bayern munchen
Sandro Tonali cilësohet si Pirlo i ardhshëm

Odriozola-1.jpg
Igli Nikolli16:51 | 22/01/2020

Bayern Munchen arriti akordin me Real Madrid dhe përforcoi mbrojtjen me Alvaro Odriozola. 24-vjeçari spanjoll aktivizohet në rolin e mbrojtësit të djathtë dhe është huazuar deri në fund të sezonit te kampionët e Gjermanisë.

Shefi ekzekutiv i klubit bavarez, Karl-Heinz Rummenigge është i lumtur për afrimin e lojtarit të kombëtares spanjolle. Odriozola ishte një kërkesë e trajnerit Flick dhe drejtuesi gjerman falënderon klubin spanjoll për këtë bashkëpunim.

Pasi e diskutuam mes nesh, vendosëm të plotësonim dëshirën e trajnerit Hansi Flick për të përforcuar mbrojtjen. Vendosëm të zgjidhnim Odriozolën dhe jemi të kënaqur me këtë afrim. Falënderojmë edhe Realin për bashkëpunimin miqësor“, thekson Rummenigge për sajtin e Bayernit. /abcnews.al

odriozla-1280x720.jpg
Vladimir Prenga11:18 | 22/01/2020

Bayern Munich ka transferuar mbrojtësin e Real Madrid, Alvaro Odriozola. Për të interesoheshin edhe Sevilla e Atheltic Bilbao, por bavarezët në fund e bindën lojtarin dhe klubin spanjoll. Mbrojtësi tashmë ka arritur në Mynih dhe pritet të kryejë vizitat mjekësore. Më pas do të vijë edhe firma.

“Pas diksutimeve të brendshme, ne vendosëm t’i plotësojmë kërkesën trajnerit tonë Hans Flick për një përforcim në mbrojtje dhe vendosëm bashkërisht të afrojmë Alvaro Odriozola. Jemi të lumtur për angazhimin e tij në klubin tonë dhe dëshirojmë të falënderojmë drejtuesit e Real Madrid për bisedimet miqësore dhe bashkëpunimin”, është shprehur CEO i Bayern, Karl-Heinz Rummenigge.

Drejtori sportiv, Hasan Salihamidzic, u shpreh: “Jemi të bindur se Alvaro Odriozola dop ta ndihmojë ekipin tonë me cilësitë e tij”. Mbrojtësi i djathtë në të shkuarën ka qenë pjesë e Real Sociedad dhe madrilenët paguan për të plot 40 milionë euro, por këtë sezon nuk ka pasur hapësira dhe zgjidhja më e mirë ka qenë huazimi i tij. /abcnews.al

Coutinho.jpg
Vladimir Prenga09:59 | 22/01/2020

Bayern Munchen duket se ka arritur ne një përfundim për të ardhmen e Philip Coutinho. Sulmuesi brazilian, sipas asaj që Bild raporton, nuk i ka bindur drejtuesit e klubit bavarez që të vendosin për të aktivizuar klauzolën që u jep mundësinë ta blejnë nga Barcelona.

Ata nuk janë të kënaqur me rritjen e lojtarit, prej të cilit presin shumë. 100 milion euro janë një sasi e madhe parash dhe Bayern Munchen nuk mendon se është lëvizja e duhur shpenzimi i tyre për transferimin përfundimtar të Coutinho.

Kështu në verë braziliani pritet të kthehet te Barcelona. Me Bayern Munchen, sulmuesi është aktivizuar në 16 ndeshje në kampionat dhe 12 prej tyre i ka nisur nga minuta e parë. Futbollisti 27-vjeçar në Bundesliga ka shënuar 6 gola, kurse në Champions e ka gjetur rrugën e rrjetës vetëm një herë. /abcnews.al

Lewandowski-e1579616360540.png
Igli Nikolli15:23 | 21/01/2020

Bayern Munchen e nisi shumë mirë vitin 2020 me fitoren 0-4 kundër Hertha Berlin. Kampionët e Gjermanisë shënuan katër herë në pjesën e dytë dhe Robert Lewandovski realizoi golin e dytë të ekipit të tij.

Rrjeta e 20-të në kampionat për polakun, i cili ndan kreun e golashënuesve më të mirë me Werner të Leipzig. Në një prononcim për Bild, 30-vjeçari thur elozhe për Thomas Muller dhe analizon të mirat që i sjell aktivizimi i gjermanit.

E kam më të thjeshtë për të shënuar kur kam Muller në krah. Thomas më ndihmon shumë, merremi vesh shumë mirë bashkë. Ai bën disa lëvizje drejt topit dhe drejt portës që më lejojnë mua të lëviz më mirë në fushë. Muller lëviz dhe vrapon shumë, kjo gjë më ndihmon.

Kur ai është në formacion kemi gjithmonë një lojtar më shumë në zonën kundërshtare dhe unë kam më shumë hapësira. Shpeshherë markohem nga dy-tre lojtarë, por kur është Muller duhet të mendojnë edhe për të. Shpresoj që do të luajmë edhe më shumë së bashku, besoj se do të ndodhë diçka e tillë“, përfundon bomberi polak. /abcnews.al

 

Muller dhe Lewandovski
Real-MAdrid.png
Vladimir Prenga08:56 | 21/01/2020

Real Madrid e bleu atë për 40 milion euro në verën e vitit 2018, por Alvaro Odriozola nuk ka pasur shumë hapësira. Këtë sezon ai ka luajtur vetëm në katër ndeshje në La Liga dhe 17 herë është lënë jashtë skuadre. Nisur nga kjo situatë edhe largimi është menduar prej tij.

Mediat në Spanjë raportojnë se mbrojtësi mund të largohet tani në huazim dhe për të interesohen disa klube. Sevilla e ka në listën e dëshirave mbrojtësin e djathtë, por konkurrenca është e madhe. Edhe Athletic Bilbao synon ta marrë borxh lojtarin me origjinë baske, i cili më parë ka qenë pjesë e Real Sociedad.

Gjithsesi Odriozola ka “fansa” edhe jashtë Gjermanie dhe bëhet fjalë për një klub të madh si Bayern Munchen, që sikurse dihet ka raporte mjaft të mirë me Real Madrid. 24-vjeçari është në pritje të lajmeve, pasi dëshira e tij është të luajë dhe momentalisht te madrilenët kjo nuk i plotësohet. /abcnews.al

Flick.jpg
Veronik Istrefaj23:15 | 17/01/2020

Trajneri i Bayern Munchen, Hans Flick, ka folur për situatën e dëmtimeve te bavarezët. Kingsley Coman dhe Javi Martinez janë emrat që shqetësojnë më shumë, pasi të dy futbollistët pësuan dëmtime të rënda disa javë më parë.

Megjithatë, Flick ka dhe lajme të mira, pasi pranoi se Lucas Hernandez është shumë pranë rikthimit. Sipas strategut të Bayernit, mbrojtësi francez është në fazat e fundit të rikuperimit dhe ka dalë në fushat e blerta.

“Lucas Hernandez është më pranë rikuperimit të plotë. Ai do të stërvitet edhe sot në fushat e blerta. Gjithsesi, duhet të tregohemi të duruar dhe të punojmë në mënyrë graduale me të. Kinglsey Coman dhe Javi Martinez për fat të keq, duan më shumë kohë të rikuperohen”, tha Flick./abcnews.al

Lucas Hernandez në palestër
Klins.jpg
Igli Nikolli19:19 | 17/01/2020

Bundesliga gjermane rikthehet sonte me duelin Schalke-M’Gladbach, ndërsa Bayern Munchen do të zbresë në fushë të dielën jashtë fushe ndaj Herthës së Berlinit, duel që nis në orën 15:30.

Ish-sulmuesi i njohur gjerman dhe trajneri i ekipit kryeqytetas të Herthës, Jurgen Klinsmann ka lëshuar një batutë gjatë konferencës për shtyp në lidhje me mundësinë e rikthimit në pankinën e ekipit bavarez.

Askush nuk martohet përsëri me të njëjtën grua që është divorcuar. Kam qenë pjesë e Bayernit për dy vite si futbollist dhe një sezon si trajner. Kam kuptuar që Bayern Munchen nuk është vendi i duhur për mua“, thekson Jurgen Klinsmann. /abcnews.al

bayern.jpg
Klejdi Kaimi14:52 | 17/01/2020

Bayern Munchen duket se nuk është shumë i kënaqur nga sulmuesi anësor, Ivan Perisic. Sipas raportimeve nga mediat në Gjermani, bavarezët do ta rikthejnë kroatin në Milano.

Perisic iu bashkua gjigandëve gjermanë vetëm në javën e fundit të merkatos së verës nga Interi, pasi ai ishte jashtë planeve të Antonio Contes. 30-vjeçari ishte një kërkesë specifike nga ana e ish-trajnerit të Bayernit, Niko Kovac, i cili tashmë është zëvendësuar nga Hans Flick.

Bayern pagoi 5 milionë € për huazimin e Perisic deri në fundin e këtij sezoni, ku është përfshirë dhe opsioni për ta blerë sulmuesin verën tjetër për 20 milionë €. Sulmuesi kroat numëron 12 ndeshje në Bundesligë, si dhe 6 ndeshje në Champions me fanellën e Bayern Munchen. /abcnews.al

Neuer.jpg
Igli Nikolli20:33 | 16/01/2020

Ditët e fundit janë shtuar zërat e mundësisë që Manuel Neuer të largohet nga Bayern Munchen në fund të sezonit. Kapiteni i ekipit gjerman nuk e ka pritur mirë akordin e bavarezëve me Alexander Nubel.

Portieri 23-vjeçar i Schalke 04 do të transferohet në Mynih në fund të sezonit dhe mes palëve ka një klauzolë që i lejon atij të luajë të paktën 15 ndeshje në sezon me ekipin e ri. Kjo e ka acaruar Neuer, i cili po mendon realisht nisjen e një aventure të re.

France Football shkon më tej dhe thekson se karriera e 33-vjeçarit mund të vijojë në Serie A. Juventus po tenton të përfitojë nga kjo situatë dhe është gati t’i plotësojë çdo dëshirë portierit të famshëm për t’i dhuruar trajnerit Sarri një emër të madh për portën. /abcnews.al

Bayern.png
Igli Nikolli17:58 | 15/01/2020

Bayern Munchen po kërkon një mbrojtës të djathtë. Të shumta janë alternativat dhe drejtuesit e klubit bavarez nuk po nxitohen. Sport Bild raporton se një ndër objektivat kryesore është Thomas Meunier.

Belgut i përfundon kontrata me PSG-në në fund të këtij sezoni dhe ai mund të sigurohet me një çmim jo të lartë. Mes opsioneve është edhe ai i Rafinhës. Braziliani u largua nga Bayern verën e kaluar dhe ia ka dalë të fitojë kampionatin dhe Kupën Libertadores me Flamengon.

Jam i lumtur në Brazil, por zemra ime rreh për Bayernin. Mund të më telefonojnë nëse kanë nevojë për mua“, thekson “veterani” 34-vjeçar. Emrat e tjerë që pëlqehen nga Bayern janë Cancelo i Cityt, Tete i Shakhtar dhe Henrichs i Monacos.

 

Rafinha duke festuar një gol me Bayern Munchen


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono