BE-Shqiperi

OPOZITA-BOJKOT-BRUKSEL-1280x720.jpg
ent ela22:20 | 15/10/2018

Takimi i 13 i komitetit parlamentar të MSA-së BE-Shqipëri në Bruksel u hap me përplasje midis kryetares së delegaconit, Monica Macovei dhe deputetëve të opozitës. Thelbi i përplasjes ishte bashkëdrejtimi i seancës nga Taulant Balla, mbi të cilin deputë të opozitës konsiderojnë se rëndojnë disa akuza. Ata kanë bojkotuar sallën, ndërkohë që takimi në Parlamentin Europian ka vazhduar pa prezencën e tyre. Raportuesi për Shqipërinë, Knut Fleckenstein i ka ftuar deputetët e opozitës të paraqisin provat në Prokurori, ndërkohë që Monica Macovei ka shprehur keqardhje për bojkotin e opozitës.

Knut Fleckenstein, eurodeputet:  “Unë nuk jam prokuror, nuk jam polic, nuk jam gjyqtar. Ndoshta mund ta besoj se zoti Balla është një djalë i keq, ose jo. Mund të besoj të tjera histori, ose jo. Ajo për të cilen kemi nevojë janë provat. Ne kemi nevojë për prova dhe Prokuroria ka nevojë për prova. Nëse ka diçka, atëherë Partia Popullore ka krejtësisht të drejtë sëbashku me partinë demokratike dhe do të na duhet të komunikojmë se si do përballemi me këtë. Kërkesa ime për Partinë Demokratike është të bëjnë punën e tyre. Të shkojnë në Prokurori për të siguruar se të gjitha historitë që marr me shkrim ose me zë do trajtohen seriozisht dhe nëse ka diçka të vëretetë, ju mund të jeni të sigurtë se jo vetëm raportuesi, port ë gjithë kolehët do ta trajtojnë çështjen si duhet. Nuk është se nuk ju besojmë, por nuk na lejohet t’ju besojmë nëse s’e filloni procedurën normale. 

Monica Macovei, eurodeputete: Koha kur gabimet e një pale mbroheshin nga grupimet e tyre simotra europiane ka marrë fund. Grupimet ose partitë paneuropiane nuk mund të mbulojnë gabimet e partitve të një shteti joanëtar ose edhe të një shteti anëtar kur ato janë kundër vlerave europiane, kur ato dhunojnë shtetin ligjor, bojkotojnë parlamentin. Ne flasim për dialog politik konstruktiv. Ku është? Pse braktisje që në fillim me një deklaratë të shkruar paraprakisht?

Pasi kanë vlerësuar fillimin e zbatimit të reformës në drejtësi, përfaqësues të Komisionit Europian dhe aksionit të jashtëm të Bashkimit Europian kanë vendosur theksin te përpjekjet që duhet të bëë Shqipëria për përmbushjen e 5 kritereve për hapjen e negociatave të anëtarësimit në BE

 Clive Rumbold, EEAS: “Mos harrojmë kriteret e tjera të reformës së drejtëisë që janë të rëndësishme për shtetet anëtare  po fillon të ofrojë rezultatet e tij të para. Organet e reja të sistemit të drejtësisë duhet të ngrihen sa më shpejt të jetë e mundur siç është parashikuar në Kushtetutë Siç u nënvizua edhe nga përfaqësuesi i Komisionit Europian,zoti Kalen, shkolla e magjistraturës është thelbësore për ta bërë sistemin efikas. Edhe pse reforma e drejtësisë luan rol të rëndëisshëm në luftën kundër krimit të organizuar, ne duam të shohim  më shumë aksion dhe gjurma provash në luftën kundër krimit të organizuar dhe korrupsionit dhe duam t’i shohim ato tani. Gjithashtu kërkohet reforma zgjedhore përmes zbatimit të rekomandimeve të ODHIR. Reforma të tjera si ajo e pronave, çështja e të drejtat e njeriut dhe çështja e minoriteteve janë gjithashtu të rëndësishme.

Takimet parlamentare në kuadrin e marrëveshjes së stabilizim-asocimit kanë njohur shpesh debate të ashpra midis deputëtevë të mazhorancës dhe opozitës dhe delegacionit të Parlamentit Europian dhe kanë mbaruar disa herë edhe pa deklaratë të përbashkët. /abcnews.al

Gazetare e ABC News: Erisa Zykaj

 

 

vlcsnap-error323-1280x720.jpg
ent ela12:55 | 14/02/2018

Pas miratimit me unanimitet të rekomandimeve të komitetit parlamentar të stabilizim asociimit mes BE dhe Shqipërisë, të cilat i dërgohen institucioneve europiane si parlamenti europian dhe komisioni europian por edhe këshillit tonë të ministrave, ABC News ka zbardhur tekstin që mori të gjitha votat pro. Mes rekomandimeve spikat kërkesa e një date për çeljen e negociatave, por njëkohësisht theksohet nevoja për dokumentim të progresit në vend.

Kjo është marrëveshja e miratuar me unanimitet në forumin parlamentar mes BE dhe Shqipërisë.

Vijuar me të verdhë, kontributi i opozitës në rezolutë.

16 janë pikat e rekomandimeve të komitetit parlamentar të stabilizim asociimit ku bie në sy lajmi i mirë i kërkimit të një  date për çeljen e negociatave si shtysë e fortë për vendin.

Rezultate të dokumentuara, konkrete dhe të qëndrueshme priten nga reforma në drejtësi në përgjithsësi, dhe vettingu në veçanti; reforma elektorale si dhe në luftën kundër korrupsionit, krimit të organizuar, pastrimit të parave dhe në veçanti kultivimin dhe trafikimin e kanabisit.

Marrja e masave kundër trafikimit të çdo lloj droge, përfshi ato të forta, identifikimi i rrjeteve kriminale pas narkotrafikut, konfiskimi i pasurive të ardhura nga aktivitete kriminale në mënyrë të qëndrueshme, bindëse dhe të pakthyeshme.

Është pika 10 ajo e cila pasqyron amendametin blu që nënvizon se zyrtarët e lartë nuk duhet të përfitojnë nga trajtime të ndryshme nga ato ndaj qytetarëve të thjeshtë, nëse do të akuzohen.

Dokumenti na kujton në pikën 11 të tij se ka një lidhje të qartë mes  varfërisë, papunësisë së lartë, korrupsionit dhe lulëzimit të tregtisë së kanabisit.

Sa i përket zgjedhjeve, dokumenti përshëndet ngrtjen e komisionit të reformës edhe pse reformimin e sheh të vonuar, kërkon adresimin e gjithë rekomandimeve të OSBE/ODIHR përpara zgjedhjeve të ardhshme përfshi marrjen e masave të vazhdueshme që parandalojnë dhe ndalojnë blerjen e votës apo presionin mbi votuesit si përcakton edhe kodi penal. Nënvizon nevojën e rikthimit të besimit tek publiku sa i përket integritetit të procesit elektoral si dhe përfshirjen e shoqërisë civile në këtë process.

Ulja e mëtejshme e numrit të azilkërkuesve, përshëndetja e adoptimit të kuadrit ligjor për minoritetet dhe thirrja për eleminim të gjuhës së urrejtjes ndaj grupeve vunerabël ishin pjesë e dokumentit me rekomandime. Ajo që bie në sy është refuzimi i përfshirjes së gazetarëve në grupin e të mbrojturve nga gjuha e urrejtjes, duke konsideruar vetëm grupet vunerabël, tek të cilat përfshin edhe komunitetin LGBT.

Sa i përket lirisë së medias, palët duket se japin një pothuajse-rekomandim duke kërkuar asgjë më shumë apo më pak se zbatimin e shtrengimeve ligjore sa i përket lirisë së shprehjes dhe kodit të punës.

Në përfundim dokumenti përshëndet radhitjen e Shqipërisë kah Bashkimit Europian në politikat e sigurisë dhe ato të jashtme./abcnews.al

vlcsnap-error879-1280x720.jpg
ent ela08:52 | 13/02/2018

Zbatimi i reformës në drejtësi, çështja Tahiri si dhe lufta kundër kanabisit ishin disa nga temat e disktuara në ditën e parë të takimit të komitetit të stabilizim asociimit mes BE dhe Shqipërisë.

Diskutimi u organizua në bazë të rendit të ditës ku çështja Tahiri, kultivimi i kanabisit dhe procesi i vënies në zbatim të reformës u kthyen në lejtmotiv të bisedës. Për dy të fundit, përgjigjen e dha ambasadorja e BE, Romana Vlahutin.

Ministri i jashtëm Ditmir Bushati, si për të përforcuar të dy rastet, përdori kartën e cedimit të pushtetit në emër të drejtësisë së ardhur nga jashtë.

Sa i përket pikës së rendit të ditës përgjegjëse për progresin në implementimin e reformës në drejtësi dhe procesit të vettingut…

Për opozitën gjëndja e asaj që quhet reform në drejtësi por që është shumë larg saj sot, është kjo..

Dakordësia nuland-hahn ishte që duhej konsensusi i opozitës. Nga shtatë ligjet vetëm njëri me consensus. Disa prej këtyre ligjeve janë gjetur në shkelje nga GJK. Nuk është ligji i vettingut ligji kryesor i reformës është ai i KLP KLGJ. Kush thotë është humbje kohe ankimimi në GJK . Ka kandidatë që ONM i sheh të paaftë ka dhe të tjerë ish gjyqtarë dhe ish prokuror. Procesi është nul.

Sai përket dialogut politik në funksion të integrimit europian të Shqipërisë ..

Do duhen shumë reforma dhe ligje të tjera që merren me shumicë të cilësur, pra me një bashkëpunim të madh mes qeveris dhe opozitës. Baza vjen nga diskutimet politike. Dialog politik do të thotë një grup masash.

Takimi do të zgjasë dy ditë, në përfundim të të cilit pritet të miratohen edhe rekomandimet e përbashëta. Kjo vjen pas diskutimit ku rendi i ditës prek edhe çështje të nxehta sa i përket integrimit të Shqipërisë në BE./abcnewsa.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono