bazel

jorida-tabaku.jpg
G. P.13:01 | 11/10/2018

Nënkryetarja e Komisionit të Ekonomisë Jorida Tabaku ka publikuar Indeksin e Baselit, raportin tregues për pastrimin e parave, duke e quajtur alarmin e dytë ndërkombëtar, pas atij të Departamentit Amerikan të Shtetit, që bie për vendin tonë sa i përket kësaj veprimtarie kriminale.

Jorida Tabaku, nënkryetarja e Komisionit të Ekonomisë: “Indeksi i Bazelit, nënvizon edhe një herë Shqipërinë si një vend ku pastrohen paratë dhe që nuk ka asnjë përmisim të ndjeshëm në raport me një vit më parë. Lojërat e fatit, ndërtimi dhe hoteleria dhe pikat e këmbimit janë fushat kryesore ku kjo ndodh. Indeksi i Bazelit 2018 nënvizon qartë se Lavatriçja më e madhe në Ballkan jemi fatkeqësisht ne, Maqedonia dhe Mali i Zi kanë përmirësime të ndjeshme”.

Të njëjtin shqetësim kanë ndarë sipas saj edhe Raportet e Bankës së Shqipërisë që flasin për sasi marramendëse eurosh që blihen për të kthyer brenda logjikës ekonomike kursin e këmbimit, apo raporti i DASH dhe EUROPOL, të përforcuara nga deklaratat e fundit të raporterit për Shqiëprinë Eduard Kukan.

Çdo ditë, thekson Tabaku, raportet ndërkombëtare flasin të vërtetën që opozita e thërret prej vitesh, që ndërsa qeveria përpiqet të maskojë të vertetën me propagandë, teksa raportet ndërkombëtare fatkeqësisht na konsiderojnë një lavatriçe perfekte për pastrimin e parave të pista, përfundon ajo./abcnews.al

xhakka.jpg
G. P.16:47 | 24/08/2018

Taulant Xhaka është një hap më pranë grumbullimit në kombëtare. Shqiptari nga Kosova u aktivizua si zëvendësues në Ligën e Europës, në ndeshjen e fituar nga ekipi i tij, Bazeli.

Nuk ishte zgjedhur të ishte titullar, por gati ishte. Bazeli hyri në fushë në ndeshjen e Ligës së Europës ndaj Apolonit të Limasolit vetëm me shqiptarin Albian Ajeti, ndërsa Taulant Xhaka e ndoqi një pjesë të mirë të sfidës nga stoli.

Gjithsesi, trajneri Marsel Koler, vendosi t’ia jepte shansin në minutën e 66 dhe mesfushori mbrojtës hyri në lojë me dëshirën më të madhe. Dëmtimi u la tashmë pas, ndërsa minutazhi në këmbët e tij po shtohet, diçka që do ta ndihmojë pa dyshim të jetë i pranishëm në ndeshjet e ekipit kombëtar.

Me gati 30 minuta aktivizim në play off-in e Ligës së Europës, mund të thuhet se sezoni po fillon në mënyrën më të mirë për shqiptarin e Kosovës. Pak ditë më parë ai ishte në formacion në ndeshjen e Kupës së Zvicrës, ndaj edhe besohet se trajneri i ekipit përfaqësues, Christian Panucci, do ta thërrasë për takimet e Ligës së Kombeve ndaj Izraelit dhe Skocisë.

Bazeli e fitoi ndeshjen 3-2 me përmbysje, ndonëse pritet ta ketë shumë të vështirë në takimin e kthimit në Qipro. Një lajm i mirë për kombëtaren, e cila ka pasur mjaft lojtarë të dëmtuar dhe jashtë forme kohët e fundit./abcnews.al

shaqiri.jpg
G. P.16:10 | 07/06/2018

Xherdan Shaqirit i ofrohet shansi i tretë i madh në karrierë. Shqiptari i Zvicrës kërkohet nga ekipi nënkampion i Europës, Liverpool.

Është padyshim një nga më të talentuarit.

Xherdan Shaqiri njihet për golat dhe veprimet e tij spektakolare, ndërsa një tjetër shans i madh i afrohet në karrierë.

Shqiptari i Zvicrës kërkohet nga Liverpool-i, me trajnerin Jurgen Klop që dëshiron të forcojë edhe më shumë skuadrën, për të synuar trofe sezonin e ardhshëm.

26-vjeçari nga Kosova luan aktualisht për Stoke City-n, skuadër që sapo ra nga Premier Liga, dhe besohet se është i vendosur të kthehet sërish në elitën e futbollit anglez.

Ai mund të merret për vetëm 15 milionë euro, thuajse falas për standardet e Anglisë dhe për talentin që zotëron.

Shaqiri e nisi karrierën në Zvicër me Bazelin, pastaj kaloi tek Bayern-i ku fitoi Bundesligën dhe Championsin, por nuk zuri dot vend, ashtu siç nuk ia doli tek Interi në Serinë A.

Klop, gjithsesi, nuk ka dyshim për kapacitetin e sulmuesit, dhe mediat britanike njoftojnë se Liverpool-i ka bërë progres në bisedimet me Shaqirin, por dhe me lojtarin e Monakos, Nabil Fekir.

Shqiptaro-zvicerani po bëhet gati me Zvicrën për një Kupë Bote të suksesshme në Rusi, dhe ka mundësi që e ardhmja e tij të vendoset përpara fillimit të turneut.

Liverpool-i arriti në finalen e Championsit pas një edicioni të shkëlqyer, ndonëse aty humbi me Realin, ndërsa zuri vendin e katërt në kampionat, duke u kualifikuar sërish për në Ligën e Kampionëve.

Klop synon që skuadra e tij të pretendojë Championsin dhe Premier Ligën sezonin e ardhshëm, ndaj po kërkon përforcime, duke mbajtur edhe lojtarët kryesorë si Salah, Firminho apo Mane.

Trajneri gjerman, përveç Shaqirit dhe Fekirit, kërkon edhe një portier të nivelit të lartë që mund të jetë Alison i Brazilit dhe Romës, ose Oblak i Atletikos së Madridit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono