bdi

bujar-osmanii.jpg
G. P.16:12 | 01/09/2019

Zv/kryeministri i Maqedonisë së Veriut, Bujar Osmani ka deklaruar se nga menaxhimi i çështjes “Zhvatja” do të varet përgjigja e BE-së për hapjen e negociatave të anëtarësimit. Osmani ka bërë thirrje për konsensus politik për çështjet që kanë të bëjnë me të ardhmen e vendit.

Numri dy në qeverinë e Maqedonisë së Veriut, Bujar Osmani, ka pranuar se afera “Zhvatja” në të cilën rezulton të jetë e implikuar edhe Katica Janeva, ish-prokurorja speciale e zgjedhur për luftimin e korrupsionit dhe krimit të organizuar ka për të dëshmuar pjekurinë e institucioneve të sistemit për t’ju shkuar deri në fund reformave të filluara.

“Qëndrimi im është se këtë gjendje krize mund ta shndërrojmë në mundësi  në qoftë se institucionet përgjigjen me seriozitet dhe në mënyrë efikase, transparente dhe të paanshme e zbardhin këtë rast deri në fund, pavarësisht implikacioneve që mund të ketë. Kriminelë dhe krime ka gjithandej. Dallimi mes shteteve është nëse keni institucione të cilat ia dalin të ballafaqohen me problemin pa subjektivizëm”, tha zëvendëskryeministri për Çështje Evropiane duke pranuar se nga mënyra se si do të trajtohet rasti “Zhvatja” do të varet edhe reagimi i Bashkimit Evropian për marrjen apo jo të datës për fillimin e negociatave.

Në këtë rrafsh, Osmani ka shprehur shpresën se kanë për t’u tejkaluar dallimet mes mazhorancës dhe opozitës lidhur me propozim-ligjin për Prokurorinë Publike, me të cilin mëtohet edhe zgjidhja e statusit të Prokurorisë Speciale Publike që aktualisht është vënë në qendër të vëmendjes së publikut.

“Nevojitet vetëm vullnet serioz politik dhe ulje pranë tavolinës, me qëllim të tejkalimit të tyre. Gjithçka që është brenda vijave të kuqe të vendosura nga Bashkimi Evropian, por edhe ne si QEVERI, për shkak se duhet të ketë institucion që përballet me kriminalitetin në nivel të lartë dhe të gjitha rastet qofshin nga përgjimet, qofshin jashtë përgjimeve, për të cilat ka indikacione, duhet të zbardhen me një procedurë gjyqësore. Brenda këtyre kornizave, kujtoj se ka hapësirë për kompromis dhe unë jam optimist se do të arrihet kompromis për Ligjin për Prokurorinë Publike”, tha Osmani në një intervistë të gjatë për seksionin maqedonas të radios Evropa e Lirë.

Në të ai ka folur edhe për marrëdhëniet mes Bashkimit Demokratik për Integrim dhe partive maqedonase, në pushtet dhe opozitë, duke nënvizuar se qëllimi i integristëve është që të krijohet sa më shumë hapësirë për konsensus lidhur me çështje kryesore politike me të cilat po ballafaqohet Maqedonia e Veriut./ABC News Albania 24/7

bdi-1280x737.jpg
Sej rie19:00 | 12/08/2019

Partia shqiptare BDI ka deklaruar se rasti “Zhvatja” duhet të hetohet deri në fund dhe për këtë arsye mbështet projektligjin e qeverisë për prokurorinë publike. Ndërkohë, presidenti Pendarovski i ka bërë thirrje klasës politike që të bëjë kujdes me akuzat, pasi ato mund të nxisin euro-skeptikët.

Partneri shqiptar i koalicionit po bën gjithçka që sa më shpejt të votohet ligji për Prokurorinë Publike, me qëllim që ti jepet shans vendit për hapjen e negociatave në tetor, tha zëvendëskryeministri, Bujar Osmani. Edhe pse për ligjin po negociojnë vetëm dy partitë maqedonase, Osmani thotë se kjo nuk do të thotë që shqiptarët janë të përjashtuar nga procesi, por dallime kryesore janë mes tyre. E BDI i ka vijat e veta të kuqe.

Bujar Osmani, zëvendës kryeministër:  “Hetim i plotë i të gjitha rasteve që dalin nga përgjimet dhe hetim të rastit të fundit që e njohim si ‘Zhvatja’”.

BDI përkrah propozim-ligjin e qeverisë që është në procedurë parlamentare, por nëse ka ankesa do ti parashtrojnë në formë të amendamenteve. Ndërkohë, presidenti i bëri thirrje politikës që të ketë kujdes, për shkak se çdo skandal mund të përdoret si argument i euro-skeptikëve për ta kundërshtuar procesin e zgjerimit.

Pendarvoski, president i RMV:  “Deri në këtë moment, nga informatat që unë i kam nga Unioni Evropian, Komisioni evropian, nuk ka ndryshim tek asnjë anëtarë, në drejtim të asaj që ta rishqyrtojnë qëndrimin e tyre, kurse e dini se anulimi i qershorit, korrikut ka qenë për shkak arsyeve teknike. Por e përsëris, ne duhet ti frymë edhe kosit… Edhe afera më të vogla se kjo do të jenë arsye për disa vende që nuk e duan projektin e zgjerimit, të thotë se nuk na duhet Ballkani Perëndimor”.

Edhe Osmani, por edhe Pendarovski janë të mendimit se zgjedhje të parakohshme nuk është mirë të ketë në një periudhë kur duhet të përmbyllen çështje të rëndësishme për procesin integrues të vendit. Por për BDI-në, tetori i 2020 është datë e pranueshme./ABC News Albania 24/7

 

bdi-1280x725.jpg
Sej rie16:40 | 01/06/2019

Bashkimi Demokratik për Integrim, në Maqedoninë e Veriut, përmes zëdhënësit Bujar Osmani bëri të ditur se cështjen e bisedave të përgjuara që publikohen në rrjetet sociale, e ku dëgjohen zëra të funksionarëve të lartë partiak, duhet ta shqyrtojnë institucionet përkatëse.

Bashkimi Demokratik për Integrim, nuk shqetësohet e as që ndërmerr masa pas publikimit të përgjimeve të jashtëligjshme, ku dëgjohen zyrtarë të lartë të kësaj partie nga personi me nofkën “El Cheka”. Zëdhënësi I integristëve Bujar Osmani vlerëson se “bombat” janë ekskluzivisht obligim i institucioneve.

Ndërkaq, profili “El Cheka” në rrjetin social “Facebook”, pas të cilit qëndron një 28-vjeçar nga Kërcova, nga ku publikohen të ashtuquajturat “bomba” të funksionarëve të BDI-së, është mbyllur, por El Cheka ka hapur një profil të ri ku gjatë ditës janë publikuar përgjime të reja.

Nga Prokuroria në Shkup thonë se për shkak të problemeve teknike për kanalin e drejtpërdrejtë mes Ministrisë së Jashtme dhe “Facebook”-ut, kërkesat e tyre për mënjanimin e përgjimeve të “El Chekës” janë dërguar përmes ndihmës juridike ndërkombëtare, kurse Ministria e Brendshme konfirmon se është siguruar një kanal alternativ për bashkëpunim me “Facebook”-un dhe se ky bashkëpunim funksionon normalisht. Përgjime të jashtëligjshme përveç se në “Facebook” janë publikuar edhe në rrjetin YouTube./ABC News Albania 24/7

maqedoni-1280x694.jpg
ent ela23:22 | 25/02/2019

Parlamenti i Maqedonisë së Veriut nuk arriti t’i heqë imunitetin ish-kryetarit Trajko Veljanovski, në lidhje me ngjarjet e dhunshme të 27 prillit. Pas seancës, LSDM ka akuzuar partneren shqiptare të koalicionit, BDI, për marrëveshje të fshehtë me VMRO-në.

Ua kreva punët e mëdha, e tani mos mendoni se do të më hidhni sikur leckë, tha kryetari i Kuvendit, Talat Xhaferi në konferencë për media, por nuk deshi të flas për vendime politike, dhe se kujt ia adresoi këtë mesazh. Mos votimi i djeshëm për marrjen e imunitetit të Trajko Veljanovskit, ndezi alarmin tek LSDM-ja. Që mbrëmë, akuza të drejtpërdrejta vinin nga partia e kryeministrit, se Xhaferi dhe BDI, janë marrë vesh me VMRO DPMNE-në që imuniteti mos ti merret ish kryetarit të Kuvendit, i cili akuzohet për 27 prillin. Xhaferi dha arsyet përse e ka ndalur seancën.

Talat Xhaferi: “Seanca është ndalur për shkak se kaloi koha për të sjellë vendim. Seanca është ndaluar për shkak të sjelljes së deputeteve, posaçërisht për shkak të deputetit të shumicës, Muhamed Zekiri. Çka dhe si tha nuk është puna ime ta them, por në një situatë të tillë, neni 60 i Rregullores e përcakton, nëse prishet rendi seanca ndërpritet”.

Por kjo nuk është hera e parë që Xhaferi punon nën presion. Ai nuk e ndali seancën kur Gruevski e sulmoi për ligjin për gjuhët, e nuk e ndali as kur deputetet e VMRO DPMNE-së pa lejen e tij e merrnin fjalën. Problemi ka nisur diku tjetër, thotë Artan Grubi.

Sinkron Artan Grubi, deputet i BDI-së…

Fjalët e Grubit janë gënjeshtër e pastër, sipas deputetit, Pavle Bogoevski. Ai tha se disa herë ka tentuar ta kontaktojë deputeten Mirsada Emini Asanin, por ajo nuk iu është përgjigjur.

Pavle Bogoevski, deputet“Kur votohej në komision, unë tre herë tentova ta marr në telefon kolegen, Mirsada Emini Asani dhe i dërgova sms porosi. Dy herë ma ndali telefonin! Herën e tretë, gabimisht me shumë gjasa u paraqit dhe 12 sekonda heshti para se ta ndalë. Prej atëherë më nuk e kërkova. Kur filloi vazhdimi i fundit i komisionit, unë nuk kam pasur informacion se kolegeje do të vijë”.

Reaksione erdhën edhe nga opozita shqiptare. E situata e krijuar alarmoi LSDM-në. Kryesia do të mblidhet sot për të sjellë vendim se si do të vazhdojnë më tutje./abcnews.al

ALI-AHMETI-NE-KLAN-MAQEDONI-ABC-M-4-T-2-HD.mpg_snapshot_00.02-1280x720.jpg
G. P.09:02 | 09/11/2018

Kryetari i Bashkimit Demokratik për Integrim, Ali Ahmeti në emisionin Klan Debat të Klan Maqedonisë tha se ndryshimet kushtetuese duhet të përfundojnë nga muaji Janar. Ai nënvizoi se BDI nuk ka hequr dorë nga zgjedhja e presidentit konsensual. Zgjedhjet për këtë post zhvillohen vitin e ardhshëm.

Në emisionin e mbrëmshëm Klan Debat, përballë gazetarëve e analistëve politik kreu i ingristeve Ali Ahmeti ka folur për zhvillimet e fundit në vend. Kreu i integristëve Ali Ahmeti duke komentuar zhvillimet e fundit politike vlerësoi se Marrëveshja e Prespës është një hap shumë i rëndësishëm për vendin. Sipas tij i gjithë procesi rreth ndryshimeve kushtetuese konform kësaj marrëveshjeje, duhet të rrumbullaksohet nga mesi i janarit.

Ahmeti është shprehur kundër idesë për zgjedhje të parakohshme parlamentare duke vlerësuar se ata nuk janë zgjidhje për problemet aktuale. Ai shprehet se BDI akoma nuk ka hequr dorë nga presidenti konsensual, duke lënë të kuptohet se ka emra kandidatësh për zgjedhjet presidenciale të vitit të ardhshëm.

Ali Ahmeti, kryetar i BDI: “Zgjedhjet e parakohshme nuk janë zgjidhje për problemet aktuale, e sidomos për procesin e nisur tashmë. Në janar, Parlamenti grek do ta ratifikojë ftesën për në NATO, që pastaj të vazhdojë me vendet tjera. Është proces i pakthyeshëm. Nuk ka proces të lehtë, nuk ka zhvillime që mund të thuhet lehtësisht se janë kaluar, ka pasur debate nga më të ndryshmet, qoftë me pozitën apo opozitën, por gjërat kanë hyrën në binarë pa kthim dhe jam shumë i sigurt se 15 janari do të jetë rezultati i shumëpritur Përsëri them që do të gjejmë energji që zhvillimet të kapërcehen pa dhimbje dhe pa pasoja për proceset”.

Ahmeti u pronocua edhe rreth zhvillimeve në familjen e tij partiake pa përjashtuar mundësinë e riformatimit qeveritar.

Lideri i Bashkimit Demokratik për Integrim duke komentuar formimin e Komisionit për pajtim theksoi se iniciativa është e kryeministrit Zoran Zaev. Ai shtoi se deputetët që votuan për nevojën e ndryshimeve kushtetuese, votuan me bindje dhe pa Pazar kurse Marrëveshja e Prespës nuk është e rëndësishme vetëm për Maqedoninë, por për të gjithë rajonin./abcnews.al

lsdm.png
G. P.22:25 | 26/10/2018

Në prag të seancës së radhës për ndryshimet kushtetuese që rrjedhin nga marrëveshja e Prespës, shumica qeverisëse ka ftuar sërish opozitën për bashkëpunim. Por si LSDM edhe BDI kanë paralajmëruar se pajtimi politik nuk duhet kurrësesi të sjellë amnisti për personat e akuzuar për krime të rënda.

Të hënën në Kuvend vazhdon procedura e nisur për ndryshimet kushtetuese konform Marrëveshjes së Prespës me Greqinë për shtesën gjeografike të emrit të Repupblikës së Maqedonisë. Debati, sipas rregullores, mund të konsumojë deri në dy muaj e gjysmë. Aleksandër Kiracovski nga Lidhja Socialdemokrate e Maqedonisë shpreson se opozita do të përfshihet në debatin në komisionet parlamentare, si dhe në atë në seancën plenare.

Aleksandër Koracovski: “Shpresoj se opozita do tejkalojë problemet e brendshme dhe do t’i shkrijë interesat partiake në interesa kombëtare. Bashkarisht do të marrim pjesë në procesin e pajtimit, por amnisti për ata që kanë kryer vepra të rënda penale nuk do të ketë”.

Sipas nënkryetares së BDI-së, Teuta Arifi, vullneti politik për pajtim, po ashtu shperehje drejt objektivit të përbashkët, integrimit në NATO dhe në BE, duhet të ketë mbështetje ligjore.

Teuta Arifi: “Eksperienca e mëhershme ka qenë që procedurat e nisura kanë vijuar deri në përfundime ligjore që janë sjellë nga parlamenti. Edhe në të kaluarën ka pasur kështu rastesh, por e rëndësishme është që është dëshmuar edhe vullnet politik”.

Analisti politik Albert Musliu beson se është e mundur që shumica e dy të tretave në Kuvend që dha dritën jeshile për nisjen e procesit të ndryshimit të Kushtetutës të rritet edhe më shumë:

Albert Musliu: “Jam i bindur se numri i deputetëve që mendojnë se implementimi i Prespës nuk ka alternativë dhe nëse zhvillohet debat konstruktiv, në fund të procesit numri i deputetëve do të jetë më i madh se ai që ishte fillimisht”.

Karshi kësaj, shtrohet edhe dilema nëse kushtet e parashtruara nga tetë deputetët opozitarë, vendimtarë për për arritjen e dy të tretave, mund të jenë barrierë për vënien në jetë të Marrëveshjes me Greqinë. Këtë mundësi nuk e përjashton as analisti Aleksandër Kërzhalovski:

Aleksandër Kërzhalovski: “Në çdo rast, interes i këtyre tetë deputetëve do të jetë që të shpëtohet sa më shumë nga Marrëveshja me Greqinë, të forcohet identiteti maqedonas, të merren garaci plotësuese se Greqia do t’i respektojë obligimet e veta, përkatësisht se nuk do të ketë reperkusione, gjithnjë përderisa ata nuk i përmbushin detyrimet e veta”’.

Musliu dhe Kërzhalovski nuk përjashtojnë mundësinë që gjatë debatit parlamentar për ndryshimet kushtetuese , subjekte politike, sikurse partitë opozitare shqiptare, ashtu edhe VMRO-DPMNE-ja, të paraqesin kërkesa respektivisht amendamente të tyre./abcnews.al

 

zijadin-sela.png
G. P.21:38 | 02/10/2018

Për kryetarin e partisë Aleanca për Shqiptarët, Zijadin Sela, referendumi i së dielës në Maqedoni ishte një kurth i opozitës. Në një intervistë për televizionin Klan MAQEDONIA, Sela ka deklaruar se referendumi vetëm sa ka komplikuar situatën politike në vend. Sa i takon zërave për një koalicion me opozitën për të tejkaluar ngërçin politik, Sela është shprehur se në këtë mënyrë kryeministri Zaev do të amnistojë krimet që qeveria e kaluar Gruevski-Ahmeti bëri ndaj shqiptarëve.

Kryetari i partisë Aleanca për Shqiptarët, Zijadin Sela, duke komentuar zhvillimet e fundit në Maqedoni ka deklaruar se mbajtja e referendumit për të futur në fuqi marrëveshjen me Greqinë dhe ndryshimet kushtetuese ishte i panevojshëm. Në një intervistë për filialin maqedonas të televizionit Klan, Sela ka nënvizuar se duke shkuar në referendum, qeveria ra në grackën e opozitës.

Zijadin Sela:  “Referendumi e ka komplikuar situatën. Numri i artë prej 80 deputetësh do të arrihej pa referendum. Referendumi ishte një karrem që e gëlltiti qeveria, sepse opozita e dinte se referendumet çdo herë kanë dështuar sepse është i fryrë numri i votuesve dhe nuk arrihet censusi. Tani opozita ka argumentin për të kundërshtuar ndryshimet kushtetuese vetëm e vetëm për interesin politik ditor”.

Sidoqoftë, Sela ka shprehur shpresën se Maqedonia mund ta tejkalojë këtë ngërç në Parlament nëse partitë vendosin interesat kombëtare mbi ato politike.

Zijadin Sela: “Besoj se do të gjenden njerëz të arsyeshëm brenda opozitës maqedonase, që do të japin kontributin që të arrihet 80-shi, por situata është e komplikuar”.

I pyetur se cilën rrugë do të zgjedhë Maqedonia mes zgjedhjeve të parakohshme dhe një koalicioni qeverisës gjithëpërfshirës, Sela nuk ka përjashtuar asnjë prej tyre. Por ai ka theksuar se, në rast të një koalicioni do të amnistohet përndjekja që dyshja Gruevski-Ahmeti u bëri shqiptarëve gjatë qeverisjes së kaluar.

Zijadin Sela: “Asgjë nuk është e pamundur. Varet se cili është përcaktimi dhe qëllimi që kërkon të arrish. Duke përfaqësuar atë pjesë të popullsisë më të prekur nga koalicioni i kaluar dhe i interesuar që drejtësia të mos bëhet vetëm ndaj palës maqedonase, por edhe aleatit të saj BDI, mendoj se VMRO do të amnistojë funksionarët e saj. Por çfarë bën LSDM-ja? LSDM-ja në momentin që kundërshton idenë e amnistimit të krimit të VMRO-së amniston korrupsionin dhe krimin politik të partnerit të tij, BDI”.

Ndërsa ka hedhur poshtë akuzat për abuzim gjatë kohës kur ka qenë kryetar i Bashkisë së Strugës, Sela ka shtuar se kryeministri Zaev nuk është i besueshëm për shkak se kur ishte ministër i Shëndetësisë kishte akuzuar partnerin e tij të koalicionit, Ali Ahmeti, për përvetësim fondesh./abcnews.al

billle.jpg
ent ela22:09 | 20/03/2018

Ministri maqedonas i Drejtësisë ka dhënë dorëheqjen pas vendimit të gjykatës që la të lirë autorin e aksidentit rrugor që i mori jetën një 4-vjeçari shqiptar.

Ministri i Drejtësisë në Maqedoni, Bilen Saliji ka dhënë këtë të martë dorëheqjen nga detyra, pas vendimit të gjykatës për shfajësimin e autorit të një aksidenti që i mori jetën një të mituri shqiptar. Vendimin e tij, Saliji e ka bërë të ditur në një konferencë për shtyp, ku ka nënvizuar se dorëheqja është një akt moral. 4-vjeçari Almir Aliu humbi jetën në një aksident 2 vjet më parë dhe autori Boban Iliç u la i lirë nga gjykata, që anuloi akuzën e vrasjes.

Unë, si njeriu i parë i drejtësisë në ekzekutiv ndjej obligim moral të jap dorëheqjen si akt që shpresoj do të jetë sensibilizues edhe më i madh për vemndjen e institucioneve dhe shoqërisë në gjyqësor”.

Në fjalën e tij, Saliji ka thënë se rasti në fjalë ka lëkundur përkushtimin e tij për reformën në gjyqësor. Ai ka theksuar se, që nga marrja e detyrës është fokusuar në realizimin e pikave kyçe të saj, veprimtari që sipas tij është reflektuar në rastin e proceseve “Sopoti” dhe “Monstra”./abcnews.al

 

23022170_10212578578518390_1798522095_n.jpg
us er10:21 | 30/10/2017

LSDM dhe BDI fituan shumicat e komunave në raundin e dyte të zgjedhjeve lokale qe u mbajt dje në Maqedoni. Ndersa mbeten per tu numeruar votat ne 4 komuna, VMRO-DPMNE dhe lëvizja shqiptare BESA thanë se nuk do të njohin rezultatin dhe kërkuan zgjedhje të parakohëshme. Lidhja socialdemokrate maqedonase dhe Bashkimi Demokratik për Integrim i shqiptarëve kryesojnë raundin e balotazhit të zgjedhjeve lokale të së dielës në Maqedoni. Një proces që kontestohet megjithatë nga partia e ish-kryeministrit Nikolla Gruevski VMRO-DPMNE. Rezultatet paraprake të Komisionit Qëndror të Zgjedhjeve tregojnë se LSDM-ja e kryeministrit Zaev është fituese në 17 komuna. BDI rezulton fituese deri më tani në 6 komuna, mes të cilave në Tetovë e Strugë, ku triumfuan përkatësisht Teuta Arifi dhe Ramiz Merko. Mes partive të tjera shqiptare, Aleanca për Shqiptarët ka siguruar fitoren në 3 komuna, Leviza Besa në një po aq sa edhe PDSH. Ndërsa VMRO-DPMNE e Nikolla Gruevskit ka siguruar fitoren vetëm në dy nga komunat ku u zhvillua balotazhi. Përmes një deklarate për shtyp, VMRO tha se nuk e njihte rezultatin dhe kërkoi mbajtjen e zgjedhjeve parlamentare të parakohëshme. Kontestim dhe kërkesë për zgjedhje parlamentare të parakohëshme shprehu edhe drejtuesi i Partisë shqiptare BESA, Bilall Kasami i cili tha se me këtë rezultat BDI-ja u shndërrua në degë të LSDM-së, duke i dhënë asaj ndihmë që i ktheu socialdemokratët e Zoran Zaevit në sovranë të shumicës së shqiptarëve. Por në reagimin e tij, kryeministri Zaev kërkoi nga partia e Nikolla Gruevskit që të mos hapë probleme, por të njohe rezultatin e zgjedhjeve. Aktualisht numërimi vijon në katër komuna.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono