bashkimi evropian

ope-1280x720.jpg
in a16:54 | 20/11/2019

Deklarata për Ardhmërinë Evropiane të Serbisë e cila do të prezantohet të shtunën në Beograd, bëhet duke pasur parasysh që iniciatorët e saj besojnë se duhet bërë gjithçka për ta çuar Serbinë drejt drejt ndërtimit të një shoqërie me institucione të forta demokratike.

Gjithashtu në deklaratë theksohet qartë fakti se do të ishte katastrofike për Serbinë nëse e ardhmja evropiane dhe anëtarësimi i plotë i vendit në Bashkimin Evropian, relativizohet në ndonjë mënyrë, raporton agjensia Beta.

Sipas kësaj deklarate, iniciatorët dhe nënshkruesit e saj “do ta konsiderojnë çdo relativizim të rëndësisë së integrimit evropian si një kërcënim për interesat kombëtare”.

“Ndalimi, ngadalësimi ose zgjatja e integrimit evropian, për arsye të brendshme ose ndërkombëtare, do të ishte një triumf për armiqtë e demokracisë në Serbi, kundërshtarët e reformave, mbrojtësit e problemeve të pazgjidhura në rajon …”, thuhet në deklaratë.

Deputetët Gordana Comic, Natasa Vuckovic, Vesna Marjanovic, Nenad Konstantinovic dhe Marko Djurisic, zyrtari i Partisë së Re, Aris Movsesijan dhe zëvëndëspresidenti i Lëvizjes për Qytetarët e Lirë, pritet të flasin të shtunën në prezantimin e deklaratës.
Nënshkruesit theksojnë se është koha për të zgjidhur të gjitha çështjet e pazgjidhura në rajon dhe se “çdo vonesë e mëtejshme, veçanërisht duke ruajtur gjendjen e” konfliktit të ngrirë “, kontribuon në vonimin e përballjes së Serbisë me realitetin. “Serbia mund të bëhet një vend i rregullt, modern dhe i zhvilluar vetëm nëse bëhet anëtar i plotë i Bashkimit Evropian, me rend demokratik të brendshëm, institucione përgjegjëse dhe transparente dhe marrëdhënie ekonomike dhe sociale të bazuara në parimet evropiane, të drejtat e njeriut dhe arritjet”, theksojnë autorët e Deklaratës. Ndërkohë, anëtari i Kryesisë së Partisë së Lirisë dhe Drejtësisë (MSA) Branko Miljus, nuk pranoi të komentojë në lidhje me njoftimin e disa përfaqësuesve të DS, SDS, Partisë së Re dhe organizatave joqeveritare të cilat thanë se do të prezantojnë së shpejti Deklaratën për Ardhmërinë Evropiane të Serbisë, por shprehu besimin se partia demokraktike, “si një nga themeluesit e Aleancës për Serbinë, beson fuqimisht se do të bojkotojë zgjedhjet e rreme të Vuçiç,” të cilat ai i quan numërim i tyre brenda partiak./abcnews.al

PARLAMENTI-EUROPIAN-BREXIT-_ABC-M1-T1.mpg_snapshot_00.03-1280x720.jpg
ent ela14:45 | 18/09/2019

Është miratuar me 544 vota pro në Parlamentin Europian rezoluta për daljen e Mbretërisë së Bashkuar nga Bashkimi Europian. Ndërkohë Komisioni Europian kërkoi sërish nga kryeministri britanik Xhonson propozime konkrete dhe të shkruara.

Parlamenti Evropian aprovoi  me 544 pro, 126 kundër dhe 38 abstenime një rezolutë për daljen e Mbretërisë së Bashkuar nga Bashkimi Europian. Tre janë parimet kryesore:

1.Parlamenti Europian do rrëzojë çdo marrëveshje të daljes së Britanisë së Madhe pa rrjetin e sigurisë midis Republikës së Irlandës dhe Irlandës së Veriut.

2.Mbretëria e Bashkuar do të jetë përgjegjëse e vetme për një dalje pa marrëveshje nga BE-ja.

3.Një shtyrje e afatit për daljen e Mbretërisë së Bashkuar nga Bashkimit Europian është e mundur nëse kjo kërkohet nga Mbretëria e Bashkuar.

Komisionin Europian i ka kërkuar sërish kryeministrit të Mbretërisë së Bashkuar, Boris Johnson, propozime konkrete, operacionale dhe me shkrim mbi rrugët alternative për të arritur një marrëveshje mbi daljen e vendit të tij nga BE-ja para 31 tetorit.

Jean Claude Juncker, President i KE: “ Nuk do habiteni të mësoni, se kryeministri i Mbretërisë së Bashkuar na tha që vendi i tij dëshiron një marrëveshje për daljen nga Bashkimi Europiane. Por, sipas tij, sido që tê rrjedhin gjërat, Mbretëria e Bashkuar do të dalë nga Bashkimi Europian në 31 tetor me ose pa marrëveshje. Kjo do të thotë që rreziku për mungesën e një marrëveshjeje midis dy palëve mbetet shumë real. Kjo është ndoshta zgjedhja e qeverisë britanike, por kurrsesi e Bashkimit Europian. Ndaj, preferoj të përqëndrohem te arritja e një marrëveshje që besoj është e dëshirueshme dhe e mundshme. I kam kërkuar kryeministrit britanik propozime konkrete, operacionale dhe me shkrim mbi rrugët alternative për të arritur një marrëveshje. Derisa këto propozime nuk do të bëhen, nuk do të mund t’ju them, se janë bërë progrese”.

Debati që ka paraprirë aprovimin e kësaj rezolute në Parlamentin Europian ka qenë i dominuar nga një ironi  e pazakontë si rrjedhim i situatës politike ku gjendet Mbretëria e Bashkuar me pezullimin e punimeve të Parlamentit britanik, kur vendit i  duhet të arrijë një marrëveshje me Bashkimin Europian para datës 31 tetor.

Manfred Weber, Eurodeputet:Pas referendumit të Brexit, mbështetësit e tij u shprehën: “Bashkimi Europian dështoi. Bashkimi Europian nuk funksionon. Pas 3 vjetësh, BE-ja është më e fortë, më e bashkuar dhe e di shumë mirë se ç’kërkon. Momentalisht nuk është Mbretëria e bashkuar që po largohet nga Bashkimit Europian, por janë bizneset dhe vendet e punës që po largohen nga Britania e Madhe. Shumë kanë keqardhje për rezultatin e referendumit të Brexit. Por ishte e trashë qasja e të qenurit në pikëpyetje të Bashkimin Europian, duke krijuar shumë pasiguri. Ju na ndihmuat shumë të bindim qytetarët europianë, se kjo është një qasje e trashë”.

Guy Verhofstadt, Eurodeputet: “Parlamenti britanik mund të jetë i pezulluar, por Parlamenti Europian me këtë debat po tregon, se Bashkimi Europian nuk cënon demokracinë. Zoti Farage dhe mbështetësit e Brexit po bëjnë zhurmë sot këtu, sepse ata nuk mund ta bëjnë më këtë gjë në Parlamentin britanik, kështu që duhet ta bëjnë këtu. Duhet të jetë e qartë, se ky Parlament nuk do të pranojë asnjë marrëveshje ku Mbretëria e Bashkuar mund të ketë të gjitha avantazhet e tregtisë së lirë pa tarifa doganore pa qenë në të njëjtën linjë me standardet tona sociale, ekologjike dhe shëndetësore”.

Iratxe Garcia Perez, Eurodeputete: “Shumica e forcave europiane në Parlamentin Europian po tregojnë përmes kësaj rezolute, se favorizojnë një zgjatje të afatit të nenit 50 për daljen e Mbretërisë së Bashkuar. Nëse Mbretëria e Bashkuar kërkon më shumë kohë për të zhvilluar zgjedhje të përgjithshme apo pêr një tjetër referendum, ata mund të mbështeten te ne”.

Eurodeputetë të tjerë kanë kundërshtuar fort qasjen e grupimeve të mëdha, duke u shprehur, se duhet respektuar vullneti i popullit britanik, që ka votuar në shumicën e tij për daljen e vendit nga  Bashkimi Europian dhe se Bashkimi Europian nuk duhet tê forcohet të ndryshojë rrjedhën e gjërave sa herë që nuk i pëlqen rezultati i referendumeve. /ABC News Albania 24/7

VLM109-723_2019_173220.jpg
ad min22:00 | 01/08/2019

Bashkimi Evropian i ka bërë të qartë Britanisë së Madhe se nuk është i gatshme të rinegociojë një marrëveshje që rregullon daljen e ishullit nga Unioni.

Zëdhënësja e Komisionit Evropian, Mina Andreeva ka deklaruar se Këshilltari i ri britanik për Evropën, David Frost, u takua me zyrtarë të BE të cilët po negociojnë Brexit në emër të vendeve anëtare.

“Të dy palët përsëritën qëndrimet e tyre. Bisedimet për marrëveshjen e tërheqjes nuk do të rihapen”, tha Andreeva.

Ajo shtoi se kryeministri britanik Boris Johnson do të ketë mundësinë të diskutojë Brexit me zyrtarë të Bashkimit Evropian në Samitin e G7, i cili do të zhvillohet në Francë nga 24 deri në 26 Gusht.

Kryeministri britanik ka përsëritur kohët e fundit se vendi i tij do të largohet nga Bashkimi Evropian më 31 Tetor, pavarësisht rrethanave, dhe theksoi se ai planifikon ta bëjë këtë përmes një marrëveshjeje.

Johnson u ka thënë më herët liderëve evropianë se do të negocionte Brexit me ta kur të ishin gati për të ndryshuar qëndrimet për marrëveshjen për daljen e Britanisë nga Bashkimi Evropian.

KOSOVA-1-1280x718.jpg
ad min16:45 | 18/07/2019

Zyra e Bashkimit Evropian në Prishtinë sërish ka kritikuar qeverinë e Kosovës për taksën e vënë ndaj produkteve serbe dhe boshnjake. Zëvendës shefi i zyrës Rikardo Seri u shpreh se ky vendim i qeverisë kosovare rrezikon bashkëpunimin rajonal

Bashkimi Evropian përmes zyrës në Prishtinë edhe njëherë është shprehur kundër taksës 100% ndaj produkteve serbe të vënë nga qeveria e Kosovës.

Ky fakt është përmendur në raportin e BE-së për Kosovën për vitin 2019, raport ky të cilin e prezantoi zv. shefi i zyrës së BE-së në Prishtinë  në Komisionin Parlamentar për Integrime Evropiane.

Riccardo Serri  zv/shefi i zyrës së BE, Kosovë: “Ky ishte vendim që qeveria e ka marrë. Ne si BE jemi kundër kësaj, sepse minon përpjekjen e natyrës së përgjithshme për bashkëpunimin rajonal, nuk është e qëndrueshme dhe është raportuar në raport. Problemi më i madh që është paraqitur në raport është mosfunksionimi i Kuvendit, mungesa e kuorumit dhe vonesa e seancave plenare”.

Blerta Deliu Kodra:Kemi rekomanduar që i njëjti dokument të trajtohet në seancë plenare sepse është u rëndësishëm për vendin dhe do adresojmë sfidat që kanë dhe progresi që është bërë“.

Ismet Beqiri: “Raporti është korrekt edhe pse mund të mos na pëlqej sepse nuk po e bëjmë punën mirë, duhet të jemi vetëkritik, është bërë regres i vazhdueshëm çështja e mosfunksionimit të institucioneve tona që është e meta kryesore”.

Në raport është lavduar roli i shoqërisë civile ku thuhet se është ashtëzakonisht aktive./ABC News Albania 24/7

EMIGRANTET-1280x744.jpg
ad min18:20 | 03/06/2019

Krime kundër njerëzimit. Është kjo akuza ndaj Bashkimit Evropian në denoncimin e dorëzuar në Gjykatën Penale Ndërkombëtare në Hagë. Vende anëtare të BE-së akuzohen për vdekjet e refugjatëve në detin Mesdhe. Më shumë se 12 mijë prej tyre kanë humbur jetën në atë që cilësohet si itinerari më vdekjeprurës i emigrantëve.

Bashkimi Evropian dhe shtetet anëtare që kanë pasur rol të planit të parë në krizën e refugjatëve, më saktë Italia, Gjermania dhe Franca, duhet të përndiqen për vdekjen e mijëra emigrantëve të mbytur në detin Mesdhe. Është ky denoncimi i dorëzuar në gjykatën penale ndërkombëtare në Hagë. Dy autorët kryesorë të dokumentit prej 245 faqesh janë Huan Branko, i cili ka punuar në të kaluarën në këtë gjykatë, dhe avokati izraelit Omer Shatz.

Akuza për krime ndaj njerëzimit e prezantuar në Gjykatën Penale Ndërkombëtare, mbështetet në hipotezën se funksionarë dhe politikanë në mënyrë të vetëdijshme kanë krijuar itinerarin emigrator më vdekjeprurës në botë. Kjo me pasojën e më shumë se 12 mijë refugjatëve të mbytur në det.

Denoncimi mbështetet pjesërisht në dokumente të brendshme të Frontex, organizatës së Bashkimit Europian të ngarkuar për të mbrojtur kufijtë e jashtëm, e që sipas avokatëve, kanë paralajmëruar se braktisja e misionit Italian të shpëtimit ‘Mare Nostrum’ do të kishte shkaktuar një numër më të madh viktimash.

Avokatët nuk citojnë në dokumentin e tyre përgjegjësi specifike të politikanëve apo zyrtarëve në veçanti, por citojnë mesazhe diplomatike dhe komente  të liderëve kombëtarë, mes të cilëve, kancelarja gjermane Angela Merkel dhe presidenti francez Emmanuel Macron./ABC News Albania 24/7

MichaelRoth-1160x757.jpg
ad min23:08 | 31/05/2019

Ministri gjerman për Shtetin dhe Europën, Mikael Roth ka deklaruar se BE duhet të marrë një vendim pozitiv në qershor për hapjen e negociatave të anëtarësimit me Shqipërinëë dhe Maqedoninë.

“Ne duhet t’i qëndrojmë fjalës dhe të përmbushim zotimet tona”, ka deklaruar Roth për gjermanen “Tagesshpigel”.

Eksponenti i SPD-së ka kujtuar se si vitin e kaluar BE vendosi një afat të caktuar, kur tha se vendimi për dy vendet e Ballkanit Perëndimor do të merret në qershor të 2019-s. Roth është shprehur kundër edhe atyre që e shohin Shqipërinë me skepticizëm për shkak se sistemi i drejtësisë nuk funksionon.

“Qershori është momenti më i mirë për të vendosur hapjen e negociatave. Një vendim pozitiv i marrë në kohë kërkon pak kurajo, por edhe më shumë vizion”, ka shtuar Roth.

Ai ka nënvizuar se Europa duhet të rrisë influencën e saj në Ballkan përballë përpjekjeve të Rusisë, Kinës dhe Turqisë.

“Roli i BE-së në rajon nuk ka të bëjë vetëm me interesat për sigurinë që janë jetike, por edhe për besueshmërinë e tij”, ka shtuar Roth./ABC News Albania 24/7

resize_VpabFnPWcSds4jEiJ0ykKzvoAIqx3ltr_980x590.jpg
ent ela11:20 | 22/05/2019

Në prag të zgjedhjeve parlamentare europiane mediat italiane publikojnë pagat marramendëse të Presidentit të Komisionit Europian Junker dhe drejtuesve të tjerë. 6 për qind e buxhetit total europian shkon për pagat e 60 mijë nëpunësve.

Bashkimi Europian ka ndarë për vitin 2019 një shifër prej 9.943 miliardë eurosh, thënë ndryshe 6% të buxhetit total europian për të paguar rreth 60 mijë nëpunës. Paga mujore bruto e Zhan Klod Junker, President i Komisionit Europian është 138% më e lartë se paga e drejtorëve të përgjithshëm: 28 mijë euro në muaj, dhe pse duhet thënë se 45 për qind e kësaj shifre rikthehet menjëherë në arkat e buxhetit europian.

E përditshmja italiane “Fatto quotidiano” raporton se pagës së Junker i shtohen dhe 4 mijë euro të tjera për të paguar rezidencën si dhe 1500 euro të tjera për shpenzime përfaqësimi. Pra në total paga e tij bruto llogaritet më shumë se 33 mijë euro në muaj.

Nuk merr më pak Federika Mogerini, përfaqësuesja e lartë e Bashkimit Europian për çështjet e jashtme dhe politikat e sigurisë. Ajo paguhet rreth 32 mijë euro në muaj. Zëvendës presidentët e Komisionit marrin rreth 30 mijë euro në muaj, ndërsa francezi Pier Moskoviç 27 mijë euro. /ABC News Albania 24/7

haradinaj-1.jpg
ent ela15:39 | 18/12/2018

Në një konferencë për shtyp pas mbledhjes së qeverisë kryeministri i Kosovës Ramush Haradinaj ka këmbëngulur në vendimet e marra nga qeveria e tij ndaj Serbisë. Kreu i ekzekutivit akuzoi shefen e diplomacisë së BE sep ërvec se ka devijuar dialogun me Serbinë, po shpërdoron investimin që Bashkimi Europian ka bërë për dialogun.

Kryeministri i Kosovës nuk ka ndryshuar aspak tonet për sa i përket përplasjeve me shefen e diplomacisë europiane Federika Mogerini. Haradinaj këmbënguli se taksa do të hiqet vetëm kur Serbia të njohë pavarësinë e Kosovës.gjithashtu ai theksoi se taksa e vendosur ndaj Serbisë nuk ka asnjë lidhje me mos liberalizimin e vizave.

Duke iu përgjigjur pyetjeve të gazetarëve Haradinaj mbrojti deklaratat e bëra për Mogerinin duke thënë se ajo po shpërdoron investimin e Bashkimit Europian për dialogun Prishtinë – Beograd.

Në fund të fjalës së tij ai bëri të qartë se për Kosovën do të flasë vetëm ai që do të ketë mbështetjen e qeverisë, parlamentit dhe të popullit, pavarësisht emrit që do të mund të jetë në pushtet. /abcnews.al

c8eb8744c3fc955331a124e0f4365a69-800x.jpg
ent ela11:19 | 13/11/2018

Rumania nuk është gati për të marrë presidencën e rradhës së Bashkimit Europian që nis në 1 janar. Deklarata është bërë nga presidenti i Rumanisë, Klaus Iohannis, i cili kërkoi publikisht dorëheqjen e qeverisë së kryeministres socialdemokrate Viorika Dansila. Iohannis u shpreh se situata në vend është jashtë binarëve, dhe tashmë ka një domosdoshmëri politike për ndryshimin e ekzekutivit. Një situatë që kreu i shtetit rumun e cilësoi si një incident të demokracisë. /abcnews.al

gjerman-1.png
ad min18:40 | 15/10/2018

Edhe pse një humbje e paralajmëruar nga shumë sondazhe paraprake, koalicioni i gjerë i kancelares gjermane Merkel, u godit keq nga rezultati i zgjedhjeve të së dielës në Bavari. Por për analistët ky rezultat është dhe një mesazh i qartë për Europën e Zhan Klod Juncker.

Bavaria është rajoni i dytë më i pasur në Gjermani me të ardhura që tejkalojnë ato të Greqisë dhe Portugalisë së bashku. Meritë kjo e politikave të ndjekura deri tani, nga partitë të cilat kishin ndërtuar një sistem ku ekonomia dhe shoqëria, industria dhe bankat, katolicizmi, tradita dhe progresi bashkëjetonin në harmoni.

Në këtë mënyrë Bavaria ka mbetur e paprekur nga krizat e shumta ekonomike që kanë goditur europën nga viti 1945 deri tani. Por tashmë partitë që kanë ndërtuar këtë model, janë plagosur dhe gati për të dalë nga skena.

Edhe pse nuk ëshët hera e parë që CSU humbet mazhorancën absolute, është e paprecedentë që kjo të ndodhë për shkak të rënies së të djathtës. Dhe pjesa më e madhe e elektoratit të saj ka shkuar për ekstremistët e Alternativës për Gjermaninë si dhe për votuesit e lirë.

Fituesit e zgjedhjeve të së dielës në Bavari janë të gjelbërit dhe e djathta konservatore eurokritike. Analistët konstatojnë se votuesit e socialistëve po zhvendosen masivisht tek forcat ekologjike.
Më shumë se një e majtë e re, të gjelbërit duken një parti e qendrës dhe aspak socialistë në ekonomi.

Por dhe rezultati i marrë nga Votuesit e lirë, shumë pranë ekstremistëve të AFD-së, tregon impaktin e një vote që nuk mund të cilësohet si votë proteste. Forcat politike neo nacionaliste janë aty për të qëndruar dhe për tu rritur.

Ajo e së dielës ishte një tjetër votë kundër rendit politik të vendosur prej dekadash: pas zgjedhjeve presidenciale amerikane të 2016-s, atyre në Francë në 2017-n, e në Itali këtë vit, tashmë e ka rradhën Bavaria e ndoshta dhe gjithë Gjermania.

Zgjedhësit gjermanë të pakënaqur nga qeverisja e koalicionit të gjerë të Angela Merkel po braktisin këto parti. Një situatë të cilën Merkel e ka të vështirë ta menaxhojë. Por Merkel nuk do të rërzohet edhe pse është shumë e kritikuar nga drejtuesit e CDU, asnjë kancelar në Gjermani nuk është tradhëtuar nga partia e tij.

Por dhe SPD nuk do të tregohet vetëvrasëse duke dalë tani nga qeveria. Por është vështirë të parashikohet një jetëgjatësi e koalicionit të gjerë në Berlin nëse zgjedhjet europiae në maj të vitit të ardhshëm do të konfirmonin rënien e socialistëve. Komisioni i Bashkimit Europian dhe presidenti i tij Zhan Klod Junker, në Luksemburg me partinë e tij që shënoi një rënie historike tashmë konsiderohen si pjesë e të kaluarës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono