bashkia

41349423_1804783669618564_6201158766482685952_n-1280x854.jpg
G. P.15:07 | 08/09/2018

Një rrugë e re në kryeqytet do të mbajë emrin e shkrimtarit dhe gazetarit të njohur italian, i cili ka shkruar e rrëfyer jetën dhe peripecitë e emigrantëve shqiptarë në vendin fqinj. Tabela me emrin e Alessandro Leogrande-s u zbulua nga kryetari i Bashkisë së Tiranës, Erion Veliaj, ambasadori italian në vendin tonë, Alberto Cutillo.

Një rrugë në Tiranë mban emrin e Alessandro Leogrande-s, gazetarit që shkroi për shqiptarët, miq dhe kolegë të gazetarit dhe shkrimtarit të njohur, morën pjesë në ceremonië të posaçme të organizuar pranë Parkut të Liqenit.

Kryebashkiaku Erjon Veliaj tha se kjo është një shenjë mirënjohje për kontributin në gazetari dhe humanizmin e treguar në çështjen e shqiptarëve.

“Jam shumë krenar që me miratimin e Këshillit Bashkiak kemi vendosur të emërtojmë ‘Alessandro Leogrande’ një nga rrugicat më të bukura të Parkut të Liqenit, si një shenjë mirënjohje për të gjithë kontributin e tij në gazetari, po mbi të gjitha për humanizmin e tij, sidomos në çështje të shqiptarëve, të emigrantëve, të të huajve, të atyre që janë më të dobët dhe që kanë nevojë për një avokat, siç ishte ai”, tha Veliaj.

Kryebashkiaku u shpreh se kjo rrugë dhe zona e parkut të Liqenit është edhe një vend për reflektim, për meditim, për lexim, për të menduar idetë progresive, se si qytetet e shtetet mund të bëhen bashkë.

“Ky është parku më popullor në Tiranë dhe zona më e frekuentuar nga qytetarët, ndaj jam i lumtur që ky vend, i cili shërben si hapësirë reflektimi, meditimi e leximi do të ketë emrin e Leogrande-s. Ky është një vend ku meditojmë, ecim, kalojmë kohë të lirë dhe besoj është një moment dhe një hapësirë ideale reflektimi për mikun tonë”, tha ai.

Veliaj nënvizoi se janë pikërisht njerëzit ata që afrojnë më shumë qytetet dhe popujt me njëri-tjetrin, ndërsa theksoi se përmes veprës së tij, Alessandro Leogrande i la një pajë të rëndësishme shoqërisë.

“Jam i sigurt që miku im Alberto bie dakord kur themi se është shumë e rëndësishme që shtetet të bashkëpunojnë, që qytetet të binjakëzohen, por në fund të ditës e kuptojmë se janë njerëzit ata që bëjnë diferencën, janë ata që realisht afrojnë popujt. Miku ynë, gazetari i njohur italian Leogande, i jetoi 40 vitet me shpejtësinë e një Ferrari, bëri distanca që shumicës prej nesh nuk i mjaftojnë as 100 vjet për t’i përshkuar. E teksa unë i afrohem 40-vjeçarit tim, mendoj, kam bërë kaq punë, kam dhënë këto ide, kam shkruar, kam lënë një pajë, dhe besoj se është apel për këdo prej nesh për të reflektuar mbi jetën e vet, çfarë bëjmë me ditët tona”, shtoi Veliaj.

Ambasadori italian në Tiranë, Alberto Cutillo, e vlerësoi nismën e Bashkisë së Tiranës për të nderuar gazetarin e njohur përmes emërtimit të një prej rrugëve ku e gjithë Tirana takohet dhe jeton.

“Jam shumë i lumtur dhe i prekur që jam këtu me kryetarin e bashkisë dhe me të gjithë ju sot. Për mua, Alessandro Leogrande që e njoh nëpërmjet veprave të tij, është një personazh që simbolizon këtë afërsi mes dy popujve tanë, mes dy vendeve tona. Mund të them se do të ndihej shumë i kënaqur të dinte se emri i tij, figura e tij, janë sot të lidhura me këtë rrugë, këtë park të mrekullueshëm dhe mbi të gjitha, siç po thoshte kryebashkiaku, një vend ku e gjithë Tirana takohet dhe jeton jetën e saj”, u shpreh Cutillo.

Themeluesi i revistës “Lo Straniero”, Goffredo Fofi dhe një nga miqtë e tij më të mirë, u shpreh se një prej gjërave që ka mësuar prej tij ka qenë pikërisht dashuria ndaj Shqipërisë.

“Një nga gjërat që kam mësuar më shumë nga Alessandro, ka qenë dashuria për Shqipërinë. Dua t’ju falënderoj juve të gjithëve, edhe në emër të familjes së tij. Jam vërtet shumë i emocionuar për këtë nismë. Mendoj se sot Alessandro jeton, nuk ka ikur nga gjithçka. Është këtu për gjërat që ka shkruar, për ato që ka bërë, ka thënë, apo edhe për takimet që ka patur në Puglia, Itali, Shqipëri e kudo tjetër; për pasionin e tij për t’u pozicionuar gjithmonë në anën e të mundurve, të poshtëruarve, të shtypurve, të varfërve, dhe padyshim edhe në anën e emigrantëve, pasi ky ka qenë edhe interesi i tij kryesor, në vitet e fundit të jetës së tij”, tha Fofi.

Alessandro Leogrande, një nga zërat më autoritarë të medias italiane, ishte shkrimtar dhe gazetar, por mbi të gjitha një intelektual që zotëronte virtytin e rrallë për të rrëfyer realitetin dhe historitë me kthjelltësi, analizë dhe në të njëjtën kohë në mënyrë poetike.
Ai ishte reporter i problematikave të ndryshme të aktualitetit, si lëvizjet e protestës, shfrytëzimit të punës së papaguar të emigrantëve në Itali etj. Gjithashtu, ai është autor i shumë librave, si: “Mbytja e anijes”, “Adriatiku” dhe “Kufiri”, emblema të vërteta të romanit-reportazh, të përkthyera edhe në shqip./abcnews.al

KRONIKE-VELIAJ-RRUGA-KONICA-ABC-M4-T2.mpg_snapshot_00.28-1280x720.jpg
G. P.15:29 | 16/08/2018

Kryebashkiaku Erion Veliaj ka inspektuar punimet në rrugën “Faik Konica”, pjesë e një projekti pilot të shtrimit të rrugëve me kalldrëm dhe dedikimit të tyre më tepër për këmbësorët sesa për autoveturat.

Segmenti që lidh stadiumin “Qemal Stafa” me Fakultetin e Gjeologjisë ishte inspektimi i rradhës i kryetarit të Bashkisë së Tiranës Erion Veliaj. Punimet e kryera, sipas tij, i kanë dhënë Tiranës një nga rrugët më të bukura e cila në të ardhmen mund ti dedikohet vetëm këmbësorëve.

“Kjo është një rrugë e cila, jo shumë e gjatë në distancë, por sigurisht shumë e gjatë në luftën dhe betejën për të ndryshuar mentalitetin. Për të gjithë ata që duan të shohin vizionin se si e planifikojmë Tiranën, një rrugë e tillë e cila mund të kthehet dhe të konvertohet edhe në hapësirë pedonale me piston për të pasur një panair ushqimor, një treg fshatar, gjatë fundjavave, pra për t’i pasur rrugët shumëpërdorimshe, jo vetëm si pista për të xhiruar gomat, por edhe si hapësira ku komuniteti mund të mblidhet dhe nga rrugë mund të rikthehet në piacë, në një piacë lineare, ku njerëzit kalojnë kohën e tyre të lirë”.

Kreu i bashkisë Veliaj, njoftoi se rruga Faik Konica është e para e një grupi rrugësh që do të ndërtohen me kalldrëm, dhe që do t’i kushtohen më shumë qytetarëve dhe më pak makinave.

“Jam shumë i lumtur që ky projekt pilot i shtrimit të rrugëve me kalldrëm, ku për herë të parë kemi bordura mermeri, ku kemi investuar nga e para të gjitha rrjetet bashkëkohore, duke nisur nga fibrat optike dhe deri tek kanalizimet besoj që e ka ngritur standardin e punëve publike në qytetin e Tiranës”.

Rruga “Faik Konica” në Njësinë 2 është menduar si një zonë pedonale, me trafik të kufizuar, duke vendosur edhe pistona të levizshëm dhe me një sens kalimi./abcnews.al

CEREMONIA-E-VARRIMIT-1280x720.jpg
ent ela14:00 | 11/08/2018

Mes dhimbjes dhe lotëve janë përcjellë për në banesën e fundit tetë pjestarët e familjes Zykaj në Selenicë. Viktimat e masakrës janë varrosur në tokat e tyre sipas amanetit të kryefamiljarit të tyre Demir Zykaj.

Selenica po vajton si asnjëherë tjetër. Trishtim dhe pikëllim po përjeton i gjithë fshati. Familja Zykaj po kalon ditë të pazakonta.

Në orët e drekës familjarë, të afërm e banorë u mblodhën për t’i dhënë lamtumirën 8 viktimave mes tyre edhe dy fëmijëve.

Një pjestar i fisit të tyre u shkaktoi tragjedinë e madhe.

Pasi iu bënë nderimet viktimat me tetë arkivole dolën nga tre shtëpi dhe u përcollën për në banesën e fundit.

Tetë personat që u vranë me kallashnikov nga Ridvan Zykaj u varrosën në tokat e tyre. Ky ishte amaneti i Kryefamiljarit Demir Zykaj. /abcnews.al

rion-veliaj.jpg
G. P.15:10 | 31/07/2018

Angazhimet e marra janë të shenjta thotë kryetari i Bashkisë së Tiranës, Erion Veliaj, i cili i referohet nismës së Presidentit të Republikës për dhurimin e gjakut. Veliaj deklaroi se do të vijojë ta mbështesë pavarësisht se kreu i shtetit nuk e përkrahu për teatrin.

Teatri i ndan, ndërsa dhurimi i gjakut i bashkon. Bëhet fjale për Presidentin e Republikës, Ilir Meta dhe kryetarin e Bashkisë së Tiranës, Erion Veliaj. Ky i fundit thotë se do të vijojë ta mbështesë nismën e kreut të shtetit pavarËsisht se ai ja ktheu ligjin për teatrin për rishqyrtim me parlament.

 “Lidership do të thotë të bësh atë që është e drejtë, pavarësisht rrethanave. Të ndërtosh teatrin, besoj është e drejtë, të dhurosh gjak po ashtu, dhe përkushtimet janë përkushtime dhe angazhimet janë angazhime. Ne e kemi marrë këtë angazhim dhe pavarësisht rrethanave apo mënyrës se si shkon loja e politikës së ditës, pavarësisht kush bllokon apo zhbllokon diçka, pavarësisht se kush hap një sherr apo bëhet pengesë, jeta vazhdon dhe unë besoj se për gjërat që besojmë, që janë detyrime të shenjta dhe angazhime të marra, do ta mbajmë gjithnjë fjalën”.

Ndërsa punonjësit e Agjencisë së Parqeve dhe Rekreacionit po dhuronin gjak në ndihmë të fëmijëve të sëmurë me talasemi të cilëve iu shprehu mirënjohje Kryebashkiaku Veliaj përfitoi edhe  për të për të shigjetur edhe opozitën.

 “Shumë mirë që vijnë në Tiranë për të bllokuar teatrin apo punë të tjera, por sa mirë sikur me të njëjtin zell që bllokojnë punët e Tiranës, edhe më Kamëz e Shkodër, të vijojë dhurimi i gjakut, sepse besoj se duhet të kemi më shumë zell për ndërtim se sa për shkatërrim; më shumë zell për kontribut se sa për bllokim! Besoj se edhe bashkitë e tjera do të ndjekin këtë shembull, por ndërkohë që Tirana është bashkia më e madhe dhe sigurisht, bashkia që ofron gjithmonë cilësinë më të lartë në çdo punë publike, do të duhet ta bëjë këtë edhe në solidaritet”.

Kjo nismë tha kryetari i bashkisë sjell dobi të dyanshme. U shërben atyre që kanë nevojë për gjak, por edhe dhuruesve për rigjenerimin e qelizave./abcnews.al

korca-1.jpg
G. P.16:39 | 28/07/2018

Një konflikt mes dy personave ka përfunduar me një të plagosur rëndë në Korçë.

Ngjarja ka ndodhur pasditen e sotme para bashkisë së qytetit dhe 50 metra larg komisariatit të Korçës.

38-vjeçari, Erjon Hoxhallari, plagosuri me armë është dërguar në spitalin e Korçës dhe sipas mjekëve ndodhet në gjendje kritike për jetën. Autori u ndalua nga policia, ndërsa është sekuestruar edhe arma e krimit.

Dyshohet se ngjarja të ketë ndodhur nga konfliktet e vjetra midis autorit dhe të plagosurit./abcnews.al

ina-zhupa.jpg
G. P.13:02 | 22/07/2018

Partia Demokratike ka denoncuar tenderin e Bashkisë Tiranë prej 100 milionë lekësh për veshjet e policëve bashkiakë. Në një deklaratë për shtyp zëdhënësja Ina Zhupa tha se kompania fituese është nën sekuestro për mospagim tatimesh dhe ka të deklaruar vetëm një të punësuar.

“Tenderi 100 milionësh për veshjet e policëve bashkiakë është një rast flagrant, ku korrupsioni dhe shkelja skandaloze e disa ligjeve bëhet aq hapur, sa çdo qytetar i zakonshëm mund ta kuptojë. Mjafton të shohë dokumentet që po bëjmë publikë. Është fakt se Erion Veliaj i ka dhënë 100 milionë lekë një kompanie që nuk paguan tatimet dhe për ketë arsye është nën sekuestro. Dokumenti nga Zyra e Tatimeve e provon këtë. Aty thuhet se kompania fituese “Vojsava Zenelaj” është me statusin “nën mbledhje me forcë”, çka tregon se kompania nuk ka paguar tatimet dhe duhet të ishte skualifikuar menjëherë! Duke i dhënë 100 milionë lekë një kompanie që është nën sekuestro për mospagim tatimesh, Bashkia e Erion Veliajt ka shkelur disa ligje dhe vendime qeverie. Siç tregohet në dokument, kjo kompani duhet të ishte skualifikuar, sepse janë dy ligje dhe dy vendime që ndalojnë shpalljen fitues të kompanive që nuk paguajnë taksa! Është fakt se tenderi për 100 milionët është fiktiv, sepse në të ashtuquajturën garë kanë marrë pjesë vetëm 2 kompani: kjo që ka fituar, “Vojsava Zenelaj” dhe një kompani tjetër “Muça shpk”, që vetëm sa ka futur letrat për fasadë, por nuk ka bërë asnjë ofertë. Është fakt se kompania “Vojsava Zenelaj”, ka të deklaruar vetëm 1 të punësuar, ndërkohë që i duhet të qepë për 1 muaj mbi 4 mijë artikuj. Thënë ndryshe, i vetmi person që ka kompania duhet të qepë në ditë 116 kostume, pantallona, pulovra, këmisha dhe këpucë! Pra, të mos flejë për 35 ditë rresht dhe për çdo orë të qepë të paktën 4 kostume dhe 1 palë këpucë! Vjedhje më të hapur se kjo e  100 milionë lekëve vetëm në Bashkinë e Erion Veliajt mund të gjendet”. /abcnews.al

rruge.jpg
G. P.16:20 | 02/07/2018

Autoriteti Rrugor Shqiptar njoftoi të dielën, se mëngjesin e të hënës do niste rehabilitimi i një segmenti kyç të kalimit të mjeteve të tonazhit të rëndë pranë Vorës. Njoftimi për devijimin e lëvizjeve u bë në ditë pushimi, larg vëmendjes së qytetarëve, duke rrezikuar jo pak bllokimin e tyre në trafik, apo krijuar kosto për bizneset. ABC News bëri një vëzhgim në rrugën në fjalë, ku nuk kishte asnjë shenjë të nisjes së punimeve. 

Kur ndalohet e drejta e kalimit të mjeteve të rënda në një aks rrugor, rregulli e do që të ketë një mundësi tjetër kalimi për të njëjtin destinacion. Por çfarë ndodh në Vorë?

Kjo shtresë asfalti është vetëm një mashtrim i ëmbël. Pas 100 metrash të pret kjo.

Përmes një njoftimi të paqartë të shpërndarë për mediat mëngjesin e së dielës, Autoriteti Rrugor Shqiptar bëri me dije nisjen e punimeve për rehabilitimin e këtij segmenti. ARRSH bënte me dije edhe disa bllokime rrugësh, siç ishte bllokimi i lëvizjes së mjeteve të rënda që vinin nga veriu drejt Durrësit, duke i detyruar të ndiqnin lëvizjen Fushë Krujë-Kthesa e Kamzës-Durrës.

Njoftimi u bë një ditë para ndërhyrjes, në ditë pushimi, kur dihet që interesi i publikut për t’u informuar është më i ulët se ditët e tjera. Devijimi i tyre drejt Kamzës, qoftë edhe për pak ditë, do të sillte një mbingopje të trafikut në aksin Fushë Krujë–Kamëz-Kthesa e Kamzës. Për më tepër, kur bllokimi ndodh në kushtet e një vendimarrje surprizë sot për nesër të ARRSH-së.

Sipas këtij autoriteti punimet do të nisnin në orën 06:00 të së hënës.  Siç duket nga pamjet, disa orë pas këtij orari punimet jo vetëm që nuk kanë nisur, por nuk ka asnjë shenjë të nisjes së tyre.

Në këtë segment të degraduar përtej imagjinatës është i detyruar të kalojë çdo mjet i tonazhit të rëndë që udhëton nga veriu i vendit drejt Portit të Durrësit apo jugut dhe anasjelltas. Devijimi i tyre drejt Kamzës, qoftë edhe për pak ditë, do të sillte një mbingopje të trafikut në aksin Fushë Krujë–Kamëz-Kthesa e Kamzës.

Problem nuk është vetëm për drejtuesit e mjeteve, por edhe për banorët e zonës. Sipas dëshmitarëve, rruga ndodhet në këtë gjendje prej të paktën një viti, por nuk është e qartë pse ARRSH vendosi të presë nisjen e sezonit veror për të bërë ndërhyrjen.

Nuk është hera e parë që Autoriteti Rrugor ndërhyn në arteriet kryesore të transportit kombëtar pa informuar më parë qytetarët me një fushatë informimi dhe sensibilizimi, që drejtuesit e mjeteve të marrin masa paraprake./abcnews.al

ilir-meta.jpeg
G. P.13:46 | 13/06/2018

Presidenti i Republikës ka reaguar për debatin publik mbi godinën e Teatrit Kombëtar. Kreu i shtetit thotë se po ndjek me vëmendje të veçantë shqetësimin e komunitetit të artistëve dhe i bën thirrje qeverisë e bashkisë për dialog me artistët.

“Presidenti i Republikës, bën thirrje për transparencë e dialog për këtë çështje dhe i bën apel Qeverisë dhe Bashkisë së Tiranës, të dëgjojnë sugjerimet dhe shqetësimet e komunitetit të artistëve, e të dialogojnë në dobi të ruajtjes e promovimit të vlerave e trashëgimisë historike, kulturore e kombëtare”, thuhet në reagimin e Presidentit të Republikës.

Kreu i shtetit është njohur edhe personalisht me shqetësimet e artistëve, gjatë një takimi me ta në Presidencë më 4 Prill./abcnews.al

durres.jpg
G. P.14:23 | 10/06/2018

Në qytetin e Durrësit, bashkia ka nisur investimin për standardizim të rrugëve. Çka do të thotë se do të ketë zgjerim të trotuarëve për t’u lënë më tepër hapësirë këmbësorëve.

1,5 milionë euro po investohen për rikualifikimin e trotuarëve në Durrës. Përmes zgjerimit te tyre po u jepet përparësi këmbësorëve.

“Duhet të heqim dorë dhe nga parkimi për të pasur një qytet më të bukur dhe tërheqës për turizmin”.

Investimi përfshin ngushtimin e rrugës së automjeteve. Drejtuesit e mjeteve duken të pakënaqur me këtë projekt

“Rrugët e reja na kanë marrë shumë sipërfaqe, megjithatë ata e dinë ç’bëjnë”.

“Janë nxjerrë trotuare ndërkohë që kalojnë shumë pak njerëz.”.

Nga ta që janë parashikohet edhe heqja e parkimeve. Ka nga ata drejtues të irrituar për këtë fakt. Mungesa e tyre në zonën qendrore të qytetit do të thotë lëvizje në kaos.

“Shumë problem për parkimi. Është ngushtuar rruga jashtë mase dhe punimet bllokohen tani në sezonin veror”.

Marrëparasysh reagimet e qytetarëve, Bashkia e Durrësit thotë se po i përgjigjet nevojës së zhvillimit urban të një qyteti turistik, atë të standardimit të rrugëve./abcnews.al

Gazetare: Enkeleda Arapi


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono