barna

rantindine.jpg
G. P.15:52 | 27/09/2019

Agjencia Kombëtare e Barnave dhe Pajisjeve Mjekësore thotë se ka tërhequr nga tregu të gjitha prodhimet e barnave me princip aktiv “Ranitidine” për përdorim.  Vendimi vjen disa ditë pasi Administrata amerikane për Barnat dhe Ushqimet dhe Agjencia evropiane e Barnave kanë njoftuar se ky medikament që përdoret gjerësisht dhe pa recetë nga mjeku për të ulur sasinë e aciditetit në stomak ka përmbajtje kancerogjene.

Ndryshe nga agjencitë homolge në vendet fqinje që e tërhoqën menjëherë nga tregu këtë bar, Agjencia Kombëtare e Barnave këshillon spitalet dhe mjeket të mos e përdornin këtë ilac. Vetëm sot drejtoresha e Agjencisë, Narvina Sinani, thotë se profesionistëve të shëndetit iu është kërkuar të pezullojnë dhënien e barnave me përmbajtje “Ranitidine”, deri në një njoftim të dytë nga institucionet ndërkombëtare. Në të njëjtën kohë, Sinani shprehet se ka nisur kontrolli i subjekteve farmaceutike dhe paralajmëron masa ne rast të konstatimit të tregtimit të këtij bari./ABC News Albania 24/7

ntac.jpg
G. P.15:28 | 26/09/2019

Agjencitë ndërkombëtare të kontrollit të barnave  kanë njoftuar ndalimin e përdorimit të barit ranitidinë, që merret gjerësisht ne popullate edhe pa recete nga mjeket, për të ulur sasinë e aciditetit në stomak. Vendimi është marrë pasi në këtë bar është zbuluar një substancë që mund të shkaktojë kancer.

Administrata Amerikane për Barna dhe Ushqime dhe Agjencia Evropiane e Barnave kanë njoftuar ndalimin e përdorimit të barit ranitidinë, që përdoret gjerësisht ne popullate edhe pa recete nga mjeket për të ulur sasinë e aciditetit në stomak.

Vendimi është marrë pasi në barnat me lëndë aktive “Ranitidine” duke përfshirë këtu edhe barin “Zantac”, është zbuluar një lënde që klasifikohet si kancerogjene, nitrosamine (NDMA). Administrata amerikane e Barnave thotë se lënda kancerogjene “NDMA”, një substancë që mund të shkaktojë kancer është zbuluar bazuar në disa teste laboratorike ndaj duhet të hiqet nga tregu.

Pas këtij njoftimi të rëndësishëm, Agjencia Kombëtare e Barnave në Shqipëri ka vënë në dijeni profesionistët e shëndetit për këtë efekt anësor të rëndësishëm në barin me lëndë aktive “Ranitidinë”  tabletë, duke përfshirë edhe ilaçin zantac.

Agjencia e Barnave thotë se aktualisht ka pasur vetëm këshillim dhe jo bllokim apo tërheqje të barit nga nga tregu. Për të shmangur efektet anësore, Agjencia e Barnave kërkon nga Urdhri i Farmacistit dhe i Mjekut, që pacientëve t’u jepen informacion për efektet anësore që mund të që mund të shfaqen nga përdorimi barit ranitidinë.

Pacientet këshillohen që nëse e marrin “Ranitidinë” si bar pa recetë, pra me vetëmjekim, të zgjedhin një bar tjetër që mund të përdoret për shqetësimin shëndetësor që ata kanë. Ndërsa pacientët që e marrin “Ranitidinën” me recetë, duhet të flasin me mjekun personal në mënyrë që ai t’iu përshkruajë një mjekim tjetër.

Reagime për barin ranitidinë ka pasur edhe në vendet fqinje. Agjencia Italiane e Barnave, pas tërheqjes së 195 barnave ranitidinë për papastërti të mundshme kancerogjene ka vendosur një ndalim paraprak për përdorimin e 519 ilaçeve që përmbajnë këtë përbërës aktiv. Ndërkohë edhe në Greqi është kërkuar tërheqja e të gjitha medikamenteve ZANTAC që përmbajnë ranitidinë./ABC News Albania 24/7

farmacia.jpg
G. P.14:59 | 05/07/2019

Zgjerohet mbulimi me barna të rimbursueshme me plot 14 barna të reja për sëmundjet kronike dhe ato tumorale. Lajmin e bëri të ditur vetë ministrja e Shëndetësisë dhe Mbrojtjes Sociale, Ogerta Manastirliu gjatë një bashkëbisedimi me gazetarët, e cila ndër të tjera u shpreh se garantohet 100% edhe cilësia e barnave.

Ministrja e Shëndetësisë dhe Mbrojtjes Sociale, Ogerta Manastirliu mblodhi gjatë kësaj të premteje gazetarët për t’ju bërë të ditur listën e re të barnave të rimbursueshme, që i shtohen 14 të tilla.

E pyetur për sigurinë që ofrojnë barnat, Manastirliu u shpreh se garancia është e padiskutueshme. Sipas Ministrisë së Shëndetësisë dhe Mbrojtjes Sociale, fondi në dispozicion për listën e barnave të rimbursueshme është 105 milionë dollarë, duke garantuar një paketë shumë më të plotë të barnave që merren falas nga qytetarët me sëmundje kronike apo akute./ABC News Albania 24/7

QSUT-Lentet-1280x853.jpg
G. P.16:29 | 20/01/2019

Qendra spitalore universitare “Nënë Tereza” do të ketë së shpejti një depo të re farmaceutike, investim i qeverisë shqiptare prej 18 milionë Euro. Në kantierin e punimeve ishte Kryeministri Edi Rama i shoqëruar nga ministrja e Shëndetësisë, Ogerta Manastirliu.

Çdo vit blihen 18 milionë Euro barna prandaj pasja e një depoje farmaceutike me standarde është domosdoshmëri.

“Do ketë 7 dhoma frigoriferike, me të gjitha kushtet optimale që duhan për barnat që vijnë. Ka një magazinë të madhe për të gjithë pjesën e serumeve dhe të gjithë elementëve të tjerë. Çdo bar që futet në QSUT është i skanuar me një barkod dhe gjithashtu kur del, deri sa shkon tek pacienti, gjithashtu me barkodin e vet. Është një investim, i cili siguron dhe garanton cilësi”, tha ministrja Manastirliu.  

Për kryemiistrin Rama investimi i qeverisë së tij prej 18 milionë Euro është siguri për standardet dhe cilësinë e barnave. Sipas njoftimit të zyrës të shtypit të kryeministrisë një tjetër shërbim falas i shtohet listës së shërbimeve falas që garanton qeveria shqiptare në Qendrën Spitalore Universitare “Nënë Tereza”, vendosja e lentes ose e kataraktit, e cila deri dje i kushtonte çdo qytetari që kishte nevojë për këtë shërbim, 700 dollarë.

“QSUT prej këtij viti fillon ofrimin e një shërbimi shumë të rëndësishëm, falas për çdo qytetar që ka nevojë për ndërhyrjen e kataraktit, ose vendosjen e lentes. Do të ofrohet për më shumë se 2000 pacientë në vit, gjithashtu dhe në spitalet rajonale. Spitali Rajonal i Vlorës e ka filluar, gjithashtu pritet të fillojë dhe spitali i Elbasanit”, tha Manastirliu.

Pavarësisht atyre që e turpërojnë vendin nuk duhet harruar se Shqipëria ka mjekë për t’u lavdëruar tha kryeministri Rama.

“Këtu dhe në spitalet në tërësi ka mjekë fantastikë dhe infermierë shumë të devotshëm, kuptohet, ka edhe nga ata që na turpërojnë, por e vërteta është që unë e kam parë me shumë njerëz që kalojnë nga spitali, që ndryshojnë mendim kur bëjnë shërbimin, se presin keq dhe ju del mirë”, u shpreh Rama./abcnews.al

ogerta-manasitrliu1243.jpg
G. P.14:49 | 28/05/2018

Ministria e Shëndetësisë do të rishikojë rregulloren për cilësinë dhe tregtimin e barnave në vend. Ministrja Ogerta Manastirliu thirri në takimin e parë konsultativ përfaqësues të kompanive farmaceutike, importues dhe distributorë.

Ministrja e Shëndetësisë bisedoi për thjeshtimin e procedurave dhe eleminimin e burokracive në sektorin farmaceutik.

Ndërkohe kërkoi sugjerimet e tyre për rregulloren e re për ruajtjen e barnave. Sipas ministres Manastirliu ky dokument është përshtatur me standardet e Bashkimit Europian dhe rekomandimet e Organizatës Botërore të Shëndetësisë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono