bashkia

Veliaj-gjate-takimit-me-administratoret-dhe-drejtuesit-e-institucioneve-1280x854.jpg

Në prag të nisjes se viti të ri shkollor Bashkia e Tiranës ka hartuar një plan masash për zbatimin e të cilit kryebashkiaku Erion Veliaj ngarkoi administratorët e njësive. Të shtunën në kryeqytet beri të ditur Veliaj rikthehet aksioni i pastrimit ndërsa me 16 Shtator ndryshon regjimi i qarkullimit të automjeteve.

Furgonët që furnizojnë dyqanet nuk do të lejohet të lëvizin në Tiranë në orët e mëngjesit. Regjimi i ri i qarkullimit të tyre është një ndër masat që bashkia ka marrë në prag të fillimit të vitit të ri shkollor. Qëllimi është ulja e fluksit të trafikut në orarin kur nxënësit shkojnë në shkollë. Kryetari i bashkisë, Erion Veliaj, e bëri të ditur bashkë me aksionin e pastrimit që të shtunën do të rikthehet në kryeqytet.

“Të shtunën e fundit të verës, që është data 14 shtator, do të kemi një ditë aksioni “Pastro Tiranën në një ditë”. E kemi kthyer në zakon, para se të fillojë viti i ri shkollor, sidomos në të gjitha terrenet rreth e përqark shkollave, kopshteve, çerdheve, të bëjmë një aksion pastrimi”, tha Veliaj.

Në takimin me administratorët e njësive dhe drejtuesit e institucioneve në varësi të Bashkisë së Tiranës, kryebashkiaku Veliaj renditi investimet e kryera në shkolla ndërsa u bëri thirrje prindërve t’i regjistrojnë fëmijët në shkollën më të afërt.

“Një prindi i duhet thënë, këmbëngulja për ta çuar fëmijën në një shkollë tjetër, është në fakt dëmi më i madh që i ke bërë jo vetëm fëmijës tënd, por edhe 40 të tjerëve. Të merr një orë kohë vajtje dhe një orë kthim. Janë dy orë në ditë, herë 300 ditë, janë 600 orë. Pra, 600 orë për një fëmijë janë mjaftueshëm për të mësuar një gjuhë të huaj”.

Këtë vit hap dyert shkolla e re “Servete Maci” ndërsa disa shkolla të tjera kanë përfunduar së rikonstruktuari./ABC News Albania 24/7

OK-KORCE-HAPET-TREGU-MBULIM.mpg_snapshot_00.35-1280x720.jpg

Pas protestave të zhvilluara dje në Korçë, bashkia ka rihapur tregun agroushqimor me shumicë. Tregetarët do të lejohen të shesin vetëm gjatë natës. Bashkia gjen kështu këtë zgjidhje për problemin, duke caktuar orar të ri për aktivitetin. Fermerët do të lejohen të shesin në harkun kohor nga ora 24 në mesnatë deri në 08 të mëngjesit.

Ndërkohë, fermerët duhet të pajisen edhe me licensë nga bashkia e Korçës, në mënyrë që të mund të ushtrojnë aktivitet tregtar në tregun e shumicës. Dje në mëngjes këta tregtarë protestuan duke bllokuar për një orë një pjesë të unazës së qytetit. Bashkia e Korçës u kishte mbyllur derën e tregut të shumicës me argumentin se duke shitur aty me pakice dhe pa licencë produktet bujqësore dhe blegtorale, konkurojnë në mënyrë të pandershme tregtarët e licensuar të Markatës së re. /ABC News Albania 24/7

69600749_501997440628431_1415865806264205312_n-1280x905.jpg

Ekselentët shqiptarë do përfaqësojnë Tiranën në Olimpiadën e më të mirëve në Moskë. Kryebashkiaku Erion Veliaj, gjatë një takimi me nxënësit ekselentë nga 4 gjimnaze të Tiranës tha se Bashkia do t’i mbështesë ata financiarisht.

Një grup nxënësish ekselentë nga 4 gjimnaze publike në Tirane do të përfaqësojnë Shqipërinë në Olimpiadën e IV të Metropoleve, javën e ardhshme në Moskë.

Ata do të garojnë me bashkëmoshatarë te tyre nga kryeqytete te një sërë vendesh europiane ne informatike, matematike, fizike dhe kimi.

Para nisjes për në Moskë ata u pritën nga kryebashkiaku Erion Veliaj

“Është shumë e rëndësishme të tregojmë se për djem e vajza të tillë, që kanë dalë me dhjeta, që kanë studiuar më tepër se sa shumica, Bashkia e Tiranës do të ketë gjithmonë një mundësi për të financuar, siç po bëjmë në këtë rast me udhëtimin, e më pas me një bursë, siç kemi bërë me shkollat 9-vjeçare. E di që është e pamundur që të paguajmë për të gjithë, por ama për më të mirët, për ata që dalin me dhjeta, për ata që sjellin çmime e fitojnë në olimpiada, gjithmonë do gjendet një mënyrë që Bashkia e Tiranës të jetë një mbështetje”.

Olimpiada do të zhvillohet në 3 dhe 4 shtator, ndërsa konkurimi do jetë i ndarë në fusha të ndryshme. ABC News Albania 24/7

Erion-Veliaj-gjate-inspektimit-te-rikonstruksionit-te-Rruges-Kadri-Kerciku-4-1280x854.jpg

Kryetari i Bashkisë së Tiranës Erion Veliaj inspektoi punimet që po kryhen në rrugën “Kadri Kërçiku” në njësinë numër dy. Rikonstruksioni i kësaj rruge tha Veliaj, bëhet në përmbushje të premtimit të dhënë gjatë fushatës për një mandat të dytë në krye të bashkisë.

Punimet që po kryhen në rrugën e Elbasanit pritet të përfundojnë brenda 15 Shtatorit. Kryebashkiaku Erion Veliaj e bëri të ditur pasi inspektoi investimin që po kryhet në një lagje të ndërmjetme mes kësaj rruge dhe “Qytetit Studenti”.

“Dua t’u jap forcë dhe kurajë kolegëve në këto ditë të fundit të verës, që më pas edhe aksi kryesor i kanalizimit të ujërave të zeza, që merr të gjithë ujërat e “Qytetit Studenti”, për t’i çuar në Rrugën e “Elbasanit“, gjithashtu të mbarojë në datën 15 shtator, gjatë ditëve që përgatitemi për fillimin e shkollës”.

Rruga “Kadri Kërçiku” në Njësinë 2 dhe dy degëzimet e saj, po shtrohen me asfalt e po pajisen me kanalizime, trotuare dhe ndriçim LED.

“Vërtet është gusht, vapë, por kam qenë këtu në fushatë dhe kemi premtuar se Rr. “Kadri Kërçiku” do të bëhej këtë vit, ndaj nuk ka shans të mos bëhet këtë vit”.

Punimet në këtë rrugë po shkojnë drejt përfundimit./ABC News Albania 24/7

Pas kinemasë, banorët e Njësisë numër 11 në kryeqytet do të kenë gati edhe godinën e bibliotekës. Bashkia e Tiranës ka nisur punën për rikonstruksionin e Bibliotekës së Laprakës, e cila sipas kryebashkiakut Erion Veliaj do të shërbejë jo vetëm si një ambient dinjitoz për lexuesit, por dhe si qendër komunitare për zonën.

“Ka nisur rikonstruksioni i Bibliotekës së Laprakës! Pas kinemasë, tashmë banorët e Njësisë nr. 11, sidomos dashamirësit e librit, së shpejti do të kenë një ambient dinjitoz për të lexuar, që do të shërbejë edhe si qendër komunitare”, shkruan Veliaj në rrjetet sociale.

Falë aktiviteteve të panumërta dedikuar librit dhe rritjes së numrit të anëtarëve në këtë bibliotekë, Bashkia e Tiranës ka menduar ta kthejë bibliotekën në një atraksion për mbarë komunitetin si një nga bibliotekat e lagjeve më të bukura në kryeqytet./abcnews.al

Banorët e Njësisë nr.11 në Tiranë të cilët duhet të pajisen me letërnjoftim ose pasaportë, apo nuk kanë regjistruar ende adresën e saktë të banimit, tani do të kenë ambiente të reja, ku do mund të marrin shërbimet e kërkuara.

Bashkia e Tiranës ka përfunduar zyrat e reja të Njësisë Nr.11. Ato janë zhvendosur në rrugën “Gjergj Legisi”, pranë fushës sportive dhe ofrojnë tashmë kushte komode për qytetarët që do duan të marrin një shërbim pranë kësaj njësie.

“NjA nr.11 në përmbushje të misionit të saj për të ofruar shërbime sa më cilësore, efikase si dhe për të krijuar çdo lehtësi tjetër vendore, ka rritur në nivelin më të lartë se kurrë më parë, me 38% nivelin e shërbimeve publike dhe socialiste ndaj banorëve. 38% më shumë përpjekje ligjore, zgjidhje të problematikave në infrastrukturë të mbartura ndër vite dhe zgjidhje të problematikave të mprehta sociale që jeton komuniteti ynë. Drejtë përfundimit zyrat e reja në godinën e zhvendosur në Rr. Gjergj Legisi, pranë fushës sportive në Laprakë!”, thuhet në njoftimin e publikuar në faqen e Njësisë Administrative nr. 11 në kryeqytet.

REAGOJN-FINANCAT-PER-VOLTANEN.mpg_snapshot_00.01-1280x720.jpg

Ministria e Financave i është përgjigjur Voltana Ademit, duke sqaruar se i ka shlyer të gjitha pagesat ndaj bashkisë së Shkodrës, sipas ligjit. Por në një reagim kryetarja në detyrë e Bashkise së qytetit verior thotë se shqetësimi i saj është për periudhën në vijim, pasi ajo nuk ka asnjë shkresë pëer përfundimin e mandatit.

Një ditë pasi kryetarja në detyrë e Bashkisë së Shkodrës Voltana Ademi denoncoi publikisht se Ministria e Financave dhe Ekonomisë i ka bllokuar proceduarat e likuidimit për fondet dhe investimet, ka reaguar kjo e fundit.

“Përsa i përket kësaj situate, Ministria e Financave dhe Ekonomisë sqaron se: ditën e djeshme janë ekzekutuar nga Dega e Thesarit, Shkodër, të gjitha pagesat dhe urdhërpagesat e depozituara nga Bashkia Shkodër, brenda orarit zyrtar dhe sipas gjithë procedurave ligjore”.

Në njoftimin që i ka shpërndarë medias Ministria e Financave dhe Ekonomise thotë se këtë mund ta provoje përmes dokumentacionit të nevojshëm që zotëron ajo vetë, Drejtoria e Përgjithshme e Thesarit dhe Dega e Thesarit në Shkodër.

“Ministria e Financave dhe Ekonomisë ju bën me dije se ky dikaster është në funksion të zbatimit të ligjit për të gjithë qytetarët njësoj pa dallime.”

Një ditë pas konstituimit të Këshillit të ri bashkiak, Voltana Ademi si kryebashkiake në detyrë e Shkodrës i kërkoi ministres së Financave dhe Ekonomise Anila Denaj zhbllokimin e fondeve.

Ademi ka publikuar edhe korrespondencën me Drejtorinë e Thesarit e cila në rrugë zyrtare i bënte me dije se nuk e njeh më si kryebashkiake, pasi i ka mbaruar mandati.

Për situatën e krijuar Ademi ka vënë në dijeni dhe ambasadën e SHBA dhe ambasadat e vendeve të Bashkimit Europian në Shqipëri. /ABC News Albania 24/7

Voltana Ademi është kundër çdo marrëveshjeje politike mes palëve për zgjidhjen e krizës politike. Një ditë pas konstituimit të Këshillit Bashkiak në Shkodër, në një intervistë ekskluzive për Abc News, kryetarja në detyrë e bashkisë Voltana Ademi tregon për pozicionin e saj pas këtij procesi. Gazetari i Abc News Simon Shkreli bisedoi me të.

Pas konstituimit të Këshillit Bashkiak, Voltana Ademi shpreson të ketë zgjedhje për Shkodrën. Qytetarëve sipas saj i është mohuar e drejta për të zgjedhur, jo vetëm duke ju referuar 30 Qershorit, por zhvillimeve pas kësaj date, që nga dorëheqja e Valdrin Pjetrit për shkak të akuzave.

“Unë dua të shpresoj që shpejt të kemi zgjedhje për Shkodrën, besoj do kemi zgjedhje për gjithë Shqipërinë, por ngjarjet e Shkodrës e kanë dëshmuar se qytetarëve u është mohuar kjo e drejtë, prandaj duhet t’u jepet sa më shpejt mundësia për të zgjedhur”, tha Ademi.

“Nëse palët bien dakord për Shkodrën a do të jetë Voltana sërish kandidate e PD për Shkodrën”?

“Zgjedhjet vendore nuk janë vendim që lidhen domosdoshmërisht atë që them unë. Dua të them që askush edhe unë në këtë rast, nuk do merrja guximin që të veja njerëzit e ndershëm të qytetit përballë krimit kur bëhet fjalë për vendosur qofte edhe Voltana Ademin në një pozicion, të vështirë në një situatë kriminale”, shprehet Ademi.

Por Voltana Ademi nuk e shikon zgjidhjen e situatës në një marrëveshje midis PD dhe PS. Ajo është kundër çdo lloj marrëveshjeje politike.

“Unë jam kundër çdo marrëveshje politike. Ajo që duhet t’i futemi në themel të gjithë atyre që e kanë shkelmuar ligjin që e kanë dëmtuar sistemin ligjor dhe të zbatimit të ligjit, çdo marrëveshje politike është e pa vend dhe nuk bëhet fjalë për një marrëveshje politike kurrsesi, sepse e gjithë kauza do të binte poshtë nuk është e mundur të ndodhë kjo”, tha Ademi.

“Nëse situata vazhdon, a do jeni kandidate e pavarur nëse PD nuk hyn në zgjedhje”?

“Nuk bëhet fjalë të garojmë në aspektin individual të fjalës, kjo shkon përtej partive politike, kjo shkon tek njerëzit, do filloi nga Shkodra për të siguruar polaritetin që kërkohet në një proces zgjedhor”, u shpreh Ademi.

“Pra ju thoni nëse këto kushte nuk do merrni pjesë në zgjedhje”.

“Unë këtë nuk e thashë, përkundrazi, Shkodra ka qenë gjithmonë inovative, ka qenë e qartë në qëndrimin e vetë dhe qytetarët e Shkodrës në atë moment besoj se do të mund të reagojnë për të siguruar atë që do të jetë më e mira për ta”, tha Ademi.

Në fund Voltana Ademi thotë se ndoshta jemi në fazën e rrugëdaljes dhe do të duhet të gjejmë një rrugëdalje. Ndryshe sipas saj do të jetë edhe më e rëndë dhe me të vërtetë ndoshta s’paskemi parë asgjë akoma./ABC News Albania 24/7

Bashkia e Lezhës ka nisur aksionin për të pastruar nga ndotja territorin e Shëngjinit . Aksioni nisi që në orët e para të mëngjesit dhe do të vazhdojë edhe ditët e ardhshme.

Zgjimi për vendorët e Lezhës ka qenë ndryshe. Pa zbardhur mirë e hëna ata zbarkuan rrugës së Shëngjinit. Pastrimi i saj ishte qëllimi i këtij aksioni drejtuar nga kryetari i ri i bashkisë Pjerin Ndreu.

Plastikë, inerte dhe mbetje të ndryshme u larguan nga pika të veçanta të kthyera në shqetësim. U kreh e gjithë gjatësia e rrugës për të mos mbetur asnjë.

Për t’u krijuar lehtësi lëvizjeje mjeteve u pre edhe bimësia anash rrugës. Në këtë ndërhyrje, Bashkia e Lezhës angazhoi Drejtorinë e Shërbimeve, firmat sipërmarrëse të pastrimit dhe firmën mirëmbajtëse të rrugës.

U përfshinë rreth 80 punonjës. Ndreu foli rreth një nevoje për të ndryshuar imazhin që duhet të shohë çdo vizitor e turist që udhëton drejt Shëngjinit. Për këtë kërkoi mbështetjen e qytetarëve e bizneseve.

“Ky nuk është një aksion që fillon sot dhe mbaron nesër, por fillon sot dhe nuk mbaron kurrë. Iu bëj thirrje të gjithë qytetarëve, të gjithë operatorëve të pastrimit, të gjitha bizneseve që të kontribuojnë kudo ku janë për pastrimin e qytetit. Sfida për pastrimin e qytetit nuk ndalet dhe nuk ka tolerancë”, tha Pjerin Ndreu, kryetar i Bashkisë Lezhë.

Pas rrugës së Shëngjinit, do të vijohet me pastrimin e të gjithë territorit dhe do të ushtrohen kontrolle për të identifikuar ndotësit.

Bashkia e Lezhës bën të ditur se ka identifikuar pikat problematike ku ka edhe prezencë të madhe të mbetjeve, kryesisht urbane dhe se me mbështetjen edhe të firmave sipërmarrëse të pastrimit ato do të fshihen nga harta e zonave të ndotura./ABC News Albania 24/7

Bashkia e Shkodrës është institucioni i fundit i qeverisjes vendore që nuk është konstituuar pas zgjedhjeve të 30 Qershorit. Prefekti i qarkut ka thirrur paraditen e të hënës mbledhjen e Këshillit të ri Bashkiak, por dorëheqja e Valdrin Pjetrit do të lërë sërish në detyrë kryebashkiaken aktuale. Burime pranë Partisë Socialiste konfirmojnë se gjatë mbledhjes së Këshillit Bashkiak do të konstatohet vetëm vakanca e kryetarit dhe nuk do të zgjidhet një nënkryetar. Ndërkohë që socialistët pritet që të imponojnë vendimmarrjen në Këshillin Bashkiak me 51 këshilltarë të fituar në zgjedhje së bashku me aleatët.

Voltana Ademi edhe të hënën si çdo mëngjes do të jetë në zyrën e saj në Bashkinë e Shkodrës. Drejtuesja e vetme vendore që nuk ka lënë detyrën e saj pas zgjedhjeve të 30 Qershorit, pavarësisht se nuk mori pjesë në zgjedhje, pas dorëheqjes së Valdrin Pjetrit nuk ka një kryetar që ta zëvendësojë.

Disa metra larg godinës së Bashkisë, Prefekti i Qarkut të Shkodrës Çesk Millja ka thirrur mbledhjen për konstituimin e Këshillit Bashkiak dhe zgjedhjen e organeve drejtuese; zgjedhjen e përfaqësuesve të Këshillit të Bashkisë në Këshillin e Qarkut Shkodër dhe shpallja e vlefshmërisë së mandatit të kryetarit të bashkisë Shkodër.

Burime të sigurta pranë Partisë Socialiste, konfirmojnë për ABC News se këshilli i ri, do të vendosë për dy nga tre pikat e rendit të ditës, por nuk do të zgjedhin një zëvendësues për Voltana Ademin.

Të njëjtat burime, konfirmojnë se Këshilli Bashkiak nuk mund të zgjedhë një kryetar të ri, pasi nuk ka fuqi ligjore as të konstatojë përfundimin e mandatit të Ademit e as vakancën për kreun e ri të institucionit. Këtë situatë juridike, ligji nuk e ka parashikuar, e për pasojë, Voltana Ademi do mbetet në detyrë.

Por mbarëvajtja e drejtimit të saj të bashkisë do varet nga marrëdhënia që do ndërtojë me këshillin e ri bashkiak 51 anëtarësh, me socialistë e aleatë të tyre. Kjo mazhorancë absolute, pritet të imponojë çdo vendimmarrje në Bashkinë e re të Shkodrës.

Nga ana e tyre demokratët nuk do të rrinë duarkryq. Pas paralajmërimeve për të mos u thelluar në paligjshmëri, PD do të zhvillojnë një protestë jashtë ambienteve të rektoratit.

Nga kontaktet e ABC News me të dy palët, nuk pritet të ketë tension mes përfaqësuesve të kampeve të ndryshme politike, pasi të qenit banorë të të njëjtit qytet, imponon respektin reciprok. Ndërkohë që Ademi është e gatshme të qëndrojë në detyrë derisa në zyrën e saj të paraqitet një kryetar i për të marrë detyrën./ABC News Albania 24/7

Older Posts

Bashkia e Tiranës plan masash për vitin e ri mësimor

Korçë, Bashkia rihap tregun agroushqimor pas protestave

Veliaj: Përfaqësim dinjitoz i Tiranës në Moskë, Bashkia do t’i mbështesë më të mirët

Punimet në rrugën e Elbasanit përfundojnë brenda 15 Shtatorit

Lapraka së shpejti edhe me bibliotekë të rikonstruktuar

Përfundojnë zyrat e reja të Njësisë 11 në Laprakë

Financat i përgjigjen Ademit: I kemi shlyer pagesat ndaj bashkisë

Voltana Ademi për ABC News: Kundër çdo marrëveshjeje politike për zgjidhjen e krizës

Aksion për të pastruar zonën turistike të Shëngjinit

Shkodër, këshilli i ri nuk do trajtojë çështjen e kryetarit

Beteja për Parisin përçan partinë e Macron

“Sundimi i rendit dhe ligjit” shkon në Bruksel

“Do të më pëlqente azili politik në Francë”