bashkimi europian

macron.jpg
nev ila17:20 | 13/12/2019

Bashkimi Europian do të organizojë në janar një konferencë donatorësh për të ndihmuar Shqipërinë me fonde pas tërmetit të 26 nëntorit.

Presidenti francez Emanuel Macron theksoi gjatë takimit të 27 lidervë të BE në Bruksel se Franca do të jetë tërësisht e angazhuar në këtë konferencë, duke shprehur solidaritet me popullin shqiptar.

Organizimi i një konference donatorësh për pasojat e tërmetit të 26 nëntorit në Shqipëri është bërë pjesë e axhendës së samitit  të liderëve europian të mbledhur në 12 dhe 13 dhjetor në Bruksel.

27 kryetarët e shteteve dhe  të qeverive të Bashkimit Europian kanë mbështetur inisiativën e Komisionit Europian për të ofruar ndihmë humanitare për vendin dhe për të organizuar një konferencë donatorësh për Shqipërinë në konkluzionet e samitti europian.

Presidenti francez, Emanuel Macron ka artikuluar qartësisht vullnetin e liderëve europianë për t’i ardhur në ndihmë qytetarëve shqiptarë pas pêrfundimit të samitti europian:

“Kemi shprehur gjithë solidaritetin tone me pupulllin shqiptar dhe drejtuesve të tij pas tërmetit, ashtu si bëm dhe gjatë samitit tê NATO-s. Ne kemi caktuar organizimin e një konference donatorësh dhe mbështetjeje që do bêhet nën mbikëqyrjen e presidentes së Komisionit Europian në fillim të vitit të ardhshëm në Tiranë. Naturisht që Franca do jetë tërësht e angazhuar në këtë konferencë. Mendoj se është një xhest i rëndësishëm dhe i shpreh sërish popullit shqiptar solidaritetin tim”

Organizimi i një konference donatorësh është anonçuar fillimisht nga presidentja e Komisionit Europian Ursula Von der Leyen pas ofrimit tê 15 milion eurosh nga fondi i Komisionit Europian për politikën e fqinjësisë si asistencë humanitare për pasojat e tërmetit.

Në këtë kuadër, komisioneri për menaxhimin e krizave, Janez Lenarçiç vizitoi Shqipërinë në 5 dhjetor për të mbështetur autoritetet shqiptare lidhur hartimin e një pasqyre të nevojave pas shkatërrimeve të tërmetit për të kontribuar në mênyrën e duhur në procesin e rindërtimit./abcnews.al

vjosa-osmani-genocidi.jpg
nev ila20:51 | 09/12/2019

Nënkryetarja e LDK, Vjosa Osmani ka theksuar se ndërkohë që në Kosovë kujtohen ata që humbën jetën në luftën e fundit, Bashkimi Evropian shpërblen Serbinë me hapjen e një kapitulli të ri në procesin e integrimit.

Reagimi erdhi pasi BE vendosi të hapë me Serbinë kapitullin e lëvizjes së lirë të mallrave.

Nënkryetarja e LDK-së, Vjosa Osmani tha në ditën ndërkombëtare të viktimave të gjenocidit, se Kosova kujton në këtë ditë ata që humbën jetën si pasojë e politikave gjenocidiale të shtetit serb, në veçanti fëmijët e vrarë e të masakruar nga ky regjim.

Nënkryetarja e LDK-së theksoi se shteti serb vazhdon të të mohojë këto krime dhe nuk shpreh keqardhje për viktimat e pafajshme dhe madje përpiqet të rishkruajë historinë edhe pse krimet serbe ndodhën para syve të të gjithë botës.

Osmani ka vënë në dukje se ndërkohë që në Kosovë kujtohen ata që humbën jetën në luftën e fundit, Bashkimi Evropian shpërblen Serbinë me hapjen e një kapitulli të ri në procesin e integrimit evropian.

BE vendosi të hapë më 10 dhjetor kapitullin e lëvizjes së lirë të kapitalit me Serbinë ndërkohë që zyrtarët serbë janë të pakënaqur me hapjen e vetëm një kapitulli duke thënë se Serbia ishte gati për të hapur shumë më tepër./abcnews.al

asilante.jpg
nev ila09:50 | 22/11/2019

Ndonëse kanë normën më të lartë të refuzimit të kërkesave dhe jetojnë në një vend që nuk ka luftë apo konflikte etnike, asgjë nuk i ndal shqiptarët që të përplasen dyerve të Europës si azilantë.

Edhe në muajin shtator aplikimet për azil për herë të parë nga shqiptarët në një nga vendet e Bashkimit Europian kanë njohur rritje sipas të dhënave të publikuara nga Zyra e Mbrojtjes Europiane për Azilantët.

Gjatë periudhës janar-shtator numri i tyre u rrit me 21% në krahasim me një vit më parë. Në total për 9 muajt e parë të këtij viti kanë aplikuar për herë të parë edhe 15,469 shqiptarë të tjerë, ndërkohë që për të njëjtën periudhë të një viti më parë numri i aplikimeve ishte 12,835.

Vetëm muaji shtator ka pasur 1,734 aplikime të reja, duke shënuar një rritje prej 14% në raport me muajin e kaluar.

Shqipëria renditet në 10 vendet kryesore të origjinës së azilkërkuesve në Europë, së bashku me vende si Pakistani, Turqia, Iraku, Kolumbia, Irani dhe Nigeria, por vendi i vetëm europian.

Edhe pse refuzohen, kërkesat rriten

Vetëm gjatë muajit shtator numri i përgjigjeve negative nga ana e autoriteteve ishte 1321, ndërsa vetëm 57 kërkesave iu dha statusi i refugjatit. Autoritetet përkatëse në BE vlerësuan në shtator se vetëm 47 prej kërkesave duhet të përfitojnë azil.

Kjo tregon normën e ulët të pranimeve të kërkesave nga shqiptarët. Aplikantët gjeorgjianë dhe shqiptarë kishin nivelin më të ulët të njohjes (përkatësisht 3% dhe 6%) midis 10 vendeve kryesore të origjinës, shkruhet në raportin mujor.

Megjithatë, ka ndryshime në vendet e ndryshme të  Bashkimit Europian, në lidhje me nivelin e njohjes për të njëjtin vend origjine.

Në mesin e 10 vendeve të origjinës me numrin më të lartë të aplikimeve në janar-shtator 2019,  aplikimet e paraqitura nga sirianët kishin nivelin më të lartë të pranimit dhe njohjes së kërkesës (86%), të ndjekur nga aplikantët turq (53%) dhe aplikantët afganë (48%).

12,680 raste në pritje

Zyra Europiane Për Mbështetjen e Azilkërkuesve raporton se në muajin shtator ishin 12,680 raste në pritje për të marrë një përgjigje. Prej 6430 kërkesa janë të paraqitura në më pak se gjashtë muaj, ndërsa pjesa tjetër po pret të shqyrtohet për një periudhë më të gjatë kohore se aq.

Ky është niveli më i lartë i kërkesave që mbeten në pritje për një përgjigje që prej muajit shtator të vitit 2017.

Situata e azilkërkuesve në BE

Më shumë se gjysmë milioni aplikime u paraqitën në Bashkimin Europian gjatë nëntë muajve të parë të 2019, me rritje prej 10% krahasuar me një vit më parë. Si më parë, Sirianët, Afganët dhe Venezuelasit kishin numrin e aplikimeve më të lartë, duke përbërë një të katërtën e të gjitha aplikimeve në Bashkimin Europian.

Shumica e vendeve kryesore të origjinës, ku bën pjesë dhe Shqipëria, kanë parashtruar më shumë aplikime në janar-shtator në 2019 në krahasim me të njëjtën periudhë.

Shkalla e njohjes së kërkesës për azil nga Bashkimi Europian ishte e qëndrueshme me rreth 32% në shtator 2019.

Rastet e pezullimit në shkallën e parë mbeten të e konsiderueshme. Përveç kësaj, shumë aplikime mbeten në pritje të vendimit për ankimim apo rishikim, deri në fund të qershorit 2019./monitor

ann-linde-gent-cakaj-1280x724.jpg
nev ila14:26 | 19/11/2019

Ndërkombetarët vijojnë të përsërisin kërkesën e tyre drejtuar palëve politike në Shqipëri me qëllim çuarjen përpara të reformës dhe rritjen e besimit të qytetarëve në sistemin e drejtësisë.

Këtë herë thirrja vjen nga ministrja e Punëve të Jashtme të Suedisë, Ann Linde, e cila u prit në një takim në Tiranë nga ministri në detyrë për Evropën dhe Punët e Jashtme Gent Cakaj.

Suedia mbështet Shqipërinë në procesin e anëtaresimit në Bashkimin Europian, por fillimisht pret të shoh përmbushjen e kushteve.

Homologu i saj në detyrë mendon se kushtet janë përmbushur. Cakaj tashmë pret reflektim.

Kritik ndaj Bashkimit Evropian u shpreh ministri në detyrë për Evropën dhe Punët e Jashtme Gent Cakaj dhe sa i përket qasjes ndaj Kosovës.

Vizita e ministres së Puneve të Jashtme të Suedisë në Tiranë vjen dhe në kuadër të 50 vjetorit të vendosjes së marrëdhënieve diplomatike mes dy vendeve./abcnews.al

serbet-1280x667.jpg
nev ila13:34 | 19/11/2019

E përditshmja serbe Novosti raportoi se 35 kapitujt e deritanishëm për anëtarësim në BE do të grupohen në shtatë paketa, kështu që anëtarësimi do të arrihet gradualisht në shtatë faza. Kosova sipas saj është në grupin e fundit.

Aderimi i vendeve kandidate në BE së shpejti duhet të ndryshojë në mënyrë dramatike në bazë të propozimeve zyrtare të Parisit që do të shqyrtohen në Bruksel. E përditshmja serbe Novosti raportoi se 35 kapitujt e deritanishëm do të grupohen në shtatë paketa, kështu që anëtarësimi do të arrihet gradualisht në shtatë faza.

Gazeta shkruan se Parisi propozon që kapitujt 23 dhe 24, të cilat kanë të bëjnë me shtetin e së drejtës, të hyjnë në grupin e parë dhe duhet të përmbushen gjatë gjithë procesit, ndërsa kapitulli 35 për Kosovën do të jetë pjesë e grupit të shtatë, i cili është i fundit.

Në grupin e dytë do të ketë kapituj mbi arsimin, kulturën sportive, transportin dhe në grupin e tretë, kapituj për punësimin, shëndetësinë, mbrojtjen e konsumatorit. Grupi i katërt përfshin çështjet ekonomike dhe financiare, i pesti tregun e brendshëm dhe faza e gjashtë përfshin çështjet e jashtme./abcnews.al

Tytti-Tuppurainen-640x320.jpg
nev ila10:45 | 19/11/2019

Propozimi francez është shumë i gjerë. Eshtë mirë që shtetet anëtare kanë propozimet e tyre, por duhet të presim që ekipi i ri i Komisionit Europian të fillojë punën, në mënyrë që të arrijmë unanimitetin për hapjen e negociatave me dy vendet”.

Këtë deklaratë ministrja e jashtme e Finlandës Tytti Turpurainen, e bëri në hyrje të takimit të Këshillit të çështjeve të përgjithshme në Bruksel, ditën e sotme.

Që në fillim Finlanda ka qenë një nga vendet që kanë mbështetur Shqipërinë, për hapjen e negociatave, dhe ka qenë e angazhuar për të lobuar tek vendet e tjera anëtare, që të jepnin vendim pozitiv më 18 tetor.

Ministrja e jashtme e Finlandës Tytti Turpurainen, mban njëkohësisht edhe pozicionin e presidencës në BE.

Ndërsa Amélie DE MONTCHALIN, sekretare e shtetit për çështjet europiane tha:

“Ne shohim që negociatat e anëtarësimit me Serbinë dhe Malin e Zi kanë dobësi. Duam që ta shndërrojmë procesin më rezultativ, më të prekshëm dhe më përfitues për qytetarët e Ballkanit. Ka vende të tjera që mbështein Francën, si Danimarka, Hollanda, por edhe Italia që po i bejnë thirrje KE-së të bëjë propozimin për reformimin e zgjerimit. Qyetarët e Ballkanit Perëndimore nuk kanë nevojë për kapituj kanë nevojë për rezultate të prekshme të reformave.”

Ndërkohë Alexander Schallenberg, ministër i jashtëm i Austrisë tha se:

“Ne do diskutojmë sot lidhur me propozimin francez. Ka gjithnjë forma për të përmirësuar procesin e zgjerimit. Propozimi francez nuk duhet përdorur si teknikë vonuese për hapjen e negociatave me Shqipërinë dhe Maqedoninë e Veriut. Prilli 2020 duhet të jetë data për hapjen e negociatave të anëtarësimit me Shqipërinë dhe Maqedoninë e Veriut”./abcnews.al

parlamenti-europian-1280x677.jpg
nev ila18:09 | 17/11/2019

Ministrat e BE-së do të diskutojnë situatën në fushën e zgjerimit dhe politikës së pranimit në një takim të Këshillit të Çështjeve të Përgjithshme në Bruksel të martën, më 19 nëntor.  Në të do të diskutohet edhe propozimi francez për reformimin e politikave të zgjerimit.

Ministrat e BE-së do të shqyrtojnë për herë të parë të martën propozimin francez për reformimin e politikës së zgjerimit, por nuk priten përfundime konkrete, njoftoi Këshilli i BE-së.  Nuk dihet sesa konkret mund të jetë Këshilli, por ata duan t’i dërgojnë një mesazh pozitiv rajonit.

Këshilli i BE-së njoftoi gjithashtu se ministrat e Çështjeve të Përgjithshme të BE-së dhe atyre evropiane (GAC) do të diskutojnë situatën në fushën e politikës së zgjerimit dhe procesin e pranimit, si pika e fundit në rendin e ditës.

“Ky duhet të jetë vetëm ‘hapi i parë’ për rinovimin e politikës së zgjerimit, si dhe besimin midis shteteve anëtare të BE-së dhe vendeve të Ballkanit Perëndimor,” thanë burimet e Këshillit të BE-së.

Pritet gjithashtu që sekretarja e  Shtetit të Francës për Çështje Evropiane Amelie de Montchalin të paraqesë propozime nga Parisi për ndryshimin e metodologjisë së zgjerimit.

Javën e kaluar, Franca ua paraqiti të ashtuquajturin “propozim diskutimi” vendeve anëtare, duke përshkruar katër parime që Parisi i sheh si bazë për një metodologji të re të zgjerimit të BE-së.

Që nga bllokimi i hapjes së negociatave të pranimit me Shqipërinë dhe Maqedoninë Veriore në tetor, Franca është përpjekur për një pranim më gradual në BE, hapjen e fondeve strukturore të BE-së për vendet kandidate, por edhe për një politikë më të rreptë të kushtëzimit dhe kthimin e procesit të zgjerimit.

Në Bruksel thonë se propozimi francez është një “subjekt për diskutim” dhe se forma përfundimtare e një reforme të mundshme të metodologjisë së zgjerimit duhet të varet nga konsensusi i të gjitha shteteve anëtare, raportoi KosovaPress.

Vendet anëtare të Grupit të Vishegradit, si dhe Austri dhe Italia, të cilët kërkuan që çështja e zgjerimit të vihet në agjendën e BE-së sa më shpejt që të jetë e mundur, në mënyrë që të përcaktohen “kornizat e punës dhe të kohës”, pra të “zhbllokojnë” dhe të përcaktojnë sa më shpejt rrugën e Ballkanit Perëndimor për në BE.

Tani për tani, qëllimi është që të bihet dakord dhe të precizohet deri në pranverën e vitit 2020 për të filluar negociatat e pranimit me Shqipërinë dhe Maqedoninë e Veriut, për të rivendosur besimin dhe partneritetin e ndërsjellë në samitin e BE-së për Ballkanin Perëndimor të planifikuar për maj 2020 në Zagreb./abcnews.al

macron-ministrat-1280x663.jpg
nev ila13:30 | 09/11/2019

Gabim strategjik e kanë cilwsuar 10 ish-ministra të jashtëm refuzimin që i bëri Bashkimi Evropian Shqipërisë dhe Maqedonisë së Veriut. Nëpërmjet një letre ata paralajmërojnë trazira të mundshme në këto dy vende nëse Bashkimi Evropian vazhdon ta shohë si barrë dhe jo si politikë të përgjegjshme procesin e pranimit të Ballkanit Perëndimor.

Kujdes me hapin e rradhës” e këshillojnë Bashkimin Evropian 10 ish-ministra të  jashtëm midis të cilëve edhe ish-kreu i diplomacisë shqiptare Ditmir Bushati.

“Në jug të Bashkimit Evropian po formohet një hark i paqëndrueshmërisë gjeopolitike dhe kjo nuk duhet të lejohet të ndodhë”,shkruhet në letrën që ish ministrat i kanë dërguar Bashkimit Evropian ku nënvizojnë se:

“Kundërshtimi këmbëngulës ndaj hapjes së bisedimeve të pranimit në BE me Shqipërinë dhe Maqedoninë e Veriut, e ka dobësuar ndikimin e mbetur të BE-së në pragun e vet, duke vënë në rrezik aftësinë e saj për të farkëtuar zhvillime strategjike e stabilitet në Evropën Juglindore”.

“Ky është një gabim strategjik që ndihmon në konsolidimin e status quo-së në Ballkanin Perëndimor dhe të inercisë së BE-së në një hartë gjeopolitike gjithnjë e më të rrëmujshme. Detyra e Bashkimit Evropian është të kontribuojë në stabilitetin dhe sigurinë e Evropës Juglindore. Prandaj, procesi i pranimit të Ballkanit Perëndimor në BE duhet të jetë një politikë e përgjegjshme dhe jo të konsiderohet si barrë.”

Veç kësaj, kundërshtimi për të filluar bisedimet e pranimit me vendet e lartpërmendura minon autoritetin dhe besueshmërinë e BE-së duke prodhuar edhe trazira të mundshme në dy vendet e refuzuara – vënë në dukje 10 ish ministrat e jashtëm.

“Kjo është një shenjë paralajmëruese për trazira të mundshme në Maqedoninë e Veriut dhe Shqipëri, të cilat kanë besuar për një kohë të gjatë te mbështetja e BE-së. Kjo minon procesin e bisedimeve ndërmjet Serbisë e Kosovës dhe fuqizon forcat centrifugale në Bosnjë e Hercegovinë.”

Mundësi për të shmangur këtë situatë është Samiti i rradhës  në Zagreb, ku sipas ish ministrave të jashtëm Bashkimi Evropian duhet të paraqesë  instrumente të reja për të konsoliduar rrugën e pranimit në BE të vendeve të Ballkanit Perëndimor.

Nënshkruesit e lëtrës dërguar Bashkimit Evropian janë ish ministrat e punëve të Jashtme të Malit të Zi, Gjermanisë, Kroacisë,Maqedonisë së Veriut, Greqisë, Austrisë, Qipros, Shqipërisë, Bullgarisë, dhe ish ministrit të jashtëm të Republikës Federative të Jugosllavisë./abcnews.al

 

bashar-al-assad-1280x905.jpg
nev ila09:04 | 09/11/2019

Presidenti sirian Bashar al Assad në një intervistë për mediat ruse tha se është hipokrizi për vendet evropiane që të kenë frikë se Ankaraja do të dërgojë refugjatë në Evropë, por frikë duhet të kenë nëse ai vazhdon të sponsorizojë terrorizmin në Siri.

“Si mund të keni frikë nga ata refugjatë shumica e të cilëve janë të moderuar dhe kanë fare pak terroristë mes tyre, ndërsa mbështesni qindra mijëra terroristë në Siri”, shtroi pyetjen Al Assad.

Ai tha për mediat ruse se shumica e refugjatëve nuk paraqesin ndonjë kërcënim akut, në krahasim me xhihadistët.

“Marrëdhënia midis Evropës dhe Turqisë është dashuri – urrejtje”, tha Asad. Ai vuri në dukje se megjithëse BE “urren” liderin turk, kombet evropiane nuk mund të dëgjojnë ato që ai ka për të thënë./abcnews.al

bashkimi-europian-1280x698.jpg
nev ila14:09 | 07/11/2019

Komisioneri për politikën e fqinjësisë dhe negociatave të zgjerimit, Johannes Hahn tha të enjten para komisionit të punëve te jashtme te Parlamentit Europian se reformimi i Bashkimit Europian mund të bëhet paralelisht me zgjerimin e kësaj organizate.

Hahn nënvizoi se ndryshimi i metodologjisë së negociatave të anëtarësimit nuk duhet tê pengojë hapjen e negociatave te anëtarësimit me Shqipërinë dhe Maqedoninë e Veriut dhe avancimin e të gjithë rajonit të Ballkanit.

Reformimi i BE-së mund të bëhet paralelisht me zgjerimin e kësaj organizate. Kjo është deklarata e komisionerit për politikën e fqinjësisë dhe negociatave të zgjerimit, Johannes Hahn para komisionit të punëve te jashtme te Parlamentit Europian.

Hahn theksoi se ndryshimi i metodologjisë së negociatave të anëtarësimit nuk duhet tê pengojë hapjen e negociatave te anëtarësimit me Shqipërinë dhe Maqedoninë e Veriut.

Johannes Hahn, komisioner për zgjerimin: “Ata që mendojnë se duhet të reformohet Bashkimi Europian, kanë të drejtë, por procesi i reformimit  mund të bëhet paralelisht me zgjerimin e kësaj organizate. Nëse këto dy procese nuk bëhet paralelisht, vende si Maqedonia e Veriut, Shqipëria apo gjithë rajoni i Ballkanit do të bëjnë hapa mbrapsht në reforma

Eurodeputetët mbështesin ndryshimin e metodologjisë së zgjerimit në kuadrin e reformimit dhe thellimit të Bashkimit Europian. Shumë kanë pyetur komisionerin Hahn, se si mund të ndryshohet metodologjia që të evitohet një skenar katastrofë në samitin e Zagrebit në maj të 2020. Thënë ndryshe, topi është tashmë në kampin e Komisionit Europian:

Sandra Kalniete, eurodeputete: “Cënimi i kredibilitetit të Bashkimin Europian është shumë i madh. Tani më e rëndësishmja është se çfarë mund të bëjmë për të ecur përpara, se nëse ndodhemi edhe një herë në një situate në maj të vitit tê ardhshëm, ku të gjitha shpresat e Shqipërisë dhe Maqedonisë  do të shuhen, kjo do jetë katastrofë

Nathalie Loiseau, eurodeputete: “Ju deklaruat gjithashtu që duhet rishikuar procesi i anëtarësimit dhe e mbështes këtë pikëpamje. Por shtroj pyetjen, se kur do prezantojë Komisioni Europian propozimet për rishikimin e metodologjisë së zgjerimit kur shihet se ka konsensus, që kjo gjë duhet bërë?”

Ilhan Kyuychyuk, eurodeputet: “ Sigurisht që mungesa e vendimit për Maqedoninë e Veriut dhe Shqipërinë cênon kredibilitetin e BE-së dhe liderët europianë duhet të rikonsiderojnë vendimin e tyre. Por nga ana tjetër, ne duhet të marrim konsideratë thirrjet që Bashkimi Europian duhet tê reformohet dhe gjithashtu edhe procesi i negociatave të anëtarësimit. Çfarë duhet ndryshuar?

Andrius Kubilius, eurodeputet: “Kjo mund të quhet ndryshe kriza e zgjerimit. Mund të jemi nervozë për këtë, por pa harruar nga an tjetër se në historinë e Bashkimit Europian, se edhe krizat sjellin përfitime. Pra, çfarë hapash të rinj duhet tê hedhim nê mënyrê që ta bëjmë zgjerimin të suksesshëm”

Eurodeputet farncez: “Ne jemi krejtësisht të vetëdijshëmshëm që situata e brendshme në Maqedoninë e Veriut dhe Shqipëri  pas mosmarrjes së vendimit mund të sjellë vështirësi. Por a jemi të vetëdishëm për problemet politike në disa nga kryeqytetet tona, ku mund të citoj Romën, Berlinin dhe Parisin?

Johannes Hahn, komisioner për zgjerimin: E gjithë domethënia e reformave të integrimit është ndryshimi i standarteve të jetesës për qytetarët e këtyre vendeve. Problemi kryesor me të cilin përballen ato është ikja e trurit. Ne nuk mund të tolerojmë një situatë vakumi, ku një popullate e tërë të braktisë vendin, sepse kjo mund të shkaktojë problem sigurisë për ne. Lidhur me ndryshimet, ne mund të bëjmë presion për ngrirjen e fondeve gjatë negociatave të anëtarësimit. Për shembull, për Malin e Zi, kur folëm për ngrirjen e fondeve para dy vjetësh, vendi dyfishoi përpjekjet për reformat. Besoj se pasardhësi im do jetë mendjehapur për këtë. Ka vend për përmirësim”.

Komisioneri i ri për politikën e fqinjësisë dhe zgjerimin pritet të marrë detyrën në 1 dhjetor me fillimin e mandatit të komisionit tê presidentes së zgjedhur Ursula Von der Leyen. Ky ishte shkëmbim i fundit i ideve për komisionerin Johannes Hahn në detyrën aktuale me  komisionin e punëve të jashtme të Parlamentit Europian./abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono