje, këta që janë sot në qeveri në Maqedoninë e veriut ishin në opozitë të shtypur, kanë kërcënuar me braktisje nga zgjedhjet, se nuk kishin besim te procesi, por nuk kanë cuar nëpër Evropë historia që jashtë kufijve kanë vetëm një efekt, të furnizimit me pseudoargumente, apo edhe argumente të importuar të qëndrimeve të forcave të caktuara kundër zgjerimit.
Vendimi i KE nuk ka lidhje fare, por fare me çfarë kemi bërë apo nuk kemi bërë ne, fare. Sepse e thashë këtu, unë nuk mendoj që Finlanda që ka presidencën e BE qënka më pak ekzigjente dhe qenka më tolerante ndaj krimit sesa Holanda, nuk bën vaki. Nuk mendoj që Austria qenka më pak e interesuar për të pasur zgjedhje më të mira te ne sesa Gjermania.
Nuk mendoj që Suedia i paska sytë e mbyllur përballë reformës në drejtësi dhe nuk i bën përshtypje se Kushtetuesja nuk është funksionale dhe kjo i bëka përshtypje Gjermanisë, nuk funksionon kështu.

Nuk mendoj që Franca qenka më larg në këndvështrimin e saj ndaj të gjitha çështjeve ndaj të cilave Gjermania është më afër për arsye të standardeve të tjera, absolutisht, jo. Thelbi, që nuk duhet ta mohojnë e jo më ta transformojnë në shashkë për politikë të brendshme, qëndron tek një situatë në BE që nuk ka lidhje fare me ne dhe ku ne përfshihemi me Maqedoninë, Serbinë e Malin e Zi, Kosovën e Bosnjën me vendet brenda Evropës por jo brenda BE, si rrjedhojë e jo burim, pasojë por jo si shkak
nuk jemi ne shkaku që BE nuk është unanim sot, për një qëndrim të thjeshtë të qartë e të prerë për rekomandimin e KE që paguhet nga BE, nuk jemi ne, jemi thjesht dhe vetëm të përfshirë”, tha Rama.

105313310-fc3bbcd3-5ed9-495f-9694-73a4e2272d14-1280x904.jpg
ent ela14:32 | 03/10/2019

“Pas rastit të Sea Watch 3 mora vëmendjen nga institucionet. Por ku ishit kur kërkuam ndihmë?”. Kështu u shpreh Carola Rackete, komandantja e Sea Watch në një audiencë me Parlamentin Evropian. “E vetmja përgjigje që kisha atëherë ishte nga Tripoli, ku nuk mund të shkoja. Në Evropë, në djepin e të drejtave, asnjë qeveri nuk donte 53 emigrantë. Ishte një turp,” shtoi ajo.

“Më vjen keq për këtë përvjetor në të cilin kujtohet humbja e mbi 300 jetëve në Mesdheun qendror, sepse Bashkimi Evropian gjithnjë e më shumë përdor transferimin e ndihmave me delegacione në vendet në luftë si Libia, duke shkelur ligjet ndërkombëtare”. Me këto fjalë vijoi  komandantja e Sea Watch 3 Carola Rackete në seancën dëgjimore në Parlamentin Evropian.

“Unë nuk kam vepruar për provokim, por nga nevoja” – Vendimi im për të hyrë në port me Seawatch 3 “pas 17 ditësh në det pa marrë përgjigje nuk ishte një provokim siç e kanë thënë shumë. Por një nevojë”. Rackete në audicionin Eurocamera tregon rastin italian.

“Mendova se nuk ishte më e sigurt të qëndroja në det dhe kisha frikë se çfarë mund të ndodhte,” shtoi ajo. “Rasti ynë si ai i OJQ-ve të tjera nënvizon nevojën për të adresuar situatën e shpëtimeve në det në nivelin evropian, i cili nuk mund të lihet në bisedime ad hoc”. Dhe gjithashtu “një mekanizëm i zhvendosjes së përkohshme, i përqendruar në riatdhesimet sesa në pritjen nuk është një zgjidhje realiste”. “Reforma në rregulloren e Dublinit është shumë e vonuar, por zgjidhja është krijimi i kanaleve ligjore për në Evropë,” tha ajo.

“Ligji në Itali shkel të drejtat ndërkombëtare” – “Kërkimi dhe shpëtimi në det janë operacione që bien hyjnë në ligjin ndërkombëtar, nuk e di sesi Italia arriti të miratojë një ligj që nuk respekton të drejtat  ndërkombëtar”. Ky është sulmi i Carola Rackete ndaj ligjit italian i cili imponon sekuestrimin e anijeve dhe gjobave ndaj komandantëve. “Ndërsa flas, unë i nënshtrohem dy hetimeve penale në Itali për shpëtimin e jetës në det. Unë nuk shqetësohem sepse veprimet e mia janë të justifikuara me ligj dhe moral, dhe si mbrojtëse e të drejtave të njeriut. Ajo që më shqetëson mua është që nga atëherë Seawatch 3 është nën sekuestro në port “dhe nuk mund të shpëtojë jetë. “A nuk është shtrembërim i drejtësisë për të ndëshkuar civilët që shpëtojnë jetën në det në mbrojtje të sundimit të ligjit dhe mbrojtjen e një praktike të paligjshme të shtetit?”.

Në fund të fjalimit të saj para Parlamentit Evropian, komandantja e Sea Watch Carola Rackete u përshëndet nga një duartrokitje e gjatë, ndërsa shumë eurodeputetë i shprehën mirënjohje për fjalët e saj.

Salvini: “Duartrokitjet për Rackete janë fyese për Italinë” – “Unë kurrë nuk do të ëndërroja të duartrokisja një komandant, i cili pasi kishte pritur me dashje 15 ditë në Lampedusa, për të shkarkuar emigrantët në Itali me çdo kusht, madje ka goditur një varkë patrullimi të Guardia di Finanza, duke vënë në rrezik jetën e grave dhe burrave me uniformë. Më vjen keq, ndjej zemërim dhe turp për ata që duartrokitën Carola Rackete në Bruksel “.

Kështu e komenton Matteo Salvini reagimin e disa europarlamentarëve të Komisionit për liri civile, drejtësi dhe çështje të brendshme në PE. /abcnews.al

 

BLOMBERG-HAPEN-NEGOCIATAT-ABCM4T1.mpg_snapshot_00.35-1280x720.jpg
ent ela14:38 | 30/09/2019

Bashkimi Evropian mund të autorizojë fillimin e negociatave zyrtare të pranimit me Shqipërinë dhe Maqedoninë e Veriut më 15 tetor i bindur se perspektiva e anëtarësimit në Union do të ndihmonte në përafrimin e mëtejshëm të rajonit të trazuar të Ballkanit drejt Perëndimit. Kështu shkruan agjencia ekonomike e lajmeve Bloomberg.

Bashkimi Evropian ka të ngjarë të autorizojë fillimin e negociatave zyrtare të pranimit me Shqipërinë dhe Maqedoninë e Veriut muajin e ardhshëm. Lajmi është bërë publik nga e përditshmja amerikane “Bloomberg”.

“Në dritën e përparimit të arritur në reformat”, mbledhjet e ministrave të Bashkimit Evropian në Luksemburg në 15 tetor do të vendosin “të hapin negociatat e pranimit” me qeveritë në Tiranë dhe Shkup, sipas një draf-komunikate të tyre që ka qarkulluar të Premten dhe është parë nga Bloomberg.”

Ndërsa formulimi mund të ndryshojë ende, një draft i mëparshëm, i parë gjithashtu nga Bloomberg, nuk përfshin rekomandimin për të filluar bisedimet-shkruan Agjencia e lajmeve Bloomberg, sipas të cilës një shtytje e ngjashme për të hapur negociatat e anëtarësimit dështoi në qershor, pasi vende si Franca, Holanda, Gjermania dhe Danimarka refuzuan. BE është e lodhur nga dështimi i disa kombeve të Europës Lindore që iu bashkuan bllokut në vitin 2004 për shtetin e së drejtës dhe luftën kundër korrupsionit. Prandaj sot ata janë të kujdesshëm të pranojnë anëtarët e rinj në klubin më të madh tregtar në botë, ku njerëzit, mallrat dhe shërbimet mund të lëvizin lirshëm”-shkruan Bloomberg. /ABC News Albania 24/7

HUNGARI-ORBAN-MBULIM.mpg_snapshot_00.08-1280x720.jpg
ent ela09:10 | 30/09/2019

Hungaria nuk do të largohet nga Bashkimi Evropian, tha kryeministri hungarez, Viktor Orban.

Ai  shtoi se anëtarët lindorë dhe perëndimorë të Unionit, duhet të gjejnë një kompromis, lidhur me, siç tha ai, të ardhmen e bllokut.

“Ne jemi anëtar të BE dhe kjo do të vazhdojë ”, tha Orban, gjatë një tubimi të partisë së tij.

Këto  komente të Orbanit, janë kundërpërgjigje ndaj kritikave që disa shtete të BE-së i kanë bërë Hungarisë, lidhur me sundimin e ligjit.

“Ky është shteti ynë, shtëpia jonë dhe askush, përveç hungarezëve, do të mund të vendosë për një gjë të tillë”, tha kryeministri hungarez, Viktor Orban. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono